ENCHANTÈ CP-7

ENCHANTÈ CP-7

BY: APHRODITE STORY

Zana inkhawm tur te kan la nih hlawm avangin hma deuh ah chaw kan ei a ka pi leh Apa Zoa U Joela pa tih loh chu inkhawm turin kan insiam vek ahla lem lo a biakin pawh ke in kan phei tham tham hlawma A vawt raih mai kawngkawi a kan phei lai chuan u Joel ka darah min pawt ding chawt a pheikhawk flat tawp ka bun a puan ka bih a min ti ding chawt bawk sia ka awn deuh hrut nghe nghe. 

"Enge" tih pahin ka lu ka ti che deuh zeuh a "Juana te lo nghak lawk ang" atia ka lo meng phawk khawp mai "an lo inkhawm ve dawn ami" ka tih chuan lu a bu nghat a an va han peih mai mai tak mahse ka nui vur vur tho dar pawh ari ve chiah tho a tan hma a kan thlen chuan a tha tho mai. 

"Call chhin teh an lo thleng har e tan dar ri tep tawh nia " Minute 30 vel chu kawng sir thuthleng an siam na ah chuan kan lo nghak tawh "an lo thleng tep ang biakin a hla chuanglo" ati talh a amah pawn a nghak ve thei tho sia ka nghah pui kher a an lo la thleng har hrep zui. 

Reilo te hnu ah Juana te chu an lo thleng a ke a kal pawn a hla tawh lo va mahse a bike ah chuan min phur phei ve hrim hrim duh aniang "lo kal rawh i hah ang" ati kher ah a thianten min chheih leh der zahthlak ti ru ve viau mah ila ka chuang tho ka lawn kai awlsam nan alo awn hniam a ka sawi hmaih palh takin Blazer suit pawl tak alo ha a smart Shoe nen ka vawikhat inkhawm dress nen ka hmuhna ania a chhelo rap a rimtui in kah te chu rim na deuh ang kha ani lem lo a a nam chêk chêk ka sawi thiam dan chuan hip vang vang in Chocolate rim deuh te a nam a heihi chu Juana rim a rimtui ka ti. 

Biakin sir Garage ah chuan Bike chu an zuk hung a Hminga, Duhzuala leh Nunpuia te 

Nunpuia ka tih hi Vai hmel deuh kha nunpui an ti deuh vek a college ah ka ti ve ta mai. 

Biakin chhung a kan luh chuan kan thu ho thei lo tih kan hre renga mahse nula ho thutna ah ka hmelhriat tumah an awm dawnlo tih kan hriat miau avangin Gallery ah kan chho a a hnung ber a kil ah kan thu ho tût mai Crusade anih vangin inkhawm an tama chuti nilo se chu Gallery pawh hi an hawn ka ring em em lo an khat deuh vek tawh ka tawngtai nghal a ka tawngtai zo ka men leh chuan ka bula thu pa chu ka be ru sar sar a "I tawngtai tawh em" tiin ka zawt lu alo thing a "tchhh... Tawngtai ve nghal rawh" ka tih chuan thu hmel fe hian a maimichhing ve nghal mai bawka a cute a ka nui ati za lek lek tep alawm. 

Alo men leh chuan ka lo nuih sang a 

Chairman in hla a thlang a Tan hla 

"Van hmun ropui" tih kha an thlang a ding chungin kan zai ka bula mipa ding chu a sang tha zerh zawrh bawka a eng ah phei chuan a hmeltha a sam hi a kawi deuh nuaiha a kir lek lek tep a hla chu a thiam ve phian leh nghal a phone keng ila chu thla ka laksak hrim hrim ang. 

Kan zai zawh chuan kan thu a hnuailam ka melh chuan mawza a bun miah lo tih ka hmu ve chiah "vawt iti lo mi tinge mawza i bun loh a " a beng zawnah chuan ka ti ru leh sar sar a "tawng suh" min ti ni awm fahran hian a kutzung chal chu a hmui zawnah a dah a 

Ka lo nuih tet tet thung. 

Inkhawm chu a nuama Speaker in thu a sawi tha khawp mai mutchhuak te pawh ka nei miah lo nidang ah hi chuan ka inkhawm ve pawn ka mut chhuak alo kal ziaha zanin chu khua a vawh vang nge Crusade anih vang zawk nuam ka ti ve khawp mai chutiang te anih loh pawn ka bula thu in a zir vang te pawh ani mahna teh thlawt ah. 

Inkhawm banah thingpui an lo sem a kan in lai chuan nu Maduhin an lo va phei tur thu min lo hrilh a u Joela la awm ve tho bawka tiin keichu ka la haw lo 

Kan Thingpui in asa tha phian a sir lam balcony phei ah kan awm a inkhawm kan thahnem ka tih tawh kha an zi deuh mur mur a Duhzuala chuan "zanin ka inkhawm chu piangthar ta in ka hria" alo tih chuan kan chheh vela mi ho chu an lo nui dar dar hlawma "tunkum ah i inkhawm vawikhatna ani lo maw" u Joel an alo tih chuan alo pha ve nasa lutuk 

"Teuh lo mai ..... Easter Sunday te, Good friday te chuan kha kar hmasa pawn ka inkhawm " inti thei fe hian alo tia ava inkhawm khat hmel tak tak hun enge maw ni ah chiah a inkhawm thin chiang mai ka tih rilruk lai takin "Refreshment awmni chiahin a inkhawm thin an tih che kha " Juan an alo ti khauh a 

Duhzuala chu a tum bar bar mai kan lo nui hak hak a "ani hrim hrim.... " ti a an lo chheih te chuan a chhang tawhlo kan la nuih tet tet tho. 

Thingpui kan in zawh chuan U Joela hi tlangval pakhat hmel fai vung hian alo ko a alan dan atang pawhin Kohhran a inhmang ani tih a hriat theih. 

Biakin chhung ah pawh chuan thla la te an la awma Speaker kha tlangval an tiin ka hria ala tha lai khawp mai thla te an lakpui hlawma Nunpui an "Mawimawi Bawiha nen khan thla lak in duh em" alo tia "maw" tiin ka chhang a thusawi kha chu ka hre tho ka 'maw' vel mai mai 

"Biakin chhungah sawn la dun ve reng reng ula " alo tih leh chuan Juana ka melh a "la ila " alo tih chuan "ka zak e ah " ka lo tia "hmm zahthlak loh saw mi pawn an lak saw... " Nunpui a chuan alo ti leh u Joel an min lo koh chuan thla kan lak tur thu in Hming an alo chhanga u Joela pawh kan lamah alo phei ve leh 

"La ula... " alo tia min lo en pah bawk 

"La rawh u la rawh u Zahthlak loh " ka rilru hria ni awm taka alo tih chuan zak deuh chung chungin kan lut a . 

A eng ut sia ka lipstick hnawih pawh a da tawh ngawt ang ka chhe tawh ngawt ang ka ring Overcoat fual ka ha hluan a 

Ka phelh chuan a vawt dawn bawk sia mahse ka phelh ta tho Juana nen chuan min din dun tira ka zak tho na in zak deuh ang chuan ka lang duh chuanglo

"Juana banah khan rawlh ve la in ding tawpa unau thla la te pawh in ang " Duhzual an alo tih chuan usher awm ve ho thleng chuan an lo nui a Juana nen pawh kan nui ve ta tawp. An sawi ang te chuan kan han la a u Joela phone in ania kan lak a Camera a nalh a ani chu kan lang tha phian bawk "min lo thawn ve nghal rawh aw" ka ti nghal "haw hunah" atia ka umm nghal vat . Kan vai chuan thla kan la ve ngei bawka midang kan hmeh tir kan lak zawh chuan kan chhuak a Garage lama kan phei lai chuan  

Pu tar ve deuh pakhat hian min lo ko ding. 

" Joel a thiante chu inti tha hle mai lo inkhawm ziah ru aw" alo tia thu pawimawh tawk a sawi dawn emaw tiin kan lo ding thapa rin ai a sawi ho daih 

"Ni e.. Kan lo inkhawm ziah ang" kan tih chuan min chibai diat diat hlawma 

Hminga a chibai laia Hminga a khawr thut chu ka nui alo za lutuk ka insum thei lo chu ka lo nui chhuak palh a 

Min lo en nghal thap engmah an sawi chuang lo thung Hminga hi chu a zakzum ve thlawt alawm engtin nge a thiante nen hian an Inkawm theih zawk le ka ti hial ani a thiante lah an ni phawrh phawrh sia Juana pawh chuti tho insual a hrat chu ka ti lo va mahse a tel ve thei zel ruih theih thil ah pawh 

An in thu rual hlawm lutuk. 

Ka pi te in ah an lo lut kawi hlawma thingpui in turin an lo ti leh a kan in tawha tih kha an hreh ve deuh nge an sawi buai lem lo a ruk tak chuan an zun a chhuak ru hlawm tawh viau ang chu 

No khat theuh an inzo leh vek a u Joela room ah an awmkhawm nghal vek bawk an leng ngun a ka pi te nen pawh an in pawh vek haw an tum chuan keichu ka inthlak zo diam tawh pawn thlenga thlah vel kha ka zah avangin Juana nen pawh tuma hmuh loh in kan in bye bye zeuh a u Joela thiante an ni miau a kei a lo thlah na chhan tur kha awm lo ve hrim hrim bawk. 

An haw hnu chuan Mami room ah ka lut nghal a ani chu ala inthlak ve lo thla ala leh phawt dawn aniang "u Joela thianpa nen khan in ni tiraw" alo tih chuan 

"Awih awm loh" ka lo tia "hmm.. U Mawimawi i zep peih e.. An lo leng ngun a ka hre vek zel aw" nui chung hian atia "Tu ber kha nge nih" ka lo tih chuan "Coat suit pawl ha kha" alo tia alo hre tak tak anih dawn hi a "a chhelo em" ka tih chuan alo bu nghat nghat a "ka thiante pawn an star alawm.... A u te thian ho hi an luck rap " alo tih chuan ka lo nui ro hak an â hlawm hlawm nen hian 

"Awi.. Tu ten nge lo star a " nui hak hak a ka tih chuan "an tam mai... Kha Vai ang deuh kha hrem ka thiannu u ex anih kha" te ala ti ta deuh deuh a "bethlehem ami hi maw" ka tih chuan lu alo bu nghat

"Ehe... Teh daih chuan " ka ti hluaia mak ka ti ve hrim hrim bawk Bethlehem lamah daih daih ex lo neih ava hman thlak mai mai tak. 

"Mahse hei.. Ni rei pawh an ni lo hei maw.... A hma u Joela Birthday heta an lawm khan ania u Zawni kha a u thiannu ve tho ani sia a birthday ni khan alo kal ve a tah khan u Nunpuia khan a bem a an ni nghal daih" atia a nui uarh uarh a keipawh ka lo nui hak hak an vawikhat inhmuh na ah an in bem nghal ania awi leh mi ho lo mak zia hi ahhh... 

"Nih.... Juana hi enge.. Alo len in a lerh hmel em " ti a ka zawh chuan khum ah alo lawn kai nghal a "aih.. U Juana kha chu a hmeltha sia a chhelo bawksia....ka thiante lo pawh kan veng a amah hria te pawh ka hre hnem mai star tu ngah lutukkk.. Mahse a lerh vak lo aniang ka thiannu u pawn a u number min dil a ka pek hma in enge min dil chhan ka zawt hmasa phawta u Juana number dil alo tuma mahse in ni tih kha ka hre ve kiau sia ka lo pe duh lo a " ati leh melh melh a 

Kan Juana hi chu a luck tih ka hria lawm a ruk hian alo lerh zek maithei ni. 

"Se... U Mawimawi nangchu i vannei e.... A chhelo si in in hmeh ve thlawt" atih chuan naupang thu sawi mah ni se ka lo lai ve lutuk. 

"Engtin nge kan ni tih i hriat a " ka tih chuan rang fahran hian "a u room ah eng eng emaw an sawi thin a ka hre thin lawm... " alo tia a awm ve tho mai an leng ngun ve hle tih chu ka hria a hriat pawh awm tho "I pa te hian an hrelo maw" ka lo ti leh nghal a an hriat chuan a pawi dawn ka pa te an hrilh dawn ngei ngei a chi loh thaks. 

"Hrelo.... Keipawh kawngkar bula ka ngaihthlak vang mai mai lawm... " atia a nui zui uarh uarh tleirawl tan tirh lerh hun lai vel ang kha ania... A thusawi chu ka awih hmin thak bawk. 

Dar 11 rik dawn ah Juan an min lo bia a 

"I mu tawh em" tih te mai hi rang deuhin ka reply nghal a "mu tawh.. Nangzawk" ka tih chuan "mu tep.... " Alo tia "enge itiha " ti a ka va thawn leh chuan "computer ah thlalak ho hi ka dah lawk dawna.. Lo mu rawh duh leh ka rei lo ang " tiin min lo reply nghal thuai a 

"Eng thlalak maw" ti a ka va thawn leh chuan a online tawhlo a dah lut mek aniang. 

Ka out a midang ho status vel ka en lai chuan Duhzuala Status chuan ka mit ala nghal ka han en chiah chu Juana nen a thla kan lak dun kha inkhawm bana kan lak dun na kha ania caption ah 

"Tiam tlat e kan ti ta e" tiin a hmanga nupa lem emoji a dah tel kher a kan hmel zawng zawng a lang vek a ka zak a 

"Hey.. Lalduhzual delete nghallll rawhhhhhh" ka va ti tuarh mahse ka nui vur vur tho sia ka en nawn sek vawi sawm vel chu ka en nawn hman ang 

"Ka delete chhan tur pakhat tal lo sawi teh please" alo tih chuan ka chhang peih tawh lo e ah inhnial a hrat si ka seen ringawt a ala delete duh chuang miah lo. 

"Thlalak ho kha min lo thawn" tiin u Joela bulah ka va sawia file nen min lo thawn nghal thlap "lawm e... I hmeltha leh sawt" ti a ka reply chuan "naute zawk in min neih khalh hmak hmak mai a 🥵" ti hian min lo reply a sticker cute deuh inti thei deuh lai ka va thawn let min reply tawh lo chiang rapthlak. 

Duhzuala status kha ka thiante pawn an lo hmun ve ngei ni tur ani thian ho group leh an status zawng zawngah kan ding dun lai a khat vek ka zak tawh zawk em em ana LalThaliani status phei chu Juana nen college kan haw dun lai hnunglam atang video a min lak ruk sak hi ania Juan an ka bag min ah saka kan kal dun lai music an dah tel kher sia kha eng hla nge khah "thinglung hliam" tih kha a tir lai kha ania an lo edit ani hrim hrim ka lung te pawh ati leng dawn rum rum alawm caption ah "Hlim reng teh u" tih hi a hmanga ka reply lo thei lo "awi.. Min lo thawn ve teh" ka va tia min lo thawn nghal chumi kan video chu Meloi leh Vasty te pawn an hmanga caption hrang hrang "happy anniversary" tih te "nupa hlim tak lo ni zel ru aw 3 months🤰🏻" tih te rai puar lem te an dah tel a ka rai tak tak emaw ka ti hman tep ani. 

Juana pawn minlo be leh tawh a azo tawh ni ngei ang "ila mu lo em" alo tia 

"Ka lo nghak che " ka tih chuan "ngaihnaaa..." alo ti hluai a "kya" tia ka chhang chuan "status ah kan khat vek😆" alo tia ka lo nui hak mai "chu chu lawm an hmang sup sup a " tiin ka reply a 

"Mahse pawi mi" alo tih chuan "pawi chuang nang a pawi ami" ka ti let a a typing mek kan inbe reng a kan in hne chuang lo kan seen thla char char a dar 12 kan thleng leh tawh "lawk aw" alo tia 

Rei lo te ah alo call Mami a mu tawh tho a tiin inchung zawlah ka han chhuak chho a u Joela room kal pelh angaia ani chu Games alo la khel ngar ngar mai 

A room kawngkhar a khar chip lo va ka hmu thei "enge" ka lak rual chuan ka ti nghal tawng a "hmmm... Ka lo call che" atia min lo call tih te chu ka hre reng a 

"Enge min lo call mut dawn dawn ah " ka ti nang nang kan in mangtha tawh reng sia "lawk aw" kha ati tha leh a min lo call duh vang lek "ka ngai che ni mai a " atih chuan ka lo nui hak a "kan in hmuh zawh chiah kha" ka tih chuan rang lutuk mai hian "dar kar 4 vel a ral leh tawh aw" alo tia a aw chu lungawi lo deuh tlatin ka hria "inchung zawlah ka chho a " ka lo tih chuan "naaa.... I rim ka hria" alo ti pek anih chu hepa hian min tih laih a tum chiang lutuk "lalhruaitluang daw viau suh aw" ka lo ti kha kha a "pawnah ka awm ve tho a... Thli lo thaw vel hian I rim alo keng tel" atih chuan ka awm hmun ah ka lo lai tawh lutuk. 

Sawi leh mai tur ka hrelo chuan "min lo ko palh lek lek thin em ni" ka tia a nui ri ka hria keipawh ka lo nui ve tho "umm....engtik ah nge i haw dawn" ti a min zawh chuan naktuk a ka haw phei tur thu ka sawi a "ka lo hruai ang che zingah" atih chuan ka lo pha nghal a chi loh lutuk ringawt "u Joel an min thlah dawn ka nu ten min hmu nga sin chi loh" ka tih chuan "hmmm" alo ti hmuk a 

"College ah kan inhmu dawn tho a " ka tih pawh chuan a riat nawi vel mai mai tawh sawi tur kan hre vak tawh lo bawk nen a lo tlai tawh tho bawk sia call chu kan ti tawp ve thei hram a inhnuai step ka chhuk thlak rual chuan u Joela lo chho chiah nen kan in tawka tray ah hian chaw thing leh eng eng emaw chips vel alo keng chho luk mai "awi...... " ka ti deuh hluai a ei loh hmel tawkin min lo melh thung "mu tawh rawh " alo tia 

"Mu Turin ka chhuk mek" ka lo ti nghal 

Tikhan zan lai ah eitur a keng chho ve ziah zingah Mami a ang leh nga 

"Pi... U mama an ka chips a ei daih ania" ati leh dawn ka va han hre hneh tawk takkk

Zing a ka tho chu Mami phun hlak hlak ka he hmasa ber a ka tih reng kha 

"Zan lai ah ka thil lei sa ho a ei zo vek zel... Zingah ei tur ka nei ngailo" choka a ka phei chuan alo ti nang nang a "va lei leh mai rawh...... I u te chu zan lai riltam a nei ziah tih te chu kan hriat chian em kha... Kha va lei rawh" api nen an lo in thlem leh mek tum barin nu maduhin 50 a pek chuan insawh tau nghawng nghawngin dawrh ava kal a hmai phih pahin ka lo nuih tet tet a nu Maduhin ring leng lawng a u Joela a auh chuan pawr tawk hian "ka tho tawhhhh" alo tia 

Zing karah min thlah a, ngai miau a mut ava han kham dawn lo tak a mengrei hmel bawk sia a chawh ani mai. 

Kan in ka thlen chuan an lo tho leh vek tawha class kal tur ka ni bawk nen u Joela pawh rei awm lo in a haw leh nghal ka nu ranwgbawl ka pui zuai a alu ka kang ani mah bawk u Jenny ala tho lova an kai tho duh leh tawh lo aniang tunah hian zing dar 8 vel ari chiah chiah 

"Crusade chu nuam em" ka nu in min zawh chuan "nuam e... An rau hlawm tawp" ka lo ti nghal a "ipi in alo sawai.. K phei fuh khawp alawm" atih leh chuan ka lo nia vel mai mai a khat tawk hian ka riak phei deuh renga ka riah phei chhun a crusade lo awm chu a tihzia ka inkhawm khat ve deuh hlek a mahse Pathian ka ringlo ani chuanglo ka inkhawm ziah tho kalkim lawm man te pawh ka la, ziah, sunday school ah kha, chuan puitling a ka inkhawm hnu hian ka inkhawm vak ngai lo tih mai te hi. 

Ka thiante thil ka hrilh chak tawh college thlen vat vat a nizan vel a kan awmdan te ka hrilh chak sawi tur em em chu awm lo mahse Juana chungchang sawi hi nuam ka ti ka chung change sawi hi nuam ati ve ngem le ka hrelo mahse... Kan pahnih a thil tih sawi hi nuam ka tia a chhe lam ka hre ve fo a thla hmasa pawh khan class a tlanbo thu min hrilh a ka hau "ka tlanbo tawh lo ang promise" atia tun thleng chuan ka la hre leh lo phawt a enge maw kan an zel dawn ni. 

College ka thlen chuan kan class lam panin ka kal chho nghal a Office bul Notice board ah chuan thil an sup sup a en ve tur ka phei chu Nonoi nen kan in tawk chat a nidang ang bawkin min nuih leh sang tawh keipawn ka nuih let ve a "mawimawi i lang tha hlawm lutuk " alo tih chuan a en na lam chu ka en a Notice board ah chuan A hma a cheraw kan kân lai thlalak te leh Sport lai vel ami te ho an lo tar chu niin ka lang tha reuh phian leh nghal a "nangpawh i lan that em saw" tiin ka chhang a "I lang tha fe " tiin a nui a ka kal sawn leh thuai class ka luh chuan Meloi alo thu vang tawha a tum bûr bawk amah hi thau ve lampang chi kha ani bawk sia a tum lian lutuk chu ka nui aza lek lek "enga ti nge" ka va ti phei a min chhang miah lo ka bag ka dah fel hnu ah ka en leh a "apa in nakum ah chuan serchhip ah min kal tir daih a tum" alo tia a sawi awmzia ka hre nghal mai Meloi hi apa nen hian an awm a anu a thi tawha Serchhip ah api te an awma tah chuan college zawm tir an tum anih hmel. 

"Naa... Tinge " ka tih chuan dawhkan a bawh deuh pawp a a chal a tauh hman a niang then chat chat in alo tho chhuak leh nghal "ana em" nui za aw lek lek a ka tih chuan a nui aza deuh bawk si nui duh chiah si lo in "na e.. " atia ka lo nui chhuak ta hak ani pawh a nui tho a chal kha a tauh ri kawrh alawm. 

"Enge i pa pawh chu... Ti mak e hetah kal zo law law mai la " ka ti nang nang a "nia.. Ka sawia mahse api ten Meloi chu he lamah kal chhun zawm mai rawh se in pafa chauh chuan Ngaihtuah in na an lo tia Ngaihtuah kan ngaih em em pawh ka hrelo" a sawi zawng pawh chuan a lung ngai lawk tih ka hmu thei ka va khawngaih reuh tak "mahse nia In pafa chauha awm chu Ngaihtuah in na ve tho dawn nih chu.. Mahse awi.. Zo law law la ka ti e" ka lo ti ve leh a Meloi awm loh a, hrait dawn em mai ka lung a leng lawk kei pawh. 

Kan thian dangte an lo thleng sap sap a an status delete tawh Turin ka lo tur ve chhen bawk tumah chuan an han delete duh lo zui "Lalrinmawii bialpa neih zia hi" Moses an alo ti ve khauha LalSepa te ho pawh an lo hawi nghal ei loh hmel tawka sepan min melh chu ka hmu reng

"Hmmmmm" ka ti ringawt a engmah an sawi chhunzawm lo class kan tan chuan 

Sir Ema alo lut a thu eng eng emaw a sawi teuh tih chu ka hria a mahse ka rilru ah lehkha zir a lang miah lo tlar lai hawl a thu kan ni bawka kan hma a thu ten min hliah tho tiin last Period chawhnu lamah chuan Acid kan liak a 

Mizo ani tho bawka kan Professor hi a mit a fiah vak lo bawk nen a period a piang hi chuan enge maw tal kan ti ru ziah. 

Kan ban chuan Juana Gate bulah ka lo nghak leh rân tawha alo lan har em avanga chuan ka call a ala pickup lo zui vawiin ni lengin ka hmu miah lo a u Joela kha chu ka hmu ngei a Canteen ah Juana ka hmu miah lo thung 

Ka hawi kual ruai a Nunpuia ka hmuh chuan ka ko vat a alo phei ve mai "Juana a haw lawm i nghak ami" alo ti nghala

"Ani maw.. Tinge a haw a " ka lo ti thuai a haw tih pawh min hrilh miah lo "a dam lo a.. Chawhma pawn a mu char char Miss te bulah kan sawi saka a haw " alo tih leh chuan ka bu nghat nghat a ka awm a nuam lo ve ringawt Nunpuia chu a kal leh nghal mai a ka thiante ho lo chhuk bulah chuan ka tlan phei a ka, sawi leh hnu ah kan haw rual. 

Ka inbual zo phone ka en chuan Juan an min lo la be miah lo a nichin ah khan 

Thil awmzia ka va, zawta a last seen chu 

Zing a kan inbiak hnuhnung ber

 "College ah kan in hmu dawn nia" kan ti kha ania dar 9 vel daih tawh kha ania ala online leh lo hrim hrim ana viau aniang a. Ka ngaihtha vak lo chuan "I dam tawh em.... " tiin ka va thawn leh ka phone chu room ah ka dah tawp a a inhnuai ah ka chhuk thlak san. 

Chaw ei kham pawh chuan Juana chu ala online miah lo ka lung ni vak tawhlo lek lek tawh, zawk a dam loh pawn "ka dam lo a " lo tih mai kha a harsat loh tehreng nen phone a khawih peih ngang loh pawn keite chu min lo hrilh ve tal se a dam loh thu chu min hrilh ve tur ani lo ami? Ka thin a rim dawn dawn alawm ahh... 

Dar 9 velah Juana chuan "ka harh ve chiah" tih hi alo thawn a ka hmu renga ka online reng mahse ka reply duh lo ka awih tawh hlawl lo ka thin a rim tawh 

Ka online reng a ka reply loh avang nge "hhmmmm" tih alo thawn leh a ka seen a ka reply duh miah lo ka out leh nghal

"Hmhmmm.... Tha lawmmmm" alo tia ka seen leh nghal mahse ka reply duh thak lo ka lungawi vak tawh lo tun ang chen chen a mu dawn lo hrim hrim "enge" alo ti leh tawpa ka reply duh miau loh avangin alo call ta nge nge ka la lo ang ka ti zet a mahse alo mutthilh tak tak takin ka tia ka la ve hram. 

"Enge min reply miah lo a " alo tia a aw pawh a zangkhai lutuk a dam lo miah lo aniang ka chhang lova ka thaw ri chiah a hria ang chu "Mawimawi" alo tih chuan 

"Enge i dam lo tih min hrilh ve miah lo a" ka lo ti a ka aw ah pawh chuan ka lung awi vak lo tih a lang ang "ka hrilh che emaw ka tia" thu tak zeta alo tih chuan ka lo nui ro hak aza lo hle thung "class banah ka nghak ve char char che a... Nunpuia kha zawtlo phei ila chu thim thleng ka awm dawn anih kha" ka lo ti leh hlak hlak ka room bathlar ah ka chhuak pah bawk, "ka sawi chu.. Ka hrilh che maw ka ti tak tak" ka thin in a tuar ngang lo "keimah emaw tiin hmeichhe dang bulah i sawi anih dawn chu" ka ti ta hmak a "nahhh" alo ti hluk "nge nah.... " ka lo tih chuan "tumah hmeichhe dang ka be lo" alo tia ka awih lo hrim hrim min hrilh emaw atia keimah lo midang bul hmeichhe dang bulah tak chuan a sawi ani hrim hrim "dawt sawi kher a ngailo... Ang nangmah emaw ka tia ka lo hrilh palh ti mai rawh " ka tia ka thinrim dan hi ka feel thei hial in ka hria a thaw halh chu ka hre reng "tak tak dawt sawina chhan tur ka neilo bialnu ka nei renga hmeichhe dang biak ka peih lo ...i duh chuan awih la i awih loh leh i thu thu i hah thlawn ani mai ka dah" atia call ati tawp hmak anih chu awi leh ka thinrim a call a dah hmak te chu ka lo Ngaihtuah ve em em a Ngaihtuah a phu nek lo e ah... 

Pawnah chuan ka la ding reng a phone pawh chu ka khawih chuanglo ka room a chair chu la chhuakin ka ukulele te ka keng chhuaka ka thinrim a tih reh ka tum ka thinrim hi chuan ka in Ngaihtuah ve ngut ngut peih lo ukulele ka perh a , a tirah phur lo deuhin perh mah ila a tawpah ka tui phian zel tunah pawh chutiang chuan tih ka tum mek. 

Pawnah chuan ka thu ta ran a Lalhruaitluanga phone dah hmak kha ka la thinrim et et ka hui leh pap hnu ah zai ka tum a mahse ka zai thei der lo ka rilru ah....ka Ngaihtuah chhuak zel ka thinrim thar a "ka ning" ka ti chhuak hluk a ka âwm ka dawn vang vang in bengdaih ka tum boruak chu ka hip lut kawk a ka mood ti chhe zual turin ka hnar ah thosi ang deuh alo thlawk fua zui ka thaw chhuak vak vak a mahse engmah phei chu a lut lo . 

Rei ngial ka ngawih melh melh hnu ah 

Sap hla pakhat ka rilru ah alo lang a 

Van lam hawiin ka dak phawt a arsi an lo lang uarh a tlang leh lama thla liam tep tawh chu ka en vang vang bawk ka rilru ah "Fly me to the moon" tih hi alo langa ka thiam vak lo a mahse ka zai ta tho 

Ka sawi ang bawkin hla chi hrang hrang ka sa leh teuh tawh mizo hla te zai hi chu nuam ka ti mahse ka zaithiam lem lo mizo hla hi feel a awl ka tia mahse ka ngaithla em em lo thung Taylor Swift hla 

"Tear drops on my Guitar" kha a tawp nan tiin ka sa leh mai mai a ka phone alo rik chuan ka phun hluk rin loh deuhin Juana lo ni ka la peih lo nichin khan a dah hmaka ka la ngei ka ring kuit tir thaka mahse alo call leh ka la la duh chuanglo vawi 4 lai alo call tawh hnu ah alo call leh chuan ka la ang ka tia alo call reng bawk "Tihpalh" alo ti supa ka rin loh lutuk alo sawi avang chuan sawi mai tur ka hrelo thil dang vel a biak loh thu alo sawi ka ring leh zawk a "engah chuan" ka lo ti hmak a "aw... Ka damlo tih ka hrilh lo che a keimah vangin i ke te a kham dawn sia i ding rei awmsia" a thu sawi tawp lam chu a nui aza tlatin ka hria "enge i nuih a " ka lo tih chuan "ka nui lo hrim hrim" atia a tawng ring rapthlak ka phone pawh ka beng atanga hla deuh ah ka lek phah ka la ngawi kar a sawi tur ka hrelo mahse nichin a ka thinrim na leh ka ngeina kha chu a reh leh vek tawh nia mak tak tak. 

"Nih.. Ilo chhuak zuai dawn mi.. Ka hmu chak che a " atih chuan ka thin phu a rang leh nghal ringawt "tunah maw.. " ka aw chu a lawi rât mai "umm... Tunah... I chhuak thei ngem" a aw chuan ka chhungril a fan leh tawh... A nalh ve thlawt alawm "ka hrelo anu te an la meng ang ka ring" ka lo tia "in in bulah ka awma" alo ti hem anih chu ka tho chhuak hluai a Gate lam ka zuk thlir 

"Khawi ah maw" ka tia ka tawng ring ngam tawhlo "kha thingkung bulah khan" alo tia kan inhmuh rukna thin kha... "Awi.... Engtik atangin nge i awm tawh i awmna rei tawh em.. I dam lo maw ka tia" ka ti deuh nuaih alo nui a 

"Ka dam tawh... Ka hmuh che chuan ka dam leh zual dawnn.. " a nui lek lek a over lutuk hian ahhh.... 

"Lawk aw.. An mu tawh nge tawh lo ka zuk en lawks" ka tia room ah ka lut phei a in hnuai lam chu ka zuk bih dak dak an la meng vek ka room ah ka lut leh nghala "an la meng vek alawm" ka tih chuan "mut tir rawh" alo ti hluk a thinrim ta emaw tih mai tur alawm le 

"Ka mut tir thei ringawt ami.. Mawh" ka tia ka thu tak lutuk tawh bik lo 

"Ummm.... Pawilo tian ka riak mai ang" atih chuan ka nui hak a "riak mai rawh... Tah khan ramhuai an awm ania thingkung kha a hrang a nia" sawi thaih ka tum ve nasa lawm a hlau chuang dawnlo tih chu ka hre tho "ka hlau lo ve emm... Man ka nih hi" atih chuan ka lo nui leh var var tih ka hre chiah ka chip leh nghal hmak a "ka balcony atang hian ka lo uai thla mai dawn mi" uang zet hian ka tia "eee.... .. Ava tih hi lo uai thla la" alo ti nih chu "ka fiamthu nih kha ka ngam teuhhhh lo" ka sawi uar khawp mai "hmm... A hniam em kha lo uai thla la " a aw ah chuan min tlawn tih ka hria 

Uai thlak tak tak ka tum lo na in ka rilru ah puan leh a sang nge sang lo tiin lei lam chu ka zuk en tho.. Puan chu parda a tam mai duh chuan mahse ka uai thla teuh lo mai ahhh... 

"Mawh... Mawimawi... Ka dam loh hi aw" a aw chu a pangchang ve deuh emaw ni ka rilru ah thil thalo hlir alang tawh ka uai thla dawn lo chu chu ni tawpppp... 

CONT-