JUST HIM CP-8 APHRODITE STORY

JUST HIM  BY: THARTHARI

#Family #surprise 

"Ka ti tak tak" alo tih leh chuan "a theih ngawt ngawt loh" ka lo ti nghal vat a  a ti tak tak ami le  chutiang lampawh ka lo ngaihtuah lo hrim hrim ngaihtuah chu sawi loh tuna kan awmdan ah phei hi chuan  kan in ngaih ve ṭan chauh a ka la duh rih lo tih mai ka duh mahse nupui ka nih na angin fa chu hrin sak ve ngei ka duh mahse tunah chuan ala hma ka ti ni. "Tunah ka ti nghal lo nia" ka rilru hria ni awm tak chuan ka mit ah tak  en in alo ti a sawi tur pawh min ti hrelo leh tawh ka lo en ringawt a "i van thu tak em em" nui huk chung hian alo ti a. Awi leh hreptak hian "min lo tih der ani maw" tih  pah chuan  na vak si lo in ka va  beng dat dat a khum ah ṭhu bawk sia ka bawhthlu ti tih leh nghal. 

Khum ah chuan kan in beng leh nghal mawlh mawlh a chutah min lo kuai let thut in khum ah chuan ka mu hnawk a ka chungah chuan min lo en a mit khap miah lo chuan ka lo en rân a kan in hnaih bawk si a, a thaw lum ham ham te chuan min ti mur chuai thei nia. Thawh mai ka tum chu  ka dar ah chuan min nam mu leh a "awi leh" ka lo ti ṭhawta ka zak lutuk chu a mit ah pawh ka en ngam tawh meuh lo ka beng bulah chuan alo kun hnai a "Fa siam ila" zawi te hian alo ti sap a."ehe..Vanlalduat mawl a " ka tia ka thawh san daiha ani pawh alo tho ve nghal a  ala nui kur kur zui ka ngei tak tak. 

A hnung ah chuan ka nam phei a room aṭang chuan ka chhuah tir a kawngkhar ka khar hnan hmiah bawk, ka lungphu a ran hman zia chu e! ka lai dawn dawn leh nghal a mahse engtin emaw ni tak hian a nuam reuh lutuk. Phatrual loh in Tim-a hi ka duh tawh lutuk tlat ani chu chu ani tel hian ka in hre bawk. Ni 14 ah chuan ṭhen rual ṭha te nen Maubawk lam ah chuan kan va kal a birthday gift atan Sana ka pe ve bawk a, alo lawm ve ngang mai chu chuan min ti hlim tak zet bawk, kan motor ah Ms-i Sangbawihi leh Zoremi te nen kan phur a a hnung ah an pathum in an ṭhu a an bengchheng em em mai leh nghal a Tim-a leh kei chu inngaizawng thar hlim ang deuh hi kan ni kan lâi deuh ṭut a ka nui aza ang reng.

A hmun kan va thlen chuan Tim-a ṭhiante ka la hriat vak ngai lo pawh an lo awm ve nuala a hnathawh pui te pawh an ni ve tak ang , tui chen mawlh chu ka lo chak a ka cheng thiam em em lo a mahse a nuam ka ti ve hrim hrim a. Mipa ṭhen khatin rawng an bawl a Zorina pawh tui alo cheng leh hman tawh ka va en chuan "Hotunu lo cheng ve la" alo la ti ham ham zui "dawn chiang e " ka lo ti ve nghal thuai a Zoremi nen kan in thlak duna "Tun lai hi in va in ngaihsawt ve" alo ti a "nia..a nuam ka ti" ka lo ti ve sap bawk min nuih ver ver a "i hmel pawh a eng sawt sawt a lawm i pasal duat i ngaih anih kha " tih pah chuan ka hnung ah a beng sawk a "ana " ka lo ti chiam thung kan nui dun leh rih a.

Kan chhuah chuan Sangbawihi te pawh tui an lo chenga  Calvin-a te nen tui hleuh an lo in zirtir ni âwm tak ani, kan va lut ve thuai a rin ai in a  vawt reuh zek leh nghal mahse ka cheng tho ang. Tim-a kha kan thleng aṭang ka hmu leh ta miah lo a rawngbawl na ah a awm anih ka ring hla ring deuh in an play a zai pah chuan tui ah chuan nuam kan ti hlawm khawp mai Zoremi nen tui kan in hleuh siak vel a tui cheng an awm lutuk lo a a nuam.

Tim-a chu Boxster nen alo phei ka hmu a a pian chu a nalh ngei mai a abs pawh alang ralh a Shades alo vuah kher leh nghal tlangval a maw hi a in ti mi le ka tia keimah te chuan hmuhnawm ti takin ka lo en rauh rauh a a pian a nalh bawk si a, a sang in ala hmelṭha tel em em zui.Awi kei hi ka pasal hi ka star in ka hria ava zia lo mai mai tak. Ka in thing harh nghal a tui ah chuan ka hleuh  san ta daiha a thuk deuh lai ka thlen chuan ka thaw chham dawn a ka hleuh chhuak nghal thuaia Tim-a lo dive lut ve nghal zat bawk.

A tui hleuh te chu hmuhnawm thlirin nia ka lo thlir ni hnamdang mipa chhelo an tih ang hi chu amah ah hian a awm kim vek ani ber mai ka lo en reng lai chuan Zorina'n tui in min lo theh pek a mi in ngaihtuah ril lai lai a ka ngei tak tak. "Zorinpui" ka ti tuar a tui chuan ka va theh ve nghal zat bawk "ava hmuhnawm âwm ngawih ngawih ve" alo la ti hram tui chuan water fight kan nei ani ringawt.

Tim-a chu ka bulah alo hleuh a ka ke ah alo man a  tui chhung aṭang chuan ka hnaih sit sit ah alo chhuak hlawla "ehee" ka lo ti  haw a "bikini khaw nge" zawi te chuan alo ti a pum ah chuan ka lo chum zawt a "ana" tih pah chuan anui suk a  ka lo tûm nuih deuh reuh a. Rei lo te ka chen leh chuan ka chhuaka Zoremi te ho erawh an la chengtui khawp mai bathroom ah  chuan ka inthlak a ka chhuah leh chuan ka sam vel ti ro in pawn ṭhu thleng ah chuan ka ṭhu a Tim-a lo phei chu ka hmu a "i duh tawk ami" ka lo ti thuai a "umm..rawng ka bawlpui ve loh chuan" a tia  "Khawi ah nge ka towel hi le" a tih chuan ka bag chu ka zen vat a , a underwear nen chuan ka pe a "nachang i van hria" alo ti "i nupui ka nia" fiamthu aw tak chuan ka lo ti a "nia" alo ti a a nui suk bawk inthlak tur chuan bathroom ah a kal a.

Tlai lam ah chuan bear vel an in hlawm bawk si a an phawk lek ṭan tawh hle a 

Tim-a ka hmu mai bawk si lo alo in  ve nghek ang tih ka hlau Motor a khalh haw leh a ngai dawn sia a hmun vel fan pah chuan ka zawng pah a eirel an bawl na hmun hall ah chuan ka chhuk thla a alo awm ngei bawk ka va pan nghal chat a "i in hnem em" ka ti thawr a ka beng bul ah chuan "in lo ang ka ni" alo ti ka lo chek hlak a "tchh..i in tho chu" ka ti nghal a "in lo ang ka ni" tih pah chuan a kut zungchal leh kutzungpui chu a ti chip a ala nui suk leh nghal, a in lo anih ka ring a rim pawh ka hrelo.

Zan riah kan ei hma chhan Birthday cake kan zei dawn a thu sawi turin min la ti zui ka zam leh der tawh mai thiam vak em em lo chuan ka sawi ve naw naw a chu mi zawh ah ka ṭawngṭai nghal a Cake chu kan zei  a Tim-a bulah chuan ka ṭhu a min barh ve ngei bawka ani pawh a nui ve suk suk mai a lâi ve nih ka ring. Chaw kan ei kham kan haw hlawm chu ani mai a Sangbawihi leh Ms-i chu an kai ve deuh a an ṭawng duh barh barh hle  Zoremi chu a chau aniang a muhil nghal daih a reilo te ah midang pahnih pawh an in be mawlh mawlh emaw tih laiin an lo muhil ve daih chu lo ni in Tim-a nen chauh chuan awm ang mai kan ni kan in en a kan nui leh ringawt a "i mut a chhuah chuan  duh leh muhil ve daih rawh" alo tia "chhuak lo ee" tih pah chuan ka la ham khanglang zui "a chhuak anih kha" alo ti leh a "ka mutsan che in" nui aw deuh hian ka ti a "kan thleng har lo ang" alo ti thung.

Ka mit chu thil var deuh hian alo ên a ka men chuan ni eng hi alo ni a ka room chu alo ên lut ut a.Ka hrechhuak thut a nizan khan ka mutthluk san ani maw awi leh engtin nge ka room ah hian ka lo mut daih theih le...ka ngaihtuah neuh neuh hnu chuan motor aṭanga min pawm chhuak chu ka hre ruai ruai a Room thleng min pawm chho anih hmel. Ka van zak tak ka mut loh tur thu te kha ka sawi sia naa ka van inthiam loh reuh e...

Mawizuala chu alo in pack fel tawh a in thar a luah ve tawh dawn a  a hna thawhna ah bialnu  a nei bawk sia a phur turh turh khawp mai "Kan lo leng ang nakin ah " 

"lo leng ru ka nu pawh alo chhuk dawn" alo ti a Tim-a pawh chuan present enge maw hi alo keng a Mawizuala chu alo pe a lawmthu te an in hrilh dun mawlh mawlh a an in  nel hman bawk sia hna lam ah an in hmu reng bawk nen an in kawmngaih hman hle a Tim-a pawh hian nau ang taktakin a en tawh nghe nghe.

Thla a ral a Ber thla kan lo kai leh  dawn der a kan in kar pawh a ṭha tawh hle 

ṭhian te ho an lo lang bang lo a kan lungleng lutuk bik lo a khat tawkin kan chhungte an lo leng ve reng bawk a Tim-a nu te nen pawh kan in pawh ve tawh hle a Kan 2nd Anniversary pawh thla leh mai alo ni tawh a Tim-a nu ten an in a chaw ei turin min hauh lawk nghe nghe ei ngei pawh kan tum. 

Kan in neih cham vawihnih na pawh alo thleng a Tim-a chhungte in ah zan riah kan ei a Tim-a nu nu Rinpuii chuan "tu kan va hnu chak tawh ve" alo ti a ka chaw ei ka hak ṭep leh nghal  Tim-a pa pawh chuan "ni e tu kan hmuh hma in kan tar mai dawn" alo ti bawk Tim-a nen kan in en a kan nui ringawt.

Zan riah kan ei kham chuan kan haw a in kan thleng chuan room ah ka chho nghala ka phone en ka tum chu ka hmu ta mai lo a Tim-a ka ken tir tih ka hrechhuak thut a hahthlak hian. A room  kawngkhar chu ka va kik a  vawi thum ka kik leh chuan alo hawng thut a kawr alo la ha lo zui ka lo mengphawk kher mai min pawt lut thut a 

a room kawngkhar chu khar hmakin min nawr bet ti tih mai a ka lo hamhaih ang reng khawp mai.

"ihh..ka phone" ka tih chuan min lo fawp thut mai a ka inring hman lo ka meng kur leh nghal chutah "Min hmangaih tiraw" zawi te  hian alo ti a  chu zawh na kher chu ka lo la in zawt ngai hauh lo mahse ka hmangaih lo ti a sawi chu ka duh bik  si lo ka rilru chuan thil tam tak ka ngaihtuah zut zut a ka lo bu nghat ringawt.

Min lo fawh chhun zawm leh a a duhthawh kher mai tunah chuan ka lo chhang let a infawh chu zei tak ani ka fawp ve pawhin ka hrelo. Khum lam ah chuan kan in kiss phei zel a muang changin min nam thla riai riai a ka kawr a hlih lai te chuan ka lo dang miah lo chu mak ka in ti zawk atak sa lum in a min lo deh te chuan ka thinphut nasat zia chu ka nghawng ah chuan a fawp thla dan dan a chu tah ka hnung ah chuan  a kut alo rawlh a ka bra phelh a tum anih ka rin vangin ka kut chuan ka lo vuan chut a ka kut chu lak thlak  a tuma ka lo duh mai bik lo ka hmui ah chuan min lo kiss leh rih a chu erawh ka chhang ṭha leh lawi a ka beng bulah chuan lo kûn a "fa siam ang aw" alo ti a chu thu te chuan min ti  mur chum chum thei hial ani mahse ka pasal a nia tunah zet zawng ka hmangaih ani tih ka hrethiang ta dan ka tum lo a, afa hrin sak ngei pawh ka duh a a hmangaihna nasa tak dawn ka thlahlel hle ani tih ka in hre bawk

Ka lu ka lo bu nghat a alo nui suka ala hmelṭha em em zui ka lo nuih let ve a, tichuan dam lai par chu kan chên dun ta a.

Zing ah chuan inkuah rial in a âwm ah ka  mu a ka harh chuan Tim-a chu ka en vang vang a, ka mittui alo hnam ringawt a phat rual loh in ka hmangaih ani tunah chuan amah ah chauh in pum pek ka duh tawh ani. Chuta ṭang chuan khum khat ah kan mu ta ziah a nupa tak tak angin kan awm chho ṭana kan in ngaihsawt in kan in duh sawt hle tih tuman an hai lo.

Engtin tin emaw Christmas te chu kan hmang liam ve leh ta mai a.

Thla thum  lai chu ka period ta miah lo a ka in ringhlel rum rum a, tukṭhuan kan ei lai chuan Tim-a chu ka hrilh a "enteh thlathum lai chu.." ka ti hman ṭawk ka luak alo chhuak a bathroom ah ka tlan lut nghal a Tim-a pawh alo phei nghal  thuai a "tinge i dam lo ami a" alo ti a ka chal ah alo dawm a  kei lah ka awmdan chu ka hrechiang em em tawh a ka hawi chhuaka "Ka rai in ka hria" ka tih chuan mak ti deuh hmel hi a pu a "maw" alo ti heu mai a "Ka la hrechiah bik lo a mahse ka rai a nih ka ring" ka ti leh a min lo kuah nghal chung mai keipawh chuan ka lo kuah ve a "mahse mahse ...vawiin ah va in check tir phawt ila kan fiah dawn nia" ka ti a alu alo bu nghat nghat a ka biang ah dawmin ka chal ah a fawp a. 

Clinic ah chuan pregnancy test chu ka va nei a ka rin ang ngeiin ka lo rai a ka lawm zia chu sawi ngaihna pawh ka hrelo Tim-a chu ka hrilha kei ai ai chuan a lawm amaw tih mai tur ani "pa ka ni tawh dawn maw" tiin min kuah chunga  ka mittui pawh alo tla, lawmna mittui ani. Doctor ina a thusawi te chu alo ngaithla uluk em em a ka nui a ti za ang reng mahse hetia a hlim hmel hi a hmuhnawm ka ti. Kan haw lam te chuan ka pum te chu alo khawih a "ka nu ka hrilhdawn " atia a phur khawp mai ka nu chuan an in ah lo kal nghal turin a ti a kan va thleng chuan keima nu te pawh an lo awm a  an lo ri laih laih mai a min lo be nghal siam siam hlawm a.

Ka nu te pahnih chuan eitur eng eng emaw ei tur leh ei loh tur te chu min hrilh luam hlawma hetia han awm vel hi ka tawn vawikhat na ani bawk si a a nuam dangdai tak zet a ka nun ah chuan thil special tak ani. Chaw  ei khawm nghal an ti a kan naute thar lo piang tur chu kan lawm tlang hle ani Tim-a pawh mipa ho nen chuan an lo ti ti ve nasa maia a hmel ka en chuan a hlim a, ka en lai tak chuan min lo melh let ve a a mit ah tak ka en,ka hmalam hun tur ka suangtuah a hlimawm tak anih ngei pawh ka beisei a alak ah beisei na sang tak ka nei a amah chu ka ring em em bawk ka beiseiang anih ngei pawh ka ring.