JUST HIM CP-12

JUST HIM BY THARTHARI

"I dam maw" tiin kan kawngkhar bulah chuan ka hriat thin ngei mai engtik lai pawha a hming ka hriat nawn fo mai chuan nuisang chung hian min lo en a

"Agnes " ka ti hluai a alo nui suk a. 

Sitting room ah thingpui kan in a eng ti turin nge alo kal ang tih ngaihna ka la hrelo 

"Ka lo thawng deuh maithei che ni" tih pahin a thingpui chu a in a za lo deuh chuan ka nui suk a "nia thawng ve deuh kan in hmuh lohna a rei tawh em a" tiin ka chhanga "nia tiraw ..Mawimawii adam maw" alo ti a "dam lutuk" ka lo ti vat a. 

Sawi tur em em a hrebik lo anih ka ring "pasal te i nei tawh em" ka ti ta ringawt a ani alo nui huk thung "nei lo ka leng tar dawn" tiin anui uar uar a ka nui aza ve vak lo ka awm anuam zan lo mahni pasal te ex ani miau a "tak tak in ah pasal deuh reuh chu nei e" ati tha leh a ka lo nuih ringawt "Mawimawii chu a muhil ami " atia "mu lo e.. " tih pahin Mawimawii chu ka au a nu Hriati te ho in an  lo chhuk thla a step atanga an lo chhuk thlak chhung zawng chuan Agnes-i chuan alo en char char tih ka va hmu a a mitmeng ah chuan lungngaihna ka hmu in ka hria Mawimawii chuan min lo kuah tharh a "Mawimawi heihi anu te Agnes-i nih hi " tiin ka kawk a alo nui tawi tak thung "avan hmeltha em em" alo ti sap a "hmeltha ang chu min chhûn a " tiin ka lo fiamthu a "anih kha in sam pawh a in ang a kir ve ve" ti pahin alo nui uar uar a keipawh ka nui Agnes-i chuan a pawm ve a , Agnes-i ka en chuan a hmel hlim sarh chu ka hmuh hmaih lo "Apa avan chhun tak" alo ti chhuak sapa "nia" tiin ka lo sawi ve thuai bawk "hmani khan in mall thar in hawn thu kha ka lo hria a lo kal ve ka tuma mahse ka nu a dam lo a, ka lo kal ta lo mai" alo ti a "a pawilo nidang ah lo la kal ang chu tin nge i nu chu a awm a " tiin ka lo zawt let a "ahh.. a khua sik ve deuh mawle" alo ti a "ava pawi ve aw lo dam vat rawhse " ka ti a. 

Darkar chanve vel kan titi melh melh hnu chuan hawzai a rel a gate thleng ka va thlah a kan in thlahfel chiah tih a Sangbawihi leh Ms-i an lo lang hlawla "kha kha Zawng Agnes-i mi" tiin Sangbawihi chuan thinrim aw lek lek hian alo tia "nah Zawng tih kher" tiin ka lo nui suk a "aw! a in hmeh lawm eng nge lo tih a " ati leh a alo leng ve mai mai Mawimawii alo hmu a" ka tih chuan phawk hra in an in melh dun zek zek a Ms-i chuan "inchhungah lut ang u " tiin kan pahnih chuan kan hnungah min nam phei a. 

"Tim'an hmani ah Calvin-a alo bia a " ka tih chuan an lo meng phar awn awn hi ani tawp "awi! engtik ah " tiin Sangbawihi chuan alo ti nghala "ala reilo niang alo sawidan kha chuan khawiah nge a awm ka lo zawt tel miah lo " ka ti a Ms-i chuan thinrim aw ka lek lek hian "Ava over tak lo haw ve mai se chhungkaw thar a din tawh te hi ania nge" alo ti a chu erawh ka ring phallo ka awih lo bawk "a teuh lo mai ah " tiin Sangbawihi chuan alo ti hlar a "chutiang mi Tim-a ani hleinem mi nghet luhlul leh mahni thu duh ania" a ti charh charh a . "Calvin-a chu va call leh chhin teh khawi ah nge a awm tih vel te pawh alo hre mai thei asin" Ms-i chuan ti ve leh a ka phone chu ka in dap nghal rawk rawk. Calvin-a chu ka call a ala ring rei hrep leh nghal "Hello Vin-a Tim-a'n alo call leh che em" tiin ka va zawt thawr mai ah "call miah lo hmani bak kha chu min lo la call leh lo" alo ti a beisei ava bo si em "ee.. Aww" tia dah leh mai ka tum chu Sangbawihi'n ka phone min lo lak saka "Vin-a a awmna te a sawilo mi " tiin ring zet hian ava ti a "ka zawt a a sawi duh lo 'ka ngaihtuah awm lo ' tih chauhin min chhang " Calvin-a chuan alo ti a. "Alo call leh vel ah che Zopari lo hrilh ang che a mawl si hepa hi kan hriatmiah loh hian buaian te hi alo tawk ru ania nge" ati leh a chulam ka lo ngaihtuah ngai miah lo buaina hi alo tawk ani thei mai lo maw. 

Aaa... Lo tawk pawh ni se kal bo kher lo in min hrilh thei reng si a ka rilru buai zo leh vek tawh Call chu an dah a "ka hrilh a gps on turin ka ti alo call leh hunah a awmna kan hrethei mai ang" Sangbawihi chuan alo ti a ka lu ka lo bu nghat nghat ringawt. An haw hnu chuan Mawimawii ka âwi mu a, nichin khan Agnes-i'n a pawm lai khan a en dan kha ka mithla zut zut mai a mitmengah khan lungngaihna ka hmu tel miau a ni. Eng e maw ka hriat ve loh hi hriat ka duh mahse eng nge ka hriat loh tur a ka rin chu rindan pawh ka nei thiam chuang lo.

Kar 2 lai a ral leh hnu chuan Calvin-a call ka dawng hlawl mai a beiseina sang tak nen ka la "Zopar Tim-a awmna ka hria in ka hria " alo ti a, ka lawm lutuk chuan sawi mai tur  ka hrelo "maww.. Tak tak em" tiin ka sawi deuh nuaih a "umm mahse ka chianglo nizan ah alo call a " alo ti a ka thinphu te chu arang a ka lungphu a tawp mai ang tih te pawh ka hlau alawm ka mittui alo hnam tiam tiam a tawngpawh ka tawng hleithei meuh lo "theihtawp kan lo chhuah ang keini pawn kan thianpa chu kan ngai tawh lawm" alo ti a "ummm " ka ti a ka in hnit zui nghal hlawp hlawp. 

Tim-a kal bo hnu khan Zorina hi a reh nghal hmak a midang kan in a an lo len chang te hian ani chu alo kal ve ngailo, ka number pawh a delete a niang a dp pawh ka hmu ngai lo khawlai a kan in hmuh a kan in bia tih loh hi chu kan in be ngai meuh lo mahse nui sang in min la be tho. 

Ka thu hriat chu Sangbawihi, Ms-i leh Zoremi te ka hrilh nghal Calvin-a te in ah kan phei nghal a Mawimawii pawh ka hruai.Calvin-a hi IT lam tui ani bawka a in pawh Computer kaih hnawih atam ngang mai "ehe hacker te ini lo maw" tiin Lalzoremi'n alo sawi a kan nui huk mai 

"i tan te chuan ni leh mai zel e" alo tih chuan Sangbawihi'n alo chheih a "in mawl ah en ula thil neuh neuh a tam em hi " alo ti bak hlar a kan lo nui leh ham ham. 

Calvin-a chuan Tim-a chu call tumin a bei a vawi 5 vel kan tih pawh chuan ala thei lo a in ring ral thak thaka ka beidawng leh nghal der tawh atawp nan tiin a call leh a kan lo ngaichang thap . Call chu alo la ngei mahse amah ni lo in hmeichhe naupangin alo la "hello" alo ti lang lang a kan ngawithap mai "hello Tim-a awm em" tiin Calvin-a'n a zawh chuan "aww.. Apa "  tiin a au nghal lang lang. Mahse eng nge awmzia ka hrethiam lo awmdan tur pawh tunah tak hian ka hrelo call chu a ri rak rak 

"Sara i pa phone khawih tawh suh ka tih kha" tih ri kan hre tel bawk kan in melh zak zak tawh "aw! Hello " tiin hmeichhe aw kan hria mahse chu aw chu kan hre vek tawh tunge sawibuai a ngailo Agnes-i aw ngei ani. Calvin-a chuan inthlahrung hmel deuh hian min lo en a call chu min lo pe muangchang chuan ka lo la a chair ah chuan ka thu bawk "hello Agnes" ka ti sap a, alo tawng mai lo call chu a ri leh rak rak a chuan mipa aw hian "Zopar" alo ti a.

Chuan chu mi aw pawh chu kan hre vek tumah kan tawnglo ka biang ah mittui a lo luangthla ngiai ngiai a Ms-i'n Mawimawii room ah a kal pui nghal daih bawk . Tawngpawh ka tawng maithei lo thil ka ngaihtuah nasa lutuk nichina hmeichhe naupang khan 'apa' tiin a ko si a tunah lah Agnes-i tang Tim'an call alo chhang  

"Hello Zopar" alo tih leh chuan ka harh chhuak zawka "umm"  ka ti tham tiak a , ka thaw te chu atawp mai dawnin ka hria eng thil nge thleng zawngzai hi ka hrethiam miah lo. 

"Eng nge awmzia" ka ti sapa mahse min chhanglo "min chhangta che" a aia ring chuan ka ti leh min la chhang chuanglo 

"Khawiah nge i awm" tiin zawi deuhin ka ti leh "hetah " tih chauhin min chhang ka va duh khawp lo teh lul em! "Tinge ilo haw dawn lo mi" ka tih chuan "min lo nghak suh" tiin min chhang ka thinlung hi darthlalang chu nise chu thu chuan ati keh vek thei hialin ka ring. "Ka lo nghak ang che.. lo haw rawh" tiin call chu ka daha ka thiante pawh ka Hrechang tawhlo ka tap chhuak hawm hawm mai . Ka rilru ano teh lul nen khatiang thu phei kha chuan min ti na takzet ka thaw te chu chham turin a awma ka thaw tha thei lo ka thiante chuan min lo thlem a Zoremi âwmah ka hmai ka phuma ka rilru ana tak zet ani. 

Ka tap thei tawh lo ka na takzet   nupui fanau chu alo nei ngei tih kan finfiah zo chiah a chuan Agnes-i ngei ani bawk. Ka  khawhmuh a fiah lo a nikhua ka hrelo telh telhin ka hria ka lu a hai a ka khawhmuh a dum tial tial a. Ka harh leh chuan khumah ka lo mu a ka bul chu ka kut in ka dap ruai a Mawimawii awmlo tih ka hriat chuan ka tho chhuak thut ka awmna  hi kan room ani miahlo ka nu te in ka room hlui ani.

Ka room chu khum atang chuan ka en kuala hmana saw lai balcony a Tim'an chhuk tur min tih ni te kha ka hrechhuaka thleng lo tawp se ka ti hengthil zo zai hi thleng lo se ka ti. 

Room atang chuan ka chhuak inhnuaiah chuan Sangbawihi ten ka nu leh pa bulah thil awmdan vel an lo sawi mek ka va hmu a, ka nu in min lo hmuh chuan khawngaih na mitmengin min lo en a min lo kuah nghal thuai "awi! Bawihte ka fanu ka va han khawngaih tak che em! " alo ti a "nu ka tha lawm" tiin ka lo nuih suka mahse ka na tih a hmu thei a chhan chu min hringtunu a miau alawm ka pa pawh alo kala min lo en vang vanga ka lo nuih ve suk ringawt. 

"Khawi ah nge Mawimawii " tiin ka nu chu ka zawt a "a mu hil nichin lawk khan" alo ti a ka nu te room lam chu ka pan nghal Mawimawii tui taka a muhil ka hmuh chuan ka insum thei tawh lo ka rap ring ngamlo mahse ka mittui chu dan rual loh in atla zung zung ka kâ, ka hupa ka tao hawm hawm mai tihian fanu a nei a tichuan min kalsan in chhungkaw thar alo din bawka thi thelha ka awm laiin. 

Ka rilru ka taksa te hi an chau takzet ani. Eng nge ka tihsual le tiin ka inngaihtuah a Pathian remruat dan hi chu amak ngawt mai tihian min hmangaih viau tho siin min tihnat pawh a hnial bawk si lo mahse tuna ka dinhmun hi chu maw lawmtakin ka pawm thei thlawt lo ani. Ana em a ka awm leh zel dan tur pawh ka hrelo hlim deuhin an awm ngei ka ring an fanu chuan pa a nei bika he ka fanu duhawm tak hian 'pa' tia kohtur a nei lo ringawt pawh hi ka lainat em mai ah. Ni lo kha mihring khan 'pa' nih na a pu zo thlawt lo ka ngaidam ngai lo ang 'Mawimawi hmun dang ah awm daih ang aw he khawpui hi chu kan tan hmun tha ani lo ang '