ENCHANTÈ CP-9

ENCHANTÈ CP-9

BY: APHRODITE STORY

Sawi sep sep kan ni renga Juana nen a kan inkar ah buaina em em awmlo mahse a bialnu hlui a lut ve miau a , kan la naupang ve ve bawk sia hmuh theih khawpa in ngaihzawn kan tum lo chung pawn an hre vek tho  tlai ah Juanan  min lo nghak a .Keini ai an bang hmasa deuh ziah a Minute 10 vel zen zâwn lai chu min nghak hman ang ka zuk chhuk vat a kan hnung lama Nonoi te ho kal chu an lo nui leh uar uar thin a a khat tawkin Juana chu Remremin alo be leh thin a "naktuk zan u Faki birthday ah lo kal rawh aw... U Nun an lo sawm rawh atia i induh si ilo leng khat" te alo ti luama Juana chuan a chhang lem lo a nui vel mai mai. 

Remremi te ho in min kal pelh hnu chuan ka thaw huai thei boruak kha a pik kan hnunga an kal ve reng kha chuan a nuamlo ve hrim hrim , "I kal dawn em" ti a ka bula kal pa ka zawh chuan  a dar alo kan ûk ringawt a ka kiu in a nak ah ka nghawk a "hreloo" alo tia min chhang bul nghet nghut lutuk chuan "tunge Nuna chu" a aw ang chiaha chang chuan ka tia "Remremi u kha " alo ti maia ka chhang tawhlo thian lah hi a ngah sia hmeichhe thian hi a nei vak lo vin ka hria a mahse Remremi kha chu u Joela pawn an inkawmna a rei tawh thu min hrilh avangin ka la thutak vak lem lo. 

Juana chuan kan veng kawn thleng min thlah leh  a in be mang miah lo in kan tlan ka chhuk thlak hnu ah "bye aw" ti a kal mai ka tum chu "enge ni leh ta " alo tia amah ka en chuan a chal a ti chuar nawng mai "engmahh.. " ka lo tia "lungawi loh na I nei " min tih chuan ka neih loh thu in ka lo chhang. "Nih I neih loh chuan phei tawh rawh " tiin a kut chuan min vai loh a, ka lo bye bye let ve tho a mahse ni dang angin kan in nuih sang lo a chhan pawh ka hre bik lo e ah. 

Kan in bul dawr ah ka lut hmasa phawta Sepa leh Thlama an lo thu ve kur "Dildar min lo lei teh " Sepa chuan alo tia "pawisa ka nei lo lei ve mai rawh" ka lo ti nghal Thlama nen chuan keimah min en pah chung kherin an in hrilh ru  vel a, 

"Thing e........ Nu Sangte an thing tiraw mi awm ve reng laia han in hrilh ruk" uar fahrana ka tih chuan dawr nei tu nu Nu Sangtei chuan "ni chiah mai... Lalsep in hrilh ru sur sur su.. Mipa ve si" alo ti ve nghal zat a. Sepa ner kual vel chu ka lo melh râm râm "thau lai neilo rap fan ruhkawl  zo rap game duh tho" tih vel ani in ka hria Thlama chuan alo rap a 

Lo in la G'nie leh tawh ani chêk ang a aw hi G'nie nen a in ang ve hrim hrim a. 

A sak laia ka lo nuih huk avang chuan Thlama chuan min melh rum nasa "I nui ve mi" alo tih chuan "nui e" ka lo tia 

A mah hi thau ve chi chum tut ang chi hi ania a mengrum thei em em zui a, Sepa nen hian zu leh tui ang vel hi pakhat a awm chuan pakhat a tel ve zel angai. 

"Kin ah kan in rap siak dawn nia... Lo ngaithla ve chhin rawh" atih chuan ka lo bu ve mai a "e...Thalian in naktuk ah nichin a I sak kha kan in rap battle ang ati takk vawiin khan a sawi thuaka in zai tui lutuka I hrelo nge" ka tih chuan

 "ka hria lawm.... Min cho ve a naktuk ah kan ti khawp ang" nui miah lo hian a tia a zia ve hrim hrim a Nia chum tût mengrum deuh mahse a cute Meloi pawn Thlama cute thu hi chu a sawi ziah fiamthu in "bem daih rawh" kan ti thina nui huah huah chungin "ah.. I mawl e ah" hi a ti mai zel Meloi pawh thau ti a sawi tur ni si lo mahse a cher chuanglo biangsum a nei vel kalh a a hmeltha ti a sawi tur ni chiah lo mahse a hmuhnawm amah tawp hi. 

Dawra ka chhuah hnu thleng pawn Sepa te pahnih chu an la rap zak zak a nu Sangtei la(h) hian alo nuih pui uar uar zel sia leh lamah dawr a nuam ber a kan vengah hi chuan naupang, school naupang ho a kawm thiama Govt. Ho phei chuan Meizial zuk ruk nan tak an lo hmang thin. 

In a ka luh chuan ka pa alo haw tawha 

Room ah ka chho tlang nghal u Jenny room ah thawm ka hriat avangin ka va dak de de a u felfeli ka hmuh chuan kik hmasa lem lo in ka lut a "awi... Mamte enteh kan in neih zungbun ka ti bo a ka rilru hah lutuk" alo tia a hmelah phei chuan rilru hah hmel a awm lem lo 

"Uii.. Engtin nge itih bo theih i phelh reng reng ami a " ka lo tia "kan pa nen vawiin chhun ah kan chhuak dun a washroom a ka luh khan kut ka sil dawna ka phawi zawk anih chu maw a kar vel te kha bal a awm takin ka tia ka phelh ani, chuan ka zun San a darthlalang hma ah khan ka dah tawpa tumah an awm lo a, ka chhuak leh ka dahna ka en khan alo awm tawh lo" atia tlem chuan a hlauhthawn hmel tawh deuh. 

"Ehe.... Mi in an lo ni lo maw" ka lo ti ve thuaia " ka hre bik lo awi keichu ka rilru hah e..... U j-a ka hrilh ngam lo" u J-a atih hi a pasal. "Hrilh rawh i thiam loh pawh nih loh chu... U Jenny alo la haw lo mi" ka tih chuan a inbual thu min lo hrilha keipawh ka room ah ka lut phei leh nghal. Khum ah ka thu leh te te phawt a message in "I thleng tawh em" tih Juana ka va thawn ala thlen chu ka ring chiah lo a hla tham ve a Traffic a jam nasa bawk nen u Jenny bathroom atanga a chhuak thawm ka hriat velah Towel nen ka lut ve nghala . 

Ka inbual lai te chuan enge maw ni hian min kam ka hrelo mahse ka awm a nuam thei meuh lo Juana nen buaina kan nei pawh ani si lo a ka rilru ka kawm melh melh lai chuan bathroom kawngkhar chu an lo kik dat dat a "Conditioner a awm em Mamte" ka nu in alo tih chuan ka harh zawk "awm e.. I duh mi" ka tih chuan "aw.. I laklawh loh chuan min lo pe lawk ka lu kan zuk su ve lawk teh ang" atia zim te a kawngkhar hawngin ka pe. 

Ka inbual zawha phone ka en chuan Kan Juana pui reuh chuan min lo la reply miah lo a athlen a hun daih tawh min lo be peih lo ve hrim hrim ah ka ngai. 

U Felfeli chu chaw ei dawn a ruai ah a haw a kan veng bul lawk an Nia , Scooty in alo kala chaw ei tura kan sawm luih pawn ni dangah ati deuh tlata a haw u 

Jenny nen hian Bff an Nia alo leng ngun thei lutuk pasal a neih hnu hian a reh ve deuh tih mai loh hi chu. Thleng ka sil zo setting room ah ka thu a ka nu ke ka hmeh sak mial mial kawngkhar an lo kik dat dat a ka nu in "lo lut rawh" atih rual a ka, va hawi phei chuan u Joela ka hmu a 

Mak ka ti lek lek tep Tu nen nge an lo kal tih pawh chiang takin ka hmu nghal Lalhruaitluanga nen. 

"Teh hlawl che u chuan... " u Jenny pawn alo ti ve hluai a "kan lo peng kawi zawk mai mai " u Joela chuan atia awmze nei deuhin min lo melh kher Juana ka en chuan ala inthlak lo tih ka hmu bawk ala haw lo ani chiang mai hepa hi. "Chaw in ei tawh em.. Mama" ka pa chuan alo tia Mama atih hi u Joela a koh dan "ei lo.... Chu kan thiante'n ah ei kan tuma kan lo lut kawi" atia "ee.. Khawilam ami maw" ka nu in alo tih ve chuan "hei Juana te veng.... Ah " u Joela bawk chuan atia Juana chu ka melh peih vel lo , chaw an eikhawm dawn tih pawh min hrilh lo a chumai bakah ka message a seen lo mai bakah a reply lo hrim hrim kha ka lungawi zân lo ho in ti maithei mahse engmah sawi lo a reh hmak ang kha ka ngaihdan ni ve vak lo. 

Juana chuan min lo en tih ka hre renga kei in ka hrelo der hmak thung. Rei pawh an thu lo an kal leh nghala an chhuak chiah ti ah Juana hnen atangin Message ka dawng nghal "enge min en duh miah loh" tih hi , ka phone chu ka bih vang vang a ka pa in "Mama lo hruai pa kha ka hmu fo na chu Mizo ava ang lo ve " alo ti ve khauh a u Jenny in "mizo chu ania anu hi Western lam pang daih" alo ti hlauh a ka lo lawm ru lutuk a chhan chu keichuan sawi dan, vak ka thiam dawn lo tlat a. "Apa mizo tihna mi" ka nu in alo ti ve leh a "aw... Kha St. Benedict Principal te fapa a lawm Mawimawii luhna te kha" u Jenny in alo tih leh chuan ka pa pawh chu a bu nghat nghat a "a fel reuh.... Joela nen hian an in zui chawt a mahse lal Joela mizia ang tho anih dawn kha" ka pa bawk chuan alo tia

U Joela mizia ang atih hi chu, zu in ve zeuh zeuh chhungkua ah pawh awm tha duh vak lo len hrat, khaw lai mi deuh a sawina. 

U Joela pawh hi in ah a awm mang lo a mahse an tirh na te tirawh an tih ang apiang chu ati zak zak tho, chuvang ania ka pi pawn fel atih. 

Dar 8 velah room ah ka chho a Assignment leh Project work eng eng emaw kan neih nual avangin kan thian ho in Zoom meeting kan nei ve ngei a hek hi chu kan ti ziah kan thiam loh pawh kan inhrilh char char zel. "Mawimawi.... Nichin tlai ah Juana an hmeichhe pakhat a phur ka hmu Nia aw" Thalian in alo tih chuan ka thinphu a rang nghal a midang ho in tunge anih an lo zawh sup sup lai pawn ka la ngawi reng "ka hmu chianglo... Mahse hmeichhia chu a phur ngei a cousin nge ka hrelo.. Nuna te lampang hmeichhia ni in ka hria" alo tia ka sawi tawh ang khan Thaliani te hi zarkawt veng an Nia Juana te nen an veng a in ang tihna nih chu. 

"A thiante niang chaw an ei khawm dawna " pangai thei ang ber chuan ka ti a 

"An nghal teh mai Nia aw.. Remremi te pawh kha mi nghal an unau an lerh si.... Mipa thian an ngah bawk sia veng deuh reuh thian pawh ni se" Thaliani bawk chuan alo ti leh a "ti daih ila ... In veng a in ang reng sia a hma, zawngin Juana hi i sawi, ngailo reng reng " Hmunin alo tia ka ngaihtuah a keipawn mak ka ti Juana heta awm reng ani bawk sia chumai bakah u Joela nen ana inkawm ngaih em em zui a "aww..... Ngaihtuah ula... Thenzawl ah Primary ka kal ta tiraw... Middle kha champhai ah ka kal leh a high school atangin hetah aizawl ah kan lo awm a....ka chhuak vak ngailo nen ka hrelo hrim hrim ka hmu ngailo" 

Alo tia a net a chhia aniang a tang chawt chawt mai "ah.. Khalam kha chu sawi vak tawh lo ang u zo vat ang ka mut a chhuak" Meloin alo ti bui bui a kan lawm tlang aniang kan ngawi thap mai. 

Ka mut dawn thleng chuan Juana chu ka be duh lo a, hmeichhia a phur an tih khan ka rilru a luah renga ka thaw ti pik, 

A reh vang vang a zan tira message min lo thawn ruala a last seen kha ala ni char char a, phone khawih hman lo khawpin a buai anih hmel. Story chhiar mai mai ka tuma mahse ka rilru ah Kan mi lerh zek zawka hmel ringawt alo langa ka tho chhuak hluai a ka mu thei meuh lo chu nih hi ka lukham chu ka than deuh vaka 

Ka bula naute lem lianpui mu chu ka melh rum hle ringawt. 

"I lu hi ava lerh ve " ka tia ka birthday a naute lem min pek lian pui kha ka mutpui ve rân alawm. Ka muhil theilo chu ka room ah chuan ka tai kual sek a 

Dar 11 vel bak ala ri lo ka phone la chu a message a thleng renga mahse Juana message anih leh nih loh chu ka hre hrang, a chhan chu Juana notification ring a dangin ka thlaka tui ri keuh ang hian ka dah chu mi alo rik apiang chu Juan an min lo bia tihna. Tiang te hi a ti ve si se awm tawp si lo a ka ngei hlur mai. 

Pawnah ka chhuaka zan dang aiin a vawt a arsi pawh an lang uarh mai Christmas thlen hma in kar 2 lek a awm tawha ka Balcony zau vak lo ah chuan ka kal kual sek a Motor tlan hi an awm renga Bike ring deuh deuh a tlan ka hriat hi chuan ka rilru ah, Juana alo lang nghal thin Bike khalh hi a inhmeh bik hliah hliah alawm a chhelo ve em a naaa... Ka ngei tak ka fak dawn lo hrim hrim lerh siiii... Hmeichhe dang te alo phur vel a... Ka ngei hi ni tawp mai a hre khawp ang. 

Ka ke ka per leh at a , 123.. Chhiarin thawk ka la hak ka men leh chuan ka zang deuh hawkin ka hre lem lo a ngai reng hnawh tu ka nei reng, ka room a ka phone dah lo eng vat vat ka hmuh chuan ka lut phei a Juan an min lo call . 

Rang deuhin ka la nghal a "enge" ka ti nghal hlar Balcony ah ka chhuak phei leh a athaw ri chu ka hria a engmah a sawi loh avang chuan "hello" ka ti leh a min la chhang ta chuanglo "Juan" ka tih leh chuan 

"min van ngai lo ve a Lalrinmawi" a rui in ka hria a aw hi a dik miah lo 

"Zu I in a nimaw" ka aw chu a pangai tawh mahse Juana rui lai ka la hre ngai tlat lo "ka in lo bawk" a in chiang lutuk a tawng lûk lûk mai "i in anih kha enge zu te i in vel a " ka vin deuh hlek a mahse ka tawng ring lem lo thung. 

"Ka in lo ka tih chu..... " a irh fiak zui ak a  

"Oopps" alo tia ka beng chak hle mai a rui lo nih chu "enge zu te rui khawp khawpin i in vel a min lo la call zui rui chungin enge min lo call vel" ka ti kha kha a ka lawm vak lo alawm "a pawi ami.. Ka lo call che chu..... Ka bialnu ka call ani ve mai a hmmm! ", zawhna min zawt deuh ang taka 'hmmm! ' alo tih chuan thawk ka la halh a "in ah i haw tawh em" ka tia ka aw pawh a pangai tawh. 

"Ummm.. Haw chiah.. Ka lo call nghal che ka ngai che aaaaaaa...... " a thlûk rei rapthlak "aw aw. Ka hria ka hria mut tum rawh naktuk ah kan in be leh dawn nia " ka lo ti nghal biak reng chi pawh nilo a rui hle tih hi chiang takin ka hria a ani mai. "Ka rui lo mak eee" ati fan rakha "I rui lo maw" ka dawh theihna in a tlin lo lek lek zel "nge I rui min tih tlat a min va ngai lo ve Lalrinmawi... " ati leh tawh "ka ngai che lawm" ka tih chuan a nui ri ka hria a "nimaw.. Min ngai maw" alo tia ka zak lek lek tep ani... A rui tih ka hria a mahse a aw chu analh ka ti tho sia.. A zia lo lam tak chu ani. 

"Ngai eeeeeee" ka thluk rei ve avang chuan alo nui chhuak hawka keipawh chu ka lo nui vel mai mai tawh mahse ka nui reilo hle thung, "vawiin tlai ah hmeichhia I phur ani maw" ka ti a thawm a reh zui dak chumi chuan ka ringhlelhna a ti zual "I phur anih kha " ka tih leh pawh chuan chhang tu ka nei miah lo "hello" a reh dâk a.... A chat thla ni ngei ngei ang mahse tun lawk pawn a nui "Lalhruaitluang ka biak che chuu" ka ti leh khar khar a thawm lo ri leh rak rak a "umm.. Hello ka zung a " alo ti pek anih chu hahthlak hian ah. 

"Vawiin tlai ah hmeichhia i phur ani maw" ka ti tha leh a "Nuna u nih kha " alo ti nghal pang a zep miah lo a tlang takin a sawi nghal mahse ka lungawi fahran chuang lo "I phur tho alawm" ka tia ka lungawi lo mai pawh ni lo in ka thinrim ka sa leh pup pup tawh 

"Awi.... Zuali te ang mai mai thik tur a awmlo" alo tih chuan ka sa phat a 

"Hmeichhia ani tho alwm.. Nuna u bla bla bla.. Tih vel a tullo I duh chuan nihpui daih rawh" ka lo ti nghala a rui tih ka hria a mahse ka thinrim a rim tho tho. 

"Hmm... Ringawt ah... Kan thianpa u lawm ka duh leuh nangmah bak ka duh lo " alo ti leh bui bui a... Rui lo se chu "I ngaih ngaihin ngai rawh " ati leh tawh ang chu, "I phur tho alawm.. Hmun tin ah CCTV ka kawl fur ania aw.. Han lerh vaih teh" ka ti leh kha kha a tlem chuan ka la thu tak tawh vak bik lo "nei la mai lawm.. Ka rinawm ve chiang em mai" atia 

"that chu I rinawm chuan mu tawh rawh.. Keipawh ka mu dawn " ka tih chuan min hnial a, rei fe kan inbiak leh hnu ah "I ruih leh chuan.. I chak lo viau ang aw.. Rui chung ten min lo be zui a I chak lo khawp ang.. " ka tia "rui tawh lo ang Promise Bawihte ohh... nû-i " atia 

Over lutuk hian kan in mangtha hnu ah keipawh room ah ka lut a ka mut lai pawh chuan, thil eng eng emaw ka ngaihtuah zui rauh rauh a zu a in thina, mahse a in tih ka hria min lo call khan ka haw chuang miah lo a aw kha, ngaihthlak nuam ka ti tho hmeichhia a phur tih ka, hriat khan ka thinlung hi vih sawk angin a thip a mahse kan in be leh a, ka vei zui leh miah lo hepa hi ka hmangaih tlatin ka hre tawh, nge ni a ka duh lutuk zawk. 

Zing ka thawh chuan ka nu eirawng bawl ka puia dar 7 ah hian ka tho ngei ngei a, thlasik pawh nise vawt pawh ti mah ila ka ka tho hma thang a rei deuh deuh mut hi ka thiam ve lo ka men rei deuh pawn ka tho hma zel, mahse hei hi taksa tan a tha lo anti ka sim chuanglo. 

"Kan chawlh hunah nu inhlawh na tur ka duh" chaw ei lai chuan ka ti nang nang a 

"Aw.... Inhlawh la " ka nu chuan alo tia 

"In phal leh awm lo em mai ah.... " ka tia an phal dawnlo alawm "thingpui dawr velah te inhlawh ka duh ka ning... Christmas ah pocket money tur te kan duh ve a nangmahni dil te kha a ngai dawn lo a " ka ti leh nang nang a ka pa in

"Kar hnih bak awm tawh lo a.. Inhlawhna tur chu vang viau ang " alo tih chuan rang fahran hian "nu Aveni te thingpui dawrah..... Ka sawi tawha i nu ten an phal chuan lo kal rawh an ti" rang deuh hian ka lo ti nghal vat a. 

"Aveni te thingpui dawr te chu chanmari ah daih lawm" ka pa chuan alo tia. 

"A hnaih em chu.. Dar 6 velah an inkhar thin a " ka tih leh lek phei chuan a hmel ah a phal loh zia sawi kher ngai lo in ka hre thei "aho mai mai " ati daiha ka tih reng kha... Lo puitling zel pawh ni ila.. Hna ka thawh an phal miah lo ang... Leng tar turin min duh nih hi "ka len hunah pawh hna hmu mah ila ka thawh in phal chuang lo ang... Tar thih rat thlenga awm tir min tum anih hi ah " ka ti bawrh bawrha. 

ka nu chuan nuk chung hian 

"Ni e.. Hnawthawh tir kan phal lo che " alo tia u Jenny alo nui uarh uarh mai 

"Nui suh nangkha" tih pahin ka melh kha kha a "tak tak ah....a hla em mai Mamte.... Kan veng velah ka lo zawn pui ang che" ka nu in alo tih chuan ka phur thar leh a "tak tak " ka lo tih chuan lu alo bu nghat ka pa, chuan engmah a sawi ve tawhlo. 

College ka thlen velah Juana ka zawng nghal a, ka rin ang ngeiin Canteen bul ah an lo awm khawm thup an bula ka va phei chuan min lo hmu ve nghal mai a 

A mit a sen rûm a mahse hmuh ala nuam em em tho..a meng dul a en mai pawn zan a mu tha lo tih a hriat ka ngei viau dawna mahse a inthiam loh hmel ka hmuh chuan ka thinlung ah enge maw tak alo awma... Ka hmangaih chiang alawm ka tah chhuak ringawt leh nghal a ka mittui a parawl titih der a chhan pawh ka hrelo.

Ka rilru ah midang tan ka phal loh zia chu ka hre thei ka mittui parawl deuh kûng a hmuh chuan ka bulah alo kal hnai vat a, mak ti deuhin min en bawk "tinge aa... " tiin a ban chu ka lamah alo phar chhuak a mi tam viau mahse ka lo kuah tawp....... Ka tap lo a mahse ka biangah mittui a luang thla ngiai ngiai thung. 

Juana pawh chuan ngawi rengin min kuah a hnem dan vak a hre bik lo ka hnung chu a meng deuh thak thak a zawi te te in, ka mittui ka hru fai mawlh mawlh a ka lung a chhe thut a achhan ka hre der lo Juana chuan ka darah vuanin min en a "tunge hau che" alo ti pek anih chu "tuman... Min hau lo" tah aw nui deuh hian ka tia ka nui aza bawk ka mittui tlak chhan kha ka hre bik miau lo a. 

"Min ngai lutuk ami" alo tih chuan na lo te hian a dar ah ka hnek a "ana" tiin a dawn vang vang a over hian maw "ka ngai thut che nih kha " ka tia a hmel ka en chuan min nuih zat tih ka hre thei "I chhe lutuk min nuih kher suh" ka tih hlak chuan "engee" tiin a nui chhuak ta hawk hawk a keipawh ka nui ve tho kan bulah mi chu awm ve tho mahse mahni buai buain kan buai hlawma tuman minlo ngaihven teh hian lo. 

"Chho ang kawrawh" tiin ka dar ah min lo kuaha u Joela ka hmu ve lo a alo la thleng lo aniang Nunpuia leh Hminga chiah ka hmu an class ah pawh lut lem lo in kan thutna thin hmun fian rial deuh hlek ah khan kan kal leh a. "Tinge nichin khan.. I tah ringawt a " nui za aw lek lek a alo tih chuan thip deuh hian ka lo melh a "enge.. Nimin ah hmeichhe dang i lo phur vel" ka ti ve hmak sawi tur dang ka hre miau lo "awi.... Zuali te chu Nuna u alawm kei ai pawn a upa daih" all ti hluai a ka kut alo hum nghal bawk ka lo hum let ve vang vang a "chu pawh ni se.... I phur tho a " ka ti leh hram thawk alo la halha minlo en pah bawk "Min ring em" alo tia a aw chu a zawi a achang hle thung. A mit ah chiang takin ka en vang vang a ka ring ve alawm mahse ka thla a ngam theilo a chhan ka hrelo chhang lo a ka ngawih tak vang vang hnu ah a zawhna ngai chiah chu min zawt leh a 

Lu ka bu nghat "min ring rawh.. Ka ti dawn lo che... Mahse I rin ang kha chuan ka awm lo ang... Hmeichhe dang an awm lo an awm chuan ka be buai lo ang che... An awm dawn ka tihna ani lo ania" alo ti leh a chhan mai dan tur ka hrelo. 

Hetia thu a sawi ve duah tawh hi chuan a lungawi vak lo tihna ania "ka ring che a... Mahse ka rin ang che hian I awm lo ang tih ka hlau " ka lo ti a "engtia.. I rin ang " alo tih chuan "ka hre bik lo... E ah" ka lo tia ka hre lo tak tak ka ring ngei alawm mahse.... Mahse hi a awm.. enge mahse ka tih chhan ka sawi theilo.. Mahse ani ve tawp mai. 

"Min rin chuan.. Rilru hah na tur awmlo... " eng thawk hmel fe hian alo tia 

Min lo en pahin a kiai deuh suk bawk. 

Ka lo nuih ve a mahse a za lem lo 

"Chho dawn mi" atih tak ah chuan kan in zui chho a kut kan la in chelh reng thung. Kan class bul thleng min thlaha 

Ban ah innghak turin kan inthlah leh ta phawt chu Nia.... 

Class room a ka luh chuan Thaliani leh Thlama an lo in rao battle nasa lutuk 

Tunge dak thei thei an ti te pawh a ang rum rum rap pawh an anglo... 

"Naupangte ka nih atanga rap fan ruk kawl... Rap fan ruh kawl" Thaliani chu ding chung hian a kut engtin emaw ati pir kual vel a rap fan engtik lai khan nge alo tih ka hre miah lo. Kan thutna lam pana ka kal chuan Sepa an min lo danga 

"Nang min cho ve em.. " tih pahin a mit hmul alo San ak ak a "I chhe lutuk" ka lo ti hlak Vasty te an lo nui hak hak a 

"Huh.. Min cho lo nih kha... " in ti thei hmel fe a tih pahin Thlama te lam ah chuan a phei a kan thut hmun atangin an rap battle chu kan lo thlir thap. 

Thlama chu a zuang deuh euh euh zel sia.. "A dawng nawn leh chuan a au ring zual ang" a ti maiin ka hria chutia lo rap zawh chuan Sep an a hmui zawnah a a kut dahin tawtawrawt ang deuh hian alo au a "khai aaa" alo tia Thlama bawkin

"Chhim lam chhuak chu ni lo mahse" alo ti leh vel ah "khai aaaa" pakhatin alo ti leh a "a hrethiam chin ho reaction tur chu" Thalianin alo ti ve Sepa bawkin "khai aaaa.. " alo ti leh a 'khai a' tih ringawt pawh kha thluk hrang hrang an hmang. 

An zai zawh chuan in high five vel a an pathum te lek chuan class chhung chu a ti beng chheng ham ham khawp mai. 

"Eng hla nge a " Hmunin alo tih chuan

"G'nie ni in ka hria the Pit tih lampang" ka lo ti vat a nimin tlai khan Thlam an a sawi tak kha. "Lalthaliani peih zia saw" Vasty in alo tih leh chuan kan lo nui hak hak mai a peih em alawm mipa bulah lo rap ve nghat nghat. 

Class kan tan chuan Miss Muantei alo lut a hmani cheraw kan ho leh Sport vel thlalak kha khulh theih tih alo puanga break a khluh ve ngei kan tum hlawm lang tha vak lo dawn mahila ka lan na tawh phawt chu lei ngei ngei ka tum khua rei ah ala ngaihawm dawn chauh. 

Break ah Miss Muantei thutna lamah zirlai hi chu kan in line sap sap a Duhzual an ka darah min lo kheuh zeuh zeuh avang chuan alamah ka va phei leh lawk a "engee" ka tih phei chuan "Juan an ama thlalak lan na a awm ve chuan min lo lak ve rawh ati che" alo tia ka lo aw, ve mai bawk. Rei fe kan din hnu ah kan lut ve thei hrama Miss in "Mawimawi.. Nangchu in thlalak kha a hranin ka lo pe ang che aw.. "Alo tia 

Pawi hi kan ti mai mai khawp a " miss.. Ka thianten an lan na kha min lo lak kep rawh an tia " ka tih chuan "en rawh en rawh" alo ti leh hlauh a. 

Mipa lamlang bik chu ka melh a hmeichhia leh mipa an dah hrang lem lo a mahse Senior deuh hlek ho thlalak kha an dah hranga miss Muantei lah chuan ka thlalak en ho chu alo en uluk mai mai khawp a maw, "miss... 4th Sem ho hi an awm ve lo mi" ka tih chuan a hnuai lam deuh hlek chu a en a alo lak kan rual a Juana te thian ho lo ding thap chu ka hmu nghal pang mai alang sari fal leh nalh tawh. 

"Hei hi.. Ka lo la ang" ka tih chuan awmze nei fe hian miss Chuan min en a 

Ka lo nui mai mai mahse ka zak chem chem mai ni chhungril lamah hian 

A dang ho an hnathawh lai vel an Thlalak te chu ka la leh zela ka la ta sa sa tiin a kan tawh na phawt chu lak vek ka tum pakhat cheng 10 zel a Nia a vaiin Juana lan na ka hmuh chu sawm vel 100 in ka la nghal vek a. Class room a ka phei lai te chuan ka en ning theilo ani ber ka pe miah lo ang te ka tia, a in ring lo lai te thlengin nia ka lak fai vek kan sport Closing na an thian ho lam lai hnung lam atanga camera man in a lak, mahse Juana chu sir deuh hlek a hawia chu mi te chu ka la ka pe lo tak tak dawn. 

Kan thutna ka thlen rualin Thlalak ho chu ka en tha leh a an hnathawh ni a a thlan hluam a..... Chirh te pawh a, kai camera lam an lo en veka an nui vek Juana nui chu a pâ bik riau ten ka hre tlat pek a teh thlawt ahhhh..... 

Ka phone alo ri a an zik mur mur avangin veranda ah ka chhuak "one say an pic a lo khulh tir che law" alo tih chuan "aww... Alo kala min lo hrilh a " ka lo tia "ava buaithlak.. Amah kha nia ka tirh .... " alo ti leh a angaihna ka lo hre thak lo "I khulh tawh mi thlalak ho chu" alo tih leh chuan " khulh vek tawh e.. I lan na ho chu ka la kim vek " ka lo tia 

"Awiii" alo to hluai ka lo nui tep a azak ani maithei ani "ka hmelchhe awm si" alo tih leh phei chuan ka, Juana ani lo emaw ka ti rum rum a tawng no ve ngei nia 

"Gay aaa... Lee" ka lo ti hlaka a nui hak hak ka hriat rual chuan keipawh ka lo nui ve ringawt "tak tak ah...kinah pawisa chu ka pe mai ang che..banah " alo ti leh a a ngaih loh thu in ka lo chhang nghal min hnial a keipawn ka lo hnial ve ngat ngat. 

Ka pe vek dawnlo pathum vel tak chu ka tah tha kiau dawn a bikin an Football khelh lai a Bandana a hren lai kha a chhelo zual bik. 

Cont-