ENCHANTÈ CP-10

ENCHANTÈ CP-10

BY: APHRODITE STORY

Banah Gate bulah Juan an min lo nghak leh rân tawha a hmel hmuh a nuam mahse min melh rum deuh tlatin ka hria a mengrum ve hrim hrim a min melh rum leh zual bik "enge kha tia min lo melh vaka " nui deuh ti tih hian a bul ka thlen dawn chuan ka ti a. 

A mit hmul lo San ak pahin a akut lo phar chhuaka 

A thlalak kha ka la kawl kiau alawm 

Melh ve râwm râwm chung chuan ka bag zipper chu ka hawng a, ka Polsc. Karah ka daha ka phawrh lai chuan ka sam alo khal neuh neuh a "kha" ti deuh hluai in a kut ah ka hmeh bel deuh chawt chawt a . 

"Ka van hmeltha hlawm" tih pah hian thlalak ho chu a mal te te in a en a 

Ka lo chek tlak tlak "iti ve lo mi.. " tih paha ka hnat a lo khawih zeuh chuan 

"Ti e..ti e...I tha ber alawm.. Vanlalthaber hmeltha pa..." Ka lo tia alai ve deuh nge a, nui suk suk a, a dar a nek salh pah hian "zanin chu lo leng la " ka tia kan kal pah tawh muangchangin kan chhuk thla . 

"Ipa te an awm dawn lo mi" alo tih chuan 

"Awm dawn tho e.. Kan seat ah khan" ka lo ti nghal a kan seat ka tih hi kan thutna thin thingkung hnuai kha. "I chhuak thei lo ang" alo tih chuan tlemin ka hawi ch ho deuh a "hmm..... Tha lawm lo leng lo tawp rawh" tiin a hma ah chuan ka kal chak sawt a "Hmmm.. Titau leh ringawt" atih pawh chh ka hre reng mahse ka ding duh chuanglo. 

Zak chung chungin leng turin ka sawm ve a.... Chhungte hmuh tih vel te chu khu tah khu tah ka dah laiin min hmuh tir phet tum awm fahrana min zawh chîk vel ni, ka ding duh miah lo a ka kal chak tawh lutuk ringawt ka darah alo kuah nalh a ben thlak mai ka tum chu min kuah nghet rapthlak. Ka dar ah a tham tel deuh sia a na tel "khaw maw... Ana nia aw" ka tih chuan rang deuhin min thlah leh ang lawi a

 "ice cream ka lei ang che" min thlem tih ka hria a nui "ka duh bawklo.. Len pawh ilo lena duh loh kha mi kan ngai ve che a... Chhuan lam fahrah te te siam kher kha ngailo" ka lo ti hlak thung. Min pawt ding chawt a alam min hawi tir Hahthlak tih hmel fe hian min melh a , a chal a chuar nâng mai 

A mit ah tak ka lo en ve kal a "enge...thinrimna tur ringawt I zawn a " a sawi zawi a mahse ka bengah chuan a ring mah mah maithei ani. 

"Ka zawng maw" ka lo tia lu alo bu nghat ka aw ka lo thian kharh a hmun dang ka melh nghal daih bawk thinrimna tur ka zawn âwm ka hrelo, kan nih atangin thla 4 ani dawn tawha thinrim na tur ka zawn reng ka hre ngailo. "Ka zawnglo" ka lo ti leh sap a atawng leh dawn lai taka a thianten an lo koh chuan "ka hman lo hei thlah a ngai " tiin min kawk zeuha engmah an lo sawi leh tawh lem lo. 

Muang changin kan chhuk a a bike a lak chhuah lai chuan ka lo nghak a tlai ani tawha a vawt leh har tawh ka zawn alo thlen chuan a tih dan ngai bawkin ka chuan awlsam theih nan alo ti âwn leh a hei hi chu ngei ngei ka thinrim emaw a thinrim lai pawn ngei ngei ani mai. 

"Ramhlun lamah aw" ka tih chuan "enge" alo tia "Rini te'n ah... T-shirt ka lam kawi lawk dawn" ka tih chuan min hnial lem lo. Traffic a jam a chuti chung chuan phun nawi miah lo in min kal pui leh ta tho a, a fel ve hnûp hnûp thei ania ka bialpa hi chu ah.... 

"Min lo nghak rawh.. Ka rei lo ang" tiin ka tum thla nalh a , a bike a side stand a dawrah akal dawn aniang Rini te in ka chhoh lai in a lut ka hmu. Ka let leh lam chuan a bike bulah alo ding rân a meizial alo zu si hlat hlat mai hnunglamah a keng deuh tût chu ka nui ati za ang reng. 

A kut hnung lama a dah chu ka melh a

"Zu rawh zu rawh.. I in thlahrung anih kha" ka tih chuan ri meuh in alo nui a keipawh ka nui tho ka bula a awm hian a zu mang lo a a zuk pawn... Ka hnaih lo thei ang berah a zu thin. Mi ten a sual ti a an sawi ka hre ve fo a.... Zan ah rei tak tak len a ching an tia mahse kan nih hnu hian a len rei âwm ka hre ngailo, a len dawn chuan min lo hrilh thlap thina a, haw velah min hrilh bawk a chhiatna lai ka hre ve hauh lo a, kan in hauh chang a ka thiante hnena ka sawi te hian ka inchhir chawpchilh leh nghal thin. 

Ka tan deuh tûk a ka bialpa hi ani bik hliah hliah WhatsApp dp ah kan pahnih a kan lak dun na Biakin ami kha a hmang ve ngei a kohhrana inhmang a ang ve lutuk chu pawh an lâwina Biakin ala ni lo zui, keichuan ama thlalak ka hmanga ka chhungte ka Hide vek thung ka cousin te chiah ka hide lo puitling in an hmuh chuan an sawi leh luai luai dawna, "ila naupang.... Bialpa nei rual ila ni lo... Chu ti kha ti" an ti leh nga tiang kha ka peih lo ka cousin te atang hian ka experience tawh a chuvang ania ka hide vek. 

Kan haw lam chuan a thim tawh a kawl a sen phet phet a lirthei kan in tlar pût a , a bengchheng si Juana chuan Helmet full face a khum bawk sia, ka khum ve tawha a phui tha mup mup lutuk "Juana" ka tia kan din lai ania a hre thei aniang hnung lam chu alo hawi zeuh a "ka lawm eeee.." A hnung ah ka beng pah thak thak min lo melh a, a chal ati chuar nang dawn ka hre nghal "eng vang chuan" alo ti nghut a 

"Awww..! Min thlah ziaha ka duna ah min kal pui ziah bawka ... Ka lawm ve tawp" ka ti deuh nuaih a a mit vun a chuar deuha anui tih ka hre mai ka lo nuih seih a "keipawh ka lawm" alo tia 

Kan nui dun vur vur ang chu in ka thlen pawn ka thawl huai mai. 

Juana nen a kan in biak that hi chuan a nuam a lawm hi a kim bik ka sawi thiamlo ka nitin nun a bet ve pakhat kha ani miau a. "Ilo va haw har ve" ka pa chuan alo ti nghal a in chhung ka lut chiah tak tak ti ah "Rini te in ah thil ka la kawi a " ka lo ti maia Rini hi ka cousin ania ka pa nau ni Mapuii fanu keiai a nau hret a mahse kan in kawm tawk lutuk tho tunah class 12 a zir ve mek. 

"Han inthlak la chaw ei dawn ang u.... Ipi Zami te an lo thleng tep tawh ang..duh leh chaw ei khamah i inbual mai dawn nia.. Aw... Nge ni a chaw, ei ah kan lo nghak law law mai dawn.. " ka nu chuan alo ti nghal thuai thuai a "pi Zami te an lo kal dawn maw" ka lo ti he haw "aw... Kolkata ah an kal dawn ta nge nge... An lo zing chhuaha an lo thleng tep ang" ka nu bawk ani. 

"Lo ei ila.. Duh leh an mahni in ei ve mai se... " ka pa chuan thu thleng atanga thawh tuah tuah pah hian atia "ni eee... Tebawih chaw ei lo siam rawh" ka nu in ati nghal zat Tebawih atih hi u Jenny an koh duat ve dan ania. 

Ka room ah ka chho a ka tih hmasak ber

"I thlen tawh em" tih ka bialpa ka thawn nghal ala thleng dawn lo tih chu ka hre renga mahse ka thawn tho. Ka pi Zami te chu sarih leh chanve velah an lo thleng a 

Ka nu in "in chau em" tih ten alo zawt nghal luam a ka pi Zami te hi ka pa te chhung lam an nia.... A fapa pa Tp-a leh an nu nu Mazawni leh an fapa kum 4 vel an lo kal "chau ve reng... Kawng chu tha, ve viau mahse nilenga Motor a chuan chu a hahthlak" nu Mazawni chuan alo tia. Ka pi Zami chu tar ve tawh lampang ania ka nu leh pa te chuan 'nu' tiin an ko. 

"Tebawih.. Mamte chaw ei kha siam sak rawh u... An ril atam tawh ang bag vel pawh kha duh leh Mamtei Room ah dah rih ula" ka pa chuan alo ti ve nghal a 

Ka pi Zami leh ka nu chu eng eng emaw sawiin an titi a. U Jenny nen bag an lo ken leh Blanket tih vel chu ka room ah kan thiar chho. "Ava rih reuh e" ti nang nangin u Jenny chuan Bag lianpui mai a sen hi a keng a "phun phun suh" ka lo ti hlak an lo hre pha reu reu ang u Jenny hi chu vei em em neilo sawi chhuak tawp chi ani sia mi pawi te pawh hi ala sawi ang tih hlauh awm kan tih ang chi kha mahse a rilru a chhe miah lo thung. 

"U..... Pi Zami te khu khawi khua nge khah" ti a ka zawh chuan "vanlaiphai" alo tia "a hla em" ka ti nghal zat ka pa te khua ania vawi khatmah ka la zin lo thung. "Hla ve ang... Ka tet laia min zinpui bak kha ka la kal leh lo hrim hrim" uar deuh hian alo tia. Keiphei chu thingtlang kan tih ang chi Aizawl ni lo hi chu ka la chhuahsan lo hrim hrim ka pa te hian an phal loh Mai bakah hmun nuam ka hre lo hrim hrim a. Reiek tih vel hi ka kal ve tawh a ani mai 

Chaw ei kan zuk siam sak leh thlapa an fapa te kha a hmeltha reuh phian a 

Kan in hmuh zen zen loh avang in Aizawl a kan chhungte tih loh hi chu ka nel em em lo. Mahse Kan Jeremy a te hi chu a cute ve reuh lutuk "Jeremy chaw lo ei ve phawt la ei khamah i u te chu i kawm dawn nia" nu Mazawni chuan alo tia kan bulah a thu chawt a phone a Tom a zawhte tawngthei kha min en tir ka u nen. "Lawkkk aw" ati reuh a atawng fiah reuh sia a mit a lian a biangsum a biang vei lamah a nei reuh leh nghala a, hmeltha ani tawp mai. 

Jeremy a chaw ei kham chu ka bulah alo tap leh chawt a "au.. Mawimawii nen an in mil phian hi.. " tiin Pa Tp-a chuan ha kher pah hian atia "nia..... Midang a ngai nat loh loh nen... Mawimawii chu a duh tlat" tiin nu Mazawni pawn alo tui hnih ve nghal zat a. "Tinge.. A sual thin ami" ka nu in alo tih chuan an nupa in an aw rual that kan lo nui dar dar a "a, khirh lutuk..... Bawnghnute tel lo chuan chaw pawh a ei peih lo.... Hmeichhia hrim hrim a ngaithei lo va mahse Kan Mawimawii chu a duh phian a " a nu in alo tih leh chuan Jeremy a chu ka en a 

"Awi avan mak em em engtin nge.. A tih thina" ka nu bawk chuan alo tia, "hmeichhia tawh phawt in pawm an tum hian a duh ngailo a tap lo bawk a... Mahse a duh loh zia lan tir nan a tal ngar ngar zel..... Phone a en tawp a lehkha a thiam thei reuh lutuk english in be chhin ru" anu in chhuan hmel taka alo tih chuan Jeremy a chu ka lo melh vat a. 

"Jeremy... What are you doing" tiin ka zawta a mit fiah deuh a min lo melh pah hian "I'm watching YouTube" alo ti sap a ka lawm reuh lutuk... A fiah em em leh nghala puitling ho chu an lo nui dar dar a, Jeremy a pawh a zak ve deuh ni tur ani a che reng mai. 

Dar 9 velah inchungah ka chho a Juana an min lo be tawh hrim hrim ka lo theihnghilh char char a "thleng chiah" Dar 6 rik dawn khan alo tia phone ka khawih leh tawh lo hrim hrim a missed call pawh pathum lai a awm. 

Dad 7 velah "nge i tih a " tih min lo thawn leh a chuan min lo video call aniang dar 8 leh chanve velah "ka leng dawn sin" tih alo thawn leh a chuan nichin mai khan "ka haw leh tawh" tih alo thawn avan leng rei lo em em. 

"Awi.. Kan chhungte Vanlaiphai atangin anlo zin a kan ri deuh laih laih a.. Phone ka khawih lo hrim hrim" tiin ka va insaw thiam zung zung a, a last seen pawh nichin mai ania phone a khawih chuan min lo reply nghat vatin ka ring. 

Bathroom ah hmai ka va phih a tunlai ka mengrei thei riau a mut hma ka duh ka hmai a bawl ve a sin te te alang sar lo mahse hmai bawl chu ka duhlo. 

Room a ka phei leh hnu ah tukverh vel ka kalh tha a "pawh.. Haw chiah" tih alo thawn chu ka reply nghal thuai a "khawi ah nge i len a Ka bialpa" tiin ka thawn ka thawn pahin ka nui ver ver bawk. Chheih ve zuk hi nuam thin a "Nuna te in ah ka Bialnu" alo tih ve pawh chuan ka nui hmel a ral riai riai ang ka ring. Nuna a tih hi u hmeichhia nei kha a nau pawh Remremi ania.. Hmeichhe ho nen an awm tihna. 

"Enge itih " ka va ti thlawt a "aw.. Kan in card den a " ti a min lo reply chuan 

"Tu te nen" ka lo ti leh ka zawt chîk pawh nilo hmeichhia an awm ve dawn tih ka chiang em a ka zawt chîk mai mai 

"Kei... Nuna Hminga leh Duhzuala ... Joela " alo tih chuan "ka awih thlawt lo" ka lo tia atak chu ni se ka sawi uar leh tawh ngawt ang "enge i awih lohhh" tiin alo voice a, "ka awih lo ve tawp" tiin ka voice let. 

"Awih awih rawh..... Ka duat lai " voice message bawk ani.. A nui tel deuh leh nghal a keipawh ka lo nui ve suk suk tho

"Ka awih nguar ang.. Ka awih theih dan tur Point thum sawi rawh" tiin ka voice leh a, voice recording tiin a in ziak ren râwn a an voice rei mai mai khawp a maw..... 

Alo thlen chuan sec 40 vel lai ani hman 

Ti hian alo tia "I awih theih dan tur point thum chu mawwwwms... Awih tawp rawhhhhhhhhhhhhhhhhhhhhhhhhhhhhh........." Alo tia a thaw a chham miah lo mi le ka tih hnu ah a tawp lama, a aw chu a tial ruai tawh ka nui chhuak hak hak a "awih tawp rawh.. Bawihi" a tawp kharna ni awm takin alo ti leh a. 

"Ka awih hram mai ang" tiin ka reply leh ta, nge nge. Kan in be leh renga "mut hma ka duh " ka tih chuan alo rem ti ve nghal mai a movie a en tur thu a, min chhan hnu ah kan in muttui leh ta phawt a, tui deuhin ka mu ngei ang mut dawna kan in thlah sweet deuh hlek hi chuan mut a tui duh bik. Nangni pawh in ni ve tho ang in bialpa/bialnu te nen mut dawn a muttui ti miah lo a in inthlah chuan enge maw tak kim lo hi awm ziah, in ni ve dawn chiang sa. 

Zingah dar 6 leh chanve ah ka harha ka duh ai in ka harh hma a vawt ka tukverh chu dai tlakna tih hriat takin a huh deuh chap a mahse ka hawng tho ni eng alo lut siar siar a thlasik zing boruak han nawm biak zia hi chu aw...... 

Hmai ka phih a inhnuai ka chhuk chuan an lo tho leh vek tawh Jeremy a khan min hmuh velah min lo kai nghal chawt a pawnah min chhuah pui, pipu aw man ah khan min kai phei a "I uai duh mi" ka tih chuan lu alo bu nghat nghat 

Pi pu ah chuan ka uai tira a sang lem lo a zawi te te in ka then "u........ " alo tih chuan ka melh chhuk a min lo melh chho ve rân "nizanah JCB ka ziaka" alo tih chuan ka thu hniam a, "nimaw a nalh awm ka lo en ve chhin" ka tih rual rualin a tho thut a ka lo phu deuh zawk nghe nghe. In chhungah a tlan lut a kei pipu ah ka lo thu ve tuah tuah thawh velah tui lum pawh ka in hman lo. 

Ka lo thut zawi nghian lai chuan paper kengin Jeremy a chu alo tlan chhuak a 

A nui sang a ka mal a paper alo dah chuan JCB ni ang tak chu alo ziak ve reuh a athiam ve reuh lutuk "heihi I ziah maw" ka lo tih chuan a bu nghat nghat a kei ai pawn a ziak thiam daih

"I van bawn em em" tih pahin ka kutzungpui ka ti pir zeuh a "I like it" ka ti pah "thank you U Mawimawi" alo ti leh ta reuh a an polite reuh tak ka beng hrep chak. 

Pawna Jeremy a nu nu Mazawni thingpui in chunga alo chhuah chuan "iva tho hma ve... Mawimawi" alo ti phei a "nia... Ka tho hma tawh dawn" ka lo ti vat "zing kar atangin alo ti buai che law" tih pahin a nui zui hak hak a "buai lo e.. In mutui maw" ka lo ti ve nghal a "umm.. Tui lutuk hepa, hi a mang a chhe reuh lutuk a.. Min khan reng a " atia Jeremy a chuan anu chu alo melh rum ve lutuk kan lo nuih pui bawk bawk thung "a Polite e.... A future a bright" te kan ti luam a 

A nu chuan a fapa chanchin chu sawi nuam ati ngei mai an fapa neih chhun ania. Keipawh ni ila ka fapa ka, hring ngei chanchin sawi chu nuam ka ti ve tho in ka ring naaa fa min ti nei chak. 

Nilai ni ania... Chawhnu ah chiah ka kal ang ka ti rilru neuh neuh a ka kal ta reng bawk ka thianten min lo present sak a 

"Juan a bulah i sawi lo mi" an tih chuan "sawi e" ka lo ti vat a "eee... Joelan alo zawng che a Break khan" an tih chuan "tinge min lo zawn a " ka lo ti vat 

Thaliani chuan "ka hrelo... Alo kal hunah min lo hrilh rawh u atia a kal leh nghal" alo tia u Joela ania a pawi mawh ka ring vaklo "taka.... Nimin kha Nuna birthday Ania... Remremi status ah Juana pawh ka hmu ve " Thaliani bawk chuan alo ti leh hluai a Duhzuala kha chuan a hmang ve ngei a, mahse Juana ka hmu lem lo thung. 

"Nizanah a leng zawk alawm.. Juana chu mahse a awm rei lo" ka lo tia. A awm rei lo tak tak alawm dar 8 leh ti ah a len tur thu alo sawia reilo te ah a haw a chuan kan in be char char. "In pa hi chu i tan ve hrim hrim" Vasty in alo tih chuan an lo nui dar dar a ka hnial lem lo ka tan tih chu keipawn ka in hre ve tho a. 

"Christmas a hnai tawh si... Awi.. Keichu ka ning e eng pheikhawk nge in lei dawn" tih vel te kan sawi kai chho a Christmas kan hman dan tur te kan zeldin vel ta mai mai, Meloi chuan "keichu api ten helam ah lo hmang la an tia mahse Aizawl ah hman ka duh ka ti talh a " alo ti nang nang a Meloi hi chu ka khanwgaih thin apa nen chauh an awma mahse amah hi engthawl ve chi ania, a nui huah huah zel amah tawp hi a pui ve thlawt. 

"Ngai biklo.. Thian ho in kan hmang ve ang chu kan nula ve tawh lawm" Hmuni pawn alo ti ve a "chu chiah... Kum kan tling vek tawh a.... Keichu zu in ve chhin ka chak" Thalianin alo ti khauh a kan vaiin a lam kan hawi nghal thup. 

Ti dai hian Thaliani chuan min melh hlawm a "zu kha sawi hlek suh.. Sawi pawh" ka lo tih chuan "aw... Once in a lifetime maw" alo la ti ta deuh deuh. 

"Niaa.. Keipawh in ve chhin reng reng ka chak kan zawngchhang dawn pawh ani lo va an ruih hian, engtin nge an awm ka hre ve chak" Meloi pawn alo tia. An ti leh duh tak tak dawn tih ka hre thei an ti dawn chiangsa "zu pangai tak tak pawh nilo champhai zu ang kha kan in dawn nia" Thaliani bawk ani "Champwine ti ve mai la.. I sawi local eee" Vasty in alo tih chuan kan lo nui uarh uarh mai. 

"Aw.. Champwine kha a tolo ani lawm ni" 

"To lo e.. Kan in thawh tawm anga.. Kan riak khawm anga kan in ve chhin dawn nia" an tia an sawi an sawi takah chuan keipawh ka rui ve chhin chak, kan zawngchhang dawn pawh nilo ruih hian nilo zu rui hrang hrang ka hmu ve nual tawha a then an tap a, a then an nui a, korean film a An zu in bottle hring te reuh te ang kha ka in ve chhin chak 

"Soju ka in chak" ka lo tih chuan Vasty in rang deuhin " an zawrhna ka hria.. " alo ti vat a "khawi ah" kan lo ti rual thawt nghe nghe "khaaa... Tlang pan chhoh dawna dawr hmasa ber kha.. Kha mi hnuai hnuai leh ah khan.. Langsar deuhin an zuar lo a... U Nunpuia te'n an la thina ka hria" alo tia u Nunpuia atih hi Juana te Thianpa kha vai ang deuh kha. 

"Lei ve chhin ila" Thaliani chuan alo tia a phur sarh sarh khawp mai lu kan lo bu hlawm tliar tliar a "mahse urlawk zanah nge kumhlui thlah zanah" ka lo tih chuan Kumhlui thlahzan an lo ti rual dul a aw ka lo pawh ve nghal thuai. A hnai tawha kan kal bek bek anga kan thleng mai dawn. Vawi khat pian ve man a ruih ve hrim hrim chu Pathian pawi kan sawi êm lo ang chu maw. 

Class ban ah u Joela chu min hmu turin alo kal leh a "Ka jacket pawl tak kha..... I duh em" alo ti nih chu va han sawi ho tak 

U Joela kha ani miau a, a thu tak ve reuh sia ho ti viau mah ila thu tak deuhin ka lo 'aw' ve nghal thuai thawmhnaw a nei sial thei a, Branded lo chu ti ve thin ang kha ani miau a ka duh lo phal nang le. 

Juana nen an zia a in ang a an tui zawng leh an in cheidan thlengin a in ang vek.... Piang hmun ni si lo ah chuan an duhzawng in ang thei lutuk hi chu an in to bro bik hliah hliah. "Naktuk ah ka lo ken ang che.. Emaw zanah Hruaitluanga te in a len pahin " atia awmze nei deuhin min lo melh kher "hmm" ka tih chuan 

"Ilo leng ve duh em" ati nih chu "mila in a len daw daw ka duh teuh lo mai " ka lo ti nghal hlar a "ho e" vei nei awm pawhin a awm lo... A nung ve tawp ani ber hepa hi chu. "Ah.. Ka duh lo ka zak e ah" ka lo ti leh chuan ka chalah a lo kuk fawka ka in ring hman si lo a... A ring rapthlak a chiang hle bawk.. 

"Anaa" tiin ka tuai nghal vut vut a , a inthiam lo leh deuh aniang "ohhhh... Ka tihpalh" atia a nui zuk hak a "tak tak ah nia... Hmeichhia chu len daw daw loh tur in in thlah hi tawk chiah... College a mi te mit ti kham khawpa in zui te.... Ni ber awm zia zang a langsar taka awm dun reng te.. Tiang te kha ti ve lo la.. Ka Thianpa bialnu I nia chu mai bakah ka nau ini bawk a lutuk chin ah chuan ka lo kal anga ka khai phei nal nal ang che" ati ve duah a Lal Joela ani lo emaw tih mai turin a tawng tam a thu tha ni awm tak min hrilh ve ngei. A va inhmeh lo tak. 

Ka lo nuih chuan "nui suh" ati leh hluk tho sia "awle.. Ka lo hre reng dawn nia.. Pu Joel" ka tia a ner zui nawka min kalsan ve ta hram. Kan thian ho in kan chhuk tham tham a, Gate bula Juana leh Nonoi lo ding dun ka hmuh chuan ka ding chat Nonoi chuan Juana chu a be siam siam a, Juana pawh alo bu ve nghat nghat in haw hmel an pu miah lo a, an in be tui khawp mai "saw saw... I bialpa te" tiin ka thiante chuan min lo sawi a ka hmu ve reng sia min sawi nghing vak vak. 

An zawn kan thlen hma deuh hret chuan Thaliani chu a khuh der vak vak a kan lam an lo hawi velah Juana chuan min lo hui a, ka va phei peih lo tak engtin emaw ni hian ka na deuh veng veng ni maiin ka hria chawp leh chilhin ka thin zawn hi a sa vawt vawt nu maiin ka hria. 

Nonoi in min lo hmuh ve hnu chuan min lo nuih leh sang tawh ka va han nuih let awm lo tak Juana ngawt chu ka melh a Nonoi chu ek mai ani.. Awm ve lo ang hmakah ka ngai "kan kal dawn mi" Juan an min lo biak chuan ka chhang lo ka thiante pawh chuan Juana chu an chhang miah lo ex te lo biak vel kha a tul miah lo alawm. Ka thinrim a enge an sawi lam ka, ngaihtuah eih lo ka chhuk thla zui hmiah a ka thianten min lo ûm zui. "Enge.. A, ex nen khan an lo ding dun vel a " Vasty chuan ati thla a ka thiante dang pawn an sawi chhe leh nghal chiam chiam. "Juana la kha.. A nui ve sang leh nghal a mit kha in lo hmu em....... A lerh hmel zia kha èl ûl a " an tih te chu ka hrrvek mahse engmah ka sawi ve lo thung. 

"Mawimawi" ti a Vasty in min lo koh chuan ka ding a "tinge I kal daih" an tih chuan ka kal daih chhan ka hre lo tlat tikhan a ex nen an ding dun ka hmu a an in haw lo tih pawh a chiang hle ka hmu thut sia ka thinphu a ranga engmah an inkarah awm tawh lo mahse hmuhnuam ka ti lo, ka rilru ana veng veng ani tawp mai. . Chhak lam ka hawi chuan Juana lo tlan thla chu ka hmu a, a bike nen kan zawn alo thlen rual a chuang tura min signal pawh chuan ka lo hnungchhawn hmak. 

"Mawimawi" alo tih pawh chuan ka hrelo der a ka kal sawn, ka thiante an nui leh tet tet tawh tih ka hre reng thla pawh an la leh tawh maithei. 

Kawng ah chuan ka kal zel a ka zawn ah zel alo ding.... A khat tawkin Horn a ti ri leh a mahse ka ding duh chuanglo 

"min lo zui tawh suh" seh chilh zet hian ka tia ani chu alo nui hak mai "engee.. Lo chuang rawh.. " nui zal, aw deuh hian alo tia na thei ang berin a lamah ka in her sawk. "I duh leh... Nonoi phur rawh" ka tih chuan a meng dur nghal khup thei. 

Ka in her khum leh hmak a ka kal chak sawt bawk ka zawn zelah alo tlan zela ka ning ta, deuh chuan "lalhruaitluang" ka ti vak a kan chheh vela awmte chu ka ngaihsak tawh lem lo "enge.. Lalrinmawi" sawi sap hian atia a hmel a inthiam lo hmel ka hmu chawp chilh nghal bawk. 

Ka ngawi renga a seat hnung a ben leh thak thak hnu ah tum bar bar in ka thu leh ta nge nge.. Ka lawn dawnah a darah ka sik tel a..."ana" ti a nui zui hawkin.. Hnung lam chu alo hawi a "I chawh.." Ka lo ti hlak a , a nuih avang chuan ka tum loh deuhin ka nuih ve phah. 

Ka thiante ho in min lo bye bye a... ... An nui tet tet video a thla an lak leh loh chuan a mak ngawt ang...... 

"A hla hma tho a len i duh em" ka hma a mi chuan alo ti lang lang a tunah chuan full face a khum tawh lo a... a tawngri pawh ka hre tha thei "khawi ah" ka lo ti a "ka hre bik lo.. Awm ve leh mai ang" atia len kan tuma kan len na tur ber pawh kan hrelo ania va han hahthlak dun bet bet tak. 

Kan bang hma miau a view deuh na hmunah kan han kal a, tlai lampang a Juana nen hun hman hi chu ngai ah ka nei theilo.. A nuam bik tlat zel.. A rim chocolate rim nam chêk chêk te hian zûn an nei vek emaw tih mai tur hi... An ngaihawm hliah hliah. 

"Enge i TT leh ringawt a " ka dar a min nek salh pah hian alo tia kan ding a ni tla tur lam kan hawi mek.... " ka tt bawk lo aw" ka lo tia "I tt reng" alo ti ve nghal zat TT tih hi Titau tih na kan lam tawia TT tiin kan sawi thin. "Enge I ex te I biak that huam huam" ka lo tia min lo melh zawk tih ka hria mahse ka melh let duh miah lo "ka biak thatna ka hrelo" alo tia 

"Be tha lo la.. Nui ver verin a, be lo ang che" ka lo ti ve nghal. 

"Hmmm... kan thusawi I hre ringawt ami" alo tia "ka hre peih lo " ka tia sir lamah ka tawlh hret... Alo tawlh phei ve zela ka tawlh leh zel "enge.. Min lo sik chêt renga" ka tih chuan "ka ngai che a " atia.. A nui deuh a ka lo melh râm râm thung. 

Chutia ngawi renga kan din leh hnu chuan..... Mipa leh hmeichhia awm dun ta reng chu kan in hnaih zela kan awm dun ve fo a.. Kan in kuaha kan in kai bawk mahse kan la in fawp miah lo chala in kiss zeuh te biang a in kiss zeuh te chu kan nei ve fo mai hmui ah tak kan la in kiss lo a.....

Juana chuan min en renga ka hmui lam a melh tih ka hmu a tum loh deuhin ka hmui chu ka lo liak huh zeuh bawk nen a nui suk a awmdan thiam a har... JUANA chuan alamah min pawt hnai hret hret a ka thinphu a rang tawh lutuk. Kan in hnaih tawh ka meng ngam tawh lo a ka maimichhing tawp a tihtur ka hria a zawi muanga a hmui in ka hmu lo sik chuan ka tek chhawk nimaiin ka hria 

Ka ding ngil deuh ut a, a hmui a chet rual chuan ka kut ka lo hum nghet tawh lutuk a kut in ka tukhum a dawma, mi ka la fawp ngai lo a, mahse dawh tawp chu ka ti ve deuh a ka thiam ang angin ka lo chhang let..... A duhthawh telh telh a min fawh zawng chuan ata ka ni bik hliah hliah in ka hria, ka taksa a danglam a Juana âwm zawna ka kut in ka in nem khalh a a thinphu a rang ve tih ka hria. 

Ka chhan let vang chuan nge... Min kuahna chu a nghet sauh a, kan awmna a reh bawka tuman min hmu theilo mi zawng zawng chungah kan awm miau a. 

Kan inthlah hnu chuan awmdan thiam a har ka zak thar deuh thut a "first kiss ah chuan rei ve tak chu ni... " alo tih chuan ka en phawk khawp mai... "Ka first kiss ini nia aww" ka lo tham chhal a ... Ngaihawm deuh hian a nui a ni a tla lek lek tawha boruak chuan a zir ve reng nge... Ka bul a awm reng chung pawh hian ka ngai veng veng thei. 

" ka fawh hmasak ber hmeichhia inih kha " alo tih chuan ka lo nui chhuak hak hak a "ka awih lo ve khawp mai... Lalhruaitluang" ka ti thlawt a mit hmul a kan ak a "ani lawm.. Tumah ka la Kiss lo" atih leh lek phei chuan thual nawk nawk a vawm bo daih ka chak. "Dawt ka sawi lo... Ka first kiss i ni " a sawi zawng chuan a tak rûn a... Ka awih chiah lo na in.... Ka awih ve tho "tak tak ami" ka lo tih chuan lu a bu nghut a "kan in frist kiss ve ve nimaw" ka tih chuan alo nui hak a "nimai e... Ka duh em em nu" tia ka dar a min lo kuah Chuan a kawngah ka lo kuah ve nghal zat a. 

"Naaa... Ka ngai che" ti a ataksa si chet a min kuah Chuan ka lo en phawk min pawt thut sia ka inring hman lo "hmmm... Ka awm ve reng hi" ka tih chuan "in ru ila" alo tih pek anih chu ka awih lo lutuk chu ka nui vak vak a ani erawh a thu tak rapthlak "I mawl ami.. Min chawm zawm lo ang" ka ti ve tak na a.... An hausa tih chu ka hria mahse amah hi a la ho ve thlawt alawm "chawm zo e.... Nang leh ka fa tur te chu ka chawm zo che u" atia ka dul a melh pah kher. 

Ka dul chu ka lo khawih ve ringawt a 

Anui suk ri ka hriat Chuan "enge kha tia ka dul I melh a " ka tih chuan "kan in ru dawn nia" ati leh a a fiamthu tih ka hre tho a "nia.... In kan luah anga.. Fa mipa leh hmeichhia kan nei anga" tiin a kawngah bawk Chuan ka kuah leh a 

"Chuan... Ka hnathawk bang min lo hmuak ziah anga pa a I chau em... Tiin " atia anui suk suk a keipawh ka lo nui ve tho..... 

Duhthu kan sam kual a atak ram chan tir ngei kan tum bawk enge kan hma ah lo thleng tur kan hrelo, kan suangtuahna chu kan hlimpui a lungnaihna reng reng thlen ve theih loh na hmun kan duhthusam na ah Chuan hlim dun hle. 

Thlasik thli lo thaw heuh heuh Chuan ka lunglen a ti zual a, ka tukverh atanga thla eng lo lut ruai Chuan ka lung ati leng ka phone ka la ka nga Group a ka thiante an nawi laiin keichu lungleng deuhin ka mu. Ka phone message ka en a ka pin thin mipa kha ka hmu tawh lo, ka lunglen ti zual turin Duhzuala Status ah 

U Joela te Hminga te Juana pawh ka hmu Chuan a Bialnu thar ni a an sawi Ruatei pawh meilum hnuai ah thu in thla an la ho. 

Ka sawi dan hi a rei hmel maithei mahse kar 2 hnu lawk a thil thleng ani. JUANA nen kan in hau a ho te ah, thu ho te kha kan la vung vaka kan pakak chho zela christmas ni ah ka then, ka then zan la la in a status ah Ruatei te nen an thlalak biakin kawta an Pic alo Status a 

Caption ah engmah a hmanglo . Kan College ami tho ania Juana te Sem ami hmeichhe nunzem leh zaitdam deuh ania, a zaithiam nghe nghe a hmeltha e ti a sawi tur ani lo va mahse a aw analh in a zaithiam a, Juana nen sawi an kai nghal hat. 

Ka rilru ana mahse keima then ania rilru lo tih nat Chiam a Juana dem ka tum lem lo thung . 

Ka thianten a ngei hlur a, mahse min dem  ve tho bawk kan buaina kha kan in hau a kan in be zui lo ve ve a, a hlim anih ringin ka then kha nia a duh loh thu vawikhat pawh a sawilo inthne kha alo duh awm et et aniang ka ti mai. 

"Umm" tih chiahin min chhang. 

Number kan la in save ve ve a, mahse Ruatei nen an sawi dun atangin a number ka delete a ka block nghal bawk. College ah ka hmu dun ziaha tlai tin ka Chuan thin na Seat ah ngei khan Ruatei chu a thu tawh. Ka thik mahse ka ti lang lem lo kum a thar tawha nun thar nen tiin hmalam pan ka tum a har ve ngang mai nitin ka hmu ziaha u Joel a ngei pawn keimah min dem "I then chhan a ho si... Thik suh" min ti. A thiante dang nen number kan la in save veka ka hmu leh zeuh thin mahse hmuh tawh loh ka tum a ka hel tang tang zel, ka hmuh leh Chuan ka ngai thar zela zanah ka ngaihtuah a zingah hmelchhe tawkin ka tho ziah. 

Kum 2020 thla tir lam ania, kan exam pawh ka chhang tha ang reng hle 2nd Sem kan tan leh hma in hri a leng chuai chuai a, Mizoram ah alo la thleng ve lem lo thung  ka nau tih lem ah ka cousin Rini kan in lamah alo riak chho a, Chapchar kût ah kal ngei kan tum ka thiante ho chu an khaw lamah te an haw hlawma Thaliani leh Hmuni an dam loh ve ve avangin kal chak viau mahse an lo kal ve thei lo. Vasty chu a lam ve dawna an veng branch in cheraw an kan dawna a lam ve dawn avangin kan in hmu thei kher lo ang. Meloi chawlhlai te ania api te khua ah a chho mahse alo chhuk leh dawn. 

"Kawrchei ka ha mai ang" ka tih chuan "aih... Hmar am ha zawk rawh" Rini Chuan ati tlat a Naktuk lawk Chapchar kût ania kan hak turah kan la buai "nih..... Khawi vakiria khum bik suh" ka tih chuan a bu nghat nghat. Mizo thawmhnaw chu kan nei ve nuala mahse vakiria hi chu ka pa hawh u Jenny in vuah mai rawh se. 

"Juanan nen in chanchin hi a tawp ta hmak ami" ti a min zawh Chuan "tawp hmak e" ka lo ti thuai a "naa... A lem eee" ati fan raih "in in hmeh hmeh nen Ruatei kha ah chhe ropui si... Tap tur a ang per pur a " a sawi chhe hnehsawh lutuk chu ka lo nui hak hak a. "I sual em mai aww" ka lo tih chuan "nangpawn a ruk  chuan chhia iti ve tho ang" atia zep lo chuan nia... Ka in hmuh that vang pawh ni lo in kei ai Chuan a chhia ka ti ve ngam sak teh thlawt ahhhh..... 

Kan inthen dan kha a ho ve riau alawm ti khan kan in hnial a kan in be lo hrim hrim a ni thum tawp kan in be ta lo khan a hlim anih ka ring nghal hmiah a hlim reng bawk

"Enjoy rawh Merry Christmas inthen ang"  tiin Christmas ni ah ka then kha ania "umm" tiin min reply chuvang ania, inthen a duh ve hliah hliah ang ah ka ngai hmiah ka la naupang ang renga kum 18 ka tling ek ek chauh ani chu kum 21 ani tawh. Kum thum in kei ai a upa mahse ala naupang chhia ka ti dawn nge Zan len te kha nuam ati bawk sia Nuna atih a thiante nen khan an leng renga, Chuan kan inthen zana a status Ruatei te nen a inkhawm zo hlim tih hriat taka an Thlalak kha Fb Ah Ruatein a Pose bawk. 

Kan in friend ve kur a ka hmu vek, zanah ka tap ve fo ka la na ve thlawt bialpa ka nei tawh miah lo ang ka ti kha ania college ah an lo inzui reng a kan Class ho zawn ah kher te hian Ruatei hian alo din pui vel thina. Sawi tel ngei ngei ngai a awm Ruatei thiannu Lawmkimi engtik lai pawn Juana te nen ka hmu thin. 

Juana kha ka chîk thina a ning hmel ka hmu fo, ka ngaihbel vang hrim hrim pawh ani lo a ning tih ka hria mahse leee.. Sawih theih ka nei lem lo....... A duh a , a nihpui ani mai hmalam pan nan a hman a tum anih pawn ka dem lo an in inkar ah inrawlh buai ka tum lem lo Duhzual an "a duh che law... Move on nan bak a hmang lo lalRuatpuii te chu tupawn an  nihpui theih" atia min lo hnem ve mahse ngatan mah ngai lo angin ka awm

Cont-

Word hi 6000 chuang te ani thin a.. 5000 ka pel ngei ngei a nia aw... 🥹 a tlem deuh in ti em ka hrethiam lo mahse type chhung a rei thei lutuk a... Min lo chhiar sak thin avangin ka lawm e  ti daih 🤣🤣