JUST HIM CP-7 APHRODITE STORY



JUST HIM BY: THARTHARI

Tlai lam dar 3 vel ah chuan haw zai kan rel a kan awm dun aṭangin phone call ala nei miah lo a chu ringawt pawh chu tlem chuan mak ka ti ve deuh Agnes-i'n alo call miah lo anih ka ring an in hau ami le nge ni a an inṭhen zawk. Tim-a lah chuan engmah a sawi lova zawh ringawt lah ka tlawm la tlat pek a aman a sawi hun ka nghak ani ber.

Tim-a ṭhiante veng kan thleng chuan alo vawt ruih tawh a ni tla tur pawh a lang chiang khawp mai a tlang a sang ve si a. Ka in bual hmasa a Marry'n tui  min lo lum sak diama fel ka ti tak tak ani ka in bual zawh chuan Tim-a inbualna tur ka lum leh nghal a Marry chu eirel ka pui ve nghal thuaia Tim-a pawh inbual turin a lut ve nghal zat bawk "In zan chhuah dawn mi" Marry chuan alo ti a "aw..zan ah kan chhuah loh chuan naktuk ah ka nau alo zin dawna" ka lo ti ve nghala "naa..la châm rih ula ka ti sinle kan in kawm dawn chauha" alo ti siam siama ka lo nuih ringawt thung.

Marry bawk chuan "Tim-a hi enge a bialnu nen khan an la ni em?" alo ti hlawl maia ka lo phu deuh zawk bawk an in hmelhriat ṭha hle aniang Tim-a chungchang a hriat dan ah "ka hrelo...tunlai chu..." ka lo ti zuih raih thung Marry chu alo chek hlaka "Inṭhen daih se nia ka tih ni..Tim-a hi a tibuai thei si" alo ti leh a "engtin nge i hriata" ka tih chuan alo nui haka "aww! Agnes-i ṭhiannu kha min hretawh lo ami.." nuih hak hak pah chuan alo ti a. Awii! ka hre chiah college kan kal laia Agnes-i kawm ṭhin kha Tim-a te bula awm ve reng zel kha ani tih ka hre chiah "ee! Marry kha maw" ka lo ti haw a, anui alo za kher mai "min hai ani maw.." atih chuan hai chiang tak ka ni ka hai over zawk nu anih tawh vang aniang amah alang eng sawt a a mum ve tût bawk a hma ai a hmelṭha sawt bawkin ka hria.

"Hai chiang e..nu nih i van ngaih em em" nui chung chuan ka lo ti a  ani pawn"mi pawn min ti zel " tih leh pah chuan ala nui kham lo aniang ala nui bawk bawka Agnes-i leh Tim-a chungchang pawh ka zawt ve luam a min lo hrilh ṭha duh kher mai. Agnes-i nen a an in kawm tawh loh dan te nen lam min hrilh fai veka ka duh ai tam mah mah ka hre hnem Agnes-i'n sawn a pai thu te pawh min hrilh "awi..tufa" ka lo ti hluai a "i ṭawng ring lutuk.. hmân ni ah Puite'in min lo hrilh a lawm mahse a ti tla ani âwm e.." alo ti leh sar sar a awi a van mak tufa nge le Tim-a fa te hi alo ni mai ngah ka rilru buai leh vek tawh. Marry bulah chuan zawi te hian "Tim-a fa te hi ani lo maw.." ban deuh charh chuan ka va ti a alo chek hlak a "tchh..a teuh lo mai a Tim-a'n chutiang ati lovang" alo mauh maia kei erawh ka awm ala nuam zân lo chu ni.

Tim-a ka zawh ngei a ngai ang ka ti rilru a 

"Higher kan kal lai pawh khan Agnes-i zawkin alawm ti har har zel Tim-a'n a rukin a ning thei rap mahse tikhan an in ngaina chho a College ah lah khan an in zui ta châwt a, an in duh khawp a niang kan ti mai a " alo ti siam siam a . Ka lu ka lo bu nghat tawh tufa nge a tihtlak mawlh chu ni ka la ngaihtuah.

Zan riah ei kham chuan Dar 6 a ri dawn tawh a chhuak turin kan insiam a , pawn thleng chuan Marry te nu pa chuan min thlaha an lo zin huna kan in a an thleng tur thu te min lo hrilh cham chi a an fel khawp mai. Dar 11 vel ah kan thleng a rinai kan thleng hma a  a vawt bawk si a Room ah ka chho tlang nghal daih bawk . Khum ah chuan ka muthla hnap a ka chau ve hle ni, ka phone chu ka en rauh rauh a chutih lai tak chuan Mawizuala message ka dawng a naktuk zing Dar 6am vel a alo thlen tur thu leh min lo hmuak rawh tih ang reng vel ani. Ka ûk sak peih mawlh lo ka phone chu ka pum chung ah ka dah a phone noti chu alo ri leh a ka en chuan Tim-a alo ni thung a message chu ka hawng nghal vat a.

"I chau em" hi alo tia "chau lo e.." ka lo ti ringawt a a seen a min reply mai loh avang chuan "nang" ka va ti leh a ka zawhna pawh min chhang lo chuan ti hian alo tia "Zopar ka lak ah lungawi loh na i nei em?" alo ti daih a , a sawi awmzia chu ka hrethiam lo dawn dawn alawm "timaw.." ka tia pakhat chuan "Zawh duh te min nei em" alo ti awi  leh ka rilru a hria mi le "Nei hran lo e"  "Min zawt rawh , ka lo chhang ang che" alo ti leh mauh mai. Chu tia min zawt rawh atih tak ah chuan tiin ka zawt ṭan ta thawr mai le.

"Eng lo ania..Agnes-i nen in in hau ami" ka ti a ka thu sawi chu ka in chhir leh deuh 

"Kan inṭhen a " alo ti ehe tinge an in ṭhen le a rai vang ami le tih te thlengin ka ngaihtuah kim leh vek tawh Tim-a hian a ṭhen nge Agnes-i'n a ṭhen zawk. Message chu ka reply mai lo call alo lut nghal a ka la nghal vat bawk "Adang min zawt leh la " Tim-a chuan alo ti zawh tur pawh min ti hrelo zo vek alawm "ee..ahh zawh duh pawh..ka nei tawhh lo aa" ka lo ti ban charh a, a nui ri suk  chu ka hrethei . Ka huaisen na zawng zawng sawm khawmin "Tim Agnes-i'n fa a ti tla ami .." tih chu maimichhing chungin ka sawi a , ka hriat duh loh deuh ka hria ang tih ka hlau .

 Ka thinphu chu a nasa ngang mai "Ruatdika fa ania " alo tih chuan ka thaw huai mai Ruatdika erawh ka hre lem chuang lo a, mahse engtin nge Tim-a nen an in kawp lai rengin an lo mudun tih na em ni "Mahse engtin nge.." ka lo tih leh chuan "Ka hrebik lo..tunah kan in ṭhen tawh lawm" alo ti sam maia kei erawh in thil dang daih ani ka ngaihtuah a rilru ana a nga a ṭhen anih ka ring ber ta.Chu chu a dik ngei pawh ka ring ka zawt chhun zawm duh tawh lem lo a muttui te chu kan han inti ve luama phone ka dah hnu chuan. Zoremi ka va text zui a chanchin ka va hrilh veka.

Zoremi chuan 'Tim-a khan a lunglen hnem nan a hmang mai mai che niang' tih lampang daih alo sawi thung a, chutiang lam chuan ka lo ngaihtuah miah lo a mahse tun hnai a a awmdan inthlak teh thut vang hi chuan ani ve deuh chuan ka hria mut pawh ka muhil thei lo ka in ngaihtuah nasa lutuk a Dar 1am dawn ah ka muhil ve hram a. 

Zingah chuan Mawizuala chu ka va hmuak a in kan thlen chuan Tim-a chu ala mu ni ngei tur ani, ka hmu lo a Mawizuala room tur chu kan pan phei a chutih lai chuan Tim-a pawh alo chhuk thla a Mawizuala nen pawn an in chibai a , an in be zui ve mawlh mawlh a in hre ve deuh sa  an ni bawk a ka huphurh pui lutuk lo. Eirel chu ka bawl thuai thuai a ka peih fel meuh chuan Dar 8 leh chanve a ri deuh thuak tawh a chaw kan ei kham ah Mawizuala te nen sitting room  kan titi malh malh a Mawizuala'n "U Tim min va bazar pui teh ah" alo tia Tim-a pawh chuan alo aw ve mai bawk "I duh chuan in in lam ah va leng phei la " tih pah chuan min lo en a "vawiin chu Sangbawihite'n min lo pui rawh an tia ka va pui ve zawk ang" ka lo ti thuai a a nui leh huk tawh an ni pahnih dawr siam pawh chu a nui an tiza ngang a niang.

Sangbawihi te dawr ka va thlen chuan hnathawk ho an lo awm sap sap a "in thil zawrh tum ber kher lah hi apâ si " ka va ti luam a Ms-i chuan "chu tak chu lawm..nalh kan hre sia kan chah lut ṭeuh a nga " alo ti ham ham a ka lo chek hlak a an tar mawi tur vel te chu ka lo rem fel ve a tih tur em em pawh awm lo a ka va ṭhu nileng ani ringawt. Ka haw lamah chuan kan in lam ah ka peng kawia ka nu û te kum thar hmang turin an lo zin thla bawk nen naupang te nen chuan an lo ri nuaih nuaih a, ka nu Tluangi chuan min lo be ve luam a thingpui te ka lum sak hlawma ka nu in chawhmeh min pack sak a ka hawn turin bei tih ang reng vel ani.

Ka nu te nen a kan ti ti ho lai chuan ka phone alo ri a Tim-a alo ni "Kamis ka lei dawn mi le ka tia..a sen duk nge a pawl duk ka lei ang " alo ti a chutia min lo râwn vel te chu engtin emaw ni hian ka mur seng seng mai  " i in hmeh ve ve chu ka ring" fiamthu aw deuh hian ka lo ti a "Zoparmawi uang suh" alo ti a nui pah chuan  "tak tak in ah a sen duk chu i in hmeh ang" ka lo ti a "keipawh" a nui ri chu ka hre thei Tim-a bawk chuan "kan lo haw har lo ang hei pheikhawk kan en pui leh lawk nge" a tia call chu kan ti tawpa.

Ka nu te in aṭang hi chuan kan in a hla tawh lo a ke in ka phei a ka haw lam chuan kawng kama Necktie an lo zawrh hi ka hmu a kamis lei kha a tum in ka hre sia a in mil tur Necktie chu lei sak ka tum a, a in mil tur rawng tak mai chu ka hmu fuh a ka lei ta nghe nghe a. In ka thleng chuan rawngbawl a hun chho mai a room ah pawh lut lo in choka lam ah ka phei tlang nghal a. Tim-a te pawh rei lo te ah an lo thleng zui ve nghal a an lo bawr khawp mai "ehe..enge in lei em em a" tiin ka va chhawn vat a Mawzuala chuan phur fahran hian "Makpa in thil min lei a lawm" atia alo nui vur vur a Tim-a chu ka en a " ka kamis lei chu " tih pahin min lo hmuh a ka lo en sak ve nghal thuai bawk a rawng chu a nalh khawp mai a in hmeh viau ang kawr in hmeh chi ani  ve hrim hrim bawk sia.

Ka thil lei sak kha ka hrechhuak thut a Choka a ka dah chu ka va la phei a min lo thlir reng tih ka hria a a bul ka thlen chauhin ka lo en thung "hei i kawr nen khan a in hmeh viau ang" ka lo ti a "nui suk pah chuan ala a " ha chhinla" ka lo ti leh nghal a eng khaw sawi set set lovin ka hma ah chuan a inphelh a ka lo meng phar awn awn mai alawm lehlam ka hawi nghal thuai a tlem te ka hmu hman a a abs pawh ka hmu hman vek nia awi leh, ka lo en chhuak hman vekin ka hria a awmdan ka hre vek nia awi ha ava zia lo tak.

"Ka ha zo Necktie  chu min lo awrh tir la " alo ti a phur deuh chuan a nghawng ah chuan ka bat a ka suih sak mawlh mawlh a min lo en reng tih ka hriat chuan ka thinphu chu a rang leh  ringawt tawh a thaw lum ham ham pawh chu hrethei kan kan in hnaih si a ka suih chhung zawng khan min lo en tih ka hrethei ka en let duh miah lo thung a chhan chu ka en chuan chhunglam hi a phu nasa dawn lutuk a

"Zopar" alo ti sap a en loh ka la tum ngar ngar thung "umm" ka lo ti a "lo en lawk teh"

ati ta ka hlauh ang ngeiin a mit ah tak chuan ka en chho va a chiang lutuk tak mai chuan kan in melh a a hnai ah phei chuan a hmel a ṭha zual kher mai.

Chutia kan in en reng lai chuan ka sam hnung lam ah chuan bakilh ni awm tak hi alo kilh a "eng nge a" ka lo ti ve nghala alo nui suk thung sir lam chu ka in her vut a bakilh minkilh tir chu ka en a. Bakilh nalh deuh mai a pink hi alo nia Tim-a chu ka va nuih ver ver a ka lawm e ka tih hranpa pawh a ngaiin ka hrelo ka hmel ah ka lawm tih a hmu thiam ani chêk ang chu "a nalh iti ni maw" alo ti a ka lo bu nghat a. Mawizuala chuan a aw alo thian kharh kharh a a awm tih pawh ka lo hre tawh lo Tim-a khan min uap hneh lutuk a.

Thla khat  zet hnu ah chuan Mawizuala pawh Tim-a te Company ah hna a hmu ve tawh bawka zingah Tim-a rualin a kal ṭhina haw lam erawh a chang zeuh zeuhin an lo haw rual thung Tim-a leh Agnes-i in biak ngai ka hre tawh lo a Tim-a nen a kan inkar erawh a ṭha chho telh telh thung.Tlai khat chu Raymond-a te ho in chaw an lo ei tur thu an lo sawia midang ho pawh an awm ve nghal ka ring ,ka rin ang ngeiin an vai chuan an lo kal bawk a dar 3 a ri tawh a Mawizuala chu alo thleng tawh a midang ho pawn an hreve tawh bawka an in ngam viau tawh

Tim-a chu alo haw har ka ti ang reng khawp mai a ka call mai dawn em ni le ka tih lai tak chuan alo thleng a  a ṭhiante an lo awm chu alo ka heu mai a Zorina'n "han in thlak rawh zai teh ang u " tih pah chuan Tim-a chu alo nam phei dawr dawra ka lo nuih ringawt. Hmeichhe ho in eirel kan bawl a Ms-i chuan "an in be tawh lo tiraw?" alo tia ka lu ka lo bu nghat a Sangbawihi chu alo chek hlak a "a âwm ve tho alawm... chu lo ah Tim-a pawh nupui  nei lai a nia" a lo ti ve leh a ka lo nui tawk tak thung.

Zan thleng chuan an awm ta hlawma khua pawh a lum deuh ṭan tawh a inchung bathlar zau deuh ah chuan ṭingṭang perh in kan zai a full moon zan alo ni leh zel a 'Chhawrthlapui lo chhuk rawh in kawm ang' tih hla kha kan sa rual a anuam teh a sin. Hetia ṭhian ṭha tak tak te nen a awm ho tluk a nuam hi chu a awm kher in ka ring lo hial ani.Dar 10 velah chuan an haw ta hlawm a Raymond-a leh Mikal-a an lo riak dawn a Room ah ka chhoh san ta riha.

Bathroom ah ka awm lai chuan Tim-a'n min lo au thawm ka hria a bathroom aṭang berkher a lo chhâwn chu ah "Awihh.." ring vak lo hian ka ti a bathroom kawngkhar bul aṭang chuan "Ee..eng nge itih a " tchh chutiang te han in zawh re re, peih lo chung chung chuan "Ka daikal" ka ti ta thlawt a "Oh" atia a nui ri pawh chu ka hrethei "engee"  ka lo ti leh deuh vaka "Aw E phawt rawh" alo la ti zui hrep tak chuan ah ka zak leh hnuhnawh chhang lo chuan ka ngawi ta reng a  a reh zui vang vang bawk.

Ka chhuak chu ka khum ah alo ṭhu a min ti phu chiang em em mai leh nghal ka au ṭhawt nghe nghe ka âwm dawm meuh chuan "Min ti phu lawm" ka lo ti chûl a min lo en vung vung ringawt a ka lai leh dawn der zahzel ah "enge" tih pah chuan a dar ah na lo te in ka va nam a  "Ka birthday ah Picnic ila" alo ti nitak maw February ni 14 hi  a birthday V day ni tak. "Khawi ah nge niang" tih pah chuan dressing table hma ah chuan ka ṭhu a ka night cream vel ka in hnawih pah mawlh mawlh bawk "ih.. Million resort ah khan" alo ti sap a "umm..itih dan dan  Mahse a hla deuh iti lo mi" ka ti a "A hla kha lawm nuam" alo ti sam et ka leh hawi vut a "I rui vel a nge " ka ti a alo nui huk mai "nuihzathlak loh kawng a chhe si haw lam ah den " ka lo ti leh hmawk hmawka Tim-a chuan "Amelia fa kan nei dawn mi" alo ti a "enge maw i sawi le" ka tia ka nui ati za kher mai "Ka ti tak tak" te chu ala ti ang deuh deuh a , a hmel a thutak em vang chuan ka nui tawh bik lo.