JUST HIM CP-10
In lam pan chuan kan in khalh haw a in kan thlen chuan ka lu a hai deuh a ka awm chu a nuam lo lam mah ani, sitting room ah ka phei tlang a Sofa ah chuan ka va thu a Sofa ban ah chuan ka lu ka nghat a ka maimichhing vang vang a ka lu ana lutuk.
Tim-a lo phei lai reng ka hrelo "Zo.. Zopar.. " tiin min lo sawi a "tinge i nuam sam lo ami? " tiin ngaihthat loh hmel deuh hian min lo en a "nuam sam e.. Ka motor chuan kha ka rui deuh aniang" ka lo ti a Tim-a chuan "a hlat loh teh reng nen tirawh room ah chho ang" tih leh min kaihthawh a rual a
Khum ah chuan ka mu nghal daih bawk ka chal alo khawih a "i pang a sa nih hi.. " tiin puan min sin tira hetia min ngaihsak hian a nuam ka ti engtin emaw ni tak hian ka lung a chhe lek leh lehnghal eng nge ka hriat pawh ka hrelo.
"Damdawi ka va lei lawk ang aw tikhan lo mu hahdam rawh " atia a kal a. Tim-a kal na atang darkar chanve lai a liam tawh alo la let miah lo a, a rei ka ti tawh em vang chuan ka call a mahse room ah a phone chu a ri tlat phone a kenglo lukham hnuai ah chuan alo awm daih alawm . Thawk chu ka la leh halh thina Tim-a phone chu alo ri ral ral a ka en chuan 'Sumlawma' tih hi nia Zorina nih ka ring ka lak rual rual chuan "Zan ah lo kal ru tia mahse Tim-a keichu.. " atia ka lo pawt chat thuai a "Zorin keimah... a phone a keng lo a" ka lo ti thuai a atawng zui mai loh avanga chuan ka hello leh a "Zopar khawi ah nge a kal a " alo ti tha ve leh mai a. "Damdawi lei tur in a chhuak a alo let tep ang " ka ti a call pawh kan dah zui a.
Reilo te ah Tim-a pawh lo thleng a ka lo muhil hman titih a min lo sawi harh a damdawi chu min ei tir a mahse a kha lutuk ka luak a chhuak ka insum zo lo tep ani bathroom ah chuan luhai hrechang lo lek in ka tlan phei nghal rawk rawk a. Tim-a pawn min lo ûm zui ve thuai bawk ka chal ah chuan alo dawm a ka lo luak bawrh bawrh thung. "Ei sual i nei ami le" ati a kei erawh ka la tûl khawp mai ka duh tawk a ka in bunruah hnu chuan "ka hrelo" ka lo ti zawi sap a.
Ka hmai te chu min phih harh saka ka chau lutuk chu ka che peih mawlh lo ani ber mahse ka rilru chuan ka chal a min lo dawm te khan ka dam sawng sawng hian ka hria tunah pawh min duat na a tih lan hian ka lungawi a a nuam pawh ka ti. Mahse eng nge mawni hian min mawlh tlat lawi si 'chu chu ani' tih ka hria a zing pawh ni lo mahse chu mi chu ka nghak nimai hian ka hria chu chuan ka awm pawh a ti nuam lo.
Tlai ah chuan rawng pawh bawl thei lo in khum ah chuan ka mu ta reng a ka lu na chu a zia viau tawh mahse ka pum lamah a tuan aniang ana lutuk ka pum chu ka dawm vang vang a,room kawngkhar in hawng vang chuan ka harh a ka lo chhing leh sek a niang khua alo thim fel leh der tawh Tim-a lo lut chu ka hmu nghal zat bawk eitur min lo ken a sak a "ei rawh aw I chau lutuk ang I pum a ruah chuan a tha lo ang" alo ti dap dap a "umm" tiin ka lo in beng tho ve thuai bawk.
"Nangman I ei tawh mi" ka lo ti zawi sapa alo alo bu nghat nghat a min nuih suk bawk "Ka ril a tam lo e" ka tih chuan "ei ngei ngei a ngai naute pawh a ril a tam tawh ang" alo ti thuai a chaw chu fian hian min barh a "ka nui dawn" ka lo ti chhuak hak a "timaw" alo ti haw a, angaihna hrelo hmel te chu a hmuhnawm lutuk nui tha chungchuan "naute pawh ka ni hleinem ka ei ve thei tho lawm" ka lo ti a. A lu alo thing vut a ka lo en char char bawk "mahse naute nu tur I ni sia lawm naute lo pian hunah ka duat dawn si lo che a " nui hak chung hian alo ti a keipawh ka lo nui tho tha deuh chuan fian a min barh chu ka lo ei a, min duat lutuk a ka hnukte pawh a ulh dawn dawn alawm hetiang hian kan pahnih inkar ah thleng ka ring ngai miah lo a.
Ka naute pai pawh thla 7 lai alo ni ve ta reng a chet a harsa ve tawh lutuk awmpui kan la a, ka chet emaw engmah ka tih kha tunah phei chuan an phal tawh lo naute thawmhnaw tur chi hrang hrang kan ngah tawh lutuk a a buaithlak lam mah ani mahse a lawmawm.Hak sen loh khawpin duhsakna kan dawng a Tim-a'n hna lam vangin Mumbai ah min zin sana
Tim-a chhungte leh keima chhungte lamin min lo tlawh reng bawk nen ka lung pawh a leng hman mawlh lo.October thla vel a neih kan in beisei kha ania Pathian zarah in sawisel na em em ka nei lo hlauh a ka fa lo piang tur tan chuan Tim-a'n Mumbai an zinna atang la phiar senno hi alo hawn a kawrlum te lukum te mawza, te ani a a pink alo hawn danah hmeichhia anih a ring aniang 'engpawh lo hring ila kan fa ani dawna duat taka lo pawm chu kan tih makmawh ani a Pathian malsawmna vang liau liau ani' tih Tim-a hnen ah chuan ka hrilh bang alo ani pawn alo hrethiam thin khawp mai.
Mahse hun hi tinge a danglam chak em em mai le, ka hma a thu hmeichhe naupang kum 2 mi toys khalh lai chu ka thlir reng a min lo en a alo nui vur vur a, a la hmeltha em em zui, sam buang uk ani a, a kir bawk a meng kiau a biangsum ala nei kulh zui ka lam pan chuan thil alo keng phei a a min lo kuah a ka lo kuah let ve thuai bawk.
"I van chei thiam em em ... " ka ti a min lo en a in ti thei fahran in a phengphehlep lem chei chu chu boruak ah a keng kang va va bawk "nu" alo ti a "um.. Bawihte " ka lo ti thuai bawk ice cream a ei chak thu min hrilh a. Ka nu te in a kal pahin tiin ice cream lei tur chuan scooty in kan chhuak a .
MC kan tlan pelh dawn chuan Mawimawii chu alo phi chung a MC kawt ah naupang infiam na vel an lo siam chu lo nia "Mawimawite saw.. a û te vek an nia haw lam ah aw" ka tih chuan tah alo tum ti tih mai a. A tap khat viau a sin le a kal ve chak ngang a niang Scooty ka park hnu chuan ka pawm phei a mahse naupang an lo tam bawk si a. Ka duh vak lo an bengchheng bawk si Mawimawii lah a phur hmel bawk sia sir lam a balloon zuar bulah chuan ka phei pui ta daih a balloon a hmuh chuan alo lawm kher mai. Unicorn lem hi ania a Pink. Kan kal ta ro ro tiin a chhungah kan va lut ka ni te dawrah kan han lut a Ellie leh ka ni an lo awm Mawimawii an hmuh tawh hi chuan pawm hi an in chuh thina Tu pawh mai hian an pawm thei a a fel hi ka ti ani ka fanu a ni miau a .
"Mawimawite i kawr chu avan nalh em em " ka ni chuan alo ti a Mawimawii te reuh chuan "anu min lei" alo ti a kan lo nui dar dar a. A nula ve tan lutuk kan nuihpui leh dar dar thin. Mawimawii bakilh tur leh ka ta tur chu a in ang in kan lei a kan kilh ve ve a anu te Ellie in a sam alo tawn kak saka a
Ka nu te in kan va thlen chuan pawm an lo in chuh a Mawimawii chu atap miah lo api in pheikhawk thar alo lei sak a , a nui var var a alo lawm ve ngang aniang api nen hian an in awm nasa bawk sia an in ngai hle thin. Zan riah ei ve nghal turin min ti a kan ei ve nghala chaw ei na ah chuan ka nu in an in a awm phei turin min ti a hman atang tawha a sawi thin ania ngaiah ka nei tawh ka duh loh thu bawkin ka chhang a.
"Mawimawii kan ngai ve bawk si a chu lo ah in nufa chauh a saw ta awm reng kha ngaih a ngam thin lo a lawm " alo ti leh a bawrh bawrh a ka pa pawn alo pawmpui khawp mai "kan nufa chauh in kan awm hleinem nu hriati te nufa an awm a, ka thiante pawh an lo kal reng alawm" ka lo ti ve bawk Ka nu te Mahruaii te awmlai ani bawk sia an ni pawn an lo tui hnih ve sang sang a mahse hetah chuan ka awm lo ang. Hman ah khan he in atang hian Pathian hriatpui na ngeiin ka chhuak tawh a tunah engvangin nge ka let ang ni.
Zan ah chuan kan nufa in kan haw phei a nu Hriati pawh a fapa nen chaw an lo ei mek a , a fapa hi Mawimawii ai a û hret a mahse an in kawm tawk khawp mai Nu hriati hi a pasal in a then a hetah kan in ah awmturin ka ti a amah mi inthlahrung mi ani bawk si a awmpui angin awm a duh talh a ka la zui ta mai bawk. Bawihtei nen chuan Room ah kan chho a Chhun ah a muhil bawk si lo a khum ah chuan a phei a amah te in ava mu thlep reuh a ka khawngaih reuh lutuk.
A pheikhawk te chu ka phelh sak a ka mut that tir a a muhil nghal siai siai mai.
Khum bulah chuan ka thlir reng a a hmeltha ka ti , a duhawm bawk si apa kha a chhun lutuk a mit ah te a hmel ah te a nuih zawng phei chuan apa kha ka mitthla ah alo lang uar uar thin. Tunah hian eng nge a tih ve ang le? A awmna hmun ah chuan a hlim angem min lo la Ngaihtuah ve reng thin a ngem le nge ni a min theihnghilh tawk zawk anga chhungkaw thar a din tawh zawk ang. Beisei bo mai ka beisei ang tih ka hlau ani .'Timothy lo haw tawh rawh khawiah nge i awm daih le i fanu hmel pawh hmu lo in khawi ah nge i kal a chhun lutuk che a sin, a nuih zawng phei chuan maw in in ang lutuk a nui hmel hmuhnawm zia te hi hmuh ve i tum lo ami.
Ka nghak che a ka nghah chhuah ngei che pawh ka ring, lo haw thuai rawh kan lo nghak reng che a nia aw'.
Kar hnih zet chu a liam leh tawh a Tim-a kal bo atang kum 2 leh chanve chu a pel tawh. Kan dawr thar hawn ni July ni 24 . Dawr kan va thlen chuan dawr a thawk tleirawl ho chuan an lo chei nalh khawp mai "u Zopar kan guest tur te kha dar 1 ah an lo thleng dawn a " tiin Faktei chuan min lo hrilh a "Kan in peih tawh ani lawm ni ... Fakte Mawimawii hi lo va in siam pui lawk teh bag ah khan a kawr hak tur a awm" tiin an banner tar vel chu ka lo vawn pui pah lawp lawp a .
Dar 12 leh chanve vel ah chuan kan mi sawm te pawh an lo thleng nual tawh kan dawr hi Mall tur a nia a lian khawp mai a Aizawl hmun lai li tak ah building awl a awm a kan chei tha ta kha ania kan bei nasa bawka kan chhuah mawi ve viau chuan ka hria. Ka chhungte pawh an lo thleng hlawm tawh a kan Chief Guest tur Pi Rosy-i pawh alo thleng a pangpar te kan lo pe a kan in chibai sang sang hlawm a. Ushers ho te nen an phei a kei erawh kan mi sawm te ka lo la hmuak thung.
Sangbawihi te Zoremi leh Ms-i te, Calvin-a te pawh an lo thleng ve nual ta bawk a kan lut ho ta hlawma hunserh te kan hman zawh chuan in chunglamah refreshment an awm a chumi zawh ah dawr chu kan hawng ta a. Mi pawh an tam ngang mai ka rin ai an tam a, pi Rosy-i te nen chuan kan ti ti sap sap a.
(Zanin chu ka ti tawi deuh maithei a ni😅nizan lam ah ka lo ti bo then daih a min lo hrethiam mai dawn nia ngaihnawm in tih ngei ka beisei🥰 ka tawp lak lawh em🤣)
Comments
Post a Comment