DUHTAK JOHAN CP-1

DUHTAK JOHAN CP-1

Ziaktu : Mals Ralte. 

(A story chhunga kan luh tak tak hma in , sawi duh ka nei a, he story hi copy chhawn emaw hmun danga Post phal anilo, tichuan rei tak hnu ah thawnthu ziah leh tan ka tum a, khawngaihin min lo ngaihhlut ,sak hram hram dawn ania, Punctuation dik lo tam tak te, a awm nual in ka ring a. Min lo hrilh zel dawn nia, spelling mistake a tam viau bawk maithei , mahse nuam takin min lo chhiar sak theuh dawn nia ka lawm e. ) 

"I Mawl em ni?" ,

"Mawl miah lo"

"I mawl hle mai, nge i â zawk tikhan enge ilo chet phut a" 

"Tinge ka lo chet phut a" , mit ko a san zui âk a, ka lo thaw hak mai.

"Nei rawh ka pe daih ang che" tih leh in her ka rual a, min pek ka rin vanga chutianga sawi chu ka ni bawk.

Mahse le , ka tactic chu a fuh chiah lo, 

"Ka lawm e, Par!" Tiin a che hrut a, an in lamah a phei nghal nal nal mawle...

Ehee!!! Avan han ti awm ang lo, ka lei thar ve chauh sin le...

Ka au let hman tep ti ah , kawngpui leh lam inchung atanga min lo ko tu an awm avang chuan ka han hawi chho ve vat a,

Ka thiannu Cindy ani.

"I Note book a hawn leh ringawt tawh mi" alo tih chuan, ka meng rum te te a, "aww...ka ngei nia aw lo chhuk teh" ka ti zui hlak a, 

Lallawmkima bawk mawlee!!!!!

Ka dawr kal lai min lo zui ru a, ka note book lei thar , cheng sawm thum man lai lai leh nghal, lem ziah nan atia min laksak daih a, ka la let dawn khawp.

Ka thiannu lo chhuk ka nghah chhungin phone ah chuan message ka type mial mial a, Lawmkima tan liau liau.

"Ka note book kha chu i duh leh nei rawh....mahse i thianpa 1 kha bialnu a neih leh neih loh min lo zawh" tiin nui vur vur chung chuang ka type a.

Ka thiannu in ka dar a, alo vawn thut chuan ka phu chiam leh nghal.

"Enge iva nui ve ...ka nui ve duh" alo ti nghal zat a, "Lawmkima thiante star i nei maw!!!" 

Mak tih hmel zet hian a ti a, "aaaaihh..star em em pawh ni chiah lo vawi khat chiah ka la hmu, a zia ve reuh ka tia, leh ka chhuanlam pah mai mai nih hi" 

Tiin ka nui leh vur vur a, 

Ka ban ah lo kuah in, Kan mi mawla te in lam pan chuan min kal phei pui nghal dawr dawr a, 

Kawngkhar kan va kik dat dat a, an ui in min lo chhawn hmasa ber.

Lawmkima nu in kawng ka min lo hawn chuan chapal phelh in Lawma room lamah kan lut tlang nghal a, 

Kik pawh kik miah lo a, lut kan nih avang chuan alo la hawi phawk em em zui.

"Kawngkhar kik nachang hria ang aw ladies" alo ti vei fahran a, Cindy za lo tawk tawk in a nui har har mai, 

"I thianpa chu" tih leh a khum tlang a thut ka rual a, ka kut lehlam in ka in ben khalh deuh ran bawk.

Min lo melh ralh a, "i lerh si... Tuman lerh an duh lo ang" alo tih chuan ka lo ter nghal at mai.

"Khanglang a! Ka lerh hlawl lo , lerh ila bialpa pawh ka ngah tawh ngawt ang....!" Uar fahran in ka kut zawng zawng nen ka phar a, ka thiannu chuan min lo pawm pui tih hriat takin. Mit mu che ralh ralh khawp in alo bu ve.

"Tunge i star ve a hrim hrim in, hmani a i sawi ve zuai te kha in ni leh dawn ta lo em ni?" , "naa....nihpui em em tur pawn ka en lo , amah kha chu a zia ve reng a, mahse a sang lo lutuk a, 

Leh a tawng duh lo mah mah, kan zia in mil vak lo , kan titi duh zawng a in ang lo lutuk a, inbiak a har lutuk" , ka ti ve mai a.

November thla tir lamah khan biak ve deuh ka nei a, lukawlh lil lel deuh mai hi ania, 'Pangparhnima' ang ka tih vang chauha be tha ka ni nghe nghe.

Mahse Kar hnih vel kan inbiak pawh khan hma kan sawn thei lo reng reng, kawnchei min fanpui tur ani dawn lo anih ka ring nghet bur a, ka be ta lo hmak mai.

"Taka Naktuk chu lo kal ve ula.." tiin ka thiante pahnih chu ka melh tawn zak zak a, "khawi ah?" , an lo ti rual thawt mai.

"Ihh...apu te ho nen Hmuifang ah kan kal dawn a, thla, lak pah vel mai mai in" , 

"Yess!! Ka lo kal ve ang anu ka dil nga" Cindy'n atih chuan kan phul hlut a, Lawma erawh a ne ne kual vel mai mai ....

A thiante ho nen khawi khawi emaw ah an len leh tho ka ring.

Dik tak chuan , Lawmkima thiante ah star pawh ka neilo, kan veng ami an ni hlawm lo a, ka sawi ve mai mai, mahse hmani deuh kha chuan chhelo tih ve deuh mai chu ka nei a, mahse a hmel awm dan tak phei chu ka hre leh tawh Chuang lo. 

Thlasik ani chho tak tak tawh a, zan lam phei chu a vawt tawh lutuk , naktuk kan kalna tur in ka rilru a luah reng a, ka helh hawlh, hmuifang hi ka la kal lo hrim hrim a, 

Thlalak ah chuan ka hmu fo a, Motor ka rui zeuh zeuh bawk si nen, chhungte an kal pawn ka kal tha ve peih lo .

"Parte..., Zo....Zothan, ..Zothanpar" ! ka va ning sek ee... Keimah a mut ka chak ve tawh sin le....

Ka room kawngkhar ka hawn rual in, ka nu leh kan te ber Owen-a lukham nen alo ding teu a, ka melh chhuk rûn mai, 

"Kha i bulah a mu chak a, lo mut tir rawh" , "ninawm e ! A khum ah mu ve mai se enge!!" 

Ka la ding reng a, he nau hi chu mi hi a ngaina leh lutuk a, naupang lawm deuh chi ka ni bawk si lo nen, a bikin mahnu naute tak tak phei chu ka lawm lo leh zual.

"Lo mut tir mai mai rawh" , "va mu rawh le..ka tuaite" tih pahin Owen chu a biangah a chuk zeuh a, kei min lo melh leh in "lo hau miah suh ang che" atih hram kha.

Khum ah chuan Owen chu a tlan phei nghal tawr tawr a, "khaaa..ke lawngin i tlan a khum ah i lawn nghal ringawt a" 

Pawr fahran hian ka ti a, a ke chu doormat ah a tat fai nghal sawk sawk a, a ngai te in khum ah chuan a mu leh thân mai.

Naupang sual pawh anilo, mahse keimah in ka mu ve chak tawh em atin ni.....

"U Parte naktuk ah hian enge kan tih dawn" ka bula mu te reuh chuan alo ti a, "hmun nuam tawk ah kan leng dawn i kal ve dawn mi?" 

Alu alo bu sawk sawk a, "apu in lo kal ve ngei ngei rawh min ti a, mahse ama te chu an kal ve dawn lo ami" , "aw...kal dawn lo ka veng peih dawn lo che sin le Ama te bulah kal ve zawk mai la" 

Ka nuih tlawn a, mahse inthlahrung deuh si hian a nui a nui a, a kal chak lo tih chu sawi kher lo mahse a hmelah hian ava han chiang rapthlak tak .

Ka nuih ta ringawt a, a Tablet ah chuan YouTube a en a, reilo te ah alo hnar deuh sek sek a, tablet chu ka off sak a, 

Saisir zawngin ka mut tir a, anih loh chuan a hnar zel a, ka hlauthawng thin, zanlai ah te hian a thawk leh thawk loh ka fiah ziah.

Zing Dar 7 velah thawm a awm ṭan a 

Kan veng hi Aizawl hmun lai lai em em lo ani a, mahse zing karah mi an tho hma thei in, Sunday tuk zing phei chuan Pathian hla nen an bei hma thei lutuk.

Kawmchhak pa pawh zingkar atangin 

'Lalchungnung' ati leh dur dur tawh mai.

Ka lu kham in ka beng ka hup a, ka la tho peih lo ka tih rilruk lai mekin ka nau chiah Duhin min lo ko tuarh tuarh mai.

"Ka tho dawn!" An ai pawr chuan ka ti let a, ka bula mu chu a tho daih tawh, khum mawng lamah ka ke ka per deuh et et reng a, 

Ka nu lo lut pawh chu ka hrelo Parda a tihhlim rual a eng lo lut chu , a eng kher mai!!!

"Tho rawh....chaw ei hma angai in leng dawn ani lawm ni zingkar ah ka pa in dar 10 ah chuan lo in peih vek tawh rawhse alo tih kha" atih chuan ka tho thut a, 

Ka lu a hai mup thei.

"Tunah dar engzah nge" ka tih chuan, 

"Dar 8 " tiin min lo chhang a, 

"Ala hma em mai....reilo te 5mins chiah aw ka nu" 

Tiin khum ah chuan ka mu thla leh hnawk a, 

Mahse le ka rizai sin lai alo pawt hlim thut a, a vawt nghal surh mai.

"A vawtt" ka tih chuan , "in perh tho rawh , keini te chu zingkar ah buhfaitham te kan khawn vek tawh vawt pawh kan hre tawh lo nula ve su mut duh lutuk" 

Ati zui hlak hlak a, "nula ve si min tia, bialpa neih in phal Chuang si loa" zawi te te a, ka tih sep sep chu alo hria ani chêk ang! 

Ka mawng ah min lo beng zawt a

"Ana" tih pahin ka nui hak hak a, 

"Tho la inbual rawh i hak tur te kha i buai leh vak ange" , tiin min chhuah san zui a.

Ka nun chu hei hi ni, Aizawl veng pakhat ah kan khawsa a, kan veng hi ni a hmu tha em em lo ti ila a hmu tha mah mah maithei, tlang sang lai a awm kan nih avangin thli a tam a, view pawh nuam thaw khat ve tak ani.

Ka chhungte nen hian Colony in kan awm a, kan thenawm zawng zawng hi kan chhungte vek an ni.

Mahse a nuam, thil tih ni khua ah mahse nawm loh chang pawh a tam tho.

Kum 19 ka ni a, College zawm lo in ka awm awm in ka awm vel mai mai rih, ka thiannu Cindy nen hian Tet te atanga in kawm kan ni a, school khat a kal kan nih mai piah lamah, veng khat kan ni a, an ni erawh veng thlang lamah an awm thung.

High school ka kal lai khan ngaihzawng ka nei ve thin a, mahse ka tui vak lo nge ka nei fuh lo zawk thla thum chiah kan in ngaizawng hman a, kan inthen daih.

Class 12 ka pass thleng pawh khan ka nei leh ta miah lo a, mahse thian mipa chu ka kawm ve nasa mai! Kawm nuam ka ti a, mahse thian dik tak ang kha chu Lawma leh Cindy hi an ni mai. 

Dar 10 rik dawn ah, ka pi te in ah ka zuk chhuk a, hla lo te tho ani, a dawt thla in kan awm a, keini hi a sang zawl lai takah kan awm thung a

Sunday inkhawm lo a, leng tur kan nih hlawm avangin ka pi chuan tul ati fahran lo khawp mai a, mahse ka pu ruatna anih vangin tuman an hnial ngam lo.

Kan len na tur a hlat tham vangin, eitur eng eng emaw kan lei lawk nual a, ka unaute ho pawh an phur hlawm khawp mai.

World bank road atangin kan tlan thla zel a, ITI lama peng tawh lo in kan tlan tlang a, 

Motor pahnih ah kan kal a, pa tluanga Motor khalh zawk ah kan chuang a, kan tlan chak zawk bawk.

Trinity Hospital kan thlen chuan, Bikers tam deuh hi an lo ding thup a, keini pawh kan ding ve nghe nghe, ka pu te chuana zawk kha , an lo lang har ang reng si a, nghah pahin a sir dawrah chuan Acid leh theite tih ang reng kan lei a.

Thil thur lam ka ei loh chuan ka rui dawn tlatin ka hria , tunah pawh ka ni nghulh tawh.

Nichin a, Bikers inti ve deuh ho ding thup pawh kha an in khalh chhuak leh tawh dawn aniang, an tam ang reng si a, an bike ri te chu ring tha vit vet tak ani, ka ni Fanu Sawmdawngi chuan "chhelo deuh ka hmu" alo ti zeuh pek a, 

U Annie te nen kan lo melh ve vat mai, an hmel a lang thei bawk si lo a keichu ka hrethiam lo, Helmet lawk bur mai an khum deuh vek sia.

Minute 2 vel hnu ah ka pu te chu an lo thleng ve leh a, rei lo te kan din leh hnu ah, kan tlan chhuak leh ta vang vang a.

Khawvel han mawi zia chu maw, tukverh ah chuan ka dak chhuak a, tlang paw dal riai mai te chu an lo lang ûn mai a, hla tak a, in awm te chu an lang paw chiai a, 

Van dum pawl thiak kak te chu a hmuhnawm kher mai.

Ka bag a phone chu phawrh in van lam chu thla ka la a, tlang lo lang zawng zawng te nen a nalh asin aw!!!!

Dar 1 rik dawn ah, Hmuifang chu kan thleng a, midang leng pawh an lo tam khawp mai, ka rui tep tep a, mahse ka rui lo hlauh.

Chch-a erawh vawihnih vel lai chu a luak ang, Owen-a chu ka pu te chuan na ah zawk a chuang a, ka ngaihtuah vak lo, ka ni te nen an ni hlawm a.

U Annie leh Sawmdawngi te nen chuan kan han chho hmasa ber a, thlalak kan chak tawh bawk a, kan hmet zui nghal mawlh mawlh mai, 

Ka ni te leh ka pu te lo chho chuan, speaker an lo keng chho tel a, 

Hei hi lawm kan kal chhan video a thla la turin , ka pu hla phuah play a lam pui turin mawle kan kal ni.

A tlang pawng deuh lai takah chuan kan han chho hlawm a, ka pu hla phuah ngei mai chu an han play a, 

Puitling ho leh naupang chum chiap chin chu an lam ta dual dual a.

Keini tlema inti nula chin pathum chu kan lo zak ang reng , a chhan chu midang an awm ve a, chu mai bakah, 

Nichin a Bikers kan hmuh te ho kha kan thlang lawk ah khuan an awm ve a, tu te nge chu hrelo mah ila, 

Zah rukna hi chhungril lamah alo in siam et et mai ni.

Ka pu in , "Partei te ho pawh kha lo kal ru le ini Biakin thla ala dawn"

Tiin sir deuh hlek a thla kan lak lai chuan min lo au a, kan phei ve vat a,chutah le zaipawl ang deuh reuh si hian ka pu hla phuah chu sak ve pahin kan in sawi dul dul a, mahse hlimawm ang reng.

Chawlhni inkhawm tlanbo tih hriat deuh deuh , mipa thenkhat te chu an lo chheih lam vel a, 

Ka ni biaki leh a thiannu amah mil pui deuh mai te nen chuan an han lam ho tak tak mai chu , nuih loh theih loh.

Puan phah tur a daihlim deuh lai kan zawn lai chuan ka phone alo ri a, 

Cindy ani "aww hello", "inthleng tawh em" 

"Thleng tawh e, inlo chhuak tawh mi?" 

tiin ka zawt let thuai a, zingah khan inkhawm a tum a, a nu in a phal leh lo kha nia Mahse Lawmkima nen inkhawm ban velah lo kal an tum a, an lo kal mek anih hmel.

"Inkhawm ang deuhin kan awma, kan lo thleng tep, Lallawmkiman inkhawm banah te chuan a tlai dawn lutuk ati bawk sia" tiin alo nui zui hawk hawk a, an va han fing reuh tak. 

"Aw lo thleng vat ru hei puitling ho an lam a, keini chu inpawl vel awmna lam , a hnung lamah khan kan awm daih" , tiin kan in hrilh a

In tur leh eitur vel la turin Motor dahna lamah ka va phei a, ka let leh tur chiah chu Ka thiante pahnih an lo thleng ve chiaha, kan phul nghal hlut mai,

"Ei tur pawh engmah kan lo lei hman lo, kan lo tlan chak lutuk a" ka thianni chuan alo ti zui siam siam a, a sam a thlah bawk si a, Bike ah a Chuang bawk si, a sam chu a hnawk tha em em leh nghal ka nuih zui kar kar a,

"A Hla sia....maw khawnge i u Annie?" Tiin Lawmkima chuan min tlawn nghal hiam a, hepa hian u Annie a star a, ani ai a upa daih leh nghal zahpui awm reuh hian aaa...

Kan awmna lama phei pah chuan kan titi phei mawlh mawlh a, Bikers ho lo kal nen chuan kan in leh pel a, ka hawi chhuak ve thuak a, an hmel pawh a hmuh theih vek tawh, mahse tumah ka hmelhriat awm ka hmu lo.

"Par, kha mi te khan an hria che mi?" , Cindy'n kan in kal pelh hnu a min tih chuan ka leh hawi a, min hnung chhawn zawngin an kal vek tawh a, min hre tur awm ang ka hre ve hauh lo.

"Ka hriat ngai mi an ni pawn ka hrelo e ah" , tiin ka chhang a, " 'ahh..Partei nih hi' pakhat khan Lo tia" , tiin ka thiannu chuan min hrilh a, 

"Ka hrelo re re, ig vel ami niang" tiin ngaihven tawh lem lo chuan kan phei a.

Lawmkima chu u Annie bulah tak ava thu ve ât a, Sawmdawngi te nen a rukin kan lo nuih tet tet a, u Annie la(h) hian naupang ang in a en bawk si a, kum 2 vel in u Annie hi a upa zawk a, 

Han duh ve thut se chu an inhmeh phian leh nghal ang, chips vel ei pah chuan kan titi mial mial a, a changin kan nui leh hak hak thin.

A mipa awmchhun chu a tawng tlem khawp mai a, zawhna Chiah a chhang a ,Lallawmkima mizia chu u Annie bulah chuan a dang vek zel reng ani. Teh thlawt ahh.....

Tlai lam dar 3 rik dawn velah kan haw a, in kan thlen chuan khua pawh a thim ruih tawh, eng em em ti lo mah ila, chhuah hrim hrim hi chuan chauh ringawt hi a awl khawp a, ka ke a kham ṭhum bawk .

Inbual zawh ah, khum ah ka mu dar dar a, vawiin lam thlalak vel chu ka en kual a, chhungkaw Group a Thlalak an lo Post ho ah pawh ka lang ve nual a, duh em em ka nei lo.

Lawmkima phone a thla kan lak ho ah chuan tlem in ka lang tha ve deuh a, mahse chu tah pawh Zoom over chuan ka hmel a mak vek, 

Chaw kan ei kham vel ah , room ah bawk ka lut leh a, ka chauh deuh hlek avangin mut hma pawh ka tum hle, naktuk lamah tih tur em em nei lo mah ila, mut rei ka chak .

Status ah chuan ka Thlalak ṭhen khat ka lan ṭhat ve deuh na ho chu ka hmang ve nel nual a, 

"Vawiin khan ka hmu che sin" , ti a lo reply tu chu, Ig a number hman a ka pek ve ringawt, ka ât vang lai ami tawh ani, "ani maw" tih zawngin ka chhang a, a hming ka save dan pawh chu amak lutuk.

'shawata' tih velin ania ka save ni .

"Aw...lo koh che ka tum a, mahse ka zak leh deuh a , a takah i hmeltha zawk anih kha" alo ti chu , ka nui ve ver ver mai, hmeltha in tih hi chu tupawn nuam kan ti ang chu.

"Ka van lawm ve aw....min lo auh vak tur alawm" tiin emoji nui lem pahnih ka dah tel a, a seen rang thin khawp mai.

Hepa hi ka hre vak lo na in, a Status erawh ka en ve ziah a, Kar tin deuh thaw hian bialnu hi a thlak emaw tih tur ani, hmeichhe naupan hmel deuh deuh thlalak hi alo hmang ve ziaha, a lerh ve thaw khat tih a chiang .

"Kei deuh ka hmu che a ka lawm eh" tiin alo uang ve ngei ni tur ani nge ni a, a zam lo ve hrim hrim, chu a message erawh chu ka chhang let tawh lem lo thung.

Ni ka hmang ral ve zel a, ka Birthday pawh a hnai ruak tawh, kum tawp a piang ka nih vang nge, ka Piancham hi chu a ni har thei bik riau in ka hre thin.

Kan veng field ah, Carnival a awm tur thu ka nu in min lo hrilh a, Christmas nih nan kar chuang ala awm a, intuak nan tiin inhlawh ve ka duh thu ka nu bulah ka sawi a.

Veng Hruaitu te bulah min lo sawi sak dawn anih hmel Cindy pawh sawi tel turin ka ti nghe nghe, keimah chuan ka peih Chuang lo.

Carnival inbuatsaih chhung chu a reilo ang reng hle a, ni 5 vel ah an peih nghal der a, Cindy nen pawh inhlawh ve tur chuan kan in siam at tawh .

Zanlam hna te anih avangin, chaw kan ei hma khawp mai a, kan phur bawk, in a tawm chawt ai chuan a nuam zawk , keini pawn lam nuam ti zawk hrim hrim tan phei chuan duhthusam ani.

Carnival hawn zan chuan mi lo kal an tha hnem ang reng a, vai ho rak nuaih nuaih kar ah mizo nu, nui thler duai duai hriat tur a awm reng bawk a, reh lo ve tak chu ani.

Kan inhlawh dan hi , duty angin ani a, kei chu naupang ho infiam na hmun ah ka Duty a, naupang te reuh te te kum 6 hnuai lam chin chiah awm theih na ah ani a, a hahthlak hran lem lo.

Ka awl mah mah a, Cindy erawh a buai khawp mai, Mary go round kan tih mai Giant wheel ang ah khan a duty a, mi in an lawm bawk si a, an in tlar deuh pût pût mai.

Ka thut mai mai lai chuan Joseph-a khan min lo call hlawl  a, hming mak deuh pa kha ani, nizan a Status ah a hming a an lo koh na alo hmang a chuta tang chuan a hming pawh ka hre chiah.

"Hello" , "eee..Parte Carnival ah khan i Duty ve tiraw" , tih hi min lo zawt a, "aw...Duty e" , "eee..van tih chi kan lo kal dawn a maw chuan in , kan thianpa hian a star che a" tih leh a lo nui zui hawk hawk a, a bulah midang an awm ve tih hriat takin alo ri deuh nuaih nuaih bawk.

"Maw...? Tu i thianpa maw?", ham haih ang reng taka ka zawh chuan, "kan lo kal anga, i hre mai ang anih ka dah aw" tiin call chu a hmet tawp zui a.

Lo kal ta pawh nise engtin nge ka tih vak chuan ang le, ka phone en paha thil ka ngaihtuah vang vang lai chuan, Cindy alo lang thut a, Alu roll hi min lo pe a.

"A vawt eeee..ka dam lo dawn in ka hria" tih pahin a kut a chhem hlat hlat a, "i awmna phei hi chu a vawt leh zual anih hi" atih chuan ka lo bu nghat nghat a, 

"Eee Joseph a te an lo kal dawn a, an thianpa pakhat in min star ani awm e" , "tu tu.... A chhelo em? , a sang em?? a hmeltha em?? khawi mi?" ,

Chunu zawhna ngah hman zia chu aw,

"Ka hrelo!!! Tunah ka hmu ve dawn chauh alawm, eng ang hmel pu nge pawh ka hrelo" .

Tiin ka chhang a, "min lo hrilh rawh an lo kal hunah, ka phei dawn, Sawmtea ka din tir lawk a" , tih pahin a Duty na lamah a phei zui hlawk hlawk a. 

Keipawn Customer ka lo nei ve chiah, mipa naupang te reuh te, hmeltha deuh mai hi ania, a nu leh pa te chuan hmuhnawm tih hmel deuh hian an fapa infiam lai chu an thlir zui vang vang a.

A nawm hmel ka ti, chhungkaw hlim ve tak chu an nih ka ring, an fapa khi Malsawmna ani ngei bawk anga, an tan chuan ava hlu dawn tak, tiang hi lawm ka chak.

Pasal neih a, fa neih ka chak, mahni fa ngei mai han hmangaih a duat deuha awm ka chak a, len pui te ka chak, tunah chuan ka la naupang bawk si , ala theih rih si lo a

Ka ngaihtuahna ka kawm melh melh lai chuan chhungkua te chuan, an fapa infiamna man chu min lo pe a.

Dar 9 rik dawn vel ah Cindy'n min lo call a, "i awmna lai a reh chuan lo phei la, chuang ve chhin ang vaipa ka dila, a phal a" tiin alo nui ruh ruh a, 

Keipawn Mary go round a Chuan te chu ka chak ve tho lawm.

Ka bula awm ve vaipa chu ka zung dawn tih chhuan lamin ka sawia, hman hmawh ang reng deuhin Cindy te Duty na lamah chuan ka phei a.

Ka phei lak lawh lai a, Gate a lo lut te ka hmuh chuan ka thin a phu nghal dut dut mai, Joseph-a kha ania, Chuan a bula mi te saw a thiante chu an nih ngei bawk ka ring.

Enge maw hma chuan ka zam nghal ringawt a, an ni ho chuan min lo hmu tih ka hria, ka mit sir hian a hmu thei, ehe min lo kawk vel..

Ka kal chak sauh a, Cindy awmna ka thlen chuan "hemi te hi an chhuk hunah kan chuang dawn nia" , tiin alo phur sarh a, 

"Saw lai mi te saw...." Ti a a kawr hmawr a, ka pawh chuan , a lo hrethiam nghal mai a, "tu ber saw nge le" tiin zawi te hian a phun sep sep a.

"Ka hrelo....enreng suh mawli....." Zawi deuh si chang fak hian ka ti a, "ehe kan lam ah an lo phei ania" , "maw tinge an lo phei a ..?? An lo phei zel em" , keichu ka hawi chhuang ngam tawh lo re re.

Sawmtea chu ka ko ta ringawt a, thil ho deuh deuh ka zawt der ringawt.

Kan hnung mai ah hian an ding tih ka hria, chuan kei ai an sang vek a, hniam deuh hlek pahnih chu an awm in ka hre bawk, tumah an hmel ka hmu lo thung a, kan hnung chiaha, ding an nih avangin an tawng ri pawh kan hre thei.

"Chuang ila ka chak ve" , tu emaw hian ati a, "a sang e keichu ka peih lo" midangin an lo ti a, "Chuang ila Johan" , te an tia ....

Vaipa in Cindy nen min lo koh chuan kan va phei vat a, nui ru pat pat, huphurh deuhin kan phei a, a sang bawk si a, ka chuang ngam kher ngem phei chu ka hrelo.

Vaipa chuan midang ho chuang tur an awm leh awm loh alo zawt lauh lauh a, Chumi te thian ho chu an lo Chuang dawn anih hmel.

Tickets an lei zawh ah an lo chho ve a, Vaipa in min tih vir zuai chuan Cindy nen kan au nghal ringawt a, 

Mahse kan hnuai chiah a, an thian zinga mi tu emaw ber te chu an lo Chuang ve a, ti chuan le...

A chung sang lai tak mai ah kan han ding leh va va mai chu, ka mur chhuak vek , "awii...ka mawng aza vekk" tiin Cindy chu a tawng lang lang a, "ka chhuk duh" ti a ka au pawh chu tuman an hriat theih pawh ka ringlo, 

Kan dawt chiaha chuang mipa pahnih te pawh chu ka va hawi phei deuh thin a, ka awmna lama thu zawk pa chu a maimi chhing char char , mipa ve si avan han dawih em em!!

Kan in rin hma in, wheel chu an ti vir a, chak tha tak ani, ka hlau lutuk chu ka in vuan thlan vek tawh , kan au tial ruai ruai a, tla thla tur ang hian ka awm.

Vawi ruk lai kan vir kual hnu chuan kan chhuk ve ta hram a, ka thin zawn chu ka dawm nghal vawng vawng mai, a phu nasa lutuk a, ka hrethei hial in ka hria.

"Ka chuang tawh miah lo ang" ka thiannu chuan ati thla mawlh mawlh a, ka lo thlawp khawp mai, a hlauhawm em atin ni.

Dar 10 velah Carnival atang chuan haw mai kan tum tawh a, mi an tlem tawh bawk nen, ho tu te kan dil chuan an lo phal ve mai bawk a, haw hma in, tiin Cindy nen chuan vai thil zawrh vel chu kan en kual a, zungbun, bengbeh tih ang reng chu a tam khawp mai.

"Parte" ti in tu emaw hian ka darah min lo khawih zeuh a, ka leh hawi chuan Joseph-a kha alo ni, "Joseph!" 

Phawk deuh leh mak ti deuh a ka tih let chuan "ah...min hria elaw" tiin a nui vur vur a, "nge ka hriat loh ang" tiin ka chhang let ve vat a, 

Chu tah "ih..kha ka thianpa star tu che ka tih khan thla lak pui duh che a , i phal em" ka beng bul ah hian zawi ang reng tak hian alo ti a, a hnung lam a, a thiante ho chu ka va melh thuak a, mahse ka zak deuh a, Chiang deuh pawhin ka en duh lo.

"Tu saw nge ni re re ?" , "saw lukhum var khum saw" ti a , a kawh chuan 

Lukhum var khum pahnih an awm a, pakhat chu kan lam alo hawi a, a sang zawk erawh hnung lam a hawi thung.

Tu zawk saw nge le, a hniam zawk saw ni lo hram se, a hmel saw amak , pakhat zawk saw ni lul rawh.

"Khawi zawk" tiin ka nui ta ringawt a, 

"A sang zawk saw...Johana ania" tiin ka bula ding pa chu a nui leh rih a, ka lo thaw huai mai.

"Thla chu lakpui duh che a, a rem ang chu tiraw" ti a min zawh leh chuan , 

"Awle tehreng mai thlalak mai mai te chu" tiin ka nui mai a, Cindy chuan uluk fahran hian Johana an tih pa chu alo en chîk a, 

Ka bula alo kal hnaih phei chuan a san zia ka hre thei, a dar chen vel ka niin ka hria, ka pel hret maithei.

Kei hi ka hniam chhelo a, a dar chen vel ka nih chuan ft6 a tling thuak in ka ring.

Thla kan lak zawh chuan, "ka lawm e" alo ti sep a, ka lo bu nghut ringawt.

A thiante chuan an lo chheih deuh reuh leh nghal a, ka zak ve chem chem mai, a hmel pawh ka en chiang lo, ka en thuak kha chuan 

.. ihh an deuh anei mahse ka hre chhuak maithei lo.

"Avan zia ve....kha kha mi?" Ka thiannu bul ka kal hnaih rual a, alo tih chuan "aw aniang" , "a zia reuh lutuk Christmas a hnaih tawh em hi kawnchei fanpui tur i nei thei tihna" tiin a nui zui ar ar a.

Ka lo nui ve tawp, Gate pawn kan chhuak chiah ti ah chuan sir lam deuh ah Kha mi te kha an lo la awm a, Scooty dahna lama kan phei lai chuan 

Mipa khat an thian zinga mi bawk hian , "thiannu...nichina thla i lak pui pa khan i number min lo pe atia i phal em" , Polite zet hian alo ti a, 

"Awi ha...." Tih zawngin ka chhang.

Chupa chu a nui ringawt a, Ka thiannu chuan phone chu la kangin ka number chu a type mual mual a, "hei aw" tiin Mit ala siai zeuh zui , 

Awi chu nu zet chu Ava han rapthlak tak, a zam map lo mawle, "uiiii...enge tikhan i tiha" Scooty lama min phei pui dawr dawr pah chuan ka ti a, "aww.. in be ve chhin hrim hrim ru in in hmeh reuh ka ti" . A ringawt chuan a tunah a hmel pawh ka en chiang kil kel lo ania.

"Haw phawt ang mut hmun ah kan sawi dawn nia, ka mu chak tawh" tiin Scooty chu ka ti nung zui a, kan in khalh chhuah lai chuan, kha mi te thian ho kha chu smoking area zawnah zial an lo zu vel mek ani.

In thlen vel ah, inthlak sawk sawk in ka mu nghal than a, a vawt bawk si a, mahni khum lum nuam hi chu alo nuam ber mai nih hi. 

Ka mutthilh lai ka hre lo, ka harh chuan zing Dar 8 alo ri leh der tawh a, zan lama message ka dawn ho ka en chuan Cindy message leh missed call alo awm nual a, ni tak e , sawi pui ka tum tak ka lo hre tawh lo re re .

"I mu tawh mi?, Zothanpar !!! Message seen nghal rawh i mut hun pawh ala ni lo, ehe! Call te a chhang lo khanglang nia" , tih ang reng chu nui chung hian ka chhang let a, "ka lo muhil daih alawm, ka lo theihnghil daiha" tiin .

Sitting room lamah thawm a awm leh nak nak tawh a, Ni lai ni ani a, Owen-a leh Duhi te chu school kal turin an in siam leh mek ka ring.

Thlasik lai a, School kal hreawm zia ka hre ve a, thawh hlim a kamis vawt thler han hak te kha avan hreawm thei tak. Class 12 kum tawp lamah erawh Hostel ah ka lut ve a, Zing Dar 4 velah hostel warden in min lo kaih thawh phei chuan thin kha a rim hlur zel anih kha.

Thingpui leh Good Day chhang pathum nen, rizai sin hlum chunga, 

Political science subject kan zir tak tak phei chu a ri mur mur zel, mahse a ngaihawm ve hrim hrim ala rei lo nikum kum tir lawk kha ani.

Ka nu in ka pi te in ah, hmarcha mu min zuk lak tir a, kan nei tawh lo anih hmel,  ka chhuk pah chuan ka zai thla rât rât a, kawngpui ân vek ani a,  mahse a awn deuh thung. Ka pi te in ka thlen chuan naupang ho nen an lo ri leh nuaih nuaih tawh a, inpui tih tak ah, riak hi chu an awm ngei ngei zel. An mahni chhungkua tak phei chu paruk an ni a, mahse ka ni Puii te nufa tunlai chu an awm thla a, a pasal nen an inti thiam loh deuh ani awm e.

Fa pathum hmeichhe hlang an nei a, an te ber hi , kan duat rawn ani a, chhungkaw naute leh nuihna ti tam tu ani. Ka pi leh pu te lung pawh ti leng hman lo ang chi kha ani ve.

"Pi anu in hmarcha mu min lo pe atia" tiin ka luh vel ah chuan ka sawi lut nghal a, Api chuan choka pawh dawh hnuai chu hawngin min lo pe teuh mai a, ka pi mizia ani, pi neih hlutna ani bawk.

Thil kan neih loh deuh hi chu "Pi..." Han ti ila, an lo nei zel a, a tha ve thei ania .

In a ka let leh hnu chuan, ka phone ka en hmasa leh ber a,  Ka naute pahnih pawh ka pa in school lamah alo thlah dawn chiah a, Owen phei chu a peih loh hmel khawp mai a nur nang nang mai.

"Hi" , tih te zawng hi number hlang hnen atangin ka dawng a, dp a nei lo a, a hming ka en leh chuan nizan ami pa kha ani tih ka hre nghal mai.

"Tunge?"  , tiin ka chhang a, ehe alo seen nghal nia ka message alo chang ru reng tihna em ni?? , "Johana ka nia, Ihh....nizan a mi kha" , "ee aww enge ni ta" , sawi mai tur ka hre lo a, min lo biak nachhan erawh ka hre ru kiau thung, min star ani lawm ni, chuvangin be chhe lo phawt ang.

"Ka number hi lo save la, pawi ti deuh tur an awm loh chuan" , a thil lo thawn chu ka en a, a lerh nek ka ring! Lo inti zei em mai , amah ang deuh in ka chhang let dawn nge ni a, ka chhang bul hmuk hmuk ang aw , 

"Awle" , tih zawngin ka chhang a.

"Thanks" , ti a minlo reply na chu ka chhang let tawh lem lo.

Nileng chuan in ah ka awm a, a changin U Annie te in ah ka zuk leng a, tih tur awm lo lutuk chu ka hne leh hle tawh. Chawhnu lam Dar 3 vel ah kawn ah ka nu in min tir a, Chumi pah chuan Cindy te in ah ka leng nghal a, rei pawh ka leng Chuang lo, ka nu in min call haw leh nghal.

Tiang hi ani ka nu chu, in a ka awm loh hlek te leh dawr ka kal a, ka rei deuh te hian mi hi , a call haw nghal zung zung zel a, a chang chuan a strict mah mah ka ti ve thin.

Zan lam chu Carnival  lamah kan awm leh rân tawh a, nizan ai chuan mi pawh an tlem deuh , mahse a reh Chuang lo, an rak nuaih nuaih mai, 

Joseph-a hnen atangin thlalak ka dawng a, ka han en chu nizan a,  a thianpa nen a kan thlalak kha ani, 

"Ui ha" tiin emoji hmangin ka va nui uar uar a,  "Johana khan a status asin pawi lo tiraw?" , alo tih chuan ka thu ngil deuh zawt a, ka zak ve deuh ka lang tha vak bawk si lo a, mahse chhe em em chu ka ni chuanglo mahse ka zawk ve chem chem tho. "Aahh...pawilo nimai" tiin ka reply ve mai a, "a star lutuk che a, a sawi ve reng che" alo tih leh chuan chhan mai dan tur ka hrelo .

End of Chapter 1 .