ENCHANTÈ CP 2

ENCHANTE CP 2 

By : APHRODITE STORY

Group link Whatsapp Group

Kan college kal ni hmasak ber kan thlenga ka pa in min thlah a tum na in ka ṭhiante nen kan kal dawn thu ka sawi a alo rem ti ve mai bawk.

"A make College kan kal ve dawn der a" ti tu chu Ṭhaliani ani "chu chu lawm ala rei lo e ...high school kal vel lai te kha" tiin ka lo tui hnih ve nghal zat a ka ṭhiante pahnih hi awmlo se chu kawm tur pawh ka neih ka ringlo ṭhian hmelhriat chu ka nei ve mahse an ni pahnih hi chu ka daily routine ah an tel hi ani tawp mai.

Kan College hi pawnlang ang reng a mahse a nuam tho ka ti chhan chu College Girl ka ni ve tawh miau a . "Kan Sem ho hi khawi ah nge kan ṭhut dawn le" tiin ka ṭhiante pahnih lam chu ka hawia "ka hre biklo mi zawt ang u" Hmunin min lo chhang "nia......chho phawt ang u kan hmuh hmasak ber kan zawt dawn nia" Ka tih leh hnu ah kan College Building ah chuan pen chho hlawm ṭham ṭhama .

Ka vawi khat kalna ang ani ve a chhungril ah zam ve tho phur ru tho si in ka awm College Life an tih hi ka hre chak a, ka naupang lai aṭanga ka chak chu College Student nih hi ani  tunah ka han tawn ve chiah chuan awmdan a dang zar mai ni. Professor ni awm tur tak kan hmuh chuan kan Sem ho bik Class Room min lo hrilha kan zam ve ngang mai mi an lo tam hman tawh khawp maia Instagram milar Ig model kan tih ang te pawh kha ka hmu nual mai atakah an chhelo vekin ka hria Juana bawk ka rilru ah lo lang an chhelo in an hmelṭha hlawm sia kei ve hi ah .....ka in dress dan chu ka han in en  thlek vak vak lai chuan Hmunin 

"Nge lungphur i kai mi" alo ti pek anih chu awm ang lo lutuk ka chhan hma in ka melh rum phawt a "kai lo ...ka ṭhing em" ka ti thlawt .

"Hmm...ṭhing lo i chhelo" alo tih chuan awih vak lo hian ka chek tlak a "an chhelo hlawm sia Juana hian bialnu nei hrim hrim"  ka lo ti leh a 

"hriat miah loh taka i Joela te class hi khawi ah nge le hmanzan ah kan in ah Remlalfaka te nen an lo kala ka AJ a hawn ringawt ania aw " lungawi lo deuh hian Ṭhalianin alo ti a "ehe nge a hawn ringawt a " nui ṭhaw chunga ka lo tih chuan "ka duh atia .....'i bun tawk lo hrim hrim chu lo ah ka phal lo a ori nih kha' ka tia ka duh tho tho atia a hawn lui" atih leh chuan Hmuni nen tih ngaihna vak kan hre tawhlo kan lo nui ṭha ringawt Ṭhaliani hi chu a chheih ve peih hrim hrim an in ngam bawk a .

Class hmasa ber kan ṭan chuan kan Professor in introduce turin min ti hlawma kan tam ve ang reng sia ka nui alo za ang reng Kan ṭhian ho a kan ṭhu khawm deuh tul chu kan Professor in kan zawn alo thleng chuan min din tir hmasa ber a ka rilru te te chuan a naupang chhia e ka tia mahse ka hma a introduce ho pawh khan an sawi ve thlap thlap tho tiin mizo ṭawng chuan ka sawi a. Sir in "in veng a in ang vek ami" atih chuan ka bula ṭhu te chuan lu an lo thing na na a , "i ṭhiante hi nangman in troduce law law mai rawh" atih chuan "a kil a ṭhu zawk hi Lalhmunsangi ania Chaltlang tho chuan hei hi Lalṭhaliani Zarkawt" tih pahin Ṭhaliani lu zawnah chuan ka kawk a student dang ten min en ṭhup tawh zak tawh tak ka ni .

"Nangpawh Chaltlang maw" atih chuan ka lo bu rang hle ka ṭhu chak tawh "ok.....ok " a kut zaizir chuan ṭhu turin min ti a ka ṭhu thla chiah chu ka zah em avangin ka Romol  in ka ka ka hup a ka khuh der vel ringawt . Ka ṭhianten "awi......i zak,dawn lutukkk ! nui ṭhaw an lo tih chuan  hnuai lam ka la melh char char "ka tha te khur ṭep" ka ti chhuak a Hmuni a nui chhuak hawk mai . Rang tawkin aka kan lo hup saka midang ho chu mit chu kan lamah a fuh nghal vek "Chaltlang ho kha  shh" tiin kan sir  chuan alo ti a Hmuni chu a kut ah ka sik vak nghe nghe.

Lunch break chu College canteen ah kan zuk ei thla a kan lut chiah ti ah Juana te ka hmu u Joela pawh ka hmu an ṭhian ho aniang an lo ṭhu ṭhapa "eh...Lalrinmawi" lo ti tu chu u Joela  lo ni "enge" ti a alam ka hawi chuan "Hminga hian min lo biak rawh ti" alo ti a tu chu nge asawi ka hre miah lo engah mah ngai lo chuan kan ṭhian ho in thil chu kan ei a .Kan ei zawh hma in Juana te chuan min chhuahsan hmasa a chhelo leh pek lutuk tlat Tarmit var fim vek alo vuaha a sam hi tunlai style Mullet ang in alo cut thar ni ngei tur ani a ti lang pa in a mit meng a rum si mahse min melh apiang hian a hahdam thlak a mit a melh chutiang vel chu ka sawi thiamlo ka duh ve thlawt ti hian ka sawifiah thiam ber.

Hun akal ve zela ṭhian pawh kan nei ve nual tawh mipa ṭhian erawh a ngai ang te te in Sepa, Remruata  leh Nautea te ho an ni leh mai High school aṭangin kan la lut ho char char .

Vasty in "i sam ka lo phiar ang che Mawimawi" alo tih chuan phur deuh hian a hma ah chuan ka va ṭhu a kan sport dawna  chuvang in ka sam chu ka phiar kak tir ve ngei a Blue House nih ka chak chak nen hian Yellow House ah ka awm ka phur lo kher a mahse Meloi a awm ve avangin tlem chuan ka awm a nuam ve deuh 4th Sem ami Apuia an tih hian mi hi a chheih reng zela vawiin House in hmuh khawm pawh khan ring deuhin "Mawimawi ka duh che tih hi i hria em " ati lang lang anih chu. 

Ka zah zia kha e .....Melo in "a bialnu a ṭhen zo chiah an tiin ka hre sia " atih chuan "tunge chu chu " ka lo ti ve nghal vat a "Kan Sem ami tho hi English a major in ka hria" ati a ka lo bu ve nghat nghat ringawt .

Kan Sport na mitur items chi hrang hrang House Leader in alo sawi lai chuan intlan siak ah "tel thei kan awm angem Hmeichhia marathon ah " alo ti a ka in rin hma chuan 

Melo in ka ban chu sang deuh ah min phar tir a 

"I tel thei dawn maw" ti a min lo zawh chuan 

"ka....ka hre " ka ti bah deuh nuaih a "tel thei a tlan chak lutuk" Melo i bawk ani henu hi ava han chaklo dawn tak emmm Marathon phei chu ka tlan thei dawn lo hrim hrim .

Ka hming list a aziah mawlh mawlh lai chuan "ka tlan thei lo ang ka tlan ngailo ...nia" ngen ngawl takin nia ka sawi ni . "Pawilo ho lutuk tel ve hrim hrim kha nimai Leader pa chuan alo ti then a . Meloi lam ka hawi chuan alo nui put put a "nangmah vang ka tlan chuang lo ang" tiin ka in kuangkuah hmaka "a pawilo tel ve hrim hrim rawh intheh larna chance" alo tih chuan ruk tawkin ka melh .

House inhmuh khawm zawh chuan inchung lamah kan han chho a Hmuni te chu  red ah an awma Ṭhaliani erawh Blue "kan house chu chiks pawh an awmlo" Vasty in alo ti a Hmuni nen Red ah an awm ve ve ni awm e.

"Keini pawh" Meloi nen kan lo tih ve chuan "kei chu kan house ah Juana te an awm an chhelo hlam ṭhaks" Ṭhalianin alo ti ve leh a "Juana bule ah awm maw"ka lo tih chuan "aw.....teh mak ka ti tawp...bialnu nei nih ka ring nichin khan Joela re khan Nonoi kan hrilh dawn  tih vel khan an chheih a " alo tih chuan "tunge chu chu" Meloin alo ti a .

"Ka hrebiklo Kan sem ami hi niin ka hria English" Ṭhaliani bawk ani . Tunge nonoi chu le tiin ka ngaihtuah neuh neuh a kan lo awmkhawm lai takin Juana te ho an lo phei a ka chalah LalJoela an Bookmark ban chi kha alo nawrh a melh rum vak in ka la thla nghala nui kur kur chungin min kal pel hlawma Juana chuan min melh ve pawn ka hrelo 

"Bialnu chu a nei anih ka ring ni lo se chu kan Mawimawii hi a bem tawh ang" an tih chuan ka lo thaw halha bialnu chu a nei tak tak aniang 

"Awi..ka down vek" ka tih chuan "ho lutuk apuia awm kha" Hmunin alo tih chuan a hnungah ka beng dawt a "ana " tiin a eu nghal dawrh mai.

Kan Sport ni hmasa berah chuan Vasty bawkin ka sam min phiar kak sak leh a Mualpui ah daih ania ahla tham si tiin a hmun ah kan phiar a outdoor chu Mualpui ah hian tih zawh vek an tum ani chek ang chu Vawiin ah Football an ṭana kan House in Final kan lut nghal a Juana pawh a inkhel ve ngei alawm ka hmu a , a thlana a hah hmel leh a thlan lo chhuak chuan a hmel ati sen a ngo lutuk ni lo mahse a pa hliah hliah hi ni tawp mai. Ka mit tikham tur thil ka hmuh avang chuan ka thil ngaihtuah chu ka tawp chat a hmeichhe pakhat hian tui alo pe .

Ka hmu ve renga ka ṭhiante chuan  ka hmuh loh hlau ni awm tak hian min sawi dawrh dawrh nimai hian ka hria.

"Saw saw maw a bialnu chu" Vasty ni "nonoi chu ani mai lo maw" Ṭhalianin alo tih chuan ka mood off nghal vek bialnu alo nei tak tak.

"Ka van ui" ka tih chuan ka ṭhiante chuan min lo hnem ve sap sap a an fel ve nia . "A hmelṭhat saw an in hmeh tawp" ka tih chuan " awi...eng mit nge i neih ...sahbawn sen hmuam a ang vur a ei thiam lo mi...nge ni a vur sen saw lipstick atan a hmang" Vasty bawk ani . "Chu chiah ..a ṭha pawh ka ti lo e eh...a let sing sang sawm sarih in i ṭha fe zawkk..." uar fahran hian Meloi pawn alo ti a "mahse...." ti a chhuat lungte a ka thei neuh neuh chuan "i ṭha zawk ....... pawm tawp rawh" an lo ti leh sap sap a , keichu ah ka down vek tawh ka star ve em em a kum a kum sawn ka star tawh tunah bialnu a nei tih ka hreve chauha.

Tiffin kan ei lai in Juana te ṭhianho chuan kan ep chiah ah an lo ei ve a u Joela an ka chawhmeh min lo dil chuan alu chop pakhat ka lo pe a "hey Vanmalsawm ka Aj lo dah tawh rawh" ka bula ṭhu in alo tih chuan "Spoty in a seh chhe daih" tiin a kal leh nghal nal nal a "ehe..lalJoel" ti tuarhin A ko zui lawm lawma U Joela chuan hria ang pawhin a langlo Juana te bul a thlen hnu ah  alo hawia Ṭhaliani hnen ah chuan ring deuh hian "tlai ah ka lo dah ang" alo ti a pakhat lahin "ilo dah loh chuan ka lo kal chilh ang che" ati ve thunga.

Kan ei zawh Chawhnu her ani tawha ni tlakna lam daihlim ah chuan kan awm khawm ṭhupa Kan House ho awmna ani hrim hrim bawka "vur han lei ang u "Hmunin alo tih chuan kan lo aw tliar tliar a dawr a hla ang reng sia kan phei lai  chuan mipa leh hmeichhia an lo mu a kan va kal pelh dawn chuan Bluetooth speaker hi an lo play a "my bitch is Gay" tih vel ni mai hian ka hria kan kal pelh pah chuan kan en phei a awi lehhhh lal Joela te ho an lo nih chu . Puan an phaha an lo mu an romol in an hmai an khuh a Juana pawh a awmve tih ka hrethiam nghal a

Ṭhaliani chuan chek tlak tlak pah hian "va han awmherh thlak tak" ati phei a Joela bawk chuan ani lo chhang "kal mai mai teh" mu chung chuan alo ti a kut zawng zawng nen ania a sawi ni . Chhang tawh lem  lo chuan kan phei san a Juana bulah khan hmeichhia an mu lo a mahse hmeichhe mipa bula khatianga mu ngam kha chu an nasa ve hle ang chu tih chiah ka rilru ah awm.

1st Day Sport kan zo a 2nd day pawh Mualpui ah tho ṭhian ho a kal leh kan tum viau na  in pa u Joela  nu  nuMaduhin i nau sawm phei rawh a tih tlat vangin ka nu te alo phone  a kawtah U Joela chu ka lo nghaka dar 9 ari tawh lo la thleng bawk si lo chuan ka call leh ṭhina ala pick thei lo ziah leh nghala vawikhat ka call leh chuan min lo chhang "iva lo thleng har ve dar 9 ri tawh nia" ka lo ti nghala "Juana lo la thleng lo mi" alo tih chuan "engvang ngawt chuan " ka lo ti nghala "Ammy ka hruai alawm Juana bulah lova lam turin ka hrilh kha" ti a asawi lai mekin kan in kawt Gate bula Bike ding ri hrawk chu ka hria a "alo thleng ṭep ang" tiin Kan Joela pui reuh chuan ala dah hmak zui . Gate lam ka kal chuan Juana alo pen lut ve chiah nen kan in su a ka phei dawrh tur chu a kut in min lo vuan hman cap ka khum sia a hmel ka hmu thei lo chu ka dak chho deuh vah a "tikhan i kal dawnmi" min lo tih chuan angaihna hrelo zetin ka lo melh a kekawr bul ka ha a kan school Tshirt ka ha a bag ka ak a cap ka khum leh a enge a sawi awmzia chu ka hrethiam lo.

"Kekawr bul nen sport i tum ami" alo tih leh chuan ka hrethiam chiah ka kekawr bul hak hi nimaw a sawi "a hak theih loh mi midang pawn an ha lawm" ka lo ti fel then a nimin pawh khan a bialnu nono khan a ha ka hmu reng lawkin a bialnu nen khan an kal dun dawnlo mile .

"Va inthlak rawh ka lo nghak ang che" atih chuan ka hrethiam lo deuh a "timaw" ka lo ti haw "nisa dawn i vun i ui lo mi"  ka mit ah tak min melh chung chuan alo ti leh a sir lam hawi in "suncreen ka hnawih vek lawms" ka lo ti leh a ka dar ah vuanin kan inlam hawi chuan min nawrh phei dat dat a inchhung thleng min nawrh luh chuan ka nu leh pa mai bakah u Jenny ten min lo en "i kal daih tawh ang chu kan tia" tiin ka nu in min lo melh a Juana hmel an hmu pawh chu mak an ti tih an hmelah a hriat reng "a inthlak leh duh a a kekawr bul hak hi" ka hnunga ding chuan alo tia hepa awmdan hi ka hrethiam lo re re. 

"ehe Lalrinmawi kekawr tlawn han ha nghal rawh ka pa ni" pa zawnga strict pawl tak .

"I ha chhing lutuk " atih chhun zawma hnung lam hawiin Juana ka melh rum a chuan inchungah ka han inthlak .

Inhnuai a ka chhuk  pawh chuan Juana chu kawngkhar bulah alo la ding renga titau deuh reuhin ka chhuak nghal vat a ka pa chu inla strict thei leh lutuk a ka ning tlat alawm kekawr bul hak mai mai pawh phal loh ka rilru chuan ka rel zui mawlh mawlh a . Gate pawn ka thleng der "hey naupangte lo kal ta che" Juana chuan min lo ko a kan in sir lam ah ka lo phei chu niin Juana chuan "lo chuang rawh kan tlai tawh" ati a. A lamah phei in ka va,chuang ve mai bawka ka ṭhut dan chu a hreawm .....mahse Juana nen min phur a a bialnu emaw a ṭhiannu pawh ka ni miahlo a ṭhianpa Cousin ka nia mahse min phur turin alo kal .

Falkland World Bank road thla ah chuan a tlan chak a "i khalh chek e"  ka lo ti a "kan tlai tawh sia" pangai deuh hian alo ti a "ka mawng aza mer mer thei" ka tih leh chuan alo nui .Nuihzathlak ka sawi pawh ni lo chuan.

Engmah a sawi lova mahse a speed chu a timuang muang over chu ani chuanglo a khalh muang ngai vaklo tih chu ka chiang a bialnu a phur tawh ngem le tih te ka ngaihtuah a ...mawi engvangin nge a bialnu chu a phur lo ang leh kei te chu Joelan va lam rawh atih vang chauhin ania ...min lo lam a bialnu lo pawh midang a phur ṭeuh tawh ang.

Ngawi reng chuan kan tlan zela kan hnung ah Kan house ṭhen khat Car in an lo tlana min lo chheih ti tih leh nghal  chuan engtin emaw ni tak hian ka tiril a fan a min chheih ang tak tak hian han ni tak tak ila ka lunglawm a kim hrim hrim.

Kan thlen chuan ka ṭhiante ho ka zawng nghal ruai a kil khat a min lo thlir reng ka va hmuh chuan an lam panin ka tlan phei nghala Juana chu  ka kalsan hmak "enge awmzia" Hmunin alo ti nghala midang ho pawh hian thil awmzia min zawt nghal sup sup a ka sawi zawh hnu ah

"In van inhmeh em em " Vasty in alo ti a "keipawn ka ti a bialnu nen ai kha chuan in inhmeh zawk" Meloin alo ti ve nghal zata .

"Ka ngei zia chu" ti a ṭanin ka inthlak dan leh a tlanchak vel thu te chu ka sawia "awi..... a romantic vel eee" Ṭhalianin alo ti a "ka ngei tawp" ka lo ti leh hram "enge a hriata a bialnu pawn saw..kekawr bul a hak leh tho saw...enge nangmah a hauh daih che a " Vasty in alo ti a 

"Nia.....a duh vang che ani thei anga nau anga a en vang che ani thei tho bawk" Hmuni ani.

Ka hrechhuak zawk hepa hian nau angin min lo ngai reng ami le, nge ni a ṭhianpa nau ka nih avang in min treat dan hi adang zawk awi ka hrethiamlo.

Marathon tlan tur te lo in warm up tura anlo puan chuan "chu Mawi..in peih tawh,em" tiin ka ṭhiante chuan min massage vel sawk sawk a 

"Ana ana! " tiin keiin ka lo indang ve thung.

"Ava na sawk sawk ve min ti sil vek dawn lawm" tiin ka ṭhu chu ka tho nalha ka pheikhawk hrui te chu suih ṭha in kal tura Leader min tih na lamah chuan ka phei a Jersey Eng han hak chu 

Ka peih zan lo ni a eng dan lah hi a eng vût ang chi kha ani leh nghala. Ka kawr hak chhan ah chuan Leaderin Jersey min pek chu ka ha a, ka inthawlh mek lai a u Joela aw ka hriat chuan ka inthawlh fel tawh kan lam pan hian an ṭhian ho chu an lo kal khawma "i tlan ve dawn mi " min star tu pa Hminga khan alo ti a min nuih sang reng bawk si a lu ka lo bu nghat ringawt 

"Lalrinmawi nge i tel ve ringawta"  U Joelan alo tih chuan "ka duh vang pawh nilo tel tur an awmlo lawm" ka lo ti ve nghal a Juana ka melh chuan min lo en renga engmah a sawi ve lo thung.

"Jersey eng deuh kha i inhmeh kha ai eng pack i ang reuh lutuk" Loli a an tih in alo tih chuan ka lo ngei reuh lutuk an nui hak hak a Juana pawh a nui ve tho.

"A lum si kal teh u " kan leaderin chung mipa rual ho a kut a vei kian lai chuan Juana chu a kal leh daih tawh a ṭhianten ahnungah an zui dul dul a in la boss ka ti dawn nge....an hlau ve hrim hrim te pawh hi a ang ṭhin.

Kan tlan dawn chuan ka bula ding Rebeci kan  Sem ami tho tlan ve tur tho kan House ami nen chuan kan vawikhat inbiakna mah nise kan titi a 

"Ka tlan ngai lo sin le" ati ve niah niah a "ka sil vek ang tih ka hlau" ka lo tih ve chuan keipawh alo ti vat a . Miss te sir te ho in An house ṭheuh an lo au phur a midang tlan ve tur tho kan en chuan kan huphurh deuh tawp ani mai an sport mi ngawih ngawih an hmel aṭang pawha sport mi deuh an awm ṭhin hi Beci nen chuan kan peih loh thu kan in sawi chhawk seka "a tir ah tlan muang ila maw...chuan an chauh hnu ah kan tlan chak dawn nia" tiin ka hrilh a "aw..tiang chuan" alo ti a Silai lem an kah ṭhek hnu ah kan tlan chhuak ṭana Filed kha vawi 5 hel chhuah tur ania muang changin kan tlana Blue house nu chu pui tak ani pui tak a tlan thei lutuk Rebecin "an van tlan thei " thaw hlawp hlawp a alo tih chuan "chu chu lawm ka hah tawh lutuk"  ka lo ti a tlan ngai miah lo vawi leh khata tlan thut kha chu a rapthlak piah lam deuh ani.

Kan House zawn kan tlan thleng ve chuan ka ṭhiante ho in tui min lo pe in chungin ka tlan ve zela u Joela te ṭhian ho chuan "Mawimawi...ṭang rawh ṭang rawh" tiin min lo au a ka hah tawh bawksia tumah chu ka hmufiah thei tawh lo ani ber.......ka hmai re pawh a sen vek tawhin ka ring.

"Ka hah tawh lutuk" Becin alo tih chuan "muangchangin tlan ang " ka lo ti a Blue house nu kha chuan line a pel tawh ...min lo um pha leh ṭep tawh  zawk nia angaihna awmlo. Kan pahnih chuan kan tlan zel a kual khat chu kan kual ve  tawh ka hah tawh lutuk chu ka thin hi a phu dup dup tawh ka thluak te hi alo pawng ut ut tawh ni te hian ka hria a ka ṭhiante zawn a vawihnih nan kan thleng leh a min lo au vak vak a "Yellow House Yellow House" tih ten an lo au a Goal ban kan tlan pel leh tur chu Rebeci hi a ṭhu hnawk a "ka tlan thei tawhlo " alo ti ṭiau tawh ka khawngaih zawk . Ka let phei a ka va kai tho a kan pahnih chuan ke a kal tak hian nia kan kal chhun zawm tak.

Midang ho chu chuan vawi 4 an kual tawha kan tlan theih tawh ngang loh avangin a sirah kan lo ṭhu tawp tawh....ka ke chu a khur dur dur a kal pawh ka kal ṭha thei hlek lo . Ka ṭhutna chu a fai nge bal tih pawh ka ngaihtuah hman tawhlo ka mal leh ka khup te chu a ka chum a na lo te te hian House Leader leh Assistant mai bakah ka ṭhiante chu kan awmna ah chuan an lo kala "in ti ṭha lutuk an tlan thei em anih kha" tiin min lo hrilh sap sap a ka ṭhiante chuan "awi...i cute rapthlak i naupang te i ang lutuk i tlan khan" min lo ti pek a  min kaihthawh pawh chuan ka kal ṭha thei lo re re ka tha zawi a khur zawih zawih ni mai hian ka hria.

U Joela lo tlan phei ka hmuh chuan min lo nuih leh dawn tih ka hre nghal a a bulah Juana alo tel ve bawk kan bul alo thlen chuan "i hah em" alo ti a anui tho na in min chheih miah lo 

"Hah" tum bar hian ka lo ti a "i kal thei ngem" min lo tih chuan lu ka lo thing a "kaw rawh ka pua ang che" ati a keipawn sawi buai lem lo ka ṭhiante chuan ka hnungah min zui a ka cap khum ka theihnghilh "tia hnung lam ka kawh chuan Juana atlan phei nghal ava la aniang u Joelan kan House awmna thleng min puak hnu ah an House awmna ah min phei sana .Juana khan ka Cap kha min lo la pe miah lo kan hnung ah khan a kal ve rengin ka hre sia .

Rebeci nen chuan kan hah ngang aniang puan phahin kan mu duai ah kan ṭhian ho zinga mi ni lem lo mahse a fel phian a nu ve deuh chi hi ania English ami anih thu a sawi chuan rang deuh hian "nonoi i hria em" ka lo ti nghal a 

"Aw...kan hma ah a ṭhu " alo ti nghala.Sawi tur hre lova ka ngawi leh daih chu "Juana bialnu tiraw i sawi" alo ti leh a "aw..ka hma aha ṭhu lawm...a fel reuh lutuk"alo ti nih chu a fel phei chuan "Juana nen hian an nihna rei tawh em" ka lo ti a "rei vak pawn ka hrelo May thla vel aṭang khan ni in ka hria" alo ti a .

Ka ṭhian ten "ni an van ang lo em em Juana sawn a duh vak lo niang" an lo ti a "ka hre biklo  mahse a care ve lutuk College ah pawh lunch ah alo leng ziah lawm" Beci chuan ati leh a ka hriat chak loh loh nen hian ah. 

"Sport ah hian an awmdun lai ka la hrelo rere" Hmunin alo ti khiah a keipawh ka la hre miahlo

"Awi...ka hrechiah biklo Juana khan a bem a....a nihpui hmasak ber ni in ka hria" Beci bawk ani "tunhma in bialnu ala nei ngailo an ti" atih chhung zawm "awi...van mak em em mahse hepa hi chu inla cool ve e...a mitmeng hi ka ngei chi a lerh mi a melh chiang thei si...." Meloin alo ti a "haha....keipawh" Beci chuan nui hak hak hian alo ti a. 

Tun hma in bialnu ala nei ngai lo tak tak anih chuan Nonoi hi a bialnu hmasa ber tihna nimaw...chutiang anih chuan a care viau ang.

Tlai kan haw lam chuan U Joela nen kan haw tawha u Joela bulah hian ka zawt dawn mi le 

An in duh tak takin i ring em tih vel te ka,ngaihtuaha "u Joel" ka ti phawt a "sawirawh" alo ti nghal pang "u Joel Juana khan" tih chiah ka sawi hman "bialnu nei " alo ti a chek tlak pah hian "tchhh...chu te chu ka hre ve reng" ka lo ti a "i zirlai chiah ngaihsak rawh Juana i star tih ka hria" min chheih deuh tlata ka hriat vang chuan sir lamah ka zuk thlek a "hei.....mawli" tiin ka chalah min lo kuk  fawk nih chu.

"ana " tia chhing sawkin ka ṭhu ṭha a "ka star lo hrim hrim khatiang a lerh hmel si " ka lo ti a 

"Lerh ve e" alo ti a "enge lerhna" ka lo ti leh ang lawia ka chhan pawh nilo ka sawi chhuak ve tawp "Nonoi lo pawh biaklai te chu a,nei reng mipa hi ring suh i rin ang an ni lo ang Bialnu kan neih lai reng pawn duh kan nei vek" alo ti duaha .

A helmet hnunglam aṭang chuan hmui ka lo tihpawrh khum  ringawt "insiam chhiat vak kher ngailo" alo tih chuan "min hmu thei mi" nui ṭhaw hian ka lo ti a "mit ka ngah lawm...fimkhur ang che bialpa neih pawh ala hunlo i neih chuan ka hre dawn tho ka pa Zuala bul a thleng nghal ani mai" ka pa bulah ka sawi nghal ang atihna ni. 

"Ka nei dawnlo reng alawm neih pawh ka tumlo Juana pawh kha ka duh lo nia" ka ti a awih lo hmel zet hian hnunglam alo hawia "kal kawng enrawh" tiin a,chalah ka lo kuk ve thung se a helmet full face anih avangin ka kut ana zawk.

Ka kut chu ka tuai vut vut a in kan thleng chuan a tlai ruih tawh khua aṭhat avangin khua a thim har dar 5:29 chu ri tawh . 

In chhungah u Joela chuan min zui lut a vawiin vel ka nu in alo zawh chuan "nu Es Marathon ah tlan ve leh ringawt tawh nia aw" alo ti hman pek a u Jenny tv eh chu alo nui kur kur a 

"Ka tha zawi vek....ka kal khur char char tunah pawh hei ka la khur" ka lo ti ve nghala . Ka nu chuan nui chung hian "naktuk ah kha ai khaj i sil belh dawn" alo ti a "naaaa.....ka ning e ka ṭhu tung theilo tunah pawh" ka ti a .

U Joel a chu mins 5 vel a ṭhut leu hnu ah a haw ve ta,chauha inchungah chho in tuilum in ka inbuala ka mal mawlh chu ni khawih ringawt pawn ana. Ka tlan ngai si lova chuvang te pawh chu niang.

Zanah chuan ka mu siai siai a number hlang hmana minlo wish tu kha lo ni "hi" alo ti a 

"?" Question mark chauh chuan ka chhang 

A seen a min reply leh ta,chuanglo tunge le hepa hi.

CONT-