MIDTERM CP-1
M - Muang changin
I - i he lo a pawm zelin
D - Danglamna an hriat hnu chuan
T - Thianghlim tak in
E - Engpawh an hmachhawn mai zel
R - Rimtui in hnawihin zan thla eng hnuai ah chuan
M - Mal taka awm an duh lo ve ve a.
#ACTION #ROMEDY #fantastic
** OCTOBER 25**
"Saw saw mi... " tiin ka bula mi te chuan min lo sawi nawk nawk a "Ni chiang e " tiin ka lo sawi ve thuai bawk Game chu an tan dawn hnai a mipui au pawh kan thahnem ngang mai.An school hmeichhe ho chuan 'No11' tiin ring tawk tawk hian an lo âu a , ka ngei dawn lek lek a lawm 'No 11' tih ve pawh ngai lo tiin ka in hum ruh teuh ringawt. Ka bula ding Zosangliani chuan "awi...LalOlivia no 11 saw maw" tiin over deuh hian alo ti a ka mitko ka lo San ak ringawt.
"I va nei chhelo ve a" Zosangliani chuan alo ti leh a "in nih na rei tawh em" a tih chhun zawm nghal bawk "rei lo thla 2 vel bak" ka tih chuan "awi awi awi , rei tawh lutuk" tiin nikhaw hrelo a awmtur ang maiin a awm vel a, nia ani ve zawng ni 3 danah te bialpa a thlaka a neih rei ber pawh thla 1 chu pawh ka best friend cousin Rinawma kan school ah chuan a lar pawl ve tho a nia kha nen khan an ni rei berin ka hria. "Hmm.. a rei loh em chu " ka ti a "mahse Marcus-a hmeltha zawk anih saw" tih pahin in khel mek lam chu a hawi a "saw pa saw.. a mawl si " ka lo ti hluai a, a chhan chu kan thenawm pa ania Basketball at chilh bawn let tawp tawp ang kha an tualzawl ah te hian inkhel tura a chhuah loh changin amah te in a ti mai mai zel .
FLASHBACK SEPTEMBER 21
Ka nu in Nu Mamuani kan thenawm te'n ah min tir a an gate ka va hawng dek dek a "Eng nge ilo tih dawn Chawngmawi " sir lam pangpar an dahna bul atang chuan mit ti zim San hian min lo en a Marcus Lalrinsanga ngei chuan alo ti leh pek a "tikhan min ko ve ziah suh Hranga" ka ti vin hlak a School ah hi chuan a Cool thei rapthlak ka thiante leh midang dang star Tu pawh ka hre ve nual mai mahse in lam a a awmdan hi hria se lang chuan awi ka sawi peih lo "Chawngpui ma chawng" atia a basketball chu ring chhung ah chuan a ti lut ve nghal zat bawk "I nu awm em? " ka lo ti leh a "awm ang " a ti tha ve mai bawk a min lo en râ rân a a ball ken lai chuan min lo vawm chawrh duh hmel hi a pu reuh a ka phei chhung zawng chuan min en phei in ka hria "min lo en ker kawr suh" ka tia lei ka chhuah khum zeuha inchhung ah chuan ka lut daih a.
"Anu Mamuan " tiin ka ko lang lang a kan in thenawmna a rei tawh bawk a kan in nel tawh em a! In chung atang chuan "Chawngmawi lo chho rawh hetah ka awm daih" alo ti a, Lalrinsanga vangin ka chhungte leh Nu Mamuani te chhung hian Chawngmawi min ti vek a ka duh lo ropui a bikin saw pa min tih phei saw chu.
"Forever par hi ka phun sawn dawn a " alo ti a "ka nu alo kal hman lo a saw.. Pangpar a buaipui ani pawh " ka tia alo nui kur kur a pangpar ringawt hi an buaipui a, ka nu pawh hnadang nei hek lo chuan a pangpar mawi deuh deuh hi to deuh deuh in a hralh a, in chung ah a hung tlar dul a analh thei lutuk.
Tunah pawh pangpar chi pe turin nia min tirh "Hei pangpar chi chu aw" ka tia "ka chhuk leh nghal mai dawn " ka tih chhun zawma "lawk aw Sawmte hei christmas par hi lo phun sawn rawh se a var chi kha hmani ah min pe sia.. a sen chi kha a nei vak lo in ka hria" atia Christmas par sen duk chi kha min lo pe pah a.
Pawn ka chhuah chuan dim thei ang berin pangpar chu ka keng a Pot pahnih ka keng bawk sia Gate lah chu ka hawng maithei lo a Pot chu ka dah thla leh rih Gate chu ka hawng leh te te a. In ka thleng tep tih a Zion-a te thianho chak lutuk in min lo tlan pel fua fua a tlem a tlem a min su lo chauh Lal Marcus-a te in zawn ah an ding ri hrawk pawh chu ka hre reng kan in Gate bul ka thlen chuan ka nu in kawt a pangpar ho chu alo phun sawn ve mek a
Christmas par pawh chu ka dah thla nghal a "nu khawnge u Lucas-a" ka ti a " a room ah niang chu " , "Marcus-a te'n ah phei tir suh ang che ruih an tum" ka ti a ka nu chuan min lo en thuak ringawt in chhung ah chuan ka lut zui nghal daih . In chung step ka chhauh lai mek chuan U Lucas-a nen kan in tawk chiaha, Marcus leh Lucus unau te pawh an ang a lawm , an tet te tangin school khat ah an lut dun char char a deadly duo hi an ni ringawt, kanza an zuk lai pawh kan hmu ngun mai feli nen hian min thlem char char zel . An hming te pawh hi an mahni in phuah mawle kan ko hlen ta nghe nghe .
"Marcus-a in ah awm lo" a mit a en rân pah chuan step ah chuan ka ding a ani alo chhuk tur chiah a hoodie an thian ho Hoodie kha alo ha chhuaka '7B1H' tih hi nia a awmzia chu ' 7boy 1 heart' tih na. Min chhang lem lo chuan a chhuk tlang daiha a hnunglam a tang ka kut hum ruhin boruak ah chuan ka hnek siah siah a. In hnuai a thleng thla chiah tih a "eee... Chawngi ka phone min lo pe lawk " alo ti a ka zuk dak thla a "I ninawm la ve mai rawh" ka lo ti vin nghal thuai "I fel em kha, ice cream ka lei ang che" a ti leh a "pawisa i neilo " ka lo ti ve leh "ka nei reng en la" atia 500 tlang chu min lo hmuh a "Anu bag atanga i lak bak va ni suh" ka ti leh hram . Mahse a phone chu ka zuk pe ta tho a pawn thleng ka zui chhuak ve bawk.
"Nu u lulu-an i pawisa a ru nia" ka ti a ka nu chuan "a inhlawh lawm inchunga pangpar ho khi min chawi thlak sak a "alo ti dam dup a ka lo ner nang "u Lucas-a hi I duat bik si " ka ti a u Lucas-a erawh inti thei deuhin alo nui tet tet a ka lo melh rum kawk. Kan in leh Marcus-a te in kar ah hian dawr lian ve deuh mai hi a awm chu lai thleng chu ka zui a ice cream leh chips ka la teuh a ka chhuah San daih min lo au zui tawh lem hlei lo a.
Ka room ah chuan ka zai rat rat a keimah te in ka karaoke ani mah zawk Blackpink hla 'Boombayah' kha ka play a ka lam leh chiam chiam a, tlai ni nem ah ka thiannu Marcus-a nau Feli alo leng a keini pawh u Lucas-a te ang bawkin kan in kawmngaih a
Tlai thim dawn thleng K-drama kan en dun a, ka nu in chaw ei nghal turin a sawm a alo ei ve nghal mai bawk zanah Dar 9 dawn thleng alo leng a ka va thlah a min lo thlah ve leh a Nu Faktei te dawr zawn takah chuan kan ding chat "hetia in thlah sek hi a buaithlak" feli chuan alo ti a "nangmah nih kha eng nge ilo let ve zel " ka ti ve leh "aw! i hlau nih kha" ring deuh leng lawng chuan alo ti leh a kan in en rân rân a kan in lam kan pan leh ta ve ve a anih loh chuan kan in thlah tawn sek zela tikhan a lai takah kan awm a kan haw thin.
Sunday tuk ah chuan zingdeuh ah ka tho a in chungzawl ah exercise ka han la a, ka zuang thauh thauh a kan in piah lam chu ka hawi a tum loh deuh in Marcus-a ka va hmu a, a tho tawh nge ala mu lo zawk
ka lam alo hawi loh avang chuan min lo hmu mai lo a ka lo en rauh rauh lai chuan alo hawi thut a min lo en rum nghal em em ringawt " iva tho hma awm ve" ka lo ti ringawt a "ka tih dan ziah" atia ka lo awih lo kher mai ka lo ner khum nang a. Hmalam chu hawi in ka zuang chhun zawm leh mawlh mawlh a Marcus-a lam ka va hawi chuan Nu Mamuani pangpar tui alo pe den den a zingkar ah ti sawn a ti thin a mi le ka lo nui huk a, ka nu pangpar te chu tui ka pe ve leh a "min ngaisang viau suh" ring deuh chuan alo ti a hnunglam ka hawia zing kar kar a han au chiam chiam chu "I zak em.. Pek ka tum daih tawh" ka lo ti vin leh hlak a ka melh rum leh vak pangpar tui pawh ka pe chhun zawm leh daih. Feli a thawh tawh leh tawh loh zawh tum a ka in her chuan alo chhuk fel der tawh.
Chaw ei kham ah chuan inkhawm turin ka insiam zui mawlh mawlh a ka pa hi Local chairmen ani bawk sia inkhawm loh pawh hi a phal lo U Lucas-a pawh peih lo chungchungin a inkhawm tir ngei ngei unau hi pali kan ni a kan upa ber hian pasal a nei tawha a dawt chiah ami hian nupui a nei tawh bawk fa an nei ve ve tawh a keipawh nutei leh nitei ka ni ve tawh . Ka nu duat lai a nia U Lucas-a hi kei chu ka pa duat lai.
Feli nen Sunday apiang hian theme kan nei thina vawiin chuan kawr Dum hak kan tum a, kan neih loh chang chuan a thim lam engpawh kan ha thin. Ka in siam zo chu ka room atangin ka chhuak a Marcus-a ka u room atanga a chhuak chiah nen kan in tawk a Coat suit a pawl tak navy blue ang kha a ha a, a kut zungchalah zungbun silver rawng lian ve deuh a bun bawk ka ding reng lai chu min lo en vung vunga
"Tinge puan te I bih a kawrfual ha ta che" alo ti a ka lo ner nasa ngang mai in pawl rual reng mahila kei ai a û a chutiang bawkin ka u pawh pawl 10 ah khan an hostel ah ngaihzawng an nei a an buaipui leh lutuk a an fail phah a tunah class 12 kan ni ho leh dial dial a, a leh lam tak chuan nuih an tiza ang reng school ah lah hian an la luck em em leh nghal a . In lam ah hian an mawl zia hi an lo hre pha ve tawh si lo a
"Khawnge feli " ka ti a "in hnuai ah a nghak che " atia in hnuai ah chuan ka chhuk ve nghal thuai bawk. "Nu kan kal dawn" tiin ka nu chu ka au a "aw lo va kal ru Mate i pa hi a necktie in mil tur a hmu lo a kan zawng pui leh lawk, nalh hi a tum lutuk a " atia alo nui uar uar a Feli nen kan in en a kan nui ringawt. Feli'n scooty a khalh thiam si lo a keiman ka khalh a kan biakin hi kan in atang a hla ve deuh a tihian kan kal maizel.
Tan dar pawh alo ri leh tep tawh ka pa te pawh an lo thleng ve nghal a Ka pa Chhuana Marcus-a pa te nen Motor-in an lo in phur thung.Vawiin ni chu Pastor bial fan ani bawk si a Ni dang ai inkhawm pawh kan thahnem ngang mai . Nula ho thut na ah chuan a hnung ber ah Feli nen kan thu ve a tun kum atang Puitling ah kan inkhawm ve tawh a, kan nula ve sawt in kan hria a a chang phei chuan kan in hrilh ru a kan nui vur vur thin nuih rin ngam chi ni hek lo biakin chhung reh thiap lai tak hian nui hi a za duh ting mai a in sum a har thin teh a sin.
Inkhawm ban hma in U hriathlui te ho in min lo ko chhuaka refreshment vel sem turin Ka u te thianho pawh an lo awm leh diam tawh thingpui an lo lum a Zion-a ka hmuh chuan a tukhum ah ka va beng ri thlap a "nimin khan min su teuh lutuk " ka ti nghal "khawi ah maw" alo ti haw a "kan in bulah " ka lo ti vin that ala nui kur kur zui. "Ka hmu lo re re che " te chu ala ti ta deuh deuh a. Dispo no ho chu kan lo rem tlar dul a u hriathlui te tlema nula chin te nen chuan kan ti sang sang a.
Inkhawm an lo ban hnu chuan chhang vel chu kan lo sem nghal char char a, kan tih zawh meuh chuan kawng a kham ve duh kher mai an tam si. Feli nen chuan kan in phur haw leh hnak hnaka kan in ah alo leng tlang nghal a kan va luh chuan Ka u te thian ho an lo awm teuh a sitting room ah chuan kan va lut phei ve a Kan school hmeichhia te pawh ka hmu ve nawk mai. "Anu te an lo la haw lo mi" tiin u Lucas-a chu ka melh a "Anu te la tii" tiin Marcus-a'n alo tia an lo nui dar dar Feli pawh a banglo "aww.. Baby ala nih hi" tiin u Samu-an alo chhun zawm ve bawk
"Kiri rala ralte" tiin Samu-a chu ka melh ralh a "haw lo.. " ti in u Lucas-a chuan alo sawi ve bawk Room ah feli nen a kan chho ta daiha .
Nihawi chi kan chip melh melh a Tv ah K-drama bawk kan en leh a 'Boys over flower' kha kan en chhuak ngun lutuk kan ning thei lo ani ber "enteh khuta hmeichhe pakhat thu ve kha kan school ami tiraw" Feli chuan alo ti a "a ang ka ti... Ka hmuh hnu chu ang" tiin ka lo tui hnih ve nghal
"U Marcus-a hian bialnu a neih leh neih loh i hria em " tiin min lo zawt leh daiha "ka hre lo e ah " ka lo ti nghal "class khat ah in awm sia, a nghal thei ngawt lo maw , a in la bad boy vel lutuk thin hi in lam ah lah baby " atia a nihawi chi chu ka lo la chip char char thung "ka ngei a nia school ah Chawngi min ti ziah a, ka hnek khawp ang" ka lo ti hlak hlak thung Feli bawk chuan "Apa leh Anu sawn an duat zep zuap lutuk a hmani pawn bike a ngen a " tiin a û chu a rel char char a Kei lah in u Lucas-a ka lo rel ve bawk.
Zan ah chuan kan assignment tlem a zawng ka zir ve e ka tia mahse rilru ah lut leh thei ta tlat lo mai in chung zawl ah ka han chho leh a . Thla lian pui mai alo lang kulh a full moon zan ani tawp si lova mahse thla khi a van lian Arsi te chu an lo lang uar mai a zan reh lai ani tawh bawk sia boruak chu a nuam in motor tlan ri pawh a khat pharh tawh mai, thuthleng kan dah ah chuan ka thu a zai kan chak tlat peka room ah ukulele ka zuk la a, ka phone nen "Chhawr thlapui lo chhuk rawh " tih hla kha ka sa a, Feli te in chung ah chuan eng de vat vat hi ka va hmu a ka hlau deuh reuh , ka en Chiang mai ngam lo mahse ka en tho ang mipa kan ni lawm ni.
Hnai deuh ah chuan ka Kal phei thum thum a.
"Chawngmawii" alo ti.
(Hei hi ka story 2 na tur ania a ngaihnawm in ti a ngem aw😂! Tun tum chu tlema tleirawl deuh kan ti ve tawh thung ang mistake ka neih chuan chhiar dan in lo thiam mai dawn ania🥰)
#support #share
Comments
Post a Comment