ENCHANTÈ CP-6

ENCHANTÈ CP-6

BY: APHRODITE STORY

"I nghal em mai aw lal Joel" ka va ti leh a

"In be mai mai teh u ah" ti in min lo chhang let ka reply tawhlo chiang asin aw . Juana chu Pic thawn tur em em pawh ka nei lo a mahse bialpa te ani ve sia ka tia ka pic neih zinga ka lan ṭhat ve na ber ni a ka hriat chu ka va thawn a 

Zawngte hmai hup pahnih hian alo reply a ka zak mem mem thei .

"Khawi nang ve pic "ka tih chuan "thla ka la vak ngai lo a" alo tia zan a rei tawh bawk nen ka dil lui duh ta biklo thla ala ve vak ngaiin ka hre lo miau a reilo te kan in biak leh hnu ah  

"Muttui suk suk" kan tia hei hi chu over vang pawh nilo aman alo tia nui pût pût chungin ka lo ti ve ṭhin.

Ka mut hma chiah chuan ka ṭawngṭaia heichu zantin ngei ngei ani mai chham tur em em ka hria pawh nilo current sâwt loh nan te a dang pawh tam mai ka sawi ṭeuh zel ka rilru ah Juana pawh lo langa venghim turin kan ti leh hram anih kha teh thlawt ah.

Inrinni ania zing karah ka nu nen kan bazar a bawngkawn ah Pu Sena te in ah kal pah a duh vangin chhim vengah kan phei a anṭam chi tih ang reng vel pu Sena nupui api Hmingi chuan ka nu a pe a chu mi chu kan zuk lam ke in kan kal a ahnai tho bawka kan haw chhoh leh chuan dar 9 ari thuak tawha kan kal hma ang renga mi an tam bawk nen ka nu bulah 

"Vawksa hi in lei renga ...ka ning bawngsa kan ei khat " ka ti nang nang a tukin zing pawn vawksa a ṭha lai chan loh a hlauh avangin kan kal hma hrep

"sangha kan lei dawn nia" atih chuan ka lo thaw halh a Bawngsa tui ka ti ber a vawksa hi chu ka ti thei ṭhaklo kan chhungkua ah keimah chiahin ka ei bawk si lo a an ni tan chuan a tui anga mahse ka tan chuan tih ngaihna awmlo.

"Sangha ka ti hleinem bawngsa..lawm ka tih " ka lo ti leh hlar a "kan lei dawn nia" ati liam puat a a lei leh dawn chuang lo tih hria in ka bag khai lai chu ka ak ṭha sawk a tum bûrin ka kal.

In kan thlen chuan u Jenny lo insu mek a 

kan thil lei vel dawhkan ah kan dah a 

thleng sil na a no awm thleh thluah chu ka thin a ti rim hlur thei "enge ti hian a awm vakaa.....in van in hnem thei em em" ka ti hlak hlak ka thinchhiat a chhuak leh tlat tawh Vawksa vang vek kha

Ka chhungte chuan min chhang lo a 

no ho chu na deuh deuhin ka sil sawk sawk a keh lo chauh a ri rak rak a 

"Iti keh nge aw...." u Jenny in alo tih pawh chuan hrelo ang hmakin ka awm 

vawksa an ti renga ka ei ve ngai loa 

artui kang rawh min ti leh tawpa nangni pawh ni ula in lungawi vak bik miah lo ang.

Sitting room a ka nu leh pa in be ru sar sar pawh ka hre pha reng "bawngsa a ei chak anih saw" ka nu in atih lai pawh chu ka hria choka aṭang ka phei chu ka in sawh tau nghawng nghawng a

"Bawngsa chu tlai ah ka lo lei dawn nia" ka pa in keima hriat tur kher in a sawi tih ka hria mahse ka la hrelo der hmak 

Alo lei ngei dawn a mahse ka titau laklawh lawm .

Kan in hi lianpui ani lova choka leh sitting room hi a hmuh tlang theih vek a tlemin choka hi a zuk thuk ve deuh a inchung ah hian bathroom 1 a awma chu chu u Jenny nen kan inṭawm 

Room 2 a awma u jenny nen bawk inhnuai ah ka nu te room a awm leh a lian lutuk ani lova kan chep hran chuanglo mi pali chen nan chuan a tawk ve lutuk kawt zau vak lo kan nei ve a

A hmingin pipu kan dah ve kher a 

Ka nu hi pangpar at chilh ngang ang kha ania Gate lian vak lo kan nei ve bawk keimah ni in ngei anih vang hian lian lo mahse a hmun hi a nuam ve reuh a 

Pangar ah pawh Saron par kan ngah lutuk ka nu hian A enkawl peih a u Jenny nen chuan kan chuti teh chiam lo 

Ka pa hian a hmingin sawrkar hna chhe te a anei ve a zu a in ve zeuh zeuh bawk 

ka la sawi tel lovin ka hria.

Room ah ka lut a ka phone ka en nghal 

Juana message alo awm leh ran tawha zinga ka thawh khan "morning " ka tia 

Dar 8 leh chanve vel ah min lo Wish ve chiah nih hi "kan bazar a....." ka va tia ka thawn rual rual in a seen nghal nia 

Emoji nui vak vak alo hmang phawta

"Chat ah ka lut chiah a" alo tia a sawi awmzia chu ka hre mai kan chat ah a lut chiaha keiin ka lo thawn ve chiah bawk nen ka message thawn hun lo chang ran a ang dawn em a alo sin sawi fiah nih hi

"ka awihlo e ah" ka tih chuan "nilawm....mutui maws" alo tia "ummm..mutui nangzawks" s hi a uar ve lawm "tuis lutuks" alo tia ka lo nui hak 

"Thats chus muttuis chuans" ka tia 

"Min copy kher suh aw" atia sticker thinrim hmel deuh hi alo thawn tel a 

ka nui leh ver ver tawh tunlai chu ka khi reng mai nih hi ah.

"Mawimawi..chaw ei lo siam rawh le" ka nu in alo ti lang lang a "chaw kan ei dawn...." tiin ka mi biak lai chu ka thawn a chat a chhuah san ngai miah lo hi lawm ka lawm ruk veng veng zel "umm..ei tuiii" alo tia ti chuan mood fuh lo deuha ka chho pawh kha mood on leh tawh rap.

Inrinni hi chuan tihtur hlir hi ani mai 

Darthlalang te ka nawt faia u Jenny chu Vestige i ka tih tawh kha a campaign dawn aniang a insuk zawh velah a chhuak nghal a keichu ka nu nen in kan lo nghak "tukverh kha i nawh zawh ah Canteen ah han kal lawk teh aw Mawimawi" ka nu chuan alo tia aw ka lo pawh ve thuai bawk Baking Powder tih vel min lei tir dawn aniang .

Tukverh ka nawh lai chuan Ka phone alo ri tleng tlenga Bluetooth Speaker in hla ka ngai thla a ring vaklo in 1,2,3 tih alo rik chuan ka phone chu ka va la vat a 

Juana lo nia rang lutukin in chungah ka chho nghal a a dah hman ang tih ka hlauh zia chu ah "hello" ka ti nghal a

"Nge itih a" alo tih chuan ka thil tih lai chu ka hrilh a "ee....in vengah ka lo kal a" aw zangkhai vah hian atia a aw hi a nalh ve chiang alawm "khawi ah ...nge itih a" 

tiin ka lo chhang nghal thuai a "Duhzuala te chhung an borala kan kal ve lawk se hei ka haw dawn keichu" alo tia "ee.......ka hria nizana boral kha maw..." ka lo ti nghal a nizan dar 11 vel khan boral an awm tak alawm Duhzuala chhungte tih ka lo hremiah lo kan section ami an ni lova hriat ngaihna awmlo reng bawka .

"Aw....ka dah dawn..tifai leh tawh rawh zanah ka lo leng dawn nia" atih chuan ka mur leh chuai tawh "aww..nih bye" ka tia call pawh chu kan dah zui nghal .

Tukverh ka nawh fai zawh chuan canteen ah ka kal nghal a ni asa ṭha mai bawk sia nihliap ka keng bawk si lo nen ka meng set set mai "pu...baking powder leh Meida kg 1 chuan enge khah kha...pakora ang kha " ka va ti deuh nuaiha ka theihnghilh ve ziah pakora an siam na chi kha "besan maw" alo tih chuan nui hak chungin "aw..kha kha" ka lo ti nghal a thil vel an buk chhung chuan buhfai vel chu ka lo seh ri rap rap 

Ka ei ve ziah cantenn kal apiang hian 

polythene lian ah min pe a ka haw lamah Sepa nen kan in tawk zui "Pakora kha ka duh ve dawn aw...i nu bulah lo sawi rawh" ati nghal a lei ve ziaha ka aw umm liam vel mai mai "ee takaa ..." kan in kal pel chiah ti ah alo let leh a "enge" ka lo tih chuan "Englo a nen khan in ni tak tak alaw" alo tia a sawi chu ka hrethiam a mahse ka hrelo der dawn "tu nen maw" a ngaihna hrelo ang deuh chuan ka tia 

"Aw..kha In la cool deuh pa kha vai ang deuh kha" alo ti deuh kher a vai a ang hlawl lo vai pawh nilo spanish daih asin 

"Chutiang ka hrelo " ti a kal mai ka tum chu ka dar ah min pawt a mahse ka kal lui tho min lo zui zela "khawi ah nge i kal dawn" ka tih chuan "aww....ka haw dawn" ati nih chu ka va han awih lo chiang takkkkk

"In ni em mawh....an sawi luai luai ania aw" atih leh chuan ka beng a verh zar mai sawi luai luai turin kan ni viau bawk si lo a "Juana nen khan" atih chuan lu ka lo bu ta nghat a "a ex kha chicks ka ti ..ka bem maithei" alo tih chuan ka lo nui hak hak hepa han lerh zia hi chu ah "bem daih rawh a hmelṭha lawm" ka lo tih ve chuan "Engtik aṭangin nge in niha" atia a hriat chak hmel em mai tiin kan nih dan vel te chu ka hrilh ve luam a kan in kawt thleng min zui anih chu mawle

"Awi...a duh viau che nih chu " alo tih chuan ka lo en deuh ha a ka nu pangpar hung sawn vel pawh kan hmu thei tawh kan inkawt gate bulah tak ania kan din

"engvang ngawt chuan " ka lo tia "aw...mipa in bialnu a neih renga a bem che nih chuan a bialnu ai khan a thinlungah hmun i chang sang zawk tihna nih chu lulian! " atia ka kutin ka hmui zawnah "shh shh i zawng ring lutuk" ka lo ti nghal a tlang au dawn ta emaw tih turin ania a ṭawng rin "pakora chu aw.." ati ta daiha aw aw ka tih hnu ah "phawts " tih pahin a ban a vaia a

A phei leh nal nal ava han peih mai mai tak Sepa kha ni miau a

Gate ka hawn lai chuan ka nu pawn min lo hmu ve tawh "Purun sen ka lo chah tel lo che a " atih chuan "ahh...u jenny chah tawh mai rawh" tihpahin inchhungah ka lut a tiang hi ni ve ziah enge maw hmaih pakhat tal a nei ziah kei lah in nachang ka lo hre bik si lova.

Chawhnu her ah chuan ruah a hnai leh ruak tawh a khua a dur leh khup khup tawh u Jenny pawh alo haw tawha purun sen nen ka nu khan a chah ta aniang .

Juana nen kan in be leh rih lova ala buai aniang ka ti mai dar 3 ...dar 4 rik ṭep ah ka inbual a ka inbual zo ka phone ka en leh chuan Juana messaage alo awm tawh ka phur em em zel hetiang in ngaihzawn tirh hi chu kan hunawl zawng zawng kan in pek lai ania , a nuam a , a feelings hi a ril deuh raih a sawithiam miah loh hlimna hi chhungril lam aṭang hian alo awm veng veng a mi special tak pakhat chu ani ve chiang alawm.

"Inbual zo chiah" tiin min lo thawn a "keipawh...kan vengah chuan ruah sur dawn" tiin ka thawn a "keini pawh ....a tla ṭan" atih chuan tukverh lam chu ka hawia keini chu ala tla ve lo "keini chu ala tla lo mahse a dur khup tawh" kan titi a ho a mahse nia hun zawng zawng deuh thaw inbiak nan kan hmang miau a "sawi tur ka hre tawhlo" tih ringawt te hi kan sawi ngun ania aw sticker ringawt ten darkar chanve chuang kan in reply peih chat chhuah san miah lo in.

"E...Enge i favourite color" ti a ka zawh chuan emoji (😂) nui hi alo hmang a 

"A dum" alo tih chuan "keichu pink" ka lo ti nghal a "nia... Nangchu pink kha i inhmeh lawm" alo tia awih lo lutukin ka lo nui chhuak "awi.. I daw e.... A pink hi chu nalh ka tia mahse ka inhmeh kherlo aw" ka tia sticker in min lo reply. Sawitur a hre tawh lo aniang "vawiin ni engzah nge" alo ti daih nizat ka hrilh leh hnu ah 

"Zan ah chuan ka lo leng dawn" ati leh a 

"I ngam te chuan lo leng la" ka ti chu a ngam nasa ngang mai "🤣🤣i ngam bawk lo aw " ka va tia "ngam e... Enge hlauh tur awm a hma pawn ka lo leng fo alawm" atia a hmel tur zawng zawng nen a aw ri thlengin ka hre thei in ka hria. 

"A hma te chuan u Joela awma " ka lo tia 

"Chuan..." Ti a min lo chhan chuan "tunah a awm tawh dawn si lo va ani chu bethlehem ah daih a awma alo leng ve dawn si lo a nangmahin k ngam lo" ka lo ti leh talh a "hmm.... Ngam loh tir phet min tum anih kha" atih chuan sticker in ka reply "tha lawm i hre mai ang" atia. 

A last seen hmuh tur a awm nghal ehe a titau ve deuh mi le. 

"Aw nih i ngam" ti a ka reply pawh chu alo seen duh tawh thak lo a online lova a thinrim tak tak lo tih ka hre tho a ngaihtha deuhin ka out. 

Chaw ei kham ah pawh chuan min lo la be leh miah lo va a hmeichhe zawkin biak hmasak chu ka hreh ve deuh mahse enge ka bialpa lawm "chaw ei tawh em" tiin ka va thawna tlaia a last seen kha ala ngai reng ala online leh miah lo tihna. Hepa hi a titau ve tak tak ani hrim hrim 

 Dar 7 velah ka nu te bulah tv ka en ve renga Ka message dawn avanga chuan ka thu chhuak hluai nghe nghe "in in bulah kawm ania " tih hi Juana hnen atangin ka dawng ka nu bulah ka thut miau avangin ka tho tuah tuah a din chhuah pah hian ka zi mar vel a 

Phone chu ka hmet thim daih bawk 

"Boruak thianghlim kan va dawn lawks teh ang" tiin kawngkhar lam pan ka tum chu ka pa in " kal hla suh ang che" alo tia 

Ka chhang lem lo pawn ka chhuak kawngkhar ka khar leh chiah ti ah rang lutukin ka tlan phei nghal a Gate bul ka thlen chuan sir lam deuh hlek a thim deuh laia Juana chu alo thu a 

Muangchangin alamah chuan ka phei 

"I awmna rei tawh em" tiin ka va zawt nghal a min melh tih ka hria a mahse a thim deuh hlek avangin kan in hmu chiang thei lutuk lo. 

"Rei lo e.. Ka lo thleng ve deuh chiah" atia hoodie sen duk hi a ha a hoodie hi a ngaina ve thlawt alawm a inhmeh bawk a "inchhung ah chuan ka lo luh i duh ka ring lova" alo ti khauh a a bula thut ve pah chuan "nia.. Apa te an awm bawk sia" ka lo tia min chhang lova borual chu a hip vang vang nimai in ka hria a thaw chhuak leh halh a "lo kal rawh " ti a ka ding chu minlo en chho ha a "he lai chu a rem lo em mai tah sawn thutna awm" tiin ka sir deuh in tam vak loh na lam chu ka kawk a ala thim deuh khup a in chu awm ve tho mahse a tamlo in beng faiin a lo tho ve leh mai bawka a hma ah chuan ka kal a min lo zui ve mai a kan thla street light hnuai a lang chu analh reuh phiana ka rilru ah tiktok vel a inngaizawng lam vel te kha alo lang a mahse keichuan kekawr ka ha a ka sam ka tawn bawk mahse dul deuhin ka bawk hniam te ah . 

Thingkung bul hnuai a thutna an siam ah chuan kan thu a kan inatanga hla lo te hi anja kan inpawh a hmuh theih nghe nghe sawi tur kan hrelo ve ve a mahse zan boruak chuan enge maw ti tak hian min fan bik a mipa dang ani lo bawk nen ka thla muang ve ringawt bawk "bialnu te rim hi lo nuam anih hi" atih chuan ka lo en vat a min lo melh let ve bawk 

"Hmmm.... " ka lo tia "ka vawikhat len na " atih chuan awih lo lutukin ka lo nui hak  

"Ka awih lo " ka tih chuan "ani lawm... Bialnu chu ka nei ve nual tawha mahse ka la leng ngailo ka thiante ka len pui te nih loh chuan" alo tia a fiamthu hauh lo a a thu tak em em in ka hre bawk lo 

"Chu..... Min rim hmasa ber ani maw" ka aw ah chuan nuiza aw a tel ang lu alo but nghat a "hmasa ber" ati sap "ee.... ih maw" ka ti deuh thlawt a. 

Ka rilru ah Remremi alo lang "Remremi bulah kan nih thu hi i hrilh ami" ka tih chuan " hrilh chuanglo Hminga ten an hrilh aniang tinge" alo tia "nimin khan.... Min lo zawt a eh tih lam pang velin min chheih deuh a " ka lo tia "ka hrilh lo hrim hrim mahse Hminga te Duhsanga te chu ka hrilh" atia insawi thiam tum a ni in ka hre lova thudik a sawi ngeiin ka, hre bawk "aw... Pawi chuang lova sawi chu mahse.... Mi in an hriat nghal vek kha " ka sawi zo hman lo "I zak ami" a nui sup a "aih... Zak lo ee.... Hei... Bialnu then hlim i ni sia " ka sawi tawp lam chu ka tîm sawi nuam lutuk kha ani lo miau a. 

A thaw halh a thingkung chu a ngheng pah al al a "niah" ati lo ti sap a awm dan ang chiah chuan thingkung chu ka ngheng ve a "Juan" ka tih chuan "umm" atiin min lo chhang "ka bialpa hmasa ber i nia...." Ka tia "ummm" alo ti leh amah chu ka melh leh te te a "ka kum ala upa vak lo a mahse... Ho mai mai a tawp leh mai mai tur ang kha chuan ka peih ve lo nia aw" ka ti sep sep a min lo melh tih ka hre reng mahse ka melh ve lem lo...khawpui eng ut chu ka thlir a "ummm" tiin min lo chhang . 

Thu rei hman kan ni si lova... Darkar 1 pawh kan thu dun hman lo vang sawi tur em em hrelo mah ila... A nuam ve veng veng a.... Boruak enge maw tak hian min awm chilh ni berin ka hria ka chhungten min koh hma a phei leh vat ka ngaih miau vangin kan awm dun rei hman lo 

Kan in kai lova kan in si hek lo mahse . 

Mahse ka hrelo a dan a dang a bulah chuan ka kim riau in ka hria a ka duh nghal em em lova ka bialpa anih tak vang mai a hetia awm ka ni hek lo ka hre chiang a ka thinlung duh zawng chu ka hria chuan He mihring pakhat ve leke hian min ti hlim veng veng a, a hming ka hriat chang apiang in ka lungphu a buai thin hman ata tawh ka lo vei theih em em kha tunah ka ta tiin ka ko ve thei tawha a lan ang ngawt mai ni lo ka suangtuah phak ngai miah lo danglamna 

Thik na, hlimna, thinrim na te leh lungngaihna te ka la tawng dawn tih pawh ka hria mahse le tunah rih hi chuan ka la hlimpui a tuna ka hlimna hi lungngaihna ah ala chang ve ngei dawn tih ka la suangtuah pha lo a zûn zam vel chuan min zem chiai a. 

Ho te anga lang si in min ti hlim leh thin a fiamthu thawh ni miah si lo hian a tawngkam ho te te hian min ti nui a mi tawngduh zawk zawk ani lo mahse ka thusawi te ka zawhna te chhan loh lai ani ngai lo kan ti ti a nilo ka ti ti a ngaithla ani mah zawk "aw..... Ummm... " ti a min lo chhan reng thin vang te hian a ngaithla tih ka hria a a der ka hmu lova a tihtak zia ani telin a lan tir bawk thin. 

Thla thum kan in zui ve tawh a buaina em em a awmlo kan inbiak tawh chuan 

Chat kan chhuah San ngai lova College ban a in nghah te chu ngai ah kan nei tawh kan haw hun a college ami ten 

"Mi bialpa chhuh sak " ti a min sawi te chu ka haider lui hmiah a ka chhuhsak na ka hre lova Juana pawn min hrilh bawk. Nonoi kha " ka first love" tiin a sawia ka thik hran lo a tun hma thil ania kei a lo thik chiam na chhan tur ka hre tlat lo. 

Tha thum meuh in hmu reng in be reng na ta fam chu kan inkar pawh a nghet chho telh telh a December kan kai ruak tawh u Joela te nen Games an khel thin a an Games khel chu online game ania 

A chang hian zanah kan inbiak ai khelh lai te a nei thin a ka lo rem ti ve mai zel 

Game avatar ah ka thlalak a hmanga chu chuan mi bialpa anih zia a lan tir ka ti mai chutiang ho te te te chuan min ti hlim a (avatar kan tih hi whatsApp a dp ang deuh hi aw) kan inkar a hla lova ho te te sawi te zan lai a in call changte in video call te kan ching chho tana 

Zan khat chu December ni 3 ania a thlasik tawh lutuk a vawt deuh surh a 

Thleng sil nan pawh tuilum ka hmang anih loh chuan kut hi a khawng vek dawn in ka hria "tui lum iti ve ziah a..... Gas, iti hek" u Jenny in alo tih chuan 

"Tui lumna a chhe miau hekkk gas a ka lum mai loh nak ah " ka ti nang nang a 

Min chhang tawhlo tun ang thlasik ah tui lum a sil loh chuan thlengsil thin te bak hian an hrethiam lo maw.... 

"Mawimawi..... I pi ten lo riak phei rawh an ti nia " ka nu in ka thleng sil laiin alo tia "chawlhni ah ka lo phei ang ati ti rawh" tiin ka lo chhang let ka riak phei khat em a kan veng ai chuan a lum deuh maithei a, nuam zawk ang kum ka tling ve tawh bawka thla hmasa November ni 9 khan kum 18 ka tling ve zan zan tawh lawm. Juan an Naute lem lianpui min pe a ka nu te bulah chuan "ka thianten an in thawh tawma" tiin ka sawi u Jenny chiah in a hria leh Lal Joel an. 

Room ah ka chhoh chuan thawmhnaw vel dah fel ka tum a ka dah fel hma in Juana ka va hrilh phawt a online lo a mahse message ka thawn hnu rei lo te ah alo online nghal "Duhzuala bialnu ka rimpui dawn... A lo len ka tum tum nen " alo tih chuan "khawi ah nge an awma " tiin ka lo reply a "vengthlang lamah kan vengah tho" tiin min lo chhang. Call alo lut nghal zat a a type peih leh tawh lo aniang chu "a hla lo.... Vengthlang ah ania... " alo ti nghal a ka thinrim a hlau chiang mai "ummm.. Len pui mai rawh.... " pangchang deuh hian ka lo tia "naktuk zanah ka lo leng ang" atih pawh chuan "aih.... Api ten ah ka phei dawn" ka lo ti daih a "tih chi ve" alo tih chuan "timaw.. Enge tih chi na " ka aw chu a ring tep maithei "aw... Joela te in a len pahin" alo tia ka lo nui hak "tihchi em chu..... Tiraw.... Mawimawi" atia ka hming hian min ko khat a ka awm thiam lo dawn dawn taka kan hming hian kan in ko khat tak tak mahse kan in be reng tho sia mak ve tak chu ni. 

"Umm.. . Tih chi tawp" a aw anga chiaha zangkhai chuan ka lo ti ve a "nih.. Ka zuk len pui zuai nge... " atia call pawh chu kan dah zui a ti hian a leng ve zeuh zeuh a mahse a leng rei ngailo thung zu a in ve zeuh zeuh zel an tih chu ka hria a mahse a in lai leh a rui hmel ka la hmu ve lo thung. 

Dar 8 leh chanve velah chuan Juan an 

"Ka ning tawp third wheel hi" alo tia 

A hmuh loh lamah a ning hmel tur ka, ngaihtuaha ka lo nui kar kar mai "tinge a.. An third wheel tir che law" ka tih chuan pic alo thawn nghal a Duhzuala leh a bialnu chu an thu dun a an kut te an in vawn sak vel "awi.. Khawngaihhh eee" tih pah hian ka va, nui tuarh a 

"Ka haw chak tawh.... " atih alo tih chuan "haw daih la" ka lo tia "nuam lo ve a " alo ti leh ang lawi a "ngaih ini tih i inhria em" alo tih chuan "hre nang" ka tia 

A, sawi awmzia ka hrethiam lo miau a 

"Tha lawm.. In hrelo tawp rawh" atia "hmmm.. Enge awmzia " ka tih chuan 

"Min ngai em" alo ti leh a hepa te hian min ngai ve ngei anih hmel nui ver ver hian "ka ngai che lawm" ka tia ka type zo chiah chu ka zak ngawih ngawih nghal ka inchhir leh nghal ang ani. 

"Ehhh.. Min ngai vel" alo tih chuan ka thinrim tep "kei pawn ka ngai che " te alo ti dawn emaw ka tia "aw.. Ka dah " ka tia ka out nghal daih min ngaih ve ka rin rin nen min ngai ve lo ni hrim hrim. 

Reilo te hnu ah ka phone lo ri zui a  

Lalhruaitluanga bawk "enge" ka ti tawng a "enge i out daih" alo tia "enge ka out daih" a aw ang chiah chuan ka lo ti ve a 

"Min ngai a I out daih" alo tih te chuan a nui aza tih ka hre thei "min ngai ve si lo a... " ka lo tia ka aw chu a, zawi rapthlak 

"Tunge ka ngai lo che ti" a aw chu a thuk ruih a a fiah hle bawk a uang lo tih ka hre bawk. "Nangman " ka tih chuan 

"Ka ngai che Mawimawi" alo tia ka thinphu a dik lo leh tawh ka sa chhuak vek ni maiin ka hria "ka awih duh ngem" ka tih chuan "awih tawp rawh.. Dawt a tello" ati leh thlapa a thu tak leh lutuk te chuan ngaih a ti tha lo rum rum dawn alawm. 

"Nih.. Min ngaih chuan a tha, nih chu" ka lo ti ta thlawt a anui ri ka hriat takah chuan keipawh ka nui call a dah hnu ah khum ah ka mu thla hnaka tun ang reng hi a nih ngei ka beisei Juana, nen kan Inkawp atang hian amah ngawt ka bia chu ka ti lo mahse mipa dang ka be ngai lova... Ka thiante hi an ni leh a Juana tawp amah tawp hi... Ani mai mipa dang biak chu sawi lawh... Mipa number ka, save te pawh hi Chhiar tham a tling a sawm vel lek aniang contact ka ngah lo hrim hrim bawka kan class group ah chuan ka awm ve ngei a mahse ka save hlawm lem lo min lo save ve an ti te nih loh chuan chu pawh ka hmelhriat te an nih loh chuan ka save peih vel ting tang lo. 

Chawlni chuan Bethlehem ah ka phei ta ngei a u Joelan min lo hruai "I lo pem dawn ami" Bike a ka chuang chiah ti ah ka hma ami chuan alo ti khauh a nur nagin ka lo melh ralh "tunge ka lo pem dawn ti" ka tih chuan "Bag thawmhnaw puar luah ah kher a ngai mai ni hnih khat bak i riak leh dawn lova kha ti zat han ken" tih pahin bike chu a ti nung a 

"Tawng ve vak lo mai rawh.... Ka towel te ka makeup te ka tshirt te ka hoodie te ka inbual zawh a ka hak tur te ka ha nawh na te ka tui" ka sawi zo hman lo "aw aw.. .. Nih chu nih chu" atia a tlan chhuak nghal ka keng ve ziaha tiang hi chu ka riah phei dawn apiangmin min zawt ve ziahhh..... Hmeichhe tan te chuan neuh neuh a tama zanah ka inkhawm ngei dawn a ka kawr te pawh ka keng a saw lamah ka hak tawk nei an awm lova ka ken ho hi thil pawimawh tak tak vek ka sawi hmaih theih miah loh snoopy-i chhang tur Marigold api te ui te ania a buk chi te reuh te ang kha chhang ka ken sak ziah a a upa ve tawh lutuk mahse ala dam. 

Kan thlen vel ah Juana ka thlen tawh thu ka hrilh nghal a a online lem loh avangin api nen kan ti ti vel mai mai a tar ve tawha tar chhia ang kha chu ni chuanglo ala tha lai lutuk api te in hi chu kawt zawl an nei nuama ka nu ang chiahin pangparin a khat ka nu pawn api pangpar a la hnem mai "pi... U Joela hi in ah a sual thin em " ti a ka zawh chuan 

Kan piaha thu chu alo nur nang mai 

"Sual nang a fel lutuk" alo ti a ka en leh vat tunah chuan inti thei hmel ka hmu tawh thung "awi.... Avan mak em em" ka ti hluai a "Mama te chu duh duh na ah kan tir kawi thei alawm a phun ngai lo" alo ti leh zel a ka lo zawt kher kher ani ka in chhir rum rum "ee.. Mawimawi ilo thleng tawh law" nu Maduhi U Joela nu chuan inchhunga luh pah hian alo tia 

Inkhawm dress nen ala awm chawhnu a inkhawm aniang "aw..... Zanah ka inkhawm ve dawn nia aw nu maduh" ka tih chuan "aw.... Crusade ania.... A nuam ngawt ang lo inkhawm ngei ngei rawh ...... Mami.... Chaw I chhum tawh em awi... Lum lutuk ka thlan char char" ati nghal a Mami atih hi u Joela nau chiah kei ai pawn anua kum 13 vel 

Mami kan ti mai zela kan inkawm vak lo na in ka riah apiang hi chuan kan mu dun ziah tho mahse hei Pahmun nuhrang ang kha ania U Joela pa , Pa zoa fabik helam ah a lo awm phei a achangin anu te in lamah a fel lutuk u Mawimawi hi min tia lehkha a thiam thei a nu Maduhi tak pawh hian a dn hran loh zia kan hre vek a helama awm pawh nuam ati hawr hawr ania tunah pawh a thiante nen reels an tia mi kha tiang khan kawt zawlah an lam leh zawr zawr tawh. 

Cont-