ENCHANTÉ CP-3

ENCHANTÉ CP 3

BY: APHRODITE STORY

Whatsapp Group

Zinga ka tho chu nizan lam ka muttui deuh aniang ka mit men a nuam tawpa u Jenny in ka room kawng khar alo kik dat dat "tho tawh rawh dar 8 ari tawh i tlai dawn" alo tih chuan ka harh chhuak zawk ka phone sana ka en chuan alo ri tawh tak tak. Khum aṭang chuan ka tho nghala hmai ka phih nghal sawk sawk a, thawmhnaw la(h) hi ka neilo re re tia ka zawn apiang hian engmah hak tur ka hmu ngailo.

Ka lu ka su hman tawh lo ka in chei ve deuh lai chuah ka phone alo ri rét rêt a chhang pawh ka chhang hman meuhlo.Ka insiam zawh chuan dar9 ari dawn thuak tawh ka lipstick , Powder leh phone chu ka bag ah chuan ka khung a inhnuai ah chhukin ka nu bulah "ka kal dawn" ka ti nghala thil ei phawt tur chuan min lo ti ve tak na in ka ei hman tawhlo.

Hmanhmawh tawk thaw hlawp hlawp chung chuang kawnah Bus ka lo chang a "Mawimawi" ti tu an awm avang chuan ka sir vel chu ka hawi nghal ruai a Vanlalsepa lo ni  an in aṭang alo chhuak ve chiah aniang Scooty nen alo tlan phei  "iva tlai ve" min lo tih chuan "thawh ka hai alawm" ka lo ti nghal a "lo chuang rawh" atih chuan engmah sawi set set lovin ka chuang nghal Bus ai ngawt chuan kan thleng hma zawk ngei ang.

"4th Sem ami nen khan sawi in kai ṭan ania aw" alo tih chuan phawk deuh hian ka meng a min hmu thei lo na in mak ka ti lutuk ringawt "tu ten chutiang engmah awmlo" ka tih chuan "hrebik lo Group ah nimin a in in phur lai kha an lo Post a " atih leh chuan rindan ka nei thiam maia nimin kan inphur vanga chutianga lo sawi chu an nih ka ring a thu hrimah tu chuan nge thla te chu lo la hman rere ni.

"Tu nge thla chu la a....nimin te chuan u Joela hman lova Juana  min lo hruai turin alo tir anih kha .....mi te hi ah an hman thil nilo lo hi an sawi peih an hmuh ang hi a nihna diktak ani lo thei a thil hi a landan anga thlir loh tur hi nia" .

Ka ti chawrh chawrha "ah ah...keiman thla ka la te pawh ang" nui chunga alo tih chuan "ka thinrim tlat alawm.....an hmuh ang ringawt hi thil nih dan ani lo thei tih te hi hriat ve tur nia "  ka ti leh bawrh bawrh . Ka hma a mi chuan "ni e ni e" chiah alo ti ngam tawh.

College kan thlen chuan ka unau te ho in min lo nghak leh ran tawh hlawma min melh dan ka duh loh em avang chuan "enge" lungawi lo aw deuh hian ka ti a "i la hre ve lo mi" Ṭhaliani ani

"Eng chu" ka aw chu a vin lek lek tawh.

"Nonoi ṭhiante ho in a bialpa chhuh sak tum ang che in Sem tin Group ah an theh darh nimin a in lo inphur video kha ania " ka thaw halha tu chuan in nge chutianga min lo chhuah ringawt chu le ka thinrim deuh ṭun chu ka sa pap pap thei. "A ṭhing eeeee...amah Nonoi pawh nilo a ṭhianten chutia lo tih vel chu uakkk...ṭhing lutuk a uihhhh" Vasty in alotia Sepa kan bula alo phei chuan "tumaw theh darh tu te chu" alo ti a 

"English ho in aniang kan class ami te sawi dan phei chuan Juana ṭhiannu a tet te aṭanga akawm ṭhin leh Nonoi hi ṭhian ṭha deuh an ni aniang " Ṭhaliani bawk ani.

Keichu sawi tur pawh ka lo hrelo chutiang a min lo chhuah ringawt chu ka hua a tih ngaihna vak ka hre lem lo Juana hian a hreve tawh ngem le.

"Class ah lut phawt ang u"  Hmunin atih hnu ah kan in zui phei leh ṭham ṭham a kan kal pelh apiang te chuan min en hrek hrek nimai hian ka hria "ka ke a sil lutuk a ka la kal ṭha theilo" ka tih nang nang chuan "11 ah tiraw Indoor an ṭandawn " Meloin alo ti a kan lo buk nghat nghat hnu ah thu ho te te sawiin kan titi leh sap sap a 

Chutia kan ṭhian ho kan titi melh melh lai chuan U Joelan pawn aṭangin min lo ko a kut zaizir hian "lo kal teh "  alo ti . Ka va chhuah chuan 

heng thu leng vak bawk hi nih ka ringa mahse a thusawi chu "Hminga khan min lo biak rawh ati leh che a Juana chuan bialnu a nei tih i hriat kha" alo ti a "I mak ......" ka tih hlak chuan 

Nui put put chung hian  "ngatan mah ngaisuh Group a an post ho kha chu Lalremremi Post darh anih kha" alo ti a chu chuan ka beng a verh tlat "tunge Remremi chu " ka lo ti nghal vat a "kan ṭhian nu mawle....Juana bialnu ṭhiannu ve tho" ati a awmzia chu Remremi an tih leh Nonoi te hi an in kawm ngaih viau ani ngei ang.

"In in hriatna rei tawh em Remremite nen chuan" ka lo ti nghal vat a "rei ve tawh e kha.st.Paul's kan luh lai aṭang daih tawhin Juana nen phei hi chuan an inkawmna rei leh zual tawh" alo ti a "Juana nen hian St Paul's ah khan in lut ṭhin maw" ka lo tih chuan lu bu nghat a. Hmani khan alo haw ve chauh emaw ka tia Mizoram ah awm ngailo emaw ka lo ti char char a mahse mizo ṭawng athiam em em a enge maw ka ngaihtuah ah....

Class a ka luh san leh hnu ah ṭhian te nen kan lo Reels vel mai mai a Joela mi sawi nu vel ka sawi chhuah chuan Vasty in "Kha nu kha ka hria" alo ti  khauh a "kan sport laiin kan insual tawh" alo ti pek anih chu "Awi...." tiin midang an  lo nui dar dar a "a pawr thei lutuk...a cher ve ropui sia....a ṭawngkam chu den ve hmel rapthlak"  atih lai chuan "a tawp chut a.

Keimah min lo en in "Mawimawii nen hian an hmel a in ang deuh" alo ti a Hmunin "eee.....English ah Mawimawii ang deuh ka hmu ka ti reng ani" alo ti ve nghal zat "hm....in daw ee...." awih loh hmel zeta ka lo men ran vel chuan Hmunin ka hnungah ka chum zawt mai .

"Ani lawm ka hai a Mawimawii maw ka tia..a tir in an in an loh na chu ...kha nu nu kha a sin hret ani mai leh chhawng ah" tiin an nui vak vak a .

Ka la hmu ve miah lo kan in lo in ang tak tak anih chuan Juana nen an inkawm ngaih dawn bawk sia, tunah A kawm nu berin min ngei deuh reuh sia ka chan avan chhe takkkk(h)

Dar 11 arik chuan Hall ah kan awm ṭhap tawha 

Vawiin chuan Arm Wrestling tih vel te ni an tihdawn leh adang pawh atam ang an rik mur mur lai chuan ka hnung lam aṭangin ka dar lo kheuh zeuh zeuh tu an awm avang chuan ka leh hawi vat a "i sil ve em" Rebeci kha lo ni .

Nui chung hian "sil rapthlak" ka lo ti a nui  hak hak chung hian "e....hei NoNoi" tiin a bula ding chu a melh a Rebeci bula ding mek ka en chuan alo nui deuh suk a keipawn atih ang tho chuan ka lo nuih let ve.

Kan ṭan dawna kan hnung lam ah in be ru leh sar sar ṭhin ka hriat avang chuan ka awm anuam chiah lova Juana bialnu kha a awm ve a tlemin keimah ah hian nuamlo tihna awm ka sawithiam chiahbiklo se a nuam lo ve tawp.

"Mawimawi saw....remremi chu" Vasty in ka dara sawi pah hian alo ti a Juana bulah alo awm i Joela te pawh an awm amah chiah hmeichhia a awma kan en mek lai chuan kan hnung lam ami te chu Remremi chuan alo ko aniang Nonoi te chu Juana te lamah chuan an va phei a Juanan Nonoi a melh dan chu ka hrethiamlo a lawm zan lo a ang ka ti a melh dan saw mahse a men dan ve hrim hrim te pawh ni in ka hre tho sia aaaa!! Ahhh ka mit chu la sawn in Stage lam chu la hawi leh ta zawka.

Kan ṭhiante ho in Juana leh a bialnu awmdan vel an sawi a "Juana khan a kuah phei alawm kan chhoh dawn khan hei kuah ti ah a dar ah ....tian a kut a dah" tiin Hmuni chuan Vasty dar ah Action nen a zir chhina "Juana kha anui nasa tawp ....a bialnu hmasa ber anih phei chuan a dah pawimawh viau ang" tih vel te an sawia . Ka lo thaw halha ka rilru chu na lem lova mahse ka ngei deuh tlat alawm.

"Ka ril aṭam thil ei ang u"  ka tih chuan an lo eh rual ṭhup a "hmmmm enge"   ka lo tih chuan 

"ka ngaithla peih ttawhlo ti ve mai la" Ṭhalianin alo ti a chutiang lam pawh ani tawp si lova 

"Ah....ka ril aṭam tak tak alawm" ka lo ti a ka thusawi hi awih vek se ka ti bawk . Min rin loh hmel deuh deuh hian an aw tliar tliar hlawma pawnah chhuakin kan College piah deuh dawrah chuan thil kan ei a.

Kan ei zawh chuan ka puar leh mah mah nge ka hre biklo ka pum chu ka ip thep thei meuh lo."Mamte" ti a u Joela aw ngeiin alo tih chuan kan College Canteen kawt aṭang hian min lo ko va mithmul ka ti kang euh a ka chhang lem lo 

" lo phei lawks" min lo tih chuan "motor" tih chiah ka sawi hman ka au ring duh lova chhan chu mi an tam chu mai bakah a bengchheng si phone chu phawrhin ka lek kanga whatsapp ah 

"Tan sawi mai rawh" tih ka va thawna a phone chu phawrh ve nghal in a typing mawlh mawlh a

"A pawimawh lo phei rawh Hetah a rei dawnlo" tiin alo type ve leh a nin hmel zet hian alam chu ka hawia a kutin min lo hui zeuh zeuh.Ka ṭhiante bulah ka va phei lawk tur thu ka sawia Kawng kân in Kan College Canteen lam ah chuan ka phei tlang nghala a chhunga ka va luh chuan u Joela mai bakah An ṭhian ho an hming pawh ka hre kim velo an lo awm nuala phur fahran lo chuan ka phei a Hminga an  tih kha chu a tho nghal daih 

"Mawimawi..kan ṭhianpa sawn a star lutuk che a ......aw nge aih" lo ti tu chu vai hmel ve deuh hi ania ka hmu fo a a hming ka la hre ve lo. "Tu in maw" ka lo tih chuan "saw...saw lai Filter phen a ding saw...a zak zum sia hrem.....duh rawh a fel lutuk! Nichina mi bawk khan alo ti leh a 

"Ah...." tih chiahin ka chhang phawk ve hmel deuh sam kir lampang Juana nen an in chen vel maithei chupa chuan "i duh loh pawn keimah ka awm tho" alo ti a nichina vai hmel deuh  khan "lalduhzual ṭhiante Star an chuhpui ngai lo" alo ti a "hmm....a duh loh miau te chuan amah berin" lo ti tu chu lalduhzuala kha  ani.

"Awi...ah ka phei dawn" tiin u Joela chu la melh a ani erawh a phone ah Games ngawt alo khel Juana ka en leh chuan min lo melh char char a mahse engmah a sawi ve lo thung

"Kei hi Andy a ka nia" alo ti a vai ang deuh khan 

Lu ka bu nghat nghat a "ka phei mai dawn " tih leh inher ka ruala engtin,nge an in tih tak zel phei chu ka hre lo

Ka ṭhiante ho ka zawng ruai a ka hmuh tak mai lo ah chuan class ah ka han chho a class room ah pawh chuan ka hmu lo College Campus ve deuh ah chuan mi an zi mur mur a ka va kal hnaih chuan mi an lo insual chu ni in  an lo in hnek siah siah a mipa pakhat zawk chu Apuia niin ka hria ka en na hlat deuh avang chuan ka zuk chhuk thla a U Joela leh Juana ten lo ṭhelh an tum aniang English class aṭanga buaina chu chhuak anih hmel Juana an Apuia lo zawk alo hnek ve chu ka hmu a chumi hnu ah a ke chu a bai zui euh euh bawk .Reilo te ah Sir Hruaia hi alo kala ani chuan alo ṭhelh ring deuh hian ṭhing ṭhi ve ve turin insual pahnih te chu ati a kan Sem ami tho mipa innocent hmel deuh Apuia lo zawk kha chu Ground ah alo ṭhing ṭhi a .

Apuia kha chu a ṭhingṭhi ve duh  miahlo ngeng deuh hian a nui a sir in vawi 3 vel ṭhing ṭhi ve tura atih pawh chuan tham lo hmel zet hian,a,nui vel anih chu a hmel setan zia chu.

Sir chuan a dawhtheihna a hlauh ani chek ang a biangah   vawihnih a beng ka tha alo khur ve ringawt leh nghal ka ṭhian ten ka hnunglam ah min lo pawt a mi kar aṭang chuan kan en ṭhup mai. Chupa la chuan Kan sir chu ala hlauh loh hmel lutuk ringawt 3rd Sem ami niin ka hria "Apuia hi ka hriat sual loh chuan" Ṭhalianin alo ti a zawi deuh takin nia a sawi ni "Remremi ex " ti tu chu Sepa lo ni kan en ṭhupa kan piah deuhchu kawk in kan ṭhian ho chuan kan hawi leh ṭhup.

Remremi chu an class zawnah alo ṭapa a ṭhianten an lo thlem Nonoi pawh kha a tel ve 

A bialpa hlui chu alo khawngaih anih ka ring 

An class room chhunga Juana ṭhu pawh ka va hmu thei a a bialnu te class ani miau a.

Apuia chu sir chuan a ṭhingṭhit tir hnawka midang ho chu kalsawn turin a kutin a hui bawk keini pawh kan Class room ah kan han chho leh hna hna a inchung aṭanga chumi te pahnih thlalak sak tawk lah an banglo.Juana ka rilru ah lo langa nichin khan a ke kha a bai euh euh a khupa khu a hnek zui ve bawka a ke na mi le .

Chawhnu lam ah eng eng emaw an ti leh a kan ban hnu ah Bus in Hmuni kei leh Meloi te nen kan haw Chaltlang Bus lam ah chuan kan ngai bawk sia Meloi te chu Zemabawk lamah daih an awm thung.In ka thlen velah ka inbual a zan ah pawh thleng ka sil fel vek tawh hnu ah Room ah chho in ka phone ka khawih mai mai.

Reels vel ka en mai mai lai chuan min follow tu pakhat alo awma  ka Account ka private avangin ka confirm hma in ka check phawta followers ka nei ngah hran lova ka hmelhriat loh phei hi chu ka confirm lo tawp ka ṭhiante leh kan class ami te ṭhen khat bak ka follow lo bawk.

Min lo follow tu pawh chu keimah ang tho a private a Following pawh 40 chiah awm ka confirm duh ngem aw ti a ka in ngaihtuah mek lai in ka whatsapp noti lo thlenga hmana number hlang pa kha lo ni a number hi ka save lova mahse a tawpah 2303 tih a awm chuta ṭang chuan ka hre thei.

"Lo confirm rawh"  tiin min lo bia a "tunge inih" tiin ka reply leh ta nge nge "lo confirm  rawh"  atih lai te kha dot (.) Ringawt hian alo reply a 

"Ka hre lo che" ka tia ka phone pawh chu ka dah zui hmak . Min lo bawl kual vel mai mai mawni khanglang chuan ah.

Zinga ka tho chu ka la  sil ṭhem ṭhum mai  vawiin ah chuan Basketball tih vel an ti dawnin ka hria ka insiam zo inhnuai a ka chhuk chuan u Jenny in "in college cultural club ah te khan i tel ve dawn lo mi" min lo ti a "ka tel ve dawn pawh ka hrelo nimin kha chuan Miss Muantei khan tel thei tur in awm chuan lo in report ru atia"  tiin ka lo chhanga "tel ve rawh ......ila thiam re re em cheraw vel te" atih leh chuan 

"Thiam ve bawk ang chu High school aṭangin Higher thleng kan kân a" ka lo ti vat a min chhang tawh dawn lo emaw ka tih hnu ah inchung a chhoh pahin "tel ve ang che" alo ti zui leh hram.

Keipawn Cultural club a tel kha chu ka duh ve deuh Mizo hnam lam hi nuam ka tia a bikin Cheraw phei hi chu Puan chei han bih te hi nuam ka ti nalh ka ti bawk .

A ngai te te in Kawn ah Bus ka chang a Vawiin chu Sepa ka hmu tawhlo ka kal hma deuh vang pawh ni maithei Bus alo thlen chuan a hnung tukverh aṭanga Meloin min lo bye bye ka hmuh chuan hmanhmawh deuhin ka lawn a 

 hnung lam ah ka phei nghal nal nal "khawnge Hmuni " alo tih chuan "apa in alo thlah dawn" ka ti nghala "ivan hma ve a" alo tih chhun zawm zat bawk "ka tlai leh ang tih ka hlau a " tiin ka lo chhang .

Meloi nen chuan earphone in hla kan ngaithla a pakhat ve ve in hriat chhuah ka nei a achang zeuh zeuh a min lo be ṭhin tu kha "teh...melo number hlang pakhat hian hram  hman June nge May zawk ka chiang tawhlo kha Board Result chhuah ni aṭang khan min lo bia a " ka ti a alu lo buk nghat hnu ah ti hian ka sawi chhun zawm leh a "mahse hei regu deuh a min lo bia ani chuanglo min lo be zeuh zeuh hmani khan min lo 'hi' a chuan question mark ringawt in ka chhanga maw chuan nizan khan ig ah min lo follow aniang 'lo confirm rawh' alo ti leh a tunge niang le" ka ti nghala.

"Khawi maw a ig chu"  atih chuan ka bag a ka phone chu ka phawrh nghala ka hmuh chuan 

"Nangmah star tu vel aniang" ati liam puat a 

"Mahse....mak ve em alawm midang te chuan an lo in sawi nghal maia min star tu te dang nen an in anglo bik tawp" ka tih chhun zawm niah niah a "ehh...i star nih kha" alo ti daih 

A ringawt chuan ah "enge ka star ringawt ang tunge ni tih pawh ka hre lova" ka lo ti a ei loh hmel tawkin ka melh pah bawk.

"Nakinah alo la insawi tho ang Juana te lo ni thut  thei" atih chuan ani dawnlo tih hre tho mah ila ka thin a phu rang nghal ringawt nia .

College kan thlenga Miss Muantein kan class room kan thlen hma chiahin min lo ko a 

"Mawimawi cheraw i kan thiam em" min lo ti a 

"Thiam ve tho" ka tih chuan a paper ken lai ah ka hming a ziak nghal mawlh mawlh "i ṭhiante thiam dang an awm em" tiin min zawt leh a 

"Aww......ka hrelo eee..Vasty in a thiam" ka ti a 

A hma khan Vasty nen class ah a mai mai ṭhu chungin kan kan tawh Miss in Vasty hming a ziah leh hnu ah midang ho class lam panin a kal leh nghala . Class room kan luh chuan an lo zi leh mur mur tawh.

Dar 10 velah Campus aṭang chuan Miss Muantei ngei mai chuan "hming ka lak ho kha nakin dar 11 velah Midang ho lo sport chhungin Ground ah hian lo kal khawm tur ani e" Mic hian alo sawi lang lang a Vasty bulah 

"Eee...Vasty i hming ka sawi ania aw" ka ti ve nghal Vasty in phawk deuh a min lo en chuan

"Cheraw kan thiam ah ania keipawh min ziak" ka lo ti ve nghala engmah a sawi buai lem lo.

Basketball ka en ve chak viau na in Vasty  nen chuan kan kal ve ta lo a  Miss in a sawi miau avangin Ground ah chuan dar 11 velah kan chhuk a Midang pawh an lo awm nual hla deuh hlek a Nonoi te ṭhian ho lo ṭhu pawh chu ka va hmu a Remremi pawh kha awm midang an ṭhian dangte pawh an awm nual mai. Vasty nen chiah kan class aṭangin min thlanga mipa pawh English ami vek an ni in ka hria Miss Muantei alo chhuah ve chuan khuang te nen dar ben thek an tia mi tiang te nen khan alo chhuaka sir pakhat a hming ka hrelo chumi chuan mipa ho chu Store Room a Mau vel la turin ati a , Vasty nen tlawng kan nia kan lo inziak lut ve ta kher kher chu ka peih lo leh hnuhnawh hmeichhe dang zawng English ami vek an ni sia an in hrilh ru leh sar sar ṭhin sia keimah ni min sawi lo mahse awm a nuam duh  lo ve hrim hrim.

Hah deuh thaw hlawp hlawp a cheraw vawihnih khat kan kân zawh chuan Miss Muantei chuan a thlang chhuak leh diat diat a Vasty leh keipawh min thlang chhuak ve Juana Bialnu nonoi te pawh kha a thlang ve a Miss ten karleh lamah kan Practice tawh ang an tih tak avangin class room ah kan chho a reilo te kan ṭhut hnu ah Toilet lamah hmai phih turin ka pheia hmai Toilet ah chuan Nonoi te ṭhianho pawh kha an lo awm ve Toiltet  pakhat ah chuan lutin ka hmai chu ka va phih a ka romol in ka hru zui bawk.

"Nizanah u Freddya te nen an lo leng alawm kha kawr violet kha lo ha a....a mawl lutuk" tih vel te "ka ning keichu tunlai a awm dan amak lutuk" lo ti tu chu Nonoi kha niin ka hria tui chu ka herhhaw a ka zung leh te te hnu ah ka chhuaka darthla langah chuan kan in en ve zuk a "Mawimawi....i kân ṭhang ami " tiin darthla lang aṭang chuan min lo  melh a  melh let ve in

"ṭhang chuang lo  kan kân ve ṭhina" tiin ka lo chhanga midang ho chuan eng eng emaw an sawia ka chhuak a kan class room lam panin ka phei leh a .

Vasty in "kawrawh chho ve ang" atih takah chuan lipstick leh Powder tlem te ka hnawiha compact hi chu ka hnawih thiam lo chuvang ania Ponds hi ṭha ka ti ber keichuan chhe te in ka in chei ve a ṭhian te ho bulah Bascketball en tur chuan kan han chho ve a kan han thlen chuan lang sar deuh ah kan ṭhiante chu an lo awma Blue leh Green an lo in tum mek chu niin.

"In kân zo tawh mi" lo ti tu chu Hmuni ani 

"Aw...." tiin ka lo chhanga "Juana pawh tel ve" tiin Meloin tual lam chu a kawk a Juana chuan Ribbon hring chhah ang chi kha a lu ah lo hrengin a thlan hliam a u Joela nen chuan khel ṭhang tih hriat zetin an in man bik lutuk ring chhungah chuan an in vawm luh chhawk ani ber. Ka lo thlir reng tih chu a hria nge ni Juana te team ami pakhat chuan ka lam chu lo kawkin Juana chuan min lo en a ka lo phu zawk mai min melh rei lo na in a ṭhianpa khan eng tak sawi ang maw tihzawk chu ni.

"Saw...." tiin kan sir lamah chuan hmeichhe ho hi an rak chul a ka en phei chuan Nonoi te ho kha an  lo nia a au ring ngei mai a bialpa chu alo au ve nasa lutuk tlat. Juana chuan Nonoi lam chu lo hawi in Nonoi chuan "ṭang rawh....Greenn house" tiin a au chhun zawm nghal a house khatah te an awmdun vel ani maw tih te chu ka ngaihtuah neuh neuh a Juana bialnu hi chu a vannei ve thlawt .

Green ho chu Basketball ah an Cham a Yellow nen 25:19 velin an chak. Naktuk chiah Sport kan nei tawh dawna sport tih lemah Closing ani mah ang chu Vanapa hall ah daih ania Closing hi nuam ka ti ber Sport ah chuan "zaithiam an sawm ve ngem le" Ṭhalianin atih chuan "sawm dawn an tih kha..Jaui leh Youngfella"  Vasty in alo ti a kan ṭhianho chu kan phur hluta chhanchu Youngfella hla ho hi a ril ka ti chumai bakah a zai lai live in ka la hmu ve lo hrim hrim.

Kan haw lam chuan Hmuni kei leh Meloi te nen kan haw a  " nikal chak zia hi vawiin te kha a kal chak tawp" ka ti a "chu chu lawm Ber thla kan kai leh ṭep tawh" Meloin alo ti ve thunga ni dawn tak e Ber thla pawh kan kai leh dawn ta reng nia nikum tun ang hunah kha chuan School naupang kan la ni kha ania hun han kal chakzia hi ahh....

In ka thlen chuan ka chau ve deuh aniang inbual zawh velah khum ah ka mu a ka nu te pawn min lo kaitho lem lo chaw ei dawnah min lo kai tho ve chauha thleng ka sil zo chu room ah lut nghal lovin ṭhuthlengah chuan ka ṭhu a ka nu leh pa te titi ka ngaithla mai mai ka ngaithla han ti ila ka phone ka lo khawih ani mah zawk whatsapp a ka online lai chuan number hlang bawk khan "hi" alo ti leh tun ṭum chu ka reply buai peih tawh lo ka block hmaka 

Min lo bawl tum vel mai mai bak anih ka ring nek lo e.

"Felfeli te in neih ni  kha tun saturday hi tiraw" u Jenny in min lo zawta "aw....." ka lo ti a "na...ka kawr hak tur an la ṭhui lo ngaihna" atih chuan anu bulah a ṭhu thla hnaka "tu bulah nge i ṭhui tir" tiin ka nu in alo zawta "u  Zari te nau ania...u Zari sawn..a thiam lutuk atia ka ring vek tawh a than te pawh ka dah vek tawh" ati niah niah a "naktuk ah va la leh mai rawh Maduhi pawn a ṭhui thei reng alawm" ka nu chuan alo ti leh a.

"Chu chiah nu Maduhi i ṭhui tir emaw ka lo ti char char zawka keipawn hak tur ka nei dawn lo nih chu" ka lo ti ve nghal u Jenny chuan engmah a sawilo a thaw pik hmel tih mai loh chu. "Naktuk ah va lam rawh Maduhi kan ṭhui tir,dawn nia khaw maw kan be nghal a nge" tiin center Table a a phone chu ala  a , a call nghal zat bawk nu Maduhi tih takah ring deuh hian

"Aw.....esi" alo ti nghala "Tuh lai puan ṭhui lai i nei em" tiin ka nu in a zawta  an in zawt zo aniang "Naktuk ah Joelan lo lam rawhse  ati nih chu" tiin ka nu chuan alo ti a u Jenny chu thaw huai hmel a pu.

Dar 9 velah mu turin ka chho va mi hausa  tia sawi tur kan ni hran lova an rethei tia sawi tur kan ni lem lo bawk kan khawsa thei zawk zawk lova kan nghei bik chuanglo ka pa hian Scooty a nei a a hna kal nan a hmang ṭhin ka nu erawh in lamah Chhangte a siam ve ṭhin a ka u nen kan deliver ṭhin ka pa scooty awm loh phei chuan Sepa ka call thla a peih lo deuhin alo kal hna hna zel petrol man te kan lo tum ve ṭhina a mahse a ngailo ati tlat zel ka nu erawhin a pe lui leh nge nge ṭhin.

Ka mut hma in thawnthu ka chhiar leh te te a ka muthluk nan ka ti ni mah zawk Juana ka rilru ah awm leh veng veng zela ka star na rei ve tawh reuh zia hi nikum May thla vel aṭang khan a rukin ka la duh ve ngar ngar a hria se ka ti lem lova hrilh hran pa ka tum chuanglo u Joela te ṭhianpa Hminga khan min bem reng thung a a sang ve tho na in ka hrebik lo amah kha ka duhzawng ani lo ve tawp  Juana ang te hi ni se chu .

Zing ka tho va dan ngai te te bawkin Ka insiama Vanapa hall ah daih anih tho avangin ka hmanhmawh peih lo tlai a awm thei chuang lo  , in hnuai a ka chhuk chuan u Jenny leh U Joela ten puanthan chu an lo in pe mek a 

"Tho har sia nula ve si" tiin u Joelan min lo tia 

"Ve che..ka thawhna rei tawh" ka lo ti nghal 

"nula mut duh" ati leh hram ka chhang buai peih tawh lo e ah.....

"nih ka kal leh nghal dawn nu Es" tiin ka nu chu U Joela chuan a bia a "aw......chaw ei ve nghal la" tiin ka nu in alo chhang "naaa.....ka la insiam ve loh hi en la..." tiin a ban pahnih chu a phar chhuak hluaia  pyjama nen alo kal nih hi a mu tho chiah ani hrim hrim "nih chuan haw leh si vat mai rawh" tiin ka nu chu a nui hak hak a u Joela pawn bye bye zuiin a chhuak a .

"Ar vulh leh ka duh riau mai" chaw ei laia ka tih chuan u jenny in "hm.....teh thut che chuan" alo ti a "pocket money atan christmas ami tur"  tiin ka lo chhanga ka nu leh pa te chu an nui maia

"Mawh..ka duh tak tak ania pa nga vel" tiin ka dil leh a ka nu in "i vulh leh peih tak tak lo ang a hma mi pawh keimah ni vekin nih kha chaw pe" alo ti a "hostel ah ka awm san daih kha" pawr deuh hian ka lo ti a "awle awle vawiin ah ka lo la ang pa 5 vel" tiin ka nu chuan ati leh ta nge nge a. Ani tak tak alawm Hostel ah ka awmsan daiha ka chhuah leh te chuan 1 bak a awm tawhlo hrim hrim an lo hralh zo vek tawh.

Dar 10 velah ka chhuaka keimahin Vanapa hall lam ka pan a kan school form ṭhin lo ha ho chuan ka lung ati leng riau leh nghal earphone ah hla ka ngaithla a ka hla ngaihthlakin a zir vang nge n "i wish that you would stay in my memories " tih lai vel  hla thu chuan min ti lunglenga vawiin a ka hun hman dan tur ka la hrelo  na in naktuk ah chuan nimin ani tawh dawn sia ......kan tun hun hman mek hi nakin ah chuan a hma chuan tiin kan sawi tawh awmsia vawiin ni ang hi nakum ah chuan nikum kha chuan tiin kan sawi daih tawh dawna hun a kal zel anga thil inthlak a awm zel dawn tih te ka ngaihtuah zui a .

Ka lung chu a leng veng veng mai mi tu emaw ka ngai mahse tunge ngaih tur pawh ka hre chuang lo bialpa emaw ka la nei ngai miau lova  ka mithla ah Juana hian ka bus chuan na tukverh bul chiah ah hian Bike in ka zawnah alo tlan chiang deuha en ka duh avangin dak chhuak ti tih deuh hian ka en char char a.

Juana chuan min lo melh ve "i hmelṭha e"  tiin ka phun chhuak sepa Juana chu a nui in ka hria a mit aṭang chuan a nui tih ka hre thei Bus a ding dat avang chuan ka harh chhuak zuka hmalamah ka in tauh ṭhelh bawk lawkin heihi ka mitthla ani miah lo pawn lam chu ka melh nghala Juana chu a bike nen alo ding tak tak awi ....ka zak lutukkkkkk 

"Hmelṭha min va ti awm ve a" tiin alo dak chho a kei lah chu sawi tur pawh ka hrelo ka  sen ṭawn ṭawn tawh ang ka ring. Hmun dang seat dang chu ka melh nghal ruaia a full vek tawh 

Muang chang chuan Juana chu ka zuk en  chuan a helmet chhana a mit nalh deuh chuan min lo melh ve ran a tun ṭuma amit men dan hi chu a hahdam thlak lutuk a meng dul deuh raiha ka sawi thiam dan ber chuan a mit ringawt pawh hian min ti buai thei mai dawn in ka hria chuti khawp chuan ka duh ve thlawt alawm. "ahhh....ka ka ka mumang emaw ka tia" ka ti ta ringawt a kiai suka bus a nun rual chuan Juana pawh chu tlan chhuak turin a in ready ve nghal "kan in hmu dawn nia phots" tiin a tlana thei leh thei lo in atlan liam lai chu ka thlir zui a.

CONT-