JUST HIM S2 CP-11
JUST HIM S2 CP-11
BY APHRODITE
"Ani lo tih chu i hre reng" ti a ...a thawh chuan ka en renga dawt a sawilo tih ka hria mahse...ka ngaidam thei chuanglo
"anih chuan tinge apa ti a a koh che" zawhna mit meng a ka tih chuan
"Sawilo teh ang nakin ah ila hre vek mai ang" tih chauhin min chhanga ka duh khawp lo hle thung . Ka hriat ve miah lo hian thil inthup tam tak a awm hi ka ring a hma aṭangin ka ring tawha mahse engtiang a han tih tur nge ka hre mai bawk silo . Thawk ka la halh halha "anih i nu chu ka hmu kawi tawh lo mai ang lo in enkawl ṭha zel ula ka lo bia ang che" atih chuan engmah sawi lo in pawna a chhuak tur chu ka thlira Mimii leh Mawimawii te lo lut tur nen an in tawk chu .
Bawihtein Tima mal a su dawt a ..pawnah a mah zawk chu a ṭhu chhuaka
"awiii...Bawihte" tiin ka va tlan phei a Tima chuan alo kai tho a..."ana em" ti a a kawr vel ka ben thak thak chuan lu alo thing mat mat a "nu heihi ..apa tiraw" ti a min zawh chu hamhaih deuhin Tima chu ka melha Tima lah chuan rangfagran hian
"ni e...tun aṭang chuan pa i nei tawh dawn " ti a nui var var chungin a pawm a inchhungah a luh puia Mimii nen ka ho chungin kan lo en ringawt.
Kan zui lut a Ka nu alo harh chiah bawk nen Timan Bawihtei a pawm chu mak ti hmel a pu deuha mahse a insiam ṭha vat thung "Tima chu ilo leng ani maw" ka nu chuan alo ti phei a "api....hei apa" tiin Mawimawii lah chuan ring fahran hian alo ti a . Ka nu pawn mak ti deuhin a en tu chuan nge maw lo hrilh chu ni .
"Aw..lo kan che ka tuma mahse i muttui ang reng êma " Timan atih chuan nichin lawka kan in hauh kha ka hrechhuaka tunah chuan a mit meng a nungsarh a
an pafa chuan an in anglo ti tu chu an daw duai ang ....ka nu bulah ṭhu pahin an pafa a inchheih chu kan en rauh rauha .
Bawihtein a pa tih a hria a a nel nghal êm êm mai chu ka nu nen pawh mak kan ti a
Vanlalduata la chuti bawk inhmu ngai hleilo an in pawh a an nui bawk bawk chu a hmuhnawm reuh khawp mai .
Ka mittui alo hnam ṭiam ṭiama a tet lai khan tiang hian an chheih ṭhin se chu tih ang reng ka ngaihtuah kuala ka rilru ana thar leh riau tawh."Zanah lo leng la Bawiha....kha i fanu in a ngaih êm che kha"
ka nu in fiamthu ti tak deuha alo tih chuan ka lo melh ralha ka nu thusawi mai mai chu tiin ka ngei ṭhelh ani.
"Ka lo leng ang...ka fanu hian anu ai min ngai anih hi" tih el deuha alo tih chuan ka lo chek tlak tlaka ei loh hmel fê in ka lo melh a ..ani lah chu Mawimawii nen an la in pawm rân a "Mawimawii bawihte tah lo kal rawh anu bulah "ka tih chuan "apa hi ka ngai rih alawm nangchu ..zanah,i bulah ka mu dawn tho a" alo ti reuh a . Tima inti thei hmel chu ka hmuh hmaih lo "kha ...Timtima kha a chau ang " nuiza aw deuh reuh a ka tih chuan "Timtim a hi chu ..a chau theilo ....tiraw" tiin Tima khabe chu a tauh dawta . Ka nu nen kan lo nui hak hak a "Pafa an ni miaua han haw ngawt pawh ni la ..apa a nihna a bo dawn chuang lova hetia an inhmuh hi chu khap bik lo la"
ka nu in zawi tete a min hrilh chuan ka chhang lo
Tima ngei pawh haw viau mah ila a fanu hian a hriat tirh aṭangin a nel nghal êm êm mai si a....ka nu ngaihdan kha ka ngaihdan ni chiah lo mahse ka chhungte hian a fa anih miau avangin ka duh ang ringawt hi chuan an tih ka ringlo tawp.
Zanah Vanlalduata chu a sawi ang tak takin alo lenga ka pa a awm tawh bawk nen sitting room ah chuan kan ṭhu a
Bawihtei lah chuan a pa bul ah ngawt atâp a "kha Mawimawii chuan alo ngai viua che ani maw" ka pa in atih chuan ka lawm vak lo hle....Tima an be ṭha lutuk hi ka ngei hlur zel . "Apu apa sam leh ka sam hi a in ang e...tiraw " Bawihtein hmui hupa chunga atih chuan a duhawm reuh sia ..mahse a thusawi duh ṭhin hi chu naupang tê mah nise kuk fawk ka chak ṭhin. "Aw....i nu leh i pa i chhun kawpa i hmelṭha alawm lo kal teh" tiin ka pa chuan a kut a phara Bawihtei a tlan phei lai chuan Tima chu ka va mit mei zeuha .
Balcony ah ka chhuah thlak puia zan thiang kâk hnuaiah chuan arsi te an lang chiang ang reng hle a veng ṭhen khatin current an nei lo anih hmel a thim deuh ruih a , ruah a sur dawn lo anih te pawh ka ring rum rum tun zan anga zan thiang kâk hi ka hmuh lohna pawh a rei tawh.
"Hetah lo kal reng lo la ka duh" ka tih chuan van lam a melh deuh ngut ngut a
"i hria em ka sawi chu" ti a ka zawh leh chuan "min bia mi" ngeiawm zeta nuih suk pah hian ati a ka lo ner nanga "ihh...Mawimawii hi hmu tam lo la ka duh..ka chhungte ho hi chuan a pa inih na angin hmuh athiang an ti vek dawna mahse keimah hian ka duhlo " sawi te te in ka tia ..ka phun sep sep ani mah zawk .
Mit ti zim deuh san chunga min melh chuan ngun takin ka lo en leh thunga
"Amelia Zoparmawi" atia engmah a sawi chhun zawm lo ka lam a inher pah chuan tlak dalh chu a ngheng deuh ar ar a
"enge" bul ang reng taka ka tih chuan
"i hmuh nawm reuh" ati a ...a thusawi awmzia ka hrethiam lo chuan mitko ka chhin ak "i ngaihawm ve reuh" atia nui ri sukin thlanglam chu a hawi leh ta daiha .
"Heiham..!!!" ka ti halha "huiham" alo tih ve chuan ka mrlh zawka min en ve lemlo.
"Hun harsa pui pui hi chu mihring kan nih chhung chuan tawng tur kan nia ...mahse kum naupang te in pasal ka nei a " ka chawl dat a sawichhun zawm rawh ti niawm takin min melh a "nangpawh ila naupang tho....kan in neih kha chuan thil kan ngaihtuah kim lo a kan awm ang ang khan kan in en liam tawpa ....ka tan chuan thil thar vek ani.Ka la tawn ngai loh inphatsanna te....in zah loh na te dawtsawi leh .....thutiam mahse thutiam tih hming pu zo chiah lo...te kha ka tan chuan thil thar vek an ni.
Ka nu leh pa te thu zawmin ka nei che a nangpawh, diktak chuan maw Tim" ka ngawi rên râwna thawk ka la hmasa te te a "ka ngaidam theih che ka ringlo.......a harsa ka ti hmuh reng che pawh hi a nuamlo i dam leh dam loh pawh khang kum hnih chhungkhan ka hre ve miahlo ka rilru tur min dawn ve em...? chhe te tal pawn khang hun kha ka tan chuan kum hreawm tak ani..hriat reng pawh ka duhlo mahse ka theihnghilh thei si lo " ka mittui a hnaia mahse ka insum a ngai tih ka hria hepa lakah hian mi chaklo tak anga lan ka duhlo .
"Zopar ih maw kha..Mawimawii kan neih dawn ni a damdawiin a kan kal lai kha ila hria em"
pangai deuha alo tih chuan ka en vuta "hria e" .....tia ka sawi chuan lu a bu zeuha
"kha tih laia ka rilru hah zia kha....na i tuar reng bawk sia...nei vat vat la kha ka tia mahse Doctor te lah khan ......neih nghal rum rum chi anilo an ti tlat sia ka thinrim a Doctor pakhat phei kha chu a nghawng ah ka ṭham hman" atia a nui haka .Phawk deuha ka lo en chuan "na i tuar rei tawh lutuk kha hmuh hreawm ka tia" tiin a hmui a pet zeuha ka mit ah tak min melh ve bawk.
"Chuan engtin zel a hnu lamah kha chuan i awm tawhlo ani lawmni" ka aw ah chuan elhsen na a tel deuh maithei . A ṭhen deuh saka "mahse ka hrethiam tawh lawm buaina awm tawhlo hun liam tawh anih kha ....a thi tawh" chhuna a sawi ang chiaha ka tih chuan za vak lo hian a nuia .
Inchhung kan luh chuan Mawimawii leh Api chu an lo in awi muhil leh bâm tawha ka pa chuan Tima hnenah lo leng ziah turin a chah thlapa Tima a kal hnu ah Mawimawii ka nu mal chunga mu chu ka pawm a inchungah ka chhoh puia .
Khumah ka mut tir chuan alo meng deuh siar siara "apa hi lawm ..." tih ang reng a phun a .....apa chu a vei ve hle anih hmel .
Mak tih tham khawpin a pa a nel nghala a nui bawk bawka rei tak in hmu tawhlo hlim taka inhmu in ngai tak te pawh an ang hial alawm mawle . Ka mittui tla chu ka kutin ka tuai faia ka hmai te ka phih fai hnu ah Bawihtei bulah chuan ka mu a .
Zan muthilh theih loh hi tunlai hian ka ching thara rei deuh deuh Youtube ah video en ka hrat riaua "i mu tawh em.." tih Travisa hnen aṭanga ka dawn chuan ka en seen nghala "mu tawh e...mahse ka la hil lo" ka ti a "naktuk ah Aizawlah kan lo chhuk dawn sin"alo ti a . "Ani maw ....enge in tih dawn" tia ka reply lai chuan Ruah a tla leh ṭan der tawh. "Kan Hna vel mawle Project eng eng emaw Conference a awm dawna kal ve loh chuan" atia alo type ve deuh ṭeuha "eee..anih chu...ilo chhuk hunah kan in ah re ilo kal ang chu" tiin ka thawn let ve thuaia . "Nangberin chutia i phal te chuan kan lo leng êm êm ang " tiin emoji nui vak vak a dah tuara Emoji hi a hmang khat sia a thusawi khian a nui ati za viau ani ngei ang keipawh ka nui suk suk thei alawm .
Tukṭhuan ei khamah ka nu in checkup pui turin LRM ah kan phei ka ni in min lo sawm phei ru ati tak na in dawr ngah a ngaih ve tho avangin kan tlanga . Doctor ten ka nu chu Damdawi leh eng ilo vel an chawh nuala kan haw lamah Secondhand kawng kama an lo sell chu kan thing a ka nu phei chuan a ṭhut chilh leh riap tawh.
"ka pi kha kha la rawh i inhmeh dawn lutuk" a zuar tu nu chuan alo ti leh ṭhina fak khawp mai "ka in hmeh vek mai in ka hria" nui hak hak chunga ka nu in a tih chuan keipawh ka lo nui ve tawpa thawmhnaw zuar ho reng reng hi chuan inhmeh hi min ti vek tak tak alawm eng kawr pawh han ha chhin ila khawvela inhmeh ber kan ni vek tawh zel.
"Anih he mi leh saw saw ka lo la ang" ka nu in a tih chuan lawm hmel takin a zuar tu nu chuan alo khung sak a . "Nu i rilṭam em....khi lai ah khian Sanpiu tui tawk an nei ka treat ang che" tiin ka nu ban ah kuah sawt sawta . Ka nu chuan nui ruh ruh pahin "i rilṭam tawh vang mai a" atia ka lo nui var vara . Nu te bulah hi zawng kan puitling hleitheilo anih hi .
Taxi in kan haw a in thlen hma in Dawrah ka peng kawia Bawihtei thil hawn sak loh chuan alo ngaichâng ve rân ṭhin si a....
"Awi...Zopar engtik in nge in lo chhuk a" Dawr nei tu fapa mahse nula ang type chi Lalno kan ti mai ṭhina nui sang pahin alo ti a "A rei ve leh tawh...kan chho leh ṭep tawh" ka lo ti vara
"i ngaihawm ṭhin nanghi chu...kan inhrawn rei ve tawha i awmlo hi chu a hriat teh ania ka nu pawn a sawi ve reng zel che....tuarchhel ati teh mai che ania aw..keipawn ka ti tho che " atia a nui zui uar uara . Kuva a eisen ang reng bawk si a
a nui sen ham ham mai .....a nui hmel lah chu amak ...ka sawi thiamlo "awi....chutia mi" a aw kî ang chiah a tih chuan uar fe hian "ni chiang e...kan ṭhen awmnu liau liau ini bawk sia ..khawi nge Mawisamkiri"
thu tak fê a atih chuan a mal ah ka lo beng taiha "tikhan ko ve ziah suh..aw! Noa" ka tih chuan a nui ruh ruh a .
"Tak takin ah nangni pawh in ngaihawm alawm khi lamah lo awm ve daih rawh" ka tih chuan nûr fe hian min melha "awi ka peih teuh lo.....Aizawl pawh ka ning tawh nak laia Aizawl aia la thingtlang leh chhawng ah ka awm peih lo lawm...." ati fan raiha a sawi pah chuan a chalsam a khawih pial zeuha . "Naa...Khawpui ai a nuam daih zawk chu lo ah chutiangin a thingtlang kher lo aw! Lalno Kan veng awmna phei chu he lai nen a in ang reng nangmah ang deuh deuh an tam mai ...lo zin ve la chuan i inchhir lo ang kan kawmchhak te fapa a chhelo lutuk" mit ko san ak ak paha ka tih chuan alo phul hlut a
"ani maw..uii khaw maw a Instagram user name chu hahahaiiii..kei hi chu chhelo ka chhuah ngai meuh lo ania a hmei a pa in"
atia hmui hupin a nuia ava han no ve chiang tak "nakin ah ka hrilh ang che ka va haw phawt ange awww hahaii.." a aw ang chiaha ka tih chuan "ka lo zui chho ve dawn che u " hmui ti zum meuh a pawna ka chhuah hnu a alo tih chuan ka nui hak haka . Nui uar uar chungin kan in vei limm thei hram ani.
Inchhunga ka luh chuan "Anu..." tiin Alo tlan pheia "ilo fel em " ka tih chuan abu nghat nghat a, " kha ice cream hi au Mimii nen va ei ru ka han inbual lawk ange " tiin Ice cream chu ka pe inchungah Mimii nen an in zui chho a .
Travisa chu Nilaini tlaiah alo thlenga api te in ah a thleng dawn ani âwme Inrinni ah leng turin min lo sawm ve ngeia kan in hmu lo rei ve tawh bawka tiin i he lovin ka lo remti ve mai bawk.Zanah Zoremi alo lenga Timothya awm dan te ka hrilh chuan kei ai mahin a thinrim zawka "keichu a awmdan hi ka millo telh telh , Agnesi kha damdawiin ah a awm ani lawmni....ala tlawh ve fo tho ang..a fanu te kha ka khawngaih natna hrik te kha alo kai ve phei chuan awi..ka khawngaih reuh e " atih bawrh bawrh lai chuan hriatchhuah zawk ka nei Tima hian a kai ve a ngemle ka lo ngaihtuah ngai miahlo a mahse ka hrelo ka lo hlauthawng ve tlat.
"Zorem..Vanlalduata hian a lo kai ve lo maw" hlauhthawn hmel taka ka tih chuan
"awi...nia..aaa!!! mahse keichu Agnesin lo kai ta tehreng pawh nise Tima berin a hre tho dawna a in veng âwm em mai kai theih na chance chu awm ve tho mahse a kai ka ringlo ...." alo tih chuan "thut a awm ve thei alawm" ka la ti ṭalha "thut lo ang....kai se tunah pawh a damlo in a dawl dang ve viau tawh ang chu" awlsam zet hian ati leh a angai ho ang reng "chu ti mai in a lang nghal thawt thawt hleinem" ti a ka sawi leh chuan a thaw halha "kai turin iva duh ve chu" alo ti hlaka "ahhh chutiang lam anilo ..thil thleng thut thei ka sawi mai alawm" ka ti a.
Kai turin ka duh lo a mahse a kai ve thei tih ka hriat vang ani inzawmna engmaj nei tawh lo mah ila Mawimawii pa anih vang hrim hrim pawhin ngaihtuah thui loh a har.
Inrinni Zing Dar 11 velah Travisa alo kala Aizawl chu a hrechiang khawp mai kan in ah tak alo lut nghal chat mai alawm.
"Mama ilo zin e law" ka nu in a hmuh rual chuan alo ti nghala "aw.....zin ve zuai ..kha i dam tawh maw i chetsual thu kha ka lo hria a pawi khawp mai" tiin pakhatin alo chhang a "Pathian zarah kan dam ve zel e..taka khawmaw i nu number min lo pe teha hmani khan eng eng emaw Mawimawiin a khawiha number a bo deuh vek alawm" tiin a phone chuTravisa a pe a. Phone number te an in pek zawh chuan chhuak kan len tur thu vel ka nu ka hrilha alo rem ti nasa maia . Ka nu nen pawh leng turin an in sawm leh tawh .
Tual zawla Car lo in hung chu ka hmua
"i Motor ilo keng thla law" tiin ka en haw a
"aw...a ngai alawm " tiin min chhanga
"hetah a awm mai lo mi ipu te ta pawh" tia ka chhan chuan "ka ti chhia ang tih an hlau" atia . Ka lo nui haka Motor kawngkhar hawn pah chuan "ngati maw" tiin amah chu ka en pheia "high school kan kal laiin ka accident pui a" ati a .
Motor a ṭhu luh pah chuan "ka Risk chhuaka" ati a ka lo nui haka "i khalh thiam hma in maw" ka tih chuan lu a bu nghata ava han huai pap pap tak. "Ivan huai êm êm chuan engtin nge i khalh " nui za,aw deuha ka tih chuan "Simulator velah kan khalh nasa a rilru a thawk thuta ka pu Car Zen kha ka khalh mawle Kawla te nen" atih chuan ka lo nui hak hak a ani pawh a nui ve tho .
Darkar 2 dawn lai kan tlan hnu ah khawpyi dai ah kan thlenga ka la kal âwm ka hrelo .
Motor aṭanga ka chhuah chuan ka ke a kham deuh tawha ka in zi mar te te a kan hma deuhah Gate lian ve deuh hi alo awma kan kal phei chuan 'Hidden' tiin alo in ziaka luh man a ngai aniang mipakhat bulah chuan pawisa a pe a "a thar ania" alo tih chuan "ka la kal ngai lo ka ti rengah" ka lo ti a anui ve suk mai . Engtin nge Aizawla awm hnem lo in helai daih daiha mi chu a hriat ni . Gate chhunga kan luh chuan mi an lo awm ve neuh neuh a khua a dul ang reng a mahse a nuam daih zawk nisa ai ngawt chuan . Grass hring in chhuat chu an phah chhuak veka Sangha dil te Pangpar chi hrang hran pawh a tam mai an nalh siau siau lutuk ka nu hruai ve ila atih chi viau ang .
Mizoramah tiang hmun nuam an siam ve tawh chu intih theihna tham ani.
"Chhungkua a la kal tur anih hi" ka tih chuan "Mawimawii te nen kan kal leh dawn nia" Nui chunga alo tih chuan ka lo nuih let ve ringawt a . Sangha dil bul ah chuan ka ṭhu a , a dam a mi an tam vak loh na lai ani bawka tiin ṭhutna an siamah chuan ka ṭhu a pangpar chi hrang hrangin min hual vel bawk nen an rim alo nam châk châk mai.
Travisa nen chuan kan titi renga thu ho deuh deuh sawiin kan nui leh hak ṭhina a thu sawi ho te te hian pawh hian min ti nui reng zela hei vang hi alawm a bula awm chu midang ai a nawm riau bik zel.
"Zopar ....Zamzo par i hria em" atih chuan amah en chungin "hria eee" nui deuh reuh hian ka ti a eng thu tak lo sawi chhuak leh ang maw. "Ka nu in a phun ṭeuha par nasa sia ka hrechhuak ziah che" alo tih chuan ka lo nui haka "Zamzo par nen in ang min ti tihna maw" lungawi lo aw taka ka tih chuan "umm...Pangpar ah chuan nalh ka ti ber a " a ber kher chuan ah "chuan eng lai ah chuan nge kan in an..." nui za aw lek lek a ka tih chuan "in hmai sen leh ṭawn ṭawn zel te...chuan in hmui ....te...." ati ban deuh charha ngawi rengin ka lo en a . Muang changa min lo en let pah chuan
"Zoparmawi ka duh che " ati a .
"Engaa" nui hak paha ka tih chuan "ka ti tak tak alawm....ka vei che zanah te hian ka ngaihtuah reng zel che" nui miah lo hian atia awih lo hmel zeta ka lo melh chuan mit ko a san aka "i awih lo mi" ati a
"awih mai ang" tiin hma lam ka hawi sana .
"Kha i biang a sen leh dawn " nui lek lek a alo tih chuan " a awih awm loh e...." tiin ka biang chu ka khawiha . A thu sawi khan min ti lai ve tak tak nia.....ka hmai pawh hi a sen tak tak ka ring a nui ri suk chu ka hria a "enge i nuih" ..........."ka nuih lo che ka nui ringawt" alo ti a "min nuih ka ti kher lo enge i nuih chhan ka ti lawm Hruaizel" ka tih chuan min lo en tih ka hria mahse hmalam ngawt chu ka la en ngala
"khawi lai nge i en a " alo tih chuan mit chhing sawkin a lam ka hawia
"Khawvel ka thlir" tiin ka nui deuh saka
"i van thlir tawi êm êm .....sangha dil khu mi i khawvel " nui hak atih chuan
Keipawh chu ka lo nui ve leh ringawt tawh Sangha dil kha ka thlir char char tak tak a .
Kan ti ti leh Fe hnu ah a hmun vel chu kan fang a ....tleirawl in ngaizawng pawh ka hmu nual mai tiang hunlai hi anuam ṭhiante ho nena school bana len kawi te...
kawr tawp a ṭhiante in a riah khawmte, kan star ve deuh ten min lo biak chânga kan lo lâi ve êm ê ṭhinte Valentines Day ah kan star te thil pek kan han pe ve ngei a ....
ṭhiante inngaizawng chance kan han pe ve ngei a ...chhak lamah kan lo bihthla a khang hun lai te kha mitthla ah alo lang zuai zuai mai.
Travisa nen kan haw hnu ah kan in ah min Drop lo in Zarkawtah ka chhuka , a let leh hnu ah Tima te in ah ka phei Mawimawii ka lam haw dawna Tukin zing khan lengturin alo hruaia api ten an hmu ve chak tawh ani ang keia lo hnial ve vakna chi ni hek lo chuan .
CONT-
Comments
Post a Comment