JUST HIM S2 CP-10
JUST HIM S2 CP-10
BY:APHRODITE whatsApp group
"Nu ka pa hian Tima nena inrem leh a ti leh tak tak a nge aw... " tiin ka nu laphiar lai melh ralh pah Chuan ka ti a "I pa te chu... I hriat kha Tima chu sualna êm êm pawh a nei lo ani lawm ni.. Mahse keipawh tunah thawt thawt inrem chu pawm biklo" ka nu Chuan a ti sap sapa ka nu berin min thlawp chuan ka pa Chuan min tih lui vak bik ka ringlo "mahse ipa luh lul zia chu i hriatkha Tima nena in in neih pawh ipa te remruat vek ania a ṭullo lutuka " ati leh charh charha "a hma khan i hnial ve lo mi..." ka tih chuan "hnial ang chu....mahse a tih tawh chu ti tlat zel ania kan hriat dun kha hnial hnialin awmzia a nei dawn chuanglo tiin nangmah pawh hrilh tawh chuang lo che khan puitling ho in ro kan rel kha ania" ati a thawk ka lo la halh ringawt tawh
Retheih hremiah lo a ṭhanglian chho ka ni a ...mahse ka nun hahthlak ve lutuk hi chu ṭawngkam mawilo ni lo se sum hian hlimna min thlen lo tih hrechiang ber pawl chu ka ni ngei ang .
Dar 1 velah kan chhungin Travisa te inah chuan kan va lang a...ka ni Hmingi te in chu haw lamah kan peng kawi tawh mai a ni ang chu . "Nu hei Zopari te an lo kal..." tiin an nula senior a hming ka theihnghilh kha khan alo ti a. "Pi lo ṭhu ru ....anu chu Inchungah pangpar a rem a" tiin alo be sawk sawka ka nu bengverh zawng tak ani bawka ka nu chuan "nakin ah ka lo en ve chhin ang aw.." tiin a hrilha .
"tehreng mai pangpar i lâwm ve ani maw" ti a nui var var chungchuan an titi chhunzawm chu ani mai . Travisa inchung aṭang a alo chhuk chuan alo nui ve suk suk a , a lai deuh nge a awm dan chu a khawr ṭût nia . "Zopar in lo thleng maw" tiin Travisa nu chu alo au thla lang lang a
ka nu leh pa chuan an lo en duh khawp mai ."Aw...thleng deuh chiah e" tiin ka sawi ve maia ka nu te nen chuan an in chibai a .
"Khawnge Travisa pa hi" ka nu chuan ati a "alo haw ṭep ang...an thawhpui pa boralna ah a kal a " tiin Travisa nu chuan alo chhang nghala hmeichhe pakhatin thingpui alo sem chuan ka lo la vata ka nu leh Travisa nu chu an titi mial mial a Pangpar chungchang an sawia an nui leh ruh ruh ṭhina .
Ka pa chu ka melh leh ralh ṭhin a khat tawkin alo ṭawng tih mai loh chu han sawi tur a awm lo ve bawk êm ani.
Travisa chu ka bulah alo ṭhu thla a Mawimawiin a kut alo ban nghal vut bawka ."Mama...ka sam hi a nalh em anu min phiar ania" ati siam siam a Ka bula ṭhu pa la chuan "nalh ve reuh kha....sakhi i ang reuh lutuk " tiin a lo chhanga ala nui lek lek zui naupang lawm ava han zei lo tak a nak ah na lo tê in ka lo nghawk zeuha "sakhi cute deuh i ang atih na nih kha Mama hi chu ah ...mi a fak thiam lo em mai" tiin Bawihtei chu ka mal chungah ka ṭhu tira ."Tak tak ah Mawimawi i inhmeh ka ti bawn tawp" tiin an han in high five a .
Bawihtei pawh anui leh var var tawh naupang han chheih vel a zeilo teh lul nen hian ka fanu la hian a ngai ve reuh zêk zela. "Kha...in va zahawm ve" tiin Travisa pa chu inchhungah alo lut a .
Ka nu chuan "zahawm teh nang...hei kan lo tibuai maithei che u" tiin a nui a Travisa pa chuan "buai lo ve khawmaw han in chibai ila" tiin ka nu leh pa chu alo chibai a .
Ka pa chuan phawk deuh fe Travisa pa melh chungchuang "ka hriat hnu ivan ang ee.."ati fân deuh raih a . Travisa pa pawh chu han ding rem sauh sauhin an han in en rên râwn a "Class 10 Misual" tiin an in kawk tawna midang ho chu kan lo ka ho ringawt. An pahnih chuan nui huah huahin an in kuaha "in in hria em ni" ti a Travisa a nu in alo zawh chuan "high school ka kal laia min hruai sualtu anih hi" tiin Travisa Pa chuan ati a .
"A awihawm loh loh nangmah alawm min hruai sual min tlanbo pui ṭhin tu inih kha" tiin ka pa chu alo pha nasa maia . Travisa nen kan in melh ralha mak kan ti tih ka hmelah sawi kher ngai lo in a hriat awm e .
Sitting room ah an titi chhun zawma ka pa leh Travisa pa pawh sawi tur atam an ti deuh aniang an ṭawng ring dun khawp mai
"Engtin nge ni zel ..hei fanu ila nei hmelṭha êm êm leh nghala anu a chhûn ani maw" tiin Travisa pa chuan ka pa chu a zawta
"keite chu....ani zaih mai reng asin" tiin an han nui dun leh riha nichin a kan boruak ai ngawt chuan boruak pawh a zangkai vah mai. "Ipa leh ka pa an inhria hi a Movie e" Travisa bulah chuan ka ti thlawta a mak ve bawk êm ani . "Keipawh...ka pa album hlui ah a an ṭhianho a thlalak a tam mai...i pa pawh a awm ve ang" alo tih chuan ka en ve chak tlata en tur chuan Inchungah kan in zui chho a Bawihte api bulah a awm deuh chawt a ka hruai chho buai duh lem lo.
Travisa room chu mipa tih takah rawngthim deuh vek ahmanga ka hmuh tirh vel a ...amah nen kha chuan a inrem khawp mai khumah chuan ka ṭhu a .A pa te roomah a phei nge a chhual leh a reilo te hnu ah alo lut leh a "hei" tih pahin album hlui ve tawh deuh hi min pe a "ka pa chu a sir ami hi ania heihi i pa aniang" tiin alo kawka . Ka pa chu ani chiang e ka nui haka.
"An san sual ve hmeltak" nui ruh ruh chunga ka tih chuan "ka pa in a sawi ṭhin alawm ....school tlan bo an hrat thei lutuk" atia ani pawh a nui ve tho. Tuna ka pa zia nen phei hi chuan a inhmeh lo ka tiin awih a har let ling zawk. Thlalak chu ka keu zela Ka pa leh Travisa pa te inkar ah chuan hmeichhe pakhat ding hi a awma ..chhelo ti a an lakpui ve ngei anih hmel ka en vang vanga "Ka ni ṭhiannu anih kha" alo tih chuan "ani maw" tiin a ai chiang chuan ka en leh ngata . "Ava hmelṭha ve" tiin ka phun sepa
"an hunlai kha chuan hmelṭha ve e" ati a nui sang pahin ka keu zela atawpah
Ka pa te ṭhianho leh Tima pa ang deuh pawh ka hmu mahse ka chianglo lui a an kal lai thlalak hi ani a ....an nui sanga silai an keng veka tarmit lian puipui an vuah ṭheuh bawka an hunlai na na na kha chuan an luck ve thei viau in ka ring.
Ka en zawh chuan nui var var chungin ka pe a "an luck ve ngawt ang tiraw" ka tih chuan lu a bu nghat a .In be lo va ngawi renga kan ṭhut chuan "Zopar" alo ti sapa a lam hawi zawnga "umm" ka tih chuan "ka ngaihtuah reng zel che" ati a . Ka thin phu a rang ringawt nia ."Maw" tiin ka chhanga a thusawi kha hrechiang viau mah ila....
ka zawt tho "ahhh..ka ngaihtuah zeuh zeuh che" tiin a ding hluaia ka en chho ha a .
A khabe tuai neuh neuh chung chuan "ka Duh che in ka hria" ati a . Ka lo melh tlawk tlawk thung min ti ham haih lutuk a han chhân mai dan tur pawh ka hrelo ka ang hman zuai tih ah
"min chhang kher suh...keima rilru ania i chhâna ka phut lo" tiin a sawi a ka chip leh riha .Muang chang chuan ka dinga "anih ka chhang lo mai ang che....chhuk ang Mama" nui za aw lek lek a ka tih chuan mak ti deuh hmel a pu a mahse a insiam ṭha leh chuan kiai suk pah chuan "chhuk ila" ati ṭha ve leh maia .
A thusawi in min ṭhawng lutuk a mahse a beng sen ṭawn ṭawn ka hmuh khan a zak tih ka hria a ...engmah sawi tawh lem lo in kan chhuk kha ania . Hepa tê hian min lo duh ru tak tak ami le . Tiin khuma ka mut lai chuan ka in ngaihtuaha a thusawi ka ngaihtuah let a ka mur chhuak vek thei nia.
Zoremi Whatsapp ah vawiin thil thleng vel ka hrilh chuan min lo call nghala ka lak rual rualin alo phul hluta
'a duh che ka tih reng kha ....ni daih tak tak ru' tih ang vel te alo sawi luama ahma daih tawh aṭanga min duhpui tawh anih vang hrim hrim hian Travisa hi chu a sawi chhe phallo hrim hrim a . Mahse nula ang maia bialpa han neih leh vel chu ka duh chiah lo
ka duh chiah lo pawh ni lo in ka duh lo.
Kar thum vel lai ka nu te an châm hnu chuan dawr bungrua tur pawh kan kâwi kim tawha. Ka ṭhiante an ṭangkaiin kawng engkimah min pui ṭhina an ni hi ka tawng lo ang tih ka hlau takzet ani. Dawr kan hawn ni pawh chuan an vaiin min lo ṭawi awm leh thlapa an hman viau ṭhin hi chu ka lunglen loh na ani ve tlata an ṭha hlawm thei ania . Ka nu te an haw thlak hma in chaw kan ei khawma ka nu pawhin ka ṭhiante ho chu a nel hman khawp mai ka pa in Tima nena kan chungchang engmah ala sawi leh lo a , amah Timothya pawh ka hmu leh tawhlo a haw thla tawh aniang ka ngaihsak hawr duh lo nângin ngaihtuah loh chu a har viau tho.
"U Zopar Table 4 na ami sâwn a ko che a " tiin Rinsiami Countera ka ṭhu chu min lo ko a Rinsiami hi ka chhawr leh ta tho a alo thawk duh tlata an rethei lo tih ka hretho bawk si a amak ve reuh ania
Table 4 a ka va phei chuan Travisa alo ni a ka rin lawk tho ania . "eng nge i ei chak ka lo khilai ang che" tih pahin kan Menu chu a bulah ka dah hnaia nui var vara ka en chuan alo kiai suka. Hmani an ina chaw kan ei ṭuma a thu min hrilh kha chu ka haider a min hrilh leh tawh miah lo bawk a leh lamah ka lawm zawk .
"Ei châk êm êm pawh ka neilo Kawlan nupui a ru a " atih chuak ka nui chhuak huka "iti tak tak em" ka tih chuan lu a bu nghat a "ava zialo" ti a ka sawi leh chuan ani pawh anui chhuak ta nge nge nuih a insum khan ka hre reng ani. "Khawi lam lanu nge" ti a ka zawh leh chuan "an ṭhenawm ami mawle" tih pahin tui a in a .
"Chu..an va in man chhuak rang dawn ve" ka lo tih chuan lu a thing vuta "tuman an la hrelo kan huanah awm rih mai turin ka ti " atia anui miah lo chu mak ti deuhin ka lo en ho ringawt "Kawla chu ....tlangval hlen a tum tum nen tinge nupui te a ruk tak mai" tiin ri meuhin ka nui a "an inkawp rei ve tawh lawm an nghak thei tawh lo niang " ti a awmze nei deuha min melh chuan hmun dang ka melh nghal vuta . Chiang taka min melh hi chuan ka zâm riau zel ...
"Han nghak hrâm se...Biakin hawnga in neih aṭha sin mawle" ka tih chuan min thlawp thu a sawi ve luama . Rinsiami bawkin eitur min lo pek hnu ah titi pahin kan ei a .... a bula awm a han titi vel hi ka ning lo a ......nitin hian ka ngaina telh telh mai in ka hria chu chu ka inhre thei mahse...a theih loh tih chu keimah vêk hian ka chiang.
"I kal mai dawn mi" tiin kawngkhar bul thleng chu ka thlaha "kal nghal mai ang....."a tih takah chuan kan in vei liama.
" in inhmeh ka ti innei daih ru" Counter a ka ṭhut pah chuan Rinsiamin nui var var chunghian a ti a "theih ringawt hleinem in ngaihzawn ve phawt a ngai alawm" ka tih chuan "in in ngaizawng reng law'm ni" tiin ka bulah chuan a lo tawlh phei sat sat a
"Ngaizawng mai mai lo " ka lo ti vata awih loh hmel deuh chuan "ka awih lo e...... In ngaizawng ang chiahin in awm bawksia hetah chhunah thil alo ei ziah leh nghal " ti a a sawi leh chuan "khaw maw.... ahh... Mawimawii te an lo la phei lo ami " tiin ka zawt ta daiha.
"Nichin khan Momo a ei chaka Mimii nen an lo in zui lut a....Asian chicks-a nen khan in titi tui bawk sia i hrelo anih kha kan lo nuih tet tet che u lawm" uar fahran hian a ti a. "Asian chicks a! " ti a ka zawh chuan
"Aw... I hrelo mi Got a sweet Asian chicks " tiin a sa vel luama ka lo nuih ringawt tawh. Kan thingpui dawr chu rin ai takin kan hlawk pui zawka a hmasa ai thlawt chuan Customer pawh kan ngah deuh zawk.
Fur lai tih takah khawchin a sawi lawk theih tak tak lo a, chhun lamah ni a sa vura chawhnu lam ah a dur leh ang khup khupa.... Zanah phei chuan chawl lo in a sur tih theih tur ani.
Zing ka tho chu ka pa mai bakah Zoremi re ka ni te ho Missed call alo awm nuala Zing Dar 1 leh Dar 2 inkar vel ami ala ni vek zuia ngaihṭhat lohna ka nei nghal ringawta ka pa callback ka tum lai tak chuan ka ni Hmingin min lo call a
"Zopar... Mate i nu nizanah ICU ah an dah lut a " alo tih chuan hlauhna in min ṭham nghala "enge awmzia engti zia nge" tiin ka chhang thei ṭawka "bathroom ah a tlu sual ani awm e a lu a sawhna deuha Mawimawii nen lo insiam ula kan lo lam phei ang che u kan chhuk thlak nghal loh chuan a ngaihtuah awm deuh ani âwm e ipa in min lo call char char tawh mai si a...a hlauthawng leh viau tawh anf" atih chuan ka thinphu a rang a ka nu ka ngaihtuah zuia ka bek a lum thla pap mai.
Chhang tawh lem lo chuan che chang lo in ka ding renga thil eng eng emaw ka rilru ah alo lang a Bawihtein ka kut a min lo vawn chuan ka harhchhuak zuka.
"Bawihte Aizawl ah kan chhuk thlak nghal angai a u Mimii zuk ko la lo insiam ru aw" tiin inhnuai ah chuan ka kai thlaa Mimii bulah chanchin ka hrilh chuan ani pawh a mangang ve khawp mai.
Ka rilru a mang vek a.. Ka nu ka ngaihtuah takzet bawk ka pa hlauhthawn turzia thlenga ka ngaihtuah phei chuan ka hah vek thei. Inchungah chho in inbual turin Bathroom ah ka lut a.... ka nu lo chuan engdang mahin ka rilru an luah theilo.
Ka inbual zo chu Zoremi ka call nghala
"Zorem engtin nge ka nu chu a awm" ti in ka zawt nghala ka thawmhnaw eng eng emaw ka khung pah mawlh mawlh bawk
"hlauthawng lo la hei Doctor ten a luruh a sawh deuh an tia i pa te ho nen Damdawiin ah kan awm vek ania..... ICU ah an dah riha a ṭha ve leh mai ang ka haw phei zawk dawna chaw ka ei khamah ka phei leh ang " tiin min hnem zung zunga.
Ka ni Hmingi te an lo thlen chuan kan in peih ani maia Jordanan Motor a khalha ka pa Zuia erawh chu hna ah an buai deuh avangin min zui ve talo. Dawr kan hawng lo va Rinsiami bulah ka eisiam tupa Pa Hruaitea alo be mai dawn anih hmel
Aizawl kan thlen chuan kan in ah pawh peng kawi lo vin Durtlang Hospital lamah kan chho tlang nghala ka pa hmel ka hmuh chuan ngui hmel a pu lem lo a mahse a chau tih ka hre thei . Ka pa in ka hmel a hmuh chuan "Mate... In lo thlenga" tiin ka lamah chuan alo kala "chaw te i ei tawh em.... " tiin ka lo zawt let nghala
"Ei tawh e nichin deuh lawk khan " tiin min chhanga "engtin nge a tluk sual theiha "
......"a rap sual a nih hmel a ri dawt a ka tho nghala a tir chuan a na ati vak lo a mahse alu kha alo thi a chuan kan driver ka call nghala..... an veng a hla deuh bawk nen ini te ka call nghala an ni an lo phei a ka ke a ala dam chiang si lo va Motor khalh thei ka ni bawk si lo
Kan kal phei a Doctor te khan an lo ngai serious deuha chuan a lu ruh a sawhkhi teuh hle an tia " a sawi zawh chuan a phi li buai dan tur ka hria a ka lainat khawp mai. Doctor ten a ṭhat leh vat tur thu te an sawia keini pawh kan in lamah kan in khalh phei a.... Ka pa kan hruai haw a ka nu tei te leh ka pu te ho Damdawiin ah an lo awm thung. "Ni te ... Keichu tihian ka inbual anga Dawmdawiin ah ka kal leh nghal mai dawn sin" ti a ka ni Hmingi ka hrilh chuan rem alo ti ve maia Mawimawii chu inah lo awm Mai se a pawilo zawk.
Ka intih fai zawhah Damdawiin lam pan turin ka chhuaka ka pa chu tlai lamah lo zinglamah lo kal mai turin ka hrilha keiman riahpui mai ka tum bawk . Taxi châng chuan Pawnah ka va chhuaka avang hrep mai leh nghal Timan min lo call ka hmuh chuan ka la ve maia "I nu damdawiin ah ka tlawh dawna ilo kal ve nghal duh em" alo tih chuan ka hreh deuh a.....ka ngawih vang vang hnu chuan "Taxi ka chang mek lo han kal rawh" ka ti a "kha ka hmu che lawm...lo kal rawh ding lamah" atia phone a dah leh hmak a...hman ang bawkin a thusawi a sawi zawh hnu ah adah leh hmak hmak ṭhin anih hmel.
A sawi angin dinglam chu ka hawi nghal vuta a bike nen alo awm rân a zana bike a han chuan chu ava vawt duh dawn ve ti rilru neuh neuh chunga ka inngaihtuah chuan ka bulah alo ding riai riai a sit hnunglam ben thak thak pah chuan min lo melh ralha "i rualin ka kal dawn teuhlo min lo enthla mi a" ka ti kha kha a...."enthla mai mai lo i pa in min hrilha chuan ka lo kal i nu tlawh ka tum lai tak ani bawk nen" atih chuan ka awih lo kher mai..mahse ka pa nen chuan an inbiak reng tho chu ka ring.
Phur fahran lo chuan ka lâwn kai tharha
Kum li dawn hnu ah kan in phur chhuar leh chu ania...
inbe miah lovin Durtlang Hospital kan thleng a ka chhuk thla ka kalsan hmawk hmawka a hmel hmuh hi ka peih lo.
Ka nu chu Cabin ah an lo sawn tawha ka nutei te ho chu haw phei tumin an insiam a Tima nena kan va lang deuh hlawl chu mak ti hmel an pu deuh ka pi (ka nu nu) chuan "Tima chu iva fel ve" tiin alo be luama ka chhungte leh Tima chhungte hi chuan kan inrem hi an duh vek ka ring mahse...kan pahnih hi kan pawimawh bera ka duh lo chung chu inhruai leh a theih ngawt bik lo ang. "Nute....engtin nge Doctor ten an tih " ti a ka nute Adami ka zawh chuan a ṭhat thu leh a lu na azia deuh hunah kan chhuah theih mai tur thu min hrilha thawk khat chu a veng ta deuh.
Midang ho an haw vek hnu ah Tima kei leh ka nu deuh tlawng chu Cabin ah kan awma inhe miah lo a han awm chu ati deuh aniang "i dam maw" atia ka va melh zawka min en ve lem lo thung "dam chu nih hi.."
tiin ka chhanga a nui risuk ka hriat chuan
"nuihzathlak a awm ami" ka ti a lu thing na na chung chuan "i dam chiang em a " ati a.
Ka lo melh ralha ka chhang tawh lem lo mi han chheih kual vel hi chu a thiam zawng tak alawm "i bialpa thar chu enge in ni tluang zel maw" atih chuan rang fahran hian "tluang e...kan la ni zel bawk ang .." ka tih chuan ka thusawi dan chu a naupang chhia deuh ati nge a kiai suk a min chhang tawh lem lo.
Darkar 1 vel in be lova kan phone ve ve kan khawih hnu chuan "engtik ah nge i haw dawn" ka ti ta thlawta ...a awm ve reng na chhan tur ka hre tlatlo "aw.....ka pizawn ka riahpui dawn..i pa in a ti lawm" mit ko san ak a tih chuan "ka pa puh ve ziah suh" ka lo ti bak hlara . Ka pa nen inpawh viau pawh nise hetia alo huangtau vak hi ka duh teh chiam lo ka nu chuan zawi te hian "in sum in sum ru" alo ti a anui deuh bawkin ka hria "nu ...na te ila nei em" tiin ka lo zawt vara
lu a thing maia ka nu chu eng eng emaw ka zawt mawlh mawlha ala chau deuh aniang min chhang ṭha meuh lo
"bia bia mah ta che ...ala chau anih kha" kan sir lama ṭhu pa chuan alo ti a .
"Awiii....nu Awke hram kha i hria em" tiin ka nu chu ka be leh hrama ka nu lah chuan lu alo thinga "Zoparmawi" pahkatin alo tih leh chuan "kha ...a hram leh tawh a bengchheng reuh sia" ka ti a ka sawi zawng chuan ka nu chuan alo hrethiam tawh ani ang mit meiin min lo khak a mahse ngatan mah ka ti lem lo.
"Ahh..ila awm ve law" tiin sir lam hawi chuan nuih pah sangin ka ti a min melh dur khui khui tawh . Thingpui lum turin ka tho a Tima bula ka phone dah chu alo eng alo enga mi in min lo call anih hmel
phone ka va lak lai chuan min melh lovin a phone ngawt chu a en a ka melh rei duh ṭhak biklo. Travisan min lo call a "Aw...Travis" ka tih chuan ṭhu pa chu alo hawi rang khawp mai . "Aw....hei ka nu pawh a ṭha keipawh ka ṭha e...kan lo haw har lo ang" tih vela phone ami ka biak pah chuan ka thingpui chhuana lamah ka pheia."In chhuk deuh thut sia....ka lo hre lawk lova u Sawmin min hrilha" atih chuan ka la hrilh lo tak tih ka hrechhuaka ka inthiam lo ang reng hle .
"kan phili buai lutuk a....ka lo hrilh hman lo che nih kha.." tiin ka chhanga . Ka piaha ṭhu chu ka melh leh ṭhina a phone ngawt chu ala bih .Travisa nena kan inbiak zawh dawn chuan la bia ang deuh chuan ka la awm a
"umm..aw..ilo chhuk dawnah kan in be leh dawn nia " tiin phone chu ka daha .Thingpui no ken pah chuan Tima chu ka va pe phei a "a ngai tawh che nimaw" atih chuan ka lo nui haka "ngai ve bawk ang chu...." tia ka chhang chu a lawm nge a lawmlo pawh ka hrelo a mit ti zim san hian "ka va awih chiah lo e" ati a "awi...enge i awih loh ringawt" ka lo ti vara
"dawt i sawi deuh chuan i aw ki i san ziaha" atia a inrin tawk hmel em em leh nghal.
"Ka aw ki ka san lai pawh ka hrelo thingpui kha in zo la mmhaw phei tawh rawh...a tlai dawn" ka tih chuan min hnial tawh lem lo.
Tima a haw chuan tlemin a reh ve deuh ruih a ..ka nu a muhil leh tawk bawk si a Mimii ka calla Bawihtei chu a lo muhil fel der tawh anih hmel. Ṭhu thlengah chuan ka mu a phone ka en pah mai mai a...
Timan Status alo up ka hmuh chuan ka lo en vat a Status a nei khat êm a tuna mi hi kan inbiak leh aṭanga a neih hmasak ber ani hial âwm e.
'Little moment Big Memories' tih hi a hmanga ngaihtuahna a kal bing duh reuh khawp mai . A status ka en mai mai lai chuan min lo message zuia 'i nu chu a muhil tawh ami' alo ti a 'umm ..muhil tawh' tiin ka chhang ṭha ve maia. Tuna taka hepa lo in lan leh chhan hi ka hrethiam lo va
Ka fanu min chhuhsak a tum tih kha ka bengah hian a ri nawn sek mai bawk nen ka hah hlui thei.
Kar khat dawn ka nu Damdawiin a kan riah chhawk hnu ah in lamah kan in enkawl chhun zawma.... a ṭawng duh sawt emaw tih mai tur ani...Mawimawiin chhungkua a ti nui leh dar dar ṭhina Travisa nen kan in be ve renga....kan haw hun tur te min lo zawta Vli te ho in min ngaihthu Group ah an tlangau pui reng bawk nen haw chhoh pawh a chak awm leh tawh. Mahse ka nu hi la awmpui ve rih ka duh a, ka pa la in chhunlamah a chhuahsan a ngai ṭhin bawk si nen ......ka nutei te ho an awm reng thei dawn si lova kan nufa Mawimawii nen tala kan awmpui rih loh chuan tiin kan la awm ve renga.
Mimii leh Bawihtei Bazar ah an kal hlan chuan ka nu nen in kan lo nghaka ...
nu te nge nge an bulah chuan kan lo pangchang thei khawp mai a malah mu in kan titi mai mai a ka chhel a tih zia te min hrilh ve luama . Dar 1 vel ah a mut a chhuah avangin an room ah a luta keimahin Sitting roomah chuan TV ka en a
Door bell lo ri chuan ka tho a kawngkhar ka va hawng chu Timothya alo ni a .
Phur fahran lo hian "lo lut rawh" tih leh inher ka ruala alo in lan leh ta miah lo a vawiin a alo kal chu a.....nidang ai in a inchei a , Ka pa leh Tima te Company vel programme ah khan a kal ve anih kan ring nghal ringawta. Coat suit nen alo ni deuh zara College kan kal ni min lo hruai hmasak ber ni te pawh ka hrechhuak rum rum alawm a helmet lawk ber bur chu a pawm bawka.
"Ka nu chu ...a mu a " tiin be hmasa tu zawkah ka ṭanga lu bu nghatin Sofa ah chuan a ṭhu a "Khawiah nge Mawimawii" ti a min zawh chuan an Bazar thu ka lo hrilh ṭha ve maia tunthleng hian ka fanu hian a pa ani tih ala hrelo chu ani sia .Tima ka en reng lai chuan "enge" alo ti deuh nghuta
ka ke Cross chungmeuh leh khabe dawm meuha ka lo en chu mak min ti deuh ani maithei ani "fanu kum 4 inei chu ani sia" ka tih chuan a nui haka "nui suh..i puitling lo êm mai" ti hlak chungin ka tho va Choka ah pheiin "thingpui i duh ve em" ka tih chuan a duh ve thu min lo hrilh var a .
Thingpui ka chawi phei lai chuan ngun fe hian min en tih ka hmu renga ka hmu lo der tlat thung."Engtik ah nge in chhoh dawn" alo tih chuan "kar leh ah kan chho ang...Travis" tia ka sawi chu "Travis? " ti a minhmul alo san ak chuan "tunge....Travisa chu tunge?" ati a.
"Travisa Lalhruaizela i hriat kha" tiin ka chhanga Tima chu ka en reng a a hmui ti pan hlanga a chip leh vat thung "ka rin ang aiin in in hrethuk a ang hle mai ...i ṭhian nge i kawppui zawk" nel awm lem lo taka atih chuan ka lo sen deuh ap ap thei
"kan inkar chu i hmuh vek tawh kha... ka "
"chu ti chu in ngaizawng in ni maw" elh sen hmel fê a atih chuan "ka ṭhianpa alawm ka pa vangin in ngaizawng anga khawsa kan ni" naupangchhia ang mai in ka sawi zawng chuan ka dang a awk deuh hlek leh nghala engvanga insawi fiah duh tlat nge ka nih ka hrelo "Kan inkar chu ilo ngaihven a ngai lovang" ka ti a Tima chu a ding ngil nghal zawta .
"Ka buaina tur a awmlo mahse Mawimawii hi keiman ka lo en kawl ang chu" tham lo zeta atih chuan ding hluai pahin "engvangin i thei chuang lo ang ka....ka fanu anih hi" ka aw te chu a khur thei hial ani Mawimawii chungchangah kher kher hi chuan he mihring hian thu neihna chhe te mah a neilo . "I Lover nen khan in in nei mai dawn alawm...fa te chu adang pawh i hrin sak ṭeuh thei ang chu" a thu sawi duh dan chuan min run a ...ka thin asa phat phat tawh "mi khawlo ang maia min chhuaj chu le" ka ti fiah faka . Tham lo zeta alo nui te chu ka lo melh tlawk tlawk ani ber.
"ka fanu hi Pahrawn hnenah seilen tir ka duh teuh lo" atih chuan "Min ring tawk lo a mi Timothy" ka aw chu a chuai raiha min ngaihdan khan ka rilru ati na a dawnsawn dan ka thiam mawlh lo ani.
"Rinna chhan tur che ka nei em ni?" alo ti a thawk ka la hak ringawt awih lo lutuk in ka melh a "neii...i nei alawm ka......dawt ka hrilh ngailo che chuan nangzawk hi rinna tur che ka neilo " ka ti a ka sawi zawng pawh chuan ka aw te chu a khur dar dar thei."Chulam chu sawilo teh ang...dawt inbumna i duh duh vuah teh , chutiang vel sawi turin hun ka neilo, nun hlui chu a thi tawh bawk" aw hriam tak hian a ti chang faka. Sawitur ka hrelo lutuk leh ka hamhaih lutuk chu za lo takin ka nui hak ringawt.
"Mawimawii hi i fa ah vawikhat mah i pawm ngai lo tun a taka min chhuhsak i tum hi ka palzam mai mai lo ang aw ....Tim ka ....ka.... a theih loh " ka aw chu a lawi rât a ka mittui tling pam chuan ka khaw hmuh a ti fiah lo a . Sofa ah chuan ka ṭhu thla hnawk a .
Ka bula ding pa chuan engmah a sawi loa ka bianga mittui lo luang chu ka tuai tawka
"kan chungchang hi khawi hmun ah mah sawi chhuah a ngailo kan pahnih inkar anih hi i fanu anih na ah ka hrethiam ang che mahse min laksak chu tumbuai duh suh Court thlengin ka ngam a nia " chang fek fawkin a ka tih chuan ka melh chho deuh ha a . Timothya an hla chhe tak leh a mizia lo inthlak thut chu ka hrethiam lova ka hriaṭhin nen kha chuan danglam tawh tak an ni.
"Midang bulah ka sawi i ring ami ...hmelhriat loh lakah ka mimal nun ka sawipui ngailo" alo tih chuan "anih tinge tuna takah Min chuh pui i tum ....ka tuar hnem tawk tawh iti lo mi ? ...." lawi rât a ka tih chuan Mit ti zim sanin min lo melh chhuk rana "lo inngaihtuah rawh i rilru lo tih nat ka duh vang hrim hrim ani lo ania ka fanu hi pahrawn a hrawn ka duh loh vang mai zawk ani nangchu eng ang pawn awmla ka lo tibuai tawh lo ang che" min tih chuan vih sawk ang velin ka na vawng vawng mai .
Ka nu alo chhuk ang tih mawlh ka hlau ani.
"ka thei lo ang" ka ti chuai raiha ka hma ah lo ṭhinṭhi in ka kut alo vuana ka tha khur nasa lutuk chu ani pawn a hriat ngei ka ring "ka tihpalh ṭap suh" alo ti zawi supa
"ka .....ka....Mawimawii hi chu min laksak thei lo ang ka neihchhun liau liau anih hi" tiin ka hmai hup meuh chuan ka ṭapa.
Ka ṭap ring ngam chuanglo ka bula mi pawh chu awmve lo ang hmakah ka ngai ka rilru ana in ka awmdan chu duh lo hle mah ila Ka fanu ber kher hi chu tuman min chuhpui thei lo ani ka damchhan ka hlimna leh ka khawvel ti mawitu ani a ......"ka tuar hnem tawh tawh iti lo a mi.......? khang hun hreawm zawng zai kha ka paltlang asin ka fanu hian Pa hmangaihna a dawng miah lo tih i hrelo ami...chuan tunah min laksak i tum a" ka thusawi chu a ri chang chang chauh ani.
Ka mittui tla chu a kutin a lo tuai a "Zoparmawi.....lo ngaihtuah ṭha rawh aw! ka fanu ve tho ania....mahse mipa dang bul ah awmtir ka phalloh êm vang chauh anih kha ka sawi...i rilru ka ti na anih chuan tihpalh" ti a athu min hrilh chu a ring lo na in ka hrechuang hle thung. A mit ah chuan ka melh a "fa dang i neih kha" ti a ka sawi chu alo nui chhuak hawka mak tih hmel deuha ka en lai chuan hmui hup meuh a nuia "fa dang nei ila Mawimawii chuh pui che ka tum lui tlat dawn em ni" atih chuan ka hrethiam lo ang reng hle "enge i sawi awmzia...i fa anilo tak tak ami Agensi fa kha" ka tih chuan nur fe in min melh a
"ni lo ta se engtin" atih chuan engtin mah ka chhanglo.
CONT-
Comments
Post a Comment