ENCHANTÈ CP-1

ENCHANTÈ  CP-1

BY: APHRODITE

"Kan chhungte  chaw ei khawmna ah kan kal dawna" lunch kan ei lai chuan ka ti a. Kan ṭhian ho in Tiffin kan ei  mek ka bula ṭhu Hmuni chuan "khawi ah " alo ti a "Bethlehem ah daih" tih pah chuan ka chaw chu ka ei a "school banah len kan tum ni ber kher ah " tiin ka sir lehlam a ṭhu ṭhaliani chuan ati ve thunga .

Friday ni apiang hian school banah kan leng kawi ṭhina chuvang ania tunah pawh a phun leh hluk tawh.

Tiffin kan ei mek lai chuan kan Miss Latei in min lo ko a "ipa lo kal tawha" alo tih chuan lu bu nghat  nghatin ka tiffin chu la ei thuai thuai a "amak bawrh bawrh i hak a nge" tih pahin Hmuni chuan ka Lehkha bu Dawhkan hnuai a ka dah ho chu ka bag chhungah min lo khung sak ve mawlh mawlh a ."Apa chu lo kal hma e tlai daiha ni awm tho sia ...." chaw hmuam ṭun chuan ka ti a "aiiiii....lem phawt teh kha tui" ṭhaliani chuan ati leh hlak a kan ṭhian zingah ka naupang bera Hmuni hi a upa ber a Ṭhaliani a milai tih takah a phun peih ber.

"Anih ka kal dawn bye bye u " tih pahin ka tlan chhuaka . Kan Class Teacher in minlo hrilh thlap chhan pawh ka pu lungphun ni anih vang ania zingkarah ka pa in kan Miss Chu a phone lawk tawh vang ani. "I van lo kal hma em em Tiffin pawh kan la eizo hman lo hrim hrim" tih nang nang pah chuan kan School Ground a ka pa ding chu ka va pan hnai a "i nu in va lam tawh rawh atih vang alawm"alo ti fel then thung.

In kan thlen chuan ka in bual zuai zuai a ka inthlak fel hnu ah muang changin ka pu te veng lam kan pana u Jenny nen a hnungah kan chuanga ani chu Vestige i ania  kan kum zat pawh kum 6 dawn laiin a in thlau keihi fa an nei tawh dawn lo emaw tih hnu ah ka nu in min paia  November  ni 9 ah ka lo piang ta ani.

Ka pu te in kan thlen chuan kan Cousin dang te pawh an lo awm tawh a ka ni Sawmtein "Awi....Mawimawi kan va in hmu khat tak" tiin a lo ri hluaia ka ni Sawmtei hi chu Serchhip lamah daih an awma chuvang ania kan inhmuh khat.Kan Cousin  ṭhen khat ka la hmuh ngai loh hla deuh hlek tawha kan Cousin  ho pawh an lo kal ve ka vawikhat hmuhna chauh te pawh an awm.Choka lama ka tui in tura ka kal chuan Fridge bulah mipa khat alo dinga "Tui ka lo la lawk" tiin a hnung lam aṭang chuan a darah la va kheuh zeuh a , ka thusawi chu a hrelo nge a awmsawn miah lo "minlo hrethiam lawk Fridge hi ka hawng lawk duh a " ka tih leh pawh chuan ala awmsawn chuanglo .

A beng a chhet ami le ti a ngaihtuah pah chuan a hmalam  ka phei a a sang ang reng si a a hmazawn a ka va awm takah chuan min lo melh chhuk rûn a awi ha Mizo ani miah lo.

Ka lo melh chho ve ran thung , "ahhh...excuse me...can you please" tih chiah ka sawi hman ka cousin tho u Joel an  "Juan lo kal rawh hetah " alo ti a U Joeal chu Choka Veranda lampang aṭangin alo dak .Lawk tunah khan U Joela khan mizo Ṭawngin a lo bia anih chuan hepa hi Mizo ani tihna maw?  Mahse Mizo avan ang lo em em ka hma a ding pa chu ka la melh reng a ka rilru hria ni awm tak hian "mizo ka ni lawm" alo ti a , awi leh a aw chu a pa rapthlak ka hmelah chuan danglam a hmu niang a mithmul kan ang pah hian  " Nice TO Meet you Naupangte" tiin u Joela te awmna lamah chuan a phei a .

A phei lai pawh chu ka thlir zui vawng vawng a hmelṭha lutuk ringawt mahse Mizo anih pawn thlahpawlh tal chu ani hrim hrim a mizo hmel thlawtlo , ka rilru ka kawm veng veng lai chuan u Jenny in Sitting Room aṭangin min lo ko lang lang a tui pawh chu in ta lem lo in la phei leh a .

Hunserh leh eng eng emaw an tih hnu chuan Dar 5 velah chaw kan ei  a u Jenny bulah " u ..U Joela te bula awm ve pa Mizo ang lo deuh saw kan chhungte tho ami" ka tih chuan "aih..saw saw chu Joela ṭhianpa nih saw...Sound vel kha an lo fit pui an tiin ka hria " ati a . Kan sir lamah chuan an ṭhianho chuan an ei ve a ka lo melh lai taka alo hawi thut avang chuan ka thleng ken lai chu ka en nghal zawk mai mi in min hmu se chu nuihzathlak an ti ngawt ang .

Chaw ei kham ah kan ṭhu khawm a an titi hlawm mial mial lai chuan Ka pi in "Mamte nangchu lo riak mai la ilo leng khat si " atih chuan U Joel an "a ngailo zanah a ṭawngvai ve ziah " alo ti pek a rum tawka melh pah hian " ve che aw...ka ṭawngvai tawh ngailo " ka lo ti hlak a puitling dang ho chu an lo nui dar dar tiang hunah hian min chheih ve ziah hepa hi chu .

"E...nilo i tho â zawk" alo tih leh chuan "Nu maduh.....Joela hi"tiin U Joela nu Nu Maduhi lam chu ka hawia "laljoel i nau chheih reng suh" min chhan type deuh a atih chuan ka lo chhiah khum a insiam hmelchhe vak vakin  zombie ho kaldan tho â ho kal dan pawh aniang chu tisng khan action nen a kut hmalam ah phar in a kal der vela ka va han hlap chak tak.

U Joela nen a kan in tih deuh fak fak lai chuan a ṭhianpa a awm ve tih ka hre hnuhnawh a nu thei ang ber chuan ka awm leh vela awi..ka zak lutuk "hmm..i tlawm anih kha " vanlal nghalber maian alo tih leh pawh chuan za lo deuh hian ka lo nui a . A ṭhianpa lam ka hawi chuan a phone chiah alo en thung ka thaw huai thei a chhan chu nichin khan hmel kan in siam chhiat khum nasa lutuk ringawt.

Ka pi in  riak turin min sawm nasa viau mahse inthlakna te ka keng bawk si lo a Kar leh lama riak phei turin kan in thlah liam leh ta phawt a, kan veng kan thlen hma kan tlan lai chuan kan hnung lama U Joela ṭhianpa tlan ve ka hmuh avang chuan Car tukverh chu ti thla in hnunglam chu ka va hawi chhuaka u Jenny in "a vawt khar rawh" atih pawh chuan ka zawm lem lo u Joela ṭhianpa kha a hmelṭha ka ti Bike alo khalh a, a helmet kar a a mitmeng ka hmuh pawh chuan ka lo luangliam nghal em em ringawt. Ka  earphone vuah lai ka hla play nen chuan kan awmdan chu a k-drama riau hian ka hre tlat pek a "Lily of The Valley" kha ka play a atir intro lai nen khan keimah leh keimah chu ka nui leh ver ver ṭhina . Hnung lam hawi reng chu ni theiin ka hre lova kan hnung daih ah tlan tho mahse min lo hmuh takin tiin ka ṭhu ṭha leh a , a khat tawkin hnung lam erawh ka la hawi zeuh zeuh tho.

Ka mut lai te pawh chuan min melh vel lai kha ka mit thla ah cham renga ka star ve ngei a ka hriat avang chuan ka lai ringawt  a hming kha u Joela khan alo ko tih chu ka hria a mahse ka hrechhuak zo tawh lo . Kan ṭhian ho Group ahchuan chhelo deuh alo kal ve thu ka va sawia Ṭhalianin min lo reply nghal "khawi mi" alo tih chuan "an veng ka hrelo mahse a chhelo rapthlak mizo pawh anglo u Joela ṭhianpa ania" ka ti nghal zung zung a ."khawi maw pic chu"alo tih leh chuan "ka neilo" ka ti a "mawla....a thla lo lak ruk sak ta che..."alo tih chuan ka lo lak ruk sak lova aw! Tiin ka ngaihtuah leh hnuhnawh a .

"Tu maw Chicks" Hmunin alo tih ve chuan ka sawi ngai ang bawkin ka lo hrilh ve leh a kan in biak dan vel te leh mizo ani lo emaw ti a English a ka biak thu te chu ka sawia "awi.....iva han che ṭawi tak" tiin  emoji hmang chuan an lo nui vak vak a ka che ṭhing ve em a tin ni.

Kar thar ani a School pawh kan kal leh tawh .

Class ka thleng chu kan Senior chhuak ta ho an lo awm nuala "enge an lo tih" ti a kan class CR ka zawh chuan "Vawiin ah Blood Donation kan nei dawna an lo pe ve dawn " ati a lu bu nghat nghat in kan Seat  lam ka pan a ka ṭhiani te pahnih chu an lo la thleng lo dar ri  ṭep tawh sia an tlai dawn nih hi . "Mawimawi Mawimawi" tih pah hian Ṭhaliani leh Hmuni chu an lo tlan phei a "enge enge" ka lo tih ve chuan "i U Joela kan hmu a abulah i sawipa ang deuh kha kan hmu" an tih chuan ka thin a phu nghal ringawt . "Khawi ah maw" ka lo tih chuan "khu tah  Principal te nen an lo chhoh ka ring" ati a kan Principal  hmeichhia ani a Spanish  an tiin ka hria a pasal chu Mizo ani daih thung ka hmu ve fo ve an pa pawh .

"Ehee..lawkin Mawimawi i star pa hi Principal te fapa chu ani hrim hrim an sawi kha hmani ah Principal fapa alo haw  an tih luai luai kha " Hmunin atih chuan "awi..ka hre bik lo e ah " ka lo ti a . Pawnah chuan kan va chhuak leh a Principal te lo chho chu lan en sup sup hi ani ber u  Joela pawh a Ṭhianpa nen khan Principal hnung chiahah an lo kala kan Senior ve tho ania u Joela pawh hi Principal Mariai pawn a duat lutuk ringawt amah lehkha thiam thei anij mai bakah a chhelo ve reuh sia .

Hmeichhe ho chu an  in be ru sar sar hlawm a an lo star ve chuan ka ngei viau ang ti rilru in tu hriat si loh hian ka lo thinrim ru ṭeuh ringawt. U Joelan min lo hmuh chuan kam lamah alo phei a "I pe ve dawn ami " ka lo tih chuan

 "dawn e.....le"  tiin a ban chu in la sek vel a a ṭhianpa khan alo zui phei a "e taka...Juan heihi ka nau anih hi  hmani tlai pawn i hmuh tawh kha tho á ṭhin kha " ati deuh kher avang chuan a ke ah ka lo rah sak sawka na tiin a ṭe nghal ruai mai "lalrinmawi ka ke hi ....i rap khawlo vek tawh" tih pahin a khawngkhaw bai euh euh a 

"Juana" wow a hming te chu  a pa "ka hria lawm mizo ka ni lo  emaw atia" alo tih ve chuan ka lo melh chho vata ka ṭhiante pahnih in ka hnung ah min lo sik char char tawh.

U Joela chu nui hak hak pahin "a mawl deuha he naupang hi chu hriatthiam ngai " min chheih tih ka hriat avang chuan engtin mah ka ti peih tawhlo."Chho ang i nu khan Box keng thla ru a tih kha " u Joel a bawk chuan ati leh a .

Juana chu lu bu nghatin  ka lam chu alo hawi leh a "Enchentè " tiin alo nui suk a ka mit ah tak min en bawk sia mak ti lutuk in ka lo melh haw thung "lulian ...nice to meet you tihna nih kha" tiin u Joel an ka chalah alo kuk fawka "ana.." tiin ka tuai nghal  a "aw....nangpawh"ka lo ti mawl ve tawp tawh . A nui ri leu suk ka hriat chuan ka zak tawh lutuk ringawt.

An chhoh hnu ah ka ṭhiante pahnih chuan "awiii...a Man tawp in in hmeh dawn lutuk" an ti nghala lo nui sang pah hian "kan in hmeh dawn tiraw" ka lo ti ve a "aw....dawn a melh dan che kha a chhungril" Ṭhalianin alo tih chuan ka Romol ken in ka hmai la khuh a ka nuam ti lutuk leh zak,bawksi chu ka nui var var mai ni.

Blood Donation pe tura  kan in tlar ṭhap lai chuan kan hnung ah Vanlalzawma te ho in min lo chheih renga "in va han ninawm tak  in line  ve ve hle hle ru in pâ lo lutuk" Hmuninati a ngatan vak mah an ngai lem lo anianga khat tawk hian "Mawimawi.... i zûn zam ani" tiin an zai leh ṭhina . Kan ṭhian ho chuan beng te kan lo hup vel.

Ka ṭhiante pahnih chu thisen pe turin an tling a kei ka hun a thlenve chuan ka BP alo hniam mai bakah White Blood ka lo tlachham deuh a ka pe ve theilo chu nuam ka ti lo ka ṭhiante pawh chuan 'pek luih tumsuh nangmah zawk pek let daih i ngai palh ang' tiin min chheih a pek ka duh ve teh lul nen.

U Joela leh Juana te pawh an lo pe ve a Juana chu ka lo en leh deuh veuh veuh ṭhin a hmelṭha em a tin ni. Kan school hmeichhe dangte pawn hmelṭha an ti ve dawn chiang alawm ka lo huphurh ve ringawt nia. 

Kan School chuan Unit 82 lai kan pe ve thei a ka pe ve lo na in ka ṭhiante chu ka lo nghak ve char char a Teachers nen a haw theih tih pawh an la sawilo hrim hrim bawk a , u Joela te ṭhian dun kha chu ka hmu leh tawh lo hrim hrim. Kan class mipa ho chu kan class room ah chuan an lo mu ṭhup a "ehe...teh dual che u chuan" Hmunin a tih chuan Sepa kan class a nghal ve deuh ber ang chi hian "kan chau anih hi Mawimawi Keventer kha pakhat min va lak sak lawk please in" alo ti a  sawi buai lem lovin Section A ho in a thisen pe ho ei tur an semna lamah chuan ka phei a "Julie Keventer kha pakhat min lo pe Vanlalsepan min lo lak atia" tiin ka va sawi nghal a .

"Kha mihring kha vawi thum alo lakna ani tawh ngaihna awmlo " tih pah in min pe ve mai bawka Laljosepha mai mai chu alak belh tawh reng sia min ti zak lutuk.......... kan Section lam ka pan lai chuan mi pakhat nen kan in su dawt a ka keventer ken lai pawh chu a thlawk ka ti mai sang deuh ah a in vawrh ka thil ken laiin lei a thlen rual chuan min lo su tu chu ka en ve nghala . "Lal Mawimawi i kal kawng en ta che"  Joela lo ni "nangmah zawk  a nih kha en lo aw" ka lo ti ve thung a u Joela bula ding chu Juana bawk kha lo ni ka che chhe thei lutuk hi a rukin min nuih ka ring. Keventer ka chhar leh hnu ah kan Section lam panin ka kalsan dun nal nal a Separate lo mu chu a thin zawnah ka va nghat deuh chawrha alo tho chhuak hluai "iva fel tak nang nge nge" tih pah hian ka sam a lo tuai thur kher a "ka sam" tih pahin ka tawlh hla nghal bawk. 

Nui kur kur chungin a in a Hmuni te pahnih pawh an lu hai ve deuh ni tur ani dawhkan chungah an bawk ngâi mai. "Ala haw theih loh mi le" ka ṭhiante bula ṭhut pah chuan ka ti a 

"Pawh..haw ka duh ka lu hai deuh in ka hria" ṭhalianin alo ti ve thunga . Dar 2 leh chanve velah kan haw ve ta hram a leng kawi lem lovin bus stand lam kan pan nghala Ṭhaliani chuan Bus stand thleng min thlaha Hmuni nen kan haw na in an vangin ani chu kan School thlang lawkah an in a awma ti hian school ban apiangin min thlah ṭhin.

"Mawi..keichu I star pa nen khan in in hmeh dawn riau in ka hria " Bus a kan chuan lai chuan ati a Bus chu tawt viau na in seat kan chang a kei hi tukverh bula ṭhut ngai ngei ngei ang chi kha ka ni. "Nimaw.....ah...mahse u Joela ṭhianpa ni kher a " ka tih nang nang chuan "pawilo damnn......lal Joela mai mai i hlau ami" atih chuan "chutiang lam pawh nilo

Anu te hrilh dawn sin...ka star tih hriat chuan nghal ropui si " ka lo ti ve leh a chek tlak tlak pah hian "uiii...i ho " ati hluai a abak engmah a sawi leh tawh chuang lem hlei lo a .

Zanah pawh chuan ka rilru ah awm reng a instagram vel hi a khawih a ngem le? Ka phone chu la in ka search nghal a 'Juan' tih tawpin ka zawnga mahse hnam dang leh amah mi lo hlir an lo lang. U Joela hian a follow ngem le tiin u Joela following ho chu ka en a Juana awmang reng reng ka hmulo kan Juana pui reuh hian Social Media a khawih vak lo nih dawn hi ti rilru neuh neuh in khum ah chuan ka mu thla hnawk a.

Kar a liama August thla tawp kan thleng leh der tawh 1st term Exam ah Top 5 ah ka lang ve ngei a ka pa in ar vulh la min ti nih chu  ka nu pawn alo ti ve tho a u Jenny chuan Vestige ami 'Combiotic' thau na atia min pe ve bawk a 

"Kha hei hi ei la i thau ve mai ang hmelṭha viau mahla hnute i neih loh chuan an duh chuang lo ang che mipa ten" ati deuh kher a "awi......kher a che aw ka ta hi ka duhtawk chiah a Korean daih zawk chu lo ah te chhe zawk zawk pawh ni lova .....kawr vel pawh ka inhmeh pui daih zawk" ka lo ti hlak hlak a nui kur kur chungin ka Room chu min chhuah san ve ta hram.

Ka nu leh pa ten ar vulh kha an  lo ti tak tak a Inrinni ah Ar 10 vel an va la "kawtah sawn a in tur kan sa anga ....ni hmu tha se an ngaih in ka hria" ka pa in tukṭhuan kan ei lai chuan ati a .

"Chaw pawh ka la pe ngai si lova min lo chuk vel ange aw" ka tih chuan "chuk lo veee.....a nei tu chu an hre lutuk" alo ti leh then a , ka u in 

"nia...lehkha ringawt thiama in chhung sekrek khawih i thiam tel loh chuan mipa ten an duh lo ang che " alo ti leh tawh ngaihna awmlo henu hi mipa te lam hlir a ngaihtuah nia.

"Ni e....mamte i u sawi chu dik chiah...ar pawh hi i vulh tur bik ani chuang lo a chaw te pawh kan pe ve dawn tho a mahse puitlin  in zirna zel ania " ka nu  chuan alo ti ve thunga . Ka ngaihtuaha an sawi hi chu a dik ve a mahse ar han vulh kher chu .

"I ar te chu an lian tawh em " Hmunin class ka luh rual rualin  alo ti a chek hlak pah hian "teuh  lnang an  la eng vek...." tih pah in ka bag chu ka nghat a nui ṭhaw chung hian Sepan "ar i vulh elaw " alo ti a "aw....apa te min lak sak a " ka lo ti ve maia "ehe..keipawh ka pa kan lak tir ve teh ang" alo tih chuan "eng vangin maw" ka lo ti nghal thuaia "ka vulh ve chak Pocket money ah"  ka chhang tawh lem lo Hmuni nen chuan pawnah kan chhuaka Ṭhaliani hi school hnaih bera awm si a tlai thei ber.

"I van tlai thei em em " Hmunin alo ti nghal a haw hlawp hlawp hian "thawh ka hai" a ti a Hmuni nen kan in melh ralh thawh hi nitin a hai ziah.

Lunch Break ah Principal  nu a boral avangin Chawhnu class kan chawl a students ho chu kan lawm ni ber chhan chu kan chawl miaua.

Juana pi a thi tih ka hre hnuhnawh leh a ka mood chawp leh chilhin a off ve nghal 

Ka pu boral pawh khan hreawm ka ti viau anih kha Juana pawn vawiin ah api a chan a , a tuar ve viau in ka ring.

In ka thlen chuan u Joela lo awm ve hlawl a 

"Mamte thingpui min lo lum rawh aw" ka hmel a hmuh ruala alo tih chuan "lum ve mai rawh ka inthlak dawn" tiiin ka room lam ah chhoh ka tum a  ka mit sirin U Joela chiah a ṭhulo tih ka hriat chuan rang deuhin ka hawi phei leh a 

Awi leh..Juana kha  lo ṭhu ve kur nia rang deuhin step ah chuan ka chho a ka inthlak sawk sawk hnu ah inhnuai ka chhuk leh nghal a

Ka nu leh pa pawh an lo awm tawh.

Tîm ru deuh hian an ṭhutna lamah chuan kava phei a Ka pa in Juana lo be mek . U Joela bulah chuan ka ṭhu a "a pi a thi ani lawm ni enge hetah alo tih a " a beng bulah chuan ka ti ru sar sar a u Joela chuan min chhang lo hian ka mit ah min lo en duh lek chauh hepa  hi in la cool leh tawh. A hnung zangah chuan ka sik a alo eu zawk mai min en leh vut a chutah ka sawi ang bawka zawi hian "naupang hriat chi loh "  alo ti pek anih chu awi ka lo melh rum kha kha ringawt .

"Juan chaw ei ve nghal la " ka nu in atih chuan 

"Aih...ei lo ang ni dangah zawk" tiin a nui. A nui han  hmelṭhat zia chu maw ka taksa pumpui a fan chhuak hi ni ringawt mizo a anglo ka tih tawh kha.

"Mamte thingpui han lum la i u Joela te pahnih tan khan" ka pa in alo ti ta chiah "han lum rawh le mamte" ka bula ṭhu  in nui za aw lek lek alo tih chuan ka mel rum leh chiam a choka lamah pheiin ka va lum a Juana chu ka hmu thei a mipa ka mit ngei a ka hmuh tawh ah chuan ala hmelṭha ber em em ana.

Kan  inleng te pahnih chu thingpui ka pe a Juana bul a ṭhut na chance tiin Juana ka pek pah chuan a bulah ka ṭhu a , ka ṭhu chiah ti ah ka pa in "keipawh a hangin min han siam ve leh si teh " nui huah huah hian ati a . Juana awm ve lo se chu ka ang leh phawt ang ka ring "awle" tiin choka ah ka phei leh a  ka pa thingpui ken phei pah chuan "nu i duh ve em " ka ti phei a

"Enge awmzia kan Mawimawii chu" ka pa in alo tih chuan Juana ka en hmasa phawt a min lo melh let ve avang chuan ka pa lam chu ka hawi leh nghal vat a "ah..enge ni vak...puitlin ka zir tawh dawn lawm....haha" ka nui chu a lem viau in ka ring ka nu pawh chuan "zaidam i zir tel nghal ani maw" alo ti ve ka nu leh pa te hi ka duhai in an ka a kal tlat.

Lu ka lo buk nghat nghat chuan kan rannnung khawi alo ṭawng veleh chiah "nge ni a....mark hmuh ṭhat i tum zawk " alo ti pek anih chu 

"Ahhh...engah chuan maw "  ka lo ti nghala ka nu te pawn u Joela chu an en ve ha bawk.

Ka rilru chuan ka hnek chiang viau ang ka ti rilru mawlh mawlh tawh. Joela ṭawng leh hun ka chan ran lai chuan Juana phone alo ri a  "Nu Es kan phei mai dawn sin "  u Joelan alo ti  leh hlauh mai ka lo thaw huai a Juana pawh chuan nidang ah chaw chu kan lo la ei ang tiin ka nu leh pa te a chibai hnu ah an chhuak dun a .

Pawn an chhuak chiah ti ah inchungah ka tlan chho nghal a ka room Veranda aṭangin an kal lai chu ka thlir a Juana chuan a bike kha alo keng a u Joela a chuan ackeng velo an lo in phur aniang. Juan an a helmet a khum dawn chiah ti ah alo hawi chho thut a ka lo ṭhu pil nghal zuk mai , min hmu hman a ngem le ka thin chu phu rang ziai ziai tak ani.

An inkhalh chhuak ri ka hriat hma chu ka ṭhu char char a an in khalh chhuak ta maw ti ah muang changin ka ding chhuaka "enge itih" u Jenny in hnung lam aṭanga  alo tih chuan ka phu leh zawk mai "min ti phu lawm" tiin ka thin zawn chu ka dawm vang vang a "hmmm..phutna tham loh em mai ah...lo kal teh thil te te ka pe ang che"  atih leh takah chuan inchhung lamah chuan ka lut a a room ah min hruai phei a "kha" tiin Silicon hnute lem min pe anih chu "Lalhriatpui" ka tih chuan alo nui kar kar a "felfeli te in neih ni ah i hmang dawn nia ...chu tah lo pawh" atih leh chuan "awiiiii...leh hetiang ka mamawh  in i hria em mi ni" ka tih leh chuan alo bu nghat nghat a. 

Lawmthu pawh sawi lem lovin a bawm nen chuan ka room ah ka keng phei ta tho a darthlalang hma ah chuan dingin ka ta hi ka duhtawk chiaha blackpink ho ai pawhin a lian a lian over nei se min ti  mi le ......ka duh lo hrim hrim lianpui neih. Lungawi lo ru deuh nui za deuh reuh bawk si chuan ka thil dah ṭhatna percel ah chuan ka khung ṭha hmak a inbual turin ka lut zui nghal .

Hun leh ni te a kal ve zela HSSLC  exam pawh kan hnaih ruak tawh Hostel ah kan awm vek tawha thlasik lai anih avangin Hmuni kei leh Ṭhaliani te nen Dorm a ei tur a rukin kan chhek khawl ṭeuha ṭum khat phei chu sir Eman min man teuh lutuk .

Christmas te a hnaih tawh avangin Hostel aṭangin kan chhuaka ka chhungte chuan Thil chi hrang hrang min lo lei sak nuala U Joela Leh Juana te College luhna ah luh ka tum ruh bur a chumi tur erawh chuan a chhe berah 1st a ka pass ngei ngei angai . Pass ngei pawh ka tuma Chawlh lai mah nise ka zir ve ṭang ṭang 

"Mamte inhnuai ah lo chhuk ve teh i inkhung ngawr ngawr em mai" ka pa in ka room kawngkhar lo hawn dek dek  pah hian ati a "aww...ka lo chhuk ang hei kan ziak zo lawk" tiin ka lo chhang maia.

Ka Subject lak hi Arts ania History psychology leh Political Science mi ten a awl ti a an sawi hi chu ka ngei ve riau zel alawm Arts tih vanga awl sam bikna vak a awmlo Science nen chuan ka tehkhin duh chuanglo thung a chhan chu 

U Jenny hian Science ala a kei ai a thiam thei zawka Hostel ah kum tluan in  a awm bawk har ati lutuk tlat mahse ani Chu Distinction ah a pass tho. 

In hnuai a ka chhuk chuan U Joela leh Juana ka hmu hlawl a Juana mawlh chu ni alo chhelo leh pek lutuk . Ka hmu khat sia school ah hian ka hmu ve zeuh zeuh a mahse a khat hle thung, 

"I van ṭang ve a" u Joel an alo tih chuan "ṭang ve bawk ang chu ...." ka lo ti a "college kal i tum em"  ti a min zawh leh chuan "umm..kal dawn" ka lo ti vat a . Ka pa in "Khawi College ah nge niang " alo tih ve chuan "u Joela te College ah hian Polsc. Major ka tuma a ṭha an tia" ka tih chuan "keipawn Polsc alawm ka lak" Juana lam ka hawi  chuan min lo en chiang hle , rang lutukin ka hawisawn leh nghal vata alo ṭawng ve ka ring miah lo .

"Ka ṭhiante nen ania chuvang nia 1st ah tal pass a ngai alawm" tiin ka sawi ta daiha . Ka nu in thingpui min lum tir leh hnu ah pawnah ka chhuaka aruka ka star ve deuh pa kan in ah alo leng ve zeuh zeuh zel tih vel mai mai ka ngaihtuaha keimah in ka lo nui vur vur a 

"Nuam awm ve a" lo ti chu Juana lo ni engtik laiin nge pawnah alo chhuah ka hre miah lo 

"zan boruak hi a nuam em a athiang sia" ka lo ti deuh duah a "nia...kan College ah maw i luh dawn" ti a min zawh chuan ka lo bu nghat nghat a "ṭha lawm ....lo lut rawh" tih pahin kan kawt zawla pipu uaina ah chuan a phei a . Engmah ka sawilo ngawi rengin ka lo en tawp mai ni "an chhelo hlawm lutuk" atih leh takah chuan ka lo nui hak hak a "aho e.....star ka nei lawm midang ka duh dawn teuh lo" ka lo ti a lawkin tunah khan ka sawi hman teuh lutuk.

Ngun deuha Juana ngeiin min melh tak ranah chuan ka zam vel nia "enge khatia min en reng" ka lo ti a "naupang in Star star an sawi ngailo" alo tih chuan ka lo chek tlak tlak a "kum 17 ka ni tawh lawm naupang ka ni tawhlo" ti a ka lo chhan ve na chuan anui ati za ani chêk ang chu alo nui hak a "kum pawh ila tlin loh kha " tih leh ka hma zawna lo din a ruala "naupang" ka chhip lo tuai zeuh a    nui sukin  inchhungah min luhsan .

Awi leh keihi naupang ka ni tawh re re lo ka puitling ve tawh khapa pui khan naupang angin min ngai a mi le  nge ni a ka naupang ati zawk

Naaaa.....' naupang' tia ka lu a khawih lai kha ka ngaihtuah let a ka hlim leh ang lawi a.

Christmas kan hmang zo a kum tharah Hostel kan lut leh sap sap a ka nu ten ka dam loh an hlau ngang mai thawmhnaw lum ha reng turin min chah a u Jenny i pawn Lotion 3 vel min ken tir ka  chat a hlau a.

Kan Hostel luhni chuan kan ṭhian ho in thil kan sawi leh sap sap a chawlh lai pawn kan awm khawm zeuh zeuh tho a Hostel ah hi chuan a dan adang bik tlat alawm. 

Hun a kal chak in kan exam zawh ni chuan Juana ka hmu a "chhang ṭha em " ti a min zawh chuan "pangai nimai" ka lo ti ve a  "ṭha naupang fel" ti in a nui leh zuk tawh a ngaihna hrelo zeta ka lo melh reng lai chuan a aw athian kharh kharh a "kan college ah chuan ka lo nghak dawn che nia" tiin min kal pel a asawi awmzia ka hrethiam lo chuan "khawi ah maw" tiin a tukhum chu ka melh ani mai ang chu min chhang tawh miah lo in kan School bul dawrah chuan a lut daih.

Kan result chhuah ni chuan ka pa in ṭhen rual ṭha te sawm khawmin Distinction ah ka lo Pass ve khiah bawk nen an lawm ngang mai a an lawm ai nasa in ka lawm mah awm e ,tunah chuan Juana nen College khatah kan lut thei dawn tih chiah ka Result ka hmuh aṭangin ka rilru ah awm teh thlawt ah .

Kan ṭhian ho chu D ah kan pass vek a Polsc , English leh History ah Later ka hmu a Polsc ah ka hmu chu ka lawm zual bik a chhan chu anuam ka tia chu mai bakah Juana pawn Polsc a ala ka thiam loh te ka zawt thei anga tih vel chuan kei chu min ti hlim ber.

Kan Result ni chhuah zanah chuan number hlang hian min lo congrats a "ka lawm e"  tiin ka reply ve mai a tunge anih ka hre chuanglo a seen a min reply leh tawh chuang lo.Zingah ka pa nen Juana te College a Admision ti turin kan kal duna ka pa ṭhianpa a thawh ve avangin ka lut thei chiangsa tih chu ka chiang .

Admission kan tih ni chuan Form leh lei tur eng eng emaw kan lei nghal vek a ka pa ṭhianpa  Sir Tluanga chuan "Mawimawii chu kan College Topper nih tur aw" atih chuan ka lo nui maia ka pa nen an inbiak leh hnu ah kan haw ve ta chauh.

Kan ṭhian ho Group ah Admission ka tih fel tawh thu te ka va sawia an ni chuan naktuk lama an va tih tur thu an lo sawi "Mawii i phur tawh em Juana hmu reng thei tawh nga nuam awm vel e" Hmuni chuan alo ti a "phur tih piah lam daih" ka lo ti nghal vat a nui vak vak emoji hmang in Ṭhaliani  chuan "bialnu te kha alo nei ṭut ange aw" alo ti a .Ka mood a off nghel vek thei nia "ehe a nei dawn chiangsa" Hmunin alo tih ve chuan "heyyyyy...." ka lo ti tuarah an lo nui dun nghek.

Nei lo se ka ti a neih chuan ka ngei ngawt ang

Ti rilru neuh neuhin thil ka ngaihtuahvel a College kal ni hmasak ber tur te ka suangtuah vela atawpah Juana ah bawk atawp leh ṭhin  ka muthilh lai reng ka hrelo ka harh leh chuan alo eng ut tawh.

CONT-