ENCHANTÈ CP-11

ENCHANTÈ CP- 11

BY : APHRODITE STORY

Rini nen naktuk lam a kan inchei dan tur te kan en fel a, Kan veng pawn Cheraw an kân ve dawn tho a mahse kan zir ve lem lo a, zana zir ati thin sia ka pa in zan chhuah a phal tlat si lo va ka tel ve lo. 

Kan sam chu paper in kan roll a zanah mutpui kan tum, ka khum ah kan mu a zan lai thleng kan titi Juana nen kan inthen dan ngawt min zawta a hma pawn ka sawi vek tawh sia, min zawt leh tho. "Juana hian FB a khawih ve em" atih Chuan lu ka lo bu nghat a "khaw maw han en chhin teh" atih Chuan "kan in friend tawhlo.. Engmah Thlalak a Pose ngai lova, Ig ah phei Chuan Account pawh kha a nei leh tawh lo in ka hria" ka lo ti vat a. 

Fb lar zual lai ania tupawn Facebook chu kan khawih vek maithei "Ruatei nen in in Friend ve em" atih Chuan kan in Friend ve ngei alawm Kum hlui thlah zan khan 

Dar 12 rik dawn ah 'Happy New Year's tiin Thlalak ka Pose ve a Juana nen kan inthen atanga ka Pose hmasak ber ani nghe nghe, kan inzui lai khan ka Pose ve Nuala Juana hian 'ka thinglung hmun ruak luah tu' tih te, 'Lalrinmawii ni maw ' atih loh leh "ehe..Lalrinmawii " tih te "a va chhelo e, ka hnek chawrh dawn mi le " tih ten alo comment thin a  "Hey " tih ringawt ten alo comment thin.

comment mak thei sia, Love senno hi alo dah tel kher zela heihi chu ka Favourite Colour ania, enge maw Status ah te min hmang leh zuk zel chutiang ah Chuan a dah tel kher thin....ka thlalak Pose pakhat ah phei Chuan an thian ho an lo titi ani ringawt  Juan an 

"Mipa ho khan lo melh tai hlek suh ang che u kan nu nih hi Ka fate nu tur muah" alo tia Duhzualan  "ummmm.... Bro  kan veng tlat dawn" alo tia Hmingan "khaih.... Kan hauh na nia aw " atia u Joela tak ngial pawn alo comment ve "ka nau mai bakah ka thianpa bialnu...... " atia Duhzuala in dah dan hi a mak ve hrim hrim 'Duh_khus_zual _dew' tiin a in daha Lalduhzuala Chuan u Joela chu alo reply ve thung a "bro zanin chu kan lo leng dawn" atia u Joel an "lo leng ru..... Kan par dawn nia" atia . 

Ka thlalak Pose ah an thian ho an lo titi ani ringawt Nunpuia pawn "down zuai dawn mi... Cash ka neih lai tak" te lo atia ka ning ta deuh Chuan "in vai khan... Comment tawh su " ka va ti ta thlawt a "ni chiah enge in Tawng vak vak a " ka thiante pawn an lo ti hial an tawng hnem sia ka Thlalak Pose ah an in hnial ta nge nge a, Duh_khus_zual_dew  an a tawp a khar ve thei hram Juana pawn alo hau ve a Juana te kha in la bialnu nei te an lo ti thul. 

Tih ngaihna vak awmlo a an inhnial chu ka lo chang ve tawp hial. 

 Naaa... Khaa.....ka in sawi lungleng leh dawn. 

Ka phone ah Chuan Ruatei Ac chu kan en a A thlalak Pose hnuhnung ber chu nimin kha Like Tu kei kan en thla diat diat a Juana Chuan Like pangai chiah a pe a comment lo bawk. Ka lo lawm rilru ve rap keichu Love hlirin ka thlalak a Like thin a, "tinge a like ringawt le" Rini pawh Chuan alo tia "a like a ni ve mai alawm... " mahse a ruk tak Chuan ka lawm rilru viau ang lawi a. Kan ti thla zela Ka tih ang chiah khan Kum thar ni zanlai vel ah thlalak alo Pose ve tih kan hmuh Chuan kan mit ala rang hle engmah phei chu ni lo a mahse Juana bialnu mek ania chu mi Ruatei thlalak Pose ah Chuan "Happy new Year Everyone" hi atia Chuan Juana a Tag bawk. 

Comment zingah Juana pawh alo awm ve rân a , a bialnu in a tag ngun em a a comment lo zawk ngawt alawm le 'ka thinlung hmun ruak luah tu' alo ti chu Rini nen kan in melh ralh. 

Thinlung hmun ruak avan ngah awm em em keipawh ti hian min Comment. 

"Awi... A hmeichhia khan a ti huam huam dawn chiangsa...... " ka bula mu nu Chuan alo tia "ho em mai.. An ni ber alawm tikhan lo ni vel mai mai rawh se" ka ti ve tak na a, a ruk tak Chuan ka thik ve tho hman atanga ka duh ve thin em em kha ani Miaua midang nen a hmuh dun hi a har. 

Zingah Chuan dar 7 velah kan tho a Nipui ani leh tawha a uap leh churh tawh zing karah kan in bual fai hiarh a kan sam chu nizan kan mu nasa deuh nge a then alo in phelh a, a then a hmawr tawpah alo la in ham tang ve tawk tawk. 

Inhnuai Bathroom ah ka zuk in buala Dar 11 leh tih velah kal kan tum mi an tam dawn êm avangin leh Traffic a jam nasa dawn sia kan hmanhmawh peih vaklo. 

Hmâr âm kawr ka ha a, a puan erawh a chhingin ka bih thung. Thi lian pui Hmar ar nen a in sût deuh mai a dum leh a var ania ka pi ta ka hawh Rini nen hmani ah kan va la a, ka pi Chuan Mizo thil a, ngah a bengbeh pawh a ngah mai kan va hawh a ti bo miah lo tur in min chawh thung a. 

Rini chu Puan chei nen ani ve at thunga. A hmelchhe lo va , kan Cousin ro ro ah pawh hmeltha ka ti ber Make-up tlem te ve ve kan in hnawih a ka pa in "in va ha chhing dun tai tai ve" kan chhuah dawnah alo ti hram a ka nu erawh kawt zawl a pangpar dahna ah thla min laksal thung. Mawi kan inti dun hlarh hlarh êm. 

Scooty ka pa in ken chhuah a phal lo va lirthei atam dawna in buai ang ati deuh tlat a chuvangin kawn ah Bus kan han chang ran. "A sa e... Ka thu vek dawn nih hi" Rini Chuan a khat tawk hian ati leh thin a bag kan ak ve ve a mizo bag ang kha a hhungah Power lipstick leh Darthlalang leh kan pocket money kan ak, ve ve. "Saw bus chuang nghal ang.. Cheraw kân ka hmu chak" ka tia bus lo tlan hmasa berah kan chuang nghal. 

Kan College ami te pawh ka hmu a 

Kan in be lo va kan in nuih ringawt thung. In ni ve tho ang khawlai ah in kal a in chhuah vah te'n in hmelhriat in kawm ngai si loh in tawh thut Chuan in nuih suk hi awl deuh mai ania. 

Thutna kan thlen dawn tawh lamah kan chang ve chauha a kil ka chuh nghal zat rim chi hrang hrang nen Perfume rim na deuh a awma chu mi Chuan lu a ti hai chhalh thei. Gate lam atang pawn kan lut lo mi an tam turu lutuk a, hetah sir lam atangin kan kal thlah duah duah a.

Hawina lam a piang chu lu hlir lu hlir ani mai. "Mamte.... Juana ang deuh ka hmu mahse ani lo maithei" tiin kan hma daih a mi chu a kawka Tu ber nge a kawh ka hre si lo kan hawi kual ruai mai. Hmuh ka chak a mahse a bialnu nen an lo kal tak khan ka hmu leh peih lo e ah...

A chhung kan va luh phei Chuan Cheraw kân tur ho Branch hrang hrang chu a chhungah an awm thap tawha, mi za tel zinga Vasty hmuh tum chu har ve tak chu ni. Pavillion ah an khat vek tawha mipui an tam, zia, chu sawi in a, siaklo a lum si ruah a sur thut ang tih hlauhawm zawk. 

 Hri kha ka hre chhuaka kan kal hma khan Ka pa in Mask vuah turin min chaha chanchin thar tv ah pawh 

"Corona virus hi a in theh darh chak em em a Vawiin a Kût hmang tur te pawh Mask vuah hram hram kan tum dawn nia" tih vel an puang kha ka hre thawi, ka lo ngaihven vak lem lo a. Mizoramah a la lut ve chuang lo a han lut ve chiah se chu a darh huk hrim hrim. 

Cheraw kân ber a zo tawha, a ho leh vek tawh eng eng emaw an tia Rini nen chuan kan kal kual sek mai a Star pa an school ami a hmu a, Mst-a atia chupa bulah Chuan kan va ding leh ren rawn thin a, mahse a star pa chu ani leh lo aniang ka beng bulah min lo hrilh ru sar sar a "Msta ani leh lo hei chu a khal mah mah" alo tia ka lo nui hak kan bul a ding pa Chuan mawng pawh a nei lutuk 

Juana nen Chuan in ang lo tak an ni... Khaa ka sawi chhuak leh tawh. 

Kan inchei dan a zir vang nge mipa leh hmeichhe pahnih te hian kan hming an lo la a paper te reuh te min lo pe pah bawk. Kan lo hawi heu a "Miss Chapchar kût thlan na tur ania Vanapa Hall ah Dar 1 ah hian in lo kal dawn nia aw" an lo tia. 

Engmah kan sawi lo kan lo nui ringawt a Rini nen chuan pakhat ve ve min pe a kan nui uar uar ringawt ka nu ka phone nghala "nu miss chapchar kut thlan na ah min lo sawma kan kal duh ngem dar 1 ah Vanapa hall ah kal tur an tia" ti a ka va, hrilh Chuan alo nui vak vak a keini ai mah mah in alo khel ring. "Kal ula " alo tia midang a hrilh ve mek a tawng lang lang mai a , a hrilh danah ka Pi te in lamah an leng phei aniang ka pi aw ri pawh ka hria. 

Rini nen chuan kan paper te dawn chu kan ak tha hmaka chhelo zawngin kan kal kual vel mai mai tlangval tih lem ah tleirawl keimahni ang rual te Chuan 

"Thiannu thla ka lo lak pui che" te an lo ti vela kan lo lak pui ve mai zela, nuam ve hrim hrim thlalak pui Tu nei ve lo tawp ai Chuan. 

Kan kal tak zelah Chuan Lalsepa te nen kan in tawk hlawl a hmui kan in tih pawrh khum ve ve "I u Joela te ka hmu" alo tia "khawi ah" ka lo ti vat. "Face painting na ah sawn.. An la awm maithei" atih Chuan Rini ban rekah ka kai a ka kal phei pui nghal dawrh dawrh. 

JUANA awm ve dawn ngei a, hmuh ka chak ve hrim hrim ngei viau mah ila ka la duh tho a. 

Mi an tama Hmaia thil lo ziak kual nuaih an tam bawk sia hmun khat ah Chuan an awm si lo a, khaw lum nen kan thlan leh vek tawh. Mahse le ka hai thei lo hnung lam atang pawn Juana chu ka hre chat Hoodie Pink a ha a, bag a, ak leh tawp bawk. Rini bulah ka kawh hmuh a rei lo te ah u Joela ka hmu nghal zat hmeichhia ka hmelhriat ka hmu tel lo va, hmeichhia an kal pui lo tih ka hre leh Duhzuala leh Hminga ka hmu bawka Nunpuia hmel erawh ka hmu ve lo thung. 

Duhzuala chuan min lo hmu a , ring tawkin "Mawimawi" alo tia kan chheh vela mi te chuan Duhzuala chu an en thup in ka, hria ka bula ding nu pawh alo chek ve tlak tlak mai. Juana pawn min lo hmu tawha kan in melh chiang rapthlak 

Mi tam hle mahse kan in melh ngai Chuan kan la in melh reng. Rinin min kal phei pui Chuan ka harh ve chauhin ka hria. 

"In kal ve law" an zawn ka thlen Chuan ka ti a u Joel an "kal ve loh ten... Thil in ei tawh em" alo tia Rinin lu a thing nawk nawk in treat tir a tum chiang lutuk. "Kan ei dawn chiah lo ei ve ula" Duhzualan alo tia ka lo duh lo nasa

"Ahh... Hei keini pawh kan ei dawn lawm... Kan kal dawn chiaha" ka lo tia Juana nui suk pawh chu ka hre reng mahse ka hrelo der "lo ei ru ka treat dawn che u nia" u Joel an ati ve khiaha amah a anglo lek lek zawk. 

Rinin ka banah min sik vaka "aw nih... " ka ti ta, nge nge Juana chu ka hnung chiaha a kal zel a Rini nen kan din na ka in thlak pawn ka zawn ah zel a kal 

Hnunglam ka hawi thut thut zela mi an tama min lo nek deuh dawna a hriat Chuan ka darah alo vuan thin a engmah ka sawi lem lo thung. Min la care tih ka hre reng mahse bialnu a nei tawh tlat. 

Lammual atanga hla vaklo Restaurant ah Chuan kan chawl a mi an tam ngang mai mahse Table 1 chu a ruak dawn chiaha chu mi chu kan chuh nghal Kan tam tham ve a, mahse a dawhkan a hlai tho a kan vaiin kan leng. "U Joel Black Bean noodles ka chah dawn nia" Rini Chuan atia. Juana hi ka hma zawnah kher a thumbs enge maw hriat le.... Ka awm a ti nuam zan lo kan la, in be ve miah lo bawk. 

"Chah rawh" ati deuh hmuk a Rini Chuan Menu chu a en leh ren rawn hnu ah "enge I ei ve dawn" alo tia ka rilru ka lo kawm nasa deuh a, ei tur lam ka lo ngaihtuah tawhlo hrim hrim. "I chah ang kha nimai" ka lo ti thuak a ka hma a thu alo khuh kharh mahse a khuh a chhuak hlawl lo tih chu a chiang reng a khuh der ka melh nan ati chiang lutuk. Ka melh reng bawk a min lo en ve avang chuan ka bula Tui awm chu ka in thlit rawka ka in khawlh khawlh. 

Mipa hi an ti ti mai mai a "keichu lum ka ti eee" ka lo tih chuan ka hma a thu pa Chuan min lo melh ran ni e.. Hoodie senno lian pui a ha miau a kei ai in lum ati dawn mahse mipa lerhin khaw lum an hrelo an tih thin tak khaaa....... 

"Khaw awm dan chu a nuam tawk hle mai a " keimah min tih chhan deuh hian Ka hma a thu pa chuan atia a sawi pahin a lo melh deuh kher leh nghala 

"A lum tiraw Rin....... Tun ang khaw lum a vawt lo ti thin hi chu an mi ang zân lo tihna an buh" ka lo ti ve leh zat a Hminga alo nui ri hawk a alam kan hawi nghal thup. "Hminga nang.. Lum iti em " Juana Chuan atia "ti ve e " Hming an alo tih chuan ka lo lawm khawp mai... "Nge lum itih.... " pakhatin alo ti vel ta mai mai a za lo deuh in ngei awm tawkin ka nui. 

Duhzualan Kan awmdan chu naupang chhia ati deuh nge "mihring hi chu kan in ang lo ve a.. A thenin lum kan tih laiin a thenin vawt kan tia... Hmelte pawh pakhatin hmeltha min ti hle mahse pakhat zawkin chhia min ti thut thei tiang deuh chu" in la hre awm fahran hian alo tia "hmeltha ti tu che chu...an tam lo ngawt ang a " Juan an nui deuh reuh alo tih chuan midang ho chu kan lo nui hak keipawh ka nui tho mahse Juana ka hmu a ka nui tawp hmak.

 "Ve che aw.... Ka hmeltha sin hmeichhe ho hian tha min ti thei lutuk" inti thei deuh hian alo ti leh a "an bawl che nih chu" U Joel an lo ti ve leh a Duhzuala hi chu an kap na thei hrim hrim. A chhe miah lo tak tak a sawi dawn Chuan an thian ho hi chhe tak ka hrelo Juana hi ka duh a, midang hi chu duh en ah ka en lem lo mahse an chhe miah lo tak tak ania. College ah pawh a lar pawl vek an ni blacklist ah tel mahse lehkha an zir tha phian zel fail an awm ngai miah lo. 

Kan thil chah alo thlen Chuan kan ei hlawm mila miala mipa ho Chuan Wine an chah tel a , Rini nen to kan lo ti lutuk 

"Hemi bur khat hi 1500 maw" ka tih chuan mipa hi chu lu an lo bu tliar tliar a rini nen kan in melh ralh a tho rapthlak a bur a lian vak si lo a, "I tem ve duh em" Duhzual an alo tia "a ngailo" ka chhan hma hma in kan Juana pui reuh Chuan alo ti hmuk a "hmm.. I bialnu pawh nih tawh loh hi lo sawi suh" awlsam fe hian pahkat Chuan alo chhang thung.

 Juana chu a meng rum leh ul a u Joel an engmah a sawi chuang lo bawka 

No sial deuh ah min thlit sak ve ngei a 

"I in hma in ti hian ti che phawt rawh" Duhzuala bawk ani... Film ah ka hmu thin a arim chu a thur ka ti mai hnar a verh deuh zar a, zu rim a nam pawn ka hrelo. 

Rini nen chuan tlem te ve ve min thlit sak a tlem te tak tak ani, Juana awm ve reng mahse a thu lo ve e ka bialpa pawh ani tawh lo a chu lo ah tem ve chhin hrim hrim ka chak hetiang Wine manto hi ka la in ngai lo nikum kumhlui thalh zan kha Chuan thian ho in Champwine kha kan in ve ngei a mahse ruih ka tum viau na in ka broke ropui sia..... Ka in peih lo a "broke hun lai tak kha lawm in tur" ka thian te'n lo ti mahse ka in peih chuanglo. 

Ka no sial tawka wine chu ka then deuh dalh dalh a sap ho angin tlem te ka in chhin phawt, engmah a taste ka la hre lo va a ai tam ve deuh hlek ka lem Chuan ka kaw chhung a sa thla hat a, mahse a tui lem lo tui ka tih chi ni velo. 

"Awi.. Ka duh tawk" ka ti nghala dawh kana ka dah thlak leh hma hma in Juana Chuan ka no ken lai chu min lak saka a in zo nghal vek "heyyyy" ka ti deuh thawt nghe nghe . Ani pawh a in zo chu a chal a ti chuar deuh nawng a zu in ho hmel ang kha ani mai. Ka lo melh râm râm a "in tawh hlek suh kha kha a tawpna" alo ti ram leh hmaka za lo tawkin ka lo nui ro hak. 

Rini pawn tui ati bik lo aniang u Joela a pe daiha mipa an ni bawka an ni Chuan 

"Aho ve e.. A to thlawn" an tia rei lo te ah an in zo vek a tam lo bawka ruihna tham ani vak lo aniang langsar deuhin an zuar ngam. 

Kan thil ei na u Joel an min pek sak bawksia kan tia Kan pawisa ken chu haw lamah Secondhand thin nan Rini nen chuan hman kan tum ve ran kawng sira an lo zawhr ho hi tlawm deuh deuh tha tak tak si hi a awm leh nawlh zel a, hmuh fuh phei Chuan a hlawk lutuk. 

"Kan phei dawn dar 1 ah Vanapa hall ah kan kal ngai a " tiin u Joela bulah chuan ka sawi a "enge in tih dawn " alo tih chuan Rinin "miss Chapchar kût ah nominees zingah min thlanga " tiin a, nui uarh uarh a keipawh ka lo nui ve tho . 

U Joela chuan "kan va ropui mep mep dawn ve" alo ti duh lek chauah a. Kan inthen a an ni chu An leng dawn aniang lammual lamah pawh an chhuk tawhlo. 

Keini chu ke in kan phei hnak hnak a 

Hall kan va thlen chuan midang hmeichhe dang nalh deuh deuh pawh an lo awm teuh mai mahse chung mi te ai a kan thin bikna ka hrelo hrim hrim inring tawk ve deuh in kan va kal deuh hah hah a Rini phei chu a in sawh nghawng nghawng mai a sam bu atam sia kan la ti kawi deuh ve ve sia... Nuihzathlak zawk. 

Kan thu thapa Judge nge tiang vel kha Stage ah an thu a kan hming an lak kha an lo puanga ka hming an puan velah Stage ah chuan ka han chho a,ka zam ve det a mahse ho e ka tia... Tlin leh tlin loh ka tan awmzia nei vak lo ka tia chuan kum engzah nge inih tawh ti a min zawh khan hei tiang vel hi ka buaipui peih si lo a

"Kum 17 " ka ti tawl a Judge te ho chuan min en ha ha mai "Lalrinmawii maw I hming" min ti a "aww... " ka lo ti leh a 

"Khawi vengah nge in chen a " tiin hmeichhe samkir ngo ve deuh hian ati leh a "Chaltlang ah sawn" ka lo ti tha ve leh maia "I hmeltha hle mai..... a.. Mahse kum 18 chin chiah a theih a..... Ka van ui che aw I in sawi naupang te ni lo maw" nui hak hak hian patling fel hmel deuh hian atia ka lo nui ve ta, ringawt 

"Lo va thu leh phawt la.... Kum ila tling si lo a.. Han tling la chuan " an ti zui deuh vang vang a keichu ka phur sarh sarh khawp mai "kum ka tling hunah ani mai.. Ti hian ka haw thei ami " ka tia "lo la thu ve rih la " ti a an sawi chuan " kum ka la tling si lo a " ka lo ti nawi niaha an nui aza nasa.. Ri meuhin an nui. 

Hnung lam ka hawia Rinin a lu lo kan zeuh zeuh Rini phei chu tunah kum 16 bak ala ni lo. 

Stage atanga ka chhuk thlak vel ah "kum ka in sawi naupang a ka peih chi ni ve lo kum tlin a ngai an tia kum 17 ka nia ka ti daih" ka tih chuan "keipawh.. Nuam ka ti lo ka chho ve lo law law mai ang haw daih ang" alo tia a peih kha ka ring bik lo reng ah. 

Midang an koh leh hlan chuan kan chhuak ta daiah "kan lo kal kher kher a u Joela te kha lo zui ve zawk ila aw" ka bula kal chuan a ti nang nang a "ka peih teuh lo mai Juana awm ve kur sia, nuam lo" ka lo ti ve thung a. "Eee.. Juana khan a en char char che mawleee... Ala duh chiang che lawm.. A melh dan che kha Wine te kha, in che an phal lo vel ngei ah.. Awii.. Kdrama vel e" atia amah te chuan anui zui uarh uarh. 

"Nia... Mahse a zak lo eeee" uar tawk hian ka tia abak sawi tur ka hre lem lo. 

"A bialnu nen an kal lo nimaw tiraw" atiam in lo nek salh kher a "kal lo chu nih kha..... " ka lo ti hlar theihnghilh ve tum pawh hian ka chheh vel ami te hian an, sawi renga theihnghilh a har. 

Lammual chu lut leh chhuak an awm renga an khat mup mup mai hetah 

Lei atang khan kan zuk thlir a zaithiam an, zai mek chawhnu her ani ruak tawha, keini chu haw kan tum tawh mahse Secondhand kan thing phawt dawn. 

"Bazar ah chuan ka chhuk peih lo nia aw.... " MC Kan thlen hma chuan ka ti a 

"Naaa.... Bazar ah thin tur a, tam alawm" alo ti tlat a peih lo tawkin short cut atangin kan chhuk thla a, Remremi te kan tawk hlawl a "Joela te nen in kal ho lo mi" tiin min lo be hmasa ve ngei "kal ho nang.... " ka lo ti mai a "eee... In kal ho emaw ka tia " ati leh a anui pah saih a nuih ve loh theih pawh nilo min biak paha an han nuih sang hi Chuan tum hmuka lo biak hi thil nuam zek zawk ani miah lo. 

Zion streeet chhuk thla ah Secondhand chu kan han vai ta tak tak mai anih kha.. 

Puan veng kan ni bawk sia a tla dawnlo tih chu hre tho mah ila in pawh reng a ngai. (Puan veng ka tih chhan hi chu a chhingin ka veng a chu vang aw) 

Kan kal zela Kekawr 2 chu ka la tawh "pawisa ka nei tawhlo duh tawk ang" ka tia Rini pawn nei tawh bik lo ang 

Kan leng tlem hrim hrim a, u Joel an min treat lo phei se chu kan purana khawp pawh kan ei lo hrim hrim ang. 

Isreal Marcket ah kan zuk lut thla leh hrama Rini chhungte dawrah pheikhawk dawr ania kan zuk tlawh zuai. O

Kan haw lamah Mc ah luh kawi ngei ngei kan tum leh tlat a kan va han vak nasa, dun ngai ngai tak ka chau dawn lutuk hi ka peih lo lawkkkk

"Sabawn saw..... Ka lei dawn" ka tia "aho eee.. A hma a I lei pawh ila, hman zawh loh kha, tukin zing pawn ala ngai, reng I leina rei tawh tawh nen" alo ti nang nang 

A nalh em a nikum kum tawp a ka lei tawh kha ania ka hmang ngailo, ka tar mawi ani mah a chang zeuh zeuhin ka hmang. "A nalh em alawm.. Min lo nghak rawh ka va lei lawks" ka tia Sabawn mawi deuh deuh an lo zawrhna ah khan pakhat chu ka lei leh ta, nge nge. 

Kan chhuah leh hnu ah "peng kawi tawh lo in haw tlang tawh ang" kan ti ve ve a mahse sir lama Dancer ho lo lam Chuan mit an la kan en ve leh rên râwn a zo Korean kan tih ang ho kha an, sam te chu Korean mipa sam ang hi ani mai an chhelo ve tawp mahse Juana an tluk chuang lo, khaaa ka sawi leh tawhhh.... 

Ka dar a min kuah Tu an awm avanga Chuan ka en vat a Rini anih ka rin laiin Juana lek alo nia ka mit vai emaw tiin ka en tha leh ngat a mahse amah alo ni tak tak. A kut a min kuah na chu ka ti thla mai dawna ka darah min hmer na, salh a " kha" alo tia ka hma ah Balloon eng Smiley kan tih mai ang kha alo lek va va hrui a nei a 

"Enge a... " ka lo ti hmuk "in la haw dawn na nge" atia "haw dawn e.. Kan haw ani mai" tiin ka lo chhang a balloon pawh chu ka la ve tho min kuahna erawh ala thlah chuanglo. "Khaw maw enge min sik reng" ti a tal pût mai ka tum Chuan "ding hle hle rawh... Lalrinmawi" alo tia anui deuh reuh bawk "bialnu nei reng a hmeichhe dang han kuah khaw maww" ka tia a ban chu ka thiam dan ang angin ka, herh saka Rini min lo phuh Chuan alo au that nghe nghe nui hak hak chung hian "ana ana. Ka tlawm " alo tia 

Ka thlah sawk a ka melh rum râp ani chu a nui aza. 

"Kaw rawh.. Run phei ang" ka tia Rini chu ka kai a ka phei pui nghal dawr dawr. Juana Chuan min lo la thlir reng maithei kawng kan, cross lai pawn ka, hawi let lo hrim hrim a . Mihring karna tur kawng an, siam na kan thlen velah ka hawi let a hmuh tur a awm tawh lo. An pil chak rem rem. 

Bus tawt tawkkkk ah kan chuang a kan ding char char, ka chau ve hnawk thei polythene dum ah kan secondhand thin kan keng ve ve a, kan in kan thlen rualin room ha kan mu nghal hnak. "I in bual hmasa dawn nge... Ka, in bual hmasa, dawn" Rini Chuan atia " duh leh va, inbual hmasa rawh inhnuai ah ka inbual mai ang" ka lo tia.Rini chu a inthlak a, inbual turin a chhuak leh nghal keichu ka chau Juana ka hmu a , a, awmdan ala mak em em zui. Min care awm zia zangin Wine te kha in an phal lo vel ah ka bialpa pawh ani tawp si lo a. Zaktheilo eee.... Ka ngei thar thut Chuan ka bul naute lem mu chu ka chum dawm a na thei se chu a na ati ve ngawt ang. 

Ka phone ka khawih ve chauah vawiin ni lengin ka khawih miah ka nu ka call bak kha, chu ka la khawih leh lo 

WhatsApp ah ka lut a Juana status hi ka zawng fo mahse a, number ka delete daih tawh. Delete lo pawh ni ila... Status a nei ngai chuanglo. Duhzuala status ka en Chuan kan thil ei hun awm ang vel kha nia thla a lak lai ka hrelo hrim hrim. 

Juana nen Wine kan, in lak sak lai, vel mai kha ania aal fuh ang reng Juana ka melh kha, kha lai tak ani pawh a meng rum ûl mai caption ah "Hmangaihna hi chu dawh thei.. a, a zaidam bawk" tiin midang pawh an lang vek tho mahse, One Say-a hian Juana nen min tih chhan chiang lutukkk.... 

"Hey... One Say delete nghal rawh... " ka va tia Hemi vang hi aniang Rsmremi pawn kan awm ho emaw atih Duhzuala status vangin. 

Inhnuai lamah ka chhuk a inbual turin ka nu te an lo la haw ve loh miau avangin chaw chhum ka siam hmasa te te a , inbual zawh a Gas a chhuan nghal mai theih turin. That chhia min tih pawn awm ka ti lutuk tho mahse a awlsam ve em a.... Chaw kha tui a in chiah khan alo zawp ve deuh thin a, a hmin hma bawk. 

Ka in bual zawh chuna Setting room ah Rini alo thu ran tawh a kei ai nau chu ni tho mahse a mah tawp hi bula te chi kan tih ang hi ania...... A kum phu lo in a hmel a, nula kan tih ang kha "chaw kha ka chhuah tawh aw" alk tih chuan ka bura nghat. 

Ka nu te pawh 3 leh chanve velah an lo haw a ka pa ka pu Motor hlui deuh kha ala kawl ve ran a an sawi dan takah a khalh zak lem lo Old is Gold an tih ang kha ani mai. 

Chaw kan ei kham velah Rinin thleng min sil chhawk a keiin hmun ka phiat 

"Tebawih..... In classmate hlui maw boral chu" ka pa in atih ri chu ka, hria a

"Aw.... A damlo char char a, " ka u Chuan alo tia chhuak tur a ang ka reng ani. 

"Enge a dam loh chhan" ka nu in alo ti ve leh a "kal tha lo ania. Amah kha, a hrisel lo ve hrim hrim.. Kan luh ho lai pawn a damlo reng zel" u Jenny Chuan alo ti leh bawrh bawrh a. 

"Mawimawii Rini nen khan ka khumah thawmthnaw hlui ka dah teuh mai... In duh awm Chuan ka pe ang che u in duh vak loh tur kha, chu la chuang lo ula pawn chhia atan, ten kan dun ve leh dawn a " a kal hma kawngkar a thlen dawnah alo au leh hram "yessi..fimkhur la " ka lo ti zui ve lang lang a u Jenny Chuan kawr a nei sial thei a u Joela ang bawk Branded vek ani mai.. Hlawh a nei tawh bawka a, duh chu a lei ve thei tawh.