ENCHANTÈ CP-14

ENCHANTÈ CP-14

BY : APHRODITE STORY

An bike vel an hung that hnu Chuan inchhungah an lo lut ni in ka hria, tun ang zan rei tawh a lo kal duah duah chu ka ti deuh hri len lai leh nghalin mawl thei e mai u Joela chu a hahthlak lek lek ka ti. 

Ka pi ngawtin ka rilru a luah a, tawngtai tawp loh chu tih theih kan nei tlem mai bawk si a, kan tana mi hlu em em te natna khum a an han awm meuh hi Chuan rilru hi ana lo theilo ka tah chhuak leh ut ut tawh. 

Rei fe inchung zawla ka din hnu ah ka chhuk thla a u Joela room ah Chuan mipa  an tawng bul bul a, Duhzuala aw ang deuhin "tikhan vawikhat mah awm tawh suh... itih dan kha a mawi vaklo ania" atih deuh hmuk hmuk chu ka hria, eng chung chang nge an sawi chu le. 

Chhuk ta mai lo Chuan u Joela room leh Mami room in kar ah Thut khawmna tur tho an siam na ah Chuan ka thu leh rih a, an Thu sawi ka ngaihthlak duh vang ani pakhat. 

"A duh duh danin ati kual vel anih kha zawnga khan" ti vin hluk Tu chu u Joela aw ngei ani. A awm atang ringawt pawh Chuan a thinrim tih ka hre thei, eng thil nge ava chhuah zawk chhung khan a tih hman chu le. 

"Ka la khawih ve hlak ang Joela thiam loh a awm lo Zawng Chhuanawma ten min lo dang ve khanglang anih kha " 

Juana ani ka hriat sual emaw ka ti hial an ni pahnih hian eng buaina nge an siam le.  Enge maw hma hma Chuan an pahnih Chuan ka lo dem nghal hlur a, Duhzualan eng eng emaw a sawi pawh chu  chumi te pahnih Chuan an hnial tlat. Thiam an in ti ve ve nia.

Juan an thinrim tih hriat taka "lo awm rawh kan lo kal dawn...zawnga chu lee" ati leh hluka phone a hmangin ka hria, 

"World Bank road ah Nunpuia ten min khawih rawn ati nih chu " u Joela te chu a hrilh anih ka ring. 

U Joela rum nghut ri ka hriat rualin pen tawk tawk thawm ka hre nghal a, rang lutuk in room ah ka lut nghal. 

An chhuk thla aniang thawm ari tuk tuk a an pen atang ringawt pawhin an hmanhmawh zia ka hria, thil tha lam ani dawnlo tih ka hria room kawngkhar chu hawngin, in hnuai lamah Chuan ka chhuk thla ve nghala. 

Hri len lai anih mai bakah a him lo hrim hrim  tunah Dar 3 ari tep tawh a, chhuah leh na chi ani pawn ka hre tawh lo. 

Kawngkhar an khar fel chiah tih ah ka zuk hawng ve nghal zata an bike a lawn an tum lai vel mek ani. "Khawi ah nge in kal dawn" ka ti nghal a, "ehe I la meng elaw" lo ti tu chu Duhzuala  ani. 

"Mawh... Khawi ah nge in kal dawn " U Joela en pah Chuan ka ti a, "han chho rawh" alo bung nghut thung. "Sawi phawt ru.... Zan a rei tawh em hi " ka ti leh a, buaina siam an tumin ka hre tlat a 

"Mawimawi han chho rawh" Bike a thut mek pah hian Juana Chuan alo ti sup a. 

A mit meng a sen râm a, zu rim ka hre miah lo mahse ruih chu an nei a bikin u Joela leh Juan an an mit meng a sen râm a, Hminga leh Duhzuala erawh an harh fim in ka hria. 

"Ka chho dawnlo thil thalo tih in tum" ka ti deuh thawr a, Hminga lo nui huk chu ka melh râm râm mai. 

"Ti dawn lo e... Han chho rawh ka nu te an lo harh vel ange" u Joel an alo tia nichin ngawt ai kha Chuan a aw pawh ngaihthlak a nuam deuh zawk a vin khur khur tawh lo. 

"Nangpawh lo chho ve nghal rawh.... I mawl thei em mai... Chu lo ah a tlai tawh" ka ti leh hlak hlak a, chhuak tawh lo se ka ti. Ka pi tunah thih leh dam in kar ah a awma hetia a awm vel mai mai hi ka thin a rim takzet. 

"Nunpuia te  an lo khawih rawna kan va chhan dawn"  Juan an alo tih chuan "nangpawh kha enge tun ang Zan rei tawh ah.... I len a Covid lai ani tih te hi in hre ve lo mi lee.. Nangni thian ho hi" ka ti deuh duah. 

Tuman min chhang lo an ngawi dâk a, 

"U Joel I kal Chuan ka au vak ani mai... Puitling ho anlo harh dawn chiangsa ania" ka ti leh, ka au dawn tak tak miah lo ka sawi theih ve deuh a mahse le an lo nui hak hak chu ka hrethiam lo. 

"Enge nuihzathlak ka sawi a mi" ka tia 

"Lo kal ve mai rawh" U Joel an atih Chuan "a tul lo chho rawh" Juana Chuan a lo ti nghut a , "aw ka lo kal ve ang... " ka ti ve thung. Juana Chuan min melh dur khui a mahse enge a Thu lo ve em mai ahhh.... 

"Lo kal ve mai rawh se a au leh duh tak tak dawn" u Joelan alo tia Juana alo thaw hak mai. 

Kal ve ila enge an tih dawn tih tal ka hre duh ti khawpa an pawrh chhan kha ka hre duh buaina an siam loh hram ka beisei mahse..... An siam dawn tih chu ka chiang em em lawi a. 

"Lo chuang rawh" u Joel an atih Chuan 

"Ngailo ka lo phur ang che" kan Juana Chuan bung deuh tak mai hian atia, 

"Va chuang mai rawh... Ka lu hai deuh hlek a " u Joel an atih avang Chuan ka hlau ve deuh min tluk pui ang tih ka hlau a, phur em em lo Chuan Juana bike ah Chuan ka thu leh ta phawt chu ania.... 

U Joela a tlan chhuak hmasa ber a kei ni chu a hnung berah kan tlan  "enge lo kal ve kher a tul na mipa thil ah hmeichhia in rawlh a ngailo" ati nghut nghut a, 

"Enge in buaina " ka lo ti thung. 

"Hmeichhe hriat ve chi ani lo" atia a nui aza deuhin ka hria "I nui elaw" ka lo ti kha kha a "ka nui ami" alo tih chuan ka meng kual ralh. 

Helmet a khum lem lo va a nuih leh nuih loh chu ka hmu vek thei Chuan a nui chiang bawk alawm. 

"U Joela nen khan enge in ruih" ka tih chuan alo leh hawi zawka mit ko ka lo San khum ak "Dew... Kan rui lo kan zu ringawt" atih Chuan "Enge Dew chu " ka lo ti vat a "Ganza I hria em" alo tia . 

Lu ka bu nghat a min hmu thei chuang lo mahse ti hian alo tia "chu chu kan zu " atih Chuan "in mawl tep tawh anih chu" ka lo vat Ganza zu peih deuh ho chu an mawl thei lutuk... Nuih hun lo ah an nui char char a, Chuan a rei hnu phei Chuan an â thin an ti. 

"Kan zuk thin  chu atha chi alawm" alo tia ka va han awih lo ber mai tak em! 

"Ganza tha chi a awm.. Ka hre hlawl lo eeee" uar fahran hian ka ti a "ni lawm.. Helai Vawkin thlang vel ami ang hi kan zu  ve lo" atih Chuan "enge in zuk chu.. Khawi ami nge" ka tia. 

"Shillong atangin ka chaha... " atih Chuan  

Ka lo ner nang nang mai "Ganza class chi kan zu " ati leh a, a taksa a che dat a anui leh tawh. 

"A ât theih tho " ka lo ti ve a, a bike khalh ah ka chuang ngun a...... A tlan chak em em lo bawk nen hahdam deuhin ka chuang thei mahse ka sawi lai mek mekin a tlan chaka a hnung ah ka bet zui nghal rawk rawk mai. 

"I mawl ami.... " ka ti nghal tuarh a 

"Min kuah nghet rawh" alo ti thung. 

Ka mawng aza mer mer.. A tlan chak lutuk ka sam te chu an thlawk ni berin ka hria a vawt si.... 

U Joela te an tlan chak vang anih ka ring. 

ITI veng kan thleng in ka hria a bike ding ri hrawk a, a seat a sang si mawng ka ng zawk khawpin Juana ka zuk bawh. 

"I lu hai em" ngaihtuah hmel zeta min lo zawh Chuan "bike atangin ka chhuk thla chiaha " hai ve deuh... Tinge ti em em khan I tlan chak " ka lo tia ka tawng  ring lo thung. 

Min chhang lo a ka lu ah a tuai thuak ringawt ka kut ah min kai a, u Joela te din na lamah min kal phei pui a. 

"Khawi ah nge Nunpuia te chu" Duhzual an alo tih chuan u Joel an a call dawn aniang a phone a hmet mual mual a. 

"Khawi ah maw in awm in sawi na ah khan kan awm tawh " atia "kan hmu che u kan lo phei "  Nunpuia Chuan alo tia. 

Tawng miah lo in kan  ding thapa  Zan a rei tawh bawk si...... Juan an min kai tih ka  hriat Chuan ka kut chu ka la let vat a, ka melh nghal râm râm mai. Enge min lo kaih ve ringawt. 

A mit hmul min San khum duh lek chauha, bike ri ring zet zet kan hriat hnu ah Nunpuia te ni awm tak chu kan zawnah an lo ding a. Hmeichhia te pawh an tel. 

Nunpuia chu a hmui bul leh a mit ko a thi ser ser a, "an khawih na che em" Juan an alo ti nghal a "na vak lo keichu.....An  boss kha chu ana  ve ang a hnar ah ka hnek a , a kid te ho in min lo hnek rawn nghal a".

Atia na vak lo atih chu a mit bul pawh a duk chur sia eng vanga in sual nge maw an nih le...... 

"Bridge ah min nghak " Nunpuia bawk Chuan alo ti leh a , Juana chu a in her thut a, a bike awmna lamah a phei nghal nal nal a. 

Midang ho pawh an bike awmna theuh ah an phei nghal vek. 

Ka ham haih deuh Chuan chet mai na chang ka hre lo va "lo kal ta che" Juan an nui deuh a alo tih chuan ka tlan phei a 

"Tu ten maw..... Min nghak" a bike seat hnunga Chuan pah Chuan ka ti a. 

"An nghak ve lo che... Keimah ni lawm min nghah" nui hak hian atia. A darah na vak lo in ka sik. 

"Ka lo kal ve a... Min nghak ani mai alawm " ka ti kha kha a, a bike ati nung zui a. 

"Zawng ho in maw le" atih Chuan ka zuk thlek deuh a, a meng rum lutuk.... A thinrim in ka hria. 

Ka chhang tawh lo, a tlan chhuah Chuan a tlan chak leh tawh lutuk mahse Bike a khalh thiama min tluk pui emaw ka ring lo hrim hrim.... 

Nghet deuhin ka kuah sawt sawt a, ka maimi chhing daih bawk. Ka mawng a za leh mer mer tawh. 

Bridge kan va thlen phei Chuan... Car pakhat leh Bike tih vel alo awm nuala Music an play in ka hre bawk. 

Nunpuia phurh hmeichhe nu kha kan bulah alo phei a "an insual leh dawn a.. Keichu ka ning" alo ti siam siam a, hmeichhe hmeltha ve tak ania ka la hmu ngai lo, a bialnu thar ani maithei emaw ka hre bik lo e ah. 

"Tinge an insual a "  ka tih ve Chuan Juan an "tah hian lo awm char char rawh aw.. Lo phei miah suh " atia a Hoodie a hak lai chu a phelh a min pe a ka lo en heu thung. 

"Ha rawh a vawt" atia ka lo la ve mai. 

Mut kawr nen ka ni tih ka inhre chhuak chiah bawk. 

Night suit thawl deuh ka ha a, aman bul chi ania mahse kekawr chu a tlawn ani thung. 

Juana a phei hnu Chuan a hoodie min pek chu ka ha sawt sawt a, a rimtui deuh kha ala ngai reng a rimtui chek chek. 

"In ni leh tawh ami... Hruaitluanga nen khan" ka bula ding nu in alo tih chuan. 

Mak ka ti deuh a "min hre lo ang mahse ka hre teh mai che nia" atia anui pah hak hak bawk. 

" kan ni lo.. Ka lo zui ve ringawt" ka tia min awih hmel vak lohin ka hria. 

"Tinge an insual chhan chu" ka lo ti leh a, 

"Kan leng kan haw lamin kawng lai takah an car saw an daha, Joelan Horn a pek tuarh tuarh pawn an dahsawn duh miah lo va, a thin thawk thut in bike atangin a chhuk a " zawng ho in thil kha la sawn vat ru" ava ti kha kha a, Juana leh Duhzuala ten an pan ve nghal a. 

Chuan an boss ve deuh ber khan 'iva pawr ve tu fa lubawk nge inih ve a' alo tia lalnunpuia thinrim ava chhuk sawk sawk a... An boss pa chu ava hnek deuh pawp a mahse Duhzuala ten an dang a. 

Chuan an in chhang fak fak a, a hnu ah Chuan an dah sawna . 

Joela te an lo haw hnu khan kan la Thu kawia an tlawm tawh renga khatia kan tlem tak hnu khan min lo tibuaia. 

Nunpuia nen khan an in hnek ta chawrh chawrha Rodinga ten... An thelh hram alawm" atia u Joela te thiam loh na awm in ka hre ta lova mahse Nunpui an  a hnek hmasa kha chu a thiam loh ve ka ti. 

Kan hmalam a mipa ho in nam leh sawk sawk thin chu kan thlir renga, ka lo hlauthawng in sual lo hram se ka ti bawk. Thi suk ka nei leh nghal a ah.. Thisen ka hmu ngam lo hrim hrim. 

"Eee... Mawimawi..Babyi ka nia... " ka bula ding chuan alo ti leh hluai a, ka lo nui ta ringawt. 

A tawng siam siam renga eng eng emaw sawiin ka lo nui ka lo nui ve mai mahse le kan nui reilo rapthlakkk.. 

Juan an mipa khat a hnek thal tawp a, chuan a bawh zui nghal rawk rawk a Baby i nen chuan kan tlan phei ve nghal tuman thelh an tum si lo Juana  hnek pa pawh chuan a lo hnek ve leh a ka thin phu a ranga, 

Juan an thisen alo chhah that te chuan ka lo ip chawih chawih thei "hey... U Joel thelh rawh u..... " ka tia ka mittui a tling pam thei Juana insual ka vawikhat hmuhna ania...mi ten insual a hrat thu min hrilh ve fo a, mahse ataka ka han hmuh meuh chuan ka tha a khur vek thei. 

u Joela kawrah chuan ka pawt chawt chawt a , u Joelan  min hmuh chuan 

Juana chu a zuk man bet a, Juana mit a sen vek a, a thinrim mai bakah a sen vek a.. A thlan ala zawih zawih bawk. 

A thaw halh halh a, a hnek pa chu a mu a... A thianten alo kai tho a, an car lamah an hruai phei. 

Juana chu sir lamah chuan ka hual a, lei ah a thu a... A bulah chuan zuk thu  thla in "ana em " ka zuk ti a min chhang lo ka kut alo vuana, a kam sir a pilh a , a mit ko a thler in ka hria "I mit kha" ka tih chuan "ana lo " atia, a nui ve tak na in aza lo hle tih chuan tuman kan hai lo ang. 

"Mak thei e... Insual hian engmah a chinfel phah lo nia" Baby in alo ti ve nang nang a, Nunpui an "haw ang u Juana mit kha thui a ngai ang" alo tih chuan ka en chiang ngat a hnai deuh ah ka en. 

"Thui ngei ngei a ngai dawn.... Casualty ah kal pui nghal a ngai dawn nih hi" 

Duhzual an Juana mit ko lo en ve vung vung pah chuan  alo tia Juana chu  lo thodi chhuakin a kam sir chu a khawih zeuha  'a ner zui deuh sawk mai.. Ana ve ang.. Ka ring ani. 

Kan haw lam chuan a tlan chak tawh lo a, an insual chhan kha ka zawt zui duh tawh biklo........ Mahse nakin ah ka zawt tho ang, hepa pui reuh hian a hnek hmasa leh nghal a. Mawl lutuk hian ah... 

Kan leh lama awm ho tu emaw ber Chuan ring leng lawng hian "hmel ho in la hre khawp ang " alo ti vin deuh that a ka phu deuh zawk  nghe nghe he lai hmun hi ka tui hlawl lo, ka luak te a chhuak ka pum a in let but but mai. 

Duhzual an "zawng ho saw.... An la pawr a mi a " ti a phei mai a tum chu u Joel an "ngai tawh lo hmeichhia an awm hi " alo ti ve thung a. 

An insual leh mai ang tih chu hlau tak ka ni, insual atak ah ka mi ngeiin ka hmuh vawi khatna ani maithei, rapthlak ka ti in 

An hmai ah tak an la in hnek siah siah zuia. Flim ah pawh ka lo hmu fo tawha, mahse film anih loh vang aniang ka luak a chhuak hlui thei. 

Kan haw lamah Chuan Juan bawkin min phur a, romol engmah ka veng bawk si lo va, a mit ko chu alo thi leh ser ser zela. 

"I mit kha " ka ti dek dek a "ana lo" alo ti nghut a, ka zawt lo tawp ang ah...... 

A nat leh nat loh zawh ka tum ve ani maia ti deuh hmek hmuk khan min lo chhang dawn tih hria ila ka be lo chiang viau ang chu. 

"Ana lo tak tak " lo hawi zeuh hian ati a, a inthiam lo ve deuh nge , a aw a inthlak rang khawp mai. 

"That chu" ka lo ti  a, "hmmm" atih ri chu ka hria mahse ka chhang tawh lem lo, 

Nakin ah an intibuai leh mai ang tih erawh ka lo hlau em em thung a. 

Ka pi te in kan thlen Chuan an lo lut kawi tawhlo Baby in ka number min dil a, ka lo pe ve mai bawk "ka lo bia ang che....." Atih Chuan "min lo be ngei ngei rawh" ka ti  ve nghal thuai a. 

Inchhung ka luh hma a ka leh hawi Chuan Juana Chuan min lo la en ren rawn a, ka nuih deuh saka inchhungah u Joela nen kan lut zui nghal a. 

Khuma ka mut leh pawh Chuan ka rilru ah , Juana bawk a awm leh tawha , a haw tlang nghal a ngem tih vel te ka ngaihtuah ee... Duhzuala an Casualty ah a kal pui dawn  tak e..... A hliam kha anat hmel ve ang reng sia. 

Engtin nge a kah theih zawk le, a hnek pa pawh kha Ana viau in ka ring. 

Zing ka thawh meuh Chuan dar 9 alo ri duai tawha, tuman min kai tho lo chu mak ka ti zawk, tho hma thang vek an nia.  Mami pawh a tho daih tawh aniang ka bulah a mu ve tawh lo. 

Rang deuhin ka tho chhuak nghal a, hmai ka phih zawh velah inhnuai ah ka chhuk thla nghal. 

"Ilo tho tawh maw" nu Maduhin alo ti var var a "umm.. Thawh ka hai chiang " ka ti ve nghal zat a, "pawi hleinem.. I mutui tihna ani mai a " alo ti var a. 

"Ka te hi khawi ah nge" ti a ka zawh leh Chuan "dawrah a kal lawk aniang, kuhva a lei dawn in ka hria" alo ti leh maia, ka sawi tawh ang khan , ka pi te vengah hi Chuan kan awmna a rei tawh a. Veng chhung mi te phei Chuan ka nu leh pa an hre lutuk. 

"Kan Joela hi ala tho lo ami le" nu Maduhin chawhmeh chawh paha atih Chuan, "tho lo ang... Nizan ah alo haw har lutuk" ka lo ti a, kan chhuah leh thu erawh ka sawi duh lo thung. 

"A buaithlak anih hi.. Ipi pawh.... Alo harh tawha, ipa Zo a ava kal kha... Chhun ah I nu te ho nen kan, va kal ve dawn nia chaw te hi ei phawt ila" alo tih chuan ka hnial lo kher mai. 

U Joela chu nu Maduhin ring tawk tawkin a au tho leh ta nge nge a, phak chialin alo chhuk thla, kan lo en thup  chu mak ati deuh nge "ka va hmuhnawm awm ve... " atia, "va in phih fai teh" Nu Maduhin alo ti hlak thung. 

"Dawn e.. Ka kawng I dal alawm" tih pahin a nu chu mit ko a San ak a, "min hel ve mai la... Pot ka chawi hi" nu Maduhin alo ti ve thung a. 

"Awle pi ber " tih pahin a hel kher a nu Maduhi Chuan a ben chak hmel a nia aw.... 

Ka nu in "chhun ah  Chuan kan va kal dawn nia aw " Chaw ei laiin ati a, 

"Nia..... Chaw hi ei kham ila Mami lo kal ve i  duh em" tia nu Maduhin Mami a zawh chuan in alo nghah tur thu alo sawi maia, pakhat tal in innghah a ngai hrim hrim dawna. 

U Joela a kal ve leh ngei ngei dawna, Mami'in in nghah a duh chu ka lo lawm rilru khawp mai keimah te min nghah tir ang tih ka lo hlau. 

Hakthlak tur engmah kan ken loh avangin u Jenny nen chuan Taxi in kan haw phawt a, in ah kan han inthlak zawh hnu ah, muang changin Damdawiin lam kan pan. 

Covid lai anih avangin damloh na velah hi chuan tam lutuk kal  an phal lo va a chhungah phei chuan luh an phal lo tawp ti ila, ka sawi sual kher lo ang. 

Ka pa leh ka pa Zoa te chu an lo haw tawha, Doctor te ho in kan tam mah mah an ti, tunah pawh. Mahse ka pi kan  hmu chak vek a, Cabin chhunga luh hma in kan in test phawt a. 

A rei lem lo , kan Negative vek avangin amal te te chuan Cabin chhungah chuan kan lut a, Vawi leh khat ah luh huk an phal lo miau a. 

Puilting an luh zawh ah, ka lut ve a, ka pi chu alo muhil a, a bulah va thu a  , a kut chu ka ha hum sak vung vung a. 

Chutia ka pi natna khuma mu mek chu ka lainat thar hle a, ka mittui  ala leh ringawt nia, mahse Doctor te'n a tha leh vat mai ang an tih kha maw..... "Pi lo dam  vat vat rawh aw" tiin keima hriat tawk te lek chuan ka phun sep sep a. 

Midang ho an la awm laiin keichu haw mai ka duh tawh thunga, u Jenny nen bawk kan haw hmasa . 

Zirtawpni chuan ka pi pawh alo chhuak ve leh dawn a, kan lawm khawp mai.... 

Lockdown lai te ala nih bawk si avang chuan kan zuk kal nghal thei lo va,

 Task Force  ho in min zawt chik thei em em bawk nen, Chawlhni ah kan kal tur thu in ka pi te in lam chu kan be ta ringawt kha ania. 

Hun a kal ve zela, Online in class kan kal a, kan SU ho in Group an lo siam a, Juana te thian ho pawh an awm vek. 

"Hemi Group hi zawhna in chhan thiam loh te leh SU kan nih anga in thiam loh te, in hriat loh te, min lo zawh nan in lo hmang dawn nia in za vaiin kan lo lawm vek a che u" tiin Description ah chuan an hmanga. 

An lo ri nghal sap sap a, ka left mai dawn a mawni ka tia mahse kan thianho te pawh an awm vek avangin an left hma chu ka left bik lo ang ka ti. 

Zan ka mut na ah chuan Thawnthu ka chhiar vel mai mai a, Dar 9 vel thleng chu ka chhiar maithei. Mut chhuakin min lo zem tan a, ka chhing diar diar ti ah, Group Video call an lo tia Lalthalini te ho in. 

Ka rejected hmak , ka tho chhuaka hmai te ka phih zawha khum a ka mu leh chu ka mutchhuak a reh vek a, WhatsApp ah chuan ka online leh vel mai mai. 

College kan kal tirh atanga min star deuh Tu, Juana nen kan ni tih a hriat hnu pawha min la duh ngar ngar Tu a awma, chu pa chuan "I mu tawh em" alo ti leh tawh. 

A zantin hna hi ani  ringawt ka reply ngai bawk si lo, a beidawng har ka ti tak tak. 

Status ka en kual lai chuan Juan an status alo Just now a, ka view ve nghal zat bawk.  "Saw ti lamah ka...." tih te hi alo status a, kan in be zeuh zeuh a, mahse kan in hnial ziah thung.

Bialnu a neih leh awm ka hre leh ta miah lo a, lo nei pawh ni se enge ka buai vakna tur a awm lo em mai ahhh..... 

"Type zo ve la" tiin Duhzual an Status alo nei ve leh thunga , Juana status kha alo chhang ni in ka hria. 

"Ka ngai thin nunhlui" tiin Hming'an alo nei ve ngei a, amah nen a in hmeh lo lutuk anih vang chuan , ka nui put put mai. 

Chutah Lal Juana bawk chuan

 "ka ngailo ngailo che" tih hi alo hmang leh a, min tih chhan ni hawt si lo ka thin phu alo dang ve ringawt. "Be mai la" tiin Duhzuala chuan alo hmang ve leh a, an ho ka ti tak tak..... 

"Chu chiah" tih hi U Joel an alo hmang ve leh zeuh a, ka pi a dam leh tan tawh bawk sia u Joela hmel hmuh pawh a, nuam leh tawh lutuk. 

"In van ho mai mai mu ru" Thaliani ve thung ani. Number hi kan in save ve veka, ka thiante pawn an hmu vek ang chu...... 

"I thu lo em mai nangmah kha mu lum rawh lulian" u Joela chuan Thaliani chu alo chhang, an inhnial rei leh ngawt ang chu. 

"I thu lo ve e...." Thalian in alo ti nghal zata, kha ka sawi reng kha an inhnial leh char char mai ang. 

"Chu chiah chu chiah" tih hi ka hmang ve a, ka thiante chuan alo View rang hlawm khawp mai, "enge i chu chiah chu chiah chu.. Tu ber kha nge ilo chhan" Juan an alo tih chuan, ka lo nui hak mai. 

"Duh duh " tih chauhin ka chhang a 

"A changtunu alo che ve ta tlats mai 

Oh My God" Duhzualan ti hian alo hmang ve leh a, keimah min tihna ani tih chu kan hai lo tlang vek ang chu. 

"A changtunu leh a changtupa an la in be tha thei lo Guys" tiin Juana chuan alo hmang a, "enge ka biak that loh na che" tia ka reply chu... Ka thawn rual rualin ka inchhir chawp chilh nghal. 

"Eh...alo reply vel" atia min lo chheih nghal zat a, ka seen rang khawp mai. 

"Nge.. Ka be tha lo ang che a I sawi kher" ka tia "khawi lai ah khan nge.. Chutiang ka lo sawi " alo tih chuan "I status ah I hmang kha aw... Hrelo der lo mai rawh " ka ti deuh duah. 

"Hmm... An in be tha thei lo ka ti lawm enge ilo in ngaihbel tihna mi "  alo tih chuan, ka lo ingaihbel ve ringawt tih ka hre chhuak hnu hnaw ah keimah te in chhungril lamah ka lo zak chem chem mai.. Awi ka zak lutukkk.... 

"Ka ingaihbel kher ka ti lo a " ti a ka reply chu "aw.. I ingaihbel loh chuan ava pawi" alo ti leh ang lawia ka reply peih tawh lo e ah... Mawl hmer hmuar em maiii.... 

Status ah Thaliani leh u Joela an lo la inhnial anih chu, an va peih mai mai Thaliani phei chu a status a de vek... 

A tam hman lutuk ringawt "I thaw ve nih chu" tih mai mai te, "I lu khum phek anih chu" tih te, "class 8 ah khan engmah nilo" tih vel mai mai aho ka ti lutuk chu ka nui ka nui a. 

U Joela ve thung chuan "luruh ring" tih te, "kha kha chu.. A rei tawh " tih te, 

"I hre hlui... Lutuk chaturr" tih vel mai mai te ania an inhnial na chu. 

An pahnih number nei ve ve lo tan chuan an status en ringawt chu hriatthiam a har an ti ve viau ang chu.

Naupang chhia lutuk hian aaaaa... 

Mut tuma ka phone ka lukham hnuai a ka dah chu alo nghawr leh dat thin a, 

A rik tak sek ah chuan ka ning ta deuh a, 

Ka en chuan Juanan eng eng emaw alo sawi deuh  teuh mai. 

Rang deuh in a message min lo thawn  chu ka open nghal vat a, mahse le... Thu pawimawh pakhat mah a sawi miah lo. 

"A for Apple, B for Boy C for Cat" tih vel alo type chhuak vek chu alo nia... 

Thu pawimawh min lo thawn ve emaw tih nak lai hian avan han peih tak, ka thin te lam lam a rim dawn dawn alawm. 

"Hnek i duh em" tih hi ka va thawn hmasak ber ania, "min lo hnek" tiin min lo chhang nghal zat. 

Ka thaw halha ka bulah chuan awmse ka hnek hrim hrim ang....... Chu chu ni ta wo

"I van  hman ve mu tawh rawh" ka ti leh a, "ka mut chhuak se ka mu tawh hrim hrim ang" alo tia. Min ti dang lel mai. 

"Nih tak chu.. I mut theih loh vanqjcgin enge A for Apple tih vel mai mai minq lo thawn a " ka va ti leh a, thinrim deuha ka type vangin ka type sual nawk nawk mai.... 

"Enge minq chu... " alo tia, a nghal a chhuah leh dawn anih hmel, "I hre reng.. Ka sawi peih kher lo" ka ti leh a,

"Ka hre tak tak Mawimawi" atia , deuh kher a ka hming a min koh tel kher. 

"I hriat loh chuan ka mu dawn.... Muttui lem loh aw" ka va tia,  "lawks" alo tih chuan.... 

Ka kut zung pui  zawng zawng nen "engeeeeeeeeee" ka va ti tuarh  mai , sawi ho leh awm ropui si..... 

"Ihh..... Vai pathian nen in in ang na I hre duh em" alo tia, teh daih Chuan ah... 

"Vai pathian nen maw" ka tih chuan 

"Yup" alo tia, sawi tura ka tih hnu ah. 

"In thinrim leh in tihtauh hian vai pathian ang maiin biak tawng i har" alo tih chuan, ka nui dawn nge ka thinrim dawn pawh ka hre lo e ahhh..... 

"Awleeee" tih chauhin ka chhang a, 

"E Chuan maw" alo ti leh, hepa hian min mut tir a tum lo che.. Min chheih hi nuam ati ve hrim hrim pawh ka hre nek lo e.... 

Ka reply tawhlo na in, a type mek chu ka lo chang ran thung a, "ka ngai lo ngai lo che" alo tih chuan ka thinphu a dik lo nghal thei nia..... 

Sawi mai tur ka hrelo Chuan "awlee" ka ti ringawt a, min reply tawh lo. 

Zing ah pawh Chuan min reply tawh lo va, 'awle ' ka tih ringawt vang khan ami le... Te ka tia.... Mahse awle ka tih mai loh ten engtin nge ka reply vak Chuan ang... 

"Keipawn" ka ti dawn ami.... Teuh lo mai ah, ngai ve tho mah ila....ngai anga awm chu ka duh loh dan ber te zing ami ani..... 

CONT-