ENCHANTÈ CP-13

ENCHANTÈ CP-13

BY: APHRODITE STORY

Class ban vel ah in ah ka haw tlang nghal a, ka lu ana deuh ut ut bawk nen inbual pawh inbual hmasa lo in ka mu tawpa. 

Ka harh leh meuh Chuan khua alo tlai ruih tawh.Ka lu a nat ang reng em avang Chuan la tho chhuak mai lo in  ka chhing leh vang vang phawt a ka hmai tuai thuakin ka thu chhuak a , ka lu nat dan chu na tak ani  tum dang a anat dan nen a in anglo. Ka thinphu ri chu ka lu chhunga awm ang maiin a phu dup dup a, ka mit ati na bawk damdawi kawl engmah ka neih loh avangin  in hnuai ah damdawi ei turin ka chhuk thla a. 

Ka nu eirawngna bulah Chuan ka lu nat thu ka hrilh nghal a "Damdawi bawmah khan Diclogin  kha ei rawh mum khat" atia asawi ang Chuan fridge a tui chu la chhukain ka dawlh a, ala chhawk mai dawn loh avangin thu thlengah ka va mu leh te te. 

Ana em a inbual pawh ka inbual lui thei ngang lo duh leh chaw ei khamah ka inbual tawh nga nimai. 

Chaw ei laiin ka pa in phai lama awm ho 

Mizoram ah an lo haw tur vel thu a sawia chanchin thar ah an lo puang ta chiah reng a "Mizoram ah pawh a darh huk dawn" ka pa in inti hre zet hian ati fân deuh raih a ka nu pawn alo thlawp khawp mai. "A den e... Ka ti keichu Kha Pastor pa te kha.. ICU ah la awm char char an ti.. Athi tep te an ti leh nghal a "

U Jenny in alo tia a tawng danah ringawt pawh a hlauh tak tak zia ka hrethei. 

"Tu Pastor maw" ka lo tih chuan "aww... Missionary zawk nge kha... Lo kai lut hmasa ber kha" atih Chuan lu ka lo bu nghat nghat, ka lo ngaihven vak lo a mahse a hlauhawm thaw khat tih chu hriat kan bazar vel lai ten a darh huk mai ngah. 

Ka phone ka bulah a awm si lo a thleng ka sil zawh vel ah inchungah ka chho nghal a khum ah ka bawh zui al al chaw ei kham chiah mah ila khum hian min hip bet. 

WhatsApp status ka en diat diat a ka thiante ho chhungte phai rama awm ho chu an Quarantine dawn anih hmel  status zawng zawngah a khat vek, tlem Chuan ka hlauthawng ve deuh tawh a hma ai ngawt Chuan. 

Thaliani Chuan kan thian ho Group ah 

a u lo Haw Thu alo sawi a kan lo ngaihven nghal thuai "Quarantine na ah khan awm ve a hlau deuh a.... A thiante ho an chhungten a rukin an in ah an hruai vek sia alo tia.... Alo tam pur a ka khawngaih reuh ania aw" tih vel alo sawi a,  u Msi ania keini ai u daih Mumbai ah Nurse in a awm a kan in pawh ve viau bawk. 

"Awi.... Enge a thiante chu an Haw thei bik alaw" tiin ka reply ve nghal a "aniang... An in test a mahse ala chhuak lo Symptom ve deuh ang kha kha... Lu hai tih vel awi  a lo sawi teuh a ka hre tawh lo ka nei ve lo hrim hrim min lo hruai ve ru alo tia"  tiin Thaliani Chuan u Msi chungchang chu alo sawi a, a hreawm duh dawn lutuk chu ka lo khawngaih ve thlawt. 

"Hruai ve daih ula" Hmuni pawn alo tia 

Kan lo "Nia" sup sup  "a theih loh lawm.... Sawrkar thu chhuak ani sia.... " pakhat I Chuan alo ti ve leh a...... He hri hi a den  dawn riau mai ka kai ve ang tih ka hlau e ah... 

Dar 8 velah lehkha ka zir ve a ka phone vibrate nghawr dar dar in min tu harh zawk a ka lo muthlu tih ka hre chiah meng fiah em em lo chuan phone chu ka la a "hello" ka ti tham deuh  chhal a 

"Mawimawi...." Ti a mipa aw chuan min ti harh kawk ni berin ka hria phone chu ka en tha leh ngat a "na na na " tih alo in ziak kulh LalJuana maw enge min lo call ringawt le. 

Ka phone chu ka beng zawngah ka dah leh a "awih..." Ka ti leh tawp a "in kawm thlangah ka awm lo dak teh". A lo ti thum dut dut a Dar 9 leh chanve ri dawn tawha enge maw lo tih tum le...... 

" Enge.... " zawi ang reng tak chuan ka ti leh a "ka nghak che.... " tih leh phone dah a ruala enge maw hriat le hepa hi bialnu a nei ve reng sia......... Veranda lamah chuan ka, va chhuak phei ta, tho a kan kawmthlang ah atih avangin huan lamah a awm ka ring hmiah. 

Kan huan hi ka room atangin a hmuh theih a Juana nen a kan awm dun thin ziahna atang khan alo kal tlang theih bawk mahse... A awih ve deuh a chuta tang chuan alo kal chu ani phawt anga ava han  peih mai mai tak. 

Ka zuk dak de de a..... a thim ang reng bawk sia engmah ka hmu theilo Phone light in ka chhun ve tak na a, ka hmuh theih chin a tlem te chauh. Mahse kan huan thing fanghma kung bulah Chuan mihring ruang am ang deuh chu ka zuk hmu a Vanlal Juana bak ani lo hrim hrim ang chu. 

Ka call kher a, phone chu alo eng va va bawk "nge ilo tih dawn" amah zuk en chhuk rân pah Chuan ka ti a, "ilo chhuk dawn lo mi" alo ti thum dût thung "eng vangin nge ka lo chhuk ringawt ang" ka ti kha kha  bialnu a nei ve reng alawm le...... "Lo chhuk la Mawimawi" alo tia anui deuh tlatin ka hria "ka chhungte an la meng vek... Haw rawh" ka lo ti leh fak a, inthen tawh hnu ah tumah an in hmuh awm ka hre ngailo. 

"Ilo chhuk loh chuan ka awm char char dawn" alo tia Call a dah hmak a ring vak lo hian "hey...... haw rawh " ka zuk tia alo dak chho ve in ka hria a thim ang reng sia......mahse ka hmu thei tawh tho. 

Min chhang lo a mahse message in min lo be  thung "thil te te sawi tur ka nei ka hrilh ang che nangmah chiah meow meow" atia "enge meow meow  chu awmzia " ka lo ti nghal vat. 

Zawhte ka ni emaw ati leh tawh ni hrim hrim meow meow tihna chhan tur awmlo "lo chhuk la... I hre mai ang 

Bauh bauh bauh " ati leh a hepa hian min chheih mai mai a ang ka ti.... A thu tak hlawl lo..... Ka zuk dak thla leh a, a haw dawnlo tih ka hriat avangin dawra kal tur angin ka in sawi mai ang leh zanlai a eitur lei hrim hrim ka duh a.... Ka ril a tam ve ziah. 

"Dawr ah ka va kal lawk" tih pahin rang tawkin kawngkhar ka hawng nghala min chhan hma hma in ka chhuak nghal. Tuman min lo auh zui lem loh avang Chuan thlamuang deuh huai in kawngpui ân atang a kan huan hmuh theih na ah chuan ka va phei a. 

Juana chu kan awmna kan spot ah khan alo awm leh daih tawh avan han rang em em...... A awih ve ang reng ropui sia a tlan phei ani hrim hrim. 

Ngawi rengin a din na bulah Chuan  ka phei a, a bul lawka thut pah Chuan "ebge sawi vat rawh... Dawr a kal angin ka in sawi rei hman ka ni lo niaaa" ka ti nghal bawrh bawrha. Ka tum vang reng pawh ni lo in ka chil ka hak a ka sawi tawp lam phei chu ka khuh nghe nghe ka hnung a min lo ben a tum Chuan a kut chu ka lo ben thlak sak deuh hmaka, a nui ri suk ka hriat Chuan ka melh hrak a thawk la halh in ka bulah Chuan alo thu ve a. 

"Bialnu ka nei leh tawhlo " alo tih chuan rang lutukin alam chu ka hawi nghal a "chu chu mi I sawi duh thil te te chu" ka lo tia a bialnu nen a an inthen hnu ah a bula ka let a beisei tihna mi le....ka let nguar ang..... Ka rilru a hre thei nge "lo let leh turin ka beisei lo che" atia min lo melh a.... A thu tak phian leh nghal 

"Ka rilru I hre thei ami.. " ka lo ti he haw thung a. 

A kiai suk a "thei e... Magic ka thiam alawm" a tih chuan tawng mak deuh tawng hriat loh pawh ani thei ang chu 

"Apra dam jamu kijana bajaj" tih vel a chham a, a thiam ve tak tak anih ringin ka lo en tawpa a kut pahnih in ka lu chungah a kut a nghat a, a sir ve ve ah dawmin ding leh vei ah min thlek tir a 

"Bajaj.. Bajaj" atia.... "Ehe.. Lalhruaitluang min dawi I tum tak tak ami aa.. Ka duh lo nia.. Hey" ka lo ti chul a  ....... A mah hi a sual ve ang reng sia..... A thisen te alo hralh vel anih ka ring rum rum.

Chu tah.... A nui ri ka hriat Chuan min bawl kual tih ka hria a..... Ka lu a vawn na chu ka kutin ka la thla sawka ani chu alo nui ruh ruh mai "min bawl vel mai mai suh " ka lo ti hlar a ka tho phut a... 

Kal mai ka tum chu ka banah min lo vuan leh rih a ka ding dat " tak tak ah.... ka ngai che a... Chuvangin ka lo hmu lawk che" atia sawi tur ka hrelo... Ka melh ngai chu ka melh ngat ngat a ka ngai ve tho a mahse hetia ka lo pawm leh mai anih Chuan ngai ah min neih ka rin avangin ka thei rih tawhlo tih chu thu pui ah ka nei nghet bur tawh. 

"Min ngaidam rawh.... Mahse .. " a sawi chhun zawm leh hma Chuan " ka pa in rei min ti tawh ang.. Ka phei phawt a nge.. " tiin min vawn na chu ka phelh a, 

Ka rilru ah engmah lut lo ka bing deuh mup ani mai... Mahse ka be chak rih hlawl lo.... 

Ka thiante bulah Juana lo awm dan chu ka sawi lem lo mahse Ka Dairy ah ka ziak  a, ka Dairy tih lem ah ka note ah phone note ah hian ka ziak deuh thlap zel in ni ve em chu ka hre lo a mahse keichu hetia  hun hlim awm deuh ka tawh chang te leh ka rilru nat changte hian ka ziak thin a bikin Juana chung chang  .... School ka kal  ka hmuh tirh a Juana ka hmuh dan te ka ziak vek a tun thleng hian ka la dah tha....... 

Juana nen kan la in be leh miah lo a number chu kan in save ve tak na in 

Status a nei ngai meuh lo alo kal atang khan kar 3 a ral leh tawh a, Mizoram ah COVID 19 , Corona virus an tih mai chu a darh chak tawh lutuk class pawh kan chawl ta zeuh zeuh a ka pa phei Chuan kal tawh lo tur in min tia mahse zirlai ka ngaihtuah ve ang reng bawk sia ka la kal ve zel... Pathian zarah ka la kai ve em lo a... 

U Jenny pawh in ah a tawm chawt a, a vak chhuak thei si lo a... In lam atangin a Downline tur a zawng anih hmel..... Vestige-i kha ani miau a. 

Tlai khat ka class bang chu kan thenawm te naute thla 3 Pheunomia in a boral hlauh maia zanah tlaivar ve ngei ka duh a lalsepa leh Thlama te ka sawma Hmuni te nen kan thu ho a, an note la(h) chu a hmeltha zek leh nghala u Rinpuii leh u Zawma te fanu ania hmeichhia ani leh nghal bawk nen 

Ka li khawngaih ve thlawt. 

A bikin u Rinpuii thla 9 zet a pumchhungah a pai a , a tuar nat dan tur zawng zawng hre kherlo mah ila ka lo tuar pui ve lutuk....an mahni  hi kan vengah ro ro pawh mi hlun an Nia u Zawma pa phei chu kan Veng VCP ania duat rawn tur an fa hmasa ber  ani leh nghal a, an chhungkua Chuan an tuar. 

Kan in pawh ve viau a ka nu hian u Rinpuii chu Nau angin a en ve a kum lamah in thlau viau mahse an in pawh em vang hian keini pawn kan lo nel lo thei biklo. Zanlai ah chuan thalai zai a tha hle a  , Hmuni nen erawh kan in mutthluk chhawk ani ber kan mipa te pahnih chuan thingpui an lum a, Sep an Thingpui sem tura min lo hrilh avang chuan Hmuni muthlu chu ka sawi dat dat a, "thingpui leh sawh chiar sem lawk a ngai " ka ti sa sa a meng sen rum mut chhuak tawkin alo ding a ka kai phei vat vat a, Sepa te bul kan va thlen Chuan u Joela leh Lalduhzuala ka va hmu ve chu mak ka ti lek lek. 

"Iva meng phawk ve ka chhelo iti viau ami" Duhzuala Chuan alo ti pek a mipa ho chu an lo nui dar dar "enge in lo tih ve daih" ka lo ti thung a "khaw har in ah.... Enge itih thin I tlaivar thin ani lawm ni.... Kan lam bik ring suh Mawite" Duhzuala bawk ava han chhe zet zawt tak hepa hnial hrat lutuk hi chu "ka chhang peih tawh lo che.... " ka ti hlak a "min chhang leh hram la " ka tawng ang thluk chiahin alo ti ve a, ka  tuk lawlh chak lutuk. 

"Khawi.... Sem vat vat ang u.... " Hmunin alo tia amut chhuak a reh ve tan aniang 

A tawng zangkhai em mai "in pahnih chauhin  ami.. In sem dawn" u Joel an alo tih chuan "midang hi.. An awm lo mi" ka lo ti ve nghal zat a "khawnge Jenny" u Joel an alo tih leh Chuan "ani chu in ah awm... A nuam Sam vak lo a " ka lo tia... 

"Ehe... A covid ani lo maw" Sep an alo tia a tawng ring ang reng sia kan bul deuh hleka thu ho chu an lo hawi thap mai Sepa Chuan za vak lo hian "an ti mi khah tiang khan" atia Hmunin a hnungah alo beng zawt mai. "Ana" tih pahin Sepa Chuan a hnung chu thei leh thei lo in a tuai a. 

"Covid lo ang.... A period tai na satliah mawle" ka lo ti ve a min chhang tawh lem lo. 

Nula dang 2 Duhzual an alo hruai phei a 

"Mimii leh Hlutei te an nih hi Hostel a awm an Nia kha lo sem tir ve ru" alo tia anui pah sang a Duhzuala ka hriat thin kha ani lo reng reng.... Hmeichhe bulah Chuan a zia in thup thei ve rapthlakkk

Hmuni nen tray chu kan chawi a Thingpui kan lo sem inchhunga luh chu ka zak deuh hlek a mi an tam ang reng sia.... Kuang bul a kan va kal Chuan Note nu Chuan alo kuah char char a ka van han khawngaih tak ka en rei duh lo ka mittui a hnâm tiam tiam a, ka tah belh ve ang reng a chuvang te pawh chu aniang leh kha note kha a hmeltha em a khawvel eng leh van boruak nalh lutuk te hi hi hmu ve se ka ti...... Mahse khawvel chhe tawh lutuk   hmu hman lo a Pa kiang a,  a chawl nghal erawh a thik awm rum rum ka ti. 

Kan sem zawh chuan kan thian ho Chuan kan thu leh tham hlawma u Joela bula an lo kal ve chhan ka zawh Chuan Duhzuala chhungte an nih thu min lo hrilh ve mai a, kan inbulah kan Duhzuala hian chhungte a nei tih ka lo hre ve reng reng hleinem . 

"Juana te pawh an lo thleng tep" ti a min hrilh leh Chuan ka melh vut a, mit ko alo San ak thung "enge min hrilh kher duh leh lo kal se ho ee" ka lo tia mahse a ruk tak Chuan lo kal lo se ka ti......

Ka lo muthlu zuai aniang Hmunin min sawi che dat a a mitin a melh ralh lam chu ka melh ve nghal a Juana leh Hminga Gate chhunga an lo lut chu ka hmu a "naaa" ka ti chhuak hap kan bulah an lo thu ve ngei dawn tih ka chianga u Joela ka bulah a thut miau avangin engmah ka sawi ring ngam lem lo. 

Juana chu ka hnung chiah ah a thu tih ka hre mai a pawnah kan thu a, thingpui an lumna bul ah ania.... Mi an tam vaklo kan thut na ah mahse Juana ka hnung chiaha a thu chu min mawlh tlat ka awm thiamlo amak ka ti, engtin tin emaw mak deuh deuh hian kan in hmu leh hlawl zel hi tunah te pawh hian in ngaizawng chu la ni ila kan thu dun awm sia... Nah enge maw ka ngaihtuah.... Phiangsen Chuan

Dar 3 chho velah Chuan kan mut chhuak a reh hlawm aniang zai a tui khawp mai thalai kan tam bawk a, e ka sawi hmaih  Duhzuala chu nichin lawka Hostel nula pahnih te inkarah  khan a thu a, 

Rock paper scissor te a tih pui vel.. Kan van ropui lo tlang tak em! 

Ka muthlu leh pek aniang.... Ka harh deuh Chuan mi darah hian ka lo ngheng al al a, u Joela anih ringin mut leh mai ka tum ka mit ka chhing leh dawn chiah a kut ka zung hmuh Chuan  uJoela ni miah lo zungbun ka hmuh than tawk bun hi ania ka tho phut a, Juana khabe ka tauh ri chawrh mai ari rak nghe nghe. 

"Awi... Sorry sorry tihpalh tihpalh" ka ti nghal a, min chhang lem lo Chuan a khabe chu a tuai zui vawng vawng a ka inthiam lo ang reng a ri chiang fawk fawk em alawm. 

"Engtin nge ka bulah I thut theih" a bula tawlh hnaih deuh pah Chuan ama hriat phak tawk lekin ka sawi a  " Hmunin ka dar a kham min lo chhawk atia" ka beng bulah lo kun deuh hian min lo hrilh a Hmuni chu ka hnung ah alo muthlu lawp lawp mai Thlama nen an lu in si chetin an muhil. 

"Awle" ka ti ringawt a  "va haw mai rawh.. I chau lutuk ang " atih Chuan "haw nan ala hma e" ka lo ti tha ve mai a. 

U Joela kan bul lawkah a thu a mahse ani chu Games a khel daih min ngaihsak lo hrim hrim. 

"I haw velah nih i mu dawn Nia" alo tih leh Chuan "umm" ka ti ve leh a, "fel thei " atih Chuan ka melh hrak a alo kiai suk ringawt. 

Zing khua a var  tan tawha tlaivar ho pawn tin zai kan rel hlawma ka pa te thian ho patling ho in thingpui an lum leh a kan thian ho chu kan in zui haw tham tham "sepa min zuk thlah lawk mai la" Hmunin atih Chuan Sepan peih lo tawkin "ka accident pui che nga nimai" alo tia "aw pawilo" pakhatin alo ti ve leh mai thung kan awlsam thei ang reng. 

Juana te chu kan inah an lo penga ka nu pawh tlaivar tum ania mahse ani chu Dar 12 vel khan a haw... U Jenny a mah chauhin a awm bawk sia.... 

Ka nu chu alo tho tawh a u Jenny hmel rawh hmuh tur ala awm lo thung. 

"Chaw ei ve nghal ula Mama" ka nu in u Joela a biak Chuan "ei lo ang mahse kan mut a chhuak" alo tia ka nu in "sitting room ah sawn puan phah ula va muhil rih rawh u" alo tia. An hnial ka rin hlawm hlawm nen tuman an hnial miahlo. 

An vai chuan an phei a ka nu in phah tur vel an room atangin alo la chhuak a Juana ka melh Chuan a meng sen vek a, a sen chhan hre chiang lo ila chu 

A thinrim emaw ka ti hrim hrim ang. 

In chung ah pawh chho ta lem lo Chuan an puan chu ka nu in phah pui rawh atia peih lo tawkin ka, va phah pui a Juana erawh a che peih tawhlo aniang Sofa ah Chuan a romol a hmai khuh in a mut a, a ke erawh a hlang lo thung. 

"Bawiha lo mu thla rawh" u Joel an u Juana a sawi dat dat  a "awi... Hemi te pahnih han in duat zia hi" zawi te a ka lo tih chuan Juana , a muhil emaw ka tih chuan a romol lo hlim pahin "kan induat kherlo kan in duhsak" alo ti ram nghat a 

U Joela lo nui hak mai. 

Inchung ah ka chhoh San ta daiha an muhil ta aniang thawm an nei leh tawhlo. An chau ve dawn a, chhan chu nizan  khan lui ah chakai khawrh an tum a, ruah sur nasat avangin an lo hawh leh kha ania...... Dar 3 velah status ah "lui kal kan tum a lui kan zuk thlen hma in tuifawn in min dang" Duhzual an alo tia Zan khua in lui bulah an zuk tlaivar zak kha ania tunah mitthi in ah an tlaivar leh sia..an mut a chhuak dawn lutuk

Ka muhil ka harh leh pawh chuan Dar 9 alo ri duai tawha ka inphih fai zawhah inhnuai ah ka chhuk thla nghala 

U Joela leh a thiante ho chu an lo la mutui  khawp mai inleng an awm ve neuh neuh a, mitthi in nen a inhnaih ka tih tawh kha. 

Ka pa inchhung lo lut pawh a chau ve dawn tih ka hria a, inbual na tur tui ka lo lum sak nghal a , a inbual zawh velah mitthi in lamah phei leh nghal a tum 

Zu a in ve zeuh zeuh tih loh hi chu ka pa hi chu pa tlawm ngai ngang mai hi ania... Thu tha min hrilh nasa bawk rui nawi khawp a zu a in ka hre ngai lo a enge maw chang hian a in ve leh zeuh zel. 

Dar 10 velah kan Mipa hi pawh anlo hrah tawh hlawm a , ka nu in "tikhan dah tawp ru kan lo dah fel ang.. " ati ve tak na in an in thlahrung der ve aniang chu ka ti mai an thlep tha vek a hmeichhe thleh ai mahin an la thlep mam han leh nghala. 

"Awi.. Thlan kan lai ve lo a" Hming an alo tih chuan ka nu in "kan veng tlangval ho in an lai alawm nangni te chu nizan in lo tlaivar hrim hrim pawh kha in fel thlawt" atia lu thak lo pui pui an hiat vel . 

"Chaw ei ang u aw...Hetah ei ve nghal law law mai ru" ka pa in alo ti charh charh a, ka pa ani miau a tuman an hnial lo u Joela thiante mai bakah ka thiante an ni tih a hre ve kiau a....... Ka pa ho in dawhkan an kil thap. 

Ti daih ila Juana nen kan in ngaizawng thin tih hria se engtin nge an awm ang le tih te mai mai ka lo ngaihtuah. 

U Jenny chu rizai nen inchung atangin alo chhuk thla chhat chhat a u Jenny in chutia u Joela thiante ho a hmu chu a hmel ah mak ati tih a lang reng. 

Min lo melh zak zak a, a chhan pawh ka hria Ka bialpa hlui a awm ve kur alawm le. 

"Teh hluai che u chuan... Mitthi in ah in tlaivar ve mi" alo ti phei a "aw.... An lo tlaivar ve nih hi Duhzual ipa te nen tiraw in in chhung khah" ka nu chuan alo tia Duhzuala pawn an in chhung dan chu alo sawi ve mai bawk a chaw an ei kham hnu ah ka sil a u Jenny in engmah a ti thei bawk si lo a ka ti fel vek. 

Mitthi in ah kal leh ngei ngei a ngai dawna keipawh u Joela te ho an haw velah ka inbual ve chauh a Juana nen kan in be miah lo a mahse kan in melh leh ralh thin. 

Hmuni chuan alo kal peih tawh loh thu min lo hrilh a, an awmna a hla deuh hlek bawk a ka tia ka sawm lui duh biklo chhun ah pawh chuan thingpui kan sem leh a mi an tam tawh a, Duhzuala leh Hminga ka hmu a u Joela leh Juana erawh ka hmu tawh lo thung.

In a ka haw chuan a ngai te bawkin ka lu na alo chhuak leh a tunlai hi ka lu ana ana mai a.. Ka covid ve mawnle te ka tia mahse ka kua vel a pangai vek sia rim ka hre bawk a, an sawi dan kha chuan 

Rim hriat loh te kha Covid tan tirh ho awm dan an tia ka la awm lo hlauh thung. 

Hun a kal ve leh zel a Virus kai an tam sawt em avangin Sawrkarin chawlh a puang ta rup a Mizoram chu an Lockdown .School an khar a office te pawh Khawpui chu a reh ruih maia 

Kan thian ho pawh kan in hmu khat ni 3 vel chutia chhuah an phal loh an Lock down hnu chuan tlemin a ninawm tan ka ti dawr hawn an phal bawk silo nen... Tih tur ava han vang ngawih ngawih tak. 

"Keichu ka ning e... Lui a kal te ka chak a lum si.... " kan thian ho Group ah an lo phun nak nak a , mu dar dar chungin an thusawi ho chu ka chhiar thla vel mai mai. 

"A rukin kal ang u... " Melo in alo tih chuan "ka hlau e ah.. Duty ho an strict si kan veng phei chu tlangau in pawna chhuak an hmuh chuan ring tawkin an hnawt haw thin" Thalianin alo ti a. 

"Nia..... mahse khua a lum e, inkhung hi ka hne tawh len chhuah ka chak tlangah te awi...hiking ang u" Vasty in alo tih chuan an lo aw dial dial a inkhung chawrh chawrh reng chu a ninawm ve bawk em alawm mahse hruai Tu ten chhuah an phal pawh ka ring lo ka sawi phur pui peih vel lo a khum ah chuan ka mu zangthal huang a tihtur awmlo lutuk chu ka thaw leh hak thin. 

Ka muhil tan siar siar ti ah ka phone alo ri a dar 3 leh chanve  chu a ri tawh u Joela hming alo in ziah kalh chuan ka la nghal vat a "hello" , "Mawimawi....i nu ka call tlang thei lo va...api huan ah a tlu sual thut a tunah damdawiin kan pan mek ipa te lo hrilh rawh aw..... " alo tih chuan ka thinphu a rang in ka hmulthi te chu a ding sung sungin ka hria "e... Engg engtin nge a tluk sual a, ana viau ami" ka lo ti nghal a ka tha te chu a khur ti tiha. 

U Joela chuan "huan ah behlawi lak a tuma.... I nu te chu va hrilh phawt mai teh... Ka pa leh keimah nen kan kal phei mek min lo zui ve nghal rawh se" a tawng dan atang reng reng pawhin a hlauthawng tih ka hre thei a. 

Phone pawh chu dah lo in inhnuai ah ka chhuk thla nghal a ka mittui a parawl kiam tawha api mawlh chu ni ka Ngaihtuah "nu..... Api a tlu suala tunah Joela ten damdawi  in lam an pan pui mek"  ka sawi lai te chuan ka mittui a haw zawih thei. 

"Enge.... Tinge ..Awi aww...ka duh theilo Pa a tirawh kal nghal ang enge awmzia le aw.. Ka nu chu " ka nu chawhmeh siam lai pawh chuan ati nghal hlawk hlawk a, ani pawh a hlauthawng chutiang bawkin u Jenny leh ka pa pawh. 

Ka pa chuan u Joela pa, apa Zoa a, call a thil awmzia a zawh hnu ah ka nu nen scooty in an in khalh chhuak ve nghal a. U Jenny nen in kan lo nghak mahse kan Ngaihtuah na erawh a in ang reng ka ring. 

Rilru tawng taina nen thin phu dup dup in kan awm ani ber. Covid lai ani sia Mask te kha an vuah a ngem le tih te ka Ngaihtuah a. 

Api chuan min duat bawk si a, thil thleng thut thei ka Ngaihtuah a ka tap chu ani leh nghal mai u Jenny in "engtin mah awm dawn hleinem lungngai suh Pathian engkim ti thei a awm alawm" ka bulah lo thu pahin ka hnung ah chuan alo chul hliau hliau a. 

Rilru no ngang ka ni ve bawk nen u Jenny in chutia a sawi te chuan ka tah ati zuala ka in sut hlawp hlawp ani ber. 

Call kan ngaichang reng a thil hlimawm loh kan dawn loh hram ka beisei. 

Dar kar chanve vel hnu ah ka u Phone alo ri a rang takin ala nghal a "aww.. Nu enge api chu an" ah nghal a "a stroke deuh thut ani  awm e.....drip an khai a zun thlum alo nei bawk nen tunah chuan a biak theih rih loh mahse a tha leh vat mai ang...Mawimawii khan alo Ngaihtuah lutuk ange a tha leh em em ang" ka nu aw chu ka hria mahse ka hre bik lo ka chhung ril ah hian thil thalo lo thleng tur ang mai hian ka ngai. 

Ka thin phu a dik thei lo a...ka pi neih chhun liau liau ani tawha ka tet te atanga min enkawl  Tu min ngai em em Tu leh keipawh in a ka ngaih em em ani a. Awm lo ta se ka awm thiam lo ang, ka khawngaih e tinge huan ah te chuan ilo kal leh reng reng ni i taksa in a zo tawh lo tih i hre ve reng sia....... Ka rilru chu ka kawm a , room ah ka chho a ka han tap leh rih. 

Tinge beiseina ka neih miah loh le a dam leh dawn tih rinna chhe te mah ka nei miahlo a kal ngei dawn in ka hria. Chu ka Ngaihtuahna avang chuan ka tap  a ka lukham ah ka hmai ka phum a ka mittui luang chuan ka lukham pawh ati huh vek thei. 

U Joela nu in saw lama lo phei daih turin u Jenny alo hrilh a , chaw kan ei zuai zuai a, mahse khawi ah nge ka chaw ei te kha an kal pawh ka hrelo ka thin zawnah hian min hnawh tun a, ka ti hlei thei meuhlo. 

Chaw ei kham velah Taxi la in Ka pi te in lam kan pan a ka nu te pawn haw lamah an lo kal tur thu min lo hrilh avang chuan kan lo nghak dawn anih ber chu. 

Kan va thlen chuan in leng an lo awm ve nak nak a ka pi thiannu Pi Rengi ka hmuh chuan ka mittui a parawl leh ringawt tawh. Tuna kan awmna venga kan awm hma hi chuan hetah inpui ah kan awm ve thin a ka tet lai zawng zawng a ka awmna ania, Ka pi Thiannu pi Rengi leh ka pi hi chu in kawm  chawt in len pawh tawn reng an Nia. 

Tet te atanga inkawm an ni bawk  an vanglai nun sawi nuam an ti sia.... An titi hi nileng pawhin ka ngaithla kham ngailo. 

Ka pi in "Rengi  te chuan i pu khawdang mi ani sia ka love letter tur min lo thawn hi min lak sak nal nal zel" ati thin a  ka pi Rengi la(h) in  "Zothani te chu e..... Kei hi awm lo ila i pu nen an in nei thei tawp nang" alo ti ve leh thina an nui huah huah zela. An in sawi luck dun em em zel leh nghala vawi khat ah Chhas 5 ka nei te an ti thul, ka lo nuih pui tiah tiah zel. 

An hun lai kha chuan pi Rengi hian ka pi Love letter ka pu in alo thawn hi a lak sak thin a, a chhan chu ka pi te chhung lam an strict em em a mi hlun Aizawl mihlun an lo ni bawk nen ka pu la(h) kha an hun lai a lar ve tak 'AKB' tia Band siam ve ngat kha an Nia ka pi hi ka pu Fan, amah ngaisang Tu ani thin.

Kum pawh an in thlau hle a kum 11 dawn laiin an in thlau chuvang tak reng chuan ka pi chhungte khan ngaihzawn an phal lo va mahse hei an in nei ta tho chu nih hmel. 

Dar8 vel ah ka nu te an lo haw a ka pa erawh alo haw velo a riah pui dawn anih hmel. "A lo harh tawha...mahse a chau ve deuh a tawng ring peih  mawlh lo " pa Zo an ati a puitling ho an titi lai chuan u Joel an "in chungah lo chho lawk teh " atia. 

Engmah sawi lem lovin ka zui chho ve mai bawk.

"Engtin nge a tluk le mak ka ti.... " ka ti lut a "keipawh..... Api khan a thi awrh lai kha nichin alo harh lai khan kan pahnih ta turin alo siam tir nge ka hrelo.... A pawnfen ip te atang khan alo phawrha " atia. A sawi lai mek chuan a kekawr ip te a zen rak rak a. 

Thi in ang locket awm ve ve hi alo Nia, a nalh reuh lutuk "api pek che maw" ti haw a lu lo bu nghatin "nimin tlai khan dawrah ka kal pui alawm mahse enge a lei ka hre ve lo ka lo notice vak lo a" atia. 

A room sofa ah chuan a thu hnawka. 

Ani pawh hian ka pi chu a khawngaih dawn lutuk.... An in duat bawk si kei ai mahin an induat tih theih tur ani. 

"Avan mak em em.... A hre lawk ami le" tih pahin u Joela bulah Chuan ka thu thla a, kan ngawi dun rauh rauh a, in be miah lo Chuan kan rilru ve ve kan kawm. 

U Joel an a mittui a hru zeuh ka hmuh Chuan ka tah ati chhuak leh ut ut tawh. Vawi khatmah a tap ka la hmu lo va kan tet lai tak ngial apa in a vuak pawn a tap ngailo ngeng lutuk mai kha ania. Tunah a mittui tla ka hmuh Chuan ka thinlung a khawih bik. 

Ka unau pa anih angin a hnung ah Chuan ka beng thak thaka, a hmai hupin ani chu a kun daih bawk. 

Romol chu ka lo pe a, "a thi lo ang tiraw" atih Chuan "dawn lo e...... A tha leh vek mai ang... Min thih San phal teuh lo" tiin ka lo hnem ve a,  a hnem Tu zawk ni mah ila... Ka tah chhuak ut ut ka insum hram hram thung. 

Inhnuai ah kan chhuk leh Chuan an lo ngui nghiau hlawm a zan dar 9 leh tih velah Chuan ka ni Serchhip ami ten 

Zing lam deuh ah an lo thlen tur thu min lo hrilh a, tinge chhungte ho an phone kual Chiam chiam le ka ti.... A thi dawn pawh ni hawt si lo hian. 

U Joela Chuan "tinge... Khawdang a kan chhungte in phone kual vak vak a.... A tha leh dawn.... Doctor te pawn a tha leh dawn an tih vek kha...... " atia a pawr khawp mai..... Mahse ka dem miah lo ka pi hi a hmangaih ve em ani. 

"Mama "  pa Zo an alo tih pawh Chuan "in vai khan in â vek tawh anih kha... Ka pi hi a dam leh dawn... Thi thei ala ni lo hrim hrim chhun ah lawk pawn vaimim te min kan sak... A kan ei dun a thi  dawnlo hrim hrim" atia. 

Fridge bula a bike chahbi in tar chu ava la sawk sawk a rang deuhin pawnah a chhuak leh nghal a. 

Nu Maduhin ko lawm lawm mahse hawi pawh alo hawi let eihlo reilo te hnu ah chak tawka Bike tlan chhuak ri kan hre nghala Pa Zo an "ngaihtuah suh u... A pawmthiam lo anih kha a tha leh mai ang" alo tia. Mahse ka ngaihtuah ang reng. 

Duty an awm pheuh pheuh reng dawn a an lo man  vel hlauh mai ngah. 

Zan a tlai tawh ang reng bawn nen kan chhungkua pawh haw tawh lem lovin kan riak a, ka  pa te nen chanchin kan in hrilh zeuh zeuh a, Dar 1 vel a rik pawh Chuan ka mu meng kar a muthilh theih pawh anilo. Midang pawh an nih  ve tho ka ring. 

Khum ah Chuan ka in let sek a Mami bulah ka mu a, ka nu leh u Jenny chu mikhual room awl ah an mu thung. 

Ka tui in a hal huam huam a, a, hre awm ka awm dan hi hnawh Tu ka nei a ka tawt  vek ti ila ka sawi dik ber ang. 

Ka tho chhuak hluai a sana ka en Chuan 

Dar 2 ari tep tawh u Joela thawm ka la hre miah lo va, ani hi LalJuana te in ah a kal a ngem le tih vel ka ngaihtuah a phone chu kengin in chung zawlah ka han chho a, boruak thiang kek kawk tak ka hip luh vang vang pawh Chuan min hnawh Tu awm hi a tih reh pawh ka hre chuanglo. 

Van lam hawi a ka dah chhoh veuh veuh lai Chuan kawt ah bike alo tlan lut riai riai a, u Joela ani ngei ang mahse Bike pakhat chauh nilo in pathum vel an ni. 

Tu te nge ka hre lo  a mahse.... U Joela thiante an ni tih erawh chiang  takin ka hre thung. 

CONT-

Story hi ka lo dah khat hle a, a hmasa in in mi hriat thiamna ka dil tak meuh meuh.  Duh angin ka type tha thei lo va min lo ngaidam hram hram dawn nia....