ENCHANTÈ CP-4

ENCHANTÈ CP-4

BY: APHRODITE STORY

GROUP

Zodin kan tlan lai chuan ka luak a chhuak leh ṭan tawh ka bula conductor ding hnenah chuan chhuk ka duh thu ka sawia anih loh chuan ka luak bawrh ang tih ka hlau . Bus aṭanga ka chhuk chiah chu ka lu hai muai muai a ṭhutna ka hmuh rem chan na ah chuan ka ṭhu te te a acid ka nei tih ka hre chhuak ka bag peng chu zenin Acid cheng 5 man chu ka liak a tlem te bak ka liak chuang lo tui ka in leh hnu ah kawng ka cross a ke in ka phei hna hna earphone ka vuah leh hnuhnawh a kal pah chuan ka rilru in ka hla play chu ka sa pah reng bawk kan College student dang ho ka hmuh nak nak takah chuan tlemin awm a nuam deuh tawh.

Ka luh hma chiah chuan ka hnung aṭang hian mi tu emaw huan min lo su deuh chawrha 

Ka tlu ṭhelh ani "sorry lutuk" tiin a sir lamah chuan a chhuka hmeichhia hi ania lam tur aniang pawn fen chhing deuh leh mawza sei a bun ka ngawi renga ka phone ka thlauh lo chu ka lawm ang reng hle min su na ve em alawm .

Ka ṭhiante ka call a Ṭhalianin "a hnung lamah kan ṭhu lo lut rawh i ṭhutna tur kan dah awl" tiin alo ṭawng lang lang a phone ka dah hnu ah Hall lamah chuan ka chhuka kawngkhar hawn an phal lo nge ka hre bik lo a sir lam kawngkhar aṭang chuan ka zuk lut a mi an tam tawh lutuk 

An kim vek tawh emaw tih tur vel an ni . Ka hawi chhoh chuan ka ṭhiante chuan min lo hui zeuh zeuh a ka kal kawng chiah chu ka en tawh ka chhoh lai chuan ka banah min lo vuan thut a min vuan tu ka en chuan Juana lo ni  enge ti ni awm tak hian ka melh a min en dik ka ti dawn nge min en chik ka ti zawk dawn min thlek ngun khawp mai ka awm ati nuam lo dawn dawn alawm.

Ka ban laksawn mai ka tum chu "i rui nimaw" min tia a sawi ring lo keiman ka hrethei chang chang chauh ani "bus ka rui" ka lo ti ve maia lu bu nghatin min thlah a ka ṭhiante bul ka han thlen chuan min lo zawt nghal "enge sawi " tih te "a bialnu in a en reng che u nia" tih vel te ani ka hawi thlak leh chuan Nonoi a bul lawkah a lo ṭhu reng . 

Engtin nge a bialnu awm lai a min ngaihsak ang deuha a awm theih zawk le mak ka tia ka awm a nuam lo deuh ringawt leh nghal .

Chief Guest  atan Minister  tu nge a hming chu mi chu an sawm a ani in thu a sawi zawh ah First Term a ti ṭha ho leh infiam na lama ti ṭha ho chawimawina te a sem a a boring ka ti bawk si chu ka mut te lo chhuak a. Ka muthlu teuh thei lutuk ka bu lawp lawp ni berin ka hria 

"Mawimawi mawimawi min lo zun pui teh" Meloin ka dar ah min lo sawi dat dat a 

"Zun in a awm a mi" ka lo ti a "awm e....khu tah khuan a awm " atia a ṭhutna aṭang chuan a tho sawna ka bag erawh ka keng tel lo ka zui ve nghal a .

Lam tur ho te leh Host vel te pawh Back stage lamah chuan an lo awm a ka vawikhat luhna back stage ah hian A hall tawp hi chu ka kal ve ngun viau a Event eng eng emaw velah pawh 

Toilet awm tih ka la hre lo re re  Meloi zun chhung chuan darthlalangah ka lo in en ve zuk a Apuia khan "Mawimawi i lam ve dawn mi" min lo tia  ka ṭhiannu ka nghah thu ka lo sawi ve mai a a mit a sen rum a , a mut a chhuah hmel ngawih ngawih bawk . "Nih phawts aw kinah kan lam dawn nia" tiin a ṭhiante nen chuan an kal sawna ka hnunga mi te chuan

"Apuia hi chu ah rui loh lai pawh hi nei lo ...a meng sâwt reng zel" "nia...Remremi nen khan an in hmeh ve reuh reuh nen ala ṭhen daih zui"

"Remremi lerh ve e mipa ṭhian a ngah si" tih vel ten an sawi zuia ngaihthlak loh tum pawh ka hnung lawkah an awm miau a ka beng in a hre ve tawp ka duh vanga hria pawh ka ni lova.

Meloi zun zawh chuan kan ṭhutna lamah kan han chho leh a kawngkhar bul kan thlen a kan ṭhutna zawn ka han hawi chhoh chuan 

Ka ṭhutna ah Juana lo ṭhu a a bialnu a bulah alo ṭhu bawk kan ṭhian te ho chuan leh lam zawk kan ṭhutna zawn chiah tho ah an lo in sawn aniang min lo hui zeuh zeuh hlawma Meloi bag chu an ken phei sak aniang ka bag ka hmuh ve loh avang chuan Juana te ṭhutna lam ah chuan chhe te in ka phei a a bialnu nen an ṭhu dun bawk sia ka hre bik lo le engtin emaw hian ka thinrim reuh tlat a Juana chuan ka bag chu alo delh a "ka bag" tih pahin ka la deuh sawka 

Juana chu hmalam ah a euh dawrh nghe nghe thinrim hmel deuh a min melh chuan ka lo melh let ve ran a ka hawisawn hmasa .

Kan ṭhiante chuan ṭhutna min lo kian nghal a 

Kan thlang deuh hlek ah an ṭhu dun bawk sia 

ka hmu dun reng bawka Nonoi chuan Juana chu thil eng eng emaw hi a hrilh leh ṭhina ka en peih reng loh avang chuan Stage lam chu ka hawi ngal a ka mood off ve deuh hlek chuan Nichin khan Juana khan min melh rum chiang alawm.

Chawhnu lamah chuah Youngfella a zaia mipa ho chu stage hma ah an zuk lam laih laih mai u Joela te ṭhian ho pawh an lam nasa khawp Juana pawh thla ka la nasa keipawn video ten nakin ah Memories tur vek tiin ka la ṭeuh .

Chawhnu dar 3 velah  chuan Jaui a zai a nuam ve pang pang tak ani. A tawp thleng chu awm duh ve viau mah ila ka nih deuh nghulh tawh avangin ka ṭhiante bulah ka haw hmasak tur thu ka sawia min dang ve ṭang ṭang na in ka luak a chhuak deuh nghulh reng bawk sia 

Min dang duh ta bik lo  . Pawn ka chhuak chho chiah ti ah ka in siam ṭha ve deuh hlek a lipstick vel te hnawih ṭha in ka kawr vel ka in beng fai a "i haw dawn mi" ka hnung lam aṭang chuan Juan an alo tia "umm" tih pahin ka bu nghat a kal mai ka tum chu "ka rualin ilo haw ve duh nghal em" alo tia ka ding dat a a hmazawn ah in herin "bus in ka haw dawn...." ka ti maia .

"lo kal rawh ka rualin Traffic a jam nasa dawn" atia  two wheeeler in hung fur ho bulah chuan lo kal  in a bike chu ava ti nung a .

Ka lo en renga ka hma zawna a bike alo din chuan a mit in  "lo chuang rawh" tih melhin a seat hnung lam chu a melh a "ka ...." tih chiah ka sawi hman "a reiiii siaa" ati hluk a . Chhang lo chuan ka en ta reng kan sir lam aṭanga  

"Juan" hmeichhe aw in alo tih chuan alo ko tu lam chu kan hawi phei ve ve Nonoi kha alo nia nui sang hian "ka ril aṭam dawrah thil va ei ang" a bike zawn a thlen chuan alo ti a Juan an keimah min lo en chuan "haw ka tum a" a ti thum dut a "mawh ka ril aṭam ania" Nonoi chuan pang chang deuh hian atia kei a awm ve reng na chi ni in ka hrelo ka thik hran lova mi bialpa ania kha tia lo awm ve reng kha nuam ka tih loh vang zawkin ka kal sawn.

Hla deuh hlek aṭang chuan Juana te pahnih lam chu ka hawi let a Nonoi sest hnungah a chuang mek ka in herh leh nghal a kal pawh ka kal hla hman lo chak deuh hian min lo tlan pel fua a kawng sir a thil lo zuar nu pakhat chu ka zuk bawh ṭhelh nghe nghe enge maw hriata kha tia lo tlan chak vak ni ka thin chu rim ru ṭeuh a nu tar ve tawh tak bulah chuan thu pha ka chawi zui mawlh mawlh bawk "ava han â e aw..tlem a tlem ah a su lo chauh che nih kha " tih pahin ngaihtuah hmel deuhin min lo en zui bawka "ka ṭha lawm...." tiin ka nui pah a "tunlai ṭhalai ho hi chu.....an thil khalh lai chiah hi an ngaihtuah a midang an awmve tih pawh an hre tawh lo" tih pahin a hui leh pap ṭhina ka kal sawn tawh hnu pawn a bula awm te nen chuan an titi zawm mial mial mai.

Juana kha engvanga khatia lo tlan chak vak nge nih ka hre lova Bialnu a nei renga ...hetia min treat hi ka duh miah lo bawk , min lo duh ve nih te chuan sawi ve mai se emaw...naa...bialnu nei alawm mi inkar ah ka inrawlh duh lo ka rilru ka kawm melh melh a Bus stand ka thleng der bus lo tlan la chu an tawt thei mai mai khawp a , ka chuang peih lo lutuk chuan ka chuan hma hma in ka luak ati chhuak nghal.

Bus pahnih vel in min tlan pel tawha a tlai zel mai si ti hi chuan thim ah in ka thleng dawn chiangsa bus lo tlan leh hmasa ber ah ka lawn hmak ang ka ti rilru a , mahse bus lo tlan pawh chu an tawt leh tho engpawh ni se tiin ka lawn kai a ka ding nghal bawk  thlan rim nen  rim eng eng emaw in chawh pawlh kara din hi chu ngai ah ka nei thei meuh lo ka luak a ti chhuak .

Chanmari ah pawh chuan bus chang an tam khawp mai kan tawt bawk sia ....tumah an lo lut pawn ka hre lo chaltlang kawn kan thlen hma in seat ka chang ve ta ṭawka ka ṭhu chiah chu ka thaw huai thei. Ka phone alo ri a number hlang ani.

"Khawi ah nge i awm"  ka aw hriat chian deuh chuan alo tia "bus ah ka chuang mek" tih zawngin ka chhang tu dang ni lovin amah Juana ngei ani. "Chhuk rawh" a aw chu a hmel awm dan tur zawng zawng nen ka mit thla thei nghal vek "engvang ngawt chuan kan thleng ṭep tawh" ka ti a , bus tlan a bengchheng bawk nen a thusawi chu ka hre zawm tawhlo "ang che" tih chiah ka hre hman  call a dah zui daih bawka enge sawi le tih rilru neuh neuh chuan ni tla tur chu tukverh aṭang chuan ka thlir a .

Ka dah chhuah lai a kawng sir rora an lo chhutna bulah Juana ang deuh ka hmu en chian tum chuan tukverh aṭangin ka va en leh hrama Bus a chuang kan nia Traffic tlemin a jam deuh bawk nen ding chu Juana ngei ani .

Tukverh aṭanga ka dak chhuak deuh hlek chu min lo hmu ani chek ang a kutin min lo hui zeuh zeuh a lu ka thing ve tlat thung . Ka phone alo ri zui a "lo chhuk rawh" atia a dah leh nghal daih .

Hahthlak tih hmel deuhin ka ṭhu ṭha te te a bus a ding rih bawka tiin ka hmanhmawh duh lo 

Bus nun dawn velah chuan "pu ......ka lo chhuk lawk mai" ka ti al al a Conductor in chhuk tur an awm ti a a au leh hnu ah ka ṭum thla nalh a .

Ni in min lo chhun ser ser bawk nen ka kut  chuan ka mit chu ka hliah a Juana awmna lamah chuan ka chhuk thla a , a zawn ka thlen chuan min lo en renga a thinrim hmel lo a engmah ka hmuthiam lo ngun deuh a ka en hnu ah "enge" tih pahin ka lu ka ti che deuh zeuh bawk "len i duh em" ti in min lo zawt . Teh daih chuan "khawi ah maw" awih lo hmel zeta ka tih chuan "i duh duh na ah " alo ti leh a ka mit ah ngawt min en bawk. Chiang zeta ka mit ah min en hi chuan ka chhungril a fan bik tlat zel a mi melh hi ka zo hlawl lo.

"len na tur pawh ka hrelo...." ka lo ti leh a "nih kaw rawh" tiin a bike ah chuan a chuang a a hnung ben thak thak pah hian "chuang leh lawk mai rawh" atia a sawi tawp lam phei chu a nui hawk nghe nghe melh rum leh phawt in ka chuang ve ta hram . Lawk khawnge Nonoi kha le nichin kha chuan an in phur ngei kha Juana chu zawh ka tuma mahse ka zawt leh ta lem lo.

Kan veng kan tlan pel a khawnge kan kal dawn ka hrelo mahse ka rilru a hah miah lo ka thla muang tinge ka hre biklo mahse hepa mi uap na hi a nghet a ka thla ati muanga a bula ka awm hian lungkham ka nei ngai meuh lo Mi bialpa ani tih ka hre reng mahse ka hnar thei thlawt lo alawm.

Zemabawk lamah min tlan pui zela Cancer Hospital  lamah ni in ka hria min chhoh pui  khawpui chu ka thlir a  he lai  aṭang hian view chu  a nuam  lutuk ringawt  a bike  a tihdin rual chuan ka chhuk thla nalh a. Ni  tla tur kawl sen no riai chuan ka lung ati leng a ka phone phawrh chhuakin 

Video chuan thla ka la "wow ....a van nalh em em" tiin ka phun sep a ka bula ding chuan thil ngun taka ngaihtuah  ang mai hian hmalam chu a melh a , a kut in a kekawr ip te a zen ve ve bawk . "Juan" tiin ka bia a min lo chhuk melh ran mai "thla min lo lak" in thlahrun hmel tak in ka ti a chhan chu a nalh em a thla lak pui ngei ngei ka duh Juana chuan "umm" alo tia ka phone chu phur deuhin ka pe ka in pose hma chuan ka zak leh tlat pek a "lawks" tiin ka hmai ka hupa Juana hmeh inring tawh pawh chuan min lo en zawk "mask kan vuah lawk" tiin ka bag chu ka hai a "ngaih loh kha tikhan vuah suh" alo tia "ka hmelchhia lawm..ka zak" ka ti lui ve tlat.

Mask ka vuah leh hnu ah confi deuhin ka in Pose  a in Pose dan vak pawh ka hrelo Peace ka pe mawlh mawlh ani mai . "Tawk mai" tiin ka nui a ani pawh chuan phone chu min lo pe ve leh nghal a thla min laksak ho ka en chuan ka rin ai  daihin thla la thiam "ehe..i van la thiam em em" ka ti hluai a "thiam ee" alo ti thum leh dût "nakinah min lak sak leh la ṭha ang" nui hak hak chung hian ka ti a lu alo bu ve nghat nghat mai.

Ṭhutna an siam ah chuan kan ṭhu a khua a thim ṭep tawh "khua a ṭhat chuan a thim har tawp" ka ti a "nia...." tih chiahin min chhang sawi tur hi a hrelo nge a ṭawng dan ve hrim hrim "khua a chhiat hi chuan a thim hma sia" ka ti leh a "ni e...." ati leh a amah chu ka en tawp tawh alo nui haka keipawh ka nui ve tho . Sawi tur em em kan hre lo ve ve a mahse  helai boruak te ....sava lo thlawk te leh thli fim lo thaw te chuan ka lung hi an ti leng a Juana ka mipa vei ruk em em nen ala ni zui  amah chu ka mit sirin ka melh leh ṭhina  a hmel ka en a a hahdam riau in kan hre tlat pek a.

In thleng min thlah a kan in ah alo lut kawi tawh lo thung an ni chu Zarkawt ah daih an awma 

in chhung ka luh velah ka nu in "i chau em " min lo ti nghala nu a zawnga nu fel leh Zaidam tawp khawk ania min ngaihtuah em em bawk khawi ah pawh kal ila ka hrilh vek zela mahse vawiin tlai ami kha chu ka zep a ngai tlat .

"Ummm..mahse ka chau ve hnuk tho" tih pahin  ṭhu thleng ah chuan ka ṭhu thla hnawk a 

"I pa in alo van haw har ati reng a ....." atih chuan "khawnge ka pa chu" tiin ka lo zawt ve nghal .Ka sawi hmaih chu ka pa hian ka pu Motor a kawl a hlui ve tawh deuh mai a engine pawh a hlui tawh lutuk a roh ve em em a ka pu lei anih vang te pawh aniang .  "room ah niang" tiin ka nu chuan min lo chhang a .

Dar 9 vel ari tawha ka phone a min lo call tu kha Juana ania a number chu ka save ve hmiah bawk  engtin nge ka number a neih le ti a ngaihtuah pah hian whatsapp ah ka lut a Juana chu ka searh a message ka tum em em pawh nilo a chat chhungah chuan ka awm ngar ngar a dp a nei lova a About pawh ka hmu thei lo a ka number hi a save lo niang ka ti rum rum mahse min lo call tho sia.

Dar 10 velah Youtube ka en a noti lo thleng chuan min ti phu zawk thei Juanan "ila meng em" min lo ti . Ka chil ka lem kawlh a Message chu ka en tlawk tlawk a ka thin phu a rang nghal ringawt bawk rang deuha ka reply chuan a ṭha lo ka tia chuvangin mins 3 vel hnu ah ka reply "aw......." tiin ka type a mahse ka delete leh  "aw..meng" tiin ka type ṭha leh a ka send chiah ti ah a in seen nghal ka mit vai emaw ka ti rum rum . A in typing leh mawlh mawlh lai chuan chat aṭangin ka chhuak a ka seen nghal duh teuh lo mai.

"naupang mut hun tawh sin" atia chuan sticker alo thawn tel bawk a sticker lo thawn la chu naupang cute deuh samtawi chalsam nei hi ania korean naupang biangpuar deuh kha Hepa hian sticker te a hmang ve vel nia awi leh..ka nui chu a za ru khawp maia khi ver ver hian 

"nia..naupang chu an mut tawh lawm keichu naupang ka ni tawh lo a " ka type duah mai 

A tih ang chiahin korean naupang sticker cute deuh ka thawn ve a "hmmm!" Ti hmel pu ang deuh hi.

A seen leh nghal avang chuan Juana ani lo emaw ka ti rum rum "nih nangchu nula" alo ti leh a awi leh Juana ni lo chiang lutuk 

"Juana ini lo mi" ka va ti ta thlawt .

"Ni ni ni" ava han thinchhiat hmel tak "ini lo " ka lo ti ve ṭalh a "nge ka nih loh na" tiin min lo chhang chuan sticker lungngai hmel alo hmang bawk "i ni lo ve tawp" ka send rual rual chuan alo call .

Khuma ka mu chu ka tho nghal zawka la ta mai lo chuan ka in ngaihtuah leh te te "Enge ka nih loh na" awi leh....Juana ni tak tak aw ka thian kharh kharh a "eeee....nangmah law" pangai thei ang ber chuan ka tia mahse ka ṭhen chiam thung alo nui ri suk ka hriat chuan "enge" ka lo tia "ila mu lo maw" a aw chu a zangkhai kher mai ngaihthlak a nuam  e ka sawi leh duh chu Juana aw hi aw thum lutuk ri bul bul ang kha ani ve lo a a aw hi ngaihthlak a nuam a nalh ani tawp mai "aw...ila mu bik lo a" a aw anga zangkhai chuan ka tia veranda lam ah ka chhuak pah bawk "ummm...mu lo ka be bawk che sia " awi leh ka lo ip chawihh theiii....

Sawi tur ka hre lova ka ngawi reng a "Mawimawi " alo tia "ummm.." tiin ka lo chhang

"Hminga kha i hria em" thu ngai bawk maw hepa  hming hi ka hne riau tawh "hria e.mmin sawi peih hlawm e" ka lo ti nghal hlar a phone leh lama mi chu alo nui hak mai , "a duh teh mai che nia" alo tih chuan "ka duh ve lo nem...." ka lo ti nghal a "timaw.....a fel sin a zaksum sia bialnu pawh ala nei ngailo" a ṭhianpa chu a fak ve hle mai maw "nei ngailo pawh nise ka duh lo ni tawp....ka duh chi ni lo niang" ka lo ti ve leh a "anih chuan.........kei min duh ngem" ka thinphu a rang lutuk ka rilru a mang nghal vek sawi tur ka hrelo chuan cement bang chu ka zut ka zut a "mawh" a aw chu a zawia mahse ka chhungril thlengin min fan thung "engtia.....duh" ka ti ve thei ṭawk "aw....hei duh ni tawp mai...bem ta che ila min chhang a ngem" alo ti leh zel a 

Sawi tur ka hrelo lutuk chuan "i uang peih e ah" nuih hak pah hian ka lo tia "bialnu ka nei tih i hria tiraw" alo ti leh ka hria lawm bialnu a nei tih chu ka hriatna rei tawh em kha....

"Aih hre lo re re" dawt ka sawi ka hre lo mahse ka  rilru ah enge awm pawh ka hrelo aih tiin ka chhang "bialnu ka nei a .....mahsee ka ṭhen dawn" ehe.....hepa hi  "timaw tinge i ṭhen dawn" ka aw chu a ring ve deuh hlek aniang "ṭawng ring e" alo tia a nui ri pawh chu ka hria 

"Tinge i ṭhen dawn....a" pangai deuh hian ka ti leh a "timah....ṭhen ka tum sa a.....chuan min duh em" chhan dan tur ka hre mai lo hepa hi ka star ngei a ......kum 1 a tling ṭep tawh bawk mahse risk ka la ngam dawn em ni.

"Bialnu i neih kha ..chi loh"  ..........."naktuk ah ka ṭhen dawn" a aw aṭang chuan atih tak tak zia ka hria a engtin emaw ni hian ka hlauthawng ve ringawt bawk ka chhang lo a ka ngawi reng .

"Tunah min chhang nghal rawh pawh ka ti lo....i duh hun hun ah min chhang dawn nia ...mahse ka bialnu ka ṭhen chhan tur hi nangmah vang ani lo nia" a aw chu a khoh a mahse ngaihthlak hreawm erawh ani miah lo thung "ka dah dawn...muttui" ka lo tia "umm...muttui" alo tia.

Tuna ka thil hriat zawh chiah khan min ṭhawnga mahse ka hlim lo chuang si lo ka lawm deuh bawk si chu ka za cheng ani ber ka star ruk deuhin ka duh leh duh loh min zawt zo chiah chu pawh Juana ngeiin .

Ka mu a whatsapp message ka en chuan Juan an "hi" alo tia nui hak pahin "hello" ka va ti ve 

Rei nghah pawh ngailo "i mu tawh maw ka tia" alo tia phur tawkin ka chhang nghal "mu lo e....." tiin . Zan dar 1 thleng chu eng eng emaw sawiin kan in be renga rawng ngainat zawng tih te chawhmeh duhzawng tih te ......college lam te leh thil eng eng emaw ka hne miah lo ka phone Battery 1 percent anih thlengin kan in bia ka hne miah lo kan nui a a chang leh kan zak deuh a ......ka hre bik lo mahse he mihring hian ka rilru zawng zawng a luah ka hriat ṭhin Juana kha ania Whatsapp ah hian amah ang lo khawpin sawi tur a hria a .....ka hlim takzet.

Zing ka thawh chuan Juana hnen aṭangin "Morning" tih ka dawng thlap a zing kar aṭangin ka mood a on nghal em em dawn anih hmel .

College ka thlen chuan Hmuni  bulah ka sawi hmasa bera thil awmdan vel "duh rawh.." min lo ti nghal a "mahse..la chhang suh nakinah induh ve rih la" atih chuan ka theih loh lam tai ani Juana lakah kher kher chuan kan ṭhian dangte bulah pawh ka sawia Vasty in "tukin zing khan Nonoi ka hmu a a mit a bui vek ka ti reng a " alo tia Juana khan a ṭhen ani hrim hrim ang.

Break kan neih lai chuan Toilet ah Meloi nen kan kala ka zung zo chiah ka chhuk chu Remremi te ṭhian ho an lo awm nuala Nonoi lo ṭap hlawp hlawp pawh chu ka hmu nuam lo tihna kei mah ah a awm a mahse Juana berin 

"Nangmah vanga ṭhen tur ka nilo" tiin min hrilh thlapa keimah vang anilo tiin ka inhnem chawpa Meloi nen chuan kan chhuak leh nghal.

Zanah chuan Juan an min lo bia a thu ho te te sawiin rei deuh thleng kan in be leh a  "Juan First love i nei tawh em" ti a ka zawh chuan 

"Nei lo" tiin min chhang a "Nonoi kha" ti a ka zawh chuan "pangai deuha ka nihpui hmasak ber chu ania mahse Ka first love ani kher lo" alo tia "ehe..pangai lo deuha nihpui pawh i nei ani maw" fiamthu  ani tih hriat nan sticker cute deuh ka thawn leh a "no...pangai ti ah hei......rei ve deuh hlek nihpui ang kha a dang ka nihpui chuang lo Mary ania ni 1 kan ni YMA day niin a tukah kan inṭhen leh nghal" ka nui alo za lutuk nih pui nghet ala nei lo tak tak aniang a .

"Keipawh star chu ka nei ve ṭhina bialpa ka la nei lo thung" ka lo tih chuan "ila nei lo maw" alo tia "nei mai mai lo" ka lo ti nghal "i neih deuh nual ka lo ring tawh a" Emoji nui alo hmang tel a "ex ka ngah hmel ami" tiin ka lo reply a "aih.....ngah  hmel lo" tiin min lo chhang thuai 

Ka message a seen nghal zela keipawn kan in biak chhung zawngin chat ka chhuah san lo  hrim hrim a ani pawh chuti bawk .

Tunah tak hi chuan ka hlim ve thlawt a mahse tunge hma hun hria .

Cont-