JUST HIM CHAPTER-6 APHRODITE STORY

JUST HIM CHAPTER-6 BY: THARTHARI

#happening  #goodtime #romance

Dar 4pm vel ah chuan kan va thleng thei ve hrama, ka ni te ho in chaw an lo ei ve dawn bawka kan ri deuh laih laih a Ellie pawh alo awm der tawh, Kum 1 dawn chu phai ah lehkha zir in a awm char char a nimin piah khan alo thleng ve chiah ani.Kan in hmu chu thil chi hrang hrang min zawta kan titi tui khawp mai Tim-a leh pa tea an in be ve mawlh mawla nuam ati lo hran lo anih ka ring.

Ellie a ṭawng malh malh lai chuan " u Zopar i ṭhi chu van nalh" tih leh a Locket chu a en vang vanga "Diamond dik tak ani maw" tih pahin min lo nek salh ka lo nuih ringawt a "khawi mi nge " alo ti zawm leh zata Tim-a chu melh zeuha, phur fahran hmel hian alo nui ṭhaw a. "Birthday gift" ka tia ka hrilh ru ser ser a min en pah chuan alo bu ve nghat nghat a.

Zan riah kan eikhawm hnu chuan rei lo te kan ṭhu khawmuang leh  a  , kan haw ve ta a in lam ka ngaihtuah ang reng kan chhuah dawn khan Sangbawihi leh Ms-i chiah kha an awm bawk sia ka rilru a hmanhmawh ve ang reng tawh. "In ah an awm a ngem le" tiin Tim-a chu ka en a " awm âwm tak Ms-i te an awm ani lawmni" alo tia "ka hrelo kan kal dawn kha chuan an awm ngei a haw an tum deuh thu te kha an sawi sia in lam ka ngaihtuah tawh deuh " ka lo ti  ve thung. "Ngaihtuah ngai hleinem an awm loh pawn a ṭha vek ang" ati ve leh a.

In kan thleng chuan an lo haw tawh aniang a reh duk maia ka room ah chuan ka chho tlang nghala. Dar 8 chu a ri dawn der a inbual pawh inbual tawh lo in ka inthlak a ka inthlak zawh chuan in hnuai ah ka chhuka tukverh vel ka check a,alo in kalh kim loh takin ka tia. 

Tim-a lo chhuk thla chu ka hmu a Choka lam ah a phei tlanga  ka tih lai chu ka ti leh vat a, a chhuah leh mai ka hlau ani mahni te a in a awm chu ka hreh reuh tlat  nidang ah chuan a ṭhiante tu emaw tal an awmziaha emaw ka ṭhian hmeichhia te zanin chu an in lamah an awm ve hlawm dawn anih ka ring an lo lang miah lo. . " Sosage leh Artui min lo kan" Timothy-a ani a Choka ṭang chuan ring ve deuh mai hian alo ti a thu sawi chuan min ti hamhaih deuh bawk a chhan chu a chhuah ka rin leh vang ania . Hnung lam chu hawi in   " Maww.." ka ti deuh haw a Choka lam ah ka phei ve nghal vata Fridge bulah chuan alo ding zum zuih ka ti dawn nge inthlahrun hmel ang reng tak chuan min lo en a "Ka ril a ṭam deuh a " alo ti leh sapa "Eeee..chaw kha i ei tlem ka ti rengah"  tih pah chuan Sosage leh Artui chu ka la pah bawka dawhkân bula chair ah chuan ani alo ṭhu thung.

Tim-a chuan "Ka ei hnem em kha" alo ti leh khauh a "I ei hnem lo e ah..khawrh khat bak kha i ei âwm ka hrelo" ka ti ve nghal a ka vin lo a, zaidam deuh in ka be chuanglo a nui ri suk chu ka hria a. " Kum hlui thlah zan chu Sumlawma ten ah an tia" alo ti leh a "Zorina ten ah maw" ka ti ve thuaia. Ka thil kan dawhkân a dah pah chuan ka ṭhu ve nghal bawka "um..a man ka tum vek ang atia" "ee..awi..pawisa nei mi" ka tih chuan alo nui haka keipawh ka nui ve bawk "A nei aniang a phur em mai" alo ti ve leh a ka chhang lem lo a thil ei lai chu a ei mial miala phone ka khawih san thung.

A ei zawh chuan ava sil leh thlapa hei chu ngaiah ka nei tawh a thil ei na chu a sil ziaha ka ti lui chiam tawh ngailo. A chhoh mai ka ringa alo ṭhu leh a ka lo en deuh haw a a nui aza deuh aniang "min van en duh em em " alo ti suk a a hmel ka en chuan a nuih a in sum tih ka hrethei 

"a..awih awm loh em mai " ka lo ti nghal thuaia alo khi deuh suk thung , ka rin ai in a kal har zantin deuh thaw chu a chhuak ziah sia .

Chutah Tim-a chuan "Nizan khan Ms-i te ho khan enge an sawia " alo ti a "ee..an Dawr thar hawn na ah min lo ṭanpui ve se an tia chuan Helmet nalh deuh kan pe ang an tia"  ka tih chuan alo nui chhuak haka   "Eng ang ang dawr nge an hawn ve a " tih pahin ala nui a awih lo deuh a niang Sangbawihi leh Ms-i chu mi ho ve deuh ang chi hi an nia 'Two Wheeler accessories ' tih ang reng vel dawr hawn an tum ve a. An ni pahnih bula awm chu rilru tawt te hi a bo vek zel an nui ring dun thei bawk si a.

"Two wheeler thil kaihhnawih vel a niang an phur khawp kha " ka lo ti a  "Kan call chhin " tih pah chuan a kekawr ipte a mawni a in dap nghala "phone ka keng thla lo nih hi" alo  tia ka phone chu ka pe thuaia a call ta. Sangbawihi chuan "Zopar...awi kan ngaihtuah lutuk che a , kan lo phei dawn mi" alo ti nghal a a sawi awmzia chu ka hre nghal Tim-a chhan hma hma chuan "Vanlalduata a chhuah na rei tawh em " alo ti vin nghal hlar bawk Tim-a chu ka en deuh zuk zuka "Lalhmangaihsang" Tim-a chuan thum deuh dût hian a ti a, a hmel ah erawh danglam a awm chiam lo nui zo hlim ang tho kha ala ni Sangbawihi chuan "awii..in ah i awm a law..a ṭha tikhan awm rawh in nu ngaihtuah tawh rawh" alo ti leh nghal a ka lo ip chawih mai  Tim-a chuan chhân ka rin loh ang deuh in alo chhang mauh a "umm..ka awm tawh dawn alawm" alo ti sapa. A mit ah chuan phawk deuh in ka en nghal ani pawn min lo en a in melh hnai tak kan ni ka thinphu te chu a rang leh vek tawh nia awi leh "A ṭha ti khan pasal pangai deuh ni tawh rawh amah te in a riah kan hlau lutuka Ms-i nen lo phei kan tum hman alawm" alo ti leh a a hma ai chuan a ṭawng pawh a zawi tawh deuh chutah Tim-a chuan "Engtiang in maw sum ka lo thawh dawna " nui pah a a han tih chiah  chuan pakhati chu alo phur leh nghal kher mai thil awmdan te chu an inhrilh vel a Sangbawihi pawh a mood a inthlak leh vek tawh Ms-i nen an awm dûn a niang a khat tawkin thu alo belh ve zeuh zeuh bawk.

An in biak zawh hnu chuan phone chu min pe a "Ramhlun ah hawn an tuma an phur dun mai sia " ati niah niaha ka lo nui ringawt thung "ka han mu tawh teh ang" ka tih chuan "keipawh " tih pahin rang fahran hian a tho a, ka lo en tawp "enge ka mu tawh dawn alawm keipawh" tih pah chuan ka lu ah alo tuai thuaka  a phei nghal nal nala min ti hrilh hai zawk alawm ah.

Ka mu chiah tih ah reilo te ka online a 

Tim-a message ka dawng hlawla "i mu tawh em" tih hi ani. "mu chiah, nang" ka ti ve leh a "Aw..mu tawh e ka la muhil lo mahse" alo tia ka nui ati za ang reng reply dan tur la chu avang hrep leh nghal "umm" tih chauh ka va thawna ka phone chu ka awm zâwn ah ka dah thla leh rih. 

Taka nichin khan Sawngbawihi nen a an in biak khan 'ka awm tawh dawn lawm' kha a ti sia an inṭhen a mawni le ..ka ngaihtuah  rauh rauh lai chuan Tim-a chuan message min lo thawn leh a "naktuk ah leng ila" tih alo thawn a , ka ngaih a ti ṭha lo rum rum dawn in ka hria alo awm dan teh thut chu . 

Reply lo chuan ka seen vang vanga amah bawk chu 'typing...' a in ti leh a ka chang rân bawk "tih tur i neih loh chuan" alo ti leh a "nei em em chuang lo e , dawr ka hawng dawn lo a " ka lo ti ve mai bawk "um..kan leng dawn nia" tih pah in emoji nui lai hi alo thawn tel a hriat loh karin ka lo khi leh vur vur tawh hrep tak chuan ah "tih tur i nei lo mi nang i hna te" ka ti ve leh thunga 

a 'typing..' leh mek a. Tim-a chuan "um..ka pa khan tun thla chu chawlrih turin min tia" alo tia vawiin a kan len khan an inhrilh anih ka ring.

Thu ho lam te te kan in zawt a a nuam ru veng veng mai ka hlim lo ka tih chuan dawt ka sawi ngei ang .Dar zat pawh ka lo hrechang tawh lo Dar12 alo ri der tawh "mu tawh ila" alo ti ve chiah bawk a 'ila' alo tih lai tak chuan ka lairil min fan nghal in ka hria ka mur chum chum thei hial ani  "umm..muttui" ka va ti a ani pawn.

Phone ka dah hnu pawh chuan ka mu thei mai lo ka hlim em ani engtin emaw ni tak hian... chuan khum ah chuan ka in let ka in let mai a thil tamtak ka ngaihtuah a, hmalam hun tur chu ka thlir duh lo tun hun hi a pawimawh ber tunah hian hlim ila enge kan hma ah lo thleng tur hrelo mah ila kan hlim theih chhunghi chuan hlim em em hi ka tum ani ber engtin tin tin emaw ni chuan ka lo in âwi mu ve ta hrama

Zing ah chuan Dar 6 leh chanve  vel ah ka harha tihtur ka nei chuang lo a rei lo tê ka chhing leh sek  a . Ka chhing hman awrh  tih ah ka Nitêi Champhai ami chuan min lo call a "ee..Mate...naktip ah i u Mawizuala  te an lo chhuk dawna i pa te in lam ah lah an awm ve nual bawk si a , ka in thlahrung viau tho nangin in in ah thla khat vel chu lo châm tir ula. " alo tia ka lo rem ti nasa ngang mai "aw...tehreng e..a inthlahrun na tur a awm lo" ka lo ti ve luama ka nitê i chuan "Hna zawn an lo duh ve deuh mawle, hei an ti deuh thut sia lo sawi lâwk tur ania" ati leh siam siama. Mawizuala chu ka nitêi fapa naupang ber ania kei ai a nau hret a Champhai a kan awm lai ta tawh min ti buai bang lo kha ani bawka ka ngai ve tawh khawp mai . 

Kan in biakna chu ka ti tawpa hmaite ka phih zawh ah in hnuai ah ka chhuk thla nghal a eirel ka bawl zui mawlh mawlh bawka Dar 8 vel ah Tim-a alo tho chhuka thingpui ka lo siam a  tih dan ṭhin bawkin a pending leh reng tawh keichuan rawng ka lo bawl san hmiah hmiaha , a in zawhna chu ngawi reng hian alo sila "I muttui em" alo ti sapa "umm..muttui nang" ka lo ti ve nghal thuaia "Tui" tih zawngin min chhanga amah ka en chuan alo nui suk thung.

Chaw kan ei lai chuan "Tim ka nitêi fapa Mawizuala kha alo awm thla dawna ka nu te in lamah lah mikhual an tam sia thlakhat vel chu alo awm maithei" ka ti a 

"Umm..lo awm se enge alo tih ber dawn" aw dam dup hian alo ti a "hna a zawng ve tawh dawn aniang" ka lo ti maia Tim-a chuan "kan company ah lo thawk se" alo ti mauh a a tihchi tak viau ang an kal rual thei anga "ah a thiam pawh ka ringlo" te chu kan ti ve vel a pakhat chuan "a inzir dawn alawm alo chhuk hun ah kan lo sawipui chhin" alo tia ka lu ka lo bu nghat thung.

Thleng ka sil lai chuan ha alo nawt a, a mah tawp hi chu a hmelṭha in a chhelo ve narawh.Ha nawt pah chuan "vawiin chu Dar 10 ah lo in peih la" alo tia "umm..nia khawi ah nge niang" ka lo tia "Thenzawl ah kan kal dawn nia" alo ti daiha ka lo en heu mai "Teh daih chuan..ava hla âwm " ka lo ti ner nanga ani erawh a phur hmel viau mai.Min chhang ta mai lo chuan a kam chu a ṭhuah a ka lo en renga a che vel chu a hmuh nawm riau leh  nghala keimah tê hian ka lo lâi dawn dawn ringawt zel nia.

"Kan châm dawn alawm" alo ti mauh mai ka lo ka hau tawh, ka sawi leh hma chuan "A nuam lutuk" tih pahin ka lu ah alo tuai zeuha a kal leh nghal daih , ka ka ka ang hman zuau tawh chu ka chip leh rih ka ding râr rân a thleng pawh ka sil chhun zawm mailo, in chung chhohna step ah chuan a chho ri ka hria a "Zopar" alo la ti lang lang zui ka va tlan phei a "Engee.." ka ti deuh vaka "enge...ka chhuak lawk anga lo in siam peih rawh aw" tih pah in alo nui suka. Khawi ah nge maw a kal dawn ni ka lo 'aw liam vel ta mai mai a, choka a ka phei leh chuan ka ṭhen chiam chiama ka kal chak lutuk chu ka in ringhlel rum rum zawk amah nen kan nih dawn vang aniang thleng pawh chu ka sil zung zung tawh mai ani.

Dar 10 rik dawn ṭep chuan alo thleng a a kal na pawh ka zawh hma in "Raymond-a te'n ah ka pheikhawk a kawl daih a lawm" tih pahin alo hmanhmawh khawp mai, polythene aṭang chuan pheikhawk chu alo la chhuaka a bun zui nghal mawlh mawlh bawk. "Hman hmawh lutuk suh " ka lo ti a. 

Motor chuan kan kal a traffic alo zâm nasa bawk sia  kan thim maithei ani.

Kan thlen meuh chuan Dar 6 vel ari dawn a, Tim-a ṭhiante in ah kan thleng a an lo fel khawp mai chaw te pawh min lo chhum kep vek a Tim-a'n alo sawi lawk anih ka ring. Chaw kan ei kham chuan mikhual room ah chuan kan phei a khum phakhat chiah alo awma kan in en rang nghal khawp mai "Chhuat ah ka lo mu mai ang" ka ti a  Tim-a chuan "a ngai hleinem khum ah mu rawh" alo ti a "khawi ah nge i mut ve dawn" ka lo ti bah  nuaih a "khum ah tho" alo tih chuan ka lo ka hau mai alo nui ri suk a kan thil ken vel chu a dah ṭha pah nghal zat bawk.

Thlang lam a Veranda ah chuan ka kal thla a, boruak chu a nuam in a thiang kawk mai a Aizawl ai ngawt chuan a nuam in a ka hahdam sawng sawng hian ka hria boruak chu ka hip kawk kawka "Christmas rim" ka ti sapa keima hriat tawk vel in "ka rim anih kha" ti tu chu Tim-a ni ka hung mai ah chuan alo ding a  alo chhuak ve nghal bawk. Ka lo nuih ringawt a Tim-a chuan "hmana kan in inhual na vel an sawi a len pui ah ka sawm che kha ila hria em" alo ti sapa "len pui ah min sawm ami..a awih awm loh em mai " ka lo ti ve vat a "ani lo ami" a tih chuan "ni mai mai lo..dawr ah ka kal dawna hmun dang dawr ah kal ang iti tlat anih kha" ka tia alo nui suk mai kei ka lo ner sak thung chutah Tim-a chuan "tah khan leng ang tih ka tuma " alo ti leh a ala nui ri vak vak zui awi leh "kal teh ah daw daw lo mai rawh" tih pah chuan a dar ah ka ben sak a "ana..!" alo tih chuan ka lo ner khum nasa ngang mai mahse kan nui dun ver ver a .

Mut dawn ah khum bulah chuan ka ding reng a ani erawh alo mu fel thân  tawh "mu ta che" alo tih chuan ka mu ve nghala mahse a sir thei ang ber ah ka mu a a chhan chu ka tîm deuh tlat rizai pahnih tal awm se ka ti rilru viau ani. Mut na ah chuan thil eng eng emaw kan sawi dun a a chang leh kan nui hak a a hlimawm riau alawm, a bialnu nen a an chungchang erawh ka zawt duh lem lo a man a sawi te nih loh chuan.

Ka rin ang em em in mut dun chu a nuam lo hran lo a, khua a vawt ang reng si a puan phakhat chauh ani bawk nen kan in hnaih sawt hle a a pangti lum te chu ka hrethei ka taksa leh a taksa a in deh zawng chuan a , a sa a chutah Tim-a chuan "Amelia Zoparmawi eng tin nge niang" alo tia a zawhna chu ka hrethiam hauh lo a lam chu ka hawi a ani pawn min lo en  kan in en char char a alo tawlh phei hrut hrut bawk kan in hnaih  tawh hle a ka ka thinphu ri chu ka hrethei awmdan tur pawh ka hrelo Tim-a chuan min lo kiss zuka.

Ka in ring hman lo reng reng a mu ṭha leh nghal hmaka mak ti deuh chuan ka lo en a min lo nuih suk thung "mu tawh rawh tlai tawh" a tia a maimichhing nghal daih bawk. Ka saisir a tun mai ah khan Timothy-a'n min kiss, Kiss zawk tak meuh meuh mahse ka thinphu rang lutuk chu reh thei lo ka lawm nge ka lawm lo pawh ka hrethiam chiah lo. Lawmna ka neih rualin lawm loh na a awm a chhan chu ka hrelo mahse min mawlh tu a awm.

Zingah chuan ka bula mu chu alo tho tawha ani ang lo takin kei ai a tho hmasa a, rawngbawl pui turin keipawh ka tho chhuak nghal thuai bawk pawn ah chuan Tim-a leh a ṭhianpa chuan ni lum an lo ai a ni a tlangsang hma hle a tlang deuh lai ani bawk sia. In chhung ah chuan Tim-a ṭhianpa nupui khan thingpui min lo siam a kan in dun a , a hming chu Marry ania a pasal chu Rinawma  Aizawl khua ve tho an ni  âwm e min be peih sia a ti ti siam siam kar lo ah kan in nel chu ani deuh mai ka kawm ngaih chi tak ani. 

Chaw ei kham ah chuan leng khaw thang turin kan chhuak a, Golf te kan va khel a thla te pawh kan la ve nual mai hmun hrang hrang kan tlawh kual a nuam kher mai Tim-a nen pawh kan in pawh sawt in ka hria.