JUST HIM CP-9 APHRODITE STORY

JUST HIM BY : THARTHARI

#FAMILY #BABY #FANTASTIC

Ka rai thu chu kan ṭhian  te  kan han hrilh ve hlawma min lo lawmpui thiam khawp mai , a khat tawkin ka nu leh Tim-a nu in min lo tlawh ziaha eitur ṭha tinreng hi min lo pe ani tawp mai ani. Tim-a ngat phei chu a helh hawlh viau in ka hria hna lo ban hi chuan in ah ka awm tawh ṭhina tunah naute thla 1 vel awrh chauh ala nia, ka la rai lian lo hrim hrim a dawr ah pawh ka kal ve zeuh zeuh a hlawhfa ka chhawr hrim hrim avang in ka tlawh zing hran lo bawka in ah chuan ka awm deuh chut a a  mahni te a chhuna ka awm lai te chuan Tim-a hi ka ngai veng veng zel a. Ani pawn min ngai ve tho in ka ring 

Chhun an thil ei dawn ah min lo hrilh ziaha, a changin an office ah tiffin te ka va pe ṭhin bawk a , kan awm pahnih te chuan naute lo piang tur chu kan nghak hlel tun dawh kher mai. Naute thla 4 anih chuan tlemin ka pum pawh alo puar ve deuh tawh a ka in en kawl uluk hle a nikhat chu Marry te nupa an lo lang hlawl a Marry pawh alo rai lian tawh khawp mai. 

"Mipa ka neih chuan ka va han duat dawn emn" tiin eirel kan siam lai chuan alo ti ti siam siam a "keichu a engpawh nei ila ka hlim tho duhtak a kan fa tur ani dawn bawk sia" tiin ka lo sawia a hmui alo pet sawi duh lek chauha."Tih daih ila engtin nge Anges-i nen khan an in be tawh lo ta hrim hrim ami" alo ti leh hlawla an in biak awm chu ka hriat loh na a rei tawh a , an in biak leh pawh ka ring tawh lo bawk

"Aw..be tawh lo" ka lo ti mai a ani pawh alo nui ve vur vur mai. Zan riah kan ei kham ah chuan 'Folkland Park' a kal an rawt a Marry chu alo phur leh tawh kher mai kei erawh ka kal peih chiah lo a mahse ka kal ve ta tho a, a hmun kan luh chuan mi pawh an lo tam ngang mai a chunglam ah chuan kan chho zel a Tim-a chuan "I hah tawh em" alo ti a ka lu ka lo thing vat a min ngaihtuah leh lutuk te pawh hi a buaithlak lam mah ṭhin.

Sangha bul ah khan thla la turin kan kal phei a, a nalh in Aizawl chu alang chiang si a Marry nen chuan thla te kan in lak saka , mipa pahnih te chuan min lo en reng a Tim-a ka en chuan min lo nuih suka ka lo lai deuh ka hawisawn daih . Duhtawk thla kan lak hnu chuan kan  ah  phei a Tim-a chu ka en vang vang a "iva in chei tlangval ve a" ka ti a , a chhan chu a chhelo em a zanin ngat phei hi chuan a chhelo leh zual in ka hria "tlangval alawm ka la nih" atia a tukhum a ri nghal chawrh. Ani erawh alo nui hawk hawk a "Enge tlangval ang pawn ka in chei ami..chhelo min ti nih kha" tih pahin ka dar ah min lo kuah a ka lo ner nang tawh "nia nia nangchu i chhelo a" ka lo ti a "mahse kei ai heihi a chhelo dawn" tih pahin ka pum chu na lo te in alo beng dat dat a   ka lo nuih ringawt ani pawh a nui ve tho. Cafe ah chuan kan han chho leh a tum loh deuhin Agnes-i kan hmu hlawla Tim-a chu hre awm ang pawhin a langlo Marry nen chuan an va in chibai vel a a rai thu vel chu a hrilh aniang alo nuih ver ver a Marry chuan min lo kawk ta vak vak maia a ngaihna ka lo hre der lo Agnes-i chuan ka pum lam chu alo en a, a nui tawi khawp mai ka rai thu a hrilh anih ka ring.

Kan lam pan chuan an lo phei duna "In dam maw" tiin Agnes-i chuan min lo nuih sânga ka lo nuih let ve mai a   "hei ka va lawmawm ve" tihpahin Tim-a chu a en rân a, anui sang reng bawka . Tim-a chuan en ve lem lo chuan "iva ti lawmawm ve" alo ti bung deuh tlawnga Agnes-i chu  nui ri suk  a min lo en nghal zat bawk ka lo nui tawk tak thung."In neih ni ah te chuan ka lo kal ve in phal ang chu maw.." alo tia "tehreng mai" ka lo ti ve nghal bawk Tim-a ka en chuan min melh no lo khawp mai mahse ka haider lui thung."Anih ka va lo phei a nge aw" tiin a chhuk zui nghal bawk a.

"Keini pawh haw dawn hnai ang u" alo ti a 

Rei lo te hnu ah kan haw a, Tim-a chuan engmah a sawi zawm lo a a lungawi anih mai chu ka ringa Marry nen a hnung ah kan ṭhu a kan titi siam siam reng a in kan thlen chuan dar 9 a ala ri lo deuha sitting room ah ṭhu in eng eng emaw chu kan sawi melh melh reng a . Tim-a chuan a phone noti chu a khat tawkin alo ri leh ṭhina , zandang ah a rik khat teh lul nen tunge ni ang le tiin ka ngaihtuah mai mai a 

"Ka lo han chho ang aw" tiin Tim-a chu a tho ta daiha Zawma chuan "ala hma la awm ve rawh" alo tia Marry pawn alo pawt khawmuang a kei chuan engmah ka sawi hran lo Tim-a chuan "ka mut a chhuak deuh a zanin chu in pathum khan lo inkawm mai ru" tih leh chhoh a ruala . Ka rilru ah thil mak deuh deuh alo lang zut zut a rin ka duh loh pui pui te chu alo lang a.

ngaihtuah loh ka tum lâ in ka ngaihtuah thui telh telh lawi si ka thil rindan chu ka duh loh kher mai.

Minute 10 vel hnu ah chuan keipawh inchung lam ah ka chho a kawngkhar bul ka thlen chuan thlang lam bathlar ah ṭawng ri ka hria a, room a lut lo chuan bathlar lam chu ka pan a Tim-a ka va hmu a Koh tuma ka ang zuau tawh chu ka ṭhulh leh a chhan chu Tim-a chuan phone ah mi alo bia a "nia..tiang kha chuan lo ti tawh suh ka awm a nuamlo" te a tia enge a sawi tum erawh ka hrechiah lo. Phone a a biak chu hmeichhia nge mipa tih uluk leh zualin ka ngaithla a hmeichhia chu a be ngei a mahse a thil sawi erawh ka awmna a hlat deuh avangin ka hretheilo.Engmah hrelo ang chuan Tim-a chu hla deuh aṭang ka au a "enge tah khan itih a" ka va ti a Phone chu alo dahthla hman a niang alo be tawh lo a "Ihh..hna chungchang mawle Rinmawi'an min lo zawt a" atia Rinmawia maw mahse nichin kha chuan hmeichhia nen an in be ngei chuan ka hre si ka hre sual zawk nge ni.

"Umm lo lut rawh mu ang" ṭha deuh chuan ka ti a ka ngaih erawh a ṭha zân lo room ah chuan kan in zui lut hna hna a khum ah chuan "Tim Min hmangaih em" tiin ka zawt ta thlawt a alo nui suk ringawt min chhan mai loh avang chuan "mawh min hmangaih ve em ka hmangiah ang che hian" ka ti deuh kher a ka lam a saisir pahin "Tinge tiang te chu min zawha " alo tia ka pum chu a chul rauh rauh pah bawk 

"Min la hrilh ve miah lo a" zawi te chuan ka lo ti thung "chutiang ngaihtuah ngaihtuah suh" ti a min lo kuah salh a. Ka lo thaw hak a hria awm ang pawhin a awm lo, a maimichhing nghal daih a keichu ka muhil leh thei mai tawh lo thil ka ngaihtuah leh vak vak tawh. Timothy-a hian min hmangaih ve tak tak angem le  tih mawlh chuan ka rilru a hnawh khat a tun thleng in min la hrilh miah lo keichuan vawiduai lo ka sawi a ka hmangiah tih ka in hriatchian em vangin.

Zingah chuan keiai Marry a tho hmasa a ka thawh meuh chuan Dar 8 alo ri dawn hnai tawha eirel te pawh alo peih fel vek tawha "ehe i va tho hma âwm ve" ka ti a

"ka tho hma ṭhang  sia dar 6 velah ka tho var var tawh" alo ti a ka lo nuih ringawt ka chhang tawh lem lo .Tukṭhuan kan ei kham chuan Marry leh Zawma chu bazaar turin an chhuaka "Tim vawiin in check up ni nia min va kal pui la" tiin Tim-a lam chu ka hawia "aw kan kal dawn nia mahse project hi kan khawih zo phawt ang " alo ti a ka lo bu nghat a .

Damdawiin kan thlen chuan Doctor chuan

"a hrisel ṭha lutuk nangmah kha hah lo la i ei leh in i uluk zual zel a ngai a nia" tih ang reng vel te chu min lo hrilh bawk a. Kan haw lam chuan ka nu te kan tlawh kawi a kan in hi chu fa keimah chiah nei mahse ka nu chhungte emaw ka pa chhungte hi an lo awm deuh reng zel a, a reh ngai meuh lo a vawiin pawn an lo awm deuh nual a "Mate Apple hring hi hawn ṭhen ta che u" tiin eng eng emaw min pack sak leh ṭeuh tawh , kan kal apiang hian kut ruak in ka haw ngai lo ti ila ka sawi sual lo ang. 

Min ngaihtuah bawk a kan in lam a an lo len khat deuh hi chuan min lo call deuh reng zel.

"Tim-a hei  lo hawn ru" tiin a thil pack ho chu a pe a .