ENCHANTÈ CP-15

ENCHANTÈ CP-15

BY: Aphrodite story

Nizan lama Juan an min lo biak dan vel ka ngaihtuah chhuak leh thut thut zela, ka thin phu rang leh zawk zawk thin chu, ka hlauh thawn vang anilo tih erawh ka hre chiang hle thung a. 

Dar 1 velah lehkhabu chhiar mai mai pahin hla ka ngaithla a, hrileng bawk nen tih tur avang bawk sia, ka pa inhnuai ah a mu thlurh thlurh a, ka nu erawh in Pangpar vel a buaipui leh tawh. 

Forever par leh Saron hi a uar ber a, a bikin Saron par phei chu, a senno dal te, a duk deuh te, a var leh a purple deuh lek lek te. A nei ngah lutuk a, kan in kawt an ti chep vek thin. 

"Ka ning e..... A dik theilo Mate.... Min lo pui lawk teh vat in" u Jenny in a room atangin ring tawka min lo auh chuan ka tlan phei ti tih a. 

Ka va luh nak chuan a mithmul alo ziat a, a ziat hnem em em lo na in........ A mak ve reuh lutuk cartoon a ang haha... 

"Ehe.. Engtin nge i thiam zawk a " ka va tih chuan "min lo pawh mai rawh ka ziah chuan a dik theilo " alo ti hlar a, nui pût pût chung hian "ka thiam lo sin... " tih pahin khum ah chuan ka thu thla a. 

"Ka mit hmul hi pawh ve angai tawh ngem han en teh" ka tih chuan "ka pawh dawn che nia.. I lang thar sur mai ang" atia, ka lo pawm hmin thakkkk.... 

A chhan chu inchei a thiama, in neih leh eng eng emaw velah u Jenny min chei bak chu ka duhlo, ka u neih chhun leh ka thil engkim ka hrilh ngamna ani miau a, 

A theih ang tawk chuan min duat ve viau bawk. Kan kum a inthlau ve ang reng bawk nen, nikhat lek pawh hi a tel lo chuan ka awm theilo tiang vel chu ni... 

In hauh a in vin te hi kan nei khat lutuk... Min zilh ngai lo a, "zilh turin i awm lo va awm lo chhun zawm zel ang che "atia.

Fel min ti ve thaw khat ah ka ngai hmiah bawk. 

A mithmul ka thiam ang tawka, ka tih rual rem sak hnu chuan, min pawh ve a, ana zuk zuk a, mittui a tling leh pam zel. 

" ti kha chuan i tha leh sawt anih kha" atia, a nui ver ver a. 

"A nalh zawk tiraw.. Mahse ka in hmu mak tawp" tih pahin darthla lang ka kut a ka ken lai chuan ka in en uluk khawp mai. "A nalh zawk.. I inhmeh zawk bawk" tih pahin a drawer chu a hai rek rek a, ka chhang tawh lem lo. 

Ka room ah ka phei San a, room ka luh rual chuan hla ka play tih ka hre chhuak chiah. Ka lo theihnghilh hmin thak atin ni. 

"Ilo la in play elaw" tih pah hian khum ah chuan ka thu a, camera hmet chhualun in selfie vel mai mai chu ka tum a, u Jenny in "Mate inchungah thla han la ila" phur hmel deuh hian ka room kawngkhar bulah chuan alo dinga, a nui pah sang bawk. 

"Tunah maw" ka lo ti he haw a... "Naaa.. Ni ala sa ee" ti a ka lo chhan chuan, 

Kan in chei anga ni atla leh der ani mai", atia, tunah dar 1 leh chan ve ari tawk a, ni a tla tep han tih. A awm hian a anglo lutuk. 

"Van ho tak" ti nang nang pah chuan ka phone chu ka charge a, "I kawr var kha lo ha rawh aw" atia, a room lamah a phei leh nghal a, u Jenny hi chu thlalak uar ngang ania, keiin ka uar ve teh chiamlo thung. Ka thlalak neih ho pawh hi ama min lak sak deuh vek. 

Inchung zawlah chuan kan han chhuak chho a, kan in bul mai a mipa rual awm ho chu an thawm a tha Ham ham khawp mai. Nunpuia te in ani in ka hria, kar hmasa khan an lo in sawn a, Remremi pawh ka hmu leh zeuh zeuh thin. 

Nuna hi Juana te thianpa kha ania, ka hmu ve em em ngailo na in, Juana te nen an in pawh hle tih chu ka hria. Remremi pawn Juana hauh chu na atih khawp kha maw.... 

"An van bengchheng em em Tu te nge a" u Jenny pawh chuan ati a, kan in bul lawk ani tak tak a, kan huan awm loh na lam zawk ani sia, tukverh atang a lo dak chhuak chu Duhzuala alo nia... Nui var var hian ban alo vei a, u Jenny in "in van han bei ring em em.... Lalduhzual" ka u in alo tia. 

"Lo kal ve rawh uJenny " atih chuan "hei thla kan la dawn... Lo tel ve zawk rawh" pakhat in atih chuan "ngawi teh... Ka hman lo kan ... " atih leh lai tak chuan Juana pawh alo dak heu mai. 

Ka lo hawi sawn nghal vat a, "in van tam hmel em em... In leng thei bik elaw" u Jenny pawh chu a nui ta ringawt, an ni thian ho hi Hri leng hian a ti buai pha ve lo tak tak anih hi aaahhh.... An duh hun hun ah an leng bik nia. 

"Chaw kan ei khawm dawn Nuna Birthday hi nia " Juana chuan alo tia, "nuam dawn ve.... " ka u in atih leh chuan "in thlalak chu hei lo thawn ve rawh aw.. I nau a ngai thei teh mai nia.. Lung lengin a kiu vawng vawng zel " lo ti lang lang Tu chu kan duhzuala bawk ani. 

Ka va en phei hrak a, Juana chuan engtin mah ati miah lo, ngaihawm deuh hian alo nui mai a, Ka hlauh zawk tak chu ka la inhnuai ah a mu a, a lo hria ang tih ka hlau. U Jenny chu a nui hak hak a, "thawn dawn chiang" atih chuan na lo te in u Jenny dar ah chuan ka nam deuh salh a. 

Thlalak pawh chu ka phur teh chiam lo khawp mai......an thian ho chu an bengchheng ang reng sia, hla an play deuh dup dup reng a, ka lu te an ti na nisa bawk si "ka peih tawh lo.. Nisa si... Ka thu vek dawn " ka tih chuan "khawi a rei tawh lo ang.... Hnung lam zawng khan ka lo lak leh ang che" atia, hnung lam min hawi tir nghal rawk rawk a, tum bur chungin ka hnungchhawn leh ran mai. 

Thla ka lak sak ve lai chuan ka nu alo chho a, "an van han bei ring reuh Tu te nge a.... Awm thar te kha ami" alo ti nghal a, "aww... " ka lo ti vat, engmah a sawi lem lo a, Sintex chu alo chhin tha a, a chhuk leh nghal mai bawk. 

Kan chhuk thlak leh hnu chuan, ka phone charge pawh alo full tawh a, inbual turin bathroom ah ka lut tlang nghal zat. Ka zawh vel ah inhnuai ah ka chhuk a, October thla tir ani tawh bawk nen tlai lam boruak chu a nuam thin khawp mai. 

"Mate..... Mawimawi dawrah chini leh Bawnghnute va lei lawk ta che " ka nu in tv ka en laiin min lo ko a, "an in hawng dawn ami" tiin ka lo chhang. Tlai lam ah hi chuan dawr an hawng ve leh deuh a, mahse kawn ah daih va chhuah a ngai thung. A hla chuang lo a, ka peih lo ve hrim hrim chuvanga, ka nu pawh tiang a chhang kha ka ni. 

"Hawng e.... Nu Sangtei pitar zawk te dawrah khan aw... " atih leh takah chuan, ka tho tuah tuah a, pawisa ka lak laiin ka pa chuan "mask vuah rawh aw" alo tia, sawi lo mahse vuah chu ka tum hrim hrim a, Fridge sir ah Mask kan khai chu pakhat ka la a, vuah pah in. 

"A bangin thil ka lei dawn nia" ka ti a, min chhang lem loh avangin a phal ang ah ka ngai hmiah. 

Ni ala tla lo va, pawna ka chhuak chu u Jenny in in chung atang in "Elaichi min lo lei teh aw... " alo tia, inchungah thla alo la leh tawh nia, kawr dang a ha, tawh bawka, ava han peih tak emmm! 

Ka chhang lova Gate chu ka hawng zui daih. 

Ke in kawn vengah chuan ka, va phei hnak hnak a, Veng hruai Tu task Force ho an lo Duty chuan tlemin ka zam ve deuh. "Kha... Mawimawi khawi ah nge i kal dawn" lo ti tu chu ka la thianpa pa Laizika alo nia, "dawrah ka kal lawk dawn a" ka tia, ka tawng ring lem lo hle. 

A bu nghat nghat a, ka kal sawn lai te chuan ka thin a phu deuh dêp dêp thei nia, min vaw dawn pawh ni lo ka hlau ve em em tho. 

"Nu Sangte Bawnghnute leh Chini min lo pe" dawr chhunga luh pah hian ka ti lut lang lang a, ka mi hmuh te avang chuan ka meng phawk deuh maithei. 

Juana te thian ho an lo thu thap nia, 

"Mawimawi thil min lo lei " Duhzualan ka dar a lo kuah pah hian atia, "pawisa ka neilo..... " ka lo ti ve thung, "hmm.. Nei lo la dawrah ilo kal miah lo ang" ati leh zela. 

Ka pawisa ken zahnih tlang chu ka hmuh ve nghal zat "ka nu in min tir... " ka ti leh a, Juana lo tho vut chu ka hmu reng kan lamah alo phei a, Duhzuala chu a kuah hrang daih bawk. A awmdan chu ka ngei tawk alo tling lutuk ka chek tlak a. 

Ari chu a hria nge alo leh hawi vut a, min melh rum em em leh nghal, a pawi ka sawi pawh ni hawt si lo min melh rum ringawt nia...... Haa "enge kha ti vaka min melh a " ka tih chuan " ka men dan ve hrim hrim" tiin a kiai suk ringawt a. 

Ka lo melh ralh thung , a men dan ve hrim hrim pawh ni mahse tuna min melh dan, kha chu Duhzuala kha a thik ani chiang mai..... Ka nui aza deuh ta tlat a, Duhzualan a kuahna peih thlak a tum pawh chuan a, kuah nghet khawp mai. 

"Zawnga.. Min thlah teh Mawimawii thil ka in lei tir dawn" tih leh a kut chuan ka, kawrah lo pawh a rual a, Juan an a kut chu alo man leh chiaha, "amak e...awm hle hle rawh.... Ka ngai che lawm" alo tih chuan ka lo nui chhuak ta hak hak a, Nuna leh Hminga te pawh an lo nui. 

"Duhzuala chu hrethiam lo thei e.. Nuna khan alo tia, Duhzuala chu a meng buai nak mai. Chutah Duhzuala chuan " eee" alo ti hluai a , Juana chu Kiss tum ang deuh hian a hnaih a , a biangah a chuk zeuh Chuan Juan an alo ti leh thei si lo. 

"Zawnga.. Iva han tawp tak" ti a phun hluk in a lo tho a, Mipa ho chu an lo nui dar dar a, keipawh ka bang chuanglo. "Mawimawi a hnuai ah khan chini chu a awm aw" nu Sangtein alo tih chuan nui pût pût chungin ka thu thla a, mipa ho Chuan Juana chu an chheih zui nak nak a, "thik thu pe chhe ve thei sia maw" Duhzualan alo tih chuan "ka thik aw kawng lo che" pakhatin alo ti ve thunga. 

Tuna mi kha chu a thik chiang alawm, keipawn ka hria, thik ho ve thlawt mahse.......kan Juana ani miau a. 

Pawisa te ka pek fel hnu ah dawr atang Chuan ka chhuak leh nghala, "Mawimawi" ti a min lo au Tu an awm avanga Chuan hnunglam chu ka hawi thuai a, ka lam panin Juana alo phei mek, kan inthen tawha, Covid lai pawh ni mahse kan in hmu ngun deuh mah mah chu ni. 

In her leh mai ka tum ut ut a, mahse ka bul alo thleng der, ka lo en rân a Thu pawimawh tak a sawi loh chuan ka phei nal nal ang ka ti rilru. 

"Zanah lo phei ve la" atih Chuan "khawi ah maw" ka lo ti Haw a, "Nuna Birthday cake an zei dawn" atia, a men rum em avang Chuan a pawi ka sawi ta emaw ka ti hial, a tawng erawh a dam ang thlup a. 

"Ka hman lo" ka lo tih chuan "I hman I hman" atia ka lo melh kha kha ringawt. Min nuih tlawn deuh tlatin ka hria, a nui deuh suk suk a, a hmui hnuai a pet leh ren rawn hnu ah, "Joela alo kal dawn, lo kal ang che" atih leh Chuan. Ka lo phun hluk a, a mit ko alo San ak thung. 

"Nangni ho hi.. Hri a leng tih hi in hre ve miah lo ami" ka tih chuan "hria e" ati leh ang lawi a "in leng nasa ropui si... Khawnge I mask" ka tih chuan a hmui leh a biang vel chu a dap nghal a, 

"Ahhh... Ka vuah reng sia" tiin a nui hak a, hmui ka lo ti sawi nang nang mai. 

"Mask vuah nachang in hre bawk si lo... Min kai vel ange aw" tih pah hian ka din hlat a, ka fiam deuh pah , a kiai duh lek chauh a. "Ka kal dawn.... " ti a ka in her Chuan "lawks" atia ka dar ah vuanin min pawt her sawk a, ka Taza lei ka thlauh tel mai, rum hawkin ka melh rum vak a, "ohh sorry" tiin a chhar a. 

"Tihpalh tih in awmzia awmlo a tla vek tawh" ka lo tih hlak hlak lai Chuan a chhar lai chu ka lut la in min pe a, a nui pah sang a , tuk lawlh ka va chak e chhe seng sawng lutuk hian ah.... 

"Khatia min nuih tlawn vel pawh ngailo aw.. " ka tih leh Chuan "ka nui ami.. " atia, a tum leh deuh hmuk a, hepa mize hriat thiam har lutuk thin hi chu tun thleng hian, ka la hrethiam lo. 

"Sawi rawh.. Ka Haw duh tawh rei min tawh ngawt ang" tiin ka ke chu ka per deuh et et a , "zan chu aw.. " a tih leh Chuan ka ding zawi hnawk a, ka kut leh lama kawng dawm pah hian ka thaw halh a, mit meng dul deuh ruih hian. 

"Ka pa in chhuah a phal lo" ka ti a, "phal ta se"......... Ka ding ngil at a, ka chini ken na lam kut Chuan ka tin zuau a. 

Nui ruh ruh hian a hmai zawnah alo in dang a, min chheih thinrim a tum tih ka hria, nuam ati ve hrim hrim a nghal a chhuah leh tlat tawh. 

Engmah sawi lo Chuan ka in her San ta hmak a, chak deuhin ka kal hlak hlak bawk...... Hnung lam atanga " ka lo sawm dawn che " atih pawh Chuan ka hawi let tawh lo. Ka pa in a phal dawn lo a, chu mai bakah Remremi te in ah leh nghal ka van han kal awm lo chiang kuang eltiang tak em.....! 

In ka thlen Chuan ka pa in "I va rei ve" alo ti a, "nia.. " tih chauhin ka chhang, chhuan lam tur ka hrelo. 

"Taza kha Fridge ah dah nghal rawh aw"

Ka nu in alo tih chuan ka dah ve nghal mai a, "zanah ipa te an Committee dawn a, chaw ei hma ngai dawn nia... " ka nu in alo tih leh Chuan, ka rilru ah Birthday lawmna a kal ve theihna chance tih alo awm ringawt nia...... 

"Khawi ah eng committee maw" tih pahin Fridge atang Chuan tui ka la chhuaka, ka in nghal khawlh khawlh bawk. "Task Force ho" atia, ka pa in "nia.. Chaw ei vat a, ngai dawn tunlai phei chu tlangval awm tha duh lo an tam riau leh nghal a, zan rei vel ah Bike ring deuh deuh a khalh an tam tlat , uluk leh zuala Duty a ngai dawn" atia hrilh bik em em nei lovin a sawi ani ber. 

"Nia... Nizan hmasa pawh khan thenawm te in velah sawn Bike panga vel chu an ding thut mai, awm thar an ni sia...an pa ber saw chu ka hria... Nangpawn pa a.. I hria ang kha " tih pahin ka nu in ka pa Thu sawi chu alo tui hnih ve zat a. Inchungah ka chhoh San daih thung. 

Ka phone ka en Chuan Lalhruaitluanga Message alo awm a, "ka ring che nia" alo ti ringawt nia, leh ngawt ngawt zel Chuan...... "Min ring suh " tiin ka va chhang let a, a seen rang khawp mai a online lai ani miau a. 

"Ka ring tawh che muah" atia, a thil lo thawn chu ka ner khum nang nang mai. 

"Uakk... Ka lo kal dawn lo nia chu lo ah kan inthen tawh" ka va ti leh duah, hetia ka tih duah thin loh hi Chuan min chheih emaw min fiam zela, sawi duah thin hi ngai tlat zel alawm. 

"Ka then leh lo che" alo ti pek anih chu ha mai mai Chuan a duh hun hun a nihpui thei ah min ngai a mawn le, "kan inthen na te chu a rei tawh em kha aw... " ka tia, "rei mi... Nimin lawks" atih Chuan ka beng dawt chak ka bulah awm se chu ka ben loh pawn ka sik hrim hrim ang. 

"Ka lo kal dawnlo chu chu tawk..." Ka tia phone pawh ka dah zui hmak, mahse le min lo reply let hun ka chang leh ang lawi a, minute 3 velah pawh min lo la chhang let loh avang Chuan ka online leh a, a seen a mahse min reply tawh lo . 

Enge maw hepa message mai mai ka lo chhân ang le.... Teh thlawt ah

Dar 6 vel ah chaw kan ei kham a, thlasik boruak vawtin min lo tham leh er er thin, vawt ti hma chi ka ni bawk nen October thla tawp lam chu vawt ka ti tawh lutuk tlat. 

"Ka lo Haw har maithei kawngkhar chu lo kalh mai ru aw" tiin ka pa in a chhuah dawn Chuan ka nu a hrilh a, ka pa hi Local Task Force ani ve a, an in duty chhawk thin thung. 

Thleng ka sil lai in U Joela aw ri ang deuh leh Duhzuala tawng lang lang ri ka hria a, kan in lam ah an lo kal ni in ka hria, hemi te hi min lo sawm an tum tak tak mi le....... 

"In awm em" ti in Duhzuala ngei mai Chuan kawng khar chu alo kik a, "awm s lo lut rawh" ka nu in alo ti thuai bawk. 

Ka thleng sil lai chawl meuh Chuan, sitting room lam chu ka va hawi a. Ka rin ang ngeiin, u Joela, Duhzuala leh Juana te an lo ni . 

"Mama chu teh hlawl che u Chuan" tiin ka nu Chuan alo be nghal siam siam a, Duhzuala leh u Jenny in hrilh ru sar sari chu ka hmu reng, u Jenny in min lo melh Chuan, a nui suk a enge an sawi le.... 

Ka thleng sil lai chu ka sil sawk sawk a, ka nu in "mate thleng kha sil thuai thuai rawh.... Hei I thian ten an lo sawm che hi" ka nu in alo tih chuan phawk lutukin ka leh hawi a, "engah Chuan maw" ka ti ha, engtin tak sawi ang maw. 

Birthday mai mai chu an sawi lo kher ang chu. "Tunge khah... Babyi nu a boral a, I thiannu ani lawm ni" ka nu in alo tih chuan, "maw.. Maww" ka ti ban deuh charh a, u Jenny in, "ni e.... Babyi a nu a boral alawm keipawh lo kal ve rawh, min tia mahse.... Ka kua tha chiah si lo va ka kal ve lo mai ang" atih Chuan ka lo en ha ringawt tawh. 

Ka u pawh an lo hmin let der anih hmel, "Mawimawi ti vat vat la..... " u Joel an Thu tak hmel fahran a alo tih chuan, Duhzuala leh LalJuana te ka en vat a, lem chan an van han thiam em em ka ti tawp, an hmel a Thu tak rân a, Duhzuala phei chuan Babyi nu thih dan chu kim chang deuhin ka nu a hrilh a, ka nu in alo awih em em chu ni awm sia awi leh.... 

Dawt an sawi anih kha va ti ringawt ila, ka nu zawk hian min hauh daih ka ring a, thleng pawh chu ka sil hman hmawh viau tawh. 

"In va tlaivar ve nghal dawn em ni in van han, fel em em" ka nu lah Chuan ati siam siam a, mipa ho chu an nui miah lo. Dawt sawi an ang lo reng reng. 

"Ka han inthlak lawk a nge" tih pahin Juana chu ka melh kher a, pawi sawi loh hmel deuhin min lo melh let thung. Rum ang reng tak a ka melh avanga chuan a hawi sawn daiha, ka va han ngei mai mai reuh tak. 

Mitthi in a kal tur anga min lo sawm miau avangin Puan dum ka bih a, kawr lum ka keng leh a, phone ah na tur tiin ka sling bag hring duk ka ak chhuak bawk. Room atanga ka chhuak dawn ah ka in ngaihtuah leh te te a, ka va han peih lo e... Tlaivar theih tinge an tih kher kher le.... A zai theih chuang bawk si lo va. 

In hnuai kai lâwn atangin u Joela chu alo chho mek ka hmu a, ka room kawng khar bul alo thlen chuan. "Tinge dawt in sawi" ka ti bak hlar a, nui pût pût chung hian , 

"I bialpa rawt" atia, mak ti deuh in ka lo en thung. 

"Lalhruaitluanga rawt chhuah maw ni a" ka aw chu a ring deuh a niang , a kut zung chal chu a hmui zawnah a ti pir chho a, ka hmui ka lo hup ve thuai bawk. 

A lu a bu nghat nghat a, keichu ka lo thinrim leh et et tawh, engvang phiansen in nge maw... Min tih buai sek le . 

"Ka peih lo e" ka sawi tawp lam chu ka aw a lâwi lek lek, "a hnuai ah kekawr tlawn ha rawh" atih chuan ka chhanglo, ka ha sa . 

Inhnuai ah kan in zui chhuk a, rei pawh thu lovin kan chhuak ho a, "khawi ah nge in mask te" pawn kan chhuah ruala ka tih chuan, an in dap sap sap a, an lo pai ve ngei ni tur ani an vuah ve ta lawm. 

"U Joel min phur rawh aw" ka tih chuan Duhzual an rang tawkin u Joela bike ah chuan a lawn a, "min phur " alo tia, a fiamthu mawn le hela pui reuh hi, a nghal riau zel nia. 

"A ninom e.... Khawi ka chiang dawn" tih pahin Duhzuala chu chhuk tir ka tuma, ala in vuan bet tai zui, "bike a keng lo Juana bulah chuang mai rawh" u Joela pawn alo tia, phur lo tawkin Juana lamah ka phei hna hna a. 

A bul ka va thlen chuan alo nui suk suk reuh leh nghal a , mask vuah mahse a mit atangin ka hre vek...ka tuk lawlh dawn mi le reuh hian...!!!!!! 

"Nui suh " ka va ti nghal hlar a, a dar alo kan ak a,"chuang rawh" ti ni tawm takin bike seat hnung chu a melh a. Ka chuang ve mai bawk. 

"Hmeichhe thut a, han thut hi chu ka ning tlat nangmah vang vek aw" ka ti hlak hlak a, "ilo kal theih dan awm chhun" alo tih chuan a nak ah ka lo sik a. 

A eu zawk mai kan tlu thelh ani. Ka ku ah nghal a, "kha..... Nangmah vang" atia, "ka thin alo phu nasa hman lutuk kan tlu dawn emaw ka tia" ka ti bawrh bawrh lai chuan, "min ring la.. Kan tlu lo mai ang" ati reuh a...... Ka lo ner nang nang mai. 

Kan veng kan pel a rei fe kan tlan leh hnu ah, in nghah khawmna deuh reuh lo awm ah chuan, midang ho an lo awma, an thian dangte an nih mai hmel. 

"Khawi ah nge Hminga te" Juana chuan ati a, Bike atangin kan chhuk lem lo thung. "Dawrah an kal lawk... Baby-i thiannu kha a rui lutuk kan hruai ve dawn ami" ti tu chu Nuna kan thenawm ami kha ani. 

"Hruai lo ang.... A buaithlak hmeichhe hruai an phun chiar si " Duhzual an alo tih chuan ka leh hawi vat a, "hmeichhia" tih pahin min lo melh deuh kher a, ka mask vuah lai chu ka khabe ah ti thla in, "Duhzuala sawi ni awm tak ani" ka tih chuan a phun hluk a, Midang erawh anlo nui dar dar mai. 

Hminga te an lo thlen takah chuan an Bike an ti nung sap sap hlawm a, mipa thau ve lampang khabe hmul nei Juana te ai chuan a upa daih ang, ka ring, 

"U Kelf" tiin an ko vek a, chu pa chuan Car var a keng thunga, Baby-i thiannu ti a an sawi chu, hmeichhe hmeltha tak ani. 

A vun a no nalh em em zui, zan thim ah pawh a ngo tih chu a hriat, a sam a tawi mat a, pawnfen chhing ang reng tak leh hoodie var a ha, vawt ati full lo anih ka ring. A in ha chhing em mai. 

"Mawimawi tinge puan i bih I inkhawm ami" Baby-i chuan Hminga Bike a chuan pah hian alo ti a, ka lo nui tawi tak tak khawp mai. 

"Inkhawm hun ani ami" Juan an atih chuan "hun lo mi" Baby-i chuan alo ti a, a nui pah kar kar mai, ka chhang lem lo va, min zawt zui lem hlei lo bawk a, Juana beng bulah chuan ka zuk kun a, "khawi ah nge kan kal dawn a.... " ka ti a, ka tawng pangai khawp mai. 

"Nuna Birthday kan lawm dawn" alo ti vat a, "khawi ah maw" ka aw chu a tial deuh rât mai, "kan spot ah " atia, Bike ati nung zui a, midang chu a tlan hmasak tir a, keini in hnung kan dawl thung.

"Khalh chak miah suh " ka tih chuan "dawn lo e" alo ti mai a, ka awih vak lo tunah khalh chak lo mahse ka sawi peih lo zawkkk!!! 

Kan tlan char char a, khawi lai ah nge kan tlan pawh ka hre tawh lo, hmun kil khawr, zawng zim deuh deuh ah min tlan pui a, kan hma a Motor tlan phei chu 

"I'm the one yeah.. I'm the one Yeah" an tia, an zai dual dual a, Lalduhzuala kha engtik laiin nge u Joela bike atangin a chhuk ka hre miah lo, a zai rin zia chu, zai tial si........ Ka nui chhuak hak a, Juana taksa pawh alo che dat , a nui aza ve ni tur ani. 

"Ava han zaithiam lo em em " ka tih chuan ka hma a mi chu alo nui hak hak a, keipawh ka bang chuanglo. Kan inthen hnu a kan nuih dun leh nasat ber ani hialin ka ring. 

Kan in be zeuh zeuha, vawt ka ti, ka taksa chu a mur leh chum chum zela, 

Kan tlan chak em em lo na in, a vawt lutuk tho. "Min lo kuah rawh" ka hma a mi in alo tih chuan , ka hnial lem lo a vawt em ani. 

A kawng chu ka kuaha, a hnungah ka bei hle hle mai... "Kan awmdan hi ka hrethiamlo" ti a ka phun chhuak sep chu, a lo hre pha ni reng tur ani. 

"Keichuan ka la duh reng che" alo ti a, ka mit ka chhing vang vang a, kan in ngaihzawn tan tirh te, ka star lai te mitthla ah alo lang a, nimin ang maia chiang vek ala ni. 

Juana ka kuah vang nge, vawt ka ti lutuk pawh a reh tan a, tlem chuan a nuam deuh tawh. "Kan thleng har tawh e " tih pahin ka puan bih ka sin chu ka pawt tha a, ka puan bih lai kha , ka sin daih a, thut a harsa bawk nen. 

"Kan thleng tep tawh" ati a, a kawngah bawk va kuah leh in a hnungah ka bei leh hle hle a, khawpui zik mur mur na lamah kan kal loh avangin van te chu a thiang bik em em mai hian ka hria. 

Arsi an lang chiang em em a, in a tlem hle bawk, kan chhuah khan dar 7 vel ani a, tunah Dar 8 leh chanve a ri tep. Kan tlan rei tawh si chu ka mal te hi a kham vek tawh. 

Tlem kan tlan leh hnu ah, Juana chu a ding dat a, ka lu pawh a hai ve chhalh mai. Ka tum thla thar ah, chutia lei a ka din rual chuan vawtin min lo tham a, ka in kuang kuah hlun mai. 

In te hi ania, lui deuh reuh tui khawh thla te reuh te kawngpui leh lamah chuan a awma, Car atang chuan hla an play ring bawk si a, kan thawm a tha ham ham khawp mai. 

Ka bula Juana lo kal chuan "vawt iti em" alo ti a, "umm... " tiin ka lo chhang thuai. 

Ka kut ah ah alo kai a, in te chhungah chuan min thut pui a, car phen a Lalduhzuala thil in karh karh chu ka va hmu a, no chhung ami a in zawh rual chuan a ner deuh sawk a. 

Ka en reng avang chuan min lo hmu ve thuai a, "min lo melh ker kawr suh... I in ve duh mi" alo tia "duh mai mai lo... " ka lo ti hlar thung. 

"Mei chhem ang u Joel" Babyin a kut chhem hlat hlat pah in kan awmna ah chuan alo lut a, "kan chhem dawn nia u Kelf-a khan thing tang ka keng ati in ka hria" tih pahin u Joela chuan a lays ei lai chu ka duh leh duh loh min lo zawt a, ka lo la ve mai bawk. 

"Nangni hi in ni leh tawh mi a" Babyi chuan atia, a mit ah chuan min ringhlel tih a chiang reng, a meng de sat ni ber hian ka hria. 

"Aih.. " ti a ka chhan laiin ka bula thu erawh chuan "kan in then ngai lo hrim hrim" alo ti thung a, Babyi chuan Juana thu sawi chu a awih hmin thak ni tur ani. 

"Ka ring rengah in in hau vel mai mai anih ma ring reng ah " tih pahin a nui kar kar a, awmze nei tawkin min melh kher sia, Lalhruaitluanga dawt sawi hneh lutuk chu ka sik zâwt zâwt chak. 

Car chhung atang chuan u Kelf-a an tih pa kha alo chhuaka, meizial alo pak khu luih luih pah a, kekawr bul nen, thing tang ro lian ve ang reng deuh pali alo keng phei pah a, Juanan ava lak sak thuai bawk. 

"Kan chhem hluah dawn nia" tiin a ipte atang chuan dildar a phawrha, a ei zui a, 

"I duh ve em" ti a min lo zawh chuan, ka lo ban ve mai. 

"Bawiha Bialnu maw" tih pahin min chibai a, "ahh.. Aihh" ka ti chu a hrelo a niang, "van nei hmeltha ve a " tih pahin Juana hnung chu a beng thak thak a,. 

Ka sawi lo law law ta mai. 

"Mawimawii tiraw I hming khah" tih pah hian hnai ang reng takah min en a, hnung lam ah ka eu deuh vak nghe nghe. 

"Aww" ka ti ban charh a "kha I dildar" tiin ka pe a, Juana te mei chhem na lo zawkah ka va thu daih a, Juana an a hmui a, a chhem hlat hlat lai chuan ka phone ah alo ri a. Ka pa ni. 

Cont-