ENCHANTÈ CP-8

ENCHANTÈ CP-8

BY: APHRODITE STORY

"I rei sia" alo ti leh chhen tawh ka uai thla ngam lo va mahse lal Juana zek zawk khu ka hmu ve chak tho bawk sia ka rilru buai "lawk parda ka va en chhin" ka ti ta nge nge a lo nui haka "yes.. Ka lo nghak ang che" atia call pawh chu kan dah chuanglo Steal almirah a ka nu Parda dah that ho chu ka la chhuaka ka room atang hian lei hi a hnaih ve hrim hrim a sang deuh ang kha ani lo sitting room lo lam ka nu te room bul chiah ah ka tum thlak a ngaih hmel thung Minute 5 vel dawn lai chu Parda ho chu ka zawma nghet thei ang berin ka suih anih loh chuan ka tla thla thum dawt ang tih ka hlau ka thi lo anga mahse ana ve viau dawn tih chu chiangsa. 

Balcony a ka chhuah phei leh chuan tlak dal ah puan chu ka suih a nghet tawkin ka tang lutuk chu ka hah vek thei hial ani ka phone khum a ka dah ka va la leh phawta call alo la in cut loh avanga chuan "ka lo chhuk dawn" ka tia "I tla na palh hlauh ange aw" alo tia anui aza chiang mai "tla lo ang... Ka suih nghet alawm phone ka keng dawnlo ka lo kal tawp dawn" ka tia call pawh chu ka dah nghal ni lengin ka hmu bawk si lo va chuvang te pawh chu aniang hmuh ka chak em em ni. 

Thawm dim thei ang ber chuan ka uai thla a ka hlau miah lo leh nghal lei ka rah rualin kawngkhar pui lam ka pan nghala kawngkhar zawn a ka kal chuan min hmu ang tih ka hlau a mahse chuta tang chiah chuan kal na awm anih loh chuan kawmthlang lam atanga kual duah ngai dawna ka peih lo thawm dim tawk chuan ka phei zâl zâl a Gate ka hawng ri rek mahse kawngkhar an khar vek avangin min lo thu thei chuanglo 

Juana awmna lam ka kal chuan ka thaw hlawi hlawi mai ka hah lutuk a ka thaw chham hman tep ani hei hah hluam hluam ani chuang lova hlauhthawng deuha ka kal vang ani mah zawk. 

Thingkung ngheng hian alo dinga a zawn ka va thlen velah a kut in ka ban rek ah alo vuan nghala a awm ah min being tir vang vang ka thinphu rang sa nen chutia min kuah avang chuan a ran belh a thinphu ri ka ngaithla thei a Juan an min kuah chuan ka haw huai thei ka lo kuah let ve vat a "ilo kal tak tak ka ring miah lo a " atih chuan a awm ah ka in nem khalh a ka en chho deuh va a kut chuan ka darah ala vuan reng tho "I awm tawh sia lawm.. " ka lo ti vat a anui suk a "niaa" ati leh tawp sawi tur em em a hre bik lo aniang . Thu thlengah chuan kan thu dun a kan kut kan in khalh sak niap niap "a vawt ee" ka tih chuan "chawlh hunah enge itih ang" alo tia "ka hrelo le...

 Inhlawhna tur ka duh... Christmas pocket money tur" ka lo tih chuan min lo en vut a ka lo melh ve rân bawk "khawi ah " alo ti nghut a "aw.. In hlawhna hrim hrim hei restaurant velah te" ka tih chuan "a tullo" alo ti bung nghut a "hmm.. Timaw" ka nui lek lek "mipa te an lo chawl anga" atih chuan ka lo nui chhuak haka ani chu a nur nang mai "chutiang mai mai aho e... " ka tih leh pawh chuan "a ho lo" ati deuh tlat "mahse inhlawhna chu ka duh ve hrim hrim.... Anu te pawisa ringawt chuan hei inthlahrun ana ve a hrem" ka tia "umm.. Hremm e" ka aw kî ang chiah chuan alo tia na lo te in ka ban puam ah ka chum a "ana" alo ti hram ka nui a ani pawh a nui tho. 

"E taka.. Vawiin khan tunge ka dam loh thu hrilh Tu che khah" alo tih chuan Nunpuia anih thu ka sawi nghal vata lu a bu nghut a engmah a sawi lem lo "hmanzan kha a bialnu ka rimpui zan khan.. Ka nghak rei alawm... An in ah ania kan len" alo tia "a hmeichhia chu tunge a " ti a ka lo zawh chuan "1st Sem ami tho.... Remremi te thiannu " alo ti mai a English Department ami tho anih hmel "Ee... Awi.. A chhungte an fel hmel bik bialpa neih an phal tawh nimaw" ka lo tih chuan alo nui haka "an in a free hmel lutuk.... " alo tia awmze nei deuhin min melh kher a thim tho na chu a hmel ka hmu thei tho a

 "kei chu ah... Apa hian neih ala phal lo class 8 ka nih in class 10 ah bialpa chu i nei chauh ang min tia 10 ka han nia 12 ah ati leh a... 12 ka zo chiaha kum i tlin hunah atia Thlahma sa ah kum ka tlinga bialpa neih neih a ngailo ti hian.... Pasal pawh neih a, ngailo khawvel a chhe tawh ati leh daih" ka lo ti nang nang a ka bula thu chu alo nui huk a "enge" ka lo ti hlar "engmah" a nui lek lek a mahse a nui tha ngam lo ka vin em alawm chu lo ah nuih zathlak pawh ka sawi lo "I birthday leh hunah engtin nge kan lawm ang " boruak him lut pah hian ka tia ka thaw chhuak leh hluai thung ka thu tha sauh bawk "ala hla e" atih chuan ka sawi hla ve bawk em ani October ni 14 daih ania a birthday tunkum kha chuan present ka pe ve ngei a Perfume leh Ka kut ngei a ka ziah Love letter ka hmui ah lipsticks chhah tawk ka hnawiha ka hmui thla pawh lang kulh ka ngaihtuah let hian ka zak thar a "awi.. " ka lo ti chhuak aniang a mit ko alo San ak a

 

"Engmah..... Sawi ve hrim hrim rawh" ka lo tih chuan ka dar ah a ban alo kham phei a ka lo ngheng al al "ka hrelo.. Ka bulah awm la tawk mai lawm vak ka peih lo " atih chuan "eee... Kan Karaoke anga" ka lo tia "I chak ami " atih chuan lu ka lo bu nghat nghat "a ngai leh lo zu te I in palh ang " atih chuan ka melh rum ram ram mai "enge ka in ringawt ang ah.." Ka lo ti thuai a thli a thaw her her a thingkung hnuai ah kan thu bawk nen Motor tlan thawm chu awm ve mahse kan hnaih velah in a tlem hrim hrim a Christmas dawnah an chei ka ring a hmun hi a rem em mai "e.. Zu i in tawh em vawikhat tal" alo tih chuan "in tawh e... Champ wine ang kha u Msa te nen anu te pawh an awm tho kan tem ve chhin a" ka ti zung zung a ka nu te awm laiin ania rui a in ka ni chuanglo a ka sawi vek mai. 

"Tha law... In ve chhin vek tur mahse zawngchhang loh tur ania" atih chuan nia ka lo ti ve nghala mahse thil ka hre chhuak "nangpawh... I zawngchhang" chhuah chhal aw deuha ka tih chuan 

"Naahh.. Awih awm loh" alo ti hluk a 

"I daw em mai aw... I in thin ka hrevek ania aw" ka lo ti leh a "thian ho a awm bakin ka in ngailo leh... Chu pawh a chang zeuh zeuh" atia ka awih leh nghal thlap engtin nge maw hepa thu sawi hi ka awih a ka rin hma bik em em le 

Ka hne thei lo va a bula awm ka ning lo bawk sawi tur hrelo deuh pawn in biak reng ka peih tho a zing ka thawh vel ah ka rilru ah a lo lang hmasa, bera zan ka mut dawna ka ngaihtuah na luah Tu ani bawk ka bialpa ania ka ngaihtuah a ka vei ve ani mai ani. 

Zan a rei deuh tawha ka chhungten ka room an lo check thlap thlap ngai bawk lova dar 10 leh chanve velah ka phei a Juana chuan min thlir a chhan chu kan in kawt ah bike atih nun chuan ka pa ten an lo hre thut thei tlat thawm dim thei ang ber chuan kawngkhar ah ka lut a , u Jenny a mengrei tih ka hria a parda hmang kha chuan ka lawn thei tawh dawn lo hrim hrim bawk kawngkhar ah ka va dak de de a ka tih reng kha u Jenny in TV alo la en mahse min hmuh ka hlau tho a choka ah ka lut tlang nghal daih tui ka in a in chung atanga chhuk thla chiah angin ka awm vel "ila meng alaw" te ka ti vel a "ka en laklawk a tawp tep" tiin a TV en lai chu a kawk a ka chhang lem lo thawveng tawkin inchungah ka chho a bathroom a hmai te ka phih leh te te hnu ah room ah ka lut a Balcony ah ka chhuak phei nghal a zau hran lo va hei a kual ve rek a zau deuh ang kha ani hran lo puan ka khai chhoh lai a ka rilru a lo awm chu Juana bawk ania in ala thleng dawn lo nasa a a len kawi ka ring tawh lo va min hmu tura dam lo chunga alo kal vang vang te chuan min hneh thar leh riau a engtin nge min duh tih hi ka la zawt miah lo ka la zawt ang . 

Parda ho Almirah a ka dah luh leh vek hnu ah ka mu chauha "I thleng tawh em" tiin Juana message ka thawn nghal bawk kan thianno group ah Juana alo kal thu leh kan awmdan zawng zawng chu ka hrilh lo mahse ka sawi uar lai chu 

"A dam lo a, mahse min hmu chaka alo kal" tih lai chu kan uar mai mai khawp a maw keimah te in ka nui vak vak lo chauh "ehe.. Mipa in chutianga a hmu chak ngawih, ngawih che anih chuan atan, I hlu ve hle tihna nih chu" Hmunin alo tia "tak tak maw" tiin ka reply mahse Hmuni hi chu bialpa ala nei ngai lo a advice tha deuh deuh erawh min pe ziah kan in kawmna a rei ve tawh ngaihzawng ala nei lo re re a ruka a nei te anih loh chuan "ni ee..... " alo ti leh a 

"Awi.. In nuih aza ngawt ang ka room veranda atangin ania ka uai thlak" ka tih chuan nui khek tuarh tuarh in Thaliani alo voice a "awi.. Lalrinmawi.. Ka lo zakkkk " atia alo nui nasa mai a nui lui deuh bawk ang "aw.... Apa te an la meng sia ui ka zak ve tho aw" tiin ka reply a

Min nuih zat nasa hlawm a mahse kan inkar ah inrawlh an tum ngai lo lungawi lo deuh mah ila Juana min sawi chhiat sak ngai miah lo va kan inhauh ve deuh chang te hian an sawi chhe thei lutuk mahse a tak tak ah min duhpui ve zia leh ka duhzia an hre vek a ka tan leh tlat dawn tih an hriat avang pawh hian Juana hi chu an sawi chhe vak vak ngailo 

Juana nen a kan in hauh a ka thiante ka hrilh pawn "kan sawi peih tawhlo a tawpah i tan leh daih zel sawi chhiat i phal lo a " an tia a dik tak tak bawk... Ka lo tan tûk zela a chhe lam ai a tha lam ka hrilh nasa bawk. 

Zana kan inbiak dan te hi Meloi nen kan kal rual changte hian ka hrilh kil kel zela college kan thlen vel ah midang bulah ka sawi leh a Meloi chuan "awi.. Alo sawi leh tawh law.. Zingah min hrilh vek tawh hne hlui khawpin ka ngaithla" hi alo ti thina an ngaithla tak tak ngai ngai pawh hian a achang chuan ka hrelo mahse an lo "ummm.. Aww" ve char char tho zel. 

"Thleng chiah" tih hi Juana hnen atangin ka dawnga phone khawih reng ka ni bawka ka chhang nghal thuai "I khua sik leh nge aw.. Damdawi ei ngei ngei rawh" ka tih chuan "a awmlo lawm" alo tia ka va han awih lo tak "I nu te pawn an kawl ang.... " ka tih pawh chuan a awm loh thu ngawt a sawia damdawi ei hi a va han huphurh mai mai tak "nih.... Ka mu dawn ka mut chhuak" ka tia a tlai leh ruak tawh zanin phei chu ka mut a chhuak leh zual "um... Mu rawh keichu Movie ka en anga ka mu ang" hi alo tia "ka awih lo.. Midang i be dawn anih kha" ka fiamthu tih chu a hre tho ang ka sawi zawh rual deuh thaw hian a whatsApp chat chu alo screenshot a min lo thawn a chung berah 

"LALRINMAWII" tiin min save a hawrawp pui vekin 

A pin ve ngei a mahse ka hming lo deuh te pawn save ve awm.... Emaw "Mawimawii" tih tak te pawn a chiang fak fak e chat hi chu ka en a "Zahmans Group" tih te hei hi chu ka hria an thian ho group 'Pu Sapkunga Tu leh fa' tih te an chhungkaw group a niang keini chu 'Pi Ziki Tu leh fa' ania apu nu hi 

Chat a tlem a group leh mimal chat phei chu "Zuala One say" ti a save pa chu Duhzuala anih ka ring nghal hmiah save dang dai sia maw "zuala One day hi enge awmzia enge in sawia " ka va tia Duhzuala chuan dar 8 leh chanve vel khan 'Down zual ila' tiin alo thawna Juana an a reply lo thung chuvang ania ka hmuh theih. 

"E... Lalduhzuala nih kha zu in tur in min lo sawma mahse ka lo len daih kha " atia 

"Tinge Zuala One say itih kher a " ka va tih chuan nui uarh uarh emoji hi alo hmanga "🤣🤣a ruih in thu ngai a sawi peih lutuk a One Say tih hlirin a nu phei chuan a ko " alo tia ka nui alo za ve lutuk 

Rui thin ho hian thu sawi ngai hi an sawi nawn tlut tlut thin tak tak a ka pa pawh a ruih chang apiang hian "esi... Chaw kan ei tawh em" ati ve ziah ka hre thiam lutuk ringawt. 

"Awi.. Anu pawn ti chuan a ko maw " ka tia "umm.... an hre vek a a eih ve lauh lauh tho " atia ka lo nui ka lo nui ve mai 

"Heyyy" ka va ti hluai a ka mu dawn ti si kha darkar chanve vel chu thu ho te te sawiin kan in be leh reng tawh kan in hne ve thei lo mi le tih tur ani 

"Enge Ka hming pum hawrawp pui veka min save a " ka va tia "a chiang alawm" alo tih chuan "keichuan Jungkook-a tiin love pink ka dah asin" ka tia "thui... Save tha nghal rawh" alo tia Sticker thinrim lai a hmang ka save tak tak lo Juana ka tia love pink chu ka dah tho "nahi.... Ka save tha dawnlo " tiin ka reply a 

"Khatiang Gayyyy ka duh lo save tha vat mai rawh" a hmel leh a awki tur zawng zawng ka hre thei nghal vek ka nui ruh ruh a "aihh... Jungkook ka ti char char tawh ang che ka hming pum in min save lawl lawl a Jungkook oppa ka ti tawh ang che" ka tih chuan "tha lawmm. " alo tia 

"Tha e" ka ti leh hram "a tha feeeeee" alo ti vak a kan nawi leh dawn tan. 

"tha feeeeeeeeeeeeeee zawkkkkkkk" ka ti tuarh a kei ai thui in alo ti ve leh chutiang ringawt 'tha fee' tih mai mai chuan dar 11 kan kai leh der a atawp a tawp ah kan in hnial thinrim leh der tawh "sawi suh " alo tia "ka sawi dawn lo reng sawi rawh pawh min ti la ka sawi dawn chuanglo" ka ti hmak ka period tawh leh tawh loh min zawt a thla tawpah ka period thin tih a hma in ka sawi vek tawh han theihnghilh kha, maw 

"I sawi vaih".... .. " ka sawi dawn lo a hma pawn ka hrilh tawh che a ka mu dawn" ka tia ka phone chu ka lukham hnuai ah ka dah a ka mu leh chawrh. 

Ka ngei tlat alawm thla tawpah ka period thin ka ti mawlh mawlh a ahma pawn a lo ngaihtuah miah lo ani tih a chiang reng. 

JUANA P. O. V. 

Lalrinmawii chu a out hmak nia ka thaw halh a, period tawh leh tawh loh in zawh mai mai a nat loh teh reng nen hian ah 

Ka bialnu berin min mut San tawh bawka tiin keipawh mut ve mai ka tuma 

Ka maimichhing chiah ti ah Lalrinmawii hlir alo lang a ka tan a in pe zo tih ka hria a min duh viau in ka hre bawk mahse ala naupang a ti ve khanglang ila nakinah kei ai duh ala nei dawn chauh a khawvel ala tem hnem lova a rilru a thianghlima min ring bawk min rinna hi tih chhiat sak ka duh lo . Ka hmeichhe tawh tawh ah ala danglam ber a bialnu chu ka nei ve nual tawh mahse Lalrinmawii hian ka rilru ala luah ber . 

Ka hria ka hmuh hmasak ber kha chuan school naupang mai ala nia.... English in min bia a ka nui aza nasa a hmeltha ka ti mahse ka vei zui em em lo Joela bulah "tunge a " tiin ka zawt nghe nghe a hmeltha tûk ani lova a mit meng pawh a lian hran lem lo a hniam lova mi pangai tak ani a sam a sei a ka nu te nen school a kan kal tum khan Joela hnen ah min in hmelhriat tir rawh ka tih avangin kan phei a lai deuh nge ka hrelo ka en khan hmun dang a hawi dawn daih a ka lo nui tep Joela a rah laia a thinrim hmel khan min hneh riau a a hnar bulah khuvang chhin chhiah a nei kiau a lian lutuk ani lo mahse a lang ve kan in hmu zeuh zeuh a min hmuh apiang hian a in pal khet zel ka nuih loh nan ka insum tang tang thung. 

A che chhe thei ka ti dawn nge..... Vawikhat an exam zawh ni hian ka hmu hlawl a ka hmuh loh na a rei tawh vang nge ka hmuh hmasak ber ai khan a lang tha zual a mahse lehkha a zir nasa tih hriat takin a mit hnuai a val kalh 

Kan college ah a lut ve dawn tih ka hria a 

"College ah ka lo nghak ang che" ka tia ka sawi awmzia kha a hriatthiam pawh ka ringlo mahse kha tih lai kha chuan a hmeltha ka ti ringawt a nau chei takin ka chei tunah pawh ala upa chuanglo kum 18 a tling ve chauah Hmangaihna khur a luh pui atan chuan ala nau in ka hria mahse ka hrelo ka bialnu ani chho a 

Lalhminghlui NoNoi ka duh ve viau in ka hria college an lo luh tirh khan ka bem nghal a amah a fai vunga a ngo bawk a hmeltha ve thlawt mahse ka vei zui miah lo bialnu a hming chuan ka nei ve nual mahse Hminghlui kha nihpui ang tak tak a ka en hmasak ber ania ka bialnu hmasa ber angin ka chhal. 

Hun a kala Lalrinmawii ka hmu zeuh zeuh a min hmuh apiang hian a lai thei lutuk a lai hmel lah hi a hmuhnawm phian a Joela nen a an inhnial changte hian ka lo en leh veuh veuh thin a thinrim biang sen tawn tawn khan a ti hmeltha zual em a. 

Ka rin leh beisei loh deuhin ka thian ten nihpui rawh min ti a bialnu chu ka nei reng mahse a hminga ka bialnu mai chauh ani ka duh mahse ka hmangaihlo  

Mawimawii bulah erawh ka first love ani tiin ka sawi a chhan chu a tir lam khan ka duh ve em a mahse tunah hian ka hre tawh ka first love ani lo ka chiang ngam tawh bawk. 

Lalrinmawii nen kan in hau a, min biak duh loh hian nuam lo ka ti thla tlem te chiah kan la in zui kan inhriatna erawh a rei tawh a thian mipa te nen an inbiak ka hmuh te hian chhungril lamah ka duh vang ni hawt si lo hian ka sa ham ham thei ka zeplo a bula mipa awm tawh phawt chu ka thik heti em em hian Tu ma bulah ka thik thu ka pe chhe ngailo Lalrinmawii bulah chuah 2nd term exam lai vel khan kan in hau a lehkha ka zir thei ta tlat lo ka rilru ah alo lang zel a kha tah khan ka vei tan tih ka hria hun a kala ala naupanga kei lo midang ala hmu dawn a tira min duh na atih lan avanga mai mai anih hi tiin ka in hnem a mahse hun a kal zela nikhat pawh amah be lo a awm a harsa ka ti chho tan ka duh dan ani bik miah lo mahse a mi hip ana bik ka ti dawn, nge a zûn ah ka uai der zawk. 

Mahni tawka in duh leh tak ka ni ka hailo ka chapo ve deuh hlek maithei bawk ka thiante zingah Star Tu leh a ruka duh Tu a nei nual tih pawh ka hria ka duh dan phei chuan ka thiante number hi nei lo tawp se ka ti zawk ka thik ani mahse ka ti lang lem lo ani lah hian "min duh tak tak lo ang ah....hmeichhe dang I bia... Movie I en dawn bawk lo" atia a thinrim a min vin leh hlak hlak zel engmah lah hi a hmu thiam derlo. 

Vawiin ka dam loh khan ka lu ana phone ka khawih peih lo a tumah ka hrilh lo Nunpui an min sawi sak avangin ka haw a bike pawh ka khalh tha thei meuh lo ka haw velah ka hmu nghala ka pu in a chhan min zawh pawn ka chhanglo. 

 Ka pi kha Spanish ania ka nu pawh mahse kan bulah a awm ve ka tet lai atanga kan unau min enkawl chho ngar ngar Tu ania ka nu leh pa te hna a an buai thin em avangin ka pi khan min enkawl sei lian u hmeichhia 2 ka nei a kan bulah an awm ve lo thung 

An ni chu foreign ah lehkha an zir keichu Mizoram hi nuam ka tia ka pi pawh khan nuam ati  

Pi flora tiin an ko thin a mizo tawng pawh a thiam ve lutuk ka pa pawh khan a duat thei lutuk nu ang tak takin a en a ka pa hi Engineer ania ka nu chu Higher Principal anih kha kan khaw sak a, harsa lem lo ka nu leh pa te hi chuan min hau phal lo an fapa neih chhun ka ni miau a 

Ka duh apiang min lei sak a bikin ka pa 

Ka thiante nen a kan pocket money tur hi min pe ziah mahse ka hrelo ka hlim lo Lalrinmawii ka tawn hnu hian tlemin ka zia chu chu ka in hailo ka pi thihna khan min la than er er renga ka tuar na ve em a ka thiante zawng zawng pawn min dem biklo.

Mipa.... Mipa ah pawh in la pa ve chi ka nia ka hmeichhe duh ve em em nu lah hian hmeichhe dang be turah min ngai leh tlat zel hi chu thin te hi a rim hlur thei zawk ani lo hi chu tuna ka feelings ang hi hmeichhe dang ah ka la nei ngailo. 

Min mamawh anih phawt chuan ka tlan chhe ngai lo va ka ngaih deuh chuan a bulah ka va kal mai thin a nu leh la an strict a tlangval in la pâ tak si khan a rukin bialnu te ka hmu thin leh lam tak phei chuan a nuam let ling ka hmangaih tiin ka la sawi theilo a chhan chu ka in hre tlat lo a tan, engmawh ka huam a hmeichhe dang it na kha ka nei lo biak chak na ka nei lo va ka thiante bula ruih ai chuan Mawimawii bula a ti ti siam siam ngaihthlak kha ka duh zawka a thu a nawi ve reuh thei sia "ummm" ti a ka lo chhan zel loh phei chuan a thin a rim leh der zel chuvangin ka lo busy nghat nghat a a thin chhe peng pung reuh sia a hunah leh ka hmel hlimlo deuh a hmuh in a mood chawp leh chilhin a inthlak thuai thin thung. 

A mood off leh off loh hi min biak dan atang hian ka hre thei a mood off deuh hi chuan thu ho te pawh zawt ila a teu nghal hlar zel a period lai phei hi chu huphuruh awm tak ani kei la hian tih thinrim phet hi ka tum thina a cute em a a hmuhnawm ka tia a thin ti rim zual turin "I thinrim lai khan i cute tawp" hi ka lo ti thina theih pa tawp hian alo thinrim thung. 

Naa... Ka duh takzet tih ka hria a ka hmangaih in ka hre tawh bawk chan ka hlau ngawih ngawih tawh ka nun a bet ve pakhat chu ani lawm. 

Zing ka thawh chuan dar 8 ari tawha Mawimawii message ka dawng miah lo nidangah chuan dar 7 velah te min lo wish ziaha tukin zing chu ala thinrim ani chêk ang chu "morning Bawihte " tih hi ka thawna class kal tura ka inpeih hnu pawn ka message chu alo la seen lo hrim hrim a last seen chu nichin lawk ani tho sia he nu te reuh hi ala thinrim ani chiang mai buaithlak 

 In hnuai a ka chhuk chuan ka pa in 

Lo haw hma rawh min tia ka chhang lem lo ka bike chahbi ka la a ka nu chuan chaw alo ei mek "ei ve phawt la Bawiha" min lo tih pawh chuan ka ei peih lem lo 

Ka chhuaka Garage ah ka lut tlang nghal 

Ka in khalh chhuah hnu ah chak vak lo hian ka tlan a ala hma tho in ka hria tiin chaltlang lamah ka tlan chho a Mawimawii hmuh ka in beisei mahse a kal tawh maithei bawk a kal hma thei em mai a tho hma bawk. Kawn ka thlen chuan ka phone ka phawrha ka call a ring deuh hian "engee" alo ti hlar ka nui haka "I kal tawh em" ka tih chuan "kal daih tawh... Ka thleng tawh" alo ti hlar a 

"Ee.. .. Thlen tawh chuan that chu" ka ti maia "enge ka kal leh kal loh chu ilo buai ve mi" a va han, a tawng pawr lutuk chuan ka nui ati za a mahse ka nuih chuan min ngei leh dawn "in vengah ka lo kal a lo nghah che ka tum a " pangai deuh chuan ka tia "lo kal rawh college ka thleng daih tawh lawm.... " atia a aw pawh a pangai leh tawh e 

"Umm lo thleng ni mai" tiin ka dah zui a 

A thinrim hluai a min ngei rei thei tak tak lo tih ka hre chianga tunah pawh a lungawi leh tep tawh ang. 

College ka thlen chuan Nunpui a leh a bialnu ka va hmu hmasa ber an lo in hau 

A bialnu chuan a chhoh san a "tinge a " ka va tih phei chuan "meizial ka zu hi zu suh a ti ve khanglang a..... Ka zu zel dawn ka tia... A thinrim ve khanglang" alo ti hlak hlak a "ka, zu tawh lo ang lo ti ve ta che" nui ruh ruh chunga ka tih chuan 

" ka ti awm lo e.. Kha tiang mai mai hnute te ropui si " atia ka lo nui hak mai. 

Kan chho a Mawimawii te class lam ka pan nghal chawt a an class room a ka va luh chuan min lo en thup mai Mawimawii pawh chuan min lo en ve kiau a an thian zingah pawh a langsar fal nalh mai lawm "enge ilo tih dawn" alo tia "ele.. Ka hmu duh che" ka tia a thiante chu an lo nui tet tet mai ka zak ve tep 

Mahse ka nui lem lo "class kan tan tep tawh... Sin" alo tih leh chuan "nia.. Thil te te tih pahin ka hui a " min lo zui ve mai bawk pawnah chuan kan chhuak a. 

Mawimawii P. O. V. 

Kan class chhung lam ka hawi leh chuan min lo en thup a ka thiante phei chuan min lo en chik ka bula ding pa chuan a kekawr ipte a a "enge.." Ka lo ti leh 

"Kha" tiin Chingeum happyden panga hi ka kut ah alo daha mak ti lutukin ka lo en heu ka hum ve ran a ka nui chhuak lo chauh alo khi suk a "ilo thial ret ret dawn nia" ati nih chu ka lo nui chhuak hak 

Min thlem a tum tih ka hre mai "I taktic a thingggg" ka, tih chuan a chek tlak a 

"I duh lo mi... I duh loh chuan pawilo khawi" tiiin min laksak leh a tum chuan ka lo phal leh tawp si lova "ngailo min pe tawh... I kal thei" ka tia a nui a keipawn ka lo nuih ve tho a chhuk thlak vekah class room ah ka lut nghala Sepa te ho in 

"Eishh... Va han romantic thei eissh" an lo ti sup sup a Juana awm lai a min chheih ngam der si lo hian lal Juana pawh hi a che naupang chhhia thut thut thut zel. 

Amah nen a inhmeh hlawl lo tuna a awm dan kha . 

Kamis sawi deuh a tial a pink hi alo ha a ahnuai ah tshirt var  chuan kekawr grey tide tet ni si lo a lian deuh tawp ani mai amah a fresh thei sia a kut vei lamah a helmet ala keng ran bawk a chhelo leh pek lutuk. Ka sawih hmaih palh takin Juana hian thi silver a awrh api lei sak ania chuan racelet ka pek a bun ve rân bawk a birthday khan ka pe tel a couple angin kan bun ve ngei a mahse kei chuan ka ti chat daih a var ania ani chu a dum a kut zung lai ah zungbun a bun bawk. Tattoo a nei a aban ah a lang ngailo Butterfly lem hi a nia a nalh phian leh nghal kawr lian deuh deuh a ha renga a nei tih pawh a hriat  loh keipawh min hrilh lo se chu a nei tih ka hre miah lo ang. 

"Enge pek che a " na lo ti nghal pang ka thil ken ka hmuh chuan "awi... Ka ning e a va che cute amah nen inhmehlo" Vasty in alo ti ta, chiah reng a "chu chu lawm" ka lo tia kan nui zui hak hak. 

Break ah pawh chuan Juana chu alo kala kan pahnih in hmun reh ve deuh hlek lai ah kan thu dun a "tinge.. I thiante bulah I awm loh a " ka tih chuan "kan in hmu ngun hlawm em mai ka hne" atia ka lo nui ro hak ani ve thei lutuk ang mipa phei chu spot te an hrat sia. Chutia kan thut mai mai lai chuan kan hma ah Remremi te thian ho in min lo kal pel a NoNoi pawh a tel ve nuam ka ti chiah lo a Remremi chuan "ehhh... Juan ' alo ti kher a he nu hi ka mil ve thei thlawt lo nui sang reng mahse ka mil thei Thaks lo 

" kal teh " ka bula chu chuan alo tia. 

Nonoi pawh kha a nui tho mahse a ruk tak chuan nuam ati bik chiahin ka ringlo an kal sawn tawh hnu chuan "a nuam ve e..... Tiraw" ka ti ta thlawt a "eng vang chuan alo ti " aw... Nonoi aem ve kur kha" ka ti chu engah mah ngai lo ang hmakin a ner zui nawk ka lo nghawk zeuh a "ka tan a nuam lo ve lawm" ka ti tha leh "nuam deuh in awm rawh" atia min van han hnem lo ve chiang 

"Nuam deuha awm tur chuan mut te a ngaia mutna a awm ami" ka tia ka hawi ruaia ka bula thu chuan a mal ah min lo pawt mu zawk ka in ring hman lo "tian mu mai rawh" alo tih chuan rang lutuk in thawh ka tuma ka tho thei derlo "Lalhruaitluang mi in min hmu nge" ka tih pawh chuan min kuai mu leh zel a ka hmai ka hup tawp tawh . 

Mahse thawm a lo rik leh tak avangin min nem kang thuai a "in chance neihna a pawnlang mah mah lo maw Bawiha" lo ti tu chu Duhzuala u Joela pawh ka hmu nghal zat an lo nui ruh ruh a "lalrinmawi mipa tawp pui reng suh" min lo ti pek anih chu "ve che hian ka tawm pui lo aw " ka lo ti hlar a One say-a te ho an lo nui dar dar meizial an zu a Juana chuan a zu ve lo "I zu ve dawn lo mi" a beng bulah ka ti sar sar a "I awm lai chuan ka zu ve lo mai ang" alo tia ka nui ver ver thu ho te mah nise hmeichhe tan te chuan a nuam ve em as in bialpa ten an bialnu te awm laia zial an han zu duh lo te chu man riau alawm. 

Kan awmdun hian a tawng vak ngai lova mahse kan titi tho tanwg miah lo te hian kan kut ringawt te hi kan in sual tir ka ti mai 'center awle awle' tih vel ang te kha kan ti nasa "sangha sangha chung u" tih vel te kan nui nasa thei lutuk ka rilru ah hmanzan a kan tih lai kha alo langa ka nui chhuak hak min lo melh hlawm vut a

"Mawl miah suh" u Joel an alo ti leh hman hepa han tawng peih zia hi chu ah 

"Ka chho dawn.... " ka tih chuan min dang hran lo a zu chak ve tawh tho ang ka awm sia a in sum mai mai mahse ka duh zual leh sawt.

An in cheidan 

Cont-

(Tthu belh in lo chhiar ngei ngei tur) 

Ka story ziah min lo chhiar sak thin avangin ka lawm tawpa chuan midang ang lo deuh hlekin emoji te ka lo dah tel thin a hemi hi ka dah na chhan tak chu an sawi ang chiah chiah khan feel thei ula ka tia Novel ang a ziah hi chu ka la zo lo deuh hlekin ka hria a , Mistake pawh ka ngah ang ka in zir ve mek zela lekhabu anga chhuah tur te ani lem lo a😆😆 emoji ka lo hmang anih pawh in ka feel zia minlo hriat pui dawn nia, chuan ka duh dan phei hi chuan an in chei dan te hi lo tihlan ka duh thin a mahse a rem chiah lova tun tum chu ka lo keureu ang che u ka tia Juana in cheidan  leh Mawimawii ka lo dah tel a tunlai deuh ni si 2018,2019 chho vel ang kha ania zantin lo dah ka tuma Inrini leh chawlhni erawh ka awl ve ang 

Ve khanglang hian 😆 mahse minlo share sak ve ula ka lawm viau ang a ruka chhiar lo khan lo feedback ve ula maw lawmawm ngawt ang.