JUST HIM S2 CP-3

JUST HIM S2 CP-3 BY:THARTHARI

Inrinni a lo zin tur angin kan in sawi fel ta kha ani a hun harsa ka tawh chang apianga ka bula awm reng thin anih avangin ka thian ani hi ka lawm hle. Ka thianni chu buaina em em awm lovin zing dar 7 velah a thlenga an lo zan chhuah anih hmel kan in hmu chiah chu naupang ang maiin kan in kuah chung chung hi ani ber sawi tur kan ngah leh dawn lutuk a kan hlim hi ani tawp mai. Mawimawii pawhin alo hre khawp mai a "anu Remrem" tiin alo kuah ve chat a Polar suit leh inkhawm kawr fual alo ken saka Bawihtei pawh alo lawm leh kher mai kum 3 mi chauh e ti lo hian a fing reuh a tawngkam te hi a thiam reuh sia ka lo zak leh chem chem zel. 

"Ka lawm e aw nu Remrem i fel ber" atia inchung lamah a tlan chho nghala a in khai bawr ve reuh sia Zoremi nen chuan kan in en a kan nui  har har ringawt. Jordan-a leh a thiante ti ila ka thiante pawh ka ti ve thei tawh ang chu an lo leng chawta kan in pawh tawh hlawm hle nichin deuh lawk khan an lo kal leh tham than tawha a leh lam zawng tak phei Chuan an hman ka ti ang reng. Travis-a tih loh kha chu an lo kim leh thap tawh Nunui leh Zoremi chu in kawm chi tak an ni niang an titi thei fu a , in nel takin awm ho thei ila a tha ber. Ka dawr bungrua thenkhat lo thleng te kha mila ho in dawr chhungah min dah luh saka keini in a chhung kan lo chei thung de zek zek tih ang reng vel chu Mawimawii ka ni Hmingi te in a dah pahin vli nen kan lei kawi a, kan let leh meuh Chuan cosmetic tih ang reng neuh neuh chu an lo rem fel diam tawh. 

Dar 1 vel bawrah Zoremi leh Nunui'n ei tur siam turin in lamah an phei a Zoremi chu a chauh ka ring deuh an lo zan chhuah si a mu daih mahse a pawi ka ti lem lo mahse Nunui nen ain kawm thei phiana a tihzia ang reng. Dawr chhung chu ka phiat fai vela "lalJordan hna te thawh tur te zawng ve rawh games ringawt" tiin an thian ho sofa a thu chunga games khel ho chu Vli'n alo hau a "chu chiah" tiin a bula thu Sangsang'in alo tui hnih ve bawk "anih loh chuan Nunui nen in in nei thei miah lo ang aw" tiin Vli Chuan alo chhun zawm leh a Jordan-a Chuan uang tih hriat zet hian "aww pubg hmang hian ei ka zawng a lawm tunah pawh thla khatah sing chuang asin ka lak luh" tiin alo chhanga a thiante ho Chuan an lo "nia " tliar tliar mai. Jordan-a hian games hmangin sum a la lut ve tak tak a ka la Zuia hian a tui pui em em a ka ni Hmingi erawh in a tul lo a ti hle. "I tar hunah I khel thei dawnlo" ka lo ti ve a "U Zopar nangte Chuan min lo tan ve ta che naa kha min heal ta che " tiin a bula thu Kawla chu  a tukhum ah a beng ri thlawpa kawla erawh alo nui kur kur thung an thil ti lai vel chu ka en reng na chhan tur awmin ka hrelo a ka lu ka thing vuta bawlhhlawh chu pawnah peih tumin ka chhuaka. 

Pawna ka chhuak chiah chu Car var nalh zet mai hi  muang changin alo dinga glass a lo ti tla riai riai a chu tah Travis-a kha alo ni a sunglass alo vuaha  Car a tang Chuan alo chhuaka ka lo en zui renga bawlhlawh pawh ka la peih lo  hmun phiah leh bawlhlawh ruhna chu ka kut leh lam leh lam ah ka la keng. A leh lam kawngkhar a va hawn Chuan Mawimawii alo pawm chhuak nawlha ka lo ham haih nag reng sunglass alo la vuah ve zui a "ahhh tinge " ka lo ti haw a Mawimawii  Chuan "anu ka nalh em? " alo ti reuh a, a ngaihna hrelo deuh Chuan Travis-a chu ka la en reng a " Ka nu in Nu Hmingtein pawna a pawm kha a hmu a Chuan in ah alo pawm phei a Ka pa nen an bazar naah an hruai ve a Chuan hei an lo lei saka keipawh min vuah tira " atia insawi thiam tum tak Chuan a sawi nghal zung zunga "awww! chu alo ti buai viau che u a nimaw" tiin tha deuh Chuan ka chhanga "nah.. A cute em a ka nu in Mawimawii nu kha a hmeltha a fel bawk si a puitling em em leh nghal tiin a fak che " a tia ka lo nui ta ringawt "lut ang u midang pawh an awm " ka ti a bawlhlawh chu ka peih a dawr chhungah Chuan kan lut ho a. 

Ka sawi tawh angin kan dawr leh in hi a in zawm ti tih a kan awmna lai tak phei hi chu a lun ang reng hle. Dawr chhunga kan in zui luh Chuan min lo en deuh thup hlawma Jordan-a te ho bawk khan an lo ehh ruah leh dual tawh "chhungkua in va ang ve" tiin Lalvli khan alo ti leh hmana ala nui tiah tiah zui Mawimawii a pawm bawk si a, chu tih lai tak Chuan Nunui leh Zoremi an lo lut ve chiah bawka "rhe kan tlangvala chuh" tiin  Nunui Chuan thla alo la hram a Zoremi erawh alo hawi hai viau thung a hmel chu ka nui a ti za ang reng. Chhun thil ei turin kan in lamah kan phei a kan ei zawhah Sitting room ah kan thu ho a "tunah Chuan hawn chiah ani mai ka nu leh pate chah chhoh ka tum viau na chu an hna ah an buai thei lutuk a ka inthlahrung ve deuh tawh ka ni te chhungkua an awm tho a " tiin Zoremi chu ka hrilha "nia mahse tunge saw saw" tiin min zawt daiha mi thu pawimawh sawi lai lai a "Tu saw maw" "aw! Mamtei lo pawm Tu pa saw..a chhelo tawp" a ti a anui deuh thaw leh nghal "ee... Tradew-a nih saw" tiin ka  lo chhang chu tah Zoremi Chuan phawk deuh a min en pah Chuan"Tradew-a maw? A hming tak tak a mi.." a ti a "ni hmiang" nui za in sum aw deuh Chuan ka lo ti a "ka awih lo chutiang hming a mak.. Ka la hre ngailo" a ti leh a "au chhin la " tiin ka thu rem sauh sauh a Sofa hnung chu ka ngheng al al bawk "Hey! Tradew Zoremi ka nia Zopari thiannu hi" tiin a va ko ta mai a chu tah kan ep chiaha thu pa chu alo hawi no lo rapthlak midang ho erawh an lo nui dar dar a keipawh ka bang lo. 

Ka thiannu chu a zak nge a hrethiam lo lutuk a "Tradew-a ini lo mi" tiin Zoremi Chuan a zawt leh hrama "ni lo ni lo" tiin pakhat Chuan a lo chhang nghut a "nih enge i hming" Zoremi Chuan a ti leh a chutah thawk la halh pah Chuan "Mafia-a" tiin alo chhanga Zoremi chu a nui ta hawk hawk a keipawh a sawi awmzia chu ka hrethiam chiah biklo. "Mafia-a maw i hming" Zoremi Chuan a ti leh a "aw, amah tawp hi misual awm khawm misual rual Mafia-a " tiin Vli Chuan alo sawia a thu tak deuhin a sawi leh nghal sia hepa hi hming hrang hrang a van ngah hei lo pawh hi a dang ala neih ka ring e ah. 

Travis-a lam ka va hawi Chuan min lo en kur a ,a hmel chu ka en chianga a mit ko te chu alo verh a a hmain ka hmu ngai si lo a a vuah loh vang pawh ani maithei a mitmeng a rum ûl a , a fiah help thung kim tlang kawm thuk lam deuh a nei a, mizo mipa ah Chuan mit meng mawi tak chu ani ve ang ka ring, a lu ûm a mawi deuh a nei a tunlai a an lu meh dan ang chi horse cut ang deuh khan a ti ve a, a hmui a chhah a a sen deuh bawk zial a zuk nasat hmel hmel nen a duk ve miah lo te chu mak tih tham a tling , a hnar ngul a sang vah bawk chutia ka en reng lai Chuan a mit ko alo San ak a ka haw sawn rang hle .A hmel ka lo chik ngai miah lo a alo Mafia-a an ti pawh hi alo in hmeh hmel duh viau in ka hria. 

Zoremi Chuan min lo kheuh zeuh zeuh  a "enteh enteh Kan Mafia-a sawn alo en char char che a nia " a ti a keichu hnuai lam ka la en char char thung engtin emaw ti tak hian  a mita ka en khan ka zam riau a. "A duh che ni hrim hrim" alo ti leh a a chal ah ka lo kuk lawlh "I mawl amk Jordan-a thianpa nihsaw ka thianpa pawh ani ve tho I duh duh sawi suh" ka lo ti a "hmm.. In in hriatna ala rei lo ee.... A duh ve che Chuan chhuah miah suh" ati leh a ka kham ta deuh chutiang rilru ka put loh thu te ka hrilh a in la hrethiam fahran Chuan a awm a he nu hi chu ah. 

Zanah an lo len tur thu min hrilh hlawma an haw ta hlawma Zoremi pawh a chau a  niang an haw vel ah a inbuala mu turin kan room ah a chho a keiin eirawng ka bawl thung a. Door bell alo ri a "lo lut rawh" tiin ka chhawn vat a "ih ka phone ka theihnghil a" tiin Travis-a kha alo ni a "eee.... Hei hi mi Tu phone nge le ka lo tia " tiin fridge sir atang Chuan ka la chhuaka ka pe a kal leh nghal mai a tum chu "coffee lo in ve la ka lum zo chiah sin" ka ti a alo hiat neuh neuh Chuan a bu nghat a "Games i khel ve thin em" tiin ka zawt a "khel ve.. Thin tho" tiin min chhang a "I peih e a " tiin ka lo chhang "peih vang pawh nilo hna kan awl change te hian ka ti ve leh mai mai zel" alo ti a "eee.. Engineer ini tak tiraw" tiin ka lo zawt leh a  "a hmingin" a ti a anui deuh bawk. 

"Kan in hriatna ala rei lo tho nangin thil ka zawt ang che aw" alo ti a "aw min zawt la " tiin ka lo chhang thuai coffee chu a in leh te te a "Mawimawii pa hi ala dam em? " alo ti a "dam e tinge" tiin ka lo nui pah a "ahh timah tinge in in then a nang ang te .. " atia a sawi chhun zawm lo coffee chu ka tlak ve leh sak phawt ka nui lui hram hrama "ah.. Hmeichhe pakhat chauh kha a duh khawp lo te pawh ani mahna" tiin ka chhanga a bu nghat nghat a min zawt chhun zawm tawh lo Chuan "zanah ka lo leng dawn a nia " a ti a sawisual tih in hre hnuhhnawh  deuh hian alo a thing vut a "oh Jordan-a te nen kan lo leng ang " a ti a ka lo nui hak a "awle" tiin uang deuh Chuan ka lo ti a ani pawh alo nui ri ve hawk mai. 

Zan riah te kan ei kham hnu Chuan Mawimawii leh Zoremi chu sitting room ah an in fiama thleng ka sil thung Zoremi chu alo thlen ni te a ni ve sia tiin ka tih tir duh lo a mahse naktuk vel atang Chuan tiin ka ngaihtuah a ka  nui hawk bawk Zoremi Chuan "te... I phone a ri" tiin min lo ko a "lo chhang mai rawh" "I nu a nia " alo ti a "aww.. " tiin ka kut chu ka hru ro thuai thuaia sitting room ah chuan ka phei a "aw.. Nu" "Bawihi I dawr chungchang kha ini Hming'in min hrilha engmah ilo sawi ve si loa kan va inthlahrung ve" alo ti a "awi! Inthlahrun na tur pakhat mah awmlo in dam em? Ka buai lutuka tunlai chu ka lo be hman lo che u" tiin ka chhanga "kan dam tha engmah min hrilh si lo va I lungawi lo emaw kan lo ti hmana " ka nu Chuan alo ti leh a "ka tha lutuk in buai sia ka ti buai duh lo che a chuvang a lawm" ka ti a "ahh engpawh ni se mamtei kan ngai tawh lutuk a ka lo be teh ang I pa pawhin a ngai tawh" a tih Chuan Phone chu Mawimawii ka pe a api nen Chuan an in bia a an tawng ring dun mai sia ka pa aw alo lang zeuh zeuh bawk. 

Kan room tukverh tanga ni eng lo lang Chuan min ti harha sana ka en Chuan  dar 6 chauh alo la ri a, kan in awmna hi vengchhak lam anih avangin ni kan hmu hma bik em em a ni kan hmu rei bawk. Mawimawii puan ka sin that tira hmai te pa phih zawha Inhnuai ah ka chhuk a Zoremi chu Sofa dawhzawm ah alo la mu a ala hnar zui ka indap vuta phone ka keng thla lo tih ka hria a ka han chho leh a thawm dim thei ang ber Chuan thla ka lak saka nakina chheih na atan. Dar 7 velah Mawimawii tap ri ka hria a room ah ka han tlan chho a min lo zawng atih dan ziah a nia a thawh vel a ka hmel a hmuh loh chuan a tap ngei ngei zel inhnuai ah ka pawm thla a ,a tap ri  Chuan Zoremi pawh alo ti harh a niang kan chhuk thlak Chuan alo tho chhuak tiah tiah a "I muttui maw hnar ring nu" ka ti a "ve a che ka hnar ngailo" te chu a tia ka lo ner khum nang nang mai. "I hnar ngai lo maw awi! Hnar ngai phei la Chuan " ka tia Mawimawii chair a thut tir pah Chuan ka uak der vak vaka "nu tinge tikhan i awma" Mawimawii Chuan alo ti reuh a chutah "mamte i nu kha a â tawh anih kha " alo ti a "ka â bawk lo tiraw" tiin A biangah ka fawp zeuh a. 

Tukthuan kan ei kham hnu ah tih tur em em a awm si lo a sofa ah ka thu mai mai ringawt a Mawimawii toys khalh kan en nileng dawn anih hmel.Ka phone chu noti a lo ri seka ka en Chuan Jordan-a te thianho nen a group an siam ah "vawiin chu picnic ila " tiin Vli'n alo sawi a chu chu an lo reply luai luai chu alo nia an chat chu ka chhiar thla zela

Jordan-a  Chuan " nia ka hman keichu " 

Nunui'n "hman renga " tiin Jordan-a chu alo reply a "hman vang pawh nilo " tiin pakhat Chuan alo sawi ve leh a Nunui bawk Chuan "hman hrim hrima lalhman hman reng " alo ti a ka nui huk hemi te pahnih inngaizawng ve deuh hi an in hnial peih reng nia message chu alo lut leh a Travis-a'n alo ni ve teh khiah a group an siamna hi a rei tawha hmani ah khan min add thar a an group hming te chu "Zahman" tih a nia ka awm atangin ala tawng miahlo alo tawng vawi khatna "ka hman " tih zawng ania Sangsangi Chuan "Khi tah complex thlang ah khan spot thar an hawng kha " tiin alo sawi ve leh a Kawla'n "kan kal tawh" alo tia "awih awm loh nimin piah vel lawkah sin an hawng" tiin Sangsangi'n alo chhanga, Kawla typing chu ka en leh mek an thil sawi ho hian ka nui an ti za tlat zel. 

"Aw! Hman zanah kan lut ru i awih loh chuan kan dew zukna pawh awm" alo ti a "awi! An Kal leh tawh âwm êm mai " Vli Chuan alo ti ve leh a "Tent keng ila riak law law ang u" Mawitea'n alo ti ve leh a "khawi ti tak tak ang u " Jordan-a Chuan alo ti a emoji nui vak vak a awm thla tuar keipawh ka nui tawp ari mawlh mawlh lutuka Zoremi Chuan "enge a " tiin ka phone chu alo biha "Zahman" tiin a phun sepa min en hu pah Chuan "eeee... " atia  a then thaw bawk "khawnge Mafia-a" tiin min zawt nghala ka rin dan vel. "A dp ah a in hmanglo" ka lo ti a "ig a khawih em? " a ti leh a "ka hre nang chung te thleng thleng ka hrelo" ka sawi hman tawk tih ah ka phone alo ri a 'Vli' "hello V" "lo insiam ru Remremi pawh khan lo Kal ve se Mawimawii pawh lo hruai rawh" alo ti nghala a sawi awmzia chu zawh vak a ngailo ka hre sa picnic kha i he lovin ka aw nghala  kan inbiak zawhah Zoremi ka hrilha kei ai alo phur a kan insiam zawh Chuan dar 11 ari dawn tawha kan in ah an lo Kal khawm innghah khawm nan an ti nge an lo kal zela a tawpah phei Chuan kan kim vek. 

"Khawi ah nge kan picnic dawn" tiin ka sawia "Pangpar huanah " tiin Travis-a'n minlo chhang. 

(Heti zawng hi ni leh mai rawh se aw😅 ka buai lai tak ania exam a hnai tawh si a... Min lo hrethiam hram" dawn ania 🥰)