JUST HIM CHAPTER-2 APHRODITE STORY
Ka ngei reuh tak tak ani ka pe hman tep a sin le "tinge timothy-a khan ti khan alo tih hlar a", Zoremi chuan zawi te in alo ti a " ka hre bik lo e ah a mawl anih kha" ka lo ti vin deuh lek lek a timothy-a chu ka va en a ka melh rum khawp mai min lo melh let ve hlauh a kei ai ai chuan a mengrum emaw tih tur khawp in alo mengrum anih chu.Awi leh "a nupui hual mai tur ini sia mipa lak ah a phal lo che niang" rindiki chuan alo ti a. "ni lo ah a over a niang " ka lo ti ve leh hmiah bawk.
Class ban ah ka ni in min lo tlawh kawi rawh atih a vangin ka kal kawia.In chhung ka va luh chuan thu thleng ah TIMOTHY-A bawk ka va hmu a ka lo melh rum khawp mai, a chhan chu Micheal-a kha ka number ka lo pe hman tep anih kha .Ka ni chuan "ee..mahte ilo thlenga hei tim-a te in ah chaw ei khawm tur a nia ava thlah haw che nga in lo kal rual dawn nia, i nu te chu an awm tawh " alo ti nghal thuai thuai a Timothy-a ka va en chuan alo nui deuh suk a ka la hmu hmeltha em em zui. Va han chhe reuh tak ka ti phun deuh sup a ka ni chuan "maw" alo ti vat a "aihh engmah nih ka va haw phawt ang" tih leh ka chhuak leh nghal mai a.
Ka ni thu sawi pawh kha ka hre mumal meuh lo timothy-a khan min lo en char char bawk sia ka en ve ngat ngat a, a sawi ka hrethawi fua fua ani ber ka in chan dan chuan timothy-a nen a kan in melh chhung zawng khan mei alh hluah hluah hi ka hnung ah hian a lo khu luih luih ni mai hian ka hria
Pawn ka chhuak chu timothy-a chuan min lo kal pel nghal vat a, chutia min lo kal pel chu ka ti thei thak lo a ai chak chuan ka pen duai duai a, kei ai chak in a pen ve leh a, awi e nge maw a hriat chu ka tia. Ka tlawm duh bik thak lo a tlan in ka tlan ti tih a ani erawh pangai deuh in a kal leh lawi bawk si a nui ri ka hre zawm zat bawk ka leh hawi thut a , a nui lo ang deuh in alo awm leh daih .Mit ka roll khum ringawt. A bike seat sang zet ah chuan a vawi 2 nan kan han in phur leh chu a nia ka lawn thei mai lo alo ti âwn deuh ka melh ralh a ka chuang ve mai bawk "tha deuh khan thu tawh ang che phurh i hahthlak si" alo ti sap pek a "ee ni maw" thinrim deuh si hian ka ti a chhuk leh ka tum ti tih a chutah a ti nung thut a min tlan pui nghal nal nal a ka phu nasa lutuk chu ka va vuan nghal vat a "i â mi" ka ti vin tuar a "min vuan duh lo emaw ka tia " alo tia. Ka lo la vuan tih ka hrelo ka thlah nghal vat a, a seat hnung chu ka vuan leh tang tang tawh. Bike ah ka chuang ngai bawk si lo a ka ni deuh tung hian ka hre leh pek a ka ip deuh chawih chawih mai a khalh chak ang reng a, side glass ah chuan a helmet chhunga a mit ka va hmu thei a. A mit lah chu a nalh hrep leh nghal side glass tang bawk chuan min lo en a "a hmuhnawm viau ami" alo ti a "aah eng chu " ka lo ti vin deuh hluk a "aw min en char char sia " alo ti leh a teh zek a "i khalh chak em a lawm khalh muang deuh rawh " ka lo ti ban charh a .Tha deuh chuan a khalh ve leh mai bawk, in chu kan thleng a sitting room ah alo thu a room ah kei ka chho nghal a, room ka thleng chiah tih ah min lo call a "T-shirt Var lo ha rawh aw " a tia ka sawi ve hma in a dah nghal daih. Enge maw a var pawh chu.Sawi kher lo mahse hak ka tum sa hrim hrim a sawi vanga ha ka ni dawn lo bur ka duh reng vanga ha tur ka ni
Ka insiam zo a ka in chei hran lo high waisted jeans ka ha a pian lang lo chi a thawl chi ang kha, ka sam chu ka thlah bawk a make-up tlem ka hnawih ve bawk makeup hi nasa deuh ka duh lo a simple deuh hi ka duh zawk ka biang a tai deuh bawk sia make-up ka ngai ve lo ka nu in a ti thin a.
In hnuai ah chuan ka chhuk a
"kal ang lem" ka ti thla ringawt a , ka hawi vela ka hmu miah lo balcony lam chu ka va hawi a kan vaki khawi tawngthei chu alo va bia chu ni in. Ka nui a ti za reuh khawp mai "tunge ka nih , tunge ka nih..timtim "
ti in vaki chu alo tih tir ni awm tak ani. Ka ko duh mai lo a ka phone chu la in video in lak ka tuma ka hmet chiah chu flashlight alo eng kulh a awi leh.Alo hawi rang kher mai "ila hman em" tih pah in ka phone chu lo lak a tum a " la hman la hman" nui kur kur chunga tih pahin ka tlan a min lo um tih ka hriat in ka rak thawt bawk.
Pawn ah chhuak in kan tualzawl ah chuan kan in um a "i delete loh chuan chak deuh in ka khalh ang " a tia min chuh alo la tum zel "i khalh chak chuan chhungkaw group ah ka post ang " ka lo tia ka nui thaw bawk. Chhungkaw group hi kei ni chhunglam leh Timothy-a a te chhung te ka ni te an ni nawk hlawm a kan in neih chungchang kha nizan a tang khan an sawi laih laih reng a " ka hah tawh " a kut pahnih a kawng dawm meuh chuan thaw halh halh a kei chu tho thang tha chi ka ni hrim hrim a ka la hahlo khawp
"kal ang timtim" nui deuh reuh a tih pahin a bike lam chu ka pan a, alo kal ve mai bawk a helmet rit zet chu ka lo pe nghal zat a.Tum deuh bar chung hian ala deuh sawk a ka nui ati za ang reng engmah ka la hman tawp si lo a
Timothy-a te in chu kan thleng a chaw ei chu an lo ti deuh nghal mai a
Timothy-a chhungte pawh an tam ve mai ka rin ai an lo tama ka chhungte pawh Ka pa nelson-a te pawh ka va hmu , ka nu pari te pawh ka va hmu leh zela rin ai daih chuan a hlim awm a hmelhriat sa deuh vek an ni bawk nen a nuam phian mai Timothy-a chuan "inchung ah lo a chho lawk teh" a tia "enge kan tih dawn" ka lo ti nghal thuai a "i hre mai ang" tih zawngin min chhang engtak chu ti leh ang maw
A room kan han lut chiah chu a thim ruih mai a, light alo on a ligh pawl LED strip ligh ang khan a room chu alo zam kual vek a, a nalh vei reuh phian a games khel nasa tih hriat reng reng Computer pawh pathum lai a zawm.A Zawm ka ti mai Anime a ngaisang ve hle a niang Poster pawh a tam khawp mai Hnung lam kil sir ah chuan Thlalak lu kawlh hi ka va hmu a "awii lehh " ka ti chhuak hlawl a "enge" alo ti a "i thil tar mai mai chu " ka lo ti leh hlak a , a en ve zuka a nui suk ringawt a thil tar teh hrep chu Johnny sins-a lem a tar a nih chu awi hepa hi "tinge i hria ami " alo ti sap a
ka hria ka tih chuan tianglam ka en thin ang ah a ngai ang tih ka hlau bawk sia naaa ka lo sawi kher kher ani "a lar a.., ka hria lawm" ka lo ti ban charh a "ka awih lo i en thin anih kha " alo tia teh thlawt a ka en ngai tawp si lo, "memes vel ah a lar em hi ka hre ve lawm" in sawifiah tum tak chuan ka han ti leh a "kha hei hi lo kawl rawh" a tia ka va en chuan a drawer chu alo hai a .A lo hawi chhuak thi nalh deuh mai hi a ni
"enge" ka lo ti vat a "ka chhinchhiah na tur che anih kha " ati mai a ka kut ah chuan min lo pe a, a chhuak nghal daih bawk "min awrh tir dawn lo mi"
nui deuh chung chuan ka va ti leh hrama kal pahin "ee..nimaw" alo ti a in hnuai lam ah a chhuk nghal nal nal bawk . Thi chu ka en mawi reuh tawp engtin emaw tak hian ka lawm rilru veng veng mai
Chaw ei kham ah chuan kan thu khwm a , kan in hual ni tur rel tum vel an lo ni a niang in hual ni tur an sawi nak nak hlawma ka thu ngawi renga Ellie ka hmu bawk si loa ka bula thu ka ni bulah chuan "ni khawnge ellie" ka ti a "alo kal ve lo an exam" alo ti a ka lo bu nghat a. "mate dawr ah min va kal sak lawk ta che" a ti a Chu chu ka chak daih zawk heta thut ve reng hi ka ning tih tur a awm lo si "umm enge ka lei dawn" ka lo ti vat a
Lei tur vel min hrilh hnu chuan ka kal a kawngkhar bul ka thlen chuan Timothy-'an min lo call a thum deuh hian "khawng'e i kal dawn" alo ti a "saw tah ka ni in dawr ah" tih chiah ka sawi hman "pawn ah min lo nghak rawh ka lo kal pui ang che" alo ti a a dah leh nghal daih. Pawn ah chuan ka lo nghak a, a lo chhuak har zek pawn chu a vawt deuh ruih tawh mai October thla tawp ani tawh bawk sia maimichhing chung chuan boruak chu ka hip vang vang a
"hahhh..christmas rim a nam " ka ti a
" Ka rim anih chu" ti in mipa aw chuan alo tia hnunglam ka hawi chuan Timothy-a alo nia ka lo ner sak a. "enge ilo tih ve dawn a " ka tia helmet te alo keng chhuaka "ka lo zui dawn che ka awm peih bik lo" alo ti sam et a "saw lai lawk ah sawn lawm ka kal dawn " ka lo ti leh nghal vat a
"nia, dawr hla deuh hlek ah kan kal mai dawn nia" alo ti thum leh dut a
"khawi ahh.." ka aw ring leh tawh kher mai "saw tah " tih pahin a phei a ka zui ve nghal bawk "chuang la" tha deuh chuan ati leh a "ka duh bawk lo, khawnge kan kal dawn sawi phot rawh" ka lo ti leh a chek hlak pah chuan"tih tam nu, min lo zui la i hre mai ang " ati tham tiak a. Tih tam nu te min tih le ka zui lo chiang viau ang
ka in her phut a "bye" ka tia dinglam ah chuan kal ta daih a, hnunglam pawh ka hawi tawh lo ka kal nghal nal nal a dawr hmasa ber ah chuan ka lut nghal chat bawk. kawngkhar tang chuan ka va bih thla dek dek a
Gate bul ah chuan ala awm reng a, mahse phone a hmang a, a tawng ri ka hre deuh ruai ruai a "um..ka ngai che lawm ka lo kal ang " atia .A bike chu ti nunga chak theih patawp in a tlan chhuak nghala , a bialnu a nih ka ring 'ka ngai che lawm' te kha a ti bawk sia
a pawi teh chei lo khawp mai dawr ah chuan ka thil lei tur ang ang chu ka lei fel a ka chhuak chiah chu "lo kal rawh le" ring deuh hian ka hnung lam ah mipa khat hian alo ti a ka phu chiang khawp hnunglam ka hawi chiah chu
Comments
Post a Comment