JUST HIM S2 CP-13

 

JUST HIM S2  CP-13

BY: APHRODITE STORY

Mawimawii chu rin ai daihin a harhvang a mahse a thil ei chu a tui chiah lo anih hmel chaw pawh a ei tlem khawp mai a tlai lam Dar 3 velah kan Haw a Tima chu lo kal tawh rih lo tur in ka ti a, min chhang lêm lo thung. Zanah Travisa alo lenga Bawihtei ei tur alo ken sak ve luama Bawihtei pawn Travisa a hmu chu tlemin alo harh leh deuh an in nel ka tih tawh kha. 

"I chau em nangmah" ka bula mi chuan a ti a lu thing sawk sawk pahin "chau lo e...mahse ka hlauthawng buai vel lutuk in Ka lo hrilh theihnghilh daih che lawm" ka tih chuan min en renga ka lâi leh ringawt tawh "enge" ka tih deuh Haw lai chuan "engmah..... I hmuhnawm êm a " a thu  tak nge tak lo ka hrethiam chiah lo "hmm... A awih awm loh e... Ka hmuhnawm thlawt lo" uar taka ka tih chuan alo nui deuh haka 

"Engtik ah nge i chhoh dawn" ti a zawh pah hian a lam hawi zawngin ka in siam remember a. "kar leh ah... Niang awm rei vak chi ka nilo hna eng eng emaw.. Zawh loh kan la nei a hrem" tih pah hian a nui suk a ka lo nui pût pût a, a aw hi a thum tih dawn in a thum over lo mahse

 ' a aw nalh e! ' kan tih ang chi kha Ngaihtuah zui vawng vawng thei tur tawk lek hian a nui suk zel bawk sia. 

Awi.. Tunah khan ka Ngaihtuah thu ka sawi êm ni ahh.. Kei hi ka â thei dawnin ka hria. 

"Keini pawh kan lo chhoh har ka ringlo Bawihtei hi dam fel se.. Hmani lawkah ka nu ania tunah Bawihtei ani leh a chhiatna kan tawng zawm zawt ani mai " ka tih siam siam lai chuan ka pa in thingpui sen hang min lum tura min hrilh avanga chuan Choka ah ka phei sana. Thingpui so hun pawh nghak lem lo in Sitting room ah ka phei leh ka pa leh Travisa chu an lo titi a, ka mit vai emaw ni ka ti hial an bul ka va thlen chuan ka pa chuan thingpui sen hang chu alo la vat a Travisa ka pek leh zat hnu ah abul ah chuan ka thu ve a. 

"Ka thusawi kha lo ngaihtuah chiangla tiraw" ka pa in atih chuan kei mah min belo tih ka hre mai "ka lo ngaihtuah dawn nia.... " ka bula mi chuan alo ti ta chiah rennga. Zawhna mitmenga Travisa ka melh chuan a kisi suk duh chauha . 

A haw dawn chuan pawnah ka zui chhuak ve nghala "enge ka pa khan a sawi a " ka tih chuan "engvak mah... Aizawl lamah lo awm thla ve daih la atia" uang tih hriat deuh a atih chuan a bana nghawk salh pahin "mawh... Sawi mai mai teh.. Enge a sawi" ka ti leh tho a "Kan hnathawhna ah Building thar kan sa dawn atia chu chu en pui tur min tia Aizawlah awm rih mai la tih vel a sawi teuh mai ah" pangai taka atih chuan tlemin mak ka lo ti deuh ka pa hian tinge Travisa kher rawih a tum le architect tam tak Aizawlah an awm laiin. 

"Chuan engtin nge i chhan" ...... "Ka lo in ngaihtuah ang ka ti" tih pahin a kiai suka . 

"I peih loh chuan maw ti lui suh aw...."  Tia hrilh mawlh mawlh  pah chuan  Car kawngkhar ngheng chungin ka lam alo hawi a "peih loh thu a awm hleinem mahse Aizawl ah i awm dawn si lo a chu chu ka peih loh chhan " chiang taka min en pah hian a ati sup a auang emaw tiin ka ner khum nang nang a mahse alo thu tak vel reuh phiana "I uang chiang lutuk" tih pahin na lo te hian a banah ka va chuma 

Mit ko min San khum ak duh chauh. 

"Zopar" ring vaklo alo tih leh chuan rang takin ka lo en let ve vata min en chîk ka ti dawn nge min melh dan hi a thûk a ril raih bik zel amit hian a zir ve hrim hrim nge Engtin emaw ni hian ka awm thin. "Ahhh.. Engmah lut tawh rawh"  ati daiha a thusawi tur kha ka lo nghahglelh ve nen nen 

"Enge sawi rawh.. Sawi phawt la  ka lut dawn nia.. Rilru a thil pai reng hi thalo" ka ti luama alo nui suk a ala hmeltha em em zui. 

"Hetah hna ka thawh chuan kihtah chho rih bik lo ula " zawi tak si hian a ti a  "ngati maw" nui deuh reuh a ka tih chuan "ngatimah" a ti thum leh dût a lei lawi si ah. "Hmm.. I sawi tha duh lo em mai ka lut daih dawn" tiin ka in her a ka nui aza tho a, zeilo ve reuh sia amah a pâ lian ve bawk si nen a hmel en mai chuan misual tak a ang ka tih kha.....ka phei lai te chuan ka nui ver ver mai achhan pawh ka hrechiah biklo mahse Travisa hi chu ka haw lo ngaihtuah leh veng veng chang pawh ka nei thin lu thing nawk nawkin ka luta. Ka nu kawngka bul maia lo ding chuan "I lu na ami" alo ti pek a "na lo e... " ka ti maia "Tunlai chu ngaihtuah ka ngah lutuk a nu... Kan haw chho rih dawnlo maw ni chu le.. Kan lo awm ve rih dawn" tuna ka thil sawi kha ka ngaihtuah nawn eih lo nia ka rilru ah alo awma ka sawi chhuak nghal. 

"I duh phawt te chuan helamah lo awm tawhla kan ti hrim hrima ipa nen pawh nizan ah kan sawia mahse i duh kan ring chiah lo a " tiin min lo chhanga. Ka rilru ah kan dawr alo awm nghala kan hawn lohna a rei tawh bawk si nen a thawk Tu te khan eng hna nge an thawh chhunzawm ang tih te thlengin rilru ah alo lut nghal zung zung a "mahse dawr ber khi a buaithlak ve a ka chhawr ho khi Zirlai  an ni hlawma an college kal lai an ni hlawm sia... Ka rilru buai" ka ti niah niaha dawhkana Apple pakhat chu ka kaih nghal zat bawk. 

"Chungte chu Hmingtei ipa in hrilh se lo en kawl rih mai se.. A pawi dawn ami" alo tih chuan a tha viau takin ka ring "nia.... Mahse an peih a ngem le " a tlem ber ah a kum a kum dawn he lamah kan awm leh hmel tawh si a Travisa vang chu ka puh thei chiah biklo ka nu leh pa te khua a har ve ka rilruk sa ani hrim hrim bawk 

Travisa khan amah vang ngawr ngawr amaw ati hrim hrim ang chu. 

Zanriah kan ei lai chuan ka pa hnenah helama kan awm rih tur thu ka hrilh a 

"Mama a awm dawn vang ani maw" min fiam ve tih hriat taka alo tih chuan mak ka lo ti let ling zawk "enge ka hreve lo Mama helamah a awm ve dawn maw" ka nu chuan alo ti haw a ka pa bawk chuan 

"Umm kan building thar tur hi Architecture experience nei tha thawkhat rawih ka duha Jordan a khan Mama hi a rintlak zia a sawia ka en ve chaka ka sawipui mawle" tih pahin an tui chu a hawp  a. 

"Chuvang ani maw Matei pawhin helamah awm a duh deuh tlat chhan ahma zawnga helama awm duh mang si lo  " ka nu in nui khi thaw paha a tih chuan  ka lo lai lek lek ani. Zanriah ei kham chuan Bawihtei nen pawnah kan va chhuak vel mai mai a Motor tlan an la tam ang reng êm avangin  Bawihtei chu ka kai tlat a "nu KFC lei ang" ka fanu in alo tih chuan "chaw kan ei kham chiah kha... Ila puar lo mi" ka lo ti a "umm... Ka ril a tam leh tawh lawm" ati tlat mai si a "Bawihte hetah KFC  a awm ve hleinem " ka tih chuan rang zet hian "apa te vengah khan a awm asin " alo ti peka. 

"Awi... Ka kal peih teuh lo mai ah a hla si naktuk ah kan kal dawn nia" ka tih chuan tah a tum ta maia hetiang hian ala awm ngai miah lo asin le. 

"Tinge I ei chak tlat ami a " thaw halh pah chuan a amah  chen tawk turin ka kun hniama lu alo but nghat nghat a amitui parawl pâm chu ka kutin ka tuai faia. 

"Anih kan kal dawn nia kawrlum va ha phawt ang aw" ka tih chuan anui leh var var tawh. "Nu Bawihtei nen Zarkawtah kan va kal lawk dawn" tih pahin sitting room lamah chuan kan in kai pheia ka pa chuan engmah a sawi ve lem lo thung. 

"Enge in tih dawn zan zan ah" ka nu in alo tih chuan "KFC kan lei dawn" Bawihtei chuan alo ti lauh a. "I ril atam ami" ka pa in alo tih chuan "aw ka ril atam KFC ka ei chak a chaw pawh ka ei hnemlo" tiin hmui hup hian a nui var var a. A hmuhnawm thei ania a nui te hi ka pa in a thil leina man tur tiin pawisa a pe a room ah kan chho a kawrlum ka hak tir chuan "nu... A lum sii" ati ve hlak hlaka. A lum tak bawk êm ani

"Zanah chuan ruah te a sur thut thei thli te a thaw vûk vûk anga a vawt dawn keipawn ka hak hi" tiin a kawrlum hmalam chu ka zip phui sak hmaka ninawm tih hmel deuhin alo thaw halh halh reuha va han chhe reuh tak. 

Kan room atanga kan chhuah chuan khuma ka phone dah chu alo ri a ka ken theihnghilh tih ka hrechiah ka va lak leh chuan Travisan min lo call a 

"Aw.. Hello".... " lo leng ka tuma pawnah ka awm tawh mahse ka lo hrilh hmasa che" alo ti a "awi... Bawihtei nen KFC lei kan lo tum chiaha " tih pahin inhnuai ah Bawihtei chu ka kai thla leh a "anih chuan " tih hriat ka hre hman Mawimawii step  pakhat zela kal kan a tuma ka kut lehlamin phone ka vuan bawksi Mawimawii nghet tawka kaih a ngai bawk si a Travisa thu sawi pawh la hre hman lo, "lawk aw... " ka ti ta ringawta. 

"Aw.. Sawi rawh le" ka tih chuan "ihh.. Kan kal ho dawn ami" alo ti a. A remchang a mahse ka inthlahrung ve tho mai "I duh chuan lo kal la" ti a ka chhan chuan "scootya kal ai chuan a tha zawk ang" alo ti var a. Ka nui ta ringawt. 

Gate bula Travisa Motor lo in hung chu Bawihtei chuan "ah.. Mama motor anih saw " tiin a tlan phei a Motor atanga Travisa lo chhuak ve chiah nen chuan kan in melh chiang khawp mahse light in a hmai a chhun avangin mit ti zim sunin min lo en thung. Nui ver ver  chunga abul ka thlen chuan "KFC ati deuh tlata" ka ti nghala "I ei chak tlat ami Boss" tiin Bawihtei chu a pawma "aw lo ei ve la " pakhat chuan phur tak hian alo chhanga 

"Dawn chiang" pakhat lah chuan alo ti ve nghat bawk. Motor a kan thu fel chiah maw ti ah Ka phone bawk alo ri a . 

Kan mi awmherh Tima alo nia phur lo zet chuan  ka pick a "sawi rawh" ka ti nghal tawla ka bula thu pa chuan min lo melh zawk nghe nghe "khawi ah nge in kal dawna" alo tih chuan pawn vel chu ka hawi nghal ruaia min lo hmu ami le. 

"I hriat ve zel a ngailo" ka lo ti hmaka 

"Kha pa kha tinge alo kal ve a " a thusawi chu a chang fak fak hle "aw.. Alo kal ve " ka lo ti liam puata "Zoparmawi khawi ah nge in kal dawn sawi vat rawh " alo tih leh chuan ka lo nui hak ringawt thu pek min pe te pawh a ang zawk a lawm "I awm ve lohna tur hmun nuam deuha kan va kal ange" tiin call chu ka dah a Ka bula thu  chuan nui chung hian "tung I biaka i van vin em em" alo tih chuan ka vin zia ka hre chiah "tumah mawle ka vin viau ami" ka ti a ka inthlahrung ang reng ka lo ngaihtuah chang tawhlo a tin ni "tak tak ah khatianga mi ila biak âwm ka hre lo a chuvang mai mai" tiin hmalam chu a hawi  tha ve leh mai bawka. 

KFC dawr a kan luh lai pawh chuan Customer an la awm hnem ang reng khawp mai "saw tah sawn thu ang u" tiin a sir kil lam chu ka kawk a Bawihtei a pawm daih avangin keiman hma ka hruai ."A lum ee" Bawihtei chuan ati nang nang a "khawi i kawr hi phelh daih ang" Travisa chuan alo ti a .An inphelh sak mawlh mawlh lai chuan ka phone alo ri leh a Tima bawk alo ni chhang lo chuan ka ring ral tir ṭhaka.

"Chhang ta che" Travisan alo tih chuan "ahh..a ngailo thil pawimawh ani chuanglo" tiin ka phone chu Ariplane mode ah ka dah hmak.

KFC kan ei lai te chuan Bawihtei chu a nui var var renga "ei hnem suh aw..i kua a ṭhalo mai ang" tiin ka hrilh thlapa Travisa chuan "ei ṭeuh rawh..i ril a ṭam kha alo ti thung"  lungawi loh hmel deuhin ka melh vela alo kiai suk ringawt ."Chuan hetah chuan ami in awm dawn" tiin ka hma a ṭhu chuan min lo zawta lu bu nghat pah in 

"Aw...ka nu te awmpui rih te pawh ka duh a" ka tih lai chuan min melh reng chung hian a nui suk suk a "enge tikhan i nuiha " hrethiam lo zeta ka tih chuan "keimah ka awmdawn vang ani lo maw" uang zet hian atia "awi.....a teuh lo mai ah enge i awm vangin kan awm ve ngawt ang a" ka tih nang nang lai chuan dak meuh hian a nui a. Sawi tur ka hre mai tawh lo chu ka lo nui ve ta ringawta .

Kan haw lamah kan in ah pengkawi turin ka sawm zet a  mahse a tlai ve deuh tawh avangin a haw tlanga . Inchhung Bawihtei nen kan va luh chuan Pa Thana te Nupa an lo lenga an lo leng mai mai anih ka ring nghal mai a thil dang vanga lo leng tur an nih loh hram ka beisei.

"Zopar Bawihi in lo haw tawh nimaw" tiin nu Rinpuii chuan nui sarh chung hian min lo bia a "aw...enge inlo  tih ve mial in lo leng mai mai ami" tiin ka zawt lêt a "aw...kan leng a kan lo kawi mai mai " ati leh a Bawihtei chu ka pa Thana nen an lo in pawm leh chawt a an bula ka va ṭhu phei lai chuan Choka a Tima tui in ka va hmu ve chiah mak ti deuha ka melh lai chuan mit ko min lo san khum ak ringawt a  . Ṭhu thlenga ka ṭhut dawn pawh chuan muang changin ka ṭhu thla riai riai a , "hetah in awm leh rih tawn dawn tih ka lo hria a avan tihzia tak" tiin Nu Rinpuii chuan mi a be siam siam renga ka nu nen an titi pah mawlh mawlh bawk .

Tima lo phei chu ngawi reng hian ka ep chiah ah a ṭhu a Bawihtein a hmuh chuan 

"Apa" tiin a tlan phei nghala Tima tûm deuh bur pawh chawp leh chilh in nui hmelin a thlak nghal nui sang pah chuan an in lawm a an in chheih nui hawr hawr chu midang zawng chuan kan lo en tawpa Tima kha a ang leh tawhlo zawk. "Enge tikhan min en ṭhupa" thum deuh hian alo ti a Tima pa , Pa Thana chuan " in hmuhnawm reuh " alo ti hap a Nu Rinpuii pawn alo tuihnih ve nghal. "Ka fanu hian min chhûn tiraw nu" tiin nu Rinpuii lam chu nui ṭhen ṭha chung hian Bawihtei biang leh a biang tisi pah hian a ti a Nu Rinpuii leh ka nu chuan Nui hak hak pahin an in chhun zia an lo sawi ve bawka . Chutah kei min lo melh leh chuan a tum leh hmaka awi leh a tum lian lutuk chu ka nui te pawh aza zawk alawm.

Bawihtei chu ka lamah alo kal tira " nu apa sawn pawnah lo chhuak lawk teh ati" ka beng bulah alo ti sar sara Tima ka va en chuan a tho vuta kawngka lamah a phei a Bawihtei chu api  bulah a phei leh nghal maia Tima chu thip deuha melh pah hian ka zui a pawn ka thlen chuan ani chu kan kawt ding lam a ṭhutna kan dah ah alo ṭhu fel der tawha . "Enge" a bul ka thlen rual chuan ka ti nghal a "kha pa nen khan enge in in laichinna" bul ang reng tak hian alo ti a ka mit ah tak min melh avang chuan ka en ve ngal a " i hriat ve a ṭul chuan ka hrilh khawp ang che mahse  i tan hlawkna tur a awm lo a ka sawi peihlo..sawi tur i neih tawh loh chuan ka lut dawn" tih pahin ka inher a ka ban rêka min lo vawn avang chuan ka ding leh rih a.

A awmna lam hawi zawng chuan ka in her let leh a "Travisa kha i duh tiraw" alo tih chuan min vawnna chu ka thing thla hnawka "ngatan nge itih ka nunah hian lo inrawlh tum miah suh" chang ang reng tak a ka tih chuan nur fe hian min melh a "ka mipa kawm te leh ngaihzawng ka lo nei anih pawhin min ngaihven ka ngailo " ka tih leh lai mek chuan a ke a lo per vut a ka dar ah min lo kuahin a ke chu a thing chiam chiam a Min ti phu zawk nghe nghe " enge ti khan i ke kha i thing vak vak a khawmaw min thlah teh " tih paha min kuahna phelh ka tum chu "vangvat ani in ka hria" tiin min vuan ṭung a a ke ala thing  vak vak bawk ."Awi....kal teh khaw maw i rit si " ti a nam sawn ka tum pawh chuan ala ṭang khawp mai .

"Kan en chhin ange " tiin a ke lo khai kang va chu la en a vangvat thau deuh hian a khaimit ah alo zuk tak tak hi alo nia.

"Vangvat chu i kai tak tak " ka tih lai chuan a ṭap ṭuau tawh mawle. "La thla vat rawh" vin ang reng taka alo tih chuan "i dawih la ve mai rawh vangvat te lo hlauh" tiin ka dara min kuah tlatna chu ka phelh  a .

"Hey..lut suh " ti a min lo koh pawh chuan ka lut tlanga  .

TIMOTHYA P.O.V.

Ka ke a vangvat bet ṭai chu en pawh ka en ṭha ngamlo a hlauh hian ka hlau ani tawp mai ni .Zopari lah in min la luhsan daih zui sawi tur pawh ka la sawi leh lo .Minute 2 vel hnu ah Zopari lo chhuak ka hmuh chuan a kut ah enge mawni hi alo kenga 

"Enge kha kha " tia zawh pah chuan ka ke chu lei ah nghat chawrhin vangvat in min zuk na lai ah chuan Chi a phula a thil lo keng phei kha chi pangai ang hi.

Vangvat chu a tla thla a "vangvat te lo hlauh tih pah hian min melh kha kha a " 

Nui deuh vur vur chung hian ka lo en thung.Lut ang ti a min sawm chuan zan danga sawi tur tiin ka khek ta mai.

Inchhunga kan luh chuan Mawimawii ka zawng deuha mahse a mu dawn tawh aniang an awmpui nula nen inchunga an in kai chho chiah ka nang hman. "Mambawih kan haw dawn em ni ang" ka nu in alo tih chuan aw tiin ka lo chhamg ve thuaia , 

Kan haw lam ah pawh chuan ka rilru ah Zopari leh Mawimawii an awm renga ka pa chuan thil awmzia min zawh chuan "I'M fine as hell" ka tih chuan ka nu in "Hell a meidil ah tlak i  duh mi nangte hi thil thalo te ilo to leh ange aw" hnunglam atang chuan alo ti hlak hlaka

(Naktuk zanah ka lo chhun nga nghal ka tum ang aw)