JUST HIM CP-11
Zan dar 7 vel ah pawh customer kan la nei char char a a lawmawm lam mah ani. Kan receptionist ho pawh an hah tawh viau in ka ring Sunday ah kan in a chaw ei khawm turin ka sawm hlawm a, Mawimawii a mut a chhuah tawh em vangin kan haw a in kan thlen chuan a thawmhnaw ka thlak a hmai te ka phih saka khum ah chuan ka mutpui a. Keipawh ka chau ve deuh a niang ka lo chhing ve hman sek ka phone ri chuan min lo ti harh a "hello" zawi te chuan ka ti a
"Hello Zopari ni em" mipa aw hian alo ti a "Aw ni e.. Tunge aw" ka ti ve leh a "Zopar keimah J-a " alo tia teh daih chuan ka hmuh tawh loh na a rei tawh lutuk a a hmelpawh ka mitthla thiam tawh lo ka bialpa hmasa ber te chu ala ni ang deuh deuh a "eee! I dam maw" ka va ti a
"dam lai tak " atia sawi tur a bo vek hetiang a 'dam e' an tih tawh hi chuan sawi tur hi a bo vek zel ka ngawi ta reng a "Zarkawt ah khan in la awm ami" alo ti a "aw la awm eng nge ni ta" tiin ka lo chhang thuai a ka aw pawh tlemin a pangai tawh mutchhuak âw kha awm tawh lo "In in sawn leh tawh ami" ka tih chhun zawm nghal, hman ah babu tlang ah khan an in sawn khan ka hria. "Sawn e Republic ah kan in pangai ah kan awmna rei leh tawh lawm" alo ti a.
"E.. Ka lo hre lo a" ka tia ka thlûk deuh vak bawk "I hre reng nang I in duh em alawm" alo ti khiah "duh mi le" ka ti ve leh pakhat chuan "Mawimawii pa in hman ni ah min lo bia sin" alo tia , ngawi lawk sawi mai tur pawh ka hrelo ka harh Chiang tawh mah mah "awi! Engtik in" ka lo ti nghal chûl a ka tawng ring ngam chiah bawk si lo bawihtei alo che tuah tuah a veranda ah chuan ka va chhuak phei a "J-a engtik in maw" ka ti nawn leh "a rei ve leh tawh, hrilh che ka tuma mahse I number ilo thlak sia " alo ti
A nih chuan ka number ah min biak pawh alo tum ve ngei ang a, ka thinphu te chu a rang a ka lawm dawn nge ka thinrim dawn nge ni a ka rilru na dawn pawh ka hre thiam lo ka vairuai mai hian ka hria sawi leh mai tur pawh hrelo chuan ka ngawi ta renga .
"Zopar ngaihtuah awm ani lo ania aw! a dam that hmel viau chuan ka hria Agnes-i" atia a sawi zawm miah lo tinge chu nu hming chu a sawi le! "Engtin maw" ka lo ti thuai a "Ngaihtuah duh suh" tih chauhin min chhang thung ngaihtuah zui lem lo chuan call chu kan daha, mahse tinge hetah alo haw loh kha mi ni........
OCTOBER NI 18
"Tim ka pum hi ana reuh lutuk" tiin ka pasal TV en lai chu ka va hrilh a thuthleng ah thu in ka pum chu ka dawm vang vang a Tim-a chuan "nau i nei dawn hnai ani lo maw" alo ti vat a ka bulah alo thu phei ve nghal zat bawk "ka hrelo mahse.. ana lutuk a " ka ti a ka mittui pawh a hnam tiam tiam thei "lawk aw ka nu kan call a nge" atia
Rei lo te ah Nu Rinpuii te an lo thleng a rei pawh an thu hman lo ka pum chu a hma ai mah chuan ana a ding pawh ka ding hleithei meuh "a tui bawm a keh a niang" tiin Nu Rinpuii chuan alo ti a Tim-a chu a buai phi li ruai mai Motor chu a la chhuak Car ah chuan min pawm lut a nikhua pawh ka hre tawh meuh lo "Ana lutuk" tiin Tim-a kut chu ka va vuana Motor a khalh bawk si a, hnunglam ah chuan a kut chu alo dah a a hmer vang vang bawk.
Damdawiin kan thlen chuan Casualty ah min dah nghala Doctor te chuan nau vei maithei dinhmun ah ka ding tih an sawi a ka naute chu a tha viau a mahse keimah zawk ka dinhmun alo tha lo hle maia thisen ka hlauh hnem tur thu te chu an sawi ka hre pha ruai ruai Tim-a kut chu ka ban a min lo pan thuai bawk. Ka kut chu a hmui ah a fawp vang vang a ka meng de de chauh tawh.
Ka hriat leh awmchhun chu ka bulah naute lo awm chu a ni Nurse chuan min lo pe a ka pawm a a hmeltha lutuk ka na te pawh an bo vek in ka hria a ngo si a a biang a sen chek zui a ka mittui a tla leh ringawt tawh. Ka chhungte ho an lo lut sap sap a ka awmna chu Icu ani tih ka hre chawpchilh nghal bawk Nu Rinpuii te pawh an lo lut a mahse Tim-a hmel ka hmu hauh lo nui sang chuan "Khawi ah nge Timothy-a " tiin ka lo zawt a an in en kual hrek hrek duh chauh thil awmzia chu ka hrethiam lo " Nu Tim-a khawi ah nge " tiin Nu Rinpuii chu ka en a tap zo hlim tih hriat tak hian min lo en thung an vai chuan ka en a lawmna hmel leh lungai hmel vek an pu ka hrilh hai takzet ani.
"Timothy " tiin kawngkhar lam chu ka va en a mahse alo lut miah lo ka nui hmel pawh a tawp riai riai a. Keima nu chu ka bulah lo thu in "Awi! Bawihte " tiin min kuah a a tap hawm hawm mai a "tinge nu" tiin ka lo zawt thuai bawk a awmdan chu min ti hrilh hai alawm "nga ti nge.. " ring deuh zawk chuan ka ti a ka ngaih atha tawh meuh lo
"Kan chan dawn che a maw kan ti hman alawm" tiin ka hnung ah chuan min beng thak thak a naute ka pawm bawk si nen che miah lo chuan ka lo dawh ringawt.
"Eng nge i sawi awmzia nu" ka ti sapa
ka nu pawh a in hru hul mawlh mawlh a Nu Rinpuii pawh alo tap ve pûr mai ka pa ka han en chuan a mittui hnam ka han hmu a chu chuan ka tah a ti chhuak ka pa tap emaw a mittui tling ka hmu mang ngai lo ka hmuh ve hi chuan ka lo tah pui ve loh leh ka tah a chhuak thin zel tunah pawh.
"Eng nge thil awmzia khawngaihin he lai a awm tuemaw tal hian min hrilh thei a ngem" tiin ring deuh chuan ka ti a ka nu chuan "Mate i fanu nge nangmah tiin Doctor ten min thlang tir a nangmah tiin Tim-a'n a thlang a midang ho pawn kan pawm thlap vek a, thisen i hlauh nasa lutuk a i nuna a der thawng a chuvangin naute ai chuan tiin nangmah kan thlang che a mahse naute kha tha deuhin alo piang leh sia Tim-a pawh a lawm lutuk a naute pawh alo pawm nghe nghe nangchu damdawi vangin nikhua ila hrelo a, Doctor ten pawn ah min chhuah tir leh vek a minute 5 hnu mai ah i lungphu alo muanga i mar phu an hmuh loh thu an lo sawi leh nghala Tim-a kha a â ruai a, kan in ben daih tir thei lo Doctor te kha kut thlak a tuma kan dang hman hram a chuan in pawn ah khan a chhuak a car khan chak deuhin a tlan a kan um pha tawh lo" tiin ka nu chuan alo sawia "anih tunah alo let tawh em" tiin ka zawta , in sum aw tih hriat deuh hian Nu Rinpuii chuan "let lo" alo ti sapa. " phone min lo pe ka lo call ang" ka ti a ka rilru a mang dup mai tawng pawh ka tawng ring thei tawh lo. Ka hlauthawng ani Tim-a chu ka call a a tlang thei hauh lo ka try leh hnu pawn switch off a inti zela ka ngaih a ti tha lo takzet ani.
Kar khat lai damdawiin ah ka awma Tim-a ka hmu ta lo ka call a ala tlang thei lo chhun Zan zawmin ka tum ngat ngat a mahse a tlang theilo. Ka rilru chu a hah tawh lutuk ringawt ka chhungte bulah police a report mai turin ka ti a kan report a mahse thlakat zet hnu ah pawh engmah an hmu lo.Ka nu te in lamah ka awm rih a engmah ka tih a tho lo ka pa in kan fanu hming ah 'Esther Zonunmawii' tih a phuah a kei chu engmah reng hian min ti hlim zo mawlh lo ka chau em em a Timothy-a hi lo lang thut se tiin nitin ni ka vui liama ka ngai a ka ngai tak zet ani. Thla a ral a kum lai a ral ani erawh a reh vung vunga kan in lamah kan let phei tawha awmpui nufa kan la a, chumi te nen chuan kan Cheng ho ani ta ber Mawimawii Birthday kum 1 na kan lo thleng ve leh ta reng mai a Picnic spot ah ropui deuha lawm sak ka duh avangin thenrual tha tak tak te kan sawm ve a, Mawimawii pawh a nalh in a hmeltha kher mai.
Kan Cosme dawr kha a lûn tawh viau a mi pawn an hre chho telh telh a keipawh interview te hial ka nei a, ka business te reuh te chu huan ka zauh zela dawr lian zawk hawng turin ka inbuatsaih meka. Ni a ral zela Tim-a reh hi erawh a ring telh telh ka rilru ana ka thinrim bawk ngati nge ti mai hian a Kal bo theih le tiin nitin ka in zawt nawn for thin. Tim-a nu nu Rinpuii'n min lo tlawh renga Mawimawii chu an duat khawp mai Tim-a'n alo call leh call loh ka zawt bang lo alo biak loh thu chiah ka hre thung Tim-a thiante lah in engmah an hrelo, mahse in ah min lo tlawh ve reng a Zoremi phei chu alo risk deuh reng zawk. Ka inti pachang hram hram a mahni te a awma tah hawm hawm chang lah ka ngah min hmangaih lo aniang a tiin ka in hrilh thina mahse chu thu chuan min ti na bawk si, min hmangaih lo ka ti a ,ka ring phal bawk si lo min la ngaihven ve reng a ngem le , thi tur angin ka ngaihtuah ngai lo a min awmbo san rih a zin angin ka ngai char char a engtik ah emaw alo let ka la nghak fan fan chu nih hi
PRESENT DAY
J-a thusawi kha a tak tak anih chuan Tim-a chu ka sawi zawng pawh hian ka khur zawih zawih thei . Engtia awm zel tur nge ka hre mai lo mahse ka helh hawlh ala dam ani tih ka hriat vang chuan ka hahdam sawt bawk. Sunday zingah chuan ka naute ho an lo lang tak tak a eitur ka lo lei vek tawk bawka kan in chu nuam an tiin thla an la nasa ngei mai kan dawr a thawk pakhat johnte-a tuai pakhat hi a awm a , a fiamthu thawh ah te chuan kan nui leh dar dar thin, Mawimawii pawh alo phur ve aniang a kawr anu te Ellie in a thui sak a ha a, in time thei deuhin a vei chhen a a hmuhnawm a sin aw!
Door bell alo ri a keiman ka va hawnga
Mahse.....
Comments
Post a Comment