JUST HIM S2 CP-8

JUST HIM CP-8

Zing ka tho chu khua alo eng uarh tawha Bawihtei chu ala hnar sûk sûk mai tukverh parda kan zar te chu ka time chho a khua chu a thian êm êm leh nghala a fiah kak mai.Inhnuaiah chhukin Mimii rawngbawl ri rak rak ka hria a  "Good morning" tho phang aw ang reng tak chuan ka ti a "morning Thingpui ka lo siam ang che aw.." atia a rawngbawlna bulah chuan ka va  ṭhu ve ta renga. 

Eng eng emaw te sawiin kan titi a "mahse maw.. U Zo ka nu te hi chuan pasal nei turin min ti ve tak nâ in u sawmi ang deuh hi ka nia ka senior hlum  ṭhak dawn" tiin a nui zui kar kar a kei ai a nau in ka hre lo va mahse min û ta tho erawh pawi ka ti chuanglo u Sawmi nen ai hian a naupang hret maithei ni. 

"Nia... Keipawh pasal ka nei sual a hei.. Ka nuthlawi chu anih mai hi" fiamthu ti dak deuha ka tih chuan  "taka i pasal hlui thlalak min lo hmuh chhin a hmelṭhat kan ring nghal ringawt a(h)" atih chuan ka lo ner saka "tinge a  ṭha lo mi" nui  ṭhaw chunga alo tih chuan  "ṭhat te chu ṭha e ...mahse hmel leh landan ringawt hi chu mihring kan teh na tur ani khawp" ka ti zui duaha ani chu alo nui  hak hak thunga . Tima thlalak en min dil tlat avang chuan ka hmuh ta nge nge a "ka rinai daihin a hmelṭha ..awi..ha Bawihtei pawh hian a chhun anih hi tinge in inṭhena a hmel a pâ reuh sia " ati a a ṭawngduh lutuk chu ka nui a ti za lek lek .

"Chunglam khian tawk tawh rawhse a tih vang te a niang.." ka tih chuan awih loh hmel deuhin min en a min zawh zui zel hlau in inchungah ka chhoh sana kan room ka luh hma in Veranda ah ka zuk chhuak thla a pangpar tlem te ka khawi ho tui ka zuk pe ve a .Ka nu ka ngai riau leh nghala tunlai kan in be khât deuh a tihbuai sek hi ka hreh ani mah zawk .Room ka luh chuan Mawimawii alo harh tawha a nula ve tawha a ṭap vak tawh bik  lo mahse min  hmu mai lo chu alo meng deuh pûr a "het het ..nula an ṭap tawh ngailo" tiin ka pawm nawlha bathroom ah a hmai ka phih sak tawk tawka . A sam ka khuih saka a hnu ah ka ṭawn kak sak fel thlapa , a pa sam leh ka sam a chhun kawp bawk si a a kir êm êm mai leh nghala ka ṭawn sak mawlh mawlh lai chuan ka nui huka "bawihte i sam hi a nalh e..tiraw" ka ti a lungawi vak lo a min lo en pah chuan "nalh pawh ka tilo ..wai wai a ang si.."ati a .

Kuah chung chung pah chuan a biang ah ka fawpa  "a nalh a lawm le ka tet lai pawn tiang hian ka sam a awm alawm..api te pawn nalh an ti thei rapthlak" ka ti zui siam siam a ngun deuh a min en kal chung hian "anu ...apa ka ngai e"alo ti reuh a , a mit meng pawisawi lo leh fiah tak chu apa a chhun ka ti lo theilo Tima hmeichhe version ani ringawt.

"Apa maw..i hmu châk ami" ka tih chuan lu alo rang deuhin a bu nghat nghat a , a ban leh lam leh lama vuan pah chuan "Nakinah kan be dawn ania ...chu lo ah apa chu tinge hmuh i chân chhan" ka tih chuan "a hmelṭhat an rin thu an sawi zela" ati a naupang te hian puitling thusawi hi hrethiam kil kel lo mahse an lo vei zui ve tho tih ka hriat belh  phaha ṭawng fimkhur a ngai khawp mai . Naupang te hmaa sawi âwm leh âwm loh pawh hriat a ngaia a bikin Timothya hming phei chu tuma lam rik ka  phal lo bawk tunah pawh hian tunge apa a hre lova mahse pa a nei ve tih erawh chu ka hrilh fo thung.

Chaw kan ei a lai in Zoremin min lo call a chaw kan ei lak lawh êm vangin chaw ei khamah ka call tur thu in ka chhânga .

"Hi Zopar ...Raymonda ka nia ka number lo save rawh" tih hi Whatsapp ah ka dawnga 

Raya anih ringin ka reply thuaia "Aw..save nghal" tiin ka reply a Zoremi chu ka call zui nghal bawk.

"Kya bhat.." ka tih chuan "Awi...mak  iti ngawt ang" tiin bul alo ṭan leh tawh  "eng lampang nge ni leh ta" ....."Nizan ah Micheala te leh Raymonda te an lo lenga chuan Tima pawh alo kal ve amaw ...chîk deuh hian ka lo en a ani pawn min lo chibai ve a kan ti ti luam a mahse a chanchin sawi a duh ṭhak lo " ati zat zata .

"Avan lo leng ngam zawk ilo be ṭha vel em" ka ti kha kha a ..lo be ṭha vak lo se ka ti ...ahh..ka ṭhiante leh ka chhungte lakah lo in lan lo tawp se ka duh zawk chutiang khawp chuan ka haw so bawrh bawrh .

"Be ṭha em em chuanglo mahse a hmel kha a ngui riau in ka hria a chuan in nufa chanchin min zawta " atih chuan ka kut ka hum ruh a enge maw a hriata kan nufa chamchin zawt nge maw anih chu le .

"Chuan engtin zel" ........"chuan in ṭhat thu leh Bialpa i neih thu ka sawia" atih chuan keimah pawn ka awih lo "bialpa ahhh!!" Ka ti tuarh a Mimii leu Bawihtei in fiam pawh an lo hawi a . 

Thlang lam bathlara chhuak thla pah chuan "chutiang a tih kher a ngai ami...ka neih loh hi" a hma ai a zâwi zawk chuan ka ti a Zoremi la chuan " ka ngei ve alawm tikhan bialpa nei awmin lo awm ang che alo biak che pawn bialpa ka nei lo ti hmak ang che " ati zui bawrh bawrha hahthlak hian ah. "Mahse ka nei lo tih hrechhuakcta se dawt sawi kher chu a ṭha lo a sin" ka ti niah niah a thawk ala halh ri chu ka hria a 

"Travisa kha " alo ti dek deka "Ka ṭhianpa alawm"ka ti nghal vat a ka aw kî chu a sang lam mah ani .

"Travisa kha ka ti ringawt alawm..enge ka sawi tur pawh i hria mi" nuih zat hmel deuha alo tih chuan " hre chuang lo e mahse Travisa  nen hian tupawn min chheih veka a nuam lo tak tak keini lah ṭhian ang bâkin kan in en si lova" tiin ka sawia." Ṭhian  aṭangin alawm mi te pawn bul an ṭan "alo ti sam êt a "a ninawm ka sawi peihlo chutiang bialpa neih ka tum lo hrim hrim " ka ti a alo nui zui uar uar a henu ṭha hnem min ngaihpui lutuk hi chu Thudik hian a daih tawh ṭhinlo thu mak deuh deuh a sawi tel ṭeuh zel.

Zoremi nen kan in biak zawh chuan Travisa Message ka dawng ve miala phur ang reng tak chuan ka en a "i tho nuam maw" tih hi ani a , a ni chu a tho ve chiah anih hmel "nuam e..nang " tiin ka reply thuaia "ka hrelo ka la tho chiah lo a nawm dawn leh dawn loh ka la hrelo" ati a phone en chung chuan a thu sawi duh dan chu ka nuih pui ver ver a "nuam awm ve" Mimii chuan alo ti pek a "aih heim.group ah thil nuihzathlak deuh an lo post a " tiin ka nui zui chiama  " Tho rawh patling thawh loh hun tawh lo" ka va ti let a .

Dawr khar chungchang kha ka ni Hmingi nen kan sawi zui leh a thingpui dawr hawn kha kan ti tlu ta a. Ka nu leh pa te  helama lo chho turin ka hrilha kar leh inrinni ah an lo chhoh tur thu an sawi a mamawh ka neih leh neih loh min zawh chuan ka neih loh thu in ka chhâng mahni lo maha inthlahrun ve nak laia engmah min tih sak lo se , mahse dawr chungchang vel an ngaihdan hriat ve hrim hrim in lo chho se ka ti phakhat.

"Pianpui unau neih miah loh hi chu ah ..a hreawm " Mimii rawngbawlna a ṭhut pah chuan ka ti a "a nuam daih zawk ang chu ..nu leh pa ten min duat bik anga keichu ka châk daih zawk" ati siam siama keichu pianpui unau neih ka châka ka nu hian fa dang nei leh se tiin ka naupan zual tak tak lai leh ka tleirawl vel lai khan ka chak ṭhin .

Mahni tawp chu a nawmna awm tho mahse a khawhar thlak ka ti .

Fur lai tih takah khaw awmdan chu a inthlak chhen renga chhun lamah ni sa ut mahse zan lamah a tla ṭeuha ṭek a tlak ngat phei hi chuan thinphu a mumal lo ṭhin.Zanin pawn ruah nasa takin a sur dawn an ti a ka huphurh leh tawh hle Travsia ka rilru ah alo lang a mahse biak mai ka duh bik loh avang chuan Bawihtei nen khumah kan mu a reilo te ah ani chu a muhil nghal maia Ruahsur ka hlau tlat hi ka ning a , a hreawm pawh ka ti ruahsur satliah chu ka hlau hran lo mahse khawpui ri te hian ka thau ah min man ka tiu tawh kha.

Hlauthawng ang reng taka ka awm lai chuan ka phone alo ri a Travisa alo ni ka mamawh hun ah tak  "hello" ka ti vata "ruah hlau nu.."alo ti kher a .Ka ner sak mai "ka hlau kher lo sur pawh ala sur loh hi thli a thaw ringawt alawm" ka ti a "a sur ṭep ang"ati duh lek chauha .Sawitur hre em em lo mah ila hetia rilru  dang min pe thei thil hi ka duh hrim hrima zana ruah a sur apiang hian min lo call ve ziaha .Tun hma ai thlawt chuan tlemin kan in nel in kan inkawm thei tawh bawk.

Ka nu te an lo chhoh ni ah chuan ka ni Hmingi te nupa pawh an lo phei a ka Dawr chungchang leh eng eng emaw kan rel a ka pa chuan "matei berin a duh chuan kan ti nga ani mai alawm" tiin rem min tih puia ka lawm ang reng hle . "Mate khawi ah nge i bialpa chu" ka nu in alo tih chuan phawk deuh hian ka lo ti a "Zoremin ..khi tah in chhoh dawn chuan Zopari bialpa kha hmu ve ngei ngei ru min tia" atih leh phei chuan ka zak chem chem a ka neilo tih ringawt chi ni hek lo "a buai deuh a niang" tiin ka nui tawi taka LalZoremi chu ka va han bengchak tak .

Ka ni Hmingi pawn hrilhhai hmel ang reng deuhin min lo en a "Bialpa ilo nei alaw" min ti he haw a ka pa Zuian "lalmama ani mai alawm chutiang zawh vak a ngai ami" alo ti a ka ip deuh zawk thei. Engtin nge Travisa nen kan ni anga an han rin nghal maithei zawk chu mak ka ti let ling "nangni hi in lo inzui reng ani maw..!" Ka ni Hmingin ring ang reng taka atih chuan ka ṭhen sak ringawta "kan inzui lo" tih chi ni pawn ka hre tawhlo Zoremin a sawi chian hmel êm mai "Tu nge chu chu Hmingte" tia ka pa in ka ni Hmingi a zawh chuan sawi lo hram se ka ti rilru a.

"Kan ṭhenawm te fapa saw mawle...an inzui nasa ka ti reng ani hna ṭha deuh a nei bawk sia ...Mama chhungte pawh sawn Mawimawii hi an duat bawk sia mo atan an it ngawih ngawih in ka hria" Ka ni Hmingi chuan atia a sawi uar bawk si a nuih zat lamah a kal tawh zawk .

"Chutia law kan va hmu ve chak ve " ka nu chuan ati ve thunga "mate zanah lo len tira kan lo hmu ve ang chu " ka nu  bawk chuan atih chhun zawma ka ni Hmingi lah a phur ang reng bawk si a a hma aṭang tawha min chheih ve reng anih vang nge Travisa chu a sawi mawi thiam khawp mai.

Dawr kan hawng loh vangin Rinsiami alo lang lova Mimii erawh chuan ka nu te chu alo be siam siam renga fel an tih hmel khawp mai ka ni Hmingi te an haw hnu chuan ka nu te pawh inti fai  turin inchung lamah an chho a ."Mate  hetah lo kal lawk teh a "ka pa in alo tih chuan ka phei thuaia 

"Tunge tlangval an sawi kha eng hna nge a thawh " ati a ka pa ani miaua hetiang min zawt pawh hi thil awm lo ani hran lo 

"Engineer ania "ka ti thla ve rawka Travisa phei chu engmah ka la hrilh si loa engtin nge ni zel ang ka hre bik lo le .

"Mawimawii te pawh a chhungten an lawm viau a maw" a ti dam leh thluama lu ka lo bu nghat a . Ngaihṭhat hmel deuh a min en pah chuan "Tima nen inṭhen hlen in la ni lova pasal dang i nei thei lo tih hre phawt la pangai takin in la inṭhen lo hrim hrim bawka chu chu i hre tho ang chu tiraw" atih chuan ka thina rim deuh hlur a "inṭhen chu kan ni mai alawm pa Hmeichhe dang bulah a awm tih pawh i hriat ve vek kha" ngên ngawl taka ka tih chuan .Min chhang tawh lo a tho a inbual turin Choka bathroom lam a pan daiha

Ka pa ania ka hrechianga a ṭhianpa fapa hi chu engtik lai pawhin a duh reng dawna kan pian hma aṭanga inhual sa kan nih tawh vang nge hetiang ani chung pawh a 'in inṭhen lo' ti a min hrilh chu ka lungawi lo dawn dawn a lawm le.

Thlang lam bathlarah ka chhuak a Travisa ka call a inhmuh lawk ka duh thu ka sawi alo remti ve maia . Vengthlang lama len na hmun an siam ah chuan min lo nghak rân tawha min hmu chu a ban alo vei zeuha  ka lo nuih sang thung "i thlenna rei tawh em.." tiin a bul ka thlen chuan ka zawta " rei lo thleng ve deuh chiah eng thil nge ni ta" atih chuan " ṭhu phawt teh ang " tiin kan hmaa ṭhut na ah chuan ka va ṭhu a min lo zui hna hna a .

Thawk ka la hawk hawk  a "ava mak  kâwk káwk ve" nui deuh chung hian alo ti a .Alo ṭhut chuan  "Travis ka bialpa lemah lo ṭang lawk ta che " ka ti nghal tawl maia a mit ka en chuan danglam vak a awmlo .Ka pa hian Tima nena min in neih tir a duh leh mai ang tih ka hlau a bialpa ka neih tawh chuan min tih luih ka ring vak biklo.

A mit hmul kan ak chung chuan min en a "ihhh.....eng lo ania ka pa te an lo zina bialpa ka neih thu Zoremi khan alo sawia chuchu nangmah hi ania " ka ti ban charha mit ti zim sun a min en phei chuan ka ip deuh chawih thei a duh lo viau anih ka ring."Chuan i pa te chuan engtin nge an tih" a ti thum dûta zah tawh sa nen a aw thum leh lutuk hian min ti zâm  vek thei alawm

"zanah lo len pui rawh an tia" ka ti a .Alo kiai suk duh lek chauha ngawi renga hmalam kan en dun ren rawn lai chuan "lo ṭang dawn nia" that chhe aw deuh hian ati a .

"Tak tak maw" tiin a lam ka hawi nghala min en  ve lem lo chuan lu a bu  zeuha ka thaw huai thei . Ka thin zawn chu ka khawiha ka lungphu rang lutuk pawh a zia vek thei alawm 

"Mahse ka chhungte bulah pawh kan kan inzui ti a kan sawi a ngaihhmel" atih chuan ka lo ngaihtuah miah lo a . Mahse sawi chu a ngai ngei ang "engtin nge ni ang" tiin ka zawt let a  "buaina awm vak lo keimah ah chuan " ati a amah berin buaina awmlo atih chuan awmlo turah ka ngai.

Kan haw lam chuan min thlah kher a ngaihloh thu in ka chhanga Scooty ka keng ve miau sia . "Dar engzah velah nge ka lo kal ang" nuihzat hmel zeta min en chunghian ati a "Dar 8 velah chuan lo kal mahla a pawilo" ṭha deuh chuan ka ti a .

Ka tlan hmasa a ka hnungah a Motorin min lo zuia veng chhak lama ka tlan hnu ah ban ka vei zeuha ani pawn min lo bye bye ve a Nui ru tet tet chung chuan kan in tlan san chu ani mai.In ka thlen chuan ka nu leh pa te pawh an lo in dah fel tawha hetah châm ve rih tur an nih avangin bungrua an lo leng hnem ang reng hle a midang in lo hmu phei se chu pêm tur emaw an nih tih mai tur an ni. Zanriah kan kil hma chuan ka pa a   ṭawngṭai a kan ei khamah sitting room lamah kan  ṭhu khawma. Dar 8 chu ani har zeka dar 8 velah lo kal tur khan ka ti a ka nu la chuan 'avan lo kal har ve' ati deuh seka ka pa erawh in engmah a sawi ve lem lo thung.

Dar 7:30pm ah Travsia chu alo lang a  , a incheidan chîk taka ka en chuan a pangai khawp mai a thawmhnaw mak ve deuh ruhro tih ang reng vel kha a ha vak tawh ngai lo a , ka hmuh hmasak ber kha chuan misualpa a an zia kha .

"Lo ṭhu rawh  Mama" ka nu chuan alo ti lauh a naupang fel ang deuhin a ṭhu ve mai a , a bulah chuan ka va ṭhu ve a Bawihtein alo hresa tawh bawk nen alo pan chawt leh nghala ka nu chuan "kha ...Bawihtei pawhin a hria che ani maw" dam thlup hian a ti a Travisa chu ka en a nuam lo tih hmel a put loh avang chuan awm pawh tlem chuan a nuam ve ta deuh . "Keihi Zopari nu ka nia ..." ka nu chuan alo chibai a ka pa pawhin a chibai ve thuai bawka. "Zopar hei i in leng pa hi thingpui te han lum ta che" ka pa chuan ati dam thluam a keipawh chu choka lamah ka kal phei nghal thuaia ka zâm riau leh nghal. 

"Ka chhuang mek a so ṭep ang " Mimii chuan a ti a Choka aṭang chuan sitting room a hmuh thei a chair ah ṭhu in ka en zui renga ka pa leh Travisa chu an in be mawlh mawlha eng tak chu sawi ang maw.

"In in zuina a rei tawh em..? " Mimiin thingpui thlit paha a tih chuan Dawhkama Joke a tui awm  chu thli in ka inkhawlh khawlha "kan inngaizawng lo hrim hrim " ka ti a "ka awih lo e...." ati fan raiha 

"Ani lawm ka chhungten bialpa nei angin min ngaia an haw thlak hunah kan inṭhen ka ti leh mai ang" ka tih chuan a nui ruh ruh a "ahh inṭhen kher lo ula in in hmeh ka lo ti lutuk ..a chhelo sia a fel hmel bawk si  a tlawmngaih hmel hmani chaw kan ei khawm pawh khan bel lian deuh deuh kha a man a sil vek" atia a fak hluak hluaka ka lo nuih liam mai thung.

Kan dawr bungrua  ṭhen khat chu kan ti ral hlawma ka nu leh pa te an la châm ve renga 'dawr thar kan hawn hma chu kan haw thla dawnlo' an ti ve deuh ngar ngar a. Tlai khat Travisa chaw ei turin ka nu in a sawma a ṭullo ka ti viau nâ in ka nu chuan a sawm lui ta tho va .

"Kha Mama ei ṭeuh rawh aw.." tiin ka nu chuan chawhmeh te chu Travisa thlengah a suah sak ṭun tawha ani la in engmah a sawi ṭha ngam bawk si lo zâ vak lo chung hian a ṭhen a ṭhena ka lo nuih leh tet tet  ṭhin .Ka pa leh ka nu chuan 'Mama' tiin an ko maia a 'eih '  ve lauh lauh zel .Ka pa bîk hian a be tam lutuk lova a be chhe hran chuanglo a biak khât  chhan ka hrechiang viau thung  ka nu nen chuan an titi thei phiana rin ai puitling zawkte chhawm chheih dan a hre phian leh nghala ka nu nena an han titi tak tak phei hi chu hmuhnawm tham a tling ṭhin ka nu hian a ngaina reuh mai bawk si a Travisa te in lamah lên a rawt a rawt tawh leh nghal 

"nu..a mak thei chung chung tikhan hetah alo leng mai dawn alawm an in lamah kal a ngai hranpa ami...?" ka tih chuan " ngai hranpa e..a chhungte pawh kan hmu ve ang chu" ati mai zela , Travisa chhungte hian kan in zui angin an la hrelo maithei a kan va lên ringawt chuan an hrilh a hai lutuka anga an hawi lil lel ang tih te pawh a hlauhawm alawm.

Kan dawr bungrua kan ti ri ral zo tawh bawka tiin thingpui dawr lam chu kan ti ṭana ka pa in dawhkân leh chair te rawnghnawih ṭhat ngai te a awm chuan a tum tur thu a sawia hnial ve eng ang mah ila alo order diam tawha  ka nu pawn "ni e ..i dawr hmasa zawkah engmah kan tihsak i duh tawh lo a hei chu kan tihsak ve ang che pui deuhin kan siam ang chu le" tiin a nui zui ruh ruh a ka pa pawn alo thlawp hmel khawp mai . Nu leh pa te lakah hi chuan naupang tê reuh te ang mai hi kan la ni in ka hria min naupang chhe chei riau zel.

"Ka nu in...i nu leh pa an hmu ve châka ka nu Hmingin alo sawi vek tawh aniang ..phur tawkin ka nu in 'awi lo leng rawh se ...kan hmu ve châk alawm Mawimawii pawh kan ngai ve tawh" atia engtin nge ni dawn" Travisan phone a min lo biak chuan a sawia anu aw phawi ang kherin a sawi bawk si a nui za insum ṭeuh chungin "ka ni Hmingi chu aw..ava han tawngtam reuh tak" tiin ka nui ta hak a ani pawh a nui kan han nuih dun leh rên râwn hnuah "ka nu te ka lo hrilh ang mahse tlem a inngaizawng ang tak taka awm kan ngai a ..ka tibuai che bawk si a ....a inthlahrun awm " ka ti zui duaha .Ka inthlahrung tak tak a mipa zahawm ve tak hmelṭha leh Palian ve tak ani bawk sia duh duh dana han tirh kual chu ahh..nuihzathlak lamah pawh a kal alawm 

"Tlai ah kan leng dawn mi" alo ti khauh a "khawi ah " ka lo ti thuai "ka hrechuang nâng " ati leh a leh lâwi si chuan "len ve hrim hrim chu inngaizawngte tih dan alawm ka lo lam dawn che u nia " zangkhai taka atih chuan hnial lem lo in ka aw ve maia . A bula awm hi a hahdam thlak a sawitur hre em em lo mahse  thu a sawi ve ṭeuh hian a amah a anglo letling zawk ṭhin.

Ka duh ka ti thei lova mahse ka hne miah lo thung .

Tlai dar 3 velah kan nufa chuan min lo lam ta ngeia ka nu alo phul leh hluta ka pa  pawn alo be ve teh miala ....alo in chei smart zarh maia hmuhnawm tham chu ani ve thlawt ka bialpa lem lem a ka lo thlang chu a tih chi ang reng midang chu nise lungmuang tak pawhin ka lenpui theih ka ringlo. "Tlai ah chaw in ei chhuak nghal dawn em ni" ka pa in alo tih chuan Travisa ka en vut a "aw....ka va  ei chhuah  pui teh ang" tiin a nui vur vura ka pa pawh chu engmah sawi zawm lem lovin a bu ve nghat a .Ka nu bawk chuan "engtik ah maw kan lo lên ang chawlhni hi chhungkaw kima kan awm theih ni te ania lo leng ila a tih chi ang chu tiraw"  ati a .

Travisa chuan "aw ka nu te pawn an hmuchâk che u a Mawimawii pawh an ngai viau in ka hria" ati a ka nu chu a nui zui ver ver a ka rin ai hepa hian lem a chan thiam daih . "Kan kal dawn mi a tlai hma in" ka tih chuan a tho nghal vuta "nih kan va kal a nge "tiin ka nu leh pa chu a hrilh vel thlapa.

A hawihhawm ṭhin lutuk te ai a upa zah nachang a hria te hi a fel ka ti.

"Lem ivan chang thiam êm êm" motor kawngkhar hawn paha ka tih chuan a kiai sul duh chauha . Nui deuh reuh nui duh chiah si lo hmel a pu  .Kan tlan chhuah chuan Bawihtein "anu kan dine out dawn maw" alo ti reuha Tunlai ah hi chuan 'hmun dangah chaw kan ei chhuak dawn ti lo in Dine out kan ti kher tawh ṭhina alo hre ve ni âwm  tak ani Travisa nen chuan kan in melh zawka kan nui ta ringawta "aw..mBawihte  kan Dine out dawn enge i ei châk" ka tih chuan "bawngsa" ati a . Ka bula ṭhu chu alo nui huka .Naupang tê si hian Bawngsa a duh a min chhun ve na lai tak ani . "Kan ei ṭeuh ang" Travisa chuan ati a Mawimawii biangah a piai pah zeuh bawka .

Chhungkua neih ve a châkawm ṭhin mahse mipa hi ka ring leh thei tawh kher a ngem ka hrelo le Hun in ala hril ang chu .

Ala hma ang reng êm avangin Bazar velah chuan kan kal kawi mai mai a Travis an Bawihtei a pawm a.."pawm duh suh a lian tawh" ka tih pawh chuan a pawmpui ta tho a kan pathum chuan kan nui leh hak hak ṭhina . Ka zep lo Travisa bula awm hi a hahdam thlak tak zet mahse ṭhian ah bak hian tawp ka duh lo thung .

Dawr  pakhat kawt   kawngpui ah chuan mipui an lo awm deuh laih laiha an lo in Arm Wrestling anih hmel kan va en ve a ...an chak hmel hlawm mai si a , a cher zawk a chak ka rin loh laiin a sek ṭha zawk chuan a hneh miah lo a mahse a hneh kut kan lo beng dar dara  Host tupa "chuan tunge lo ti leh duh le Arm Wrestling a chak chuan Tshirt pahnih an dawng dawn ania Come on" tiin Mic ah chuan a au lauh lauha.

kei chuan Travisa ban chu la kangin ka phar tira phawk deuh a min en chuan "va ti ve rawh" ka ti a "aho e" ati duh lek chauha Host pakhan min lo hmuh loh ka hlaua "he lam ah..." tiin ka ban pahnih chu pharin ka vei  a Travisa ka kawk pah bawk .Host pa in min lo hmuh chuan "aw..hei la a tum pui tur kan hmu ta "ati a miho chu kut an lo beng dar dara a peih vak lo hmel chu ka lo nuih ruh ruh a ka nam phei rawk rawka inring lo deuhin a chhuak phei a .

Bawihtei nen kan lo nuih dun kar kar a han in kut el chiah chu kan au tuar tuar a ka lo ṭang lutuk chuan ka bula mi te ka lo su leh dawrh ṭhina . Bawihtei pawhin "Mama .." tiin a au a Mama ati a ka nu leh pa te tihdan in a ko a ka khap ve nângin Travis an aho tih tlat avangin MaMa tih hlirin a ko.

Travisa chu a chaka Bawihtei nen kan lo bye bye vel lai chu Host pa khan min lo hmu aniang "a nupui leh  a fanu pawh kha lo chhuak che a lawmman hi lo dawn pui se la " atih chuan ka ip deuh chawih thei nupui te han tih . Bawihtei chuan "nu keimah ni kal ang" ati a . Travisa ka en chuan kut alo hui zeuha zâm ru tak chungin kan va chhuak a mipui an tam ang reng si a thla la tu pawh an tam mai.

"Nupui supporter ṭha lutuk neih chu a nuam viau lo maw" tiin Host pa khan ati a Travisa chuan "nuam dang dai tak ani a hmelṭha tel bawk sia " tiin Zangkhai takin a chhanga mipui ho chu an lo au dur dura zah luat ah ka sa pap pap thei .

"ava nuam dawn ve aw chu..anih ṭhiannu i pasal hi a bawn iti viau lo maw" tiin ka hmui zawnah mic chu alo daha Travisa ka melh zawka a nui vur vur a min nuih tih ka hrethei "ahh..nuam e..oh bawn eee bawn tawp" ka ti nawi deuh niah a Bawihtei zatawkin a nui tuar tuar a Mipui ho pawh an lo nui dar dar a kut beng ri nen a ri deuh nawk nawk ani ber ka zak viau tih a hria aniang Travisa chuan ka dar ah a kut pahniha min vuanin min kal sawn pui a .

"Ka zah zia kha" ka ti nghal khawla "ka hria lawm Tomato ang mai alawm i biang pawh" atih chuan ka biang ka khawih nghal vata Bawihtein "anu i biang a sen vek ania" nui ver ver chunga tih chuan "ahh..a awih awm loh em mai ah thosi in min seh lawm" ka ti a Travisa leh Bawihtei chu in la hriatthiam hmeltawkin an in melh ralha an nui ruh ruh a . Bawihtei hian Travisa a ngaina tih chu ka hria a kum a kum dawn lai an in hre ve tawh miau a .

Kan vah fe hnu ah Dawr changkang deuh ah Travisa chuan min kal pui a kan zanriah ei na tur anih mai hmel e . "Hetah lo ding lawk ru aw...table ka hauh sa a ka va zawt lawk kan ṭhianpa te dawr ania" ati a lu ka buk nghat hnu ah min kalsana Bawihtei nen a ngawi renga Travisa kan lo nghah lai chuan mi tu emaw hian ka ban rek ah vuanin min her nawka ham haih taka ka mi hmuh ka melh lai chuan Travisan min lo ko a .

"Zopar in be lawk ang" tiin ka hma a ding mek  chuan ati a Travisa alo phei chuan "buaina  awm em" chang khel khawl hian ati a kei ni lovin ka hma a ding chu a melh thung a mit meng thip zet chuan Tima min vawnna chu a en a Tima chuan "tunge inih"

a ti a an pahnih chuan ka melh dun zak zak a an meng no hran lo an mit meng a rum ve ve chuan tu nui hma sa sa tih ni âwm hrimin an in melh chiang.

Cont-