LOVE FOR RENT CP-1

LOVE FOR RENT 

BY : APHRODITE STORY

 Kiara Lalrinfeli ka ni a kan unau hi pathum kan ni a ka pi in min enkawl sei lian ka pa chuan naupang te kan nih laiin min boral sana ka nu erawh chuan ka pa boral hnu thla reilo te ah kan unau a min kalsan in pasal dang min um San thung. Kan naupang ber Rintei hi kum pawh ala tling lo ang kei erawh kum 7 ka ni tawha ka u  Joel-a hi kum 11 vel ani bawk ka pi hian kan tet te atanga min enkawl sei lianin kan nu ang maiin kan en nghe nghe. 

A ngai te bawkin u Joel-a chu hmai pem nuaih chungin alo haw leh a ka pi chuan thil thleng vel chu a zawt a , a chhana ngai bawk "ka chak lova" tiin a chhang "card khel tawh suh pawisa kan neih loh hi pawisa chawiin iti ve ziah leh nghal" tiin ka u chu ka hauva inthlahrung dai chuan ka pi in a pem ah damdawi a hnawih sak pah chuan min lo en a alu ah ka lo kuk fawk. 

Ka pi chuan "Ni e bawiha hnathawh tur te zawng ve la ti ringawt chuan ka dampui reng thei dawn si lo che u a " ti a thawk la halh pah chuan a ṭhu kun deuh lapa a bula 

ṭhut pah chuan a darah ka lu ka nghata "teuh lo mai ka pi nangte chuan min dam pui reng dawn alawm" ka ti a u Joel-a leh Rintei pawhin ka pi chu an lo kuah ve bawka. 

Kan veng awmna hi Aizawl veng hmun lûn vak lo lai ani a , kan ṭhenawm te hi chu chhungkhat ang maiin kan in en hlawm a kan in pawh tlang hlawm hle kan in bul mai ah hian ka ṭhiannu  Zualtei te an awma Zualtei nen hian tet te atanga Inkawm chawt kan nih avangin kan in Best friend hle a primary school kan kal lai pawha insual hrat tak kha kan ni a. Vawikhat pawh primary school kan kal lai tho in kan class teacher lo luh hmain chair ah Laiking kan lo daha a thu chiah tih a alo rak          ṭhawta atho leh rang a sin aw! students ho chuan kan lo en ṭhapa Zualtei nen kan nui tet tet a Miss Zotei khan Tu tih nge tih a hrechiang hle ani ang "Lalrinfeli leh Lawmzuali te kha lo chhuak nghal ru" tiin min lo melh no lo khawp mai kut hnung suih zâl zâl chung chuang kan va kala ban chung lamah min phar tira 'baba black sheep' min sak tira kan sim mai a ring nge ni min hrem dan chu ho kan ti lutuk a chungte chuan kan nui ati za a. 

Chu mai pawh ala ni lo zingkar hma takah school kan thlenga students ho ṭhutna turah pen tui kan far diat diat a, an lo thlen hlawm hnu chuan an in hrilh tawna Miss Zotei alo luh velah an sawi nghal zat zata kan pahnih bawk anih ringin min ko chhuak leh a tun ṭum chu Principal office ah min kal tir thung . Zualtei nen hi chuan memories kan ngah ve a engkim hi kan ti dun ti ila ka sawi kim ber ang. 

Restaurant pakhatah kan thawk dun a, e chuan tunah hian kum 22 ka ni mek a Zualtei hi kei ai kum 1 in a upa bawk. 

Kan thawhna te hi an fel ve em em a hemi restaurant ah rau rau hi chuan kan senior ve tawh hle. College ka kal lo va class 12 ka zawh khan puanṭhui ka zira mahse engteh ual ka ni lem lo , lemziah ka tui ve êm êm a Mizoram anga Lemziah hmanga eizawn erawh chu thil harsa tak ani tih ka hriat avangin ka buaipui duh teh chiam lo thung, ti hian Restaurant ah ka thawk ta char char rih. 

Ei siamtu chuan min lo ko a "Kiara table paruk na ah sawn " tiin min hrilh a "awle" tiin ka chhang thuaia ka pe phei a  Table paruk na a  ṭhu ka va hmuh chuan ka mit ka la sawn thei mawlh lo flim a changtupa an tih ang hi ani mai a hmelṭha in a smart hmel êm êm a , a bul ka thleng dawn chiah tih a ka en nasa lutuk nge ka ke ka bilh a ka tlu thlep maia.Chu mipa ngei mai chuan "i ṭha êm" tiin min lo zawt a ka zak lutuk na bawk si chu ka lu ka thing nawk nawka Lo chawl ve dangte chuan min en ṭhup ka ring. 

Zualtei chu alo tlan phei nghala ka beng bul set ah "zeilo nu i en nasa lutuk anih kha " tih pahin min kai tho a "ana" tiin ka ding hlei thei ta meuh lo ka va han zak tak. 

"Tihpalh lutuk adang kan lo la leh nghal ang" tiin Zualtei chuan Chupa bulah chuan thupha chawi pah chuan min kuah pheia. 

Choka a kan in kuah phei chuan manager chuan ka ṭhat leh ṭhat loh min lo zawt ve luama ka ṭhat vek thu leh ka bilh sual thu ka hrilh. 

Table parukna a ṭhu chu ka va thlir deuh ngawih ngawiha kan dawra lo chawl fo anih avangin a hming pawh ka hre thlap tawha ka hming erawh ala hre ve chiang lo ani ang "nichin khan i sawhna viau ani maw" ti a  a thil ei man lo pek pah chuan min lo ena "na lo e ka bilh thut a" tih zawngin ka chhang. A nui suka ti chuan a chhuak lai chu ka thlir zui vawng vawnga. 

Zualtei chuan ka dar a min lo kuah pah chuan "Lawmsanga hi chu i duh ve ngawt mai" alo ti a ka lo hnial nghal vata "ka duh êm êm pawn ka hrelo chhelo ka ti ani mai" ka tih chuan ka chal ah a kut zung chala min nawr sawk pahin "kal mai teh i ât chilh anih kha aw" ati a  ka chal tuai vut vut chung chuan ka ner khum nang nang a. 

Tlai dar 4 velah kan haw a Zualtei'n Bazar a a kal kawi lawk tur thu min hrilh avangin keimah in ka haw kan in awmna lên ka thlen chuan Zion-a nen kan tawka ani pawh hi tet te aṭanga kan ṭhianpa tho a nia u Joel-a nen an in kawm ṭhin. 

"In bang chiah a " tiin min zawta "aw.. Vawiin tlai chu kan bang hma khawi ah nge i kal dawn" tiin ka zawt let a "saw tah pi Zari te in ah " ati maia kan in lampang ah Pi Zari te chu an awma kan phei ruala kan in zawn kan thlen chuan thingpui inkawi turin ka sawma alo let leh lam a a in tur thu sawiin inchhungah ka luh sana. 

"Pi ka lo haw" ka ti lut lâng lâng a ka pi chuan sitting room lam bula ṭhut khawmna hmun pawn 'Hidden home' tia ka phuah aṭang chuan "lo kal teh Bawihi" tiin min lo chhanga ka va phei chuan U Joel-a leh Rintei pawh an lo awma ngawi reng in min lo en ṭhapa "thu pawimawh a awm em ni? " tiin ka sawi a an la ngawi ṭhap chutah ka pi chuan "i u hian Dawr siam a tuma chuvangin kan lâwm ang" tiin a nui ta ver ver maia "awi! Thil ṭhalo a awm a maw ka ti hman" tiin ka thaw huai mai U Joel-a pawh a hlim tih a hriata mahse chawp leh chilhin ka tum nghal hmak "mahse khawi aṭangin nge pawisa i neih " tiin ka zawta 

U Joel-a  hmel enge maw zep a nei tih chu kei a nau hian ka hre hneh hle. 

Ka pi chuan "e.. Nia Bawiha khawi aṭangin nge khawng pawisa kha i neih" tiin alo zawt ve bawka. "Maw.. Pawisa a nei tawh maw" tiin ka pi chu ka zawt nghala ka pi chuan hriatthiam  loh hmel deuh chuan "aw... Nuai 2 lai alo hawna Jack in" atih chuan ka lo ka ho ringawt "khawi aṭangin nge chung pawisa te chu i neih a " ti a ka u ka zawh chuan min chhang mai lo va "ka u" tiin ka vin tawh hle. 

"Card den naah ka dawnga ka ruk ani lo" tiin a in sawi fiah deuh nuaiah thawk ka lo la halh. "Chung aṭanga pawisa neih chu a ṭhat loh zia i hriat vek kha nakinah lo dil leh ta che se engtin nge itih nga" tiin ka vin a. Engmah a sawi hmain inchhungah ka luta Roomah ka chho tlang nghal nal nala. 

Engmah hi a ngaihtuah ve si lo va ala puitling lo lutuk te hian ka rilru ati hah hluah hluah. 

Chhunah chuan a ngai ang bawkin kan buai leh tawh hle a eisiam Tu in Table 7 na ah ei tur dah tira min hrilh chuan ka phei a. Chumi Table a mi mipa chu ka hmuh tawh hnu ang riau in ka hria a ala hmelṭha em em zui a, a mit meng a thûk a a fiah ṭha êm êm bawk a ṭhu nangin a sang ve hle tih a ngal sei dan aṭangin ka hrethei a a hmelṭha tih khan a sawi kim ber ang. 

Hmeichhe 1 nen a in date ni ngei tur ani. Chu hmeichhia chu a ṭawng mawlh mawlh a. Mipa erawh kha chu ṭawng tlem chi a niang a chhang tawi thei hle. Minutes 5 vel hnu ah chu lai Table ami te chuan min lo ko leh a rang takin ka phei nghal. 

"Enge in duh leh ang " tiin nuisang chuan ka chhawn leh a chutah ka rin loh tak thil a thleng ka in ring hman lo leh tih ngaihna ka hrelo lutuk chu ka khawng vek ni berin ka  hria chu mipa hmelṭha ka tih deuh khan a date nu awm lai reng chuan min lo kiss thut a. Min kiss zawhah "kal ang Kiara" tiin ka banah chelhin pawn lamah kan kai chhuak nghal dawr dawr a. 

"Min thlah rawh min thlawh rawh tunge inih" tiin min vawnna chu phelh ka tuma pawn kan thlen velah min thlah chauha. 

Chutah chu pa chuan "ka tihpalh khanu lak aṭang khan chhuah ka duh lutuka " atia a wallet a phawrha pawisa min pek a tum chuan ka sa phat mai a hmai ah chuan ka beng ri thlawpa engmah sawi zui lo leh a pawisa min pek tum pawh la lo chuan ka lut zui nghal nal nal a. 

Ka luh rual rual chuan Zualtei leh Manager ho ho chuan thil awmzia chu min lo zawt nghal cheng chenga . Sawi mai tur ka hre si lo " ka hre bik lo tunge anih" ka ti a . 

Dawra thawkve dang ho chuan an awih loh thu leh ka bialpa anih a rin ngei thu an sawia, anih loh zia ha hip in ka sawi thung. 

Dar 5 velah ka haw a ka rilru ka kawm melh melh a vawiin a ka thil tawn hrep avang chuan in ka awm a nuam lo va Ka first kiss ani ta mai te chu ka duh lo khawp mai hmelhriat loh han first kiss chu. Ka lu chu ka thing nawk nawka chutah hnung lam aṭang chuan ka dar ah min lo her nawka. Nu tling hmelṭha veh vawh tak mai a incheina en reng reng pawha hausa tih hriat hliah hliah chuan min lo hmachhawn rân maia "nanghi tiraw inih" tiin alo nui sanga. 

"Ah... Ihh... Hetah lo saw tah sawi ang" tiin min kai phei dawr dawra Dawr pakhatah min kal puia engmah ka la sawilo ka zui ve ringawt. "Ahh.. Ka pi tunge inih" tiin inthlahrung deuh tak chuan ka zawt a "kei hi Ezra nutei Rosy-i Sailo ka nia " tiin a sawia min nuih sang reng bawk si a nuam ti vak lo chung chuan ka nuih let ve a. 

"Tunge Ezra chu..ka" ti a ṭi daia ka zawhna chu min lo pawh chah saka

"Vawiin khan Kan fapa duat êm êm a khan mi zawng zawng hmuh laiin a Fawh che kha ka hmu lawm" atia. Vawiina mimawl tak pakhat kha a sawi anih hmel

"In in ngaizawng em ni Bawihi " a tia a hmelah chuan "in ngai zawnge " tia chhan a chakawm khawp mai a hriat chak hmel tak zet "a teuh lo mai ah.. Tunge anih pawh ka hrelo" ka lo ti a anui alo za khawp mai. 

"Inngaizawng  lo ula in in chuk dawn ami" atia a nui uar uara "tihpalh thil  anih kha... Ka hre ngailo tak tak" tiin action nen lam ka ti a . A awih loh hmel lutuk te chuan ka hnuk ati ulh zawk. 

"Aw... Anih hna thawh tur ka pe che nga min thawh sakla " atih chuan tlemin ka beng khawn ta deuh. Ka mit meng chuan "engzawhna nge" tiin ka melha "kan fapa Ezra hi Ngaizawng der la chuan i duh zat zat pawisa ka pe ang che" alo ti ta maia. 

"Ehe.. Chutiang ka ti ngai lo e ahh... " tiin ka lo chhanga "harsatna awm lo ang i tih zawng tut chu a assistant nih leh rei lo te inngaihzawn ani mai" ati a . Ka hnial fithla 

ṭhaka. A thaw hal ha "anih chuan  lo in ngaihtuah la i rilru i thlak hunah hetah hian min lo be dawn nia " atia a tho nalha a chhuak ta daiha a ngaihna hrelo deuh chuan a liam thleng chu ka en zui vawng vawnga. 

Kan in lên ka kal lai chuan mi an lo in um a 

Chupa ka en chuan ka u Joel-a alo nia "Kiara min pui rawh" alo ti chûl a ka hnungah a biru a "enge thil awmzia" tiin ka zawt nghal thuaia, rei lo te ah mi pa nga vel an lo tlan phei nghala. An zinga chak hmel ber pakhat chuan "ka pawisa kha min pe lo anih chuan i chhungten an tuar ang" ati a. 

"Enge awmzia " tiin ka lo zawta, "i nuṭa kha zawt rawh mi pawisa a pûk anih chuan a pe let leh ngei ngei tur ani" atia a thinrim hmel bawk si a. A hnunglo zui Tu te chu an lo bu nghat nghata "ka pe ang che u engzah nge a pûk a " tia ka zawh chuan 

Za lo zet hian chupa chu alo nui a "Cheng nuaihhnih" alo ti a. Min ṭhawng hle a thil awmzia ka hre kuar kuar bawk. 

Dawr hawn nan a atih kha heng misual ho ta alo pûk hi anih dawn hi ka u chu ka melh rûm hle a "ka lo pe ang che u mahse ala rei deuh maithei a " tiin ka sawia Chupa chuan "min pek let leh loh chuan atia a ' nghawng tan ani mai 'tih ani ngei ang a kut chuan nghawng a tan der a. 

Ka u nen chuan kan haw ruala. Ka hau zui mawlh mawlha " engtin nge cheng nuaihhnih kha itih" tia ka zawh chuan "a ral leh vek tawh" tiin ṭi dai chuan min lo chhanga ka ding chawta "engtin nge itih ral theih i puitling lo em mai " ka ti a ka ṭah te pawh a chhuak ka biangah ka mittui alo luang thla ngiai ngiai a. "Ka tihpalh Kiara " ati a. "Puitlin chu ka tum ve lawm mahse hna thawh tur pawh zawng mah ila min duh lo zela vawiin pawn hna zawngin ka chhuaka ka hmu ve dawn emaw ka tih laiin kan veng awmna a hlat em avangin min lo hnawl leh a ka rilru ana a in Card den naah ka hlauh veka " ati zawi raiha. 

A thu sawi te chuan thawk a ti ipik tulh tulh mai si. Engmah ka sawi chhunzawm tawh lo va inchu kan thlenga room ah ka chho nghala. 

Ka inbual hma chuan ka ṭap nghek a, ka duh ka ngah hnu chuan ka hnar a ping veka ka phone chu ka phawrha ka kekawr ipte a lehkha chu ka enge chumi number chu ka dial a. 

"Hello Pi Rosy hna kha ka pawm mahse hlawh ah, cheng nuaihhnih ka phut ang" ka ti a. "Tehreng mai naktuk ah kan inah lo kal la.. I awmdan tur kan zir dawn nia" ati a. 

(Ka rilru ah alo lang thut a ka ziaka a ngaihnawm a ngem chu ka hre lo va.. Min lo chhiar sak leh ṭheuh dawn nia 🥰)