JUST HIM CHAPTER -1 APHRODITE STORY
Rindiki chu a lo thleng a .Rei lo te kan thu khawma kan chhuak leh nghal mai a college kal ni hmasa ber tur a ni bawka kan phur tlang khawp mai, a nuam ka ti.Scooty ka khalh a Zoremi ka phur bawk. College chu kan thleng a class ah kan lut ve nghal a , kan thu a kan ti ti nghal malh2 a keiphei chuan sawi tur em em pawh ka hrelo mi an tam bawk si reh ruih te ni se a nuam ngawt zawk in ka ring. Class pawn lam ah chuan hmeichhe ho an bengchheng hluaia Zoremi chuan "ka va en ve chhin " tih pah in a tho nghal zata. A lo let leh nghal a "awi awi..Timothy-a te thianho" a ti chul a Rindiki chuan"ani maw" tih leh rang fahran in an kal dun nghal a.Tunge timothy chu? Ka hre lo re re awi...an ni pahnih hi chu thil hi an hre lutuka.
Middle school kan kal lai a tanga inkawm chho kan nia ta tang tawh chuan kei hi thil ka hrelo ber zel.
Mahse exam na ah ka ti tha ber ve thung thin a higher ah khan kan subject lak a in ang lo ta hlawma Rindiki hi chuan science a la a, lehkha thiam thei viau e ti lo chuan science lak ka duh lo bur ve thunga ka line nen a in mil lo la ti ve tlat kha a nia.
"a hmeltha si, a chhelo si, a sang in biangsum ala nei kulh leh nghal" tih pahin Zoremi chuan alo ti phei lang lang a "tu maww?" ka ti he haw a.
Ka dar a beng det pah chuan "Timothy hmeltha biang no chek chuk a " a tia a tlak duah a ka lo ner khum chiang khawp mai "kha a hma a kan school a lut ve thin kha rei lo te Jenet-i bialpa hlui kha" Rindik'n alo tih chuan "eeee" ka lo ti duai a mahse tu tak nge an sawi erawh ka hre tak tak miah lo
"kan college ah senior an ni bawk sia awii..an chhelo hlawm bawk si keichu ka tui ral e!" Zoremi bawk "Timothy-a leh tu tu te nge" tia ka zawh chuan rang mang khengin "timothy Vanlalduata, Raymond Malsawmdawngkima Micheal lallawmsanga, chuan..an thian dang te pawh ka sawi tel duh kher a ngem" nui hak hak pah chuan Zoremi bawk chuan ati ham ham a
"a ngailo a ngailo " ka lo ti vat a
rindiki pawh alo nui vur vur mai an class lam ah kal zui nghala Professor pawh alo lut zui nghal zat. Chhun ah chuan canteen an kan pathum chuan kan chawl a , mipa then khat chu hmeichhe ho chuan an lo bawr tuau tuau a Kan thil ei tur va sawi tur chuan ka kal phei a, momo tih ang reng vel ka chawi phei dawn lai tak chuan mipa pakhat hi ka va su deuh chawrha .A sang ropui sia ka dak chho deuha min lo en vung vung a " awiii sorry" ka ti nghala a thian dang te chuan an lo chheih deuh leh nghal ka lai lek lek alawm an tam bawk si an thianho a mawni nidawn ni. Kan thut na ka va thleng phei chuan Zoremi chuan nui vur vur chung hian min lo hui zeuh zeuh a " iva su mawi vel ve a " alo ti sapa " ka in pal a lawm " ka lo ti vat a " Timothy-a an su kher ah" alo ti leh nghala nui uar uar chungin, "kha kha maw in sawi chu" ka ti haw a. "aw amah nih kha chuan a bula mi te saw Raymond-a leh Micheal-a te nia a bul tè a ding saw a bialnu nia". Rindiki chuan alo ti ve thung a
Ka hre chiah a hmel kha chu tha ka ti ve reng a mahse, a induh hmel ka ti
Class kan neih tawh loh hnu chuan ka ni te in ah ka leng kawia kan college bul lawk a nia.Ka thiante erawh chu an haw tlang nghala thingpui te ka in a ka ni fanu ellie nen kan ti ti siam siam bawka a chu mi zawh ah ka haw leh nghal mai a. Scooty tih nung in ka hnung lam ah chuan mipa rual lo nui phei hawk hawk ri chu ka hria a hmeichhia pawh an tel maithei , helmet ka khum mek lai chuan ka va leh hawi a, kha mi te thian ho kha an lo nia hmeichhia 3 vel an awm ve bawk. An in chei na en chuan an class hlawm viau a an vai chuan ka bul an lo thleng ti tih nghal mai a.Timothy-a an tih ber chu a banah hmeichhe 1 hian a kuah ralh a ka va hmu chiang hle bawk ka bul vel a lirthei chu an ta ani hlawm a niang an lo ti nung sap sap a , ka ni an in a tang alo chhuaka bag ah hian thil eng eng emaw a dah ni in ka hria alo phei hlawk hlawk a ka ni hi nu sa tha ve tak hleitling tak mai a ni a.Ka pa te unau hi tu mah te hi an awm lo hrim hrim a an lian thluah vek mai a ka nu erawh a sang hran lo nu te lam tak ani . Ka pa hi Sawrkar hna thawk ani a ka nu erawh designer ani daih thung kan khawsa thei viau bawk aizawl ah hian kum 6 dawn chu kan awm ve tawh
Ka ni chuan "mate hei chaw hmeh hi lo hawn phei rawh a tui teh mai a nia bawngsa kan ah chuan a tui ber ang " a lo ti siam siam a ka lo nuih sanga " ka van lawm tak i bawngsa kan hi tui ka ti ber" ka lo ti ve thung a ka ni bawk chuan "ee...kha Tim-a i nu in min lo call tak a sin i hre sa tiraw " a ti a Tim-a ah tunge Tim-a chu ? ka hnung lam a tang chuan "aw, kan in be zo chiah lawm" alo ti a. Ka leh hawi nghal a ka en chuan Timothy-a chu alo ni a
Mahse engtin nge ka ni nen an in hriat daih le "ni hepa hi i hria mi" a beng bulah chuan ka va ti sa sa a
"kan thenawm a in lianpui nei te hi an fapa neih chhun anih hi " alo ti vata.
Chuvang anih dawn chu a induh hmel ka tia an hausak vang lek a nih dawn chu ka ti rilru a ka ni bawk chuan
" a fel reuh a nia, anu leh pa a duat thiam si mahse zan rei deuh deuh ah a haw ziah, Pa thana sawn a duat khawp a maw " alo ti leh a ka chhang tawh lem lo a ka lo bu nghat nghat ringawt.
In ka thlen chuan dar 3 vel alo ri der tawh a in chung lam ah chho nghal in ka room ah ka lut nghal a bathroom ah ka lut nghal zat bawk .Ka in bual zo a ka mu mai mai dawn amaw ni ka tia mahse ka sam ala ro lo bawk si .Ka mu ta tho a, ka harh leh meuh chuan dar 5 Lo ri der tawh in hnuai ah ka chhuk a ka nu in eirawng alo bawla "nu khawi ah nge nu siamtei" ka ti a "chawlh a la dawna tun kar chu rawng ka bawl a ngai dawn nih hmel, e taka mambawih zan ah ini ten ah kal a ngai a nia aw" a ti nghal zata.
" timaw" ka lo ti ve vata "i pa in lo phei ru a tia chaw hi ei kham ila kan phei dawn nia" alo ti leh a
"umm ka han in siam lawk a nge" ka ti a ka chhoh pah chuan enge mawn le kan tih dawn chu ni ka ti rauh rauh a
Chaw kan ei kham chuan kan motor in kan phei nghal a traffic pawh ala zam teuh mai. Rei vak lo ah chuan ka ni te in chu kan thleng phei a Gate a kan luh dawn chuan Timothy-a ka hmu hlawla mak ka ti vawiin ringawt ah pawh vawi thum ka hmu tawh, mahse mak tih hmel erawh a pu ve miah lo a mood a tha vak lo tih erawh ka hre thei. Kan lut dawn a ka nu chu a ding dawt a "ahh Tim lo kal ve dawn chiah mi". Enge awmzia ka nu hian timothy-a a hria a maw "umm nu Zikpui lut ila". lawk in enge awmzia timothy-a pawn ka nu a hria a maw
ka ho chung chuan ka lo melh dun zak zak a, in chhung ah kan luh chuan an lo tha hnem khawp mai ka pa pawh alo awm tawha a bulah pa ngo ving veng thau lampang lian ve deuh hi alo thu bawka an lo nui dun hak hak mai Pa thana alo nia . Ka pi leh pu te pawh ka va hmu leh zela enge maw kan tih dawn ni. Kawngkhar bula ka ding lai chuan ka hnung chu a ri deuh dap a Ellie alo nia, alo nui ver ver a " enge" ka lo ti vin hlak a " U tim-a saw a chhelo tiraw iti ve em" alo ti sa sa a
ka lu ka lo thing rang kher mai
" a hmel chu tha ka tia mahse a in la value hmel em mai" ka ti a Ellie chuan " nah a fel lutuk mahse a cool ve a biak hmasak loh chuan a tawng ngai meuh lo, an in bula kan awm tirh khan ka star ve hman zawka alawm" alo ti zat zat a teh thlawt a .
Ka pa in ka hmel a hmuh chuan min lo ko nghal a ka va thu phei ve a. Nu valai tak hmeltha deuh mai hian " awi Zopari chu ava han hmeltha teh reng em " nui sanga min en pahin Nu rinpuii alo nia . Ka lo nui suk a an nupa hian emgaw a lo tih ve le ka ti neuh neuh tana " Tim-a hi lawm a hmeltha, a tet lai pawh khan a hmelthat kha ka ring sa a hei ka rin ang ngei in a tha anih hi ". ati ve nghala bawka ka nu chuan.Thingpui te in in an ri deuh laih laih reng a, ka pa chu alo tawng ring deuh hluai a " hei tia kan in koh khawm deuh na chhan chu ka fanu leh ka thianpa ka unau pa ang maia ka en pa thana leh nu rinpuii te fapa tim-a leh kan zoparmawii te in neih na chungchang hi a nia" ati a.
Enge awmzia aaa... ka nu chu ka va en nghal thuai a zawhna mit meng hian ni ka va melh ani erawh nu rinpuii nen chuan an lo in be ru sar sar a, ka ep chiaha thu mipa chu ka va en nghal zat bawk ani erawh mak ti awm ang pawn a awm ve miah lo nia.
Pa thana chuan "kan fanu la ni mai tur chu a pian tirh nausen a nih lai khan kan lo hual lawk diam tawha " nui hak hak pah chuan alo ti ve mai bawka. Awi! engmah hi ka hrethiam hauhlo pa thana ten fa an nei tih pawh ka hre miah lo ka pa nen hi chuan an in kawm ngaih tih chu ka hria a, aizawl a kan awm thlak hnu hian chaw pawh an lo ei fo a keini pawn kan va ei fo kan in pawh em em a mahse an fapa hi Timothy-a ani tih ka hre lo re re. "Tun ah thawt thawt in neih kan ti lo a mahse in college kal na te a in ang vel ta bawk a, Tim-a hian alo lam thin dawn che nia" Nu rinpuii chuan nui sanga min en pah chuan alo ti a. Ka lo nuih let ve ringawt sawi tur ka hrelo em a tin ani.
kan haw dawn tawha Pa thana te in hi ka ni te in bul kawng kân a in leh lam mai hi a nia , an ni pawh an haw phei ve nghal a Timothy-a chu ka en leh zeuh thina ani erawh chuan min lo en ve miah lo thung, a induh hi ka ti hluah hluah kan la in hre lo tih chu ka hre tho a mahse ka en chuan min lo melh ve zawk awm tak min hre awm ang pawh in a awm miah lo.
In kan thleng chuan ka nu chu thil awm dan ka zawt nghal vat a "tunge pawh ka hre lo a nia pasal te chu ah ka zir zawh hma chu pasal ka nei dawn lo bur" ka ti vin nghal hlak hlaka ka pa chuan zaidam deuh hian
" mate, tun ah thawt thawt kan ti hleinem i pa thana nen pawh ngun taka kan in ngaihtuah hnua rel kha kan nia in in hual phawt anga in neih te chu a hmanhmawh thlak loh a " alo ti dam diai a. Ka pa hi pa zaidam em em mai a nia, ka nu pawh a zah hle a an in zah tawn ani ber ka pa ang hi pasal atan ka duh ka ti thin. Mahse tun ah tak chuan pasal hual ka nei tep tih ka hre chhuak awi! ka rilru buai engtin nge ka tih ang aw. Engmah ka sawi zawm lem lo a ka room lam ah ka chho nghala khum ah ka mu nghal zat a .Ka muhil ti tih der a ka chhing diar diar tih a ka message tone alo ri tlang tlang a ka en chuan number hlang alo nia tunge le tih pah chuan ka mu tha sauh sauh a.
"naktuk ah dar 8 ah lo in peih ang che " tih te mai hi ani, tunge le ka va reply a "tunge aw" ka va ti a. "I pasal hual" lo ti a. Pasal hual ah "Timothy-a mi" ka ti a ka type lai te chuan ka ip chawih chawih a. "um" tih chauh in min lo chhanga tinge min lo biak le ka ti rilruk mek lai chuan
" Dar 8 ah chuan lo in peih la class kan tan hma dawna chuan "
ati a 'chuan' tih ah a tawp deuh trut chu ka hrethiam lo a " chuan engtin " ka lo ti vat a "chuan lo in peih la nimai" tih leh a last seen hmuh tur a awm nghal zat bawk. Hah mi induh ve tak chu ani, lawkin tun ah khan 'dar 8 ah lo in peih rawh' ati tak min lo lam dawn aniang a. Ka thin a phu ti tih nghala , a chhan chu vawikhat pawh a tak ah ka la be miah lo a.
E, chuan leh lawkin bialnu nghet a nei an tih tak kha ka pa te bulah sawi ila kan in neih an thulh mahna yes!ka van lawmtak ! ka khum ah chuan ka in let deuh chhen a. Ka phone ka en chuan a battery alo low tawh khawp mai ka charge pah chuan dar zat ka en a dar 11 lo ri dawn tawh a.Ka ham bui bui a bathroom ah ka hmai te ka va phih leh te te a, ka mu ta a.
Ka room chu an lo kik dat dat a "mate tho rawh Tim'an a nghak che nia" tih ri chuan min ti harh zawk mai ka tho nghal hluai a, sana ka en chuan
dar 8 alo ri tep a. Ka hmai ka phih a ka in siam sawk sawka thuamhnaw hak tur mai pawh chu ka hmu lo a
Tianga hmanhmawh deuha ka awm hian ka thil hi an bo vek zel
Makeup tlem ka hnawih a Loafers Ka buna Kawr fual var khup khuh hnap chu ka ha a mawza var cute deuh mai ka bun bawk. Ka sam chu a sir ve ve ka la a ka kilh a, ka sam hi a kir deuh hlek a a kawi ani mah zawk. In hnuai ah chuan ka chhuk a sitting room ka va hawi chuan Timothy'an min lo melh ran mai a, a in chei dan chu Coat te lo ha ka chhuk pah chuan ka nui chhuak tepa mahse a in hmeh ve reuh tawp. Stepa ka chhuk chhung zawng khan min lo en in ka hria mahse ka en lo a step chu ka melh tlat thung ka nu chuan "mate i in peih maw" a tia ka lu ka lo bu nghat nghat ka nu bawk chuan "kha in va in hmeh teh sawt ve in kawr hak te chu" nui thaw chung chuan alo ti a. "Nizan ah coat lo ha la alo tia " Timothy-a ni. Engthu nge maw a sawi chu nizan ah chutiang sawi turin kan in be thui lo hrim hrim ka lo en vat a min en duh miah lo thung ka nu chu alo nui kar kar a kan chhuak a gate bula bike nalh zet mai chu ama ta anih tih ka hre nghal a. A chhan chu nimin ah khan a bialnu nen an in phur tur kha ka hmu a, helmet full face chu a khum a bike ah chuan lawn mai na chang pawh ka hrelo "chuang ta che " ati zawi sapa a vin lo na chu ka phu deuh zawk mai "aww" ka lo ti hluaia "iva in chei cute ve" alo ti leh.A cute na pawh ka hrelo e a,ka khi suk ringawt amah bawk chuan "i sam kha" alo ti a ka lo melh vat a "ribbon kha a tla tepa" ati a.
Ka sam chu ka dap nghal a bakilh chu alo awma a ribbon pink lai chu alo tla tep alo nia tih chi loh ve aw.
"khawi lawkin ka lo tih sak ang che" a tih chuan sawi tur pawh ka hrelo e a.A induh viau dawn emaw ka tia ka rinai a fel daih ka ti a sir lam hawi chuan min pawt a ani bike ah thu tawh bawk si. Ka sam chu a ti tha ve mai a "ka lawm e " ka lo ti ve sapa Bika ah chuan lawn mai ka tuma kawrfual ka lo ha bawk sia.
Ah enge maw vawiin ah tak kawr fual ka hak ni "hmeichhe thut dan in thu mai la" alo ti leh sapa "e..niaa" ka lo ti ve vat a, hahthlak hian a dar ah chuan ka vuana hmeichhe thut dan chuan ka thu a . A dar chu ka vuan leh duh chiah lo a a seat hnung chu ka vuan a
a seat a sang bawk si ka awm dan mai mai chu ah a nuam lo vel vek.
Kawng awn lai deuh ah chuan a ding dat a. A dar chu vawn loh theih ani lo ka sam lah chu hma lam ah alo bu siau a ka va vuan chat a "ti khan ka dar kha vuan rawh i tla ang" alo ti a. "ahh a ngai chuanglo ka in vuan thei alawm " ka lo ti ban charh a "i tlak chuan i thu thu " alo ti leh mauh mai. A tawngdan mai mai chu ka ngei a tling tawk viau ka melh rum a "min melh rum lutuk" alo tia a nui suk ri chu ka hria side glass a tang chuan min lo en tih ka hria a.Ka zak leh hnuhnawh
College chu kan thleng a mi ho chuan
min lo en duh viau a. Kan in chei dan a inrem si a, kan in hmeh ve reuh ka ti tawp.Nah enge ka sawi kan in hmeh hlawl lo hrep tak chuan ah Hmun fal deuh ah chuan min kai phei nghal dawr dawra "heyy engee" ka lo ti vat a
"college ah hi chuan kan in hrelo" alo ti vat a "enge i sawi awmzia " ka lo ti haw a "college ah hi chuan in hmelhriat kan ni lo " thu tak deuh hian a ti a " mahse.." ka lo tia "mahse a ngailo chu chu thu tawp ban ah kan sawi leh dawn nia " a ti a a kal nghal daih a. ha enge a awmzia nichin lawk khan mi thenkhat kha chuan min lo hmu hlawm a min en duh viau bawka
Tunah 'kan in hrelo' ati leh mauh si ah ka ngaihtuah buai peih lo e a
Kan class lam chu ka pan phei ve nghal a class ka va thleng chuan mi an lo la tlem khawp mai. Kan class ah hian mi Kan tam ang reng viau a vawiin chu ka thleng hma bawka a thleng hmasa pawl chu ka ni Zoremi pawh alo la thlenglo. Tih tur em em a awm bawk si lo a library ah ka kal a lehkha bu chhiar tur ka zawng a
Ka thu a ka chhiar melh melh a Librarian pa chuan min lo bia a "Lo kal thar ami nih a " alo ti a. "aw...nimin atang khan ka lo lut ve chiaha " ka ti a chu bawk chuan "e, lo kal la registration lo ti la " nui sang pah chuan alo ti a putar lam tawh a ni nghe nghe
Ka in registered hnu chuan "tunge i hming bawihi" alo ti a "Amelia Zoparmawii" ka lo ti vat a "Zopar min ti dawn nia" nui seih pah chuan ka lo ti a "Awle i hmeltha hle mai " alo ti a "ka va lawm" ka lo ti ve leh mai bawk
Rei lo te lehkhabu chu ka chhiar a class tan hun alo ni dawn dera library ka chhuah san a.Kan class lam ka pan dawn lai tak chuan mi hi ka su leh deuh chawrh a "anaaa" ka lo ti chiam a "aw..haw nimin ami kha law" Mipa aw chuan a ti a.Ka chal dawm chung chuan ka han en chu Timothy-a bawk alo ni.Awi leh ka hmu duh lo a sin le ka ti rilru neuh neuh a. Tawngpa bawk chuan "thian nu tunge i hming " nui thaw chung chuan alo ti a ka ka
ka ang hman uai tih ah
"Zopari nih hi" TIMOTHY-A an alo ti zeuha ka lo en vat a in hrelo ang in awm ang a ti in ka hre sia tun ah lah ka hming alo sawi leh bawk si.A awmdan chu ka hrethiam lo nasa ni.
"oh Zopar, Micheal-a ka nia" nui suk pah chuan alo ti a. Micheal-a chu ka hrechiah a zia ka ti ka lo nui ve suka
"Aw!lawmsang kal ila" thawk halh pah chuan timothy-a chuan alo ti zawi sap a. Hmm mi in biak lai lai a kha tia lo tih chu micheal-a bawk chuan " aw...lawk" tih leh min lo en a "zopar i number min lo pe" alo ti tlawng mai a "maww" ka lo ti vat a ka aw chu a ring deuh a niang nuiza,in sum tih hriat deuh hian "i number" alo ti a, anui suk pah bawk
a hmel chu a tha ka ti ve reuh tawp a a sang ve tho a timothy-a ai chuan tlem in a te zawka a mahse a chhelo chu ka ti reng, Aw ring zet hian "lallawmsang phei ang " tih leh micheal-a a chu a kuah phei nghal
lawp lawp a, lawmsanga chu alo hawi tawk tawka a kut zei zir leh hmui phun in 'nakin ah aw' a ti mai in ka hria ka lo nui ringawt a
Chhun ah chuan canteen an kan thian pathum bawk chuan kan ei ho leh a class ah pawh hmelhriat chu ka nei deuh nual tawh bawka lo ei ve la ti pawh an awm nawk hlawm mai mahse kan pathum bawkin kan ei ho leh a ka thil tawn mek chu ka hrilh a
mak an ti in Zoremi phei chu a phur khawp mai . A nui ri hawk hawk ani ber, timothy-a a te thian ho an lo lut a a bialnu pawh ka hmu nghal zat bawk an lo in kai phei ti tih a lawmsang'an min lo hmu chu ka lam ah alo kal nghal a ka number bawk min lo dil a timothy-a ka va melh pah zeuh bawk Ani erawh a bialnu nen an lo thu dun a. Ka number ka pek dawn lai tak chuan kan hmalam a tang chuan "micheal lo phei nghal rawh" tih lawm loh hmel zet hian timothy-a chuan alo ti ring khawp mai lawmsanga pawh chu a phu ve deuh zawka.
( awii..a thui mah mah em aww😅 a ngaihnawm a ngem chu ka hrelo a min lo hlut sak threuh dawn nia Chapter 2 tur ka lo ti leh thuai ang🥰 chu mi hma chu Sayonara♡
Comments
Post a Comment