JUST HIM S2 CP-7

JUST HIM S2 CP-7 

BY: APHRODITE STORY

"Mahse lungngai suh Zo.. Engkim tan hun ruat a awm alawm thil hi a lan dang ang in thlir lo la Tim-a hian tih chhan alo nei maithei asin" alo tih chuan ka nui ro haka . 

"Aih.. a lan dan chuan nupa ang mai an ni a an khawsa dun bawka chu pawh nupui a neih lai rengin fanu a la nei cheu bawk chuti chung chuan a chhungkha ai in a bialnu hlui 'H' vei a ngaihsak em em a. Nia Agnes-i chu a natna vangin ka khawngaih mahse ka chunga an nun duh dan hi ka ngaidam theilo 

 Ka puak leh mai dawnin ka hria Zorem Tim-a chungchang hi ka ngaithla duh tawh lo nia aw. " ka ti a ka thu sawi chu a chang khel khawl bawka thu dang  min sawi pui hnu ah call chu kan daha. 

Timothy-a chungchang chu engmah hriat hi ka chak lo a , Tim-a chhungten min be fo  mahsela amah Tim-a ber ka hua tih an hriat ve tho avangin tumahin engmah an lo sawi zawm duh bik lem lo.

Zingah chuan ka ni Hmingi alo lang hlawla "mate vawiin tlai chu chaw in lo ei dawn em ni ang.... " dam deuh thluam hian alo ti lut a  zing kara ka hmu thut chu hrilhhai ang reng takin ka lo en a "I va tho hma awm ve.. Nangmah in mi ilo kal " ka tih lai mekin tho phang aw tih hriat deuh hian "min kai  tho lui alawm ka ning per pur a Nia" Jordan-an in chhunga lo luh pahin alo ti a ka lo nui ta ringawta. "Thawh hun tawh puitlin zir rawh I awm tawp ringawta bialnu te hi i nei ve lo ami... Tû ka nei châk tawh ania" Ka ni Hmingin a tih hlak hlak lai chuan ei loh hmel fw in Jordan-a chuan alo melh a "hetah lo in hnial ringawt su... Ni te chaw lo ei ve nghal ula " ka tih zawm zata. 

"Ei lo ang hei Bazar ah kan kal kawi dawn  ... Tlai ah chuan lo phei ru aw duh leh tunge khah in awmpui ni te reuh kha " atih chuan "mimii ti mai rawh" nui huk pahin ka ti a keipawn a hminghi ka hre rei theilo 'Mimi' tiin ka ko tawp zel. "Aw.. Mimii pawh chu ilo hruai ve dawn Nia mahni in chaw ei a peih awm loh" ati hlak hlaka ka ni Hmingi hi chu a  ṭawng phawng phawng zela a aw rawl a ring hrim hrim bawk nen Jordan-a nen hian an in chhunfuh ve ngawt mai. 

"Kan lo tum dawn Nia.. mahse ngati teh thut nge " ka ti a tlai chaw ei turin zing karah min lo hrilh vang vanga thil pawimawh ve tak chu anih hmel 

"Aww..! Ipa Zuia piancham a Nia  hei lawmsak ve ka duh mawle a kum 55 na lai ani ve tawh sia " ati a a nui pah huah huah a, a nui ring mai sia Mimii dawr kal pawhin ka Ni a hmuh chuan thingpui a duh leh duh loh te alo zawt nghal mawlh mawlha Mimii hi ka ni min zawn sak ani a in hresa an ni nghe nghe. 

"Awi! Ka pa Zuia chu avan upa tawh êm êm " ka tih chuan Jordan-a alo nui huka ka ni Hmingi pawh a nui uar sauh mai "a hriat ah i sawi reu reu a nge.. A duh lo teh mai Nia kan lawm sak tur pawh hi a duh lo a mahse  ṭhenawm ten Ar an lo nei bawk sia Arsa in  kan tih sak ve mai mai nge ka ti mawle " ka ni Hmingi bawk chuan ati leh a, "nih lo kal kan tum ang ... Taka Nite dawr hi tih ral ka duh deuh a " zawi ang reng taka ka tih chuan "timaw" ati hluaia thingpui  in pah chuan min melh zui reng bawk si a "ahh.. Ka nu te phei chu ka la hrilh lo a mahse Cosmetic hi chu ka peih tawhlo a hautak mai bakah a hlawk lo ang reng bawk sia.. Bawihtei  nakum lamah school luh tir ka tum tawha " ka tih chuan "awi kum 4 chauh  ala nih hi" ati a Mimii alo nui hak hak a. 

Tun lai ah  chuan school an luh tir hma tawha kum 4 school chu a tawk viau in ka hria Nursery aṭangin a zawh vak loh leh ka beinawn tir ang ka ti rilru a . 

"Tunlai ah te chuan school an lut hma tawh lawm" Jordan-an alo ti a ka lo thlawp rang khawp mai ,  ka ni chu in ngaihtuah zui ni âwm takin a ngawi vang vang a 

"Mahse.. Mate hna dang thawh tur i hria te anih loh chuan ti tawp chung chung suh aw.. " aw dam zawka atih chuan ka thaw huai mai. Dawr hi tih tawp mai an phal ka ringlo sa hrim hrim a "dawn lo e.. Restaurant te hi siam zawk ta ila.. Ka ti mai mai a " nui chunga ka sawi chuan "ti daih zawk rawh. a hlawk zawk" Mimin choka aṭangin alo ti lang langa kan thu sawi alo ngaithla ve kur ni awm tak ani. 

"A  ṭha  phian tak ang ah in awmna a lûn tho bawk sia.. Ngawiteh mate ti zawk teh ipa te ka lo sawi pui ang a hrim hrimin an ni hi an reh lutuk hetah in nufa in in awma an ngaihsak lo lutuk che u .. Ka thinrim tlat" ati zui hlak hlaka Jordan-a nen chuan kan lo nui vel mai mai tawh ka ni Hmingi hi chu thil a sawi phawng phawng ka tih tawh kha ka nu leh pa te pawn min lo call ve renga, hna lamah an buai ve tho tih ka hriat avangin an lakah engmah ka phut lo bawka pawisa min lo thawn an tum pawn ka lo hnar ṭhin puitling taka awm ka duha. 

Mahse a har ve  ṭhin khawp mai zawng anih hi. Ka ni Hmingi te an haw chuan a Mimii nen dawr kan va hawnga zing karah hi chuan Tu vakmah an lo kal ngai lo va lo kal te pawh engmah lei lovin an chhuak leh daih zel hei vang hian alawm Cosmetic dawr hi chu Fashion ngeina tak tak tan chauh a  ṭangkai . Thingpui dawr chu han siam ve phawt ila tih chu ka rilru ah a lian ta ber. 

Dar 12 vel  chauh a ri tawh ang  tih ah ka ni Hmingi bawk chuan call in lo chhuk tawh turin min lo tur et et a, thil a tih tawh hi chuan a ti chung chung zela ka pa nena an in an na. "Nite nangchu ala hma êm hi. Mak thei eee... " ka ti a "aw.. Hei In  ṭhian dangte pawh an awm vek tawh alawm Travis-a pawhin 'khawnge Zopari' ati sek mai " nui za aw deuha alo tih chuan "I ho êm mai.. Dah rawh.. Dar 2 velah kan lo kal ang " ka ti a nui huah huah chungin call chu a dah ve hram a. Travis-a nen hian mi Tu pawh hian min chheih zela enge maw an hriat hlawmni a mah phei chuan hria se a nui aza hial zawk maithei ani. 

Mimii te nen kan nufa in Taxi la in kan Hmingi te'n ah chuan kan va kal a Ka pa Zuia kawr tur ka lei phei paha kan thlen velah Ka pe nghala alo lawm thiam khawp mai. Ka rin ai in mi an tama pa zawhawm hmel deuh deuh pawh ka hmu nual mai , "Zopar he tah lo phei rawh " Nunui aw ka hriat chuan Choka lamah ka va phei chuan Zahmans ho an lo  awm ṭhupa  Travis-a pawh a awm ve nghe nghe kan in melh zawka alo kiai suk duh lek chauhan. 

"Rawng bawl a ngai dawna.. Nu Hmingin min ko hma hlawm lutuka kan kal hma alawm" Nunui bawk chuan alo ti a. Ka rin dan vel an thu in tun ang humah tumah an kal teuh lo ka ni Hmingi hman hmawh teri et et leh bak ani lo ang. Za lo deuh chuan ka nui saka "hla play ula a ninawm khua a lum si patling ti ti ngaihthlak ka peih lo " Jordan-an ring zeta alo tih chuan Sitting room lam kan hawia an lo hawi ṭhup mai. Ka pa Zuia  ṭhianpa ni âwm tak chuan "play ru play ru" alo ti a midang ho chu an lo nui dar dara Nunuin Jordan-a chu a chum dawta "I van mawl tak.. Nge ti vaka ringa I sawia mawl hmuar" ati hlak hlaka. 

"Khawnge Vli "  ka ti a ka hmu miah lo ka luh tirh khan alo awm daih tawh ka ringa

"A inthiar" Sangsangin alo ti a "ani te chu tiang ni khua hian a heti tlat zel" Travisan alo ti a kan lo nui dar dar a hla pawh chu play ta lem lo chuan kan ti ti tui ta phiana. 

Mimii leh u Sawmsangi te an in hriat sa avangin an in kawm  thei phiana a zia viau e. "Zopar.. " Travisan alo ti hluaia midang chuan an lo ngaihsak vak lo kan buai buain kan buai tlanga a  ṭhen in ar an lo puaha  a ṭhenin alu an lo vel bawka Bawihtei phei chu ka bulah a awm leh tawh lo u Sawmsangi te bulah a awm leh daih tawh. 

"Awi ahh.. " a aw ki ang chiah chuan ka ti a chal ti chuang nang chung hian " Ka nu in.. Chaw ei kham lamah lo leng rawh a ti che " ati a min melh reng bawk si a. "Keimah hi maw" ka ti nawn leh a, a thu sawi erawh chu ka hrechiang viau a sawi mai tur ka hriat loh vanga zawt nawn leh mai mai ka ni. "Aw nangmah kha " a kut zungchala min kawk kher pahin a ti a , a tih dan ber kher chu ka nui a ti za lek lek ani. "Ngatiwhy" eng thawl hmel fe a ka tih chuan "ilo kal hunah zawt mai rawh.. Min hrilh lo " ati bul nghuta hepa te reuh hi a nungchang hi hriatthiam a har a changin a  ṭawng duh êm êm a tunah lèm. A mah en reng chung chuan ka nui haka min lo melh khur khur mai. "Kan lo kal dawn Nia " nui  ṭhaw chunga ka tih chuan. "Nge i nuih " alo ti leh nghuta  nuih in sum  ṭeuh chung chuan "ka nui bawk lo... " ka ti a, a hmui ati sawi duh lek chauha Vlin min lo koh takah chuan nui tet tet chungin ka in hera ani pawh pawnah ar puah na lamah a kal nghal mai bawk. 

"Enge Travis-a khan a sawia " Vli chuan ka beng bulah alo ti sar sara "eng vak mah.. 'Ka nu in lo leng rawh ati ' atia " ka ti a. Nui khi  ṭhaw chunga min en chuan " enge kha ti vaka i  ṭhen a "ka ti a a mit meng hi min chhaih a tum tih ka hrethiam nghal. 

" ahahaa.. Hepa hian a duh chiang che alawm" atih chuan "engvang ngawt chuan" tiin ka thaw halha ka sawi kha tu pawh hian min chhaih vek. "A hriat vek alawm.. Kan bulah  chuan engmah zep kher suh u aw.. A duh che tih ka hming ka hriat chiang tluk zetin ka chiang " ati a, a thusawi chu amah pawn dik a intih hmel khawp mai. Ka hmui ka ti sawi ringawta sawi zel chuan min sawi pui vak dawn tih ka hriat avangin ti hian ngawt hmak ila a  ṭha zawk. 

Hmeichhe ho in Choka lamah eng eng emaw kan ti a , Jordan-a te ho chuan Pawnah ar an puah a ka Hmingi pawh a khat tawkin alo vei seka. U Sawmsangi  chuan a khak leh fak ṭhin alo vei peih lutuk keini chu kan ti ti renga, ka ni Hmingi ang bawkin Travis-a chu Choka ah kut alo sil seka vawi thum lai a lo sil tawh Nunui chuan "I van lo sil peih tak.." Ati ta nge nge a. Travis-a chuan chhang lem lo in a kut  sil zawh chuan Nunui hmai zawnah a ti per a Nunuin chu a phun nghal hlut mai. 

"Aw! Hrethiam ta che.. Lo luh deuh tlut tlut chhan tur a awm hi" Vli chuan ati a Sangsangi nen an in melh ralha Nunui chuan "he mihring hi chu.. A naupang chhia thlawt ani " ati a "nangni chu tikhan min chheih ringawta in ti awm ang lo e... " ka ti ve duaha mahse  lawm loh na êm êm chu ka nei hran chuanglo "kan chheih lo che u.. Mama hian a star che lawm.. Maw.. " Vli bawk chuan a ti a. Hming dang a nei leh tawh "hming a van ngah " ka ti a an lo nui uar uar mai "I hrelo anih kha mi hrang hrang hian hming hrang hrang an phuah sak " Nunuin alo ti a. An in kawmna a rei tawh ngawtin ka ring an in hrechiang a an bula awm a nuam êm êm reng zel. 

Chaw kan ei hma chuan Cake zei an ti a Ka ni Hmingi leh Ka pa Zuia chu cake an in barha ka pa Zuia duh loh chung ka Ni Hmingin a hmaiah cake in a tat a "khawi  aṭngin nge maw tiang te a hriat ve ni" Jordan-a chuan ati a , a dar a ben dat pah chuan "thla lak sak rawh " ka ti a. Dur fe a min en chung hian "ka la peih kher kher lo... A ho e " ti duh lek chauha he nau han in thlak nasat ve zia hi chu âw kan tet deuh lai kha chuan kan in kawm nasa a , a nui duhin min zui ve reng bawka a unau tak tak te ai hian min nel bawk tunah chuan a inla tlangval a, ka Ni Hmingi te hian an duat sual ka ti dawn nge ama tawkah a sual viau mai mahse min la ngaihtuah reng tho tih ka hria. 

Chaw kan ei kham hnu chuan Vli te ho in Mawimawii bulah lo awm ve rih rawh min tih tlat avangin engmah ti ve lem lo chuan Sitting room ah Bawihtei nen kan va  ṭhu ve renga Ka pa Zuia chuan min lo be luama ka T-shirt pek bawk kha alo sawia "Mate ka lawm tak tak ania.. " ati a "lawmthu sawi a ngai lo ania.. Ka lo hre har zawka ni lo se chu Helicopter te ka lo pe  tur che " ka tih chuan anui hak hak a. 

Ka phone alo ri a Travis-a alo Nia "aw.. Mama " ka ti a hming dang danga koh hi a nuam ve hranpa. "Ka nu te I hmu em " alo ti a nitak hetah chaw an lo ei ve tak alawm ka hawi kual hnu ah ka ni Hmingi nen thlang lamah pangpar an lo en a "aw.. Saw Pangpar an en " ka ti a "lo ko teh a " atih chuan engmah sawi buai lovin ka va ko a. 

"Zopar lo leng phei ta che u Mawimawii nen " a lo ti  nghala za vak lo va nui deuh suk pah chuan "Nia. Travis-a khan min lo hrilh tawh lawm " ka ti a ka ni Hmingi pawn leng turin min lo ti zawm nghal zat a. 

"Nih chuan ala hma tho bawka lo leng kawi ru aw..! " nui sang chung chuan a ti a Travis-a nu hi hmelṭha ka tih zawng tak. 

Khaw laiah pawh hmu ila 'mi hausa nu ' kan tih ang chi kha a zahawm vah bawk si a , biak bawrh bawrh pawh a in thlahrun awm letling. 

Rei lo te kan  in ṭhut leh hnu ah Travis-a te in ah chuan Bawihtei nen kan va leng phei a, Travis-a pa ka va hmu hmasa bera chu mi zawhah inchung aṭang chuan "Zopar.. Inlo kal tawh maw " alo ti thla a, a kutah thil eng emaw a keng bawk. "Hei hi.. Mawimawii khan a ha tawk a ngemle " ati a phawk ang reng deuh chuan ka lo en a. 

Ka lo en reng ringawta "hei hi.. A ha tawk ang chu tiraw.... Tukin zingah kan lei a, ka awt lutuka Mawimawii tan" ati siam siama. 

"Awi ha.. A ngai lo sin" ka ti ban deuh charha "Mawimawii hi chu alo leng ngunsia kan ngai ve thei teh mai ania aw! " Hmeichhe pakhat ka hmu tawha mahse a hming ka la hrelo Travis-a u anih mai hmele. "Alo ti buai viau lo che u maw.." Ka tih chuan "a teuhlo mai kan inchhung hi ati hlim teh ania " ati a. Travis-a ang tho in a hmelṭha nu Mahruaii a chhun khawp mai amit meng a fiah kak alawm. 

"Hak tir chhin la " tiin kawr chu min lo pe a Mawimawii chu ka ko a, alo awm bo hman a leng  ṭhang ani chêk ang an in awmdan a hre em mai ka lo zak zawk. "Hey.. Mawimawii lo phei rawh hei kawrthar api Mahruaiin a lei che a Nia " ka ti a nu Mahruaii chuan " api in ti tawp rawh " tiin a nui hak hak a ka lo nui ve maia. 

"Wow" tiin Bawihtei chu alo tlan phei a. Kawr ka hak tir chuan "kha  a ha tawk chiah anih kha " Travis-a u chuan alo ti a. 

"Nia.. A in hmeh tawp ava lawmawm tak " ka tia Nu Mahruaii chuan "Mawimawii chu in hmeh loh pawh hi anei lo nih hi. E.. Zopar hei hi Mama te unau zinga upa ber 

Lalhriathlui anih hi " atih zawm nghal zata 

"Eee.. Ni tak ka hming ila hrelo tiraw u HluHlu min ti mai dawn Nia Travis-a hi kan tlum ber ania .. Chuan kan in karah hian 2 an la awma mipa ve ve " atih chuan "ani maw ka van hmu ve ngailo " ka ti a Travis-a pa chu alo nui huk a "i hmu khat ang pakhat hi phai ah hna a thawk daiha ka chhang chiah hi Joshua Saidingpuiia ania chuan a chhang leh chiah hi Tristan Zohmangaiha ania ani erawh hi chu a lwng a niang " ati a . 

A  ṭawngdan hrim hrim hi a ngaihthlak a nuam reuh lutuk . Ka lu ka lo bu nghat nghat ringawta rei lo te eng eng emaw kan sawi hnuah ka Ni Hmingi te in lamah kan leta an lo haw  ṭan  tawha. Zahmans lo leh patling 3 vel an la awm. "In haw daih tawh emaw kan tia " Vli chuan alo ti a Kawlan "Travis-a ten ah an leng anih kha " alo ti pek a, an lo eh rual nghal a Travis-a chuan "in chhe del dul " alo ti hlaka tun lai tak hi a rui ka hmu khat viau. 

"Khawnge LalJordan-a hi a lo awm leh hmana " Nunuin atih chuan Inchung aṭang a lo chhuk thlak pahin "min lo ngai hman viua zel suh... Ka inthlak lawk alawm " ati a midang an awm leh awmloh pawh a ngaihven lo hepa hi chu. Nunui nen an han in khak leh fak fak tawha an in hnial peih bawk sia a changin kan lo nuih leh dar dar  ṭhin. Dar 7 velah haw mai ka duh tawha Mimii leh u Sawmi tih tawh mai ang aw. 

Mimii leh u Sawmi te an lo inzui phei chuan "kan haw phei tawh mai dawn mi" ka ti a "I tih dan dan " alo ti a "haw mai ang u aw.. A tlai hma in " ka tih leh chuan lu alo but nghat nghat a. "Ala hma ee... " an lo ti niah niah a "ahh.. Ruah hi zan rei ah chuan a sur leh mai ka ringa " ka ti a "engin nge in haw dawn " Travis-a chuan alo ti thum dût a "taxi in ani leh mai " .... "Ka thlah ang che u" ati leh nghat a midang ho chu ka en a an mit mengah chuan chheih min chak et et tih ka hria a mahse an insum ni berin ka hria. 

"Ahh a ngai hran lo a hnai tho a" ka tih chuan "in thlah tir tawh Zopar " Jordan-an alo ti a ka melh nghal vat  a "riah pui in ngaihchuan min lo ko rawh aw " atia lu ka lo bu nghat a. Ka sawi kha min ngaihtuah reng tho ruah sur leh kawlphe te  ṭek te khawpui ri ka hlauhzia hrechiang ber chu te zinga  mi ani. Nunui pawn engmah a sawi buai lova min hrethiam ve lutuk ringawt. "Nih .. Mimi kal dawn ila " ka ti a Travis-a chu nichin khan a chhuak daih tawh pawn kan va chhuah chuan  a car var nen khan alo tawlh riai riai a hepa pawh hi ah nge maw min thlah a tum ve ziah ni. 

A hnungah kan pathumin kan  ṭhu a, seat hma a lo  ṭhut ve ringawt kha zah ah ka la ve deuh bawk a. "In veng awmna hi in sawn daih ta che u " Travis-a chuan ati a "timaw.. " tiin ka lo chhang thuaia "a bengchheng ve reuh em a " ati a. Nia zan rei ah phei chuan a bengchheng a lûn ve ang reng si a  , a sawi dik ve reng "nih chu ani tho a mahse sumdawng te kan ni ve bawksia a ngai alawm" nuih za aw deuha ka tih chuan seat hma darthlalang aṭangin min lo melh zawka hmalam a en leh vat thung. In be em em lo chuan kan veng awmna kan thleng a  Mawimawii leh mimii chu an in be renga chu mi tih loh chu thawm dang vak hriat tur a awmlo "nu.. Nu ruah a sur dawn ami " Bawihtei chuan a ti a "sur maithei " ka ti ringawta pawn lam ka dah chuan thli a thaw nasa tawh viau a,  ruah ringawt hi chu sur mahse ka hlau lova mahse  ṭek te a tla tel kher hian awm a ti nuam meuh lo  ṭhin. 

Kan in kawt kan thlen chuan "ka lo peng kawi tawh  lo mai ang.. A sur hnem dawn tlat " ati a Bawihtei biang chu a piai pah zeuha "umm.. Haw vat vat mai rawh.. " ka ti a Mimii leh Bawihtei chu an in kai phei tawha keichuan a tlan liam thlengin ka thlir liam ve a. Inchhunga ka luh dawn thleng chuan ka nui a ka nuih chhan phei chu ka hrelo hepa biak hi chuan nuih hi aza duh riau in la mi tak deuha min biak phei chuan nuih aza telh telh mai ni. 

"Mimii nangmah in I mu ngam a ngem.. " ka ti nghal a "mu ngam e tinge i mu ngam lo ami " nuih deuh reuh chunga atih chuan 

"Ahh ngam ee.. I ngam loh takin ka ti mai mai " nuih let chungin ka ti a. A ruk tak chuan kan bulah lo riak ve mai se ka ti rum rum ani. Jordan-a kha riak turin ka sawm dawn ami le aw.. Ah mahse Bawihtei a awm tho a lo riak lo mai rawh se ka rilru chu ka kawm melh melh a Mawimawii nen inchungah chho in room ah kan luta tukverh te chu a inkalh ṭha em tih ka en veka. Parda ka zar phui mup bawk kawl te la(h) chu a phei zuai zuai renga hmuh a hreawm khawp mai. 

Rei lo te ah Ruah alo sur ta maia ka rin dan vel Bawihtei ka muthilh tir a kawl lo phe zar zar reng chu a ninawm khawp mai phone ka en ngam bawk si lova ruah lah chu atla hnem tih a hriat khawp mai. Rizai chuan ka in khuh a nu ve pui tawh ni si in ruah sur ka la hlau hi ka ning. 

Thawk ka la halh a Ka phone alo ri a. Rin loh deuhin Travis-a alo Nia ka lak rual chuan "I hlau emm" pangai deuh hian alo ti a engtin nge ka hlau tih a hriatni "hlau love.. Ila mu na nge " tiin ka chhang a "mu ila ka lo be dawn che ami " alo ti nghuta nichina a aw nen kha chuan in ang lo leh tawh tak ani ka nui a ti za leh tlat tawh. 

"Ka zawt mai mai che "...... " nang ila nu na nge " ati a "mu tawh e mahse ka la muhil lo " ka ti ve thunga , min chhang tawh dawn lo emaw tih hnu ah "hlau suh aw.. Ruah sir te mai mai shower ah ngai rawh hlauh tur a awm lo nia " alo ti ve duaha. 

"Yes.. Ka hlau teuh lo mai " ka ti a tlem chuan ka awm a ti nuam ve deuh huai huai thei alawm . "Mawimawii a mu tawh ami " ati a.. Sawi tur hi a hrelo ve thei khawp mai "umm mu tawh e.. Naupang chu a muhil nghal zung zung zel alawm" ka ti a "chu ti chu nangpawh muhil ve zung zung ta che " atia a nui ri suk pawh chu ka hria " naupang min tia law... " ka ti kha kha a "teuh lo mai nu Zopar " atia a nui ri ka hre leh tawh a nui hi ka hmu khata mahse hmana Ganja an ruih a Jordan-a nen an nuih ver ver kha chuan a nui hmel chu a ṭha reuh a meng rum tih mai loh chu. 

"Tinge min lo call deuh thuta " tiin ka zawta "timah.. Ka mu thei lova " tiin min chhang "chu mut hma iva tum ve " ka ti a thu ho deuh deuh sawi pui hi a nuam ve hrim hrim. "Nia(h)... Ka... Ruah sur i hlau tih ka hria a " a ti a, a rukin min lo hre ve reng zel dawn anih hi tih ka ngaihtuah a ah enge maw ka ngaihtuah chu 

"Hlau ve tho a maw.. Mahse min lo call a tlem chuan awm a thla a muang ve deuh tho...ka hlau êm êm chuanglo" ka ti nuaih a .. A nui aza leh viau in ka ring. 

"Min lo call ziah rawh ka lo call kher loh che pawn u Hluhlui pawh hian ruahsur a hlau ahlau alawm " ati ve dap dap a. 

"U Hluhlui kha a hmelṭha ka ti tawp.. " ka ti teh daiha rin ai kan sawi ho a mahse a nuam ve reuh phian. "Ka  ṭha daih zawk " uang deuha alo tih chuan kan nui ta ringawta. 

Kan in be ve renga ruah sur pawh chu ka hrechang lo lek lek ani fiamthu thawh miah si lo in a thusawi nuih pui a awl êm êm thunga, a nui ri ka hriat hian ka nui ati za leh zual  ṭhin nuih a in hmeh thlawtlo 

Kan mafia-a kha ani miau sia. 

Cont-