ENCHANTÈ CP-5

ENCHANTÈ CP5

BY APRODITE STORY

Juana chu ka la chhang chuanglo mahse zanah kan in be reng zela dar 1 thleng thlenga inbiak changte kan ngah sawi tur kan hria pawh nilo

Ho te te kan sawia kan ngaitan zawngte Truth or Dare tih vel mai mai te nia kan hlimpui 

Juana Mizo hming hi ka la sawi miah lo a 

Juan Lalhruaitluanga ka la hriat reng chu Juana nu khan Juana hi mizo hming hlirin a ko bik ṭhin Hruaitluang atia analh ka ti a inhmeh bawk.

Monday alo ania class a awm dawn lova mahse College leh a vel te kan tifai dawn 

Zing ah ka kal hma si chuan Juana nen kan in bia a "min chhang tawh la" alo tih chuan ka thin phu a rang leh tawh "i bialpa atan min duh a ngem Mawimawi" alo tia a hmel te Ka mitthla ah lo lang uar uar a ka phu lo riau a hriatna ka nei a mahse le ti hian ka thinlungin a duh chu eng ah nge ka hnial ang ni "um...duh e" tiin ka chhang let ka thawn zawh rual rual chuan khumah ka phone ka theh thla tawp ka sen ṭun ṭun in ka hria ka zaka ka sa pap pap bawk.

Message alo rik leh tleng chuan ka la kang leh nghal vat a "yes......." atia sticker cute deuh alo thawn tel bawk. Reply let dan  tur ka ngaihtuah lai takin "insiam rawh....college ah kan in hmu dawn niaa" alo ti ta hlauha. 

Ka insiam lai te chuan ka khi reng tih theih tur ang vel ani engtin emaw ni hian ka awm a ka hlim ani tawp mai thu hian a sawi fiah zo rih mawlh lo tuna ka hlimna hi chu.

Hmuni nen kawn ah kan in nghaka ka hrilh nghal vek min lawmpui ve khawp mai "Hminga rilru na awm" alo tih chuan ka ngaihtuah a Hminga khan min bem nasa a hmai chhan ah min duh thu sawi lem lo mahse a chezia aṭangin ka hrethei a mahse Juana , Juana hian ka mit ala zawk miau a ka thiamloh a awmlo 

"na awm lo em mai....mipa te chu" tiin ka lo sawi nghal a "awi...in in hmeh dawn e...Nonoi engtin nge awm ang le an inṭhen zo deuh chiah ang ani sia" alo ti leh a "awi...mak e...keimah vanga inṭhen an ni chuang lo a Juana pawn nangmah vangin ka ṭhen lo ati vek tawh lawm....." ka lo ti hlar mi inkar a tla zep ka ni ang tih ka hlau ani.

"Hmmm..ati der vel mai mai nih chu Nonoi a duh tak tak lo pawh ani maithei a ....emaw Nonoi ai a duh zawk che pawh ni thei a Mipa hi chu an mak.....aaa..ka ril aṭam" atia ka chhang tawh lo . 

College kan thlen chuan an lo phu leh mur mur tawha hnathawh tur ani bawka mi ṭhen khat in chei deuu deuh pawh an awm tiang hi chu an awm ve ziah Class room ah roll an call a 

Chu mi zawhah Miss Muantein Cheraw kan tur ho inhmuh khawm lawk tur alo tia . E ka sawi hmaih tukin zing khan Juana bulah "tumah la hrilh suh aw " tiin ka sawi a chhan chu mi in an hriat hnem kha ka duh vak rih lo .

Miss Muantei  a sawi angin Kawt zawlah chuan kan kal khawma Vasty nen Nonoi ka hmuh chuan engtin emaw ni hian nuam lo tihna ka nei a mahse ka in hnem chawp keimah vangin Juan an a ṭhen lo . Miss in "Hnathawh zawh ah kan Practice dawn nia aw...lo la haw ve lo ula Mipa ho khan Mau in va lei dawn nia....dar 1 velah aw..in lo kim ṭhap tur ani in Partner tur kan thlang ṭha dawn nia" atia kan lo phun nghal chhan chu midang partner ka peihlo English ho vek an nia min rel ṭhin ka ti lo na in ka hmuh laia in hrilh ruk te hi an ching thei em a ka partner duh lo hrim hrim.

Class room chhung kan phiat fai a chumi zawh a library phiah leh tur ania ka ṭhianten a khat tawkin "Juana hi alo va in lan har" an ti sek a 

Vawiin ah ka la hmu miah lo tak tak bawk a kal lo mi le ti dawn ila College ah kan inhmu dawn nia kha ati bawk sia "Mawi...library lo va phiat ang" Meloin alo tih chuan aw ka lo pawh ve nghal vat a class room aṭanga kan chhuak chiah ti ah Juana te ṭhian ho lo phei nen kan intawka .

Ka lai em em ringawt ka hre biklo tiang hi ka vawikhat tawn na ania u Joela pawn min chheih lo Juana nen chuan kan in eye contact an tih ang khan kan mit chu a in tawng fuh chat a alo kan zawn alo thlen chuan "khawi ah nge i kal dawn" atia awi leh ...ka zam lutuk ringawt

"Library kan phiat dawna" tiin Ka kut chuan library lam ka kawk pah deuh kher a Ka nui vur vur maithei ni emaw ka zah lutuk vangin ka sen ṭawn ṭawn ang "ummm...phiat ru dawr ah kan zuk kal lawk dawn" atia "aw.." ka lo ti nghal vat 

"Aw..in in ngai em mai nakinah in in be dawn nia" u Joel an alo ti ta chiah a ṭawng har ka ti reng ah ala kal nghal mai si lova chutiang bawkin keipawh Hminga pawh awm ve alo nui ve zuk zuk a mi zakzum ngang ania a rilru ana lo aniang a nui ve lawm.

Meloi nen kan phei pah chuan ka zah thu ka sawi cham chi a "enge i zah vak...a hma pawn in in be ṭhin tho a" alo tia "uiii......a dan a dang mah zia aw" ka lo ti vat rin ang ngawt ani lo ka bialpa a han nih chiah chuan ka duh zual emaw tih turin ka awm ngaihtuahna hi a mak reuh thlawt.

Kan zai a Library chhungah tumah an awm bawk si lova zai rât rât in hmun chu kan phiat a 

Meloin "K.Hminga hla .thar.si ar lalnu kha nalh tiraw" alo tia "ti rapthlak ka lung ati leng" tiin  ka lo chhang nghal a "a u in zanah play a inkhawmpui hla tur emaw ka lo tia" atih chuan ka lo nui hak "i mawl e......ka lungdum tu tih te atel a engtin nge inkhawm pui hla anih nga" nui uar uar chungin ka lo tia amak ve em alawm 

Love song leh nghal "aihhh....a hla pangai a sa lova ...naupang ho inkhawm pui hla tur maw ka tia hmmm hmm tih velin atia" alo tih leh chuan ka lo nui vak vak a ani pawh a nui tho.

Kan ṭhian dangte an lo phei chuan kan zai rual ṭham ṭhan hlawm a miss Zari kawngkhar ah alo dak de de a kan Political science teacher pakhat ani nghe nghe "in va zai tui em em ve.....in phiat zo tawh mi" alo tih chuan 

Kan lo bu nghat nghat a "anih chuan maw..office ami tur hi pahnih vel khan tui min zuk lei lawk ta che u" alo tia nula senior kan tih ang hi ani tawha amah tawp hi a zahawm khup mai "yes miss" kan tia Meloi nen kan zui a 

Office kawngkhar kawtah chuan kan lo nghak ran a Juana ten building sir lam a lei an lai ka hmuh chuan ka zuk au ṭep a mahse ka au leh duh ta lem lo an ṭhian ho bawkin ania 

A thlan a tla a ahah hmel hle mai lei vel chu a kawrah te a kai niai a a kekawr a chawn thlengin a pawt chho bawk ka thlir reng tih a hria nge alo hawi chho thut a ka lo bye bye tta ringawt.

A lo kiai suk a min lo bye bye ve mai a chu chu a ṭhianten an lo hmuh hmaih bik lo an lo "ehhh...eichh" rual ṭhupa ka lo zak leh em em ringawt. Meloin "Lalrinmawii" min lo tih chuan ka lo en tui deuh tih ka hre chiah "ee aww...kal ang" tiin kan phei ta nal nal a .

"Awi..ka che ṭawi thei e..keichu ka ti ka zak abikin Juana bulah hian ka che chhe thei " ka ti phei niah niah a nui hak hak pah hian ka ṭhian ni chuan "i cute daih zawk alawm....mood uih deuha awm reng ai te chuan" alo tia ani ve tho mai thu tak rûn a in ngaihzawn chu a hahthlak hmel ka ti.

Miss Zari tui kan pek leh hnu ah Class ah kan lut a Sepa te ho in Thir tiang an lo keng fur a 

Dawhkan ti ri in "we will we will rock you" tiiin an lo zai a Kan ṭhiante pawn an lo ti ri nasa khawp mai a kutin dawhkan an beng a an lo ra rual ṭhap ṭhap a a lehlam zawng tak chuan a nuama mahse a bengchheng ani.

"Heyy..sir ten min lo hau a nge aw" Kan class ami Rinchhani chuan alo ti niah niah a keipawn ka ti an lo hau ṭep tawh ang .

Sepa chu ding meuh hian a zai a "we will we will rock you" tih lai kha chu a sa uar rapthlak a hnu lam kha chiang lo deuh hian a sa a 

"aw...i thiam lo nih kha" Moses an alo tih chuan a melh khui khui a fiamthu ani tih ka hriat vangin kan bengkhawn lem lo."Mawimawi...nichin ah u Mary te ho in 1st sem ami Mawimawii kha..ka ngei teh mai ania...mi bialpa chhuh sak ching " an ti nia aw.

Vasty in Alo tih chuan ka ho in ka lo melh ringawt

"Tunge Mary chu" ka lo tia Meloi te ho pawn an lo ngaihven nghal vat "kha.....Juana te class mi tho thau ve deuh tawi ve deuh kha...thinchhe deuh kha sport lai pawn a an vak vak kha"

atih chuan ka hria a hmel mahse a hming leh a nihna engmah ka hrelo thung

"Ava zak lo ....enge a chhuhsak na " Ṭhaliani pawn alo tia keichuan engtin nge Juana nen kan ni tih a hriat tih lam zawk daih ka lo ngaihtuah.

"Aho em mai an duh duh sawi se ..a chhuh sak miau lo va alo chhuk sak anih pawn Juan a berin Mawimawii a duh zawk tihna ani mai alawm...." uar deuh hian Vasty in alo tia

Anlo thlawo hlawm khawp mai.

Chhun thil kan ei zawh ah tui in turin Cooler awmna lamah ka zuk chhuk a Ground a Juana te inkhel ka hmuh chuan phei pahin ka en a

Tshirt var a ha a chrih a kai nual bawk kekawr tlawn pawh a khum velah a pawt chho tawh a hah lo mi le chawhma chhung sir ten lei an leih tir hlawm sia .....

Tui ka in lai chuan Remremi te ṭhian ho an lo kal ve a "ehh...Mawimawii chu thlir nasa ve a" nui chung hian alo tia Remremi hi Juana ṭhiannu ani tih ka hria mahse Juana hian a ṭhiante bulah kan nih thu hi a hrilh ami le tih ka,ngaihtuah a "tu chu maw" ka lo tia 

"An hrelo der ah " atia a nui ve tak na in a nui hmel hi a lem riau in ka hre tlat anih chu .

"Ahh...tumah ka en lo " nui pah hian ka ti ve min chhang tawh lo a an in en ralh tih erawh ka hmu thung ka phei leh lam chuan Juana chuan min lo hmu ve tawha bottle ka keng bawk nen 

Ka lamah alo tlan phei a kei a kalsawn na chi ni tawh lo chuan ka lo ding tawp a ka bul alo thlen velah ka tui bottle chu a melh a "tui chu ...ka lo in phal em " atia a nui miah lova mahse min melh chian em avang chuan ka lo nui haka

"Kha..." tiij a kut ah chuan ka nghat a "lawm e" alo tih chuan ka lo nui suk a , a in zawh ah  

"Banah min lo nghak la" atia "aw..mahse cheraw ah khan ka tel ve dawn a" ka lo tia 

"eeem.....ka lo nghak zawk mai ang che" atia a hawi her vel hrim hrim hi ka lung a dum thlawt a aw hi ka sawi tawh ang khan thum dut dut ani ve lo a ...ngaihthlak a nuam a aw analh ka ti.

Call ah phei chuan ngaihthlak a nuam lutukkk ringawttt ka sawi uar mah mah pawh niang mahsee ka luangliam ve em ani.

"Aw...minlo nghak mai rawh..chuan thil zawh duh che ka nei niaa" ka tia pangai deuha kan inbiak na ani hial maithei ni "sawi la"  atia "zanah ....kal leh tawh rawh ka chho dawn" ka tia .....aw min pawh ve leh mai bawk.

Miss Muantein a sawi ang ngeiin dar 1 velah Cheraw lam tur ho kan chhuak khawm a  a sir velah min lo thlir ṭhup renga Juana te leh Football an lo la khel Ground hi a zau ve ang reng a a sir daihlim lai ah keini chuan Mau kan dah  . "Partner kan inthlang ṭha dawn a.....Nang leh nang kha he lamah chuan nang nang  ...leh Nangmah kha tah a sir ah i lawm thei tiraw....nih chuan he tan awm la " miss Muantei chuan min rem mawlh mawlh a Sir Solo a alo ding ve rân bawk mipa ania engmah a sawi ve lem lo thung.

Miss in Nonoi nen min in partner tir chiah chu ka io chawih thei Remremi khan Juana nen kan ni tih a hria a Nonoi pawh hian a hre ve tawh ngei ang chu 

"Miss..." Nonoi chuan atia "miss...Remremi nen kan in Partner thei lo mi" atih chuan Remremi ten min melh hrek hrek tawh kan Miss lah chuan a phal tlat lo leh nghal a . Diktaka sawi chuan Nonoi nen a in partner chu ka duh vak biklo a nuam lo .

Vawi hnih khat vel kan kan zawh chuan kan hah leh tawh khawp mai ka ke mau in a chilh lo na chu a ke hnuai a na mawza ka bun si lova ...

chhuat a ṭhut pah chuan Juana te inkhel chu ka en paha Nonoi te ho kil khatah an awma Vasty nen chuah kan ni bawk si Remremin min rel tih hriat tak a ahan ṭawjg vel ṭhin chu Ka ṭhiannu chuan alo ti thei vak lo aniang "Mawimawi he lai velah hian tumah zahtlak an awm lo nia..dawih hlawm deuh deuh bak" atia .

Remremi te chu an ngawi nghal hmak ahma khan Vasty khan an insual tawh thu a sawi tawh than in ka hria a hlau ve nih ka ring.

Miss in "vawikhat kan leh ula chuan kan duhtawk dawn nia...mahse la haw theih loh aw...haktur vel sawi a,ngai dawnaa" ati leh zung zung a tichuan kân leh turin kan tho chhuak ṭham ṭham hlawma Nonoi nen a han in kaih vel chu a nuak lo ve hranpa min ngei hmel angin a awm ve ngai lova a nui  deuh renga hmeichhe ngo ve tak ania a sam a tawi a kei chu a sei kan ngo dan hi chu a in ang vel maithei ani ka intehkhin lo theilo a hmelṭha a , a fel hmel ka ti bawk Juana nen pawh an inhmeh ka tih ve viau kha.

Hak tur te kan sawia Kawrchei leh puanchei chu api ta ka hawh thei a chuvangin ka neih thu ka lo sawi nghal a Vasty chu class room ah ka luh san thung. "Ka hah lutuk....ka ke sil vek" lo ti lang lang tu chu Ṭhaliani alo ni "enge in tiha" ka  tia an lo awm nguaih hlawm mai "squad rei thei ber kan tia hmuni hian a thei rei ber chu vur ka lei ang atia" Ṭhaliani chuan alo tia ka lo nui hak mawl hlawm lutuk hian ah "chuan minute engzah nge "minute 10 chuang ka mal a khur zawih zawih thei hei" atia amal chu a ke ati kang a a che char char "Keini pawn kan ti ve tho lawm...kan sawi kan sawi biklo ngai mai mai rawh" Hmunin alo ti hluka Vasty class room ah alo lut ve chiah bawk "tinge a " alo ti  ve leh chiah.

A ban theih an tih vel ah ka chhuak nghal a  ka phone ka phawrh a Juana call ka tum 

Ka call a alo lak nghal avang chuan sawi mai tur ka hre lo thut "ka nghak che" alo tia ...

"Khawi ah..." ka aw chu a ring lam mah ani

A nui ri chu ka hria a "Gate bulah lo phei la " alo tia Gate lam ka zuk hawi thlak chuan kut alo vai a amah en pah chuan ka vai let ve nghal a

"Ka lo chhuk nghal" tiin phone chu ka dah a 

Ka ṭhiante ka hrilh lawk tawh a ka nghak tawh lem lo a bul ka thlen chuan hoodie alo ha dawn mek a "Mawimawi in pa ke kha ana nia aw" lo ti tu chu Apuia Remremi ex khan alo tia 

Juana chu ka melh nghal vut a min en ve lem lo nin hmel deuh hi a pu "tinge a" ka tih chuan "lung ka pet " alo tia hahthlak hian ah "hmmm.menge lung te i pet" ka tia "ball emaw ka ti" a aw a nuihza aw a tel tawh avang chuan ka lo nui ve a "ana em" ka aw pawh chu a thutak tawh vak lo "chaw ei ti tui tham tawk lek" ati ve ngei nih chu  ka lo nui hak a .

Kan phei lai chuan a bai euh euh a ana ve viau amawn le a banah ka zahtheih lohna zawng zawng chhuahin ka rawlh a "min ring rawh" ka tia ka sawi awmzia chu ka tha (muscle)hi ring rawh ka tihna azak deuh nge ka hrelo "ka kal thei tho" atia a tawp lam phei chu a ri deuh chang chang a zak ve deuh chiang alawm.

"Mawimawi..i kawr lum" ti a min lo au tu lam chu kan hawi phei rual ngei mai Hmuni alo nia mahse kawrlum ka ha miah lo ka keng lo bawk

Hmuni chu kan awmna lamah chuan alo tlan phei a kan bul alo thlen chuan kawr chu min hmeh bel chawt chawt a angaihna hrelo deuhin ka lo en tawp "kawrlum ka " tih chiah ka sawi hman "i theihnghilh daiha" atia mit meiin ka meng kual ralh a "enge awmzia" ka tihna

Alo chhing sawk sawk a "nakinah ka hrilh ang che" atihna nui ṭha chungin "eeee..ee..ka kawrlum ka theihnghilh chiang lutuk" tihpah chuan ka keng ṭha a "kan kal dawn nih" ka tia 

"Awm..zanah kan in be dawn nia" atia Hmuni tak hi chu ah tunah te pawh khan Juana nen min hmuh duh vang bakin ati miah lo ang kawr pawh hi LalVasty kawrlum daih .

Ka bula kal pa nen chuan muangchangin kan kal a kal chak thei hek lo chuan "hmani khan ...tinge mipa pakhat kha i hnek a" tiin ka zawt a

"Tumaw" alo tia kan kal muang ka tih tawh kha 

a hnung lamah mi zawng zawng haw tawh hnu a chhuk ve chauh kan nia kan hnunga kal te pawn min kal pel zel "aw..kha apuia nen inti buai pa kha i hnek ve lai kha ka hmu reng" tihpah hian ka van melh deuh kher a min lo melh lem lo kawng chu a en tawpa mahse a nui aza tih chu ka hria "ka ke ah min rap" alo ti leh sup "i ke ah a rap che a ....chuan i hnek maw" ka aw chu a ring lam mah ani .

Lu alo bu zeuh a anui ṭep bawk ka lo chek tlak tlak a "mahse..ka ke na ah ania a na lai ah tak alo rap anih kha " a aw chu a pangchang ve deuh nge ka melh chho leh nghal vut a  min lo melh chhuk ve ran "insual miah loh tur" ka lo tih chuan a nui huk a ka pen leh tur chiah in a ke na lam ka lo rap chiah chu a nui lai hmel chu na ti hmel ah a inthlak a "awi awi.tihpalh tihpalh " tiin a hnung ah chuan ka beng thak thak a 

A kun daiha a ke a khai deuh bawk

Alo din chhuah chuan ana ti hmel chu a hmelṭha ka ti tlat pek anih chu ka inthiam lo deuh tho na in ka nui aza  "nangchu ka hnek ve lo mai ang che" tiin a ban chu ka dar ah alo kham phei a min kuah deuh tihna nih chu ka dar a kham phei reng chungin kan chhuk thla a thu ho te te sawiin kan titi a tlai boruak in a zir vang nge Ber thla kan kai leh thuak tawh sia 

A nuam hi ani tawp mai ni.

Kawn thleng min thlaha "i ke ana sia..bike khalh kha a hre awm em" ka chhuk thlak velah chuan ka tia "zanah ka lo rim ang che" atih chuan ka lo nui haka "rim rual ka la ni leu" ka tih chuan 

"Ni tak..kum ila tling ve lo" min ti anih chu a hmel a min nuih zatna lang chu ka hmuh hmaih lo nasa "November ah ka tling tawh dawn ve che aw...ila upat vak bik loh kha....Lalhruaitluang" ka ti hlak hlak a ka sawi tawh ang khan kan in be ve fo a tun maia in hria kan ni lova ka titi pui ngam kha ani ve tlat.

"Thinchhe ve reuh phian a " tih pahin a kiai suk a "ka thinchhe hlawl lo a naupang ka ni tawh loh zia ka sawi ringawt alawm" ka lo ti leh 

Alo nui a "phei tawh rawh...tlai tawh zanah ka lo rim loh che chuan kan in be dawn nia" ati ve duaha aw ka lo pawh ve nghal thuai.

Kan in kawng a ka phei lai pawh chuan ala ding renga ka va bye bye a min lo bye bye let a kan in Bulah tak chuan ka din tir ngam biklo a chhan chu ka nu leh pa an strict lutuk tlat 

U Joela ṭhianpa anih na ang erawh chuan kawm an phal ka bialpa ani tih hria se 

Melh pawh an phal hlek lo ang chu.

Zanah chuan a ke anat miau vangin in ah a awm aniang zan dangah chuan a leng ve ṭhin tih ka hria whatsapp ah kan in be renga 

Thu ho te te sawiin dar 12 kan thleng ngei ngei zel "I Thlalak min lo thawn" atih chuan "ka nei vak lo " ka tia ka zak e ah....ka hmelchhe thei ropui si. Ka thawn ngam teuh lo mai 

"Pawilo ...fb a i pose ho saw ka hmang mai ang" atia emoji hmui hup nui suk kha alo hmang tel a "hey...a chi miah loh aw.... a rei tawh hlawm ropui si 2017 ami tawh te nih kha aw" ka lo ti nghal a mittui per chhawk khawpa nui uar uar kha alo hmanga Pic pakhat min lo thawn tel bawk .

Vawikhat chiah view theih ang khan alo thawna ka hawng chiah chu kawr hring fual ka hakna 

Kawng dawmin ka in Pose a ha lang vekin ka nui nilo ṭap tur ka ang lutukkkk ka chhungril a sa pap pap ka zak lutuk khawi mi nge neih le fb ah hemi Pic hi chu ka Pose miah lo.

"Ehe khawi ami nge" ka tia "chicks ve a ka bialnu chu" alo ti deuh kher leh nghal 

"Khatiang..ṭhing lutuk..hmanlai naupan lai nih kha" tih pahin Emoji nui uar uar ka hmang mahse ka nui tak tak lo ka zahzel vel mai mai.

"kan Status teh ang" alo tih chuan ka khum aṭangin ka tho  hluai "a ngailoooo" ka va ti tuarh a ka sawi hman lo nge Kan Juana chuan a status anih chu caption ah "Kan Nu nih hi" tih a hmanga min Status ve te chu ka lawm a mahse ka chhe lutukkkkkk tlat sawi mai hian a,siak lo ka,sam a ka dar chen vel lek ania kawr hring fual la kha a ban bul chalsam ka la nei zui ka ke zungpui te thlengin a lang vek....pheikhawk sang ka bun tawk lo tih hriat tawk nen naaa ka zak ani tawp mai.

"Hey.....lalJuan delete rawh...a ṭhing ka zak" ka ti chhen a "i pic dang min thawn phawtla" alo ti ve thung "pic ka nei lo lawm" nui vak vak emoji ka hmang leh a "hmm..ka awih lo "alo tia 

"Nih ka thawn che nga...delete rawh aw" ka tih chuan alo aw a . U Joelan Thlalak min lo thawn

U Joela thlalak chu LalHruaitluanga sts ani 

Kha maw an screenshot nual tawh ang chu ka zak e

"LAL Joel nangmah hian ani maw ka pic kha send" ka va ti nghal a "min dil miau a" alo ti sam et ka va hnek chak takkkkkk

"ka hnek khawp ang che" ka va tia "a dang ka thawn nghal lo ah " alo ti ve nghal he mihrinh nghal chikim a nghal zia hi chuuuuuuu ahhhh....

Cont-