JUST HIM S2 CP-6

JUST HIM S2 CP-6 

BY:APHRODITE 

ZOPARI P. O. V. 

"Englo a nia " ka han ti leh te te a zawh dan tur vak ka hrelo chu mai bakah ka zawt zak zawk. "Tim , Agnes-i khan i fa a pai tak tak em? Tuna a fa saw nangma fa ani em" ka huaisen na zawng zawng sawm khawmin ka sawia a chhana ka hriatchak rualin ka thinphu pawh a rang a. 

Tim-a chu ka en renga min chhân mai loh avang chuan dawhkana tui chu ka in a, aw alo thian kharh a "ka fa alawm" alo ti a. 

"Mahse.... " ka beiseina chu tih boral in a awm, ka mit sulh sulh mai hian ka hria a ka lu te chu alo na ut ur thei hial ani. "Ka fa diktak... Kan inngaihzawn lai khan a paia " ti a sawi chhunzawm leh te chuan ka na vawng vawng a "ka... Ka.. Lo hre lo a " ka ti chuai raiha. " Ka nu khan min lo hlauhthawn pui ka hlauh avangin tikhan kha ahhh.. Agnes-i saw chu ka hmangaih êm a ka fa ani ngei bawk" alo tih leh te chuan ka thinlung hi a vit mawlh mawlh nimai hian ka hria. 

"Ka hre chianglo hle mai che" za zak lo a nui chungchuang ka ti a. Ani erawh a ngawi renga engmah kan sawi leh tawh lo.Thawh a kal sawn mai ka tum chu "Zopar" alo ti a amah pawh en tawh lem lo chuan "ngaihdam min dil ka ngailo ka hriatchian loh vang che leh Agnes-i ila hmangaih reng tih ka hriat loh vang ania ka mawl vang vek mawle" ka ti a. 

Ka rilru tete chuan  ka rin lawk chu ni tho mahse ti em em a min den nat hi ka ring vak bik lo a, mahse a hnen atang ngei a thudik ka hria erawh chu a lawmawm letling mah zawk tihian a hnen atangin beisei ka nei tawh lo ang ti in ka rilru ka siam fela ka chhuak ta nghala. 

Bawihtei nen kan khaw lamah kan chho leh a, ka lo sawi theihnghilh daih chu kan khua hi in a tam em em tawha a hming tak sawi lo ila a khawpui ve tawh . 

Kan haw chhoh atangin kar hnih lai a liam leh tawha dawr ka hawng tawh bawk nen Bawihtei harh rual ani ve tawh bawk si a, a hahthlak châng a tam khawp mai. "Keichu...ti hian i dawrah min lo thawh tir ve mai rawh..kan lo kal ngun tho bawk sia " ti lang lang ti chu Sangsangi ani. A lam ka va hawi chuan ka nui ringawta, a sawi ang tak tak hian 'Zahmans' ho hi hetah an lo awm reng zel customer kan neih vak loh lai chuan dawrah an lo phei a, an tam deuh leh kan in lamah an awm ve thung a. An hman ve hrim hrim pawh hi ka tan chuan a tha phian. 

"Tun chawlhni hi ka pu thih champha a nia lo kal ve ru aw " Vli chuan alo ti a. Zan a ni tawha an lo kim leh thap tawh  "aw! Lo kal ve a ngai anih chu Travis-a hi tunlai avan reh em em" ka tih chhun zawm a. Hepa hi ka hmu khat khawp mai kan chhoh leh atangin vawi khat chiah ka la hmu. "Project khawih lai a nei a an office ah a tawm châwt.. Awi kei chu ka khawngaih reuh tak tak.. Anu ten nupui nei turin an tur sek sia.. Ani lah in ala nei duh bawk si lo Faktei ala ngai anih ka ring" Vli bawk chuan alo ti leh a . A thusawi chuan ka beng a verh deuh zar mai a, a chhan erawh ka hrechuang lo. 

"Chu chu lawm Faktei ngai lo se la chu an in neih ni pawh khan a bo lo ang " Nunui'n alo ti ve bawka. "Chutiang lam ani lo Lalfakawmi kha sawi tawh reng reng suh u  hriat lai phei chuan a hming pawh lam ri suh u" vin ang reng taka lo ti tu chu Jordan-a ni. "Mahse...Faktei  pasal neih tur thu a hriat rualin Ganja ati a chu mai bakah hmana Lalhruaizela kha ka ngai " tiin Vli chuan Sofa hnung chu a ngheng hnawk a. 

An thusawi awmzia chu  kal hmang ka hre deuh ruai ruai nangin engmah ka sawi ve lem lo thung. Nia.. A bulah sawi chi miah lo... Hman zan a Lalchhuanawma te nen a an in tihbuai chhan pawh Faktei lam pangin an chheih a ka thelh lo ila chu Chhuanawma kha ana viau ang" Sangsangi chuan alo ti ve mawlh mawlha. Ka insum thei lo chu "tunge chu chu" ka ti ta nge nge a, hetianga thu tlem tlem an sawi hian ka hriat vek loh chuan ka awmthiam lo. 

Vli chuan "Travis-a bialnu hlui hi... Kan inkawm ve vek tho a.. An inkawp tha reng emaw tih laiin Faktei a raia Travis-a'n a fa  ani lo tih a hrechiang ropui mai sia keini pawn ani lo tih kan hrevek nula fel deuh emaw tih lai khan alo in zuar thina. An rethei ve a mahse inkhawm a taima bawk si  Travis-a khan a hmangaih bawka in neih tumaa  sawm  tum vel lai tak ani bawk nen. Tiang vel hi a hre leh bawksia angaithiam lova, chuan a hmeichhia zawk khan inthen a duha Travis-a pawn inthen a sawilo an in hauh awm kkan hre lova Faktei zawkin  inthen a sawi chu mak kan ti  a. An inthen ta Travis-a pawh tlawm mai a tumlo mahse Faktei chu a be bik lo.

An inthen atang a kar hnih vel lek hnu ah Faktei chu thi in an chhara chupawh kawng sirah saruak ngal ngat leh nghalin " ati a.Kan lo ngaithla thapa tumah kan tawng zuilo a hnu leh zel awmdan chu ka hrethiam mai thung.

An haw hnu ah ka inbual a Bawihtei nen chauha riah hi ngaiah ka nei tawha mahse Ka ni Hmingi'n awmpui la rawh min tih chhen avangin awmpui kan  la ve rawih a engpawh ti vek thei mah ila kan nufa chauha awm chu a ngaih a ngam zân lo te pawh ani ta ve ang. 

Fûr khaw chhe tak karah chuan Dawrtu kan nei ve renga kan dawra kan chhawr hmeichhe pakhat Rinsiami  nen chauh dawr kan nghaka Bawihtei erawh ka ni Hmingi te in ah a awm leh tawh. Chhun lam ah hi chuan a âwm chawka an in nel tawh hle. "u Zopar Mawimawii pa hi a hmeltha ngawt lo maw... Ka ngaihtuah ka ngaihtuah a, a hmel ah chhûn tho che mahse a pa a chhûn viau ang ka ring" alo ti reuh a Rinsiami hi kum 18 vel chauh ani a kan dawrah hian Saturday leh Wednesday ah alo kal a college kal lai ani bawk nen athiante pawh thil lei turin alo hruai zeuh zeuh zel. 

"Chu.. Hmelchhia min ti chiang" nui chunga ka tih chuan "awi.. Ah.. A teuh lo mai i hmeltha ka ti lawm nangte chu nû ni tawh mah la kan tluk thei lo che ka thiante pawn hmeltha an ti thei lutuk che " ati a , 

"Tak tak ah nia... Mawimawii pa chu a hmeltha lawm Bawihtei hian min chhûn lo zawk a, a lawmawm ka sam ah hian min chhûna a bak chu apa lamah a kal vek" ka tih chuan min lo en vang vang a. 

"U Zopar i hmeltha e! Hei vang hi niang u Travis-a pawn nutei te bulah a sawi thin che " alo ti a. "Enga.. " ka ti deuh haw a tunah khan Travis-a a ti thân in ka hria. 

"Aw! Jordan-a thianpa U Travis-a ka cousin alawm... Anu nau Fa " alo ti a . "Ehee.. He khau hi in inchhung vek ami" ka ti deuh haw a alo nui hak thung. 

"Chhungvek lo e mahse Nutei bulah a sawi thin che lawm nutei pawhin hmeltha ati rapthlak che " alo ti leh a. "Engtin nge min sawia " tiin za vak lo chuan ka nui a. "Awii.. A tam mai.. Ka sawithiam lo" ati bahut deuh naka "hmmm " tih chauhin ka chhang. 

Tlai dar 3 velah Jordan-a leh Travis-a an lo lang hlawl a. Jordan-a'n min biak mawlh mawlh laiin Travis-a erawh chu a ngawi rân a. "I dam maw "  ti in ka nuih sanga ka mizia ve hrim hrima ania mi hi ka be chhe ngai lem lo. "Dam e.. Nang" ati deuh hmuk a, a mit ka en chuan a sen deuh râm a hre ngailo Tu tan chuan min hneksawk duh hmel a pû. 

"Dam ve zel.. Tunlai iva reh ve " ka ti leh a "ka hman lo nih hi... " ati a a nui pah suk bawk. Hmana Travis-a an sawi kha ka hmu ve chak ngawt mai ka ti rilru a. "U Travis nge in  lo tih a " Rinsiami chuan dawr chhunga lo lût pahin alo ti a. "Aw! Kan lo kal ve zawk.. Class i kal na nge" tiin ka hmaa ding chuan a ti a "kal lo vawiin chu Saturday so nia " atih chuan ka hmaa ding chu hrechhuak ni âwm tak in  banga kan tar Calendar  chu a en vata. A chhing deuh sawka "Lo thu ru " ka ti a an ni la in thut nachang pawh an hrelo an lo luh tirh angin an la ding a. "I van sawi har " Travis-a chuan alo ti a "in thu ve mai dawn maw ka tia " ka tih chuan "inleng te kan nisia thingpui sen hang chu " tiin Jordan-a'n alo ti a. Rinsiami siam turin a kal nghala. 

Keipawh thu thlengah chuan ka thu ve a "Zopar khawnge Mawimawii " Jordan-a'n alo tih chuan "in in ah a awm lo mi" ka lo ti nghala . "Ka hre nang in atangin kan lo kal hleinem " ati a "khawi ah nge in kala " ka tih chuan "nula kan rim" ati a "awi! Tun ang khaw chhia ah tu nula mah in rim lo a nge" ka ti a Travis-a alo nui huk a  Jordan-a la chu thu tak fe hian "min awih lo mi Hruaia hi zawtla " atih chuan Travis-a chu ka en a ani pawn min lo en ve a. Vli thusawi vel ka hriat vang nge amah hi hlim lo riau hian ka hre tlata a mit ah hian natna thûk tak tuma hriat si loh awm tlatin ka hria a, ka khawngaih deuh reuh in ka hria. 

"Ami" ka ti ringawta alo buk nghat chuan inti thei fê in Jordan-a chu alo nui suk suk a. Rinsiami alo luh chuan Tray ah Thingpui sen hang alo keng lut a. "I duh ve em" alo tih chuan ka lu ka lo thing mai a. Thingpui sen hang hi ka ngaina  em em lo awmlo tawp pawh nise pawi ka ti lo tiang vel chu ka ni. 

Minute 10 vel an awm hnu chuan ruah lo sur a tum ta maia Dar 4 ari tep tawh bawk si a khua a dul raiha khawpui a ri leh nasa tawh dur dur khawp mai. "In haw hman lo ang a " Rinsiami'n alo ti a tuman kan chhang lem lo va. "Current a awm lo leh vat mai ngah " ti a ka sawi zawh rual rualin Current alo thim a. Travis-a nui ri deuh suk chu ka hria a keipawh ka nui tawp. 

"Ruahthimpui a sur dawn a niang a " tiin thlangpam tukverh chu ka zui hawia "maithei a thim mup mup mai lawm" Travis-a chuan alo ti a. "In ah lut daih ang u" ka ti a. Ruahsur hi ka hlau ka tih tawh kha. Eng sawi set set lo in Rinsiami nen chuan Tukverh kan kalh nghal mawlh mawlha Current a thim kher nen ka rilru ah Bawihtei alo lang thuta "Jordan Ka ni call teh a Bawihtei ka ngaihtuah riau mai " ka ti a inchhungah lamah kan lut zui bawk. 

"Ahh... A ngaihtuah awm lo ang " ati ringawta keichu ka hlauthawng hma ve hrim hrim a "keiman kan call mai nge " tih leh ka phone ka phawrha. Khawpui alo ri nghal dura ka thlauh chiang teh asin.

"Kha maw.. Nangmah vang" tiin Jordan-a chu ka chhuah chhal a "hmm" ati ringawt. 

"Keichu ka awm a nuam lo Bawihtei ka ngaihtuah " a khat tawkin ka ti deuh seka ruahsur nasa bawk si a ka ngaihtuah riau alawm. "Ruah han deuh hunah kan va lam dawn nia " Travis-a chuan alo ti a ka chhang lem lo thung. 

Ruah a han deuh hnu chuan Jordan-a leh Travis-a te rualin Rinsiami chu haw ve nghal mai turin ka hrilha an veng awmna lam a in an vang leh ruah hian sur leh ala chal tih ka hriat avangin tuna a haw nghal chu tha in ka hria. "Lo kal ve nghal a ka thlah leh dawn che u nia " Travis-a'n atih chuan a remchang phian in ka hria a i he lo in ka zui a ka ni te in lam thlen hma hreta kawng peng kawi ah Rinsiami chu a chhuka an in awmna lam ani hmel. 

Ka ni te in ka va thlen chuan Mawimawii a muthilh thu min hrilh a "ka paw mai ang " ka tih pawh chuan min hnial tlat si a Travis-a bulah "zanah kan haw mai ang Bawihtei a mu a, a harh an hlau a niang" in thlahrung ang reng tak chuan ka ti a "umm.. Zanah ka lo thlah mai ang che u" atih chuan ka lawm rilru hle a chhan chu scooty ka leng lo a . Tlai dar 6 velah chaw kan ei a kan awmpui nu ti mai ila kan in a awm Mazuali chu ka ngaihtuah lutuk hranlo amaha awm thang anih vangin lungmuang deuhin ka ni Hmingi te'n ah chuan ka awm. 

Chaw kan ei khamah thleng ka sil a , ka, sil zawh ah rei lo te kan thu leh a awm rei na vak chi ani lo khawpui a ri leh dur dur thina. Ka ni Hmingi chuan "Mate va haw phei tawh mai ru ruah a sur  hma in Jordan va thlah rawh" ati nghal zata Jordan-a chuan "Hruai'an a thlah dawn" alo ti a "nia.. Tlai ah khan min thlah a tum tawh a mahse kan haw leh si loh vang khan zanah ka lo lam mai nag che u a tia" in sawifiah tum tak chuan ka ti a , a chhan pawh ni lo lo ah min ngai ang tih ka hlauh vang ani pakhat. 

"Aw nih a that chu ka call dawn mi" ka ni Hmingi chuan ati leh a "a ngailo keiman ka call mai ang " tiin ka nui lui deuh a ka ni bawk chuan "nangni pahnih hi in in kawm thei riau a.. ahh.. A tha vek e " tiin Sitting room lamah a phei  a  U Sawmsangin "kawm thei ve bawk ang chu Zopari te chu a hmeltha em a lawm  Hruaia hian a star deuh a niang" fiamthu ti tak deuh si chuan alo ti a ka nui chhuak lo chauh "ahh chutia law " Ka ni Hmingi chuan a ti leh zela "ni hmiang" tih zawngin U Sawmsangi chuan a chhang thung ka ni Hmingi ka en chuan a nui tih ka hria a Pa Zuia pawh chuti tho . 

Veranda lamah chhuakin Travis-a chu ka call a alo chhang rang khawp mai "chaw kan ei kham tawh a " ka ti deuh thawr a  "umm.. Ka lo kal ang " atia phone kan dah hnu rei lo te ah pawnah Horn alo in pe a vawithum vel Travis-a anih ka ring Mawimawii chu ka ko a "nih.. Kan haw mai dawn Ni te " ka ti a ni Hmingi chu alo phei a alo phei chhungin pawnah kan chhuaka. 

Motor bul kan thlen rualin Travis-a ka hmu nghal zat bawk "Kha Hruaia khalh chak pui lo la aw! " Ni Hmingi chuan ati a Travis-a chu alo chek tlaka "dawn nang... Satel ang vel kan nimai " ati a Ka ni Hmingi chuan "nih Muttui u kal tawh ru " ati a Mawimawii chu ka pawm a seat hmalam ah ka phei pui a. 

"I puar maw " Ka bula thu chuan alo ti a "puar ve bawk ee... " ka ti a "tunlai chu Bawihtei he lamah a awm ngun lutuk a zanah hruai ziah a ngaia buaithlak thei lutuk " ka ti niah niah a . Min lo en zuk a hmalam a en leh a min chhang lem lo in a nui suk ringawt a engmah ka sawi zawm tawh lem lo a tawng tam lo ve khawp mai kan thlen dawn tep chuan "ka lo leng lo mai ang " ati a. "Thingpui tal lo in kawi la " ka tih pawh chuan min hnial tlat avangin ka sawm lui tawh bik lo a. 

Hun te a kal zela  YMA DAY kan thleng der mai "naktuk chu ruah a sur leh ngei ngei ang YMA DAY a piangin ruah a sur ve ziah " Mazuali chuan alu vel pahin a ti ti siam siam a "nia... Sur maithei ni " ka lo ti ve a. Ani tak tak bawk ruah a sur ngei ngei zel. 

"Mawimawii kawr hak tur kha chu keiman ka lo su mai ang aw! I hak tur kha i thlang ve tawh em " tiin Ka zawta. Mazuali hi mihring tawngduh ve deuh mai hi ania a titi ka ngaithla char char zel "aw... Puanchei kha ani mai " ati a ka bu nghat a. 

Zing Dar 10 velah ka ni Hmingi te an lo leng  a Ka pa Zuia a tel ve lo thung

"Ni dawr nghah a ngaisia  tihian lo awm mai ru aw min mamawh chuan min lo ko mai dawn nia " ka ti a ka chhuah sana. Dawr hi tih ral mai ka rilru deuh a tumah ka la hrilh lo thung "Zopar, awi! Mak iti ngawt ang.... " Zoremin alo ti a phone ah chuan alo ri chul a "enge enge " ka lo ti thuai a "Agnes-i  nizan ah alo lenga thil engkim min lo hrilh vek a hma a Zorina hrilh che kha a dik vek Awi.. Agnes-i chu hmu la maw i ngaihdam nghal ang tiang vel chu a cher in a dawl dang sia a khawngaihthlak awm lutuk" alo tih chuan ka  tho vuta Rinsiami chuan min lo en deuh hu a thlanglam bathlar ah ka chhuak a "chuan engtin zel "  . "Chuan chu chu " ati a "hmm " tih ringawtin ka chhang ka  hriat hnu hlir a sawi " Mahse Tim-a berin a pawm chuang si lo a tiraw " atih leh Chuan thawk ka la hluai ringawt.