JUST HIM S2 CP-4

JUST HIM S2 CP-4

BY : APHRODITE 

(Tunlai chu ka buai deuha ka lo dah vat thei lo ang... Tun chapter hi ka tawp San rih dawna S1 chhiar tur a awm bawka.. In duh chuan link comment section lamah min lo dil dawn Nia emaw ka Instagram ah @anchantet 👈🏻 tah hian aw) 

"Pangpar huan ah maw! " tiin ka lo chhang hluaia alu alo bu nghat "khawi lai nge chu chu" tiin Zoremi'n alo zawt a "a hla vaklo darkar chanve kal bak ani lo ang" tiin Travis-a'n alo chhang. Kan kal nghal ani maia Travis-a te motor ah kan chuanga Jordan'an ka pa Zuia Car a keng bawka kan ti deuh chung chung si a eitur pawh kal kawng ami lei mai kan rel a A seat hma ah Kawla a thu a Zoremi Kei leh Mawimawii a seat hnungah kan thu thung. Zoremi nen Chuan kan titi melh melh renga a khat tawkin seat hma darthlalang atang Chuan Travis-a nen kan in melh thei êm êm a ka nuih ringawt zel. 

Pangpar huan tih sign board kan hmua Motor chu kan ti dinga kan chhuk a kan hnunglama lo tlan te pawh an lo thlenga Step chhoh na turu lutuk mai in min lo la hmuak a "awi leh" tiin keima hriat tawk lek Chuan ka phun sepa "kal ang u Dar 1 ari mai dawn" tiin Nunui Chuan alo sawia Jordan-a Chuan "ka lo paw chho dawn che mi" tiin a nuih tlawna "hnai lo ve" tiin Nunui chu a chho nal nal a a hnungah Lalhlimpui'an a zui chho dawr dawr kan lo nui dar dar a "ahh Mawimawii kha a muhil daih" tiin Zoremi'n min lo hrilha ka pawm lai chu alo muhil ngât a ka khawngaih reuh lutuk puak tuma ka siam rem lai Chuan Travis-a'n "ka lo pawm chho dawn ami, a chho ang reng sia " tiin min lo melh a hrilhhai hmel deuhin ka lo en thung "aw aw pawm chho teh a thui si ah" tiin Zoremi'n alo chhanga Mawimawii alo pawma ala harh miah lo a muttui hle ni. Kan thleng chho a hmun zawl nuam deuh mai hi alo nia ka hahdam sawng sawngin ka hria Van dum pawl riai te chuan lung an ti leng a khawi lamah nge ka lung a len lah ka hre chuanglo hawina lam apiang chu tlang vek ani a thingkung lian pui pui a ding thluah bawk kan awmna hmun pawh hi a a zawl nuam a 'Pangpar huan' chu alo ni tak tak anih dawn hi pangpar chi hrang hrang a tam lutuk mahse ka ngai na ve teh chiam lo mawi chu ka tia phun sawn te chîn tih ang reng te hi ka peih ve tlatlo ka nu pangpar phunsawn sa hi lak ka chinga kei tak hi Chuan ka peih thak lo. 

Hmeichhe ho in daihlim lai ah puan an phaha , hriatchhuah ka nei khawnge Mawimawii te hi le tia ka hawi kual lai Chuan thingkung hnuai ah Travis-a'n alo la pawma ka va Kal phei thuaia "khawi i hah tawh em ka lo pua ang" tiin ka va sawi nghal a "hah lo a zan êm hi" tiin min lo chhanga "chu pawh nise ah saw i thiante bulah sawn i awm duh tawh ang" tiin ka sawi ve leh a "a harh anga sin" tiin min chhanga ka mit ah tak min en a kan in melh chiang hle ka dak chho deuh vaha a sang ka tih tawh kha. "Nih " tiin hmun dang ka melh daih a mitlang a verh na ah khan vawiin chu engmah alo beh lo teh mial a, 

"a hmun hi nuam tiraw" tiin titi ka tana anih loh chuan engtik ah mah he Mihring hi a tawng hmasak ka ringlo "umm nuam e.. Hmanzan kan Kal pawn arsi a lang chiang sia a nalh "tiin a sawi ve duaha ani leh ni lo angin ka lo nui tawpa ani pawh a nui tho "khawi lai nge in veng a awm" alo tia "maw" tiin ka lo chhang thuai a sawi awmzia ka hrethiam chiah lo deuh "engtia veng" tiin ka en a "aizawl ah mawle " a tia " e... Zarkawt ah " tiin nui aw pah Chuan ka chhanga "tinge" ka tih chhun zawma "ah engmah ni lo ve in haw thla leh dawn em" alo ti leh a "haw mai mai rih lo ang ka awm peih lo va " tiin thawk chu ka la zui hawk bawka . Sangsangi'n min lo koh takah Chuan kan phei a bowl ah eitur chi hrang hrang an lo dah khawma intur an lei theihnghilh thu Mawitea'n alo sawia an ner nang nang hlawm mai "lei rawh ka ti sia" tiin Kawla'n Sangsangi a melha "Ka lei a maw ka tia" tiin pakhat Chuan alo chhang "dawr a hla tawh bawk si" tiin Kawla Chuan a khabe a tuai neuh neuh a "ahh intur kher a ngai hleinem tui a awm tho hi" tiin Nunui'n alo sawi ve leh a Kawla bawk Chuan "tui nen a tui ngai ami" alo tia "A rhyme kha a dik riau mai" Jordana'n Kawla lungrun deuha melh pah Chuan alo ti a Kawla bawk Chuan "nia.. Tiraw ka van thiam 'tui nen a tui ngai Ani ' yo chekki down " atia Jordan-a nen an inkuaha an su vak vak a an va ho mai mai tak. 

Intur a awm tak si loh ah Chuan tui kan in thlit diat diat a Mawimawii'n "Anu" tiin alo menga a tap miah lo Travis-a pawm lai chu ka la vata puan kan phahna ah chuan kan nghat a cheese ball ka pe a a ei ve mai bawk. Ka thian thar te chu ka en a ka awm an ti nuamin Pathian min hmangaihzia ka hriat belh leh a thian hlu taktak min pe a a tira ka huphurh tehreng nen tunah Chuan nuam ka tiin ka hlim chho ve mek zel. Chhemdam thli lo thaw heuh heuhte Chuan ka lung chu an ti leng ngang mai Aizawla kan in te ka nu leh pa te leh Tim-a ngei pawh ka ngai ka zeplo mahse he Mihring hi chu ngaihdam ka tum lo ah ka ngaihtuah peih lo. Thlanglam thutna ah dah ah Chuan Mawimawii nen inkai chungin kan chhuk thlaa a hmun a zawl si a a hring dup mai bawk si Mawimawii Chuan nuam a ti a 'wow' tiin pangpar te chu ka lawh saka. Thuthleng te an siam ah Chuan kan thu duna ka phone phawrhin thla te kan la duna video ten kan nui bawk bawka. selfie chauhin thla kan la lâ si a Zoremi auh ka tum lai taking Travis-a kha thlanglam ah ka zuk hmu a "hey Lal Mafia " tiin ka kut pahnih Chuan ka hmui bulah dahin ka zuk au a ka kut ka vei pah bawk "thla min lo laksak lawk teh a " tiin ka sawia alu alo but nghat nghata enge maw a tih le khu lai daih daih a tia ka phun lai Chuan "kan zung zo phawt" atia lehlam ka hawi vat a zung dawn anih hmel. 

Thla chu min lak saka Mawimawii nen kan in post vak vaka Lukhum parh a var kan khum ve ve a Sunglass kan vuah ve ve bawk. Kan chhelo teh a sin "Khawi in pathum khan ka lo lak ve ang che u" tiin Zoremi alo phul hluta Travis-a chu alo nam phei pah bawk kan ngawi renga thu thlengah Chuan alo thu ta nge nge a Zoremi bawk Chuan "mamtei kha a laiah thut tir ula lo hawi ru " tiin Camera chu a bih ngawr ngawr a Zoremi ani miaua duh lo mah ila min lak sak dawn tho tho tih hriain "nia la ve mai mai ang u dahthat atan" tiin nelawm taka nuih pah Chuan ka sawia camera lam chu kan hawi ve ve a, a hmet ri keuh a alo kal hnaia "awi chhungkua in ang thei sia" lo ti tu chu Jordan-a ni an lo chhuk thla tham thama an nui tet tet bawk "khawi enge in chhungkua chauha in lak a kan tel ve duh lawm" Vli Chuan alo ti a "nia in pk riau nangni chhungkua chu" tiin Sangsangi Chuan alo sawi veleh a Vli nen an mit keu an San zeuh zeuh bawk ka lo hmu reng. 

Chhungkua pawh kan ni tawp si lo va Travis-a Chuan nuamlo a ti ang tih ka lo hlau zawk an â si an duh duh an sawi phawng phawng leh nghala Mamtei lah Chuan Travis-a chu alo hre tawh ropui sia 

keimah zawk hi ka lo zak. Tunah hian kum 25 ka ni a Chuan ka Fanu hi Kum 3 ka tih tawh kha kum naupang te a fa neih chu pawi ka ti em em hran tawh lo ahma kha Chuan ka inchhir a mahse tunah Chuan ka nunna, ka hlimna zawng zawng kawltu alo ni der tawh . Thla chu kan vai Chuan kan la a kan mahse kan kim theilo a changing Jordan'an a hmet a a changin Kawla'n a hmet thik kim thap Chuan a lak theih loh a stand a awm miau si lo va. Kan haw dawn meuh Chuan ni atla tep tawha ni tla tur chu kan han thlir leh hnuhnawh a kan thlir thapa Mipa ho in Speaker an keng chu an play deuh reng bawk nen an hla play te lah chu Pangparhnima te min ti hrechhuak alawm ka chhiar ve nasa thina ka duh thei lutuk Vis-a ang kha mipa ah ka duhchi ka ti thin 'naupang si mawlsi pawisa nei dilon tih khan an lo play a Zoremi nen kan in melh nghal kan nui vak vak a midang ho Chuan a ngaihna an lo hriatloh hmel lutuk a chungte Chuan kan nui an ti za ting a kan nui hi ani tawp mai ni. 

Kan haw chuan a thim thet thet tawha engmah kan ti vakin ka hre si loa khua a thim hma ka ti ang reng Sana lah chu an Kal chak mai mai khawpa. Haw lamah Chuan Mamtei pawh a muhil leh bam tawha keipawh ka mut a chhuak mahse in kan thleng tep tawha ka inti harh hram hram Zoremi pawh a thle lawp lawp mai engmah ti loa nilenga mahni in loa awm hi Chuan a lo chauh theih tho anih hi. Travis-a leh Kawla chu an titi char chara a chang changin ka lo tui hnih ve leh zeuh zel. 

Kan in kawtah min thlah thlapa ka zun a chhuak tawh bawk si Mawimawii ka pawm bawk si a harh ka hlau bawk si ka ip tang tanga in lah chu Tala in kan kalh bawk si a Zoremi tho hlim lah chu a che muang sia "Zo Mawimawii hi lo pawm teh ka zun a chhuak tawh lutuk" tih Mamtei chu ka pass a inchhungah Chuan ka lut nghala bathroom atanga ka chhuah leh Chuan ka nuam huai huai thei. "Engtin nge niang rawng kan bawl dawn nge kan chah mai dawn mi" tiin Zoremi Chuan min lo zawt nghal zata "ka hrelo itih dan dan ani mai " tiin ka chhang "a tlai tawh bawk sia rawngbawl chu a peih awm loh e" ati leh a kan zan riah tur chu kan chah a Dar 6 leh chanve velah alo thlenga kan ei kham ah ka inbuala tichuan Mawimawii nen khumah kan mu mai maia Zoremi pawh mut hma chu room ah alo awm ve renga kan titi pah reng bawk dar 9 vel a rik Chuan mutchhuakin min lo zêm tana Zoremi pawh a mut a chhuak aniang a mut tur thu sawiin sitting room lamah a chhuaka keini pawh kan mu zui nghal chu ani mai. 

"Khawi ah nge in awm" tiin Tim-a Chuan phone call in min lo bia a, a aw chu a nelawm hran lo khawp mai chhan loh zet ka tum nângin "ka ni te khua ah" tih zawngin ka chhanga "ka lo lam ang che u lo haw ru" ti a a sawi zawh rual rual Chuan ka thinrim hle sawi mai tur pawh hrelo Chuan ka ngawi ta renga chutah "Mawimawii a dam em " zawi tak si hian alo tawnga ahma ai thlawt Chuan a aw chu ngaihthlak a nuam ta deuh "a dam tha lo ngaihtuah suh" tiin ka chhanga nelawm taka biak hi ka chak thlawtlo a aw ka hriat ringawt pawh hian min ti thinrim a ka na thar leh thin mahse aw ka vin erawh chu ka la hmang chuanglo "sawi tur dang i neih tawh loh chuan ka dah dawn " ka ti a "aih" tih zawngin min chhang minute 1 vel kan ngawih dun rên ráwn hnu Chuan "ka tihpalh" alo ti a "engvang Chuan maw" tiin ka lo chhang "engkim ah " alo ti a biangah mittui alo luang thla leh ngiai ngiai tawh ka aw chu ka thian kharh a "ka dah dawn Mawimawii lo harh" ka ti a call chu ka hmet tawp zui nghal bawk thawk ka la hawk a Veranda atang Chuan room ah ka lut a. 

Kar 1 a liama 'Zahman' ho pawh a ngai te bawkin an lo lang deuh renga Zoremi pawn a nel tawh khawp mai Kar hnih khat vel cham tur kha ala sawn char char a keipawn la chhuk lo tur in ka sawm char char bawk dawr hawn hma chu la chhuk lo se ka duh. 

July thla lai hawl ani a ruah a sur cher cher renga khua a tha rei thei lo khawp mai kan dawr leh kan in kan luh chhawk renga chuvangin zan lam ah dar 7 vel thleng dawr ka hawng hnathawk 2 a hmingin ka chhawr ve a an fel viau a Mawimawii chu chhun lamah ka ni ten an lo awm mai zela a changin Nunui'n alo awm bawk. Zoremi pawh lo zin leh a chak tawh thu a sawi renga a haw atangin Thla 1 a liam leh tawha 'Zahman' ho group ah Vli nen an tawng reng zel. Tim-a nen kan la in be leh miah lo va ka ngaihtuah duh lo a mahse zan alo nih hian duhlo viau mahila ka rilru hian a hre ve reng si a. Tlai dar 3 velah Mawimawii hruai turin ka ni Hmingi tenah ka kal a thil eng eng emaw hi an lo lei sak renga ka in thlahrung ang reng. "Ni nangni chu thil in lo lei sak ziaha ngaiah a nei tawha a buaithlak" tiin pheikhawk var chu ka keng a ka ni Chuan "kan tunu neih chhun te chu kan duat ve lawm ka naute hmeltha nih hi" atia Mawimawii chu a biangah a seh saka hahthlak tih hmel fe Chuan ka lo en thung. 

Rei pawh thu lo chuan ka ni te in chu kan chhuah sana scooty ka tih nun vut vut lai chuan ka hnung lam a tang hian "Zopar" hmeichhe aw 2 vel hian an lo tih ri ka hria a ka hawi kual vela mahse tumah ka hmulo "inchung lam " an lo tih chuan ka hawi chho nghala Travis-a te in inchungah 'Zahman' ho an lo awma "lo chho ve ru" ti tu chu Sangsangi ni "chho lo mai ang hei rawngbawl te hun chho dawn sia" tiin ka lo hniala ni a tla lek lek tawha an hmel chiang takin ka hmu thei Jordan-a pawh alo awm leh hman tawh. Zanah an lo lên tur thu an sawia ti chuan kan in khalh haw leh ta hnak hnaka. 

Zan ah chuan an sawi ang ngeiin an lo lenga lung hi a leng hman hman mawlh lo ani e. An lo leng reng zela  a lehlam taka ngaihtuah phei chuan an va han hman tak tih chang ka ngah. 

Kawl'an Guitar alo kenga inchhungah chuan an zai a Mawimawii pawn a hre ve hlawm tawh bawka an hming pawn alo ko ve chat thei hlawm tawh. Ka rin ai daihin an zai thei hlawma Travis-a pawh a zai nasa ve mai ka nui ati za lek lek. 'Si-ar lalnu' kha Jordan's alo sa a hmeichhe ho in kan sa tha ve thei meuh lo a sng lutuk ringawt. 

Nunui chuan "Enge kha tiang hla te ilo sak kan sa ve thei hleinem" alo ti vin thata 

LalJordan-a la pek chuan "i aw a no lutuk a i sa ve thei lo ang tikhan ka sak hi lo ngaithla hnâp rawh" atia Nunui chu mit a siai zeuha tumah dang a hrechang tawhlo. 

Nunui chuan "tui leh mei kha sa ang u" ati leh nghuta Jordan pawh chuan inti zei fahran chuan Guitar perh pah chuan "Kei Romeo nang Juliet" atia an han thluk nasa mai mai khawp a. 

Mawitea'n aw lo thian kharh kharha "khawi keiman kan la nge" atia tui deuh chuan kan zaia.Kan zai zela thingpui te kan in zawh leh meuh chuan Dar 9 ari dawn hnai der a Fûr lai tih takah Khawpui pawh ari leh nasa dur dur tawh hle. 

"U Zopar ka lo  riahpui dawn che u mi ... In hlau êm" Jordan-a'n alo tia  "hlau lo e ah... Tiang mai mai ka hlau lo" ka tia "mahse in nufa chauhin  in ni bawk sia ka ngaihtuah che u" atia "a ngailo tak tak alawm ka hlaulo ka tih chu.. " tiin ka nui a "Nia Jordan riah pui rawh an khawngaih thlak an nufa chauh te chuan a hlauhawm" Nunui chuan alo ti ve bawka. Midang in an lo chhun zawm ve nghal "anih lo riak mai rawh.. Nangni lawh Haw tum hnai ru khawpui ari nasa si ruahin a dang palh ang che u" ka ti a. 

"Nia Haw dawn ang u... Keichu ṭek a tla ang tih ka hlau ania  ka ṭek nghal chhuais ani mai " Vli chuan alo ti a. 

"Over suh" lo ti tu Travis-a ni. Vli chu alo nui har hara keini pawh kan lo nui ve tawp rei pawh awmlo chuan an Haw ta hlawma Jordan-a erawh alo riak ta nge nge. 

Ka rin ang ngeiin Dar 11 velah chuan nasa takin ruah a sur a diktak chuan ruahsur hi ka hlau. Ka hlauh êm êm chhan pawh hi ka hrelo ka tet laia Ka nu leh pa te leng Haw in Ka roomah ka awm emaw an ti a. Ruah sur hun lai anih avangin kawngkhar an kalh nghala keichu chu Room ah ka awmlo ka ṭhiante kan  ṭhenawm chiah te in ah ka lenga. Rua h a sur  ṭan  tih ah inah ka tlan pheia kawngkhar hawn ka tum chu ka hawng thei ta reng renglo mai a. 

Kawl a phe nasa in thli a thaw nasa êm êm a ka  ṭhu a kawlphe te chuan ka thau ah min man a ka nu leh pa lam chungin ka kun char char a. Dar kar 3 hnuah kawngkhar an lo hawn chuan ka nu chu ka lo kuah nghala ka  ṭap nghal zawih zawih bawk. Ka nu hmel leh ka pa hmel ka hmuh chuan inthiam loh na ka hmu a. Tun thleng hian ruah sur hian mi râp deuh tlata ka thau ah hian min la man bet reng. 

Ka mut a chhuak  ṭana Zahman group erawh an la ri laih laih renga. Ka tawngve lem lo. Chutia ka online lai tak chuan 

Tim-a'n min lo message a  "ruah a sur ve em" tih hi Nia. "Umm" tiin ka chhang ve nghal maia "i hlau em" alo ti leh a ka hlauh loh thu leh ka cousin in min riahpui thu ka sawi. 

Min reply tawh dawn lo emaw  ka tih hnuah "Mawimawi a mu tawh mi" alo ti leh a. Thaw chu ka la hlalh a "um... A muttui tawh lutuk" tiin ka thawn. Ka phone chu ka awm ah ka dah deuh vang vang a alo nghawr ri leh dat a ka en chuan Tim-a ani dawn emaw ka tia mahse Ka rin loh lam daih Travis-a alo ni a. 

"I mu tawh em" tih hi ni Engtin emaw ni tak hian Travis-a Message chu ka chhang phur riaua a fel ka tih vang te pawh ani mahna ka hre lo le. 

"Mu tawh e mut loh a hun  a mi... " ka ti a 

"Aww.. Ka la mu lo " alo tia hepa hi ah

"Tinge ila mut loh a " tih chuan ka reply leh a "ka la  ṭhu chak rih a" a ti a ka nui chhuak  ṭep ani. "Mu ta che... " ka tia sawi tur ka hrelo lutuk chu ka in ngei ru ang reng hle. "Mu tawh rawh.. Hmeichhia" alo tia Emoji a uar lo ve sia a thu sawi hrim hrim hi a thu tak rûn anga ngaih theih vek ani. 

A message chu ka reply tawh lem lo va 

Tim-a pawh amu ta ani ang. Min reply leh tawh lo. 

Zingkhua alo vara Mawimawii erawh ala hnar sûk sûk a , ka lei rohlu pakhat hi chu ani ve chiang alawm ka thlir ning thei thlawtlo. Ka ngai em em zel. 

Dawr ka hawnga vawiin chu Rin ai daihin khua a  ṭha a  dawr Tu pawh kan nei ve nual mai. Nitin tiang hian hun ka hmanga ni a rala  thla a rala October thla kan lo thleng leh der a Mawimawii kum 4 na pawh kan hnaih leh tawh hle. Ka nu leh pa te lo chhoh an tuma chumi pah chuan an Haw thlak ruala Aizawla chhuk thlak ve nghal ka rawt a kan in ka ngai a Bungrua eng ilo vel lak khawm ka duh  vang ani pakhat bawk. 

Ka nu leh Pate an lo zina Mawimawii birthday thilpek an lo keng bawka Ka ni in alo thawn tel ve bawka. Gift chu a dawng hnem phiana fiamthu ti tak deuh si hian "pa khawnge ka ta ve tur" ka lo ti a "nangte chu i lian tawh lawm naute kan nei leh tawha nangte chu a ngai ve zello" atia anui huah huaha ka pa chu na lo deuh hian ka lo chum a. 

Ka ni Hmingi te an tlawh ve bawka Ka ni chuan Hmarcha te leh thlai eng eng emaw hawn turin alo pack teuh a Ni 3 vel an cham hnu ah Haw thla turin kan in pack  ṭana Mawimawii chu a phur ang reng viaua api nen an in ngai bawka an in awm chawt mai. 

Aizawl kan thlenga Zoremi hmel ka hmu nghala zanah alo leng tlang bawka. 

"Nu Zikpui i fanu hi khi lamah Tu emaw te te a tawng ania aw! " alo ti peka keipawh ka lo phu deuh zawk. 

Ka nu chuan "Tu maw" alo ti thuaia "kha Nu Hmingpuii te in bula an tlangval kha" alo tia engmah kan ni tawp si lova dawt ava han sawi peih mai mai tak.