JUST HIM CHAPTER-5 APHRODITE STORY

JUST HIM CHAPTER-5  By: Tharthari 

#romance #christmas #friends  #birthday

 Ka vawnna chu ka thlah riai riai a a chhuak nghal mai bawk   ka mit sulh sulh mai hian ka hria tunah khan thlahthlam ni in ka inngai a ka rilru ana a awm thiam a har ka ti bawk . Midang ho chu reilote ah an haw ve hlawm a Zoremi erawh alo riak dawna Gate bula ka thlah liam hlawm lai chuan Maikal-a chuan "Enga tan mah ngaisuh aw..Agnes-i a dam lo deuh a chuvang a niang" tih pahin ka darah alo beng thak thak a ka lo nui tawi tak thung.

Mut na ah chuan Zoremi nen kan titi dun siam siam a Tim-a bulah feelings ka neih deuh thu te, ina a awm tam loh zia te  ka sawi ve luama a lo hrethiam khawp mai 

"a kum a kum inkhawsa dun ve tawha chu mai bakah in in hriatna pawh a rei thawkhat viau  tawh bawk a, a âwm lutuk mahse Tim-a hi a bialnu hi ṭhen ve mai awm" ati niah niaha "keichu ka thinrim tlat ka lo sawi dawn ami" tho  deuh hluai chuan alo ti a "ngailo ah ka hnawksak palh ang" ka lo ti ve thunga, alo mu thla leh hnawk a "enteh Par keichu ka ngei ru riau tawh Agnes-i pawh hi pangai deuh turah  ka ngaia mîpa leh nghal enge maw alo zar buai chhen ni" ati leh hluk  ka lo nuih ringawt ani lah chu ala thinrim amaw ni "nui suh ah ka thinrim pui che lawm, keiphei chu ni ila ka nasa viau ang" ati leh zat a "nia nia nia...." ka tia ka kuah a ala phun bul bul mai. Zoremi ka tawng hi chu vannei ka in ti takzet hun harsa lai ah pawh min hrethiam em em zela.

Dar 1 vel bawrah chuan Tim-a room kawngkhar inhawng ri chu ka hria a, Tim-a pen thawm chauh lo pawh midang pahnih vel pen thawm ka hre tel bawk ka bengchheri  vel mai mai  anih ka ring a ka muhil ve leh mai a , zing ah chuan Dar 6am vel ah ka tho a Zoremi chu ala muttui ngei mai  hmaite ka phih zawh hnu chuan inhnuai lamah ka chhuk thla a choka ah ka phei tlang nghala thlengsil  ngai tlem te chu  ka sila. Sitting room aṭang chuan "Hotunu min lo chhum kep rawh aw" tih ri ka hria a ka va phei nak chuan LalZorinpuia te Sangbawihi te   an lo nia "eheee" ka va ti haw a "in riak alaw ka hre lo re re" ka tih chhun zawma Zorina chuan "nia nizan ah inpa rualin kan lo kal alawm i harh kan hlaua kan bengchhenglo " nui ṭhaw pah chuan alo tia ka lo nuih let ringawt "awlee ka lo chhum kep dawn che u nia " ka tia  Celvin-a leh Hminga te leh Ms-i te ho pawh an lo la hnar bawk bawk mai an van hman tak  ,  khat tawk hi chuan an lo riak zeuh zeuh a nizana ka thawm hriat kha ani ngei ang.

Choka ah chuan ka phei leh nghala chaw  pawh no 11 dawn lai chu ka chhum ei an thei hlawm sia chhum deuh  ṭeuh loh chuan ka tia. Zoremi pawh alo chhuk a "ivan tho hma awm em em" ham bui bui pahhian alo ti a "angai alawm enta che " 

ka tia sitting room lam chu ka va melh pah bawka ava phei a "eheeee!.." a va ti ring hluai a Sangpuii(Sangbawihi) te pawh an lo harh ṭiam ṭiama Zoremi bawk chuan "engtik lai khan in lo luh a.." ati haw a Ms-i chuan mut la kham lo aw deuh hian "dar 1 vel bawrah .." ati bâi bâi a, Sangbawihi nen an lo tho a  rawng min lo bawl pui ve nghala nimin lama ei bang ala tawm bawk sia bawl hranpa vak pawh ngaiin ka hrelo.

An lo tho chhuak tawh hlawma Tim-a pawh  Dar 8 vel ah alo chhuk thla ve nghal thuai a Thingpui ka lo siam nghala ina a awm chang hi chuan ti hian Thingpui ka lo siama mut kham lo deuh hian a pending char char zela tukin zingchu midang an awm ve nual vang aniang a hmelpawh a harh ṭha ang reng viau mai.

Nizan ka ngaihtuah chhuak a ka thingpuii lum ah chuan chî tlem kan telh pek anih kha sitting room ah a ṭhiante nen an titi lai chuan ka va pe a "ka lawm e" alo ti ve sup a ka lo nui sak ringawt. Thingpui a in tur lai chu ngun fe hian ka lo en a, Sangbawihi chuan "iva melh nasa ve i mit atla nge " alo ti pek a "a awih awm loh em mai ah" ka lo ti zawi hlak thung 

Tim-a thingpui in tur chu an lo be seka a  in dawn chiah tih a Zorina'n " Vawiin chu Hunthar vengah min va kal pui teh" atia pakhat lah chuan "nia, tih tur em em ka nei hran chuanglo.." alo ti mai bawka an awlsam ka ti ang reng "Kan veng under 17 ho Football Jersey tur lam lawk a ngai" ati ve leh a. Thingpui chu a in har zêk, a in ve dawn ta aniang ka lo en rân rân a a in ta, engtin nge a awm ang ti a ka en reng lai chuan engtin mah a awm lo a, an titi chhun zawm mial mial a a ngaihna ka lo hre ṭhrai lo.

Choka ah chuan ka phei  san ta daih hlawma Salad ka siam lai chuan Tim-a alo phei a ka lo hrelo der thung ka la ngei ru ve riau alawm. A thingpui in na no chu thlengsil na ah a tleuh a, a tihdan ziah a nia  "tukin zing chu min morning al hle mai" tiin alo nui suk a ka lo melh kâwk a sawi tur reng ka hrelo hre reng chungin alo in lui tih na nimaw awi leh.

"Vawiin chu  Zorina ka va chhuah pui lawk a nge " tiin min lo dil niâwm tak hian min en pah chuan dawhkan bula chair ah chuan alo ṭhu ve a, "khawi ah maw.." ka lo ti ve vat a ka Salad siam na tur  Carrot chu pakhat ala a,a ei zui mial mial a " an veng under 17 ho Football Jersey vel tur aniang min lo lampui rawh a tia " alo ti ve siam siama, min lo biak dan chu a inthlahrung ve deuh in ka hria  ka lo bu nghat ringawt. 

"E...Zopar..nizan khan" a tih lai mek chuan "umm..a pawilo ka hrethiam alawm" ka lo ti nghal vat a pakhat chuan "eng maw i hriatthiam" alo ti leh khauh "aww..! Agnes-i dam lo i va kan ani lawm ni" tih pah in ka thil vel lai chawl meuh chuan ka en a.

Chu tah min en renng   pah  chuan a kekawr ipte chu a a zen rawk rawka min ti hrilhhai ang reng. 

Chutah ṭhi mawi zet mai hi alo phawrh a  ala nui suk zui  , zep lo chuan  hetia min nuih hi chuan ka thinphu hi a rang titih leh der zel tunah pawh. "Nizan khan pek fâl na tur hmun kha awm si lo a " alo ti sapa ka lo en reng thung. Ṭhi mawi deuh a pâwl tak  hi a nia lunghlu ang mai ani ka hmuhtawh hnu ni tlatin ka hria, "a ngai lo sin" ka lo ti vat a.

A ding a ka hnunglam ah kal in min lo awrh tira, ka thin chu phu rang ziai ziai tak hi ani. A hla ṭang pawh khan a mawi a a hnai ah  phei chuan a mawi leh zual ka lawm rilru ve veng veng mai.  Alo ṭhu thla leh a ka nghawng ami chu ka en rauh rauh a "ka lawm e aw.." ka va ti ve sapa buk nghat pahin min lo nuih let ve a.

Tunah tak hi chuan nizan a ka thinrim rûk na te pawh an kiang vek in ka hria a hnen aṭang a piancham thilpek ka dawn hmasak ber vangte pawh a niang.

Nikum kha chuan ka BIRTHDAY kha kan lawm ta lo hrimhrima ka sawi lem lo a tuma bulah ka nu leh pa leh Zoremi chiah in an hria a an ni pathum chauh chuan min wish a Tim-a phei chuan hria se ka duh vak lo bawk. A chhan chu Agnes-i nen khan an leng daiha keichu kan in lamah urlâwk pawh ka hmang.

Vawiin ni 25 December 

"Mahse..vawiin te chu Christmas ani bawk sia" ka ti hluai a Tim-a pawh a chal beng dawt pahin Zorina ako nghal tuarh a 

"mawla vawiin 25 nih hi" ava ti vin ṭhat a Zorina chuan ring leng lawng in "Eeee ni tak " tih pahin alo nui kur kur a. Keipawn ka lo theihnghilh hman daih alawm, chutah Tim-a chuan "Vawiin chu kan chhungte kan va tlawh ve dawn mi " ka lam lo hawi pah chuan atia. Ka phur zawng tak ani " Umm....mahse inkhawm ve phawt ila" tihpah in ka nui deuh a, a chhan chu a inkhawm zen zen ngai si lo a,  keimah bawk chuan nelawm taka ṭawngin " i coat suit pawh i ha chhuak har leh tawh lawm" ka ti zawm nghal a, a nui alo za kher mai.

"Kan in khawm dawn nia" nuih in sum zet hian alo ti ve thei hrama kan nui dun ve nasa mai. Ka hlim leh tawh hle nupa diktak te pawh kan ang ve lawm tiin ka ngaihtuah  niap niap a . Chaw ei kan peih tawha inkhawm kan ngaihthu ka sawia chaw ei ka rawt nghal bawka an ni pawh inkhawm tum ve tho an nia min lo hnial lem lo bawka. Zorina chuan "He in ah hi chuan Hotunu i nia Vawiin ni ang ni pawimawh te hi chu nangman ṭan la" in la fel thu tak deuh hian alo tia ka lo 'umm' ve mai bawk. Kan ṭan dawn vel lai  tak chuan door bell alo ri a ka va hawnsak leh hnuhnawh a 

Kawnga ka hawng chu Mikal-a leh Raymond-a te an lo lang hlawla "ahh" ka lo ti deuh haw a an lo nui dun ver ver a Ray-a chuan "Zingah  Inpa in chaw lo ei phei ve ru midang pawh an awm alo tia" tih pahin alo khi ṭhaw a Tim-a chuan "awi...ka sawi theihnghilh daih alawm" alo ti. Avahahthlak ṭhin tak an lo lut a chaw pawh ka chhum hnem thawkhat tho bawka.Lal biakna te kan sawi zawha chaw chu kan ei tlang ho ta a.

Chaw ei kham ah chuan Sangbawihi leh Ms-i'n thleng an sila midang erawh an haw tawh hlawm Tim-a nen chuan inkhawm turin kan insiam zui a, ka in khawm kawr hmani lawka ka lei thar chu ka ha a ka nu puan min chhawm tir a purple dal deuh ang chi kha ze nalh deuh mai hi a nia, Bag var leh pheikhawk sang var ka bun bawk.

Ka in chei zawh chuan inhmeh ka in ti ve khawp mai. Rooma ka chhuak chu Timothy-a nen kan chhuak rual chiaha kan in en vung vung a kan in nuih ringawt a kan chhuk ruala Tim-a chuan "i nalh khawp mai" alo ti sapa . Ka lawma, a nuam bawk  nuipah chuan "nangpawh i chhelo" ka lo tia kan han in en leha kan nui leh ringawt ṭhin. 

Kan chhuk thlak chuan Sangbawihi leh Ms-i pawn an lo sil zo ve chiah a min hmu dun chu an phul hlut a Ms-i chuan "khaw maw thla ka lo lak teh ang che u " tih leh a phone chu a phawrha Tim-a ka en chuan a hnial hran lem lo a kawt ah  kan pangpar vel langthei thurin la turin ka hrilh ve zat bawk.In ah lo awm turin ka ti dun a an inkhawm ve dawn lo bawka in lo nghak se ka tia

Thla kan lak zawh chuan Car in kan phei a, 

 kan titi dun ve malh malh a nuam ve reng hetia kan titi dun loh na pawh hi kan in neih a ṭang khan kan la nei leh miah lo. A rûk tak chuan tiang reng hi ni thei se ka ti nupa âwh awm tak ni thei ila tiin.

In khawm ban ah chuan in a haw lo in Ka nu te in lamah kan tlang a kan va thlen chuan thla te min lo lak sak ve a, ka nu in kan hmel a hmu chu alo lawm khawp mai 

"Mate chaw lo ei nghal ula. " alo ti ve siam siam a ka pa pawh chuan ei nghal turin min lo ti ve a Tim-a ka en chuan alo bu nghat nghat a "umm...mahse inkhawm bang kan  lo tlang sia Tim-a chhungte kan va tlawh leh nga tlai lamah kan lo kal ang" ka tia  Tim-a chuan ka nu leh pa chu alo be ve luam a, an han nui leh dar dar ṭhin chu a hlimawm kher mai. 

Tim-a chhungte in lam ah pawh min lo lâwm thiam khawp mai tlaia chaw ei turin min sawma ve a mahse ka nu te in lama kan ei tur thu Tim-a'n alo sawi a Nu Rinpuii chuan "Anih chuan kumthar ah hetah in lo ei ve tawh ang" titau aw deuh hian alo ti a Tim-a chuan anu dar a kuah pah chuan "Tehreng mai, min lo ngai tawh ami" atia an awm dan ka hmuh chuan nufa in ngaitak an ni. Ka lo nui ver ver a Nu Rinpuii chuan " Ngai ve bawk ang chu..ka fapa neih chhun i nih hi..min lo tlawh khat si" tih vel ten an in bia a. Keipawh ka lakah alo vui ve viaua ka lo insawi fiah ve bawk.

In lam ah chuan kan haw a kan inthlak a kan kal leh mai dawn a mahse keichuan "Car in kal kher tawh lo mai ila" ka va ti a Tim-a pawh chuan alo 'aw' ve mai bawka a bike chahbi alak dawn lai chuan ka scooty chabi ka va la tharha min lo en ringawt a 

"vawiin chu ka scooty khalh ah ka phur ang che" ka ti ṭhaw a, alo nui suka "min tluk pui a nge" " a teuh lo mai ka khalh thiamna a rei tawh " ka lo ti vin hlar thung ka melh ruma kan nui leh thuai.

Scooty chuan  chu ka phur ve ngei a, ka ṭawng tui leh barh barh tawh hle ani pawn alo ngaithla ve mial miala alo 'aww..umm' ve char char bawk. Kan Make-up Dawr 'LOVE' pawh kan hlawk ve deuh tawh thu te ka sawi ve luam a, ani pawn min lo tuihnih ve zel bawk, scooty ka khalh bawk sia kan ṭawng ring dun thei le a chang leh "maww..maww" ka ti leh chiama ani lah ṭawng ring chi ani bawk nen "i ṭawng zawi set sut si.." ka lo ti leh hlak ṭhin. Ka dar ah chuan na lo te hian alo sik reuh a ka nui ati za ang reng. Mahse vawiin ni chu ka hlim ani, rei erawh a daih angem ka hrelo mahse hun reilo te chhunga kan awmdun pawh hian ka hlim hle tih erawh ka in hei mawlh lo.