JUST HIM S2 CP-12
JUST HIM S2 CP-12
BY: AHPRODITE STORY
Nu Rinpuii chuan min lo lawm khawp maia atih dan ziah ani hrim hrim a Bawihtei inchung aá¹anga lo au thla lang lang chu ka lo en renga Tima nen an lo in kai thla a ka bul an lo thlen chuan Tima chuan "A pi nen an in awm ni lenga " zawi deuh tak hian a ti a lu ka bu zeuh ringawt
"anih kan kal leh nghal mai ang hei a tlai tawh bawk sia" ka tih chuan Nu Rinpuii chuan min hnial tlata "chaw kan chhum kep vek tawh che u Zopar Bawihi ei ve nghal law law ru ......" ati deuh tlata Mawimawii lah chuan Api chu alo ngai der thiam ve bawk nen Tum lo deuh chuan kan á¹hu ve ta renga ka nu chu Nu Rinpuiin a Call an lo rem ti ve mai anih hmel e .
Ṭhut reng chu ka ning deuha "Nu...inchunga Pangpar ho ka han en teh ang" ka ti a Nu ti hlir hian ka la ko á¹hin Mo angin min la ngai tlat bawk sia nuam lo tihna chen awm tho mahse Nu Rinpui ti a han koh chu ka zâm riaua "han enrawh han enrawh Sarawn sekduk khi nimin ah ka lei thara......"atia anui sang mai bawk si a keipawn zep lo chuan ka nu hi chu ka ngaina ve thlawt alawm . Mawimawii kai chho in inchungah kan chho a "nu apa nen tah hian thla kan la char char a" alo tih chuan "ani maw..ka van hmu ve chak " tiin ka nui pah sanga "hmuh châk ve zel a ngai lo e ah" lo ti tu lam chu ka hawia inchung kawngkhar bula Tima lo ding reng chu ka hmu a chhang lo chuan Pangpar ho chu ka en kual den den a
"Awi...hei hi ani maw ka nu sawi chu" tia ka á¹hut hniam chuan tu emaw ke ka á¹hut a "awii..." tiin ka tho leh nghal vut a ka en chuan Laltimothy an a ke ka á¹hut naah lo dah phei alo nia va han nghal tak . Amah ka en chuan alo nui ruh ruh a Bawihtei nen chuan an in high Five zuia thip zeta ka melh lai chuan ani chu dak meuh hian ala nuia
"i van mawl tak" tiin ka mawng chu ka beng fai a Bawihtein Hmui hup á¹at chunga nuih insum deuha alo awm pawh chu ka melh no vak lo "Awi..tikhan naupang melh rum vak suh" Tima chuan tih pah hian Mawimawii chu alamah a pawt hnaia
"enge i ke kha ilo dah a " ka la ti kha kha a nui hak pah hian a dar a sak ûk ringawta tak zet hian ah.
In hnuaiah kan pathum chuan kan inzui thla a Pa Thana pawh alo haw tawh ni ngei tur ani min hmu chu a meng buai deuh naka mahse a reilo "Zopar in lo leng alaw" tiin hlim hmel a pu sarha "aw...chaw an lo ei dawn " tiin Nu Rinpuiin min lo chhan khalha "ani maw....kan inhmu kha bawk si khaw maw in chibai teh ang" atih chuan nui sang chung in ka lo chibai ve thuaia
"Mawimawii chu riak mai rawhse kan la ngai chaw eikhamah duh leh Zopari chu Timan thlah mai rawhse" tiin Nu Rinpuii chuan uang tih hriat tak hian a ti a Nui hak hak chungin Pa Thana pawhin alo tui hnih ve luama an ni Nupa hi chu an fel mawle mahse...
Mahse tih hi awm leh á¹hin
Chaw kan ei lai te chuan an nupa in ka thlengah chawhmeh min lo suah sak tawn chhena "amak nu..amah pawn a insuah ve thei reng " Timan alo ti deuh sek bawka
"niaa...ka in suah ve thei alawm" tiin za vak lo chuan ka á¹hen ka á¹hen ringawt mai ani .
Chaw ei khamah muang changin kan haw a Timan ngailo ka ti chung chung min thlah lui ta tho a Bawihtei chu a mut a chhuak leh der tawh "chhun ah mu lo mi" tiin Tima lam chu ka hawia Motor khalh anih vangin Bawihtei chu alo en zuka "Mu lo ..ka nu nen Pancake vel te kha an siama a tlei lutuka a mu hman lo aniang" alo ti a ka bu nghat ringawt . In be leh em em lo chuan kan in kawt ah a dinga
"ilo lut dawn em" ti a ka zawh chuan
"lut tawh lo mai ang..kal kawi na tur ka nei" tiin á¹ha deuh chuan min chhanga
"khawi ah nge i kal kâwi dawn" tiin ka zawt leh hrama ruihlo vel hi ti lo se ka ti ati dawn em chu ka hrechuang lo na in
a á¹ha ber ka la duh pui tho .
"Tinge min ngaihtuah mi" tiin mit ko a san uk a "ngaihtuah lo nasa..i duh duh na ah kal rawh " tiin Gate chhungah ka luh san ta daiha anui ri pawh ka hre fua fua ka kal hmawk hmawka ..
TIMOTHYA P.O.V.
An nufa a inpawm chunga Gate chhunga an lut chu ka thlir renga an lut fel chiah ti ah ka tlan chhuak ve ta chauha Civil Hostpital lam ah ka let phei a Dr.Nuna Cabin lamah ka phei tlang nghala min lo hmuh chuan "ilo thlenga " tiin ka lam ah alo kal hnai nghala lu bu zeuh chuan Agnesi awmna Cabin lamah kan phei duna "a á¹ha lo telh telh mai ....rei a daih tawh ka ringlo en kawl char char lo phei la chu a kal daih tawh ang" ati phei mawlh mawlha. Room chhunga kan luh chuan Agnesi chu alo mu bâm a , a hmel en ringawt pawh chuan a chau hle tawh tih a hriat "khawi ah nge a fanu kha a awm tak" tia min zawh chuan "a u te nupa in an awmpui rih" tiin ka chhang ve maia . Ruatdika nen a an fa hi mi tam zawk chuan ka fa emaw tiin an hre veka chu chu pawi ka tih leh tih loh sawi ve hman pawh ka nilo Agnesi hi ka á¹hian á¹ha ber ani a kan inngaizawng á¹hin na meuh mai mahse Zoparmawii nen a kan in neih chhung zawng khan ka chawm tel char char .
A nu leh pa ten a rai tih an hriatin an tui thlara Ruatdika khan HIV alo kai reng avangin Agnesi pawhin a kai lo theilo van neih thlak takin a fanu Lalremruati a hrin hian AIDS a kai ve lo hlauha Doctor te chuan damdawi a ei á¹hat vang tiin an sawi an nufa hian ka chawm a ka nu leh pa pawh be buai lo in ka á¹hianpa Zorina chiah ka hrilh thung. Mahse khatih laia Zopari te Nufa ka kalsan kha khawvela ka thil tih sual lian ber leh ka inchhirna ber ani kha tia Damdawiin a kan awm lai khan Agnesi chetsual thu Zorinan min lo hrilha ka nupui nau vei mek kalsan chu hreh tak te in ka hreh mahse ka nu leh pa leh midang an awm tho tiin Agnesi te awmna lam ka pana.
Ka thil hmuh chuan na takin min siam Agnesi chu Motorin alo su a Naupai ve mek ani bawk nen Casualty ah kan tlan luh pui nghala thisen kha chhuak hnem viau mahse natna vei ani tih ka hria.....tawk pawh ka tawklo Zorina bak hian hria an awmlo bawk khatih lai khan.
Ka nu in min lo call chuan ka awmna min zawta Fanu ka neih thu min hrilh tel bawk kha ta ka lawmzia kha thinlung takin ka lawm mahse Agnesi chetsual na ah ka kawr vela thisen kai vang khan ka kai ve nghal ka rin avangin in test pawh in test miah lo in ka let leh tawh lo. Ka nupui leh ka Fanu te ka kai ve ang tih ka hlau takzet ani. Nitin kan vengah ka pheia nikhat chu Zoparin Ka fanu pawna alo âwi hna hna ka hmuh chuan ka en renga va kal a kuah vawng vawng Mai ka duh mahse kei mah ah insit na leh tenawm tihna in ka khat a be ta lo chuan ka let leh nghal.
Agnesi te nufa chu ka awmpui deuh chawta anu berin natna a kai miau avangin Remremi tan chuan hnute pangai a ring ve thei lo. Ka á¹hianpa Zorina bawk ka hrilh leh a ani in kan in aá¹angin Zopari hriat loh hlain ka Credit Card leh ka thawmhnaw á¹hen khat ava la a, Ka pa in call in min lo hau nasa ngang mai mahse ka chhana chu "chhungkaw chawm lai ka nei " tiin ka chhâng. Kha ta ka pa rilru hah dan tur kha ka hre reng mahse ka inten ani . Thla a liama kum hial a vei hnu pawn Thisen ka la test duh chuanglo Agnesi a tlak rawk rawk laiin engtin mah ka awm ve lo a Agnesin thisen test ve tura min tih chang apiangin ka hnial á¹hin .
"Test rawh ti ringawt khan kan hnen ah i awm reng thei lo ania nupui fanau nei ini tawha mi ten engtin nge an sawi ang che" tia min hrilh chuan "mi te chuan eng ang pawn min sawi mahse in nufa hian ka damchhung chuan in nghei lo ang" tiin ka chhang . Kei in ka en kawl loh in tu mah enkawl tu tur an awmlo chhungte an nei mahse tuithlar an ni miau si a .
Mawimawii Bazar kawngpuia anu nen an lo inkai ka hmuh chuan rang takin ka biru nghala alo lian tawh khawp mai anu a chhun a hmelá¹ha in a sam ala kir bep bep zuia nui sanga ka lo en lai chuan ka fanu chuan min lo en a anu erawh in chawhmeh zuar chu ala be thung min lo nuih sen sen a Angel hmelá¹ha tak ang mai hi ani ka lo nuih let ve ta ringawt a . Anu in 'kal ang' ti a a kalsawn pui hnu ah lehhawi meuh chuan min la en zui vawng vawng a kut ka vai chuan min lo vai ve ang lawp lawpa anu chuan ka lam alo hawia mahse min hmu hman lo hnunglam ka hawi vat thung.
Ka thisen Test tura Agnesi leh Zorinan min tur chhen avangin ka test ve ta nge nge a ka result ka hmuh khan ka thin a phu rang em em a 'Negative' tih inziak chu ka en tlawk tlawk ani ber Agnesi chuan ka chhungkua te bulah let turin min ti a mahse heti mai hian an nufa in ka kalsan theilo ani.Agnesi hi ka hmangaih takzet á¹hian angin Zopari chu Ka nupui angin ka hmangaih thung ...an in an lohna chu kei hian ka hrechiang ber. Ka nu leh pa te ka biak pawh chuan min ngaihtuah zia an lo sawi á¹hina Ka nu phei chuan á¹ah aw tak meuhin min lo be á¹hin ka insum thei bik á¹hin lo mahse mipa ....mipa ah pawh inti pa chi ka ni ve miaua mipa nep tak ang maia han let leh kha chu ka duh biklo.
Zopari ka ti na tih ka hria mahse kha tih lai kha chuan ka rilru a buai ve êm ani . Min ngaidam thei lo anih pawhin ka phut hranlo ngaihdam tlak ka ni ka nep tak zet .
Nikhat chu Zopari ka bia a kha tih laia a aw ka hriat khan ka dam sawng sawng nimai hian ka hria ani chuan min haw viau ngei ang . Hun a kal leh deuh a thingtlang an khaw lama an awm tur thu ka hriat khan hmuh tumin an in ah ka kal a mahse Ellie Zopari cousin khan Gate chhunga ka lut tur min lo hmuh khan min ka hmai ah min beng sawka engmah pawh ka sawilo Zopari hmuh a inlan tawh reng reng lo turin min hrilh a ta á¹ang khan an nufa chanchin chu Zorinan min hrilh ve á¹hin tih loh chu ka hre leh tawhlo.
Kan in a haw leh ka tuma Agnesi damdawiin a a awm deuh reng vang leh A u ten a fanu an enkawl theih thu min hrilh ni aá¹ang khan kan in ah ka haw a ka nu leh pa te hnen ah engmah ka sawilo . Ka nu chu tlem tlem ka hrilh ve mahse aza vai lo in . Ka pa chuan min hau nasa ngang mai Zopari bula ngaihdam dil turin nitin min chah banglo . Nikhat chu Zoparin a Status ah ka nu nen an thil ei ho lai alo hmanga ka hmuh chuan an nufa a hmuh ngei pawh ka tum nghet hle Zopari chu ka hmu ta ngeia Mawimawii erawh alo hruai lo ka hmuh ve a phallo pawh ani mahna ka hrethiam .
Tun hun kan thlenga Mawimawii lak tum ang a ka insawina chhan pawh a mah ka hmuh duh vang ani. A thinrim mit sen râm râm te huat hmel zeta min melh te khan nuam chu ka ti biklo mahse a thinrim khan a hmelá¹ha zual sauh emaw tih mai tur ani.
Ka fanu chu a duhawm tak zet anu ang chiahin a amit meng a fiahin a meng kiau a biangsum te reuh te a nuih zawngin a lang kalh á¹hina thlir nin a har khawp mai .
Vawiin chhun lama kan thlalak dun te leh a thla ka lak sak ho chu mut pah chuan ka en den den a .....video pakhat ka lak ah phei chuan a nui lai hi ani a heti khawpa min ngaina hi mak ka ti keipawn a nui ri kha ka bengah a châm renga ka ngai veng veng mai. A nu biak tuma ka call dawn lai tak chuan amah zawkin min lo calla tun ang zan rei tawha min lo call chu mak ka ti deuh . "Mawimawii step aá¹angin a lum thla a damdawiin ah kan kal pui mek " alo tih chuan ka tho nghal a "khawi damdawi in ah " tia ka chhan chuan a in hnit hlawp hlawpa "CIVIL ah Tima a lu a thi nasa lutuka " tiin alo á¹apa ka rilru buai phili lutuk chuan sawi mai tur pawh ka hrelo "ka lo kal nghal ang...lungngai lo la a á¹ga leh vat mai ang...ka awm hi" tiin ka hnema Call chu dahin ka hoodie chu ka ha a inhnuai ah ka chhuk chuan ka nu te an la menga.
Hmanhmawh deuha Chahbi ka lak hnu ah ka chhungte chu chanchin ka hrilh a an ni pawh an insiam zawha an lo phei ve nghal tur thu min hrilha keichu ka kal nghal.
Bike ka kenga zan rei deuh tawh vang nge motor tlan an tam vak tawhlo ka speed chu a chak a ka rilru ah engdang a lut theilo .
ZOPARI P.O.V.
Bawihtei chu ala harh miah lo ka mittui chu ka hru zeuha a kut chu ka vuan tlat bawk ka rilru in ka á¹awngá¹ai mawlh mawlh renga ka hlauthawng lutuk khan Tima ka call a ani pawh kha a hlauthawng ve tih ka hria Civil kan thlen chuan Casualty ah an nawrh lut nghala Bawihtei an nawrh liam lai chu ka thlir a ka khawngaih lutuk chu ka biangah mittui atla zung zung mai. Rei lo te ah Tima alo thlenga a hahhmel em em mai leh nghal ka bulah chuan alo á¹hu a
keichu ka á¹ah chhuak leh tlat tawh
ka mit hup chung chuan ka inhnit leh hraih zela ka nu leh midang lo awm ve te chuan min hnem char char a mahse awmzia awmlo ka hlauthawng ani.
"A á¹ha leh vat mai ang " tiin Tima chuan ka kut alo huma amah ka en chuan a hmel a dam thluama haw viau mah ila a fanu hi chu a hmangaih ve ka ring "ka..khawngaih lutuk inchung aá¹ang alo chhuk kha a a ke a bilh aniang alo lum thla bap bap a...naupang te chauh ala ni sin mawle" á¹ah insum á¹euh a ka tih chuan "Pathian a awm alawm min ven him sak êm êm ang" tiin min vawnna chu ati nghet sauha mak tak maiin Tima min hnemna chu ka thla muanpui ve tlat. Doctor te an lo chhuah hnu chuan chanchin kan lo zawt thuaia
alu a sawh kak ve deuh tih loh chu engmah na dang êm êm a nei lo ani awm e. Ka âwm ka dawm vang vanga zawi te keima hriat tawk lekin "Lalpa ka lawm e" ka ti sapa.
Cabin ah an sawn hnu ah kan lut a alo muhil tui khawp mai abulah chuan á¹hu in a kut ah ka va vuana ka nu te ho chu haw turin ka hrilha Tima nu leh pa te nen an haw rual . Tima nen chuan kan awmpui renga kan in be lo mahse Kan fanu neih chhun chu ka ngaihtuah ve ve tih ka hria .
"muhil la i chau ang " alo tih chuan alam hawiin lu ka thinga "ka mut theih pawh ka ringlo.."ka ti thâm á¹iaka "Ṭhuthlengah sawn lo va mu rawh ka lo veng ang " tih pah in ka lamah alo kal hnaia Bawihtei ngawt chu ka la melh thung ka bul ding pa chuan "a hmelá¹ha tiraw" zawi ang reng tak hian a ti a melh chho deuh ha chung hian "khawvela hmelá¹ha ber anih hi ka mit ah chuan" tiin ka lo chhanga .
Tima chuan ka duh lo chung á¹huthleng lamah min nawrh pheia Bawihtei mutsan hreh viau mah ila ka mut a chhuah ve tawh tho avangin an pafa a an awmdun chu ka thlir renga . Ka mutthilh lai pawh ka hrelo ka harh chuan khua alo var ut tawha ka nu leh pa te hmel pawh ka hmu nghal zat
Bawihtei chuan harhvang tak hian min lo ko lauh lauh a nui sang pahin alamah chuan ka pheia "nu....apa hian nizan ah ka á¹hangharh laiin thawnthu min hrilha nangchu i muttui tawh lutuka kan lo kai tho duh lo che a " tiin a nui sen sen a Tima ka melh chuan a mu ve miah lo anih hmel .
Ka nu chuan "apa in thawnthu a hrilh che maw" tiin alo bia a pakhat chu a lo bu nghut nghuta . Ka pa in chaw an lo ken thu min hrilh hnu ah Bathroom ah ka lut a
ka chhuah leh chuan Ka nu chauh alo awm tawh thung ka pa chu hna ah atlang nghal anih mai hmel.
"I duh chuan lo va haw tawh rawh...i mu awm bawk si lo a " tiin Tima chu ka hrilha
"ka mut pawh a chhuak ....chiahlo" ati niah niaha ka nu in haw tur leh mu hahdam tura alo tih ve takah chuan hre hmel deuhin a chhuak ta hna hna .
Bawihtei chaw ka pek lai chuan ka phone alo ri a ka en chuan Travisa alo nia engmah chanchin ka la hrilh lo tak e.
"I tho ve tawh maw" alo tih chuan nizan chungchang vel chu ka hrilh nghal luama
"ka lo phei dawn nia....ei châk te i nei em" ti a min zawh chuan "nei hranlo lo phei kher pawh angailo ang....hei kan chhuah nghal ka ring duh leh zan lamah te lo leng zawk la " ka tih chuan alo rem ti ve mai bawk.
(Tun chu tlemin ti tawi hret ang)
Comments
Post a Comment